TAG
បណ្ឌិត សេក សុជាតិ
GDP បន្តបង្កើនសហការគណបក្សបីបន្ថែមទៀតមុនការចូលរួមបោះឆ្នោតជាតិឆ្នាំ២០២៣
គណបក្សប្រជាធិបតេយ្យមូលដ្ឋាន (GDP) សម្រេចដាក់ផែនការបង្កើនការសហការគ្នារវាងគណបក្សក្រៅរដ្ឋាភិបាលឱ្យបាន ៣គណបក្សបន្ថែមទៀត ដើម្បីឲ្យគ្រប់ចំនួន ៧គណបក្ស មុនការចូលរួមបោះឆ្នោតជាតិនៅឆ្នាំ២០២៣ ខាងមុខនេះ។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន បណ្ឌិត យ៉ង សាំងកុមារ បានប្រាប់សារព័ត៌មាន The Cambodia Daily នៅថ្ងៃទី១៩ កញ្ញា នេះថា ក្រុមរបស់លោកនឹងសម្របសម្រួលឲ្យមានការសហការគ្នាឲ្យបានគណបក្សចំនួន៧ ឆ្ពោះទៅរកគោលដៅតែមួយ ក្រោមគោលការណ៍ចែកមណ្ឌលគ្នាដើម្បីប្រមូលសំឡេងឆ្នោតដែលពលរដ្ឋម្ចាស់ឆ្នោតធ្លាប់គាំទ្រខ្លួន ប៉ុន្តែត្រូវបានគេបោះបង់ចោលដោយសារតែសំឡេងមិនគ្រប់ចំនួនក្នុងការទទួលបានអាសនៈក្នុងរដ្ឋសភា សម្រាប់ធ្វើជាតំណាងរបស់ពលរដ្ឋនាពេលកន្លងមក។
លោកបន្តថា ការបង្កើតសម្ព័ន្ធភាពរវាងគណបក្សក្រៅរដ្ឋាភិបាលនឹងគ្មានប្រយោជន៍ទេ...
តំណាងរាស្ត្រអាមេរិកាំងទម្លាយថាបុរសខ្លាំងកម្ពុជាមានចេតនាគេចវេះមិនហ៊ានជួបតទល់នឹងពួកគេ
តំណាងរាស្ត្រអាមេរិកាំងដ៏មានឥទ្ធិពលដែលតែជំរុញឲ្យស្ដារលទ្ធិប្រជាធិបតេយ្យ និងសិទ្ធិមនុស្សនៅកម្ពុជា ទម្លាយថា បុរសខ្លាំងកម្ពុជា លោក ហ៊ុន សែន គេចវេះមិនហ៊ានប្រឈមមុខតទល់ជាមួយនឹងក្រុមតំណាងរាស្ត្រអាមេរិកាំងមួយក្រុមដែលបាននាំគ្នាទៅធ្វើទស្សនកិច្ចនៅកម្ពុជាកាលពីពេលថ្មីៗនេះ។
តំណាងរាស្ត្រសហព័ន្ធសហរដ្ឋអាមេរិកប្រចាំរដ្ឋកាលីហ្វ័រញ៉ាពីខាងគណបក្សប្រជាធិបតេយ្យ លោក Alan Lowenthal បានប្រាប់សារព័ត៌មាន The Cambodia Daily នៅក្នុងពិធីទទួលទានភោជនាហារសាមគ្គី ដើម្បីអបអរសាទរ និងផ្តល់កិត្តិយសសម្រាប់ការចូលនិវត្តន៍របស់លោកកាលពីថ្ងៃទី១០ ខែកញ្ញា ដែលរៀបចំឡើងដោយសហគមន៍ខ្មែរក្នុងទីក្រុងឡងប៊ិច ថា លោក ហ៊ុន សែន...
លោក ទៀ បាញ់ បន្តចោទអាមេរិកថាជ្រៀតជ្រែកកិច្ចការផ្ទៃកម្ពុជាករណីមូលដ្ឋានកងទ័ពជើងទឹករាម
មន្ត្រីជាន់ខ្ពស់នៃក្រសួងការពារជាតិកម្ពុជា អះអាងថា ប៉ុន្មានឆ្នាំចុងក្រោយនេះ អាមេរិកបានចោទកម្ពុជាជាបន្តបន្ទាប់ថាអនុញ្ញាតឲ្យចិនតាំងមូលដ្ឋានកងទ័ពជើងទឹកនៅតំបន់រាម ជាការជ្រៀតជ្រែកកិច្ចការផ្ទៃក្នុងរបស់កម្ពុជា។
រដ្ឋមន្ត្រីក្រសួងការពារជាតិកម្ពុជា លោក ទៀ បាញ់ បានលើកឡើងក្នុងពិធីប្រគល់ និងទទួលរថយន្ត ១៥០គ្រឿងដែលជាជំនួយឥតសំណងរបស់ក្រសួងការពារជាតិចិន ដល់ក្រសួងការពារជាតិកម្ពុជា កាលពីថ្ងៃទី១ ខែកញ្ញា ឆ្នាំ២០២២ នេះថា កម្ពុជាមានសិទ្ធិគ្រប់គ្រាន់ក្នុងការកសាងទំនើបកម្មនៅក្នុងមូលដ្ឋានសមុទ្ររាម ហើយការចោទប្រកាន់ថាកម្ពុជាអនុញ្ញាតឱ្យចិនតាំងមូលដ្ឋានទ័ពនៅក្នុងប្រទេស គឺជាអ្នកដែលមានភ្នែកល្អ តែធ្វើខ្វាក់តែប៉ុណ្ណោះ។
រដ្ឋមន្ត្រីក្រសួងការពារជាតិកម្ពុជារូបនេះអះអាងថា ការកសាងទំនើបកម្មសមុទ្ររាមនេះ គឺដើម្បីបង្កើនសមត្ថភាពរបស់កងទ័ពជើងទឹកកម្ពុជា ឱ្យកាន់តែរីកចម្រើនបន្ថែមទៀតប៉ុណ្ណោះ ហើយការចោទប្រកាន់ថាមូលដ្ឋានជើងទឹករាមនេះបានដាក់ជាមូលដ្ឋានកងទ័ពចិននោះ...
លោក សម រង្ស៊ី ប្រកាសចូលរួមសវនាការ ប៉ុន្តែទាមទាររដ្ឋាភិបាលលុបចោលបម្រាមបិទផ្លូវមិនឲ្យលោកចូលស្រុក
អតីតមេដឹកនាំបក្សប្រឆាំង លោក សម រង្ស៊ី ប្រកាសថានឹងទៅចូលរួមសវនាការក្នុងទីក្រុងភ្នំពេញនៅពាក់កណ្តាលខែកញ្ញា ឆ្នាំ២០២២ ខាងមុខនេះជាមួយនឹងមន្ត្រីជាន់ខ្ពស់មួយចំនួនទៀតដែលកំពុងរស់នៅក្រៅស្រុក ប៉ុន្តែរដ្ឋាភិបាលត្រូវលុបចោលបម្រាមដែលធ្លាប់បិទផ្លូវលោកមិនឱ្យវិលចូលស្រុកកន្លងមក ព្រមទាំងអនុញ្ញាតឲ្យពលរដ្ឋខ្មែរទៅទទួលរូបលោកតាមការស្ម័គ្រចិត្តនៅពេលដែលលោកធ្វើដំណើរទៅដល់ប្រទេសកម្ពុជា។
អតីតមេដឹកនាំបក្សប្រឆាំងដែលកំពុងរស់នៅក្រៅស្រុក លោក សម រង្ស៊ី បានសរសេរលើទំព័រហ្វេសប៊ុករបស់លោកកាលពីថ្ងៃទី២៣ ខែសីហា ឆ្នាំ២០២២ នេះថា បើមេដឹកនាំបក្សកាន់អំណាច លោក ហ៊ុន សែន មានភាពក្លាហានឲ្យលោកវិលត្រឡប់ទៅកម្ពុជាពិតប្រាកដមែន រដ្ឋាភិបាលឯកបក្សរបស់គាត់ត្រូវតែលើកបម្រាមមួយចំនួនដែលធ្លាប់ហាមឃាត់រូបលោកនាពេលកន្លងមក។
អតីតមេដឹកនាំប្រឆាំងរូបនេះមានលក្ខខណ្ឌមួយចំនួនដែលចង់ឲ្យលោក ហ៊ុន សែន...
អ្នកឃ្លាំមើលថាការដកលោក សាន្ត ប៊ុនធឿន ពីកងកម្លាំងការពារជាតិជារឿងល្អដើម្បីកុំឲ្យមានគំរូអាក្រក់ក្នុងសង្គម
ក្រុមអ្នកឃ្លាំមើលសង្គមអះអាងថា ការដកតំណែងលោក សាន្ត ប៊ុនធឿន ចាងហ្វាងកាសែតគ្មានក្រមសីលធម៌ និងវិជ្ជាជីវៈ ក្រោមការទំនុកបម្រុងរបស់គ្រួសារត្រកូល «ហ៊ុន» ពីកងកម្លាំងការពារជាតិ ជារឿងល្អ ដើម្បីកុំឲ្យអ្នកដទៃយកគំរូតាម ពីព្រោះទង្វើរបស់បុគ្គលរូបនេះបានជះឥទ្ធិពលអាក្រក់ទៅដល់យុវជនដែលប្រើប្រាស់បណ្ដាញសង្គមហ្វេសប៊ុកសព្វថ្ងៃ។
ស្ថាបនិកអង្គការអភិវឌ្ឍន៍ផ្នត់គំនិត លោក សេក សុជាតិ បានប្រាប់សារព័ត៌មាន The Cambodia Daily នៅថ្ងៃទី២២ សីហា នេះថា យោងតាមករណីលោក សាន្ត...
លោក ស ខេង ណែនាំសមាជិកបក្សរបស់ខ្លួនដែលជាប់ឆ្នោតត្រូវរួមគ្នាបម្រើពលរដ្ឋ
អនុប្រធានបក្សកាន់អំណាច លោក ស ខេង ណែនាំឱ្យសមាជិកបក្សរបស់ខ្លួនដែលបានជាប់ឆ្នោតជាក្រុមប្រឹក្សាឃុំ-សង្កាត់ ត្រូវរួមគ្នាបំពេញតួនាទីភារកិច្ចបម្រើប្រជាពលរដ្ឋឱ្យបានល្អ ដោយយកចិត្តទុកដាក់ដោះស្រាយបញ្ហាប្រឈមរបស់ពលរដ្ឋឱ្យបានឆាប់រហ័ស និងប្រកបដោយប្រសិទ្ធភាពនៅក្នុងមូលដ្ឋានរបស់ខ្លួន។
រដ្ឋមន្ត្រីក្រសួងមហាផ្ទៃ និងជាអនុប្រធានបក្សកាន់អំណាច លោក ស ខេង បានលើកឡើងក្នុងកិច្ចប្រជុំជាមួយសមាជិករបស់ខ្លួនក្នុងខេត្តព្រៃវែង កាលពីថ្ងៃទី៣១ ខែកក្កដា ឆ្នាំ២០២២ ថា សមាជិកគណបក្សកាន់អំណាចទាំងអស់ដែលបានជាប់ជាមេឃុំ ជំទប់ឃុំ និងសមាជិកក្រុមប្រឹក្សាឃុំ-សង្កាត់ ត្រូវតែខិតខំយកចិត្តទុកដាក់ដោះស្រាយក្ដីកង្វល់ សំណើ សំណូមពរ និងបញ្ហាប្រឈមរបស់ពលរដ្ឋឱ្យបានឆាប់រហ័ស...
លោក ហេង សំរិន ជំរុញឱ្យមន្ត្រីបក្សទប់ស្កាត់ការប៉ុនប៉ងបង្កចលាចលរបស់ក្រុមប្រឆាំងជ្រុលនិយម
ប្រធានរដ្ឋសភា លោក ហេង សំរិន ជំរុញឱ្យមន្ត្រីគណបក្សកាន់អំណាចទាំងអស់ការពារដាច់ខាតនូវសន្តិភាព ស្ថិរភាពនយោបាយ សន្តិសុខ សណ្ដាប់ធ្នាប់សង្គមឱ្យបានដាច់ខាតដោយគ្មានករណីលើកលែងឡើយ ចំពោះការប៉ុនប៉ងបង្កចលាចលរបស់ក្រុមប្រឆាំងជ្រុលនិយម។
លោក ហេង សំរិន បានព្រមាននៅក្នុងកិច្ចប្រជុំបូកសរុបលទ្ធផលការងារបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ នៅទីស្នាក់ការគណបក្សកាន់អំណាចក្នុងខេត្តត្បូងឃ្មុំ កាលពីថ្ងៃទី២៣ ខែកក្កដា ឆ្នាំ២០២២ ថា ត្រូវការពារឱ្យមាននូវស្ថិរភាពនយោបាយ សន្តិសុខសណ្ដាប់ធ្នាប់សង្គម ដើម្បីបង្ហាញពីភាពចាស់ទុំនៃដំណើរការប្រជាធិបតេយ្យសេរីពហុបក្សស្របតាមរដ្ឋធម្មនុញ្ញ និងច្បាប់របស់កម្ពុជាផងដែរ។
លោក ហេង សំរិន អំពាវនាវឱ្យមន្ត្រីបក្សកាន់អំណាចគ្រប់ជាន់ថ្នាក់របស់ខ្លួន...
បក្សក្រៅរដ្ឋាភិបាលបង្ហាញសញ្ញាវិជ្ជមានក្នុងការចងសម្ពន្ធភាពចូលរួមការបោះឆ្នោតជាតិ
គណបក្សក្រៅរដ្ឋាភិបាលចំនួន ៤ លើកឡើងថា ការចងសម្ពន្ធភាពរវាងគណបក្សនយោបាយក្រៅរដ្ឋាភិបាលដែលមាននិន្នាការស្រដៀងគ្នា ដើម្បីចូលរួមការបោះឆ្នោតជាតិឆ្នាំ២០២៣ ខាងមុខ គឺជាសញ្ញាវិជ្ជមានដែលជំរុញឱ្យរដ្ឋាភិបាលមានការទទួលខុសត្រូវកាន់តែខ្ពស់ក្នុងការបម្រើពលរដ្ឋ បន្ទាប់ពីមិនអាចយកជ័យជម្នះលើបក្សកាន់អំណាចបានក្រោយពីការបោះឆ្នោតឃុំ-សង្កាត់។
គណបក្សទាំងបួននេះរួមមានគណបក្សភ្លើងទៀន គណបក្សឆន្ទៈខ្មែរ គណបក្សកែទម្រង់កម្ពុជា និងគណបក្សប្រជាធិបតេយ្យមូលដ្ឋាន នឹងធ្វើសន្និសីទសារព័ត៌មានរួមគ្នានៅថ្ងៃទី១១ ខែកក្កដា ឆ្នាំ២០២២ «ដើម្បីបង្ហាញពីផែនការនៃការតស៊ូមតិលើសំណើកែលំអប្រព័ន្ធបោះឆ្នោត និងសេរីភាពនយោបាយនៅកម្ពុជា»។
សន្និសីទរួមគ្នាដែលមិនធ្លាប់មាននេះ បានកើតឡើងក្រោយពីគណបក្សទាំងនោះបានអះអាងអំពីការរកឃើញថាមានភាពមិនប្រក្រតីមួយចំនួន និងមានការគំរាមកំហែងខាងនយោបាយនៅក្នុងដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់កាលពីខែមិថុនា កន្លងទៅ។
ប្រធានគណៈកម្មាធិការនាយកនៃគណបក្សប្រជាធិបតេយ្យមូលដ្ឋាន បណ្ឌិត យ៉ង សាំងកុមារ បានសរសេរលើគណនីហ្វេសប៊ុករបស់ខ្លួននៅថ្ងៃទី៨ កក្កដា...
អ្នកឃ្លាំមើល៖ អ្នកប្រជាធិបតេយ្យគួររួបរួមគ្នាបង្កើតបក្សតែមួយឱ្យបានមុនខែកក្កដា ឆ្នាំ២០២៣
អ្នកឃ្លាំមើលសង្គមមួយរូបជំរុញឲ្យអ្នកប្រជាធិបតេយ្យគួរតែរួបរួមគ្នាបង្កើតសម្ពន្ធភាពជាបក្សតែមួយឱ្យបានមុនខែកក្កដា ឆ្នាំ២០២៣ ដើម្បីប្រកួតប្រជែងជាមួយបក្សកាន់អំណាច នោះពួកគេនឹងទទួលបានជោគជ័យធំធេងសម្រាប់ពលរដ្ឋខ្មែរ និងប្រជាធិបតេយ្យនៅកម្ពុជាទៅថ្ងៃអនាគត ជាជាងការប្រជែងគ្នាធ្វើខ្លួនជាអ្នកធំនៅក្នុងបក្សរៀងៗខ្លួន។
លោក សេក សុជាតិ បានសរសេរលើគណនីហ្វេសប៊ុករបស់លោកនៅថ្ងៃទី១ កក្កដា នេះថា អ្នកប្រជាធិបតេយ្យគួរសហការគ្នាបង្កើតកម្លាំងមួយឱ្យធំ រស់នៅជុំគ្នា និងខិតខំធ្វើការងារឱ្យខ្លាំងដូចសត្វកណ្ដៀរ និងការពារសម្បុកដូចជាសត្វស្រមោច ទើបគូប្រជែងដែលជាបក្សកាន់អំណាចមិនហ៊ានប្រព្រឹត្តទង្វើអនាធិបតេយ្យដូចដែលគេកំពុងធ្វើបច្ចុប្បន្ននេះ។
លោក សេក សុជាតិ អះអាងថា បើគណបក្សនយោបាយក្រៅរដ្ឋាភិបាលនីមួយៗចូលរួមការបោះឆ្នោតរៀងៗខ្លួន គឺមានតែនាំគ្នាចាញ់បក្សកាន់អំណាចតែប៉ុណ្ណោះ ប៉ុន្តែបើពួកគេរួបរួមគ្នាជាបក្សតែមួយ នឹងទទួលបានជោគជ័យធំធេងសម្រាប់ពលរដ្ឋខ្មែរ និងប្រជាធិបតេយ្យនៅកម្ពុជាទៅថ្ងៃអនាគតផងដែរ។
នាយកប្រតិបត្តិអង្គការអភិវឌ្ឍផ្នត់គំនិតរូបនេះបញ្ជាក់ថា...
រដ្ឋាភិបាលយកថ្ងៃទី២៣ កក្កដា ២០២៣ ជាថ្ងៃបោះឆ្នោតជ្រើសតាំងតំណាងរាស្ត្រ
រាជរដ្ឋាភិបាលកម្ពុជាកំណត់យកថ្ងៃអាទិត្យ ទី២៣ ខែកក្កដា ឆ្នាំ២០២៣ ជាថ្ងៃបោះឆ្នោតជ្រើសតាំងតំណាងរាស្ត្រសម្រាប់នីតិកាលទី៧ នៃរដ្ឋសភាកម្ពុជា បន្ទាប់ពីកម្ពុជាបានបញ្ចប់នូវការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់កាលដើមខែមិថុនា ឆ្នាំ២០២២ កន្លងទៅនេះ។
បុរសខ្លាំងកម្ពុជា លោក ហ៊ុន សែន បានចេញអនុក្រឹត្យកាលពីថ្ងៃទី២៩ ខែមិថុនា ឆ្នាំ២០២២ ថា កម្ពុជានឹងអនុវត្តដំណើរការនៃការបោះឆ្នោតជ្រើសតាំងតំណាងរាស្ត្រទៅតាមអាណត្តិរបស់ខ្លួនដែលមានរយៈពេល ៥ឆ្នាំម្តង នៅថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ។
ក្នុងសេចក្តីសម្រេចនៃអនុក្រឹត្យនេះ បានសម្រេចឱ្យរដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី...