TAG
features2
ឧត្តមសេនីយ៍ឧកញ៉ា ថោង សារ៉ាត់ ត្រូវបានចាប់ខ្លួនបញ្ជូនទៅពន្ធនាគារព្រៃស
ឧត្តមសេនីយ៍ទោ ថោង សារ៉ាត់ ដែលបានរត់គេចខ្លួនតាំងពីជាប់ចោទពីបទរៀបចំផែនការធ្វើឃាតឧកញ៉ា អឹុង ម៉េងជឺ កាលពីខែវិច្ឆិកាមកនោះ បានជាប់ពន្ធនាគារព្រៃសហើយក្រោយពីត្រូវបានចាប់ខ្លួនកាលពីល្ងាចថ្ងៃព្រហស្បតិ៍ នេះបើយោងតាមមន្ត្រីដែលបានលើកឡើងផ្ទុយគ្នាអំពីការចាប់ខ្លួនឧត្តមសេនីយ៍ឧកញ៉ារូបនេះ។
លោក អេង សោភា នាយការិយាល័យព្រហ្មទណ្ឌកម្រិតធ្ងន់រាជធានីភ្នំពេញ បានមានប្រសាសន៍ថា លោកបានទទួលយកលោក ថោង សារ៉ាត់ នៅវេលាម៉ោងប្រហែល ៩ ព្រឹកថ្ងៃសុក្រ ហើយបានបញ្ជូនខ្លួនគាត់ទៅសាលាដំបូងរាជធានីភ្នំពេញនៅវេលាម៉ោងប្រហែល ១ រសៀល។
លោកបានមានប្រសាសន៍ក្រោយការសាកសួររបស់តុលាការថា "ថោង សារ៉ាត់ ត្រូវបានបញ្ជូនខ្លួនទៅពន្ធនាគារព្រៃសហើយ។ គាត់ត្រូវបានចាប់ខ្លួនដោយក្រសួងមហាផ្ទៃដែលបានអនុវត្តតាមដីកាបង្គាប់របស់តុលាការ និងបានប្រគល់ ឲ្យទៅនគរបាលរាជធានីហើយ"។
ចៅក្រមស៊ើបសួរ លី សុខឡេង ដែលបានសាកសួរឧត្តមសេនីយ៍រូបនេះ មិនអាចទាក់ទងសុំការបំភ្លឺបានទេ។ ចំណែកឯលោក គា អ៊ាវ ជាមេធាវីមួយរូបក្នុងចំណោមមេធាវីការពាររបស់លោក ថោង សារ៉ាត់ បានមានប្រសាសន៍ថា លោកជាប់រវល់នៅក្រៅរាជធានីភ្នំពេញ ហើយគ្មានព័ត៌មានបន្ថែមទៀតទេ។
ការបាញ់សម្លាប់យ៉ាងសាហាវលើឧកញ៉ា អឹុង ម៉េងជឺ ដែលជាប្រធានក្រុមហ៊ុនស៊ីម៉ិុចគ្រុប បានធ្វើឡើងនៅខាងក្រៅហាងលក់ផ្លែឈើមួយកន្លែងនៅកណ្តាលរាជធានីភ្នំពេញ ហើយការស៊ើបអង្កេតលើករណីធ្វើឃាតលោកត្រូវបានបណ្តាស្ថាប័នព័ត៌មាន និងប្រព័ន្ធផ្សព្វផ្សាយសង្គមចាំអង្កេតតាមដានយ៉ាងស្អិត។
កាលពីថ្ងៃទី៣ ខែធ្នូ ជាថ្ងៃដែលឧត្តមសេនីយ៍ទោ ថោង សារ៉ាត់ ត្រូវបានចុចឈ្មោះជាជនសង្ស័យដ៏សំខាន់នៅក្នុងករណីនេះ ឪពុកម្តាយរបស់គាត់បានបើកសន្និសីទកាសែតនៅវីឡាស្កឹមស្កៃរបស់ខ្លួនក្នុងរាជធានីភ្នំពេញ ដើម្បីប្រកាសពីភាពគ្មានទោសកំហុសរបស់លោក ថោង សារ៉ាត់ ហើយបានប្រកាសថា ពួកគាត់បានបញ្ជូនខ្លួនលោក ថោង សារ៉ាត់
ឲ្យទៅលាក់ខ្លួនបាត់ហើយ។
ក្នុងរយៈពេលតែប៉ុន្មានថ្ងៃ លោកថោង សារ៉ាត់ ជាឧកញ៉ាដ៏ជោគជ័យខាងមុខជំនួញ បានជាប់ក្នុងបញ្ជីឈ្មោះឧក្រិដ្ឋជនដែលនគរបាលអន្តរជាតិអាំងទែប៉ូលចង់ចាប់ខ្លួនបំផុត។
