CATEGORY
ព័ត៌មានជាតិ
លោកឧបនាយករដ្ឋមន្ត្រី ប៊ិន ឈិន បានលើកឡើងកាលពីម្សិលមិញថា ការទាមទាររបស់គណបក្សប្រជាជនកម្ពុជាឲ្យមានការរារាំងអ្នកមានសញ្ជាតិពីរមិនឲ្យឈរឈ្មោះជាសមាជិកនៃគណៈកម្មាធិការជាតិរៀបចំការបោះឆ្នោត ដែលត្រូវបានធ្វើកំណែទម្រង់ គឺមិនមែនមានបំណងរារាំងលោកស្រី ពុង ឈីវកេក...
សកម្មជនព្រះសង្ឃត្រូវបានអនុញ្ញាតឲ្យគង់នៅវត្តនាគវ័ន្តវិញ
ព្រះសង្ឃដែលមានសង្ឃដីកាឥតសំចៃមួយអង្គដែលត្រូវបានទុកពេល៤៨ម៉ោងឲ្យនិមន្តចេញពីវត្តមួយក្នុងរាជធានីភ្នំពេញកាលពីថ្ងៃព្រហស្បតិ៍នោះ ត្រូវបានអនុញ្ញាតឲ្យគង់នៅវិញ ប៉ុន្តែត្រូវបានដកតួនាទីជាមេកុដិ។
យោងតាមព្រះតេជគុណ ងិន ឃីម ព្រះចៅអធិការវត្តបានឲ្យដឹងថា ព្រះតេជគុណ កែវ សុម៉ាលី...
មេដឹកនាំសហជីពនាំនិស្សិតទៅមើលព្រំដែនជាប់ប្រទេសវៀតណាម
ស្រុករំដួល, ខេត្តស្វាយរៀង-បំពក់កម្តៅកំហឹងជំុវិញបញ្ហាដីដែលបាត់បង់ទៅលើប្រទេសវៀតណាម លោក រ៉ុង ឈុន មេដឹកនាំសហជីពកាលពីថ្ងៃអាទិត្យបានដឹកនាំយុវនិស្សិតនិងអ្នកកាសែត២រថយន្តក្រុង ពីភ្នំពេញទៅស្រុកព្រំដែនដាច់ស្រយាលនេះ ដើម្បីពិនិត្យបង្គោលព្រំដែនដែលមានជម្លោះ។
ដោយមិនដើរតួនាទីរបស់លោកជាប្រធានសមាគមគ្រូបង្រៀនឯករាជ្យកម្ពុជាទេ ប៉ុន្តែជាតំណាងនៃក្រុមប្រឹក្សាឃ្លាំមើលកម្ពុជា ក្រុមនិស្សិតចម្រុះ...
សន្តិសុខក្រុមហ៊ុនUDGបំផ្លាញផ្ទះអ្នកភូមិ២១ខ្នងនៅក្នុងខេត្តកោះកុង
អ្នកភូមិនិងមន្ត្រីមូលដ្ឋានបាននិយាយកាលពីម្សិលមិញថា ក្រុមហ៊ុន Union Development Group (UDG) ដែលកាន់កាប់ដោយជនជាតិចិនកាលពីសប្តាហ៍មុនបានបំផ្លាញផ្ទះ២១ខ្នងនៅកន្លែងអភិវឌ្ឍន៍ទេសចរណ៍ដែលមានទឹកប្រាក់៣,៨ពាន់លានដុល្លារនៅក្នុងខេត្តកោះកុង។
ក្រុមហ៊ុន UDG ដែលបានចាប់ផ្តើមសាងសង់កន្លែងមួយលើដីទំហំ៤៥.០០០ហិកតានៅក្នុងឧទ្យានជាតិបទុមសាគរកាលពីឆ្នាំ២០១០...
ជនសង្ស័យមួយក្រុមបាញ់ជនរងគ្រោះពីរនាក់លើស្ពានព្រះមុនីវង្ស
មន្ត្រីនគរបាលម្នាក់បាននិយាយកាលពីម្សិលមិញថា បុរសមួយក្រុមប្រដាប់ដោយកាំភ្លើងខ្លីនិងដាវ បានវាយប្រហារអ្នកជិះម៉ូតូពីរនាក់ ខណៈដែលពួកគេបានបើកកាត់ស្ពានព្រះមុនីវង្សនៅក្នុងរាជធានីភ្នំពេញកាលពីរសៀលថ្ងៃសៅរ៍។
យោងតាមអធិការរងនគរបាលខណ្ឌច្បារអំពៅបានឲ្យដឹងថា ការវាយប្រហារនេះបានកើតឡើងនៅម៉ោងប្រហែល៥និង២០នាទីល្ងាច ខណៈដែល រស់ សំបូរ អាយុ២១ឆ្នាំ...
បុរសកាណាដាម្នាក់បដិសេធការចោទប្រកាន់ពីបទរួមភេទជាមួយកុមារ
បុរសជនជាតិកាណាដាម្នាក់ដែលត្រូវបានចាប់ខ្លួនក្នុងក្រុងសៀមរាបកាលពីខែកុម្ភៈពីបទសង្ស័យថា បានរំលោភបំពានផ្លូវភេទលើក្មេងប្រុសអនីតិជនបានបដិសេធការចោទប្រកាន់នេះ អំឡុងការបើកសវនាការជំនុំជម្រះរឿងក្តីរបស់ជននេះកាលពីម្សិលមិញនៅសាលាដំបូងខេត្ត។
លោក Pierre Deslauriers ត្រូវបានចាប់ខ្លួនកាលពីថ្ងៃទី២៤ខែកុម្ភៈនៅពេលនគរបាលទម្លុះទ្វារចូលទៅក្នុងបន្ទប់ជួលរបស់គាត់។ នគរបាលបានលើកឡើងថា បុរសរូបនេះបានព្យាយាមសម្លាប់ខ្លួនឯងបន្ទាប់ពីត្រូវបានចាប់ខ្លួនដោយយកកូនកាំបិតចាក់ពោះ និងអារកដៃខ្លួនឯង។ នគរបាលដណ្តើមយកកូនកាំបិតបានពីបុរសរូបនេះ ហើយបានបញ្ជូនគាត់ទៅមន្ទីរពេទ្យមួយ។
ក្រោយមក លោក Deslauriers ត្រូវបានចោទប្រកាន់ពីបទរំលោភបំពានផ្លូវភេទលើក្មេងប្រុសចំនួនប្រាំបីនាក់ ដែលសុទ្ធតែមានអាយុ១៤ឆ្នាំ ឬក្មេងជាងនេះ។ លោក លី ប៊ុនហៀង មេធាវីរបស់បុរសរូបនេះបានឲ្យដឹងថា កូនក្តីរបស់លោកបានបដិសេធការចោទប្រកាន់នេះ អំឡុងពេលបើកសវនាការកាលពីថ្ងៃសុក្រ ហើយបានអះអាងថា ក្មេងប្រុសទាំងអស់បានអង្វរសុំលុយពីគាត់។ លោក ប៊ុនហៀង បានឲ្យដឹងទៀតថា លោក Deslauriers បានអះអាងថា ខ្លួនបានឲ្យលុយទៅក្មេងប្រុសទាំងនោះម្នាក់ៗ១ដុល្លារ ប៉ុន្តែ បានហៅក្មេងប្រុសពីរនាក់ក្នុងចំណោមក្មេងប្រុសទាំងនេះឲ្យទៅសម្អាតបន្ទប់របស់ខ្លួនជាមុនសិន។
លោក ប៊ុនហៀង បានមានប្រសាសន៍ថា "ក្មេងប្រុសពីរនាក់ក្នុងចំណោមក្មេងប្រុសទាំងនោះបានសុំលុយពីគាត់១ដុល្លារ ហើយគាត់បានហៅក្មេងប្រុសទាំងនោះឲ្យទៅបន្ទប់ជួលរបស់គាត់ដើម្បីជួយសំអាតបន្ទប់នេះ ហើយគាត់បានឲ្យពួកគេលេងហ្គេមក្នុងកុំព្យូទ័ររបស់គាត់"។
លោក ប៊ុនហៀង បានលើកឡើងបន្តទៀតថា ក្មេងប្រុសទាំងប្រាំបីនាក់នេះសុទ្ធតែផ្តល់សក្ខីកម្មប្រឆាំងលោក Deslauriers កាលពីថ្ងៃសុក្រ។
លោក ជា ណារ៉ា មេធាវីតំណាងជនរងគ្រោះបានបញ្ជាក់ថា លោក Deslauriers បានបដិសេធការចោទប្រកាន់ដែលដាក់បន្ទុកលើរូបគាត់ក្នុងតុលាការ ប៉ុន្តែ បានបដិសេធមិននិយាយពីករណីនេះ ឬការបើកសវនាការឡើយ គឺគ្រាន់តែបានបញ្ជាក់ម្តងទៀតថា ក្មេងប្រុសទាំងនេះពិតជាត្រូវបានរំលោភបំពានផ្លូវភេទដោយបុរសជនជាតិកាណាដារូបនេះពិតមែន។
លោកបានមានប្រសាសន៍ថា "ខ្ញុំមិនអាចប្រាប់អ្នកអំពីសាក្សី បានទេ ព្រោះដើម្បីសុវត្ថិភាពផ្ទាល់ខ្លួនរបស់ពួកគេ"។
លោក ណារ៉ា បានលើកឡើងថា សាលក្រមនឹងត្រូវប្រកាសនៅថ្ងៃសុក្រ។
បន្ទាប់ពីការចាប់ខ្លួនលោក Deslauriers កាលពីខែកុម្ភៈរួច កាសែត La Presse ដែលមានមូលដ្ឋាននៅក្នុងទីក្រុងម៉ុងរ៉េអាល...
រដ្ឋាភិបាលការពារការចាប់ខ្លួនសកម្មជនថា ស្របច្បាប់
ដើម្បីប្រឈមនឹងការរិះគន់ដែលចេះតែកើនឡើងចំពោះការចាប់ខ្លួនសកម្មជន និងបុគ្គលលេចធ្លោរបស់គណបក្សប្រឆាំងចំនួន១៥រូបកាលពីសប្តាហ៍មុន រដ្ឋាភិបាលបានចេញសេចក្តីថ្លែងការណ៍មួយ ដោយការពារការចាប់ខ្លួននេះថា "ស្របច្បាប់" ហើយបានសង្កត់ធ្ងន់ចំពោះការប្តេជ្ញារបស់ខ្លួនដើម្បីប្រយុទ្ធប្រឆាំង នឹងនិទ្ទណ្ឌភាព។
សកម្មជនការពារសិទ្ធិដីធ្លីជាស្ត្រីចំនួន១០នាក់ ព្រះសង្ឃចំនួនបីអង្គ និងបុគ្គលលេចធ្លោមកពីគណបក្សសង្គ្រោះជាតិចំនួនពីរនាក់ត្រូវបានចាប់ខ្លួនចន្លោះថ្ងៃច័ន្ទ និងថ្ងៃព្រះហស្បតិ៍កាលពីសប្តាហ៍មុនពីបទចូលរួម ឬមានផែនការចូលរួមការតវ៉ា។ នៅក្នុងសេចក្តីសម្រេចដ៏ឆាប់រហ័សចំនួនពីរ សកម្មជនចំនួនប្រាំពីរនាក់ក្នុងចំណោមអ្នកទាំង១៥រូបនេះត្រូវបានផ្តន្ទាទោសដោយសាលាដំបូងរាជធានី ហើយឥឡូវនេះកំពុងអនុវត្តទោសជាប់ពន្ធនាគាររយៈពេលមួយឆ្នាំ។
សេចក្ដីថ្លែងការណ៍ដែលចុះថ្ងៃទី១៤ ខែវិច្ឆិកា និងចុះហត្ថលេខាដោយ លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីមានខ្លឹមសារថា "រដ្ឋាភិបាលបានប្តេជ្ញាពង្រឹងច្បាប់" ហើយនឹងមិនព្រមធ្វើតាមការតវ៉ាឲ្យមានការដោះលែងសកម្មជនឡើយ។ សេចក្តីថ្លែងការណ៍នេះមានខ្លឹមសារដូច្នេះថា "រាជរដ្ឋាភិបាលកម្ពុជាបដិសេធ និងថ្កោលទោសចំពោះពាក្យទាំងអស់ និងបុគ្គល ក្រុម ឬស្ថាប័នណាមួយ ដែលចោទប្រកាន់ និងបំផ្លើស ហើយបន្ទោសលើ ដោយគ្មានមូលដ្ឋានពិតប្រាកដដែលជាដើមហេតុធ្វើឲ្យសាធារណជនយល់ច្រឡំ ថា រដ្ឋាភិបាលកំពុងដាក់សម្ពាធលើគណបក្សសង្គ្រោះជាតិ"។
សេចក្តីសម្រេចយ៉ាងឆាប់រហ័សកាលពីសប្តាហ៍មុន គឺវាផ្ទុយទៅនឹងទង្វើរបស់តុលាការដែលធ្លាប់ធ្វើចំពោះមន្ត្រីរដ្ឋាភិបាល និងបុគ្គលមានខ្នងក្រាស់ដែលត្រូវបានចោទប្រកាន់ពីបទឧក្រិដ្ឋ។
ក្នុងចំណោមសំណុំរឿងលេចធ្លោក្នុងពេលថ្មីៗនេះ គឺការពាក់ព័ន្ធរបស់លោក ជាម យៀប សមាជិករដ្ឋសភាមកពីគណបក្សប្រជាជនកម្ពុជានៅក្នុងហេតុការណ៍គ្រោះថ្នាក់ចរាចរណ៍ការបុក ហើយរត់បណ្តាលឲ្យមានមនុស្សស្លាប់នៅក្នុងខេត្តកណ្តាលកាលពីឆ្នាំមុន ដែលមិនដែលត្រូវបានចាត់ការដោយសាលាដំបូងខេត្តឡើយ និងការបាញ់ប្រហារកាលពីឆ្នាំ២០១២លើកម្មការិនីចំនួនបីនាក់ដោយលោក ឈូក បណ្ឌិត អតីតអភិបាលក្រុងបាវិត ដែលមិនដែលជាប់ពន្ធនាគារដោយសារបទឧក្រិដ្ឋរបស់ខ្លួននោះ។
នៅពេលទាក់ទងកាលពីម្សិលមិញ លោក ផៃ ស៊ីផាន បានលើកឡើងថា រដ្ឋាភិបាលមិនអាចធ្វើអន្តរាគមន៍នៅក្នុងដំណើរការរបស់តុលាការបានឡើយ។លោកបានបន្ថែមថា "មនុស្សគ្រប់ៗរូបត្រូវតែមានការអប់រំ ហើយរៀនគោរពច្បាប់"។ លោកបានមានប្រសាសន៍ថា "វាលឿនពេកហើយ ដែលស្នើឲ្យរដ្ឋាភិបាលដាក់សម្ពាធលើតុលាការដើម្បីដោះលែងមនុស្សទាំងនោះ។ យើងមិនអាចធ្វើបានទេ"។
លោកផៃ ស៊ីផាន បានលើកឡើងទៀតថា អ្នកដែលជាប់ពន្ធនាគារទាំងនោះ "មានមេធាវីរបស់ពួកគេ ហើយអាចប្តឹងទៅសាលាឧទ្ធរណ៍បាន" ប្រសិនបើពួកគេមិនពេញចិត្តនឹងការផ្តន្ទាទោសកាលពីសប្តាហ៍មុន។
កាលពីម្សិលមិញ អ្នកតវ៉ាបានបន្តអំពាវនាវឲ្យមានការដោះលែងអ្នកទាំងនោះ។ មនុស្សប្រហែល២០០នាក់ដែលរួមមានទាំងសាច់ញត្តិអ្នកដែលត្រូវបានឃុំខ្លួនទាំងនោះផងបានហែក្បួនពីផ្នែកមួយនៃពន្ធនាគារព្រៃសទៅផ្នែកមួយទៀតជាទីដែលពួកគាត់បានបួងសួងនិងបង្ហោះប៉េងប៉ោង។
ដោយអមដំណើរដោយបងប្អូនបង្កើតចំនួនប្រាំមួយនាក់ សៀង សុខហេង អាយុ១៨ឆ្នាំ បានចូលរួមនៅក្នុងការគាំទ្រដល់ម្តាយរបស់នាងគឺអ្នកស្រី ភួង សុភាព ដែលត្រូវបានបញ្ជូនទៅពន្ធនាគារកាលពីថ្ងៃព្រហស្បតិ៍ពីបទតវ៉ានៅខាងក្រៅសាលាដំបូងរាជធានីភ្នំពេញ។
សុខហេង បាននិយាយថា "យើងទាមទារឲ្យរដ្ឋាភិបាលដោះលែងគាត់ ហេតុដូច្នេះគាត់អាចត្រឡប់មកផ្ទះ ហើយមើលថែយើងវិញ។ បើគ្មានគាត់ទេយើងនឹងរស់នៅក្នុងស្ថានភាពលំបាកបំផុត"។
លោក អំ សំអាត អ្នកគ្រប់គ្រងបច្ចេកទេសនៅអង្គការសិទ្ធិមនុស្សលីកាដូ បានលើកឡើងថា វាជារឿងខុសឆ្គងដែលរដ្ឋាភិបាលមិនចាត់វិធានការតាមចាប់ខ្លួនអ្នកដែលពាក់ព័ន្ធក្នុងករណីធ្ងន់ធ្ងរដូចជាការបាញ់ប្រហារបណ្តាលឲ្យកម្មកររោងចក្របាត់បង់ជីវិតចំនួនប្រាំនាក់នៅលើផ្លូវវេងស្រេងកាលពីខែមករា ជាដើម ប៉ុន្តែ បែរជាចាត់វិធានការហាក់បីដូចជាមិនត្រឹមត្រូវទៅវិញ។
លោកបានមានប្រសាសន៍ថា "តើទង្វើទាំងនេះអាចត្រូវបានយកមកប្រើប្រាស់ដើម្បីលុបបំបាត់និទ្ទណ្ឌភាពនៅក្នុងសង្គម ខណៈពួកគាត់ មិនបានប្រព្រឹត្តិបទល្មើសណាមួយ ឬសម្លាប់អ្នកណានោះឡើយយ៉ាងដូចម្តេចទៅ"។
កាលពីថ្ងៃសុក្រ អង្គការលើកលែងទោសអន្តរជាតិ ក្លាយជាអង្គការសិទ្ធិមនុស្សថ្មីបំផុតដែលថ្កោលទោសការចាប់ខ្លួននេះដោយចេញវិធានការណ៍ដ៏បន្ទាន់មួយដល់សមាជិករបស់ខ្លួនដោយស្នើឲ្យពួកគេសរសេរលិខិតជូនរដ្ឋាភិបាលដើម្បីសំដែងអំពីការតវ៉ារបស់ខ្លួន។
សេចក្តីថ្លែងការណ៍របស់អង្គការលើកលែងទោសអន្តរជាតិនេះបានមានខ្លឹមសារដូច្នេះថា "អង្គការលើកលែងទោសអន្តរជាតិចាត់ទុកថា បុគ្គលចំនួន១១នាក់ ដែលត្រូវបានបញ្ជូនទៅពន្ធនាគារមិនគួរត្រូវបានផ្តន្ទាទោសនោះទេ។ ពួកគេគ្រាន់តែអនុវត្តសិទ្ធិរបស់ខ្លួនពាក់ព័ន្ធនឹងសេរីភាពក្នុងការជួបជុំ ដែលមានចែងក្នុងអនុសញ្ញាអន្តរជាតិស្តីពីសិទ្ធិនយោបាយ និងសិទ្ធិសីុវិល ដែលមានប្រទេសកម្ពុជាជាហត្ថលេខី និងដែលត្រូវបានធានាដោយរដ្ឋធម្មនុញ្ញប៉ុណ្ណោះ"៕ស៊ុយឈាង (រាយការណ៍បន្ថែមដោយ Holly Robertson)
សហជីពមិនសប្បាយចិត្តជាមួយការដំឡើងប្រាក់ខែថ្មី ប៉ុន្តែមិនបន្តធ្វើកូដកម្មទេ
សហជីពបួនក្នុងចំណោមសហជីពធំៗក្នុងប្រទេសកម្ពុជាលើកឡើងថា ពួកគេនឹងមិនធ្វើកូដកម្មជុំវិញការច្រានចោលថ្មីបំផុតរបស់រដ្ឋាភិបាលអំពីការទាមទារដំឡើងប្រាក់ខែរបស់ខ្លួនសម្រាប់កម្មកររោងចក្រកាត់ដេរទេ ដោយលើកឡើងដដែលៗពីភាពចលាចល និងការប៉ះពាល់ដល់វិស័យកាត់ដេរកាលពីខែធ្នូ និងខែមករា។
ប៉ុន្តែពួកគេបានព្រមានថា ការតវ៉ាអាចកើតម្តងទៀត ប្រសិនបើម្ចាស់ផ្ទះឈ្នួលនៅជុំវិញរោងចក្រចាប់ផ្តើមដំឡើងថ្លៃឈ្នួលផ្ទះ និងថ្លៃទឹកភ្លើង ពីព្រោះតាមធម្មតាពួកគេតែងតែធ្វើនៅពេលណាមានការដំឡើងប្រាក់ខែ។
សហជីពមួយចំនួនបានធ្វើកូដកម្មជាច្រើនលើក...
ព្រះតេជគុណ សៀង សុវណ្ណរ៉ា ព្រះចៅអធិការវត្តសាមគ្គីរង្សី បានមានសង្ឃដីកាថា ព្រះអង្គមិនបានចាកចេញពីបរិវេណវត្តនេះជិតមួយសប្តាហ៍មកហើយ។ ចាប់តាំងពីសកម្មជនព្រះសង្ឃ សឹុង ហៃ ត្រូវបានចាប់ផ្សឹកពីបទតវ៉ាដោយសន្តិវិធីនៅខាងក្រៅសាលារាជធានីភ្នំពេញកាលពីថ្ងៃអង្គារមក វត្តសាមគ្គីរង្សី ដែលជាកន្លែងប្រមូលផ្តុំរបស់ព្រះសង្ឃប្រឆាំង និងសហគមន៍ដែលរងការគាបសង្កត់ បានស្ថិតក្រោមការឡោមព័ទ្ធរហូត។
ព្រះតេជគុណ សៀង សុវណ្ណរ៉ា បានមានសង្ឃដីកាពីវត្តរបស់ព្រះអង្គដែលស្ថិតក្នុងសង្កាត់ស្ទឹងមានជ័យកាលពីថ្ងៃសុក្រថា "ពេលអាត្មាភ្ញាក់ពីសឹងព្រឹកឡើង ជាធម្មតានៅម៉ោងប្រហែល៤ ប៉ូលិស និងប៉េអឹមបានមកឈរជើងយាមកាមនៅខ្លោងទ្វារវត្តបាត់ទៅហើយ។ ពួកគេមកទីនេះ ដើម្បីឃ្លាំមើលសកម្មភាពរបស់យើង តាមដានមើលអ្នកណាចេញចូល និងដើម្បីរារាំងកុំឲ្យមានអ្នកចូលរួមការតវ៉ានៅក្នុងក្រុង"។
ក្រៅពីអន្ទិត សឹុង ហៃ ដែលត្រូវបានតុលាការកាត់ទោសឲ្យជាប់ពន្ធនាគារមួយឆ្នាំពីបទរារាំងមន្ត្រីសាធារណៈ ព្រះសង្ឃពីរអង្គទៀតព្រះនាម ថាច់ សាង ព្រះជន្ម១៩ព្រះវស្សា និងព្រះតេជគុណ ឃិត វណ្ណៈ ព្រះជន្ម២០វស្សា ក៏ត្រូវបានចាប់ផ្សឹកដែរក្នុងពេលមួយសប្តាហ៍នេះ។ព្រះសង្ឃទាំងពីរអង្គត្រូវគេមើលឃើញកាន់ទង់ជាតិខ្មែរ និងទង់ព្រះពុទ្ធសាសនាចេញពីវត្តស្ទឹងមានជ័យ ឆ្ពោះទៅវត្តសាមគ្គីរង្សី ដែលមានសហគមន៍រងការបណ្តេញចេញពីដីធ្លីមួយមកពីខេត្តព្រះវិហារ កំពុងរង់ចាំទទួលទង់ទាំងនោះនៅទីនោះដើម្បីហែក្បួនចូលរាជធានីភ្នំពេញក្នុងបំណងទាក់ទាញការចាប់អារម្មណ៍ចំពោះការតស៊ូរបស់ពួកគាត់ដើម្បីរក្សាការពារដីធ្លីរបស់ខ្លួន។
តុលាការបានចោទប្រកាន់ព្រះសង្ឃកាន់ទង់ទាំងពីរអង្គពីបទចូលរួមក្នុងក្រុមឧក្រិដ្ឋជន មួយដែលទំនងជាសំដៅដល់កសិករមួយក្រុមមកពីខេត្តព្រះវិហារ។ បទល្មើសនេះត្រូវមានទោសជាប់ពន្ធនាគារច្រើនបំផុត៥ឆ្នាំ។ បច្ចុប្បន្ន អន្ទិតទាំងពីរកំពុងជាប់ពន្ធនាគារព្រៃស
រង់ចាំសវនាការជំនុំជម្រះ។
ព្រះតេជគុណ សៀង សុវណ្ណរ៉ា បានមានសង្ឃដីកាថា "ការចាប់ខ្លួនទាំងនេះជាការគួរឲ្យព្រួយបារម្ភ ពីព្រោះអាត្មាបានឮថា អាជ្ញាធរចង់ចាប់ខ្លួនអាត្មា និងគ្រូសូត្រ សំអាង។ ពួកគេដឹងថា បើពួកគេចាប់យើងដែលជាអ្នកដឹកនាំបាន ពេលនោះព្រះសង្ឃរបស់យើងនឹងគ្មានអ្នករៀបចំចាត់ចែង"។
រូបថតអន្ទិត សឹុង ហៃ ស្រែក និងស្ថិតក្នុងសម្លៀកបំពាក់ស៊ីវិល ត្រូវបានចុះផ្សាយព្រោងព្រាតតាមគេហទំព័របណ្តាញទំនាក់ទំនងសង្គមនានា ក្រោយពីការចាប់ផ្សឹកដែលត្រូវធ្វើឡើងដោយគណៈសង្ឃជាន់ខ្ពស់។
ព្រះតេជគុណ ប៊ុត ប៊ុនទិញ ស្ថាបនិកបណ្តាញព្រះសង្ឃឯករាជ្យដើម្បីយុត្តិធម៌សង្គម បានមានសង្ឃដីកាកាលពីថ្ងៃសុក្រថា ការចាប់ផ្សឹកព្រះសង្ឃទាំងបីអង្គនៅសប្តាហ៍នេះ មិនត្រូវបានធ្វើឡើងស្របតាមធម៌វិន័យព្រះពុទ្ធសាសនាឡើយ។ព្រះអង្គបានបន្តថា "បើព្រះសង្ឃធ្វើខុស វាជាកិច្ចការរបស់ព្រះសង្ឃយើងដែលត្រូវផ្សឹក។ វាបែបនេះច្រើនជំនាន់មកហើយ"។
ព្រះតេជគុណលើកឡើងទៀតថា យោងតាមធម៌វិន័យព្រះពុទ្ធសាសនា ប្រសិនបើគេគិតថា ព្រះសង្ឃល្មើសច្បាប់រដ្ឋ អាជ្ញាធរគួរតែជូនដំណឹងទៅគណៈសង្ឃដែលនឹងកោះហៅព្រះសង្ឃប្រព្រឹត្តខុសឲ្យចូលបំភ្លឺ។ ព្រះអង្គបានបន្ថែមថា "បើក្រសួងធម្មការ និងសាសនាសម្រេចថា ព្រះសង្ឃអង្គនោះបានប្រព្រឹត្តខុសច្បាប់មែន ពេលនោះពួកគេនឹងអនុញ្ញាតឲ្យផ្សឹកព្រះសង្ឃនោះ។ ប៉ុន្តែ ប៉ូលិសគ្មានសិទ្ធិចាប់ខ្លួន និងផ្សឹកព្រះសង្ឃទេ"។
នៅឯវត្តសាមគ្គីរង្សី ព្រះតេជគុណ សៀង សុវណ្ណរ៉ា បានមានសង្ឃដីកាថា គណៈសង្ឃតែងតែមិនអើពើចំពោះព្រះសង្ឃដែលគង់នៅក្នុងវត្ត ឬដែលមានទំនាក់ទំនងជាមួយវត្តនេះ ជាការអះអាងមួយដែលស្តែងឲ្យឃើញតាមរយៈសភាពរបស់វត្តនេះ។ព្រះចៅអធិការអង្គនេះមានសង្ឃដីកាទៀតថា ព្រះអង្គគ្មានការជឿជាក់ថា ព្រះអង្គអាចទៅពឹងពាក់ព្រះសង្ឃអង្គណានៅក្នុងជួរគណៈសង្ឃបានឡើយក្នុងករណីមានការបំពានលើធម៌វិន័យ។
សំដៅដល់អគ្គមហាសង្ឃរាជាធិបតី នៃគណៈមហានិកាយ ដែលជាអតីតតំណាងរាស្ត្រគណបក្សប្រជាជនកម្ពុជា ព្រះអង្គបានមានសង្ឃដីកាបន្តថា "សម្តេចព្រះសង្ឃរាជ ទេព វង្ស មិនដែលជួយយើងទេពីមុនមក។ ក្រសួងធម្មការ និងសាសនាមិនខ្វាយខ្វល់ពីព្រះសង្ឃកម្ពុជាក្រោមទេ។ អ្នកដែលយើងអាចទូរស័ព្ទហៅបាននៅពេលមានការរំលោភបំពាន គឺមានតែអង្គការមិនមែនរដ្ឋាភិបាល និងអ្នកកាសែតប៉ុណ្ណោះ"។
នៅពេលទាក់ទងកាលពីថ្ងៃសុក្រ ព្រះញាណវង្ស ឃឹម សន ព្រះមេគណរាជធានី និងជាប្រធានលេខាធិការដ្ឋាននៃគណៈមហានិកាយ បានមានសង្ឃដីកាថា ព្រះសង្ឃដែលមានទំនាក់ទំនងជាមួយវត្តសាមគ្គីរង្សី បានប្រព្រឹត្តប្រាស់ចាកធម៌វិន័យរបស់បព្វជិត ហេតុដូច្នេះហើយព្រះសង្ឃទាំងនោះគ្មានសិទ្ធិទទួលបានការការពារដូចព្រះសង្ឃគង់នៅវត្តផ្សេងៗដែលស្តាប់បង្គាប់គណៈសង្ឃឡើយ។
ព្រះអង្គមានសង្ឃដីកាបន្តថា វត្តនេះបានផ្តាច់ខ្លួនចេញពីគណៈសង្ឃកាលពីឆ្នាំ២០១០នៅពេលព្រះតេជគុណ យឹង សិុន អ្នកបង្កើតវត្តនេះបានសុគតទៅ។ ព្រះអង្គបានមានសង្ឃដីកាថា "កាលពីចៅអធិការមុននៅមានព្រះជន្ម អាត្មាធ្លាប់ទៅភាវនានៅក្នុងវត្តនេះ និងដឹកនាំព្រះសង្ឃនៅវត្តនោះឲ្យគោរពធម៌វិន័យព្រះពុទ្ធសាសនា"។
ព្រះអង្គលើកឡើងថា នៅពេលព្រះតេជគុណ យឹង សិុន បានសុគតទៅ ព្រះសង្ឃគង់នៅវត្តនេះមិនព្រមឲ្យគណៈសង្ឃតែងតាំងព្រះចៅអធិការថ្មីឡើយ ដោយសុំឲ្យជ្រើសរើសចៅអធិការក្នុងចំណោមព្រះសង្ឃទាំងនេះ។ ព្រះអង្គបានបន្ថែមថា "ចាប់តាំងពីពេលនោះមកវត្តសាមគ្គីរង្សី បានដំណើរការដាច់ដោយឡែកពីសមត្ថកិច្ចសង្ឃកម្ពុជា ពីព្រោះពួកគេមិនអនុញ្ញាតឲ្យយើងគ្រប់គ្រងពួកគេទេ។ ពួកគេចង់ដំណើរការដោយឯករាជ្យ ដូច្នេះពួកគេមិនត្រូវការសមត្ថកិច្ចសង្ឃជួយពួកគេឡើយ"។
ព្រះតេជគុណ ឃឹម សន មានសង្ឃដីកាទៀតថា ធម៌វិន័យព្រះពុទ្ធសាសនាសម្តែងថា ការផ្សឹកព្រះសង្ឃអាចធ្វើទៅបានលុះត្រាតែមានការចូលរួមពីព្រះចៅអធិការវត្តរបស់ព្រះសង្ឃអង្គនោះ ដែលព្រះអង្គមានសង្ឃដីកាថា បានអនុវត្តនៅក្នុងករណីទាំងបីនៅសប្តាហ៍នេះ។ ព្រះអង្គបានបន្ថែមថា "ក្នុងករណីនេះ ចៅអធិការវត្តស្ទឹងមានជ័យបានចូលរួមជាមួយសមត្ថកិច្ចសង្ឃដើម្បីផ្សឹកពួកគេ"។
ទោះជាយ៉ាងណា ព្រះតេជគុណ ថៃ ប៊ុនធឿន ព្រះចៅអធិការវត្តស្ទឹងមានជ័យ បានមានសង្ឃដីកាថា វាមិនមែនបែបនោះឡើយ។ ដោយបង្វែរសំណួរបន្ថែមទៀតទៅក្រសួងធម្មការ និងសាសនា ព្រះអង្គមានសង្ឃដីកាថា "អាត្មាមិនបានចូលរួមផ្សឹកព្រះសង្ឃទាំងនោះទេ"។
លោក សេង សុមុនី អ្នកនាំពាក្យក្រសួងធម្មការ និងសាសនា បានមានប្រសាសន៍ថា ការផ្សឹកព្រះសង្ឃទាំងបីអង្គនេះ គឺធ្វើឡើងតាមធម៌វិន័យព្រះពុទ្ធសាសនា។ លោកបានបន្តថា "មុនពេលអាជ្ញាធរបញ្ជូនពួកគេទៅតុលាការ គេបានសុំការអនុញ្ញាតពីសមត្ថកិច្ចសង្ឃដើម្បីផ្សឹកពួកគេ"។
លោកបានបដិសេធមិនធ្វើអត្ថាធិប្បាយអំពីបទចោទប្រកាន់មកលើព្រះសង្ឃដែលត្រូវបានចាប់ផ្សឹកទាំងបីអង្គ ដែលពេលនេះកំពុងជាប់ពន្ធនាគារព្រៃសទេ ដោយគ្រាន់តែលើកឡើងថា "ពួកគេបានល្មើសច្បាប់រដ្ឋ ដូច្នេះពួកគេមិនអាចនៅជាភេទសង្ឃទៀតបានទេ"។
ត្រឡប់ទៅវត្តសាមគ្គីរង្សីឯណោះវិញ ព្រះតេជគុណ សៀង សុវណ្ណរ៉ា បានមានសង្ឃដីកាថា ព្រះអង្គព្រួយបារម្ភថា មិនយូរទេព្រះអង្គនឹងត្រូវគេចាប់ផ្សឹកដែរជាមិនខាន។ ព្រះអង្គបានមានសង្ឃដីកាទៀតថា "មន្ត្រីសង្ឃជាន់ខ្ពស់មិនដែលទូរស័ព្ទមកអាត្មាដោយផ្ទាល់ដើម្បីសួរនាំអំពីសកម្មជននៅវត្តនេះទេ។ ប៉ុន្តែ ថ្មីៗនេះអាត្មាបានទទួលការហៅទូរស័ព្ទដែលគំរាមអាត្មាថា 'បើលោកឯងមិនឈប់ទេ លោកឯងនឹងត្រូវចាប់ខ្លួន'”។
ព្រះអង្គបានមានសង្ឃដីកាបន្ថែមថា ដោយមាននគរបាលចាំឃ្លាំមើលវត្តរបស់ព្រះអង្គយ៉ាងស្អិត ព្រះអង្គមានការភ័យខ្លាចចំពោះការចាប់ព្រះកាយព្រះសង្ឃ ប្រសិនបើព្រះសង្ឃនិមន្តចេញពីបរិវេណវត្តតែអង្គឯង ឬមានគ្នាតិច។...
អ្នកជួលផ្ទះក្រីក្រក្នុងក្រុងជា ‘ប្រជាជនត្រូវគេបំភ្លេចចោល’
នៅពេលដែល អ្នកស្រី ហៃ ប៊ុននី ចាកចេញពីផ្ទះរបស់អ្នកស្រីនៅខេត្តព្រៃវែងប្រហែល៥ឆ្នាំកន្លងទៅនេះ ដើម្បីស្វែងរកការងារធ្វើនៅក្រុងភ្នំពេញ អ្នកស្រីមិនរំពឹងថា ធ្លាក់ខ្លួនមករស់នៅក្នុងផ្ទះខ្ទមស័ង្កសីតូច ព័ទ្ធជុំវិញដោយលំនៅសឹងតែដូចគ្នារាប់សិបផ្ទះស្កេកស្កះ...