TAG
រុស្ស៊ី-អ៊ុយក្រែន
លោក គីម ជុងអ៊ុន និងលោក ពូទីន សន្យាជួយគ្នាទៅវិញទៅមកករណីសង្គ្រាមនៅអ៊ុយក្រែន
ក្នុងដំណើរតាមរថភ្លើងដោយឆ្លងកាត់ព្រំដែនរួមកូរ៉េខាងជើង និងរុស្ស៊ី បាននាំលោក គីម ជុងអ៊ុន ចូលទៅដល់ខាងក្នុងនៃទឹកដីរុស្ស៊ី ដោយបានឆ្ពោះទៅដល់តំបន់ស៊ីបេរី នោះហើយ ដែលលោក វ្ល៉ាឌីមៀរ ពូទីន រង់ចាំចាប់ដៃរលាក់ជាមួយលោក គីម ជុងអ៊ុន។
តាមការចេញផ្សាយដោយទីភ្នាក់ងារសារព័ត៌មាន AFP មេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីរុស្ស៊ី លោក វ្ល៉ាឌីមៀរ ពូទីន បានជួបគ្នា...
ប្រមុខការទូតអាមេរិកទៅទីក្រុងគៀវ ប្រកាសពីជំនួយថ្មីជាង ១ពាន់លានដុល្លារ
នៅរដ្ឋធានីគៀវ នៃប្រទេសអ៊ុយក្រែន នៅថ្ងៃទី៦ កញ្ញា នេះ មានព្រឹត្តិការណ៍សំខាន់ពីរដែលអ្នកសារព័ត៌មានធ្វើការកត់សម្គាល់ និងធ្វើសេចក្ដីរាយការណ៍ គឺទី១ រដ្ឋមន្ត្រីការបរទេសអាមេរិក ទៅដល់ទីក្រុងគៀវ ត្រូវគេរំពឹងថានឹងប្រកាសជំនួយជាង ១ពាន់លានដុល្លារថ្មីទៀតទៅឱ្យប្រទេសមួយដែលហែកហួរដោយសង្គ្រាមឈ្លានពានពីមហាអំណាចរុស្ស៊ី និងទី២ នាយករដ្ឋមន្ត្រីនៃប្រទេសដាណឺម៉ាក ថ្លែងសុន្ទរកថាទៅកាន់សមាជិកអ៊ុយក្រែន ខណៈអ្នកស្រី Mette Frederiksen ក៏លើកឡើងអំពីជំនួយរបស់ប្រទេសដាណឺម៉ាក ផងដែរ។
ទីភ្នាក់ងារសារព័ត៌មាន Reuters បានធ្វើសេចក្ដីរាយការណ៍ពីរដ្ឋធានីគៀវ នៅថ្ងៃពុធ ទី៦...
លោក បៃដិន បញ្ជូនលិខិតសាទរអ៊ុយក្រែនរំលឹកខួបឯករាជ្យជាតិចំពេលប្រទេសធ្លាក់ក្នុងសង្គ្រាម
ប្រធានាធិបតីសហរដ្ឋអាមេរិកលោក ចូ បៃដិន បញ្ជូនលិខិតទៅជូនសមភាគីអ៊ុយក្រែន លោក វូឡូឌីមៀ ហ្សេឡេនស្គី ដែលលោក បៃដិន ផ្ញើសារសាទរប្រជាជនអ៊ុយក្រែនដែលបានធ្វើពលិកម្មដើម្បីសេរីភាព និងអធិបតេយ្យភាពរបស់ប្រទេស។
លិខិតរបស់លោក បៃដិន ត្រូវបានចុះផ្សាយនៅលើគេហទំព័រសេតវិមាន។ កាលពីថ្ងៃទី២៤ សីហា ជាទិវាបុណ្យឯករាជ្យជាតិរបស់ប្រទេសអ៊ុយក្រែន។ ក្នុងព្រឹត្តិការណ៍នេះ មេដឹកនាំប្រទេសអឺរ៉ុប មួយចំនួនបានធ្វើដំណើរទៅចូលរួមដោយផ្ទាល់នៅរដ្ឋធានីគៀវ ជាទីក្រុងដែលកំពុងរងការវាយប្រហារដោយគ្រាប់មីស៊ីលរបស់រុស្ស៊ី។
ប្រធានាធិបតីលីទុយអានី ប្រទេសព័រទុយហ្គាល់ នាយករដ្ឋមន្ត្រីហ្វាំងឡង់ បានទៅកាន់រដ្ឋធានីគៀវ។ ក្រៅពីនេះ...
តុល្យការនៃសង្គ្រាមរុស្ស៊ីឈ្លានពានអ៊ុយក្រែនចូលដល់៥៣៨ថ្ងៃ រុស្ស៊ីបាត់បង់ទ័ពជាង ២៥ម៉ឺន៥ពាន់នាក់
ចាប់តាំងពីរុស្ស៊ីលើកទ័ពលុកលុយប្រទេសអ៊ុយក្រែន ទ្រង់ទ្រាយធំនៅថ្ងៃទី២៤ ខែកុម្ភៈ ឆ្នាំ២០២២ មកទល់ថ្ងៃទី១៦ ខែសីហា នេះ សង្គ្រាមបានអូសបន្លាយអស់រយៈពេល ៥៣៨ថ្ងៃ។ ជាមួយគ្នានេះ ក្រសួងការពារជាតិអ៊ុយក្រែន បានបញ្ចេញតួលេខចុងក្រោយរបស់ខ្លួនជាថ្មីម្ដងទៀត ដោយធ្វើការផ្ទៀងផ្ទាត់អំពីការបាត់បង់ទ័ព និងសព្វាវុធរបស់រុស្ស៊ី។
សារព័ត៌មានរបស់អ៊ុយក្រែន The new voice of Ukraine បានស្រង់របាយការណ៍របស់ក្រសួងការពារជាតិអ៊ុយក្រែន មកចុះផ្សាយថា រុស្ស៊ីបាត់បង់ទ័ព និងសព្វាវុធយ៉ាងសម្បើម បើប្រៀបធៀបទៅនឹងសហភាពសូវៀតលើកទ័ពចូលទៅលុកលុយប្រទេសអាហ្វហ្គានីស្ថាន...
ចិនព្យាយាមបង្ហាញតួនាទីអព្យាក្រឹត្យចំពោះសង្គ្រាមរុស្ស៊ី-អ៊ុយក្រែន ខណៈចិននៅតែផ្ដល់ដង្ហើមសេដ្ឋកិច្ចទៅរុស្ស៊ី
ប្រទេសចិន ដែលកំពុងបរាជ័យក្នុងការដើរតួនាទីជាអ្នកសម្របសម្រួលឱ្យមានការចរចាឡើងវិញរវាងរុស្ស៊ី និងអ៊ុយក្រែន បានបង្ហាញជំហររបស់ខ្លួនប្រាប់ពិភពលោកថា ក្រុងប៉េកាំង មិនបានលម្អៀងទៅភាគីណាមួយនោះទេរវាងរុស្ស៊ី និងអ៊ុយក្រែន។
នៅក្នុងសន្និសីទអន្តរជាតិមួយស្ដីពីសង្គ្រាមនៅប្រទេសអ៊ុយក្រែន ដែលធ្វើឡើងនៅលើទឹកដីនៃប្រទេសអារ៉ាប៊ីសាអ៊ូឌីត តំណាងប្រទេសចិនបានចេញសេចក្ដីថ្លែងការណ៍បញ្ជាក់អំពីជំហរអព្យាក្រឹត្យរបស់ខ្លួនចំពោះវិបត្តិនៃប្រទេសអ៊ុយក្រែន។
ការប្រកាសរបស់ចិន ដែលបង្ហាញជំហរដូចនេះចំពោះសង្គ្រាមរុស្ស៊ីឈ្លានពានអ៊ុយក្រែន បាននាំឱ្យតំណាងសហរដ្ឋអាមេរិកចាត់ទុកជាជំហានថ្មីដ៏ល្អប្រសើរ។
ប្រទេសចំនួន ៤០ មានទាំងសហរដ្ឋអាមេរិក ចិន ឥណ្ឌា ព្រមទាំងប្រទេសនៅអឺរ៉ុប មានអង់គ្លេស អាល្លឺម៉ង់ បារាំង បានចូលរួមក្នុងសន្និសីទអន្តរជាតិស្ដីពីអ៊ុយក្រែន ដែលរៀបចំឡើងដោយប្រទេសអារ៉ាប៊ីសាអ៊ូឌីត កាលពីថ្ងៃសៅរ៍ និងថ្ងៃអាទិត្យសប្ដាហ៍មកនេះ តំណាងរដ្ឋាភិបាលចិន...
ជប៉ុនថ្កោលទោសរុស្ស៊ីគំរាមបញ្ឆេះសង្គ្រាមនុយក្លេអ៊ែរ ខណៈក្រុងតូក្យូរំលឹកខួបទម្លាក់គ្រាប់បែកបរមាណូ
កាលពីថ្ងៃអាទិត្យ ទី៦ ខែសីហា នេះជាគម្រប់ខួប ៧៨ឆ្នាំនៃការទម្លាក់គ្រាប់បែកបរមាណូលើកោះហ៊ីរ៉ូស្ហ៊ីម៉ា នៃប្រទេសជប៉ុន ដោយកងទ័ពអាកាសសហរដ្ឋអាមេរិក។ តែក្នុងឱកាសនោះ លោកនាយករដ្ឋមន្ត្រីជប៉ុន ហ្វូមីអូ គីស៊ីដា បានថ្កោលទោសរុស្ស៊ីដែលគំរាមកំហែងចង់បញ្ឆេះសង្គ្រាមនុយក្លេអ៊ែរវាយប្រហារទៅលើទឹកដីអ៊ុយក្រែន ទៅវិញ។
នៅក្នុងពិធីប្រារព្ធខួប ៧៨ឆ្នាំនៃការទម្លាប់គ្រាប់បែកបរមាណូលើកោះហ៊ីរ៉ូស្ហ៊ីម៉ា និងណាកាសាគី ដែលមានអ្នកចូលរួមជាជនរងគ្រោះ និងឥស្សរជនបរទេសមកពី ១១១ប្រទេស តែលើកនេះពុំមានតំណាងប្រទេសរុស្ស៊ី និងបេឡារុស នោះទេ។ លោក ហ្វូមីអូ គីស៊ីដា...
ជំនួបរដ្ឋមន្ត្រីសេដ្ឋកិច្ច G-20 មិនអាចចេញសេចក្ដីថ្លែងការណ៍រួមដោយសារសង្គ្រាមរុស្ស៊ីឈ្លានពានអ៊ុយក្រែន
កិច្ចប្រជុំរយៈពេលពីរថ្ងៃនៃក្រុមរដ្ឋមន្ត្រីសេដ្ឋកិច្ចមកពីប្រទេសសេដ្ឋកិច្ចជឿនលឿន G-20 ដែលធ្វើឡើងនៅលើទឹកដីនៃប្រទេសឥណ្ឌា បានបិទបញ្ចប់ដោយពុំអាចចេញសេចក្ដីថ្លែងការណ៍រួមដើម្បីធ្វើការបូកសរុបលទ្ធផលនៃកិច្ចប្រជុំ ដោយសារតែមានការខ្វែងគំនិតគ្នាខ្លាំងឈានដល់ការបែងចែកបក្ខពួកព្រោះតែករណីសង្គ្រាមរុស្ស៊ីឈ្លានពានអ៊ុយក្រែន។
នេះបើតាមទីភ្នាក់ងារសារព័ត៌មាន Reuters ដែលបានស្រង់សម្ដីរបស់មន្ត្រីឥណ្ឌា ហើយចេញផ្សាយនៅថ្ងៃអង្គារ ទី១៨ ខែកក្កដា នេះ។
ប្រទេសឥណ្ឌាសម្រាប់ឆ្នាំ២០២៣ នេះ គឺជាប្រទេសដែលមានភារកិច្ចរៀបចំកិច្ចប្រជុំរបស់ប្រទេសសេដ្ឋកិច្ចជឿនលឿន G-20 ឋានៈជាប្រធានវេនប្រចាំឆ្នាំផ្ទេរពីប្រទេសឥណ្ឌូនេស៊ី។ អំឡុងកិច្ចប្រជុំនេះ ឥណ្ឌាដែលជាប្រធានប្តូរវេនរបស់ G-20 ឆ្នាំ២០២៣ នេះ បានព្យាយាមបង្កើតការឯកភាពគ្នាលើកំណែទម្រង់ក្នុងវិស័យធនាគារពហុភាគី នាំទៅរកគោលការណ៍ណែនាំសកលស្ដីពីរូបិយប័ណ្ណ crypto និងសំដៅពន្លឿនការដោះស្រាយបំណុលរបស់ប្រទេសងាយរងគ្រោះ...