កាលពីព្រឹកថ្ងៃសុក្រ លោក លឹម សុខារស្មី ប្រធានស្តីទីនៃការិយាល័យនគរបាលអន្តរជាតិអាំងទែប៉ូលប្រចាំកម្ពុជា បានមានប្រសាសន៍ថា អាជ្ញាធរវៀតណាម ចាប់មន្ត្រីក្រសួងការពារជាតិដែលរត់គេចខ្លួនរូបនេះបាននៅក្នុងប្រទេសវៀតណាម កាលពីយប់ថ្ងៃព្រហស្បតិ៍ មុនពេលប្រគល់ខ្លួនគាត់ឲ្យមកអាជ្ញាធរកម្ពុជា។
មុនពេលបង្វែរសំណួរបន្ថែមទៀតទៅលោក គៀត ច័ន្ធថារិទ្ធ អ្នកនាំពាក្យនគរបាលជាតិដែលបានលើកឡើងថាការចាប់ខ្លួនលោក ថោង សារ៉ាត់ ធ្វើឡើងនៅក្នុងទឹកដីរបស់កម្ពុជា លោកបានមានប្រសាសន៍ថា "គាត់ត្រូវបានចាប់ខ្លួននៅក្នុងប្រទេសវៀតណាម ហើយប្រគល់ឲ្យមកនាយកដ្ឋានកណ្តាលសន្តិសុខ ”។
ចំណែកឯឧត្តមសេនីយ៍ឯក គៀត ច័ន្ទថារិទ្ធ បានមានប្រសាសន៍ថា “ ត្រូវបានចាប់ខ្លួននៅជិតព្រំដែនវៀតណាម។ នគរបាលខេត្តស្វាយរៀង បានធ្វើការចាប់ខ្លួននៅជិតក្រុងបាវិត ដោយមានការសហការជាមួយនគរបាលជាតិ"។
ពេលទាក់ទងដើម្បីសុំការបញ្ជាក់ លោក លឹម សុខារស្មី បានមានប្រសាសន៍ថា ការថ្លែងការណ៍បឋមរបស់លោកគឺធ្វើឡើងផ្អែកតាមព័ត៌មានដែលគ្មានការបញ្ជាក់ច្បាស់លាស់។ លោកមានប្រសាសន៍ថា "ខ្ញុំមិនទទួលបានព័ត៌មានណាមួយពីអាំងទែប៉ូលនៅវៀតណាម ឬអ្នកណាផ្សេងទៀតទេ។ ខ្ញុំទទួលបាន ពីព័ត៌មានដូចអស់លោកដែរហ្នឹង"។
នៅក្នុងខេត្តស្វាយរៀង អាជ្ញាធរសុទ្ធតែមិនដឹងដូចគ្នាអំពីកន្លែងចាប់ខ្លួនលោក ថោង
សារ៉ាត់។ លោក ហេន សាបាន ស្នងការរងខេត្តស្វាយរៀង បានមានប្រសាសន៍អំពីការចាប់ខ្លួននេះថា "ខ្ញុំទើបតែបានអានព័ត៌មានថ្មីៗអំពីគាត់ប៉ុណ្ណោះ ហើយខ្ញុំមិនដឹងរឿងនោះទេ"។
ចំណែកឯលោក សេង សិលា អភិបាលក្រុងបាវិត បានមានប្រសាសន៍ថា លោកក៏មិនដឹងថា លោក ថោង សារ៉ាត់ ត្រូវបានចាប់ខ្លួននៅក្នុងក្រុងនេះដែរ។
លោក អេង សោភា ដែលបានបញ្ជូនខ្លួនលោក ថោង សារ៉ាត់ ទៅតុលាការកាលពីថ្ងៃសុក្រ បានមានប្រសាសន៍ថា "ខ្ញុំឮថា គាត់លាក់ខ្លួននៅក្នុងប្រទេសវៀតណាម"។
ពេលនេះលោក ថោង សារ៉ាត់ កំពុងជាប់ពន្ធនាគារជាមួយអង្គរក្សប្រាំនាក់របស់គាត់។ យោងតាមនគរបាលបានឲ្យដឹងថា អង្គរក្សទាំងនេះបានសារភាពថាខ្លួនពិតជាបានធ្វើឃាតឧកញ៉ា អឹុង ម៉េងជឺ តាមបញ្ជាមែន។ ទោះជាយ៉ាងណា ក្រោយមកអង្គរក្សខ្លះក្នុងចំណោមអង្គរក្សទាំងនេះបានលើកឡើងថា ពួកគេឆ្លើយសារភាពដោយសារមានការបង្ខិតបង្ខំ ក្នុងនោះរួមទាំងអង្គរក្សម្នាក់ដែលបាននិយាយថា ជើងម្ខាងរបស់ខ្លួនត្រូវនគរបាលធ្វើឲ្យបាក់ផងដែរ។
