features1

សកម្ម​​​ជន​​​ជាង​​​២០០នាក់​​​ ដែល​​​ព្យាយាម​​​​​ជិះ​​​កង់​​​ចេញ​​​ពី​​​​​​ក្រសួង​​​កិច្ច​​​ការនារី​​​ឆ្ពោះទៅ​​​រដ្ឋ​​​សភា​​​ក្នុង​​​រាជធានីភ្នំពេញ​​​ ដើម្បី​​​ប្រារព្ធ​​ទិវា​​​នារីអន្តរជាតិ ត្រូវ​​​បាន​​​អាជ្ញាធរ​​​ធ្វើការ​ឡោម​ព័ទ្ធ​​​​កាល​​​ពី​​​ព្រឹក​​​ម្សិល​មិញ បន្ទាប់​​​ពី​​​ជិះ​​​​​​មិន​​បាន​​​​១០០ម៉ែត្រ​​​ផង​​​។ ក្រោយ​​​ម៉ោង​​​៨​​​ព្រឹក​​​​​​បន្តិច សកម្ម​​​ជន​​​ដែល​​​​​​ភាគ​​​ច្រើន​​​ជា​​​ស្ត្រី​​​ មន្ត្រី​​​សហជីព កម្មករ​​​រោង​​​ចក្រ​​​កាត់​​​ដេរ​​​ និង​​​បុគ្គលិក​​​អង្គការ​​​មិន​​​មែន​​​រដ្ឋាភិបាល​​​បាន​​​ចេញ​​​ដំណើរ​​​ពី​​​មុខ​​​អគារ​​​ក្រសួង​​​ស្ថិត​​​ក្នុង​​​ខណ្ឌ​​​មាន​​​ជ័យ​​​ ដោយ​មាន​គម្រោង​ជិះ​​​ចម្ងាយ​​​៩​​​គីឡូម៉ែត្រ​​​ទៅ​​​កាន់​​​អគារ​​​​រដ្ឋសភា​​​ដើម្បី​​​អំពាវ​​​នាវ​​​ឲ្យ​​​រដ្ឋាភិបាល​​បញ្ឈប់​​​​ការ​ប្រើ​​​អំពើ​​​ហិង្សា​​​លើ​​​ស្ត្រី​​​​​​។ ប៉ុន្តែ ពួក​​​គទើប​​​តែ​​​​​​ចាប់​​​ផ្តើមប៉ុណ្ណោះ​​​ ក៏​​​​​​ស្រាប់​​​តែ​​​ត្រូវ​បាន​ឡោម​ព័ទ្ធដោយ​​​​សន្តិសុខ​​​ នគរ​​​បាល​​​ខណ្ឌ​​​ និង​​​មន្ត្រី​​​កង​​​រាជ​​​អាវុធ​​​ហត្ថជាង​៦០នាក់​ដោយ​​​​មាន​​​ជំនួយ​​​ពី​​​រថយន្ត​​​ដឹក​​​ដី​​​ធំៗ​​​១០​​​គ្រឿង​​​ ដែល​​​​​​បាន​​​បិទ​​​គន្លង​​​ផ្លូវ​​​ទាំង​​​ពីរ​​​នៃ​​​ផ្លូវ​​​ទ្រុង​​​មាន់​​​តែ​​​ម្តង។ អ្នក​​​ជិះ​​​កង់​​​ទាំ​​ង​​​អស់​​​ត្រូវ​​​បាន​ឡោម​ព័ទ្ធ​នៅ​​​កំណាត់​​​ផ្លូវ​​​ប្រវែង​​​២៥០​​​ម៉ែត្រ​​​រយៈ​​​ពេល​​​ជិត​​​៣​​​ម៉ោង​​​ ដោយ​​​មាន​​​ការ​​​ប៉ះទង្គិច​​​គ្នា​​​បន្តិច​​​បន្តួច​​​នៅ​​​ពេល​​​ក្រុម​​​សកម្ម​​​ជន​​​បាន​​​ព្យាយាម​​​ចាក​​​ចេញ​ ហើយ​​​​​​ទី​​​បំផុត​​​ត្រូវ​​​បាន​​​អនុញ្ញាត​​​ឲ្យ​​​ចេញដំណើរ​​​​នៅ​​​​​​ម៉ោង​​​ប្រហែល​​​១១​​​ថ្ងៃ​​​ត្រង់​​​។ អ្នក​​​ស្រី​​​ ជឹម ចាន់នាង​​​  អ្នក​​​សម្រប​​​សម្រួល​​​អង្គការ​ CEDAW ជាអង្គការមិនមែន​រដ្ឋាភិបាល​​​​ផ្នែក​​​​សិទ្ធិ​​​ស្ត្រី​​​ដែល​​​បាន​​​ជួយ​​​រៀប​​​ចំ​​​ព្រឹត្តិ​ការណ៍​​​​​ជិះ​​​កង់​​​នេះ​​​បាន​​​មានប្រសាសន៍​​​ថា ក្រុម​​​សកម្ម​ជន​​​ទទួល​​​បាន​​​ការ​​​ព្រមាន​​​ពី​​​សាលា​​​រាជ​​​ធានី​​​កាល​​​ពី​​​ថ្ងៃ​​​ច័ន្ទ ដែល​​​​លើក​​​ឡើង​​​ថា គេ​​​នឹង​​​អនុញ្ញាត​​​ចំពោះ​​​តែ​​​ព្រឹត្តិការណ៍​​​នៅ​​​មួយ​​​កន្លែង​​​​​​នៅ​​​មុខ​​​ក្រសួង​​​ប៉ុណ្ណោះ ប៉ុន្តែ ពួក​​​គាត់​​​បាន​​​សម្រេច​​​បន្ត​​​ដំណើរ​​​ទៅមុខ​តាម​​​ផែនការ​របស់ខ្លួន។ អ្នកស្រី​​​បាន​​​លើក​​​ឡើង​​​ថា "ប្រជា​​​ពល​​​រដ្ឋ​​​បាន​​​ធ្វើ​​​ដំណើរ​​​ចាក​​​ចេញ​​​ពី​​​ខេត្ត​​​នានា​​​មក​​​ចូល​​​រួម​​​រួច​​​ហើយ ដូច្នេះហើយ​យើង​​​បាន​​​សម្រេច​​​បន្ត​​​តាម​​​ផែនការ​​​" ដោយ​​​អ្នក​​​ស្រី​​​ពន្យល់​​​ថា ​អ្នក​​​រៀប​​​ចំ​​​បាន​​​សម្រេច​​​មិន​​​ដាក់​​​ញត្តិ​​​ទៅ​​​រដ្ឋ​​​សភា​​​ទេ​​​ ប៉ុន្តែ សម្រេច​ធ្វើ​​​ការ​​​ជួប​​​ជុំ​​​គ្នា​​​នៅ​​​ខាង​​​​​​ក្រៅ​​​ជំនួស​​​វិញ​​​។ អ្នក​​​ស្រី​​​​​លើកឡើង​​​​ថា "យើង​​​គ្មាន​​​​គម្រោង​​​​​រារាំង​​​​ និង​​​ធ្វើ​​​ឲ្យ​​​ស្ទះ​​​​ចរាចរណ៍​​​ដោយ​​​ការ​​​ចែក​​​ផ្កា​​​ឡើយ​​​... ដូច្នេះ​​​ហើយ​​​យើ​​​ងមិន​​​​​​គិត​​​ថា វា​​​​​​ជា​​​បញ្ហានោះ​​​​ទេ"។ លោក ឡុង​​​ ឌីម៉ង់​​​ អ្នក​​​នាំ​​​ពាក្យ​​​សាលា​​​រាជ​ធានី​​​បាន​​​មាន​​​ប្រសាសន៍ថា ការ​​​ហាម​​​​​​មិន​​​ឲ្យ​​​មានការ​​​ជិះ​​​កង់​​​គឺ​​​ជាការ​ចាំ​​​បាច់​​​​​ដើម្បី​​​រក្សា​​​សណ្តាប់​​​ធ្នាប់​​​សាធារណៈ​​​ និង​ទុក​ផ្លូវ​ឱ្យ​នៅ​ទូលាយ​ ហើយ​​​បាន​​​សួរ​​​ពី​​​មូល​​​ហេតុ​​​ដែល​​​ក្រុម​​​​សកម្ម​​​ជន​​​ចាំ​​​បាច់​​​ត្រូវ​​​ជិះ​​​កង់​​​កាត់​​​រាជធានី​។ លោក​​​បាន​​​ថ្លែង​​​ថា "ពួកគេ​​​អាច​​ប្រារព្ធទិវា​​​នេះ​​​នៅ​​​កា​​​​រិយាល័យ​​​របស់​​​ខ្លួន​​​បាន​​​ ហេតុ​​​អ្វី​​​បាន​​​ជា​​​ចាំ​​​បាច់​​​ជិះ​​​កង់សម្រាប់​ការ​​​​ប្រារព្ធ​​​នេះ​​​​​​?។ ​មនុស្ស​​​គ្រប់​​​រូប​​​​មិន​​​អាច​​​ជិះ​​កង់​​​បាន​​​ទេ ព្រោះ​​​វា​​​នឹង​​​បង្ក​​​​​អ​​​សណ្តាប់​​​ធ្នាប់​​​សាធារណៈ។ លោក​​​ ម៉ា សុភាព អភិបាល​​​រង​​​ខណ្ឌ​​​មាន​​​ជ័យ​​​បាន​​​មាន​​​ប្រសាសន៍​​​ថា ការ​​​អនុញ្ញាត​​​ឲ្យ​អ្នក​​​​​​ជិះ​​​កង់​​​បន្ត​​​ដំណើរទៅមុខ​​​​ នឹង​បាន​បញ្ជូន​​​​សា​រ​​​​​ថា ប្រជា​​​ពល​​​រដ្ឋ​​​អាច​​​រៀបចំ​​​ការ​​​ជួប​​​ជុំ​​​បែប​​​នេះ​​​​​​តាម​​​ពួក​​​គាត់​​​ចង់​​​។ លោក​​​បាន​​​ថ្លែង​​​ថា "សាលា​​​រាជធានី​​​បាន​​​អនុញ្ញាត​​​ឲ្យ​​​ពួក​​​គាត់​​​ប្រារព្ធ​​​ទិវានេះ​​​នៅ​​​មុខ​​​ក្រសួង​​​តែ​​​ប៉ុណ្ណោះ​​​។ ដូច្នេះ​​ ​​​ប្រសិន​​​បើ​​​ពួក​​​គាត់​​​ទទូច​​​ទាម​​​ទារ​​​ជិះ​​​កង់​​​ រឿង​​​អ្វី​​​ដែល​​​​​​យើង​​​​​​មិន​​​ឃាត់​​​ពួក​​​គាត់​​​​មុន​​​ពេល​​​ពួក​​​គាត់​បង្ក​​​ការ​​​​​​កក​​​ស្ទះ​​​ចរាចរណ៍?”។ អ្នក​​​ស្រី ជួប​​​ ស្រីណុច សកម្ម​​​ជន​​​មក​​​ពី​​​បណ្តាញ​​​យុវជនកម្ពុជា​​​បាន​​​និយាយ​​​ថា អ្នក​ស្រី​​​​​បាន​​​ចូល​​​រួម​​​ការ​​​ជិះ​​​កង់​​​នេះ​​​ ព្រោះ​​​វា​​​ហាក់​​​ដូច​​​ជា​​​វិធី​​​មួយ​​​ដ៏​​​សប្បាយ​​​រីករាយ​​​ក្នុង​​​ការ​​​ទាក់​​​ទាញ​​​ចំណាប់​​​អារម្មណ៍​​​ចំពោះ​​បុព្វ​​​ហេតុ​​​សំខាន់​​​។ អ្នកស្រី​​​បាន​​​លើក​​​ឡើង​​​ថា "ខ្ញុំ​​​ចង់​​​ជិះ​​​កង់​​​របស់​​​ខ្ញុំ​​​ដើម្បី​​​ប្រារព្ធ​​​ទិវាពិសេស​​​នេះ​​​ ព្រោះ​​​ដើម្បី​ភាព​រីករាយ​​​ ហើយ​​​ខ្ញុំ​​​ចង់​​​ឲ្យ​​​សាធារណ​​ជន​​​យល់​​​ដឹង​​​បន្ថែម​​​ទៀត​​​អំពី​​​ស្ថាន​​​ភាព​​​ដែល​​​ស្ត្រី​​​ប្រឈម​​​​​នៅក្នុង​​​ប្រទេស​​​របស់​​​យើង​​​​​​។ ​​​ខ្ញុំ​​​មើល​​​ឃើញ​​​ថា នៅ​​​ក្នុង​​​ប្រទេស​​​កម្ពុជា មិន​​​ទាន់​​​មាន​​​ការ​​​ខិត​ខំ​ប្រឹង​​​ប្រែង​​​អនុវត្ត​​​សិទ្ធិ​​​ស្ត្រី​​​នៅ​​​ឡើយ​​​ទេ"​​​៕សារុន​​​​​​​  

សកម្ម​​​ជន​​​ប្រឆាំង​​​ទំបន់​​​វារីអគ្គិសនី​​​ដ៏​​​លេច​​​ធ្លោ​​​ម្នាក់​​​នៅក្នុង​​​ខេត្ត​​​កោះ​​​កុង​​​ដែល​​​ត្រូវ​​​បាន​​​ចាប់​ដាក់​​​ពន្ធនាគា​​​រ​​​ចាប់​​​តាំង​​​ពី​​​ខែ​​​តុលាមក ​​​ត្រូវ​​​បាន​​​ផ្តន្ទា​​​ទោស​​​កាល​​​ពីម្សិលមិញ​​​ពីបទ​​​កាប់​​​ឈើ​​​ដោយ​​​ខុស​​​ច្បាប់ ហើយ​ត្រូ​​​វបាន​​​ព្យួរ​​​ទោស ​​​ដោយ​​​អនុញ្ញាត​​​ឲ្យ​​​គាត់​​​​​​មាន​​​សេរី​​​ភាព​​​វិញ​​​ ប៉ុន្តែ ការ​​​កាត់​ឲ្យជាប់​ទោស​ពីបទ​ព្រហ្ម​​​ទណ្ឌ​​នេះ​​​​នៅ​​​តែ​​​តាម​​​លង​​​គាត់​​​ដដែល។ សេចក្តី​​​សម្រេច​​​នេះ​​​បង្ហាញ​​​ឲ្យ​​​ឃើញ​​​ពីការ​​​ផ្តន្ទាទោស​​​លើក​​​ដំបូង​​​ចំពោះ​​​សកម្ម​​​ជន​​​​​​មាន​​​ទំនាក់​​​ទំនង​​​ជា​​​មួយ​​​អង្គការ​​​មាតា​​​ធម្មជាតិ​​​ ដែលបាន​​បង្ក​បញ្ហា​ដល់​រដ្ឋាភិបាល​​​អស់​​​រយៈ​​​ពេល​​​ពីរ​​​ឆ្នាំ​​​កន្លង​​​មក​​​នេះ​​​ដោយ​​​សារ​​​​​ការ​តវ៉ា​​​ដ៏គួរ​ឲ្យ​កត់​សម្គាល់​និងចាប់​អារម្មណ៍​ប្រឆាំង​​​នឹង​​​គម្រោង​​​សាងសង់​​​ទំនប់​​​វារី​​​អគ្គិសនី​​​​​​នៅ​​​ក្នុង​​​តំបន់​​​ជ្រលង​​​អារ៉ែង​​​​ក្នុង​ខេត្ត​កោះ​​​កុង។ សកម្មជន​​​​​ត្រូវ​​​បាន​​​ចោទ​​​ប្រកាន់​​​រូប​​​នេះ ដែលមាន​​​​​​​ឈ្មោះ វ៉ែន វ៉ន គឺ​​​ជា​​​ប្រធាន​​​សហ​​​គមន៍​​​ជន​​​ជាតិ​​​ដើម​​​ភាគ​​​តិច​​​ជង​​​ក្នុ​​​ងមូល​​​ដ្ឋាន​​​ ដែល​​​​​​បាន​​​ធ្វើ​​​ការ​​​ជាមួយ​​​អង្គការ​​​មាតា​​​ធម្ម​​​ជាតិ​​​​​​ដើម្បីតវ៉ា​​​ប្រឆាំង​​​នឹង​​​គម្រោង​​​ទំនប់​​​វារីអគ្គិសនី​​​នេះ​​​។ គាត់​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ថ្ងៃ​​​ទី​​​៧ ខែ​​​តុលា​​​ ហើយ​​​ត្រូវ​​​បាន​​​ចោទ​​​ប្រកាន់​​​ថា បាន​​​កាប់​​​ឈើ​​​ខុស​​​ច្បាប់​​​ និ​​​ងបំផ្លាញ​​​ភ័ស្តុ​​​តាង​​​បន្ទាប់​​​ពី​​​ត្រូវ​បាន​​​ចោទ​​​ប្រកាន់​​​កាល​​​ពី​​​ខែ​​​មេសា​​​ ពី​​​បទ​​​​​​​​​កាប់​​​ឈើ​​​នៅ​​​ក្នុង​​​តំបន់​​​ការ​​​ពារ​​​ដើម្បី​​​សាង​​​សង់​​​មណ្ឌល​​​សហគមន៍​​​ក្នុង​​​តំបន់​​​ជ្រលង​​​អារ៉ែង​​​នេះ​​​។ អំឡុង​​​ពេល​​​បើក​​​សវនាការ​​​របស់​​​ខ្លួន​​​ លោក វ៉ែន វ៉ន បាន​​​ជំទាស់​​​ថា គាត់​មិន​​​បាន​​​កាប់​​​ឈើ​​​ទេ​​​ ប៉ុន្តែ​​​ បាន​​​ទិញ​​​វា​​​ពី​​​អ្នក​​​លក់​​​ឈើ​ក្នុង​​​មូល​​​ល​​​ដ្ឋាន​​​ម្នាក់​​​។ ប៉ុន្តែ គាត់​​​បាន​​​លើក​​​ឡើង​​​ថា បើទោះ​​បី​​​ជា​​​គាត់​​​បាន​​​កាប់​ក៏​​​ដោយ ​​​វា​​​គ្មាន​​​អ្វី​​​ខុស​​​ច្បាប់​​​ទេ​​​ ព្រោះ​​​សមាជិក​​​ក្រុម​​​ជន​​​ជាតិ​​​ដើម​​​ភាគ​​​តិច​​​​​​ត្រូវ​​​បាន​​​អនុញ្ញាត​​​ឲ្យ​​​កាប់​​​ឈើ​​​សម្រាប់​​​​ប្រើ​​​ប្រាស់​​​ផ្ទាល់​​​ខ្លួន​​​។ អំឡុង​​​ពេល​​​ផ្តន្ទាទោស​​​កាល​​​ពី​​​ម្សិល​​​មិញ​​​​នៅ​​​ឯសាលា​​​ដំបូង​​​ខេត្ត​​​កោះ​​​កុង​​​ចៅ​​​ក្រម​​​អាំង​​​ ចន្តា បាន​​​​​​លើកលែង​ការ​​​ចោទ​​​ប្រកាន់​​​ពី​​​បទ​​​បំផ្លាញ​​​ភ័ស្តុ​​​តាង​​​ ប៉ុន្តែ បាន​​​ចោទ​​​ប្រកាន់​​​លោក វ៉ែន វ៉ន ពី​​​បទ​​​ប្រមូល​​​អនុផល​​​ព្រៃ​​​ឈើ​​​​​​ ខុស​​​ច្បាប់ នេះ​​​បើ​​​យោង​​​តាម​​​លោក...

អ្នក​នាំពាក្យ​គណបក្ស​ប្រឆាំង​​​បាន​ច្រាន​ចោល​​​​ខ្សែអាត់​សំឡេង​​​​​​ជា​​​​​​​​​បន្ត​​​បន្ទាប់ចេញ​​​​​​​ផ្សាយ​​នៅ​សប្ដាហ៍​នេះ​ ដែល​គេ​ថា ​​​ជា​​​សំឡេង​​​​​​​​របស់​លោក កឹម សុខា ​អនុប្រធាន​គណបក្ស​សង្គ្រោះ​ជាតិ​និយាយ​គ្នា​​​ជាមួយ​ស្រីស្នេហ៍​របស់​លោក ហើយ​​​លើក​ឡើង​ថា ខ្សែអាត់​សំឡេង​ទាំង​នេះ​មាន​បំណង​បង្ក​ "​បញ្ហា" ដល់​​​​គណបក្ស​​​​របស់​​​លោក​​​។ ខ្សែអាត់​សំឡេង​ទាំង​នេះ​​ដែល​​នីមួយៗ​មាន​រយៈពេល​ប្រហែល​មួយ​នាទី ត្រូវ​បាន​បង្ហោះ​កាលពី​ថ្ងៃច័ន្ទ​លើ​ទំព័រហ្វេសប៊ុក​​​​របស់​​​ស្រី​​​ស្នេហ៍​​​ម្នាក់​​​នោះ​​​ឈ្មោះ "ស្រីមុំ"។ ​​​ខ្សែ​​​អាត់​ទាំង​នេះ​បាន​​ធ្វើ​ឲ្យ​សាធារណជន​​​​​ចាប់​អារម្មណ៍​យ៉ាង​ខ្លាំង​កាលពី​ម្សិលមិញ បន្ទាប់ពី​​គេហទំព័រ​ព័ត៌មាន​​ក្នុង​ស្រុក​ដើម​អំពិល បាន​បង្ហោះ​អត្ថបទ​ជាច្រើន​​អំពី​វា​ដោយ​​ភ្ជាប់​​ Profile​​​ ហ្វេសប៊ុក​របស់ ​ស្រីមុំ។ ​រឿង​​​​អាស្រូវ​​​​​នេះ​​​ត្រូវ​បាន​​​​​​ចុះ​​​ផ្សាយ​​​​​​តាម​​​ក្រោយ​​​​ដោយ​ស្ថាប័ន​​ប្រព័ន្ធ​ផ្សព្វ​ផ្សាយ​​​ជា​ភាសា​ខ្មែរ​មួយ​ចំនួន​ទៀត​ដែល​​​គាំទ្រ​​​​រដ្ឋាភិ​​​បាល និង​ត្រូវ​បាន​ជជែក​ដេញ​ដោល​​យ៉ាង​ទូលំ​​​ទូលាយ​តាម​បណ្ដាញ​ទំនាក់​ទំនង​សង្គម​។ ក្នុង​ខ្សែអាត់​នីមួយៗ​អាច​ស្ដាប់​ឮ​បុរស​ម្នាក់​ដែល​មាន​សំឡេង​ស្រដៀង​នឹង​​សំឡេង​របស់​លោក កឹម សុខា និយាយ​​​ញ៉ែ​គ្នា​ជាមួយ​នារី​ម្នាក់​ដែល​គេហទំព័រ​ដើម​អំពិល​បញ្ជាក់​ថា ឈ្មោះ ស្រីមុំ។ នៅ​ក្នុង​ការ​សន្ទនា​មួយ​​​អាច​​​ស្ដាប់​ឮ​​នារី​នោះ​សួរ​ទៅ​បុរស​​នោះ​​​​​ទាក់​​​ទិន​​​​​​​ទំនាក់​ទំនង​របស់​គាត់​ជាមួយ​សកម្មជន​​នយោបាយ ធី...

មន្ត្រី​តុលាការ​ម្នាក់​បាន​បញ្ជាក់​កាលពី​ថ្ងៃ​អង្គារ​ថា រដ្ឋាភិបាល​បាន​ដាក់​ពាក្យ​បណ្ដឹង​ចំនួន​បួន​ទាក់ទិន​នឹង​ការ​គរ​លាក់​ឈើ ប្រឆាំង​ក្រុមហ៊ុន​ចំនួន​ពីរ​ក្នុង​ខេត្ត​ក្រចេះ ជា​វិធានការ​ច្បាប់​លើក​ដំបូង​កើត​ចេញ​ពី​ក្រុម​ការងារ​ពិសេស ដែល​លោក​នាយក​រដ្ឋមន្ត្រី ហ៊ុន សែន បាន​បង្កើត​ឡើង​កាលពី​ខែ​មុន ដើម្បី​ស្វែង​រក​ការ​ស្តុក​ឈើ​ខុស​ច្បាប់​ក្នុង​ប្រទេស​កម្ពុជា​ភាគ​ខាង​កើត។ កាលពី​ថ្ងៃ​ច័ន្ទ លោក អេង ហ៊ី អ្នក​នាំ​ពាក្យ​កង​រាជ​អាវុធហត្ថ បាន​និយាយ​ថា ក្រុម​ការងារ​នេះ​បាន​ចាប់​ផ្តើម​បញ្ជូន​សំណុំ​រឿង​ទៅ​តុលាការ​នៅ​ខេត្ត​មណ្ឌល​គិរី ខេត្ត​ក្រចេះ និង​ខេត្ត​ត្បូង​ឃ្មុំ ដោយ​បាន​បញ្ចប់​ការ​ចុះ​បញ្ជី​ឈើ​មួយ​ចំនួន ដែល​ខ្លួន​បាន​រក​ឃើញ​នៅ​តាម​រោង​អារ​ឈើ​និង​ឃ្លាំង​ជាច្រើន​កន្លែង និង​នៅ​តាម​ចម្ការ​កៅស៊ូ។ កាលពី​ថ្ងៃ​អង្គារ លោក ហាក់ ហ៊ន ព្រះ​រាជអាជ្ញា​តុលាការ​ខេត្ត​ក្រចេះ​មាន​ប្រសាសន៍​ថា ...

អង្គុយ​​​ក្នុង​កិច្ច​ប្រជុំ​ជាមួយ​ប្រធានាធិបតី​សហរដ្ឋអាមេរិក​ បារ៉ាក់ អូបាម៉ា និង​បណ្ដា​មេដឹកនាំ​អាស៊ាន​​នៅ​ក្នុង​​រដ្ឋ​កាលីហ្វ័រញ៉ា​កាលពី​ថ្ងៃ​អង្គារ លោក​នាយក​រដ្ឋមន្ត្រី ហ៊ុន សែន ហាក់​ដូច​ជា​​ដឹង​មុន​​នូវ​អ្វី​ដែល​ប្រជា​ពលរដ្ឋ​កម្ពុជា​​នឹង​គិត​អំពី​ការ​ចូល​រួម​របស់​លោក​​ក្នុង​កិច្ច​ប្រជុំ​កំពូល​​​​អាមេរិក​-អាស៊ាន​នៅ​សប្ដាហ៍​នេះ​។        ​នៅ​លើ​ទំព័រ​ហ្វេសប៊ុក​​​ផ្ទាល់​ខ្លួន​របស់​លោក​ លោក​​បាន​បង្ហោះ​រូប​ថត​ចំនួន​ប្រាំបី​សន្លឹក​​នៃ​​កិច្ច​ប្រជុំ​កំពូល​នៅ​ក្នុង​ទីក្រុង​​រែន​ចូ​ មីរ៉ាច (Rancho Mirage) ​រួម​​ទាំង​រូប​ថត​​ស៊ែលហ្វី​ពីរ​សន្លឹក​​ដែល​បង្ហាញ​ពី​រូប​លោក​ពាក់​ស៊ិញ​​លម្អ​ដោយ​រូប​សញ្ញា​​រមណីយដ្ឋាន​​សាន់នីលែន (Sunnylands) ​ជា​កន្លែង​​រៀបចំ​​កិច្ច​ប្រជុំ​កំពូល​នេះ​ និង​រូប​ថត​​មេដឹកនាំ​ពិភព​លោក​ផ្សេង​ៗ​ទៀត​​ដែល​មាន​​វត្តមាន​ចូល​រួម​ ដែល​ត្រូវ​បាន​​​ថត​ចេញពី​គំនិត​របស់​លោក​នាយក​រដ្ឋមន្ត្រី​នៅ​ជុំវិញ​តុមូល​។ លោក ហ៊ុន សែន បាន​សរសេរ​ថា ​"​ខ្ញុំ​មិន​មែន​ជា​អ្នក​កាសែត​ទេ ប៉ុន្តែ​ខ្ញុំ​ចង់​ឲ្យ​ប្រជា​ពលរដ្ឋ​កម្ពុជា​របស់​យើង​ទទួល​បាន​ដំណឹង​​​លឿន​តាម​ដែល​អាច​ធ្វើ​ទៅ​បាន​"។ ​កិច្ច​ប្រជុំ​កំពូល​រយៈ​ពេល​ពីរ​ថ្ងៃ​ដែល​បាន​បញ្ចប់​កាលពី​ថ្ងៃ​អង្គារ​នេះ បាន​ផ្ដោត​លើ​ពាណិជ្ជកម្ម​​ ដែល​រួម​មាន​ទាំង​​កិច្ច​ព្រមព្រៀង​ភាព​ជាដៃគូ​អន្តរ​បា៉ស៊ីហ្វិក (TPP) ​ដែល​ទើប​ចុះ​ហត្ថលេខា​ថ្មីៗ​ និង​ភាព​តានតឹង​នៅ​សមុទ្រ​​​ចិន​ខាង​ត្បូង។ ​ខណៈ​មិន​ស្ថិត​នៅ​ក្នុង​របៀបវារៈ​​នៃ​កិច្ច​ប្រជុំ​កំពូល​នេះ ​បញ្ហា​រំលោភ​​សិទ្ធិ​មនុស្ស​​ក្នុង​ប្រទេស​កម្ពុជា​ និង​​ប្រជាជាតិ​​អាស៊ីអាគ្នេយ៍​​ផ្សេងៗ​ទៀត​ ក៏​បាន​ក្លាយ​ជា​ផ្នែក​មួយ​​​នៃ​​​ការ​អត្ថាធិប្បាយ​​ទាក់​ទិន​នឹង​កិច្ច​​ប្រជុំកំពូល​​នេះ​ដែរ​ ដោយ​បណ្ដា​អ្នក​នយោបាយ​​មក​ពី​គណ​បក្ស​ប្រឆាំង...

ប្រធាន​​​សហជីព​​​ចំនួន​​​បួន​​​នាក់​​​ ដែល​​​ត្រូវ​​​បាន​ចោទ​​​ប្រកាន់​​​កាល​​​ពី​​​ថ្ងៃ​​​ច័ន្ទ​​​ ទាក់​​​ទិន​​​នឹង​​​ការ​​​ជាប់ពាក់​​​ព័ន្ធ​​​របស់​​​ពួក​​​គាត់​​​ទៅ​​​នឹង​​​ការ​​​តវ៉ា​​​ប្រឆាំង​​​ក្រុមហ៊ុន​​ទេសចរណ៍​​​កាពីតូល ក្នុង​​​រាជ​​​ធានីភ្នំពេញ​​​ បាន​​​លើក​​​ឡើង​​​កាល​​​ពីម្សិល​​​មិញ​​​ថា វិធានការ​​​ផ្លូវ​​​ច្បាប់​​​នេះ​​​​​​មិន​​​បាន​​​អនុវត្ត​​​តាម​​​ស្ថានភាព​​​ពិត​​​ជាក់​​​ស្តែង​​​ទេ​​​ ខណៈ​​​ក្រុម​​​អ្នក​​​តស៊ូ​​​មតិ​​​​​​បាន​​​ព្រមាន​​​ថា ការបន្ត​​​​អនុវត្ត​​​តាម​​​នីតិវិធី​​​តុលាការ​​​​គឺ​​​មានតែ​ធ្វើ​​​ឲ្យ​​​មាន​​​ភាព​​​ចលាចល​​​កាន់​​​តែ​​​ខ្លាំង​​​ទៅ​​​វិញ​​​ទេ​​​។ ​​​​យោង​​​តាម​​​សេចក្តី​​​​​​​​សម្រេច​មួយ​​​ចុះ​​​ហត្ថ​​​លេខា​​​ដោយ​​​លោក​​​ស្រី ម៉ាក់ នី ​​​ព្រះរាជ​​​អាជ្ញា​​​រង​​​អប​សាលា​​​រាជធានី​​​បាន​​​ឲ្យ​​​ដឹងថា ​លោក អាត់ ធន់ ប្រធាន​​​សម្ព័ន្ធ​​​សហជីព​​​ប្រជា​​​ធិបតេយ្យ​​​កម្មករ​​​កាត់ដេរ​​​កម្ពុជា​​​ (CLC) ​​​លោក គង់ អាទិត្យ អគ្គលេខាធិការ​​​នៃ​​​សហ​​​ជីព​​​នេះ​​​ លោក​​​ អៀង គឹមហ៊ុន ប្រធាន​​​សហ​​​ជីព​​​ការងារ​​​​ និង​​​លោក សុខ ឈុនអឿង ​​ប្រធាន ​​​សមាគមការងារ​ ​​​សុទ្ធ​​​តែ​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​បង្ក​​​អំពើ​ហិង្សា​​​ដោយ​​​ចេតនា​​​រារាំង​​​​​​មន្ត្រី​​​សាធារណៈ​​​ និង​​​ធ្វើ​​​ឲ្យ​​​ខក​​​ស្ទះ​​​ការ​​​ធ្វើ​​​ដំណើរ​​​តាម​​​ផ្លូវ​​​សាធារណៈ​​​។ ការ​​​ចោទ​​​ប្រកាន់​​​ទាំង​​​នេះ​​​ធ្វើ​​​ឡើង​​​បន្ទាប់​​​ពី​​​មាន​ការ​​​ចាប់​​​ខ​​​្លួន លោក ណាន វណ្ណា អតីត​​​អ្នក​​​បើក​​​បរ​រថយន្ត​​​ឲ្យ​​​ក្រុមហ៊ុន​​​កាពីតូល​​​​​​ដែល​​​ត្រូវ​​​បណ្តេញ​​​ចេញ​​​ពីការងារ​​​​ និង​​​លោក...

លោក​​​នាយក​​​រដ្ឋ​​​មន្ត្រី ហ៊ុន សែន ជិត​​​ឈាន​​​​​​ដល់​ការ​​​​ទទួល​​​បាន​​​ប្រជា​​​ប្រិយភាព​​​ខ្លាំង​​​បំផុត​​​តាម​​​បណ្តាញ​​​ទំនាក់​​​ទំនង​​​សង្គម​​​នៅ​​​កម្ពុជា​​​ដោយ​​​ឥឡូវ​​​នេះ​​​បាន​​​វ៉ាដាច់​​​​លោក ​​​សម ​​​រង្ស៊ី ​​​មេដឹក​​​នាំ​​​គណបក្ស​​​ប្រឆាំង​​​នៅ​​​ក្នុង​​​ការ​​​ប្រកួត​​​ប្រជែង​​​ដ៏​​​ក្តៅ​​​គគុក​​​ ដើម្បី​​​ទទួល​​​បាន​​​ការ​​​ចុច​​​ចូល​​​ចិត្ត​​​ (Like) តាម​​​ទំព័រ​​​ហ្វេស​​​ប៊ុក​​​។ គិត​​​​ត្រឹម​ល្ងាច​​​ម្សិលមិញ ទំព័រ​​​ហ្វេស​​​ប៊ុក​​​ផ្លូវ​​​ការ​​​​​​របស់​​​លោក ហ៊ុន សែន​​​ មាន​​​ការ​​​កើន​​​ឡើង ​​​​​​ នូវ​ការ​​​ចុច ​​​Likeដល់​​​ទៅ​​​ជាង​​​២.១០៨.៨០០​​​ នាក់​ ដោយ​​​វ៉ាដាច់​​​​ទំព័រ​​​ហ្វេស​​​ប៊ុក​​​ផ្លូវ​​​ការ​​​របស់​​​លោក សម រង្ស៊ី ដែល​​​ទទួល​​​បាន​​​ការ​​​ចុច​ Like​​​ប្រហែល ២.០៩៤.៨០០ នាក់​ ។ ដោយ​​​ទទួល​​​បាន​​ចំនួន​​​នៃ​​​ការ​​​ចុច Like ជិត​​​៣៧០​​​.០០០​​នាក់​ កាលពី​មួយ​​​ខែ​​​មុន ទំព័រ​​​ហ្វេស​​​ប៊ុក​​​របស់​​​លោក ហ៊ុន សែន ដែល​​​បាន​​​បង្កើត​​​ឡើង​​​នៅ​​​ក្នុង​​​ឆ្នាំ​​​២០១៣​​​ ប៉ុន្តែ ទើប​​​តែមានការ​​​​ទទួល​​​ស្គាល់​​​ដោយ​​​ខុទ្ទកាល័យ​​​របស់​​​លោក​​​នាយក​​​រដ្ឋ​​​មន្ត្រី ហ៊ុន សែន នៅ​ខែ​កញ្ញា​ នោះ​​​ ឥឡូវ​​​នេះ​​​ទទួល​​​បាន​​​ប្រជា​​​ប្រិយភាព​​​ខ្លាំង​​​បំផុត​​​ទី​​​៣​​​នៅ​​​កម្ពុជា​​​​​​ពោល​​​គឺ​​​ចាញ់​តែ​ទំព័រ​ហ្វេស​ប៊ុក​របស់​​​​វីអូអេ(VOA)​​​និង​​​ទំព័រ​ហ្វេស​ប៊ុក​របស់​តារា​​​ចម្រៀង​​​ មាស​​​ សុខ​​​សោភា ប៉ុណ្ណោះ​​​ ។ ចាប់​​​តាំង​​​ពី​​​មាន​​​ការ​​​ទទួល​​​ស្គាល់​​​ទំព័រ​​​ហ្វេស​​​​​​ប៊ុក​​​របស់​​​ខ្លួន​​​ជា​​​ផ្លូវ​​​ការ​​​មក​​​​​​...

លោក ចន ឃើរី ​រដ្ឋមន្ត្រី​ការ​បរទេស​​សហ​​​រដ្ឋអាមេរិក បាន​​​​​​ធ្វើ​​​​​​ដំណើរ​​​មក​ដល់​កាល​ពី​ល្ងាច​ម្សិលមិញ ដើម្បីចាប់​ផ្ដើម​​​ទស្សនកិច្ច​រយៈ​​ពេល​២៤​ម៉ោង​មក​កាន់​ប្រទេស​កម្ពុជា ហើយ​​​អំឡុង​ពេល​នេះ ​លោក​គ្រោង​​ជួប​ជាមួយ​លោក​​​​នាយក​រដ្ឋមន្ត្រី ហ៊ុន សែន លោក កឹម សុខា អនុប្រធាន​គណបក្ស​ប្រឆាំង និង​ថ្នាក់​ដឹកនាំ​សង្គម​ស៊ីវិល​​មួយ​ចំនួន​ទៀត​​។ ​​​ដោយ​​​ចេញ​​​ដំណើរ​​​​តាម​​​ជើង​​​​​ហោះ​​​ហើរ​​​​​​ពី​ប្រទេស​ឡាវ​ បន្ទាប់ពី​​​ធ្វើ​ទស្សនកិច្ច​​​ ​​​និង​​​ជួប​ជាមួយ​ថ្នាក់​ដឹកនាំ​រដ្ឋាភិបាល​នៅ​ទីនោះ លោក ចន ឃើរី គ្រោង​​​​ជួប​ពិភាក្សា​ជាមួយ​លោក ហ៊ុន សែន និង​លោក ហោ ណាំហុង ​រដ្ឋមន្ត្រី​ក្រសួង​ការ​បរទេស​​​​​ដើម្បី​​​​​​ពិភាក្សា​​​​​​អំពី​ឲ្យ​មាន​ចរាចរណ៍​ចេញ​ចូល​។ សមាជិក​នៃ​កង​អង្គរក្ស​​​របស់​នាយក​រដ្ឋមន្ត្រី​...

សកម្មជន​​ខ្មែរពីរ​នាក់​និយាយ​ថា ​​ខ្លួន​ត្រូវ​បាន​​អាជ្ញាធរ​ក្នុង​ប្រទេស​​ឡាវ​ ឃាត់​ខ្លួន​​​មួយ​សន្ទុះ​​​​កាលពី​ម្សិលមិញ បន្ទាប់ពី​ពួក​​​​​​គាត់​​​លួច​ឆ្លង​ដែន​​​ដើម្បី​ថត​រូប​​​​​​​តំបន់​​​​​​​គ្រោង​សាង​សង់​​ទំនប់​វារីអគ្គិសនី​ដន​សាហុង ​​ដែល​​បណ្ដា​រដ្ឋាភិបាល​ក្នុង​តំបន់​​ និង​អ្នក​បរិស្ថាន​នានា​ព្រួយ​​​បារម្ភ​ថា អាច​​ធ្វើ​ឲ្យ​​​បរិមាណ​ត្រី​​​ធ្លាក់​ចុះ​​​​​​​ខ្លាំង​​​នៅ​ខ្សែទឹក​ខាង​ក្រោម។ ​លោក ជុំ​ ហួត និយាយ​ថា គាត់​​​និង​​​បង​​​ប្អូន​​​ភ្លោះ​​​របស់​​​គាត់​​​ឈ្មះ​​​ ជុំ ហួរ និង​សកម្មជន​ម្នាក់​ទៀត​​ឈ្មោះ សេ សាមឺឌី ​បាន​ជួល​​​អ្នក​​​​បើក​​​ទូក​ម្នាក់​​ឲ្យ​នាំ​ពួក​​​គាត់​ពី​​ខេត្ត​ស្ទឹងត្រែងឆ្ពោះ​ទៅ​​​ខ្សែ​​​ទឹក​​​ខាង​​​លើ​​​នៃ​​​​​ទន្លេ​មេគង្គ ដោយ​ឆ្លង​​ព្រំដែន​កម្ពុជា-ឡាវ ចម្ងាយ​​​២គីឡូម៉ែត្រ​​ទៅ​កាន់​​​តំបន់​​​​ដែល​គ្រោង​សាង​សង់​ទំនប់​ដន​សាហុង។ ​​​គាត់​​​និយាយ​​​​​​ទៀត​​​​​​​​​ថា នៅ​ពេល​ពួកគាត់​ទៅ​ដល់​​ "​ខ្ញុំ​ និង​ប្អូន​ប្រុស​ខ្ញុំ​​​បាន​សម្រេច​ឡើង​ច្រាំង​​ដើម្បី​មើល​ថា ​តើ​​មាន​អ្វី​កំពុង​កើត​ឡើង​​​​​នៅ​ទីនោះ។ ប៉ុន្តែ​អាជ្ញាធរ​​បាន​​ទៅ​ដល់​​ ហើយ​​​​​​បាន​​​សួរ​​យើង​ថា '​ឯង​មក​ពីណា?' ​ហើយក៏​​បាន​​​នាំខ្លួន​ពួកយើង​ទៅ​ប៉ុស្តិ៍​ប៉ូលិស​"។ គាត់​​​​​​​បាន​​​បន្ត​​​​​​​​​​ថា មុន​ពេល​​​នាំ​​​​​​​​ខ្លួន​ពួកគាត់​ទៅ បុរស​ប្រាំបី​នាក់​​ដែល​​​ក្នុង​​​នោះ​​​មាន​​​​​ប៉ូលិស​​​ឯកសណ្ឋាន​ពី​រ​នាក់ និង​ប្រាំមួយ​នាក់​ទៀត​ស្លៀក​​​​ពាក់​ស៊ីវិល ​​បាន​​​​ដក​​​ហូត​ម៉ាស៊ីន​ថត​ពីរ​​​គ្រឿង និង​ទូរស័ព្ទ​ស្មាត​ហ្វូនពីរគ្រឿង​ពី​ពួកគាត់​ ហើយ​​​គប់​វាចោល​ទៅ​ក្នុង​ទឹក​ទន្លេ។ "ពេល​យើង​ព្យាយាម​រត់​​ទៅ​រក​ទូក ពួកគេ​បាន​យក​កាំភ្លើង​​ភ្ជង់​ពួកយើង"។ ​គាត​់​​​​បាន​​​ឲ្យ​​​ដឹង​​​ទៀត​​​ថា នៅឯ​ប៉ុស្តិ៍​ប៉ូលិស​ប៉ូលិស​បាន​​​​​​សាកសួរ​​​ពួកគាត់​​​ដោយ​មាន​ជំនួយ​​​ពី​អ្នក​បក​ប្រែ​​​​តាំង​​​ពី​ម៉ោង​ប្រហែល​៩​ព្រឹក​រហូត​​​​ដល់​ពេល​ថ្ងៃ​ត្រង់ ហើយ​បាន​គំរាម​បាញ់​​​ពួកគាត់​ ​ប្រសិន​បើ​ពួកគាត់​​ហា៊ន​ត្រឡប់​ទៅ​វិញ​​​​​ម្តង​​​ទៀត​។ ទីបំផុត​ ពួកគាត់​ត្រូវ​បាន​​ដោះ​លែង​​​ដោយ​មាន​ជំនួយ​ពី​ "​ជន​បរទេស​" មិន​ស្គាល់​អត្តសញ្ញាណ​ដែល​ប្រហែល​ជា​មន្ត្រី​អង្គការ​សហប្រជាជាតិ​ ឬ​អង្គការ​មិន​មែន​រដ្ឋាភិបាល​ដែល​បាន​​ជូន​​​​​​ពួកគាត់​ត្រឡប់​​​មក​ព្រំដែន​វិញ​។ ​​​ចំណែក​​​ឯ​​​លោក សេ សាមឺឌី និយាយ​ថា...

ពិធី​មួយ​ដែល​​​​មន្ត្រី​​សាលា​រាជធានី​ភ្នំពេញ ​រៀប​​​ចំ​​​ឡើង​​​ដើម្បី​​​​​ផ្ដល់​សំណង​​​ផ្តាច់​​​ព្រ័ត្រ​​​​ដល់​ប្រជាពលរដ្ឋ​រាប់​រយ​​​គ្រួសារ​​​​​ដែល​​បាន​ធ្វើ​ការ​តវ៉ា​​​ជា​​​​​​ច្រើន​​​​ឆ្នាំ​​​​​ប្រឆាំង​​​​​​​ការ​​បណ្ដេញ​​​ខ្លួន​​​​​​​​​​​ចេញពី​សហគមន៍​បុរីកីឡា​​ បាន​​​​​​ផ្ទុះ​​​​​​ចលាចល​កាលពី​ម្សិលមិញ ​នៅ​ពេល​​​ក្រុម​​​​សកម្មជន​បាន​​​សម្រុក​ចូល​​​ពិធី​​ជួបជុំ​​​​គ្នា​​​នេះរហូត​​​​​​ឈាន​​​​​​ទៅ​​​ដល់​​​ការ​ប្រវាយ​ប្រតប់​គ្នា​ជាមួយ​នគរ​​​បាល។​ ប្រជាពលរដ្ឋទាំង​១៥៤​គ្រួសារ​​នេះ​គឺ​ជា​គ្រួសារ​ចុង​ក្រោយ​​​គេ​​​​​​ដែល​​​​ត្រូវ​​​​​​ទទួល​​​​បាន​សំណង​ក្នុង​ចំណោម​ប្រជាពលរដ្ឋ​​​យ៉ាង​​​ច្រើន​ដែល​ត្រូវ​បាន​​​​ក្រុម​​​ហ៊ុន​​​​​​ផាន​​​អុីម៉ិច​ បណ្ដេញ​ចេញ​​​ បន្ទាប់ពី​ក្រុម​ហ៊ុន​នេះ​ទទួល​បាន​សិទ្ធិ​អភិវឌ្ឍ​​​ន៍​​​​​​កាល​​​ពី​​​ឆ្នាំ​២០០៣។ ​​ខណៈ​ក្រុម​ហ៊ុន​​​រួម​ដ៏​មាន​ឥទ្ធិពល​មួយ​នេះ​ទទួល​បាន​កិច្ច​សន្យា​​​អភិវឌ្ឍ​ន៍​​​​​​ក្រោម​​​​​​​លក្ខខណ្ឌ​​​​ថា ខ្លួន​នឹងត្រូវ​​​​​​​​សង់​​ផ្ទះ​ល្វែង​ចំនួន​១០អគារ​សម្រាប់​ប្រជា​ពល​រដ្ឋ​​ទាំង​នេះ​​​នោះ ទីបំផុត​ខ្លួន​បាន​សាង​សង​់អគារ​​​​​តែ​​​៨​ប៉ុណ្ណោះ ​​​ ជា​ហេតុ​​​​​​ធ្វើ​ឲ្យ​ប្រជាពលរដ្ឋ​រាប់​​រយ​គ្រួសារ​​​ធ្លាក់​​​ខ្លួន​​​​​រស់​នៅ​ក្នុង​ស្ថានភាព​​កខ្វក់​​​​​​​​​ខ្លាំង​​​គួរ​​​ឲ្យ​​​បារម្ភ​​​​​​​​នៅ​​​​ទីតាំង​​​នេះ។ កាលពី​ខែ​កញ្ញា សាលា​រាជធានី​​​​​​ប្រកាស​​​​ថា ​សំណង​​នឹង​ត្រូវ​ផ្ដល់​​​​ជូន​​​​ប្រជាពល​រដ្ឋ​​​១៥៤​​​គ្រួសារ​ក្នុង​ចំណោម​​​១៨៣​គ្រួសារ​ដែល​កំពុង​​​រស់​នៅ​លើ​ទីតំាង​​​នេះ​​​​នៅ​ឡើយ ដោយ​​៣៥​គ្រួសារ​ទទួល​​​​​​​​បាន​​​សំណង​​​​​​​​​ធំទី១ នោះ​​​​​​​គឺ​ផ្ទះ​​មួយ​ល្វែង​នៅ​លើ​ដី​ដែល​ធ្លាប់​​ជា​របស់​ខ្លួន។ ៨៥​គ្រួសារ​ទៀត​​​​ត្រូវ​បាន​ផ្ដល់​ជម្រើស​ឲ្យ​ទទួល​​​យក​​​​ប្រាក់​ចំនួន​៥.០០០​ដុល្លារ​ ឬ​​ដី​មួយ​ឡូតិ៍​​តូច​​នៅ​កន្លែង​តាំង​លំនៅ​ថ្មី​​​​ក្នុង​​​​ភូមិ​ឧដុង្គ​ ​ខេត្ត​កណ្ដាល ដែល​​​ស្ថិត​​​នៅ​​​​ចម្ងាយ​ប្រហែល​៤៥​គីឡូម៉ែត្រ​ពី​ចំណុច​កណ្ដាល​ក្រុង​ ចំណែក​​​ឯ​៣៤​គ្រួសារ​ចុង​ក្រោយ​​​​គេ​​​ទទួល​បាន​​​​​​ប្រាក់​​​សំណង​​​​​៣.០០០​ដុល្លារ​។ ​​​ដោយ​​​ឡែក​​ ការ​​​ទាម​​​ទារ​​​របស់​​​ប្រជាពលរដ្ឋ​​២៩​គ្រួសារ​​​ផ្សេង​ទៀត​​​មិន​​​​​​ត្រូវ​​​​​​​បាន​​​​​​រដ្ឋាភិបាល​​សម្រេច​​​ទទួល​ស្គាល់​​ឡើយ។ ​​​ស្ថិត​​​នៅ​​​​ពី​​​ក្រោម​កៅស៊ូ​តង់​​ដែល​​​​​​​ត្រូវ​​​បាន​​​​​​ដំឡើង​​​​លើ​សំរាម​​​ដែល​​​​ធ្លាប់​​​​​មាន​ប្រជា​ពលរដ្ឋ​​​ចំនួន​​​​​១.៧៧៦​នាក់​រស់​នៅ​​​​​​ លោក មាន ចាន់យ៉ាដា ប្រធាន​រដ្ឋបាល​សាលា​រាជធានី​បាន​មាន​ប្រសាសន៍​ថា ការ​ផ្ដល់​សំណង​​​ផ្តាច់​​​ព្រ័ត្រ​​​នេះ​​បង្ហាញ​​ពី​ការ​បញ្ចប់​ជម្លោះ​ដ៏រ៉ាំ​​​រ៉ៃ។ “បុរី​កីឡា​គឺ​ជា​ករណី​ស្មុគ​​​ស្មាញ​ ហើយ​វា​មាន​ជម្លោះ​ជាយូរ​មក​ហើយ​។ ការ​​​​ជួប​​​ជុំ​​គ្នា​​​​នៅ​ថ្ងៃ​នេះ​​​គឺ​​​ជា​​​​ការ​ដោះ​​ស្រាយ​​​​បញ្ចប់​​​បញ្ហា​​​ជា​លើក​ចុង​ក្រោយ​" នេះ​ជា​អ្វី​​ដែល​​លោក ​មាន ចាន់យ៉ាដា បាន​​​​ថ្លែង​​​​​​ទៅ​កាន់​ប្រជា​ពលរដ្ឋ​​ប្រ​​​មាណ​​​៧០គ្រួសារ​ ភាគច្រើន​ជា​ស្ត្រី​ និង​កុមារ​​ដែល​មើល​ទៅ​ហាក់​​​​​​​មិនសូវ​​​​​​​​​ពេញ​​​ចិត្ត​​​។ លោក​​​​​​​​​លើក​​​ឡើង​​​ទៀត​​​​​​ថា ប្រជា​ពលរដ្ឋ​ទាំង​អស់​​លើក​លែង​តែ​មួយ​គ្រួសារនៅ​​ក្នុង​ចំណោម​​​​​៣៥​គ្រួសារ​ដែល​​ត្រូវ​បាន​ផ្ដល់​ផ្ទះ​ល្វែង បាន​ទទួល​យក​កិច្ច​ព្រមព្រៀង​នេះ​ហើយ​​​​​​​មាន​​​តែ​​​៤០​​​​​គ្រួសារ​​​​​​ប៉ុណ្ណោះ​​​​​​ក្នុង​ចំណោម​​៨៥​​​​គ្រួសារ​​​ដែល​​​​​​​យល់​ព្រម​ទទួល​យក​​​ប្រាក់​​​​សំណង​​​​៥.០០០​ដុល្លារ​ ឬ​ដី​មួយ​ឡូតិ៍​​នៅ​ឧដុង្គ ហើយ​​​​​​​​មាន​តែ​បួន​​គ្រួសារ​ប៉ុណ្ណោះ​​ដែល​​​​​​​សុខ​​​​​​ចិត្ត​​​​​​​​ផ្លាស់​ទៅ​តំបន់​នោះ។ ​​​ក្នុង​ចំណោម​ប្រជា​ពលរដ្ឋ​​៣៤​គ្រួសារ​ដែល​​​ត្រូវ​​​​​​បាន​​​​ផ្តល់​​​ប្រាក់​​​​​​សំណង​៣.០០០​ដុល្លារ​ មាន​តែ​១៦​គ្រួសារ​​​​ប៉ុណ្ណោះ​ដែល​​​សុខ​​​​​​ចិត្ត​​​​ទទួល​យក​។ បន្ទាប់ពី​លោក មាន​ ចាន់យ៉ាដា បញ្ចប់​សុន្ទរកថា​របស់​ខ្លួន ហើយ​​ប្រគល់​​មីក្រូហ្វូន​ឲ្យ​​​​ទៅ​មន្ត្រី​ម្នាក់​​ដែល​បាន​ចាប់​ផ្ដើម​​ហៅ​ឈ្មោះ​អ្នក​ដែល​​​ត្រូវ​​​បាន​​​​ផ្តល់​​​សំណង​​​​ភ្លាម ស្រាប់​​​តែ​​​​​​ស្ត្រី​មួយ​ក្រុម​មាន​គ្នា​​​​​ប្រហែល​​​ប្រាំបី​នាក់​​បាន​ហែក្បួន​​​ឆ្ពោះ​​​​ទៅ​​​រក​​​តង់​នោះ​ ដោយ​លើក​​​បដា​​​​​គ្រវីឯកសារ​ឡើង​​លើ​​​ពេល​ពួកគាត់​ស្រែក​។ អ្នកស្រី ភោគ សុផាន អាយុ​៤៣​ឆ្នាំ​បាន​ស្រែក​ថា "​ខ្ញុំ​នឹង​មិន​​​ចេញ​​​ពី​បុរី​កីឡា​ទេ ក្រុម​ហ៊ុន​​​​​​បាន​​​​​​កម្ទេច​​​ផ្ទះ​ខ្ញុំ​ដើម្បី​​​យក​ដី​...