TAG
features1
សម្រាប់របៀបវារៈកំណែទម្រង់ គណបក្សប្រជាជនកម្ពុជាយកគន្លឹះពីគណបក្សសង្គ្រោះជាតិ
ក្រោយពីការបោះឆ្នោតជាតិនាឆ្នាំ២០១៣រួចមក លោកនាយករដ្ឋមន្ត្រី ហ៊ុន សែន បានបញ្ជាឲ្យសហសេវិករបស់លោកក្នុងជួរគណបក្សប្រជាជនកម្ពុជាកំពុងកាន់អំណាចឈរមុខកញ្ចក់ ដុសក្អែលខ្លួនឯងដែលស្ទើរតែបណ្តោយឲ្យគណបក្សប្រឆាំងរួបរួមគ្នាដែលដឹកនាំដោយលោក សម រង្ស៊ី និងលោក កឹម សុខា ឡើងកាន់អំណាច។
សារដែលថ្លែងរយៈពេល៦ម៉ោងតាមកញ្ចក់ទូរទស្សន៍ គឺថាគណបក្សប្រជាជនកម្ពុជាបានទទួលនូវមេរៀនជូរចត់មួយ ប៉ុន្តែបានរើបឡើងវិញពីស្ថានការណ៍ដ៏អាក្រក់បំផុតកាលពីអតីតកាល ហើយអាចឈ្នះម្តងទៀត ប្រសិនបើខ្លួនបានកែខ្លួន។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានពន្យល់ប៉ុន្មានថ្ងៃបន្ទាប់ពីលទ្ធផលគួរឲ្យតក់ស្លុត ដែលធ្វើឲ្យលោក សម រង្ស៊ី ខ្វះតែ៧កៅអីទៀតប៉ុណ្ណោះអាចបណ្តេញលោក ហ៊ុន សែនចេញពីតំណែងបានថា "យើងរំពឹងថា អ្នកបោះឆ្នោតទាំងនោះនឹងវិលត្រឡប់មកវិញនៅក្នុងឆ្នាំ២០១៨"។
លោក ផៃ ស៊ីផាន បានមានប្រសាសន៍ដោយផ្តោតទៅលើសញ្ញាវិជ្ជមាននៃព្រឹត្តិការណ៍នោះថា "យើងរៀនពីប្រជាពលរដ្ឋ។ យើងរៀនពីយុទ្ធនាការនេះ ដើម្បីជំរុញឲ្យមានយុត្តិធម៌សង្គមយ៉ាងឆាប់រហ័ស ដើម្បីផ្តល់យុត្តិធម៌ល្អប្រសើរដល់ប្រជាពលរដ្ឋ"។
រយៈពេលពីរឆ្នាំកន្លះមក និងពាក់កណ្តាលផ្លូវឆ្ពោះទៅការបោះឆ្នោតជាតិនៅឆ្នាំ២០១៨ កម្មវិធីបោះឆ្នោតធ្វើដោយគណបក្សកាន់អំណាច តាមពិតទៅ ក្លាយជាកំណែទម្រង់ធំៗមួយចំនួន។ ភាគច្រើននៃកម្មវិធីមាននៅក្នុងគំនិតដែលធ្លាប់ស្គាល់មួយចំនួនពីឆ្នាំ២០១៣ ពោលគឺគំនិតដែលផ្តួចផ្តើមដោយគណបក្សសង្គ្រោះជាតិ។
ចាប់តាំងពីការបោះឆ្នោតចុងក្រោយមក រដ្ឋាភិបាលលោក ហ៊ុន សែន បានចាប់ផ្តើមអនុវត្តយ៉ាងហោចណាស់ចំនួនពាក់កណ្តាលនៃកម្មវិធីយុទ្ធនាការគោលនយោបាយប្រាំពីរចំណុចដ៏ប្រជានិយម និងប្រជាប្រិយរបស់គណបក្សសង្គ្រោះជាតិកាលពីឆ្នាំ២០១៣។
លោក ធន់ សារ៉ាយ ប្រធានអង្គការសិទ្ធិមនុស្សអាដហុក បានមានប្រសាសន៍ថា "គេបានអនុវត្តតាមកម្មវិធីនយោបាយរបស់គណបក្សសង្គ្រោះជាតិកាលពីយុទ្ធនាការបោះឆ្នោតមុនគឺឧទាហរណ៍ ដំឡើងប្រាក់ខែមន្ត្រីរាជការ និងប្រាក់ខែកម្មកររោងចក្រ។ វាជាកម្មវិធីរបស់គណបក្សសង្គ្រោះជាតិ។
លោក ធន់ សារ៉ាយ បានមានប្រសាសន៍បន្ថែមថា "កំណែទម្រង់ចម្បងនិងសំខាន់សម្រាប់ប្រទេសជាតិដែលមានដូចជា ប្រព័ន្ធតុលាការឯករាជ្យ និងសេវាសាធារណៈ គណបក្សប្រជាជនកម្ពុជានៅមិនទាន់បានធ្វើនៅឡើយទេ"។
ក្នុងពេលដែលគណបក្សសង្គ្រោះជាតិកាលពីឆ្នាំ២០១៣បានសន្យាដំឡើងប្រាក់ខែមូលដ្ឋានក្នុងវិស័យកាត់ដេរពី៨០ដុល្លារទៅដល់១៥០ដុល្លារ តាំងពីពេលនោះមក រដ្ឋាភិបាលគណបក្សប្រជាជនកម្ពុជាក៏បានដំឡើងដល់១៤០ដុល្លារដែរ។
ការសន្យានាឆ្នាំ២០១៣ដាច់ដោយឡែកផ្សេងទៀតពីគណបក្សសង្គ្រោះជាតិដើម្បីដំឡើងប្រាក់ខែមូលដ្ឋានសម្រាប់មន្ត្រីរាជការពី១២០ដុល្លារក្នុងមួយខែដល់២៥០ដុល្លារ គឺស៊ីគ្នានឹងគណបក្សប្រជាជនកម្ពុជាផងដែរ ដោយលោក ហ៊ុន សែន កាលពីខែវិច្ឆិកា បានសន្យាថា ប្រាក់ខែនឹងឡើងដល់២៥០ដុល្លារនៅដើមឆ្នាំ២០១៨ ពោលគឺដល់ពេលបោះឆ្នោតតែម្តង។
ផ្ទុយទៅវិញ រយៈពេលប្រាំបួនខែមុននឹងបោះឆ្នោត លោកនាយករដ្ឋមន្ត្រីបានមានប្រសាសន៍ថា នឹងមិនអាចដំឡើងប្រាក់ខែឲ្យមន្ត្រីរាជការបានទេ បើមិនមានការដំឡើងពន្ធខ្ពស់សម្រាប់កសិករ។
ការគាំពារសុខភាពដោយឥតគិតថ្លៃសម្រាប់ប្រជាជនក្រីក្រ ជាចំណុចទី៥នៃចំណុចទាំងប្រាំពីររបស់គណបក្សសង្គ្រោះជាតិកាលពីឆ្នាំ២០១៣ ក៏ត្រូវយកមកអនុវត្តដោយគណបក្សប្រជាជនកម្ពុជាតាមរយៈគម្រោងថ្មីនៃការធានាសុខភាពទូលំទូលាយសម្រាប់កម្មករដែលបម្រើការងារក្នុងប្រព័ន្ធ ដែលលោកនាយករដ្ឋមន្ត្រីបានចុះហត្ថលេខាឲ្យទៅជាច្បាប់កាលពីសប្តាហ៍មុន។
គណបក្សប្រជាជនកម្ពុជាថែមទាំងអនុវត្តការសន្យារបស់គណបក្សសង្គ្រោះជាសាធារណៈដើម្បីកាត់បន្ថយតម្លៃប្រេងឥន្ធនៈនិងអគ្គិសនី និងកាត់បន្ថយការអត់ការងារធ្វើ។ មានតែកម្មវិធីយុទ្ធនាការគណបក្សសង្គ្រោះជាតិពីរប៉ុណ្ណោះពោលគឺ សោធននិវត្តសម្រាប់មនុស្សចាស់ និងតម្លៃស្រូវ គឺនៅមិនទាន់បានអនុវត្តនៅឡើយទេ។
កញ្ញា កឹម មនោវិទ្យា អនុប្រធានកិច្ចការសាធារណៈរបស់គណបក្សសង្គ្រោះជាតិ និងជាកូនស្រីរបស់លោក កឹម សុខា អនុប្រធានបក្ស បានមានប្រសាសន៍ថា "ជោគជ័យរបស់គណបក្សសង្គ្រោះជាតិរហូតមកដល់ពេលនេះ គណបក្សប្រឆាំងកំពុងជំរុញឲ្យប្រទេសជាតិផ្តោតទៅលើនិងព្យាយាមដោះស្រាយបញ្ហាមួយចំនួនដែលយើងបានលើកឡើងពេលធ្វើយុទ្ធនាការរបស់យើង"។
កញ្ញា មនោវិទ្យា បានមានប្រសាសន៍ថា ថ្នាក់ដឹកនាំគណបក្សសង្គ្រោះជាតិពេញចិត្តនឹងតម្លៃនៃគោលនយោបាយថ្មីសម្រាប់សាធារណជន ដោយមិនព្រួយបារម្ភថា គេអាចជួយគណបក្សប្រជាជនកម្ពុជាពង្រឹងប្រជាប្រិយភាពផ្ទាល់ខ្លួនទេ ព្រោះថា កំណែទម្រង់ទូលំទូលាយមិនទាន់អនុវត្តនៅឡើយទេ"។
អនុប្រធានកិច្ចការសាធារណៈគណបក្សសង្គ្រោះជាតិរូបនេះ បានមានប្រសាសន៍ថា "កំណែទម្រង់សំខាន់បំផុតនិងចាំបាច់ គឺជាកំណែទម្រង់ផ្នែកស្ថាប័ន ហើយមិនទាន់កើតមាននៅក្នុងរដ្ឋាភិបាលនេះនៅឡើយទេ ពីព្រោះកំណែទម្រង់ស្ថាប័នបែបហ្នឹងនឹងរុះរើក្រុមផលប្រយោជន៍ដែលជាផៅសន្តានសំខាន់របស់គណបក្សប្រជាជនកម្ពុជា"។
ប៉ុន្តែ លោក សុខ ឥសាន អ្នកនាំពាក្យគណបក្សប្រជាជនកម្ពុជាបានមានប្រសាសន៍ថា សាធារណជនបានទទួលយកកិច្ចខំប្រឹងប្រែងថ្មីៗនេះរបស់លោក ហ៊ុន សែន ក្នុងការធ្វើខ្លួនលោកជាមេដឹកនាំដែលនៅកៀកនឹងថ្នាក់មូលដ្ឋាន ចាប់តាំងពីមានមេរៀនពីការបោះឆ្នោតនាឆ្នាំ២០១៣។
លោក សុខ ឥសាន បានមានប្រសាសន៍ថា "យើងបន្តអនុវត្តកំណែទម្រង់ឆ្លើយតបនឹងសេចក្តីត្រូវការប្រជាជន ព្រោះយើងមិនផ្តល់ការសន្យាខ្យល់ទេ ប៉ុន្តែយើងធ្វើឆ្លើយតបនឹងសេចក្តីត្រូវការប្រជាជន។ យើងជឿថាសាធារណជនបានឃើញរួចហើយថារដ្ឋាភិបាលបានធ្វើ ដើម្បីដោះស្រាយទុក្ខលំបាកប្រជាពលរដ្ឋ"។
លោក សុខ ឥសាន បានលើកឡើងអំពីកំណែទម្រង់អប់រំ ការកាត់បន្ថយតម្លៃអគ្គិសនីដែលប្រកាសថ្មីៗនេះ ការដំឡើងបន្តទៀតចំពោះប្រាក់ខែមូលដ្ឋានសម្រាប់មន្ត្រីរាជការ និងការលុបចោលនាពេលថ្មីៗនេះចំពោះពន្ធមួយចំនួនដែលប៉ះពាល់ដល់ប្រជាជនក្រីក្រ ក៏ស្ថិតក្នុងគោលនយោបាយថ្មីល្អបំផុតរបស់គណបក្សប្រជាជនកម្ពុជាដែរ។
លោក សុខ ឥសាន បានមានប្រសាសន៍ថា "ផ្អែកលើព័ត៌មានទទួលបានពីមន្ត្រីមូលដ្ឋានគណបក្សប្រជាជន ទើបសម្តេច ហ៊ុន សែន ក្នុងនាមជាប្រធានគណបក្សប្រជាជនកម្ពុជា និងជានាយករដ្ឋមន្ត្រីផង បានដោះស្រាយទាន់សភាពការណ៍ និងទាន់ពេលវេលាតាមរយៈការពិភាក្សាហ្មត់ចត់ជាមួយមន្ត្រីគណបក្សប្រជាជនផ្សេងទៀត"។
អ្នកនាំពាក្យគណបក្សប្រជាជនកម្ពុជារូបនេះបានពន្យល់ថា "យើងដោះស្រាយបញ្ហាអស់ទាំងនេះ ទៅតាមយុទ្ធសាស្ត្ររបស់បក្ស ដើម្បីកាត់បន្ថយភាពក្រីក្ររបស់ប្រជាជន រួមមានសម្រាប់មន្ត្រីរាជការ កងប្រដាប់អាវុធ និងកូនចៅប្រជាជនកម្ពុជា។ គណបក្សប្រជាជនកម្ពុជាមានយុទ្ធសាស្ត្របែបហ្នឹងតាំងពីដើមមក ហើយមិនធ្វើតាមគណបក្សមួយចំនួនដែលទើបកើតពីម្សិលមិញទេ ប៉ុន្តែមកអួតខ្លួនឯងថា គណបក្សប្រជាជនកម្ពុជាធ្វើតាមគោលនយោបាយរបស់ខ្លួន"។
បន្ថែមទៅលើកំណែទម្រង់ទាំងនេះ គណបក្សប្រជាជនកម្ពុជាប្រកាន់យករបៀបឆ្លើយតបជាងមុន ដោយលោក ហ៊ុន សែន និងមន្ត្រីជាច្រើនទៀតបង្កើតហ្វេសប៊ុកផ្ទាល់ខ្លួន ដែលពួកគេអាចប្រាស្រ័យទាក់ទងផ្ទាល់ជាមួយប្រជាពលរដ្ឋ។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានមានប្រសាសន៍ថា យុទ្ធសាស្ត្រនេះកំពុងទទួលបាននូវភាគលាភ។
លោក ផៃ ស៊ីផាន បានមានប្រសាសន៍ថា "ឥឡូវនេះ លោកនាយករដ្ឋមន្ត្រីក៏ទាក់ទងផ្ទាល់ជាមួយប្រជាពលរដ្ឋ។ ពីមុន លោកត្រូវអង្គុយអានរបាយការណ៍ ប៉ុន្តែឥឡូវនេះ លោកអាចដឹងពីប្រជាពលរដ្ឋ ហើយឆ្លើយតបភ្លាមៗចំពោះការត្អូញត្អែរ និងទុក្ខលំបាករបស់ពួកគេ ហើយធ្វើវិសោធនកម្មច្បាប់"។
អ្នកនាំពាក្យទីស្តីការគណៈរដ្ឋមន្ត្រីរូបនេះបានមានប្រសាសន៍ថា "ចំពោះខ្ញុំ ខ្ញុំឃើញហ្វេសប៊ុកលោកនាយករដ្ឋមន្ត្រីនិងប្រជាពលរដ្ឋ គេចុចឡៃច្រើនណាស់។ មនុស្សជាង១លាននាក់ចុចឡៃលើទំព័ររបស់លោក ដូច្នេះខ្ញុំគិតថា គេពេញចិត្តកិច្ចខិតខំប្រឹងប្រែងរបស់លោកនាយករដ្ឋមន្ត្រី"។
លោក ធន់ សារ៉ាយ ប្រធានអង្គការសិទ្ធិមនុស្សអាដហុកបានមានប្រសាសន៍ថា លោកមិនដឹងច្បាស់ថាតើយុទ្ធសាស្ត្រនៃកំណែទម្រង់បន្តិចម្តងៗ និងការទាក់ទងតាមបណ្តាញទំនាក់ទំនងសង្គមមានប្រសិទ្ធភាពឬយ៉ាងណាទេ ប៉ុន្តែ បានមានប្រសាសន៍ថា ការបោះឆ្នោតឃុំសង្កាត់នាឆ្នាំ២០១៧ ទំនងជាលាតត្រដាងនូវចម្លើយទៅនឹងសំណួរនោះ។
លោក ធន់ សារ៉ាយ បានមានប្រសាសន៍ថា "តាមធម្មតា នៅក្នុងសង្គមប្រជាធិបតេយ្យ គេស្ទង់មតិប្រជាពលរដ្ឋ ប៉ុន្តែ ឥឡូវនេះគេមិនអាចដឹងថា តើមានប្រសិទ្ធភាពដូចម្តេ៉ចចំពោះគោលនយោបាយ និងយុទ្ធវិធីរបស់ ហ៊ុន សែន ដើម្បីទទួលបានប្រជាប្រិយភាពនោះទេ"។
ប្រធានអង្គការសិទ្ធិមនុស្សរូបនេះបានពន្យល់ថា "យើងនឹងឃើញក្នុងឆ្នាំ២០១៧ថាអ្វីនឹងកើតឡើង។ ប្រសិនបើគេឈ្នះឆ្នោតក្នុងឆ្នាំ២០១៧ គេនឹងបន្តរហូតដល់ការបោះឆ្នោតជាតិឆ្នាំ២០១៨ ប៉ុន្តែ ប្រសិនបើគេមិនឈ្នះឆ្នោតក្នុងឆ្នាំ២០១៧ទេ អាចនឹងមានបញ្ហាខ្លះសម្រាប់ការបោះឆ្នោតនាឆ្នាំ២០១៨។ យើងមិនដឹងថា តើការបោះឆ្នោតនាឆ្នាំ២០១៨នឹងមានដំណើរការទៅដោយស្រួលបួលឬយ៉ាងណាទេ។ នោះជាកង្វល់ដែលយើងមាន"។
ទោះជាយ៉ាងនេះក្តី ព្រះតេជគុណ ប៊ុត ប៊ុនទិញ ដែលដឹកនាំបណ្តាញព្រះសង្ឃឯករាជ្យដើម្បីយុត្តិធម៌សង្គម បានមានសង្ឃដីកាថា ព្រះតេជគុណជឿជាក់ថា វាជ្រុលពេលទៅហើយសម្រាប់គណបក្សប្រជាជនកម្ពុជា មិនអាចបញ្ចុះបញ្ចូលប្រជាពលរដ្ឋឲ្យជឿថា កំណែទម្រង់របស់ខ្លួនមានន័យនោះទេ។
ព្រះតេជគុណ ប៊ុត ប៊ុនទិញ បានមានសង្ឃដីកាថា "ទាក់ទងនឹងការរស់រានរបស់របបនេះ គេត្រូវកែទម្រង់ ប៉ុន្តែ អាត្មាមិនគិតថា គេអាចកែទម្រង់បានទេ ពីព្រោះគេមានមនុស្សដដែលៗ។ តាមរយៈការអង្កេតរបស់អាត្មា គណបក្សប្រជាជនកម្ពុជាប្រើពាក្យកំណែទម្រង់ ប៉ុន្តែ ជាការបង្វែរទៅវិញ"។
ព្រះតេជគុណអង្គនេះបានមានសង្ឃដីកាថា "ប្រជាពលរដ្ឋខ្មែរកំពុងតែវាយស្គរ ទូង ទូង ទូង! ប៉ុន្តែ ក្រុម ហ៊ុន សែន កំពុងតែដេកលង់លក់។ ទូង ទូង ទូង! យើងត្រូវការលទ្ធិប្រជាធិបតេយ្យ ប៉ុន្តែ ពួកគេនៅតែដេកលង់លក់ដដែល"៕រើន
លោក ហ៊ុន សែន និយាយការពារច្បាប់ចរាចរណ៍ថ្មី ហើយរិះគន់ប្អូនស្រីលោក
លោកនាយករដ្ឋមន្ត្រី ហ៊ុន សែន បានវាយបកទៅលើអ្នករិះគន់ច្បាប់ចរាចរណ៍ថ្មីវិញកាលពីម្សិលមិញ ដោយទិទៀនចំៗលើប្អូនស្រីរបស់លោកចំពោះអ្វីដែលលោកលើកឡើងថា ជាសារអវិជ្ជមានដែលមិនចាំបាច់បង្ហោះតាមហ្វេសប៊ុក។
កាលពីថ្ងៃទី១ ខែមករា កម្ពុជាបានចាប់ផ្តើមអនុវត្តជាផ្លូវការនូវច្បាប់ចរាចរណ៍ផ្លូវគោកថ្មី ដែលផាកពិន័យចំពោះការមិនគោរព តាមច្បាប់ ដែលកំណត់ចំនួនអ្នករួមដំណើរក្នុងម៉ូតូមួយគ្រឿង និងដែលតម្រូវឲ្យអ្នករួមដំណើរពាក់មួកសុវត្ថិភាពដែរនោះ។
ដោយលើកឡើងអំពីការរិះគន់តាមបណ្តាញ ទំនាក់ទំនងសង្គមទាក់ទិននឹងបទប្បញ្ញត្តិថ្មីនេះ កាលពីម្សិលមិញ លោក ហ៊ុន សែន បានស្នើឲ្យប្រជាពលរដ្ឋអត់ធ្មត់បន្តិច។
លោកបានមានប្រសាសន៍អំឡុងពេលថ្លែងសុន្ទរកថាក្នុងពិធីសម្ពោធដាក់ឲ្យប្រើប្រាស់ស្ពានអាកាសថ្មីមួយក្នុងរាជធានីភ្នំពេញ ថា "ការពិតហើយ ខ្ញុំព្រះករុណាខ្ញុំដឹងថា មានប្រជាពលរដ្ឋមួយចំនួនដែលមិនពេញចិត្តចំពោះការអនុវត្តច្បាប់ចរាចរណ៍ថ្មីនេះប៉ុន្តែ សូមប្រជាពលរដ្ឋរបស់យើងទុកពេលឲ្យរដ្ឋាភិបាលអនុវត្តសិន"។
លោកបានគូសបញ្ជាក់ថា ក្នុងចំណោមអ្នករិះគន់ក៏មានប្អូនស្រីរបស់លោកដែរ គឺ លោកស្រី ហ៊ុន ស៊ីណាត ដែលបង្ហោះសារយ៉ាងវែងតាមហ្វេសប៊ុកកាលពីថ្ងៃអាទិត្យដោយជំទាស់ ថា អាជ្ញាធរគួរតែផ្តោតគោលដៅលើអ្នកដែលចតរថយន្តពីរជួរនៅតាមផ្លូវក្នុងរាជធានីជាជាង "ផាកពិន័យប្រជាពលរដ្ឋក្រីក្រ"។
លោកស្រីក៏បានរិះគន់ចំពោះការតម្រូវឲ្យអ្នកបើកបរយកប័ណ្ណបើកបរច្បាប់ដើម កាតគ្រី និងឈៀកតាមខ្លួនផងដែរ...
នគរបាលទាញអ្នកបើកឡានចេញពីរ៉ឺម៉កម៉ូតូកង់បីពេលតវ៉ា
នគរបាលបានទាញអតីតបុគ្គលិកក្រុមហ៊ុនរថយន្តក្រុងកាពីតូលចេញពីរ៉ឺម៉កម៉ូតូកង់បីនៅស្ងៀម ហើយបានរឹបអូសយានជំនិះនោះក្នុងក្រុងភ្នំពេញកាលពីថ្ងៃសុក្រ ក្នុងពេលដែលអ្នកបើកបរបន្តតវ៉ាចំពោះអ្វីដែលពួកគេនិយាយថាជាការបណ្តេញចេញពីការងារដោយខុសច្បាប់។
អ្នកបើកបររថយន្ត៥នាក់ត្រូវបានបណ្តេញចេញពីការងារកាលពីខែកក្កដា ដោយធ្វើឲ្យបុគ្គលិករាប់សិបនាក់របស់ពួកគេធ្វើកូដកម្ម និងបង្ហាញសាមគ្គីភាពនឹងគ្នា។
ឈូក បណ្ឌិត ទទួលការព្យាបាលនៅភ្នំពេញ
មន្ត្រីបាននិយាយកាលពីថ្ងៃសុក្រថា ឈូក បណ្ឌិត អតីតអភិបាលក្រុងបាវិតក្នុងខេត្តស្វាយរៀង ដែលបានជាប់ពន្ធនាគារកាលពីដើមឆ្នាំនេះពីបទបាញ់ឲ្យកម្មកររោងចក្របីនាក់របួសពេលមានការតវ៉ាក្នុងឆ្នាំ២០១២ ត្រូវគេបញ្ជូនមកពន្ធនាគារព្រៃសក្នុងក្រុងភ្នំពេញ ហើយកំពុងទទួលការព្យាបាលនៅឯមន្ទីរពេទ្យមិត្តភាពខ្មែរ-សូវៀត។
មន្ត្រីពន្ធនាគារ និងមេធាវីលោក បណ្ឌិត ដែលបានចាប់ផ្ដើមជាប់ពន្ធនាគាររយៈពេល១៨ខែពីបទហិង្សាដោយអចេតនាកាលពីខែសីហា បានបញ្ជាក់ថា អ្នកទោសរូបនេះត្រូវបានបញ្ជូនពីពន្ធនាគារខេត្តស្វាយរៀងនៅដើមខែនេះ ប៉ុន្តែបានបដិសេធមិននិយាយប្រាប់មូលហេតុ។
លោក សួស សាខូ នាយកពន្ធនាគារខេត្តស្វាយរៀងបានមានប្រសាសន៍ថា "គាត់ត្រូវគេបញ្ជូនពីពន្ធនាគារខេត្តស្វាយរៀងទៅពន្ធនាគារព្រៃសកាលពីបីសប្ដាហ៍មុន ពីព្រោះមេធាវីគាត់បានផ្ញើលិខិតស្នើសុំបញ្ជូនគាត់"។
លោក សួស សាខូ បាននិយាយបន្ថែមថា លោក បណ្ឌិត បានទទួលការព្យាបាលជំងឺបេះដូងចាប់តាំងពីជាប់ពន្ធនាគារ។...
ផ្ទុះការចោទប្រកាន់ករណីបំពានផ្លូវភេទ និងការលាក់បាំងការពិតនៅអង្គការសិល្បៈដ៏ល្បីល្បាញ
យោងតាមសមាជិកគ្រួសារម្នាក់ និងអង្គការគាំពារកុមារមួយ ឲ្យដឹងថា ជនជាតិបារាំង ម្នាក់ដែលជាបុគ្គលិកយូរមកហើយនៃអង្គការហ្វារពន្លឺសិល្បៈនៅក្នុងខេត្តបាត់ដំបង កំពុងជាប់ពន្ធនាគារក្នុងប្រទេសបារាំង រង់ចាំសវនាការជំនុំជម្រះទោសតាមការចោទប្រកាន់ពីបទរួមភេទជាមួយកុមារប្រព្រឹត្តនៅក្នុងប្រទេសកម្ពុជា។
ជនរងគ្រោះម្នាក់ដែលនិយាយថា ខ្លួនមានអាយុប្រហែល១៤ឆ្នាំ នៅពេលខ្លួនត្រូវបានបុរសជនជាតិបារាំង រូបនេះរំលោភបំពានផ្លូវភេទ បានលើកឡើងនៅក្នុងបទសម្ភាសន៍មួយកាលពីថ្ងៃសុក្រថា អង្គការហ្វារពន្លឺសិល្បៈបានបណ្ដេញខ្លួនចេញពីក្រុមសម្ដែងសៀករបស់អង្គការនេះ បន្ទាប់ពីខ្លួនបានរាយការណ៍អំពីការរំលោភបំពាននេះ ហើយបានឲ្យប្រាក់ទៅខ្លួនចំនួន៦០០ដុល្លារសម្រាប់ការបិទមាត់ ជាការអះអាងដែលអង្គការហ្វារពន្លឺសិល្បៈបានបដិសេធកាលពីម្សិលមិញ។
លោក ហ្សង់ គ្រីស្តូហ្វ ស៊ីដឺរីត (Jean-Christophe Sidoit) មានតួនាទីជាច្រើននៅអង្គការហ្វារពន្លឺសិល្បៈ រួមមានតំណែងនាយកស្ដីទី និងប្រធានរដ្ឋបាលផងដែរពីឆ្នាំ១៩៩៩ដល់ចុងឆ្នាំ២០១៣ នៅពេលលេចឮការចោទប្រកាន់ថា លោកបានរំលោភបំពានផ្លូវភេទជនរងគ្រោះ ដែលជាយុវជនសម្ដែងសិល្បៈសៀកម្នាក់មកពីប្រទេសហ្គីណេ ហើយជនរងគ្រោះត្រូវគេបង្ខំឲ្យកាត់ផ្ដាច់ទំនាក់ទំនងជាផ្លូវការជាមួយអង្គការនេះ។
យោងតាមលោក សំលៀង សិលា នាយកប្រចាំប្រទេសនៃអង្គការសកម្មភាពដើម្បីកុមារ (APLE) ដែលជាអង្គការមិនមែនរដ្ឋាភិបាលប្រឆាំងជនរួមភេទជាមួយកុមារបានឲ្យដឹងថា...
លោក ស ខេង ថានឹងដំឡើងស័ក្តិឲ្យនគរបាលដែលហ៊ាន ផាកពិន័យរដ្ឋមន្ត្រី
ថ្លែងនៅពិធីជួបជុំមន្ត្រីនគរបាល និងមន្ត្រីរាជការជាង១០០នាក់កាលពីម្សិលមិញ លោក ស ខេង រដ្ឋមន្ត្រីក្រសួងមហាផ្ទៃបានសន្យាដំឡើងឋានន្តរស័ក្ដិដល់មន្ត្រីនគរបាលចរាចរណាដែលក្លាហានក្នុងការចេញបង្កាន់ដៃដល់រដ្ឋមន្ត្រីក្នុងជួររដ្ឋាភិបាលតាមច្បាប់ចរាចរណ៍ផ្លូវគោកថ្មីរបស់ប្រទេសកម្ពុជា។
ការអនុវត្តច្បាប់ចរាចរណ៍ថ្មីដែលបានអនុម័តកាលពីខែធ្នូឆ្នាំមុន គ្រោងនឹងចាប់ផ្ដើមផ្លូវការនៅថ្ងៃទី១ ខែមករា។ ច្បាប់នេះដាក់ទោសទណ្ឌយ៉ាងធ្ងន់ធ្ងរដល់បទល្មើសមួយចំនួនដូចជា ការបើកបរក្នុងល្បឿនលឿន និងការបើកបរដោយស្រវឹង រួមមានការរឹតបន្តឹងការកំណត់ចំនួនអ្នករួមដំណើរតាមម៉ូតូ និងតម្រូវឲ្យពាក់មួកសុវត្ថិភាពទាំងអស់គ្នា។
ថ្លែងនៅពិធីប្រជំុប្រកាសសមាសភាពគណៈកម្មាធិការជាតិសុវត្ថិភាពចរាចរណ៍ផ្លូវគោកថ្មីនៅក្រសួងមហាផ្ទៃ ក្នុងរាជធានីភ្នំពេញ លោក ស ខេង បានមានប្រសាសន៍ថា "ឥឡូវនេះដល់ពេលដែលយើងត្រូវអនុវត្តច្បាប់ ហើយមិនខ្វល់ថាអ្នកធំឬអ្នកតូចឡើយ"។
ដោយត្រាប់តាមមន្ត្រីបំពានច្បាប់ លោករដ្ឋមន្ត្រីបានបន្តថា "អូ! ខ្ញុំជាឧត្ដមសេនីយ៍ ខ្ញុំបើករថយន្តមិនចាំបាច់គោរពច្បាប់ទេ។...
ក្រសួងមហាផ្ទៃក្តៅក្រហាយចំពោះជំនួយរបស់អូស្ត្រាលីផ្តល់ដល់កម្ពុជា
រហូតមកទល់ពេលនេះប្រទេសអូស្ត្រាលី បានផ្តល់ជំនួយជាប្រាក់ជាង៣,៥លានដុល្លារដល់កម្ពុជារួចហើយជាផ្នែកនៃកិច្ចព្រមព្រៀង ដែលជាថ្នូរនឹងការអនុញ្ញាតឲ្យជនភៀសខ្លួនដែលអូស្រា្តលីមិនទទួលយកអាចតាំងលំនៅថ្មីនៅទីនេះបាន ប៉ុន្តែ អ្នកនាំពាក្យក្រសួងមហាផ្ទៃមានការក្តៅក្រហាយយ៉ាងខ្លាំងដោយហេតុថា ប្រាក់នេះត្រូវបានផ្តល់មកឲ្យ កម្ពុជាតាមរយៈទីភ្នាក់ងារអភិវឌ្ឍន៍ មិនមែនផ្តល់ទៅឲ្យរដ្ឋាភិបាលដោយផ្ទាល់នោះ។
ស្ថានទូតអូស្ត្រាលីបានបញ្ជាក់កាលពីម្សិល មិញថា ខ្លួនបានចាប់ផ្តើមចំណាយប្រាក់ដែល ជាផ្នែកនៃប្រាក់ចំនួន៤០លានដុល្លារអូស្ត្រាលី (២៩,១៦លានដុល្លារ) ដែលលោកស្រី ជូលី ប៊ីសប (Julie Bishop) រដ្ឋមន្ត្រីក្រសួងការបរទេសអូស្ត្រាលីបានសន្យាផ្តល់សម្រាប់រយៈពេល៤ឆ្នាំជាថ្នូរនឹងការឲ្យរដ្ឋាភិបាលក្រុងភ្នំពេញទទួលយកជនភៀសខ្លួនដែលបច្ចុប្បន្នរដ្ឋាភិបាលក្រុងកង់បេរ៉ាឃុំខ្លួននៅលើប្រទេសណូរ៉ូ ជាប្រទេសដែនកោះស្ថិតនៅកណ្តាលមហាសមុទ្រប៉ាស៊ីហ្វិក។
អ្នកនាំពាក្យស្ថានទូតនេះបានសរសេរនៅក្នុងអីុម៉េលមួយថា "ប្រាក់ចំនួន៤,៩៥លានដុល្លារអូស្ត្រាលី នៃមូលនិធិទាំងនោះត្រូវបានចំណាយក្នុងឆ្នាំ២០១៤ដល់២០១៥ ហើយយើងកំពុងតែស្ថិតក្នុងដំណើរការដើម្បីធានាឲ្យបានថា ចំនួនទឹកប្រាក់ទាំងមូលត្រូវបានចំណាយសម្រាប់រយៈពេលបួនឆ្នាំដូចដែលបានប្រកាស។ មូលនិធិទាំងនោះបានចាប់ផ្តើមចំណាយសម្រាប់ប្រយោជន៍ពលរដ្ឋខ្មែរតាមរយៈការចូលរួមចំណែកនៅក្នុងកម្មវិធីអភិវឌ្ឍន៍ដែលមានស្រាប់លើវិស័យផលិតភាពកសិកម្ម ការបោសសម្អាតមីន និងកំណែទម្រង់ការបោះឆ្នោត"។
យោងតាមអ្នកនាំពាក្យរូបនេះបានឲ្យដឹងថា ប្រាក់ចំនួន២,១៩លានដុល្លារត្រូវបានផ្តល់ទៅឲ្យ UNDP សម្រាប់កិច្ចខិតខំប្រឹងប្រែងដោះមីន ៧៣០.០០០ដុល្លារត្រូវបានផ្តល់ទៅឲ្យកម្មវិធីលើកស្ទួយវិស័យកសិកម្មនៅកម្ពុជា (Cambodia Agricultural Value Chain program)សម្រាប់រោងម៉ាស៊ីនកិនស្រូវ និងគម្រោងនាំចេញអង្ករ និង១៨២.០០០ដុល្លារបានចំណាយលើកំណែទម្រង់ការបោះឆ្នោតតាមរយៈអង្គការUnicef ហើយ ៥១០.០០០ដុល្លារផ្សេងទៀត"ត្រូវបានផ្តល់ទៅឲ្យកម្មវិធីអភិវឌ្ឍន៍ផ្សេងៗដែលមានស្រាប់"។
អ្នកនាំពាក្យរូបនេះបានលើកឡើងទៀតថា "ជំនួយរបស់អូស្ត្រាលីមកឲ្យកម្ពុជាត្រូវបាននាំមកតាមរយៈអង្គការដៃគូជាយូរមកហើយមួយចំនួន រួមមានដូចជាអង្គការសហប្រជាជាតិ...
អង្គភាពប្រឆាំងអំពើពុករលួយរិះគន់មូលនិធិពិភពលោកយ៉ាងចាស់ដៃជុំវិញសំណុំរឿងពុករលួយ
ជាថ្មីម្ដងទៀតកាលពីម្សិលមិញ ប្រធានអង្គភាពប្រឆាំងអំពើពុករលួយបាននិយាយការពារសេចក្ដីសម្រេចដ៏ចម្រូងចម្រាសរបស់រដ្ឋាភិបាលមិនចោទប្រកាន់អតីតប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ទាក់ទិនការលាតត្រដាងថា មន្ត្រីរូបនោះបានទទួលការសូកប៉ាន់រាប់សែនដុល្លារដើម្បីធានាឲ្យក្រុមហ៊ុនពីរទទួលបានកិច្ចសន្យាផ្គត់ផ្គង់មុង ដែលមានទំហំទឹកប្រាក់រាប់លានដុល្លារ។
លោក ឱម យ៉ិនទៀង ប្រធានអង្គភាពប្រឆាំងអំពើពុករលួយថែមទាំងបានចាត់ទុកការស៊ើបអង្កេតពីប្រភពខាងក្រៅដែលលាតត្រដាងការសូកប៉ាន់នេះថា ជាការរំលោភសិទ្ធិមនុស្សទៀតផង។
ការសូកប៉ាន់នេះត្រូវបានលាតត្រដាងកាលពីចុងឆ្នាំ២០១៣ ដោយមូលនិធិពិភពលោកសម្រាប់ប្រយុទ្ធនឹងជំងឺអេដស៍ ជំងឺរបេង និងជំងឺគ្រុនចាញ់ ដែលមានមូលដ្ឋាននៅទីក្រុងហ្សឺណែវ ដែលហរិញ្ញប្បទានឥតសំណងចំនួន១២លានដុល្លាររបស់ខ្លួនត្រូវបានចំណាយមិនត្រឹមត្រូវដោយលោក ដួង សុជាតិ អតីតប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ដែលបានលាលែងពីតំណែងកាលពីពាក់កណ្ដាលឆ្នាំ២០១១។
ក្នុងកិច្ចពិភាក្សាស្ដីពីប្រធានបទអំពើពុករលួយជាមួយលោក ឱម យ៉ិនទៀង កាលពីម្សិលមិញ ដែលរៀបចំដោយសភាពាណិជ្ជកម្មអឺរ៉ុបប្រចាំកម្ពុជា ឯកអគ្គរដ្ឋទូតអាល្លឺម៉ង់ ចូអាជីម បារ៉ុន វ៉ុន ម៉ាស្កាល់ (Joachim Baron von Marschall) បានមានប្រសាសន៍ថា...
គ្រូពេទ្យដែលធ្វើឲ្យឆ្លងមេរោគអេដស៍យ៉ាងរាលដាល ត្រូវតុលាការកាត់ឲ្យជាប់ទោស២៥ឆ្នាំ
ក្រុងបាត់ដំបង- លោក យ៉ែម ជ្រិន ជាគ្រូពេទ្យភូមិគ្មានអាជ្ញាប័ណ្ណដែលជាអ្នកទទួលខុសត្រូវចំពោះការចម្លងមេរោគអេដស៍ទៅប្រជាពលរដ្ឋដល់ទៅជាង២៨០នាក់ក្នុងឃុំរការ ខេត្តបាត់ដំបង ត្រូវបានតុលាការផ្ដន្ទាទោសឲ្យជាប់ពន្ធនាគាររយៈពេល២៥ឆ្នាំកាលពីព្រឹកម្សិលមិញ។
នៅឯសាលាដំបូងខេត្តបាត់ដំបង ចៅក្រមជំនុំជម្រះ យិច ឈាណាវី បានប្រកាសថា លោក យ៉ែម ជ្រិន អាយុ៥៦ឆ្នាំមានពិរុទ្ធភាពពីបទព្យាបាលអ្នកជំងឺដោយគ្មានអាជ្ញាប័ណ្ណវេជ្ជសាស្ត្រ មានចេតនាចម្លងមេរោគអេដស៍ទៅអ្នកដទៃ និងអំពើឃោរឃៅមានទារុណកម្មដែលបណ្ដាលឲ្យមនុស្សស្លាប់មានស្ថានទម្ងន់ទោស។
លោក យ៉ែម ជ្រិន បានរួចពីទោសជាប់ពន្ធនាគារមួយជីវិត បន្ទាប់ពីតុលាការបានសម្រាលបទចោទប្រកាន់ដំបូងពីបទឃាតកម្មដោយមានទារុណកម្ម អំពើឃោរឃៅ ឬរំលោភសេពសន្ថវៈ។
ចៅក្រម យិច ឈាណាវី បានប្រាប់ទៅមនុស្សប្រហែល៣០នាក់ដែលភាគច្រើនជាសមាជិកគ្រួសាររបស់គ្រូពេទ្យរូបនេះដែលប្រមូលផ្ដុំគ្នានៅក្នុងសាលសវនាការថា "តុលាការគិតថា គាត់ជាប់ពិរុទ្ធភាពគ្រប់គ្រាន់ពីបទព្រហ្មទណ្ឌគឺការព្យាបាលអ្នកជំងឺដោយគ្មានអាជ្ញាប័ណ្ណ...
ខណៈគណបក្សសង្គ្រោះជាតិធ្វើពហិការ បក្សប្រជាជនអនុម័តច្បាប់ចំនួនបីយ៉ាងតក់ក្រហល
ដោយគណបក្សសង្គ្រោះជាតិធ្វើពហិការការប្រជុំសភាកាលពីម្សិលមិញ គណបក្សប្រជាជនកម្ពុជាកំពុងកាន់អំណាចបានកេងចំណេញពីវត្តមានផ្ដាច់មុខរបស់ខ្លួននៅក្នុងសភា ដើម្បីអនុម័តច្បាប់ដោយឡែកចំនួនបីជាឯកច្ឆន្ទ ដោយមានការពិភាក្សាឬការដេញដោលតិចតួចបំផុត។
អង្គុយប្រជុំពីម៉ោង៨ព្រឹករហូតដល់ម៉ោង៣រសៀល តំណាងរាស្ត្រ៦៦រូបក្នុងចំណោមតំណាងរាស្ត្រទាំង៦៨រូបរបស់គណបក្សប្រជាជនកម្ពុជា បានអនុម័តច្បាប់ថវិកាជាតិសម្រាប់ឆ្នាំ២០១៦ ច្បាប់ស្ថិតិ និងច្បាប់ទូរគមនាគមន៍ ដោយតំណាងរាស្ត្រគ្រាន់តែលើកឡើងត្រួសៗប៉ុណ្ណោះអំពីគុណសម្បត្តិនៃច្បាប់នីមួយៗមុនពេលអនុម័តច្បាប់ទាំងនោះ។
ល្បឿននៃការអនុម័តរបស់រដ្ឋសភានេះគឺលឿនដូចផ្លេកបន្ទោរបើប្រៀបធៀបទៅនឹងសម័យប្រជុំផ្សេងៗទៀតនៃរដ្ឋសភាដែលធ្វើឡើងនៅឆ្នាំនេះជាមួយតំណាងរាស្ត្រទាំង៥៥រូបរបស់គណបក្សសង្គ្រោះជាតិ ដែលពេលខ្លះច្បាប់ត្រូវបានពិភាក្សាដេញដោលជាច្រើនថ្ងៃ។
ទោះជាយ៉ាងណា លោក ឈាង វុន តំណាងរាស្ត្រគណបក្សប្រជាជនកម្ពុជាបានមានប្រសាសន៍ថា ការបោះឆ្នោតលឿនបែបនេះគ្មានអ្វីខុសនោះទេ ពីព្រោះច្បាប់ទាំងនេះត្រូវបានគណៈកម្មការសភាដែលពាក់ព័ន្ធពិនិត្យផ្ទៀងផ្ទាត់យ៉ាងប្រុងប្រយ័ត្នជាមុនរួចទៅហើយ។
លោកបានមានប្រសាសន៍បន្ទាប់ពីការប្រជុំក្នុងថ្ងៃនោះថា "វាពិតជាមានតម្លាភាព ពីព្រោះរដ្ឋសភាបានអនុម័តច្បាប់ទាំងនេះដោយមានតំណាងរាស្ត្រ៦៨រូបដែលតំណាងឲ្យប្រជាពលរដ្ឋទូទាំងប្រទេស។ វាមិនមែនជាលើកទី១ទេដែលរដ្ឋសភាបានអនុម័តច្បាប់ចំនួនបីក្នុងពេលមួយថ្ងៃ។ យើងបានធ្វើបែបនេះជាញឹកញាប់មកហើយ ពីព្រោះយើងបានពិភាក្សារួចហើយនៅក្នុងគណៈកម្មការជំនាញ។ គ្មានប្រទេសណាពិភាក្សាដេញដោលរឿងផ្សេងៗអំឡុងសម័យប្រជុំសភាពេញអង្គទេ។ សវនាការត្រូវបានធ្វើឡើងនៅក្នុងគណៈកម្មការ សូម្បីនៅអាមេរិក និងបារាំងក៏គេធ្វើអ៊ីចឹងដែរ។ ប្រជាធិបតេយ្យមិនមានន័យថា ទាល់តែពិភាក្សាដេញដោលនៅក្នុងសម័យប្រជុំពេញអង្គទេ។ យើងត្រូវធ្វើការជាមួយគ្នានៅក្នុងគណៈកម្មការជំនាញ"។
សូមរំឭកថា បន្ទាប់ពីកិច្ចព្រមព្រៀងនយោបាយកាលពីឆ្នាំមុន គណបក្សប្រជាជនកម្ពុជា និងគណបក្សសង្គ្រោះជាតិគ្រប់គ្រងម្នាក់ប្រាំនៃគណៈកម្មការសភាទ្វេបក្សដែលទទួលបន្ទុកគោលនយោបាយជាក់លាក់រៀងៗខ្លួនដូចជាវិស័យអប់រំ ការពារជាតិ ឬបញ្ហាស្ត្រីជាដើម។...