ពេលនេះលោក ថោង ចំរើន និងអ្នកស្រី កែវ សារី ដែលត្រូវជាឪពុកម្តាយបង្កើតរបស់លោក ថោង សារ៉ាត់ ក៏កំពុងជាប់ពន្ធនាគារដែរតាមការចោទប្រកាន់ពីបទរក្សាទុកអាវុធខុសច្បាប់ក្រោយការឆ្មក់ចូលឆែកឆេរវីឡារបស់គ្រួសារនេះនៅក្នុងរាជធានីភ្នំពេញកាលពីខែធ្នូ។
បន្ទាប់ពីច្រានចោលសំណើសុំនៅក្រៅឃុំដំបូង សាលារាជធានីភ្នំពេញបានកែប្រែ
សេចក្តីសម្រេចរបស់ខ្លួនភ្លាមៗគួរឲ្យភ្ញាក់ផ្អើលកាលពីខែកុម្ភៈ ជាសេចក្តីសម្រេចមួយដែលបាននាំឲ្យលោក អាំងមាលតី ប្រធានសាលាដំបូងរាជធានីត្រូវបានដកចេញពីតំណែង ក្រោយពីលោកនាយករដ្ឋមន្ត្រី ហ៊ុន សែន បានលើកឡើងថា លោកបានទទួលប្រាក់សូកប៉ាន់ជាច្រើនលានដុល្លារជាថ្នូរនឹងការដោះលែងអ្នកទាំងពីរ។
ប៉ុន្មានថ្ងៃក្រោយពីការដោះលែង លោក ថោង ចំរើន និងអ្នកស្រី កែវ សារី ត្រូវបានចាប់ខ្លួនឡើងវិញពីបទបំពានលក្ខខណ្ឌដោះលែងនៅក្រៅឃុំដោយការប៉ុនប៉ងភៀសខ្លួនចេញពីប្រទេសកម្ពុជា តាមរថយន្តសង្គ្រោះបន្ទាន់ឆ្ពោះទៅប្រទេសវៀតណាម៕ សុខុម
នគរបាលកំពុងតាមស្វែងរក “ជនអគតិ” ដែលដុតខ្លោងទ្វារអង្គរសង្ក្រាន្ត
នគរបាលនៅក្នុងក្រុងសៀមរាបកំពុងតាមស្វែងរកក្រុម "ជនអគតិ" ដែលបានដុតខ្លោងទ្វារសាងសង់ឡើងសម្រាប់អង្គរសង្ក្រាន្តឆ្នាំថ្មី ដែលសាធារណជនបានរិះគន់ថា ជាការរចនាតាមរចនាបថប្រទេសវៀតណាម ឬប្រទេសចិននោះ។
យោងតាមនគរបាលបានឲ្យដឹងថា ខ្លោងទ្វារដែលត្រូវបានសាងសង់នៅច្រកចូលទៅកាន់បរិវេណប្រាសាទអង្គរវត្តដោយមានពណ៌ក្រហមស្រាល និងពណ៌លឿង និងមានចងភ្ជាប់ដោយគោមពណ៌ក្រហមនោះបានឆាបឆេះនៅវេលាម៉ោងប្រហែល២ទៀបភ្លឺម្សិលមិញ។
លោក ថោង សុខុន ស្នងការរងនគរបាលខេត្តនេះបានលើកឡើងថា មន្ត្រីបានសាកសួរមនុស្សចំនួនប្រាំមួយនាក់ពាក់ព័ន្ធនឹងហេតុការណ៍នេះ ហើយបានដោះលែងពួកគេទៅវិញ ប៉ុន្តែ លោកមិនបានពន្យល់ថា ហេតុអ្វីបានជាដោះលែងទៅវិញឡើយ។
លោក សុខុន បានមានប្រសាសន៍ថា "នគរបាលព្រហ្មទណ្ឌខេត្តបានសាកសួរមនុស្សចំនួនប្រាំមួយនាក់ ដែលស្ថិតនៅក្បែរកន្លែងកើតហេតុ ប៉ុន្តែ យើងបានដោះលែងឲ្យពួកគេទៅផ្ទះវិញ" ។ លោកបានបន្ថែមថា ក្រុមការងារពិសេសមកពីរាជធានីភ្នំពេញកំពុងតែជួយក្នុងការស៊ើបអង្កេត។
លោកបានមានប្រសាសន៍បន្តថា "មានក្រុមការងារមកពីអគ្គស្នងការនគរបាលជាតិ ដែលមកជួយស៊ើបអង្កេតក្នុងករណីនេះ។ យើងកំពុងតែសើុបអង្កេតតាមរយៈហ្វេសប៊ុកផងដែរ"។
ខ្លោងទ្វារអង្គរសង្ក្រាន្តត្រូវបានសាងសង់ និងរចនាដោយសមាជិកនៃសហភាពសហព័ន្ធយុវជនកម្ពុជា ដែលដឹកនាំដោយលោក ហ៊ុន ម៉ានី តំណាងរាស្ត្រមណ្ឌលកំពុងស្ពឺមកពីគណបក្សប្រជាជនកម្ពុជា និងជាកូនប្រុសរបស់លោកនាយករដ្ឋមន្ត្រី ហ៊ុន សែន ។
លោក សុខុន បានលើកឡើងថា ការរចនាខ្លោងទ្វារនេះត្រូវបានយល់ព្រមអនុម័តដោយអាជ្ញាធរអប្សរា ជាស្ថាប័នរដ្ឋាភិបាលមួយដែលគ្រប់គ្រងឧទ្យានបុរាណអង្គរ ហើយថា ការឆាបឆេះនេះកើតឡើងដោយសារតែគេមាន"គំនិតខ្វែងគ្នា"។
លោកបានមានប្រសាសន៍ថា "អ្នកដែលដុតខ្លោងទ្វារនេះ គឺជាជនអគតិ"។ លោកបានបន្ថែមថា ខ្លោងទ្វារនេះត្រូវបានសាងសង់ឡើងប្រហែលមួយសប្តាហ៍កន្លងមកហើយ ហើយដំបូងឡើយគ្មាននរណាមកបំផ្លិចបំផ្លាញទេ។
កាលពីថ្ងៃច័ន្ទ កញ្ញា ធី សុវណ្ណថា ដែលជាសកម្មជនប្រឆាំងរដ្ឋាភិបាលដ៏លេចធ្លោ និងជាអ្នកតែងតែសរសេរសាររិះគន់តាមរយៈបណ្តាញទំនាក់ទំនងសង្គមនោះបានបង្ហោះរូបភាពនៃខ្លោងទ្វារនេះលើទំព័រហ្វេសប៊ុករបស់ខ្លួនដោយកាត់តរូបរបស់នាងដែលលើកមេដៃចុះក្រោមនៅពីមុខខ្លោងទ្វារនេះ។
ការបង្ហោះនេះមានអ្នកគាំទ្រ (Like) ជាង៣៥.០០០នាក់ និងមានអ្នកបញ្ចេញយោបល់រាប់រយនាក់ដែលភាគច្រើនសុទ្ធតែជាអ្នកជាតិនិយម។
កាលពីថ្ងៃសៅរ៍ អ្នកជាតិនិយមម្នាក់ទៀតដែលប្រើហ្វេសប៊ុកឈ្មោះ ខ្មែរសុវណ្ណភូមិ និងដែលមានអ្នកគាំទ្ររាប់ពាន់បានបង្ហោះរូបភាពនៃខ្លោងទ្វារនេះដោយមានសរសេរសារថា "សូមជួយចែករំលែក ជាបន្ទាន់ដើម្បីឲ្យកូនខ្មែរដឹងអំពីបញ្ហានេះ ហើយទាមទារឲ្យគ្រួសារ ហ៊ុន ដកខ្លោងទ្វារនេះចេញជាបន្ទាន់"។
សារនេះបានបន្តថា "បន្ទាប់មកយើងនឹងដឹងច្បាស់ថា ប្រសិនបើពួកគេដកវាចេញវាមានន័យថា ពួកគេនៅមានការគោរពខ្លះៗចំពោះម្ចាស់ប្រទេសនេះ។ ប្រសិនបើពួកគេមិនដកចេញទេ ពួកគេមានខួរក្បាលយួន បំផ្លាញខ្មែរ និងបម្រើយួន"។
តែទោះជាយ៉ាងណា លោក សម រតនា អ្នកនាំពាក្យពិធីបុណ្យអង្គរសង្ក្រានឆ្នាំថ្មី និងជាសមាជិកនៃសហភាពសហព័ន្ធយុវជនកម្ពុជាបានលើកឡើងថា ការរចនាខ្លោងទ្វារនេះមានការត្រួតពិនិត្យយ៉ាងត្រឹមត្រូវដោយអ្នកជំនាញ។ លោកបានបដិសេធមិនបញ្ជាក់ថា អ្នកជំនាញទាំងនោះជានរណាឡើយ ហើយថា ការដុតខ្លោងទ្វារនេះគឺជាការប្រមាថដល់ប្រពៃណីខ្មែរ។
លោកបាននិយាយថា "ការដុតខ្លោងទ្វារអង្គរសង្ក្រាន គឺវាស្មើនឹងការប្រមាថវប្បធម៌ និងអរិយធម៌ខ្មែរ។ យើងបានសួរអ្នកជំនាញរួចហើយ ហើយពួកគាត់បញ្ជាក់ថា នេះគឺជារចនាបទខ្មែរពិតៗ"។
ទោះបីជាមានការការពារដល់ការរចនាខ្លោងទ្វារនេះក៏ដោយ តែលោក រតនា បានលើកឡើងថា ជាការឆ្លើយតបនឹងការរិះគន់ លោក ហ៊ុន ម៉ានី បានចុះមកតំបន់នេះកាលពីថ្ងៃច័ន្ទនេះ ហើយស្នើឲ្យមានការកែរចនាបថឡើងវិញ។
លោក រតនា បាននិយាយបន្តថា "ក្នុងនាមជាគ្រួសារខ្មែរដូចគ្នា យើងមិនចង់ធ្វើឲ្យនរណាម្នាក់មិនសប្បាយចិត្តឡើយ ហេតុដូច្នេះយើងសម្រេចកែរចនាបទឡើងវិញ"៕ ស៊ុយឈាង
ស្នងការនគរបាលខេត្តព្រះសីហនុត្រូវបានដកពីមុខតំណែង
យោងតាមក្រសួងមហាផ្ទៃបានឲ្យដឹងថា ស្នងការនគរបាលខេត្តព្រះសីហនុត្រូវបានដកពីមុខតំណែង ហើយនឹងត្រូវជំនួសដោយលោក ជួន ណារិន ស្នងការរងនគរបាលរាជធានីភ្នំពេញ។
ឧត្ដមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍កាលពីម្សិលមិញថា "បាទ ខ្ញុំអាចបញ្ជាក់បាន។ ឯកឧត្ដម ស ខេង បានចុះហត្ថលេខាលើប្រកាសមួយកាលពីល្ងាចម្សិលមិញ ដើម្បីដកលោក សៀង កុសល
ហើយជំនួសដោយលោក ជួន ណារិន វិញ។ លោក ជួន...
លោកស្រី ណានស៊ី ភេឡូស៊ី ដឹកនាំគណៈប្រតិភូអាមេរិកមកកម្ពុជា
លោកស្រី ណានស៊ី ភេឡូស៊ី មេដឹកនាំសំឡេងភាគតិចក្នុងសភាតំណាងរាស្ត្រអាមេរិក ត្រូវគេរំពឹងថា នឹងជួបជាមួយក្រុមសិទ្ធិមនុស្សក្នុងក្រុងភ្នំពេញនៅថ្ងៃច័ន្ទ អំឡុងការឈប់សំចតលើកទី១ក្នុងដំណើរទស្សនកិច្ចប្រាំប្រទេសនៅអាស៊ី ដែលនឹងផ្តោតលើសិទ្ធិមនុស្ស ពាណិជ្ជកម្ម សហប្រតិបត្តិការសន្តិសុខ។
យោងតាមសេចក្តីប្រកាសព័ត៌មានចេញដោយការិយាល័យរបស់លោកស្រី ភេឡូស៊ី បានឲ្យដឹងថា លោកស្រី ភេឡូស៊ី សមាជិកសភាគណបក្សប្រជាធិបតេយ្យ តំណាងមណ្ឌលសភាទី១២របស់រដ្ឋកាលីហ្វ័រញ៉ា បានធ្វើដំណើរមកដល់ប្រទេសកម្ពុជាកាលពីថ្ងៃសៅរ៍ ជាមួយគណៈប្រតិភូដែលក្នុងនោះមានសមាជិកសភាជើងចាស់មណ្ឌលញ៉ូយ៉ក លោក ឆាល រ៉ែនហ្គែល និងសមាជិកសភា៨រូបផ្សេងទៀត។
ពេលស្ថិតនៅក្នុងខេត្តសៀមរាបកាលពីថ្ងៃសៅរ៍ លោកស្រីបានបង្ហោះរូបថតតាមបណ្តាញធ្វិតធឺរបស់លោកស្រី ដោយបង្ហាញរូបលោកស្រីជាមួយសមាជិកអង្គការដោះមីន...
អ្នកនយោបាយអ៊ុយក្រែនត្រូវគេស្វែងរកចាប់ខ្លួនពីបទចាប់រំលោភនៅកម្ពុជា
សមាជិកសភាអ៊ុយក្រែនម្នាក់និងជាអតីតនាយកប្រតិបត្តិទូរទស្សន៍កំពុងត្រូវអាជ្ញាធរកម្ពុជាស្វែងរកចាប់ខ្លួន ពីបទរំលោភអនីតិជនម្នាក់ក្នុងក្រុងភ្នំពេញកាលពីឆ្នាំ២០១១ និងត្រូវដាក់ឈ្មោះក្នុងបញ្ជីអាំងទែប៉ូលនៃឧក្រិដ្ឋជនត្រូវតាមចាប់ខ្លួនបំផុត។
យោងតាមវិបសាយរបស់អាំងទែប៉ូលបានឲ្យដឹងថា លោក មីកូឡា ខ្ញាហ្ស៊ឺស្គី (Mykola Kniazhytsky) អាយុ៤៦ឆ្នាំដែលបានជាប់ឆ្នោតជាសមាជិកសភានៃគណបក្សរណសិរ្សប្រជាជនកាលពីខែវិច្ឆិកា និងមុននោះបានបម្រើការជានាយកប្រតិបត្តិនៃទូរទស្សន៍ប៉ុស្តិ៍ TVi "ត្រូវអាជ្ញាធរតុលាការកម្ពុជាតាមចាប់ខ្លួនយកមកកាត់ទោស" ពីបទរំលោភផ្លូវភេទ។
វិបសាយនេះមិនបាននិយាយថាការចាប់រំលោភបានកើតឡើងនៅទីណា ឬពេលណាទេ ហើយក៏មិនបានផ្តល់សេចក្តីលម្អិតផ្សេងទៀតអំពីករណីនេះដែរ។
លោក លឹម សុខារស្មី ប្រធានស្តីទីនៃនាយកដ្ឋាននគរបាលអន្តរជាតិកម្ពុជា មិនអាចទាក់ទងបានទេ។
ដោយដកស្រង់ព័ត៌មានការិយាល័យអាំងទែប៉ូលអ៊ុយក្រែន កាសែត កៀវ ប៉ុស្តិ៍ ជាភាសាអង់គ្លេស បានរាយការណ៍ថា...
លោកនាយករដ្ឋមន្ត្រីបង្កើនការគំរាមលើលោក កឹម សុខា
លោកនាយករដ្ឋមន្ត្រី ហ៊ុន សែន បានបន្តការរិះគន់របស់លោកលើលោក កឹម សុខា អនុប្រធានគណបក្សសង្គ្រោះជាតិកាលពីថ្ងៃព្រហស្បតិ៍ ដោយបានគំរាមថានឹងចាប់ខ្លួនគាត់ និងប្រើយោធា ប្រសិនបើគាត់ហ៊ានដឹកនាំការតវ៉ាទាមទារឲ្យមានការដោះលែង លោក មាជ សុវណ្ណារ៉ា មន្ត្រីបក្សប្រឆាំងដែលជាប់ពន្ធនាគារ។
លោក ហ៊ុន សែន កាលពីថ្ងៃពុធ បានគំរាម "ចាត់វិធានការច្បាប់" លើលោក សុខា ទាក់ទិននឹងការថ្លែងនៅអាមេរិកកាលពីសប្តាហ៍មុន ដែលលោកនាយករដ្ឋមន្ត្រី បានចាត់ទុកថាជាការសារភាពអំពីបំណងផ្តួលរំលំរដ្ឋាភិបាល។
ថ្លែងនៅក្រុងភ្នