វីដេអូ

លោកហ៊ុន សែនបានសំរេចចិត្តបង្កើតក្រុមការងារពិសេសថ្នាក់ជាតិទទួលបន្ទុកការពារដែនអធិបតេយ្យដែលមានកូនប្រុសច្បងរបស់លោកគឺលោកហ៊ុនម៉ាណែតជាអ្នកអនុវត្តការងារពាក់ព័ន្ធនឹងអធិបតេយ្យភាពតាមបន្ទាត់ព្រំដែនជាមួយប្រទេសថៃ ប្រទេសឡាវ និងព្រំដែនសមុទ្រឲ្យមានប្រសិទ្ធភាពខ្ពស់។

ក្រុមមេដឹកនាំសហគមន៍ខ្មែរក្នុងទីក្រុងវីកតូរីយ៉ា ប្រទេសអូស្រ្តាលីកំពុងបារម្ភពីសុវត្ថិភាពផ្ទាល់ខ្លួនក្រោយពីបានទទួលការគំរាមកំហែងរបស់ជនអនាមិកដែលមានបំណងចង់សម្លាប់គេ។

ពលរដ្ឋខ្មែរក្នុងប្រទេសបារាំង ប្រទេសអាល្លឺម៉ង់(Germany)ប៊ែលហ្សិក(Belgium)និងប្រទេសស្វីសប្រមាណជាង២រយនាក់ បាននាំគ្នាធ្វើបាតុកម្មនៅខាងមុខក្រុមប្រឹក្សាសិទ្ធិមនុស្សរបស់អង្គការសហប្រជាជាតិប្រចាំក្នុងទីក្រុងហ្សឺណែវ(Geneva)ប្រទេសស្វីសទាមទារឲ្យ ថ្នាក់ដឹកនាំនៃអង្គការនេះកោះប្រជុំប្រទេសម្ចាស់ហត្ថលេខីនៃកិច្ចព្រមព្រៀងសន្តិភាពក្រុងប៉ារីសឡើងវិញផ្អែកទៅលើមាត្រាទី២៩ នៃកិច្ចព្រមព្រៀងអន្តរជាតិនេះ។

មន្រ្តីជាន់ខ្ពស់នៃក្រសួងពាណិជ្ជកម្មកម្ពុជា បញ្ជាក់ថាកម្ពុជា និងចិន បានដាក់ចេញផែនការជំរុញទំហំពាណិជ្ជកម្មរវាងប្រទេសទាំងពីរឲ្យបាន៦ពាន់លានដុល្លារសហរដ្ឋអាមេរិកក្រោយពីប្រទេសទាំងពីរ ទទួលបានលទ្ធផលផ្នែកពាណិជ្ជកម្មជាផ្លែផ្កាកាលពីឆ្នាំ២០១៧។

ពលរដ្ឋខ្មែរក្នុងប្រទេសអូស្ត្រាលីចំនួនជាង១ពាន់នាក់ មកពីបណ្តារដ្ឋផ្សេងៗនៃប្រទេសនេះ បាននាំគ្នាដុតទីងមោងដាក់បណ្តាសារដល់លោកហ៊ុន សែនដើម្បីឆ្លើយតបទៅនឹងការបំផ្លាញលទ្ធិប្រជាធិបតេយ្យនៅកម្ពុជា។

កម្ពុជានិងចិនបានចាប់ផ្តើមធ្វើសមយុទ្ធយោធារួមគ្នាមួយដែលមានឈ្មោះថានាគមាសក្នុងខេត្តកំពង់ស្ពឺកាលពីថ្ងៃសៅរ៍។

នៅក្រោយជំនួបជាមួយស្ថាប័នព្រឹទ្ធសភាអាមេរិកកាលពីថ្ងៃសុក្រអង្គការសម្ព័ន្ធមិត្តខ្មែរ-អាមេរិកាំងអះអាងថាខ្លួនបានជួបជាមួយលោក ប៊ិន ខាឌិន(Ben Cardin)សមាជិកព្រឹទ្ធសភាផ្តោតជាសំខាន់លើ សេចក្តីព្រាងច្បាប់ព្រឹទ្ធិសភាលេខ២៤ ១២ ស្តីពី «ការដោះដូរលើការវិនិយោគទុននិងការទទួលខុសត្រូវពីកម្ពុជា»។

មន្រ្តីយោធាជាន់ខ្ពស់របស់លោកហ៊ុន សែនអះអាងលោក ហ៊ួត វុទ្ធី ហៅជុនច័ន្ទបុត្រជានាយករងរបស់វិទ្យុអាស៊ីសេរីពិតជាបានសុំកំលាំងសន្តិសុខរបស់លោកការពារសុវត្ថិភាពពេលលោកបំពេញបេសកម្មនៅក្រៅប្រទេស។

រដ្ឋាភិបាលប្រទេសអូស្រ្តាលីបានសន្យាផ្តល់ជំនួយប្រមាណ ៨៧លានដុល្លារអូស្ត្រាលីស្មើនឹងជាង៦៧លានដុល្លារអាមេរិក សម្រាប់អភិវឌ្ឍន៍នៅកម្ពុជាក្នុងឆ្នាំ២០១៨នៅក្នុងជំនួបរវាងលោក ហ៊ុន សែននិងលោក មែលខូមថើនប៊ូល(Malcolm Turnbull) នាយករដ្ឋមន្ត្រីនៃប្រទេសអូស្រ្តាលីកាលពីព្រឹកថ្ងៃទី១៦ខែមីនាម្សិលម៉ិញ។

ពលរដ្ឋខ្មែរក្នុងប្រទេសអូស្រ្តាលីប្រមាណជាង៣រយនាក់កាលពីថ្ងៃសុក្របាននាំគ្នាធ្វើបាតុកម្មប្រឆាំងវត្តមានរបស់លោក ហ៊ុន សែន ដែលមានវត្តមានក្នុងទីក្រុងសីដនី (Sydney) ខណៈលោកកំពុងចូលរួមកិច្ចប្រជុំកំពូលអាស៊ាន-អូស្រ្តាលី។