TAG

កូដកម្ម

សង្គមស៊ីវិលស្នើលោក ហ៊ុន សែន ចេញមុខដោះស្រាយវិវាទការងារក្រុមហ៊ុនណាហ្គាវើលដ៍

ខេមបូឌា ដេលី - May 1, 2022

មជ្ឈមណ្ឌលសិទ្ធិមនុស្សកម្ពុជា ជំរុញឲ្យលោក ហ៊ុន សែន ផ្ទាល់ត្រូវចេញមុខដោះស្រាយលើទំនាស់រវាងកម្មករនិយោជិត និងក្រុមហ៊ុនណាហ្គាវើលដ៏ (NAGA World) ខណៈសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុននេះ អំពាវនាវរកជំនួយសប្បុរសធម៌ដោយសារវិវាទការងារបានបន្តជាង ៤ខែមកហើយ។ នាយិកាមជ្ឈមណ្ឌលសិទ្ធិមនុស្សកម្ពុជា (CCHR) អ្នកស្រី ចក់ សុភាព បានសរសេរលើគណនីហ្វេសប៊ុករបស់ខ្លួនកាលពីថ្ងៃទី២៨ ខែមេសា ឆ្នាំ២០២២ ថា ដើម្បីឱ្យការប្រារព្ធទិវាពលកម្មអន្តរជាតិលើកទី១៣៥ ឆ្នាំ២០២២ នេះអាចធ្វើឡើងដោយក្តីសប្បាយរីករាយទៅបាន កម្ពុជាគួរតែលើកយកករណីវិវាទការងាររវាងក្រុមហ៊ុនណាហ្គាវើលដ៏ និងកម្មករនិយោជិតមកដោះស្រាយឱ្យបានឆាប់...

ព័ត៌មានជាតិ

សហជីពក្រុមហ៊ុនណាហ្គាវើលដ៍អំពាវនាវរកជំនួយពីសាធារណជនជួយដល់ក្រុមកូដករ

ខេមបូឌា ដេលី - April 29, 2022

សហជីពទ្រទ្រង់សិទ្ធិការងារឲ្យបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (NAGA World) បានអំពាវនាវស្វែងរកជំនួយពីសាធារណជន សប្បុរសជនជាតិ និងអន្តរជាតិ ព្រមទាំងស្ថាប័នសប្បុរសធម៌នានា ឲ្យជួយចូលរួមឧបត្ថម្ភជាស្បៀងអាហារ ឬថវិកា និងសម្ភារៈផ្សេងៗដល់ក្រុមកូដករដែលកំពុងប្រឈមនឹងការខ្វះខាតសព្វថ្ងៃនេះ។ សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ បានចេញសេចក្តីប្រកាសស្វែងរកជំនួយសប្បុរសធម៌កាលពីថ្ងៃទី២៧ ខែមេសា ឆ្នាំ២០២២ ថា ដើម្បីការពារសេរីភាពសហជីព សិទ្ធិការងារ និងយុត្តិធម៌សង្គម កម្មករនិយោជិតទាំងអស់ដែលភាគច្រើនជាស្ត្រី សុខចិត្តប្រឈមនឹងជីវភាពរស់នៅដែលលំបាកគ្មានប្រាក់ចំណូល ខណៈការចំណាយលើជីវភាពប្រចាំថ្ងៃនៅជាបន្ទុកធ្ងន់ធ្ងរដដែល។ ប្រភពដដែលអះអាងថា ទោះបីជាមានការដោះលែងថ្នាក់ដឹកនាំ និងសកម្មជនសហជីពឱ្យនៅក្រៅឃុំជាបណ្ដោះអាសន្នកាលពីពេលកន្លងទៅក្តី ប៉ុន្តែក្រុមហ៊ុនណាហ្គាវើលដ៍មិនមានចេតនាដោះស្រាយបញ្ហាដែលខ្លួនបានបង្កឡើងជាមួយបុគ្គលិកនោះឡើយ ហើយតែងតែបដិសេធរាល់សំណើរបស់កម្មករនិយោជិតគ្រប់លក្ខខណ្ឌទាំងអស់...

ព័ត៌មានជាតិ

អង្គការសង្គមស៊ីវិលស្នើបញ្ឈប់ការបង្ក្រាបកូដករណាហ្គាដោយងាកមករកដំណោះស្រាយវិញ

ខេមបូឌា ដេលី - March 27, 2022

សង្គមស៊ីវិល និងសហគមន៍ជាង ៧០ ស្នើឲ្យរដ្ឋាភិបាលបញ្ឈប់ការឃាត់ខ្លួន និងប្រើប្រាស់អំពើហិង្សាលើសមាជិកសហជីព និងកូដករណាហ្គាវើលដ៍ (NAGA World) ហើយងាកមកដោះស្រាយវិវាទការងារនេះឱ្យបានច្បាស់លាស់ ដើម្បីបញ្ចៀសការរំលោភសិទ្ធិមនុស្សកាន់តែធ្ងន់ធ្ងរ។ សេចក្ដីថ្លែងការណ៍រួមរបស់ក្រុមអង្គការសង្គមស៊ីវិល និងសហគមន៍ចំនួន៧២ ស្ដីពី «ការបញ្ឈប់ការបង្ក្រាបកាន់តែខ្លាំងឡើងៗទៅលើកូដករ» ធ្វើឡើងនៅថ្ងៃទី២៥ ខែមីនា។ អង្គការ និងសមាគមដែលនាំគ្នាធ្វើសេចក្តីថ្លែងការណ៍នេះរួមមាន អង្គការលីកាដូ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) មជ្ឈមណ្ឌលសិទ្ធិមនុស្សកម្ពុជា សម្ព័ន្ធគណនេយ្យភាពសង្គមកម្ពុជា មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស...

ព័ត៌មានជាតិ

ថ្នាក់ដឹកនាំសហជីពណាហ្គា៨នាក់ត្រូវបានដោះលែងខណៈសមាជិក៣នាក់ទៀតនៅក្នុងពន្ធនាគារ

ខេមបូឌា ដេលី - March 16, 2022

ថ្នាក់ដឹកនាំសហជីពណាហ្គាវើលដ៍ (NAGA World) ចំនួន ៨នាក់ ត្រូវបានដោះលែងឱ្យនៅក្រៅឃុំបណ្ដោះអាសន្នកាលពីយប់ថ្ងៃទី១៤ ខែមីនា ឆ្នាំ២០២២ ខណៈសមាជិក ៣នាក់ទៀតនៅក្នុងពន្ធនាគារ បន្ទាប់ពីរដ្ឋមន្ត្រីក្រសួងមហាផ្ទៃ លោក ស ខេង បានដឹកនាំកិច្ចប្រជុំជាមួយភាគីពាក់ព័ន្ធកន្លងមក។ ការដោះលែងនេះ បានធ្វើឡើងបន្ទាប់ពីថ្នាក់ដឹកនាំសហជីពក្រុមហ៊ុនណាហ្គាវើលដ៍ទាំង ៨នាក់បានដាក់លិខិតទៅក្រសួងការងារ និងក្រសួងយុត្តិធម៌ ដើម្បីស្នើសុំនៅក្រៅឃុំបណ្ដោះអាសន្ន ក្រោយពីសាលាឧទ្ធរណ៍បានបដិសេធបណ្ដឹងសុំនៅក្រៅឃុំរបស់ពួកគេកាលពីថ្ងៃទី១០ ខែមីនា។ បើតាមលិខិតចំនួន៨ ដាច់ដោយឡែកពីគ្នា តែមានអត្ថន័យដូចៗគ្នា បញ្ជាក់ថា...

ព័ត៌មានជាតិ

កូដករ១៥៦នាក់ត្រូវបានចាប់បង្ខំដាក់ឡានដឹកយកទៅចត្តាឡីស័កបន្ទាប់ពីពួកគេចេញធ្វើកូដកម្មជាថ្មី

ខេមបូឌា ដេលី - March 12, 2022

កូដករជាង ១៥០នាក់ត្រូវបានសមត្ថកិច្ចរាជធានីភ្នំពេញចាប់ដាក់រថយន្តទាំងបង្ខំ និងដឹកទៅមណ្ឌលចត្តាឡីស័កខណ្ឌព្រែកព្នៅ បន្ទាប់ពីពួកគេចេញធ្វើកូដកម្មជាថ្មីទៀត ខណៈសមត្ថកិច្ចក៏បានរារាំងក្រុមអ្នកសារព័ត៌មាន និងសង្គមស៊ីវិលមិនឱ្យចូលទៅជិតទីតាំងដែលចាប់កូដករផងដែរនោះ។ កូដករក្រុមហ៊ុនណាហ្គាវើលដ៍ (NAGA World) ចំនួន ១៥៦នាក់ នៅរសៀលថ្ងៃសុក្រ ទី១១ មីនា បានចេញធ្វើកូដកម្មនៅជិតក្រុមហ៊ុនណាហ្គាវើលដ៍ជាថ្មីទៀត ក្រោយពីថ្នាក់ដឹកនាំ និងសកម្មជនសហជីព ១១នាក់មិនទាន់ត្រូវបានដោះលែង ខណៈវិវាទការងារក៏មិនទាន់ត្រូវបានដោះស្រាយនោះ។ កូដករម្នាក់ក្នុងចំណោម ១៥៦នាក់ដែលបានចេញធ្វើកូដកម្ម គឺកញ្ញា ស្រី ពៅ បានប្រើប្រាស់បណ្ដាញសង្គមហ្វេសប៊ុកឡាយរៀបរាប់ថា ពួកគាត់ជាកូដករចង់ឱ្យថៅកែក្រុមហ៊ុនចេញមកដោះស្រាយវិវាទការងារឱ្យកូដករតែប៉ុណ្ណោះ...

ច្បាប់

សង្គមស៊ីវិលនិងកូដករខកចិត្តដែលតុលាការបដិសេធបណ្ដឹងសុំនៅក្រៅឃុំរបស់ថ្នាក់ដឹកនាំសហជីពណាហ្គា

ឌឹ ខេមបូឌា ដេលី - March 11, 2022

សង្គមស៊ីវិល និងកូដករបង្ហាញការខកចិត្តចំពោះសាលាឧទ្ធរណ៍រាជធានីភ្នំពេញ ដែលបដិសេធបណ្ដឹងសុំនៅក្រៅឃុំរបស់ថ្នាក់ដឹកនាំសហជីពណាហ្គាវើលដ៍ (NAGA World) ទាំង ៨រូប ក្រោមហេតុផលដើម្បីរក្សាជនត្រូវចោទទុកជូនតុលាការ និងបារម្ភខ្លាចបង្កចលាចលក្នុងសង្គម។ ការបដិសេធបណ្ដឹងសុំនៅក្រៅឃុំរបស់មេធាវីការពារក្ដីឱ្យថ្នាក់ដឹកនាំសហជីពទាំង ៨រូប ធ្វើឡើងបន្ទាប់ពីប្រធានក្រុមប្រឹក្សាសាលាឧទ្ធរណ៍បានបើកសវនាការអសាធារណៈ នាព្រឹកថ្ងៃព្រហស្បតិ៍ ទី១០ មីនា នេះ។ សហមេធាវីការពារក្ដីឱ្យថ្នាក់ដឹកនាំសហជីពទាំង ៨រូប បានប្រាប់អ្នកសារព័ត៌មានថា ប្រធានក្រុមប្រឹក្សាជំនុំជម្រះសាលាឧទ្ធរណ៍ លោក ឃុន លាងម៉េង បានតម្កល់សេចក្ដីសម្រេចរបស់សាលាដំបូងរាជធានីភ្នំពេញដដែល ដោយនៅបន្តឃុំខ្លួនថ្នាក់ដឹកនាំសហជីពទាំង ៨រូបនៅពន្ធនាគារ...

ជំងឺកូវីដ ១៩

អង្គការសហប្រជាជាតិទាមទារឱ្យអាជ្ញាធរកម្ពុជាឈប់យកហេតុផលកូវីដបង្ក្រាបកូដករតវ៉ាដោយសន្តិវិធី

ឌឹ ខេមបូឌា ដេលី - March 10, 2022

ឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស ទាមទារឱ្យអាជ្ញាធរកម្ពុជាឲ្យឈប់យកហេតុផលកូវីដ-១៩ ដើម្បីបង្ក្រាបកូដករក្រុមហ៊ុនណាហ្គាវើលដ៍ (NAGA World) ដែលធ្វើកូដកម្មស្របច្បាប់ និងឲ្យគោរពសិទ្ធិសេរីភាពក្នុងការជួបប្រជុំដោយសន្តិវិធី។ ការទាមទារនេះ ធ្វើឡើងក្នុងសេចក្តីថ្លែងការណ៍មួយបន្ទាប់ពីបិទបញ្ចប់កិច្ចប្រជុំលើកទី៤៩ របស់ក្រុមប្រឹក្សាសិទ្ធិមនុស្សកាលពីថ្ងៃទី៧ ខែមករា ឆ្នាំ២០២២ កន្លងមក។ ឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស អ្នកស្រី មីឆែល ប៉ាហ្សេលែត បានបង្ហាញក្ដីកង្វល់អំពីការប្រើប្រាស់វិធានការទប់ស្កាត់ជំងឺកូវីដ-១៩ របស់អាជ្ញាធរ ដើម្បីបង្ក្រាបកូដកម្មស្របច្បាប់របស់ក្រុមបុគ្គលិកកាស៊ីណូណាហ្គាវើលដ៍។ អ្នកស្រីថា ការបន្តបង្ក្រាបទៅលើកូដករណាហ្គាវើលដ៍ ក្រោមហេតុផលកូវីដ-១៩ នេះថានឹងធ្វើឱ្យលំហប្រជាធិបតេយ្យ និងសង្គមស៊ីវិលកាន់តែធ្លាក់ចុះ ក្រោយពីមន្ត្រីការិយាល័យអង្គការសហប្រជាជាតិបានឃើញដោយផ្ទាល់នូវអំពើហិង្សានាពេលថ្មីៗនេះ...

ព័ត៌មានជាតិ

លោក ស ខេង នឹងជួបជាមួយភាគីពាក់ព័ន្ធវិវាទក្រុមហ៊ុនណាហ្គាវើលដ៍ ខណៈស្ថានទូតអាល្លឺម៉ង់អំពាវនាវឲ្យវិលចូលតុចរចា

ខេមបូឌា ដេលី - March 9, 2022

រដ្ឋមន្ត្រីក្រសួងមហាផ្ទៃ លោក ស ខេង គ្រោងនឹងជួបប្រជុំជាមួយភាគីពាក់ព័ន្ធនៅថ្ងៃទី៩ មីនា នេះ ដើម្បីស្វែងរកដំណោះស្រាយវិវាទការងារនៅក្រុមហ៊ុនកាស៊ីណូណាហ្គាវើលដ៍ (NAGA World) ខណៈស្ថានទូតអាល្លឺម៉ង់ អំពាវនាវជាថ្មីឱ្យភាគីពាក់ព័ន្ធនៅក្នុងវិវាទការងារវិលចូលតុចរចា ដើម្បីស្វែងរកដំណោះស្រាយ។ យោងតាមលិខិតអញ្ជើញមួយច្បាប់ចេញផ្សាយកាលពីថ្ងៃទី៤ ខែមីនា ឆ្នាំ២០២២ ដែលទើបផ្សព្វផ្សាយនៅថ្ងៃអង្គារ ទី៨ មីនា នេះ បានឱ្យដឹងថា រដ្ឋមន្ត្រីក្រសួងមហាផ្ទៃ លោក ស ខេង...

ព័ត៌មានជាតិ

អាជ្ញាធរចាប់ខ្លួនកូដករ NAGA ជិត២០០នាក់បញ្ជូនទៅចត្តាឡីស័កបន្ទាប់ពួកគេធ្វើកូដកម្មសាជាថ្មី

ខេមបូឌា ដេលី - March 8, 2022

សមត្ថកិច្ចរាជធានីភ្នំពេញ វាយ និងចាប់ខ្លួនក្រុមកូដករណាហ្គាវើលដ៍ (NAGA World) ជិត ២០០នាក់ទាំងបង្ខំដាក់រថយន្តបញ្ជូនទៅទុកនៅមណ្ឌលចត្តាឡីស័កក្នុងខណ្ឌព្រែកព្នៅ បន្ទាប់ពីពួកគេបាននាំគ្នាចេញធ្វើកូដកម្មជាថ្មីទៀត។ ក្នុងវីដេអូឃ្លីបកងកម្លាំងសមត្ថកិច្ចជាច្រើននៅថ្ងៃទី៧ មីនា នេះ បានចុះទៅចាប់ខ្លួន ហើយថែមទាំងបានវាយត្រូវក្បាលកូដករ និងបានចាប់បង្ខំឱ្យចូលរថយន្ត ដើម្បីដឹកយកទៅមណ្ឌលចត្តាឡីស័កជាថ្មីទៀត។ វិធានការរបស់សមត្ថកិច្ច បានធ្វើឡើងបន្ទាប់ពីពួកគេបាននាំគ្នាបន្តធ្វើកូដកម្មជាថ្មីទៀតនៅមុខក្រុមហ៊ុនណាហ្គាវើលដ៍ទី២។ កូដករម្នាក់ក្នុងចំណោមជិត ២០០នាក់ ឈ្មោះ Tulip Mar ដែលត្រូវបានសមត្ថកិច្ចរាជធានីភ្នំពេញចាប់ទៅដាក់នៅមណ្ឌលចត្តាឡីស័កខណ្ឌព្រែកព្នៅ បានប្រើប្រាស់បណ្ដាញសង្គមហ្វេសប៊ុកឡាយរៀបរាប់ថា សមត្ថកិច្ចមិនបានជួយដោះស្រាយវិវាទជាមួយក្រុមហ៊ុនណាហ្គា ប៉ុន្តែថែមទាំងចាប់ខ្លួន...

ច្បាប់

សង្គមស៊ីវិលរិះគន់អាជ្ញាធរដែលប្រើហិង្សានិងបៀតបៀនផ្លូវភេទលើស្ត្រីជាកូដករណាហ្គាវើលដ៍

ខេមបូឌា ដេលី - February 26, 2022

អង្គការសង្គមស៊ីវិលជាង ៥០ស្ថាប័នបានសម្ដែងការសោកស្ដាយចំពោះអាជ្ញាធរដែលប្រើប្រាស់អំពើហិង្សា និងបៀតបៀនផ្លូវភេទលើស្ត្រីជាកូដករនៅក្រុមហ៊ុនណាហ្គាវើលដ៍ (NAGA World) អំឡុងពេលសមត្ថកិច្ចចាប់ពួកគេទាំងបង្ខំចូលរថយន្តក្រុង ដោយសារពួកគេជួបជុំធ្វើកូដកម្មដោយសន្តិវិធី។ អង្គការសង្គមស៊ីវិល សហគមន៍មូលដ្ឋាន និងសហជីពចំនួន ៥១ស្ថាប័ន បានចេញសេចក្តីថ្លែងការណ៍រួមគ្នាមួយកាលពីថ្ងៃទី២៤ ខែកុម្ភៈ ឆ្នាំ២០២២ ទាមទារឱ្យអាជ្ញាធរត្រូវបញ្ឈប់ការធ្វើទុក្ខបុកម្នេញទៅលើសមាជិកសហជីពណាហ្គាវើលដ៍ជាស្ត្រីដែលកំពុងធ្វើកូដកម្មដោយសន្តិវិធី។ ក្រុមអង្គការសង្គមស៊ីវិល បានលើកឡើងថា កាលពីថ្ងៃទី២២ ខែកុម្ភៈ ឆ្នាំ២០២២ អាជ្ញាធរបានចាប់រុញ ទាញ និងសែងកូដករដែលកំពុងធ្វើកូដកម្មអហិង្សាដោយបង្ខំ ហើយរុញ និងធាក់ឱ្យចូលក្នុងរថយន្តក្រុង។ អំឡុងពេលនោះ...

1...456...9 Page 5 of 9

Latest news

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

June 4, 2026

អតីតឧកញ៉ា ឡេង ចាន់ណា និងបក្ខពួក សារភាពទទួលប្រាក់ជិត១០០លានដុល្លារ ពីគម្រោងឆបោក

May 29, 2026

សហរដ្ឋអាមេរិក ថា ការអះអាងអំពីការចូលរួមរបស់សហរដ្ឋអាមេរិកក្នុងសកម្មភាពប្រឆាំងនឹងរដ្ឋាភិបាលកម្ពុជាក្នុងសំណុំរឿងលោក កឹម សុខា គឺគ្មានមូលដ្ឋាន

May 29, 2026

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

May 26, 2026

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

May 26, 2026