មេដឹកនាំរុស្ស៊ីបុរសខ្លាំង ពូទីន ជីករណ្ដៅកប់ខ្លួនឯងក្នុងសង្គ្រាមឈ្លានពានអ៊ុយក្រែន
មកទល់នឹងពេលនេះ សង្គ្រាមដែលប្រធានាធិបតីរុស្ស៊ីលើកទ័ពឈ្លានពានដើម្បីគ្រប់គ្រងប្រទេសអ៊ុយក្រែន ចូលដល់ ៥០៣ថ្ងៃហើយ គឺចូលដល់ខែទី១៧ ហើយ។
មហាអំណាចមួយនេះមើលទៅគ្មានលទ្ធភាពក្នុងការវាយយកទឹកដីអ៊ុយក្រែន បាននោះទេ សូម្បីតែផ្នែកមួយនៃតំបន់ភាគខាងកើត និងភាគខាងត្បូងក៏ដោយនោះ។ ផ្ទុយទៅវិញ អ៊ុយក្រែនបែរជាមានប្រៀបក្នុងការវាយបកដើម្បីដណ្ដើមទឹកដីពីរុស្ស៊ីមកវិញ។
តាមការចុះផ្សាយរបស់សារព័ត៌មានជាច្រើនរបស់អង់គ្លេស ដូចជា The News Week ឲ្យដឹងថា គិតមកទល់ពេលនេះ សង្គ្រាមដែលអ៊ុយក្រែនវាយបកដើម្បីដណ្ដើមទីតាំងពីកងទ័ពរុស្ស៊ីមកវិញ គឺអ៊ុយក្រែនវាយយកបានសមរភូមិយ៉ាងតិចជាង ១០ ដោយពង្រីកទឹកដីជាង ២០០គីឡូម៉ែត្រក្រឡា។
បើនិយាយពីអ៊ុយក្រែនវាយយកទឹកដីពីរុស្ស៊ីមកវិញ ដែលចាប់តាំងពីអ៊ុយក្រែន មានប្រៀបជាងរុស្ស៊ី...
លោក ហ៊ុន សែន៖ បើអាមេរិកផ្តល់ជំនួយគ្រាប់បែកចង្កោមដល់អ៊ុយក្រែន នោះអ្នករងគ្រោះជាប្រជាជនអ៊ុយក្រែន
នាយករដ្ឋមន្ត្រីកម្ពុជាលោក ហ៊ុន សែន ព្រមានថា ប្រសិនបើប្រធានាធិបតីសហរដ្ឋអាមេរិកពិតជាផ្តល់គ្រាប់បែកចង្កោមដល់ប្រទេសអ៊ុយក្រែន មែននោះ អ្នករងគ្រោះពិតប្រាកដគឺជាប្រជាជនអ៊ុយក្រែន ព្រោះរឿងនេះគឺជាដានប្រវត្តិសាស្ត្រដ៏ជូរចត់មួយរបស់ប្រទេសកម្ពុជាដែលបានកើតឡើងរួចមកហើយកាលពីជាង ៥០ឆ្នាំមុន។
បុរសខ្លាំងដែលអួតពីការបញ្ចប់សង្គ្រាមនៅកម្ពុជា លោក ហ៊ុន សែន បានសរសេរលើបណ្ដាញទំនាក់ទំនងតេឡេក្រាមកាលពីថ្ងៃទី៩ ខែកក្កដា ឆ្នាំ២០២៣ នេះថា ប៉ុន្មានថ្ងៃមកនេះមានការផ្សព្វផ្សាយថា សហរដ្ឋអាមេរិកនឹងផ្តល់គ្រាប់បែកចង្កោមឲ្យទៅអ៊ុយក្រែន ដើម្បីប្រយុទ្ធជាមួយកងទ័ពរុស្ស៊ី ដូច្នេះប្រសិនបើរឿងនេះជាការពិត វានឹងក្លាយទៅជាគ្រោះថ្នាក់ធំបំផុតសម្រាប់ប្រជាជនអ៊ុយក្រែនរាប់សិបឆ្នាំ ឬរហូតដល់រយឆ្នាំទៀតផង ប្រសិនបើគ្រាប់បែកចង្កោមនេះយកទៅប្រើប្រាស់ក្នុងតំបន់ដែលរុស្ស៊ីកាន់កាប់ក្នុងទឹកដីអ៊ុយក្រែន។
មេដឹកនាំខ្មែរដែលមានទំនោរទៅរកការដឹកនាំបែបកុម្មុយនីស្ត លោក...
អាមេរិកសម្រេចបញ្ជូនគ្រាប់បែកចង្កោមទៅឱ្យអ៊ុយក្រែន ខណៈបើកការវាយបករំដោះទឹកដីរុស្ស៊ីវិញជិតមួយខែហើយ
សហរដ្ឋអាមេរិកកំពុងរៀបចំកញ្ចប់ជំនួយយោធាថ្មីក្នុងទំហំទឹកប្រាក់ ៨០០លានដុល្លារបន្ថែមទៀតដល់អ៊ុយក្រែន ដែលក្នុងនោះមានគ្រាប់បែកចង្កោមដែលប្រទេសជាង ១២០ បានចុះកិច្ចព្រមព្រៀងរួមគ្នាបង្កើតជាច្បាប់អន្តរជាតិហាមប្រើប្រាស់អាវុធប្រភេទនេះ។
តាមសារព័ត៌មានអាមេរិក New York Times បានឲ្យដឹងថា ជំនួយយោធាថ្មីដែលអាមេរិកត្រៀមបញ្ជូនទៅឱ្យអ៊ុយក្រែននេះ គឺដើម្បីជួយបង្កើនប្រសិទ្ធភាពវាយបករបស់កងទ័ពអ៊ុយក្រែន ដែលចូលដល់ ២៦ថ្ងៃហើយនៃយុទ្ធនាការវាយបក។
គ្រាប់បែកចង្កោម គឺជាអាវុធដែលប្រទេសជាង ១២០ បានហាមឃាត់ការប្រើប្រាស់ ប៉ុន្តែសហរដ្ឋអាមេរិក និងអ៊ុយក្រែន ទាំងរុស្ស៊ី ពុំបានចុះហត្ថលេខាលើច្បាប់អន្តរជាតិនេះទេ។ គ្រាប់បែកចង្កោមដែលសហរដ្ឋអាមេរិកត្រៀមផ្តល់ដល់អ៊ុយក្រែន ត្រូវគេរំពឹងថានឹងប្រកាសនៅថ្ងៃសុក្រ ទី៧ ខែកក្កដា។
ជំនួយយោធាទាំងនេះនឹងត្រូវបញ្ចេញពីឃ្លាំងស្តុករបស់ក្រសួងការពារជាតិអាមេរិក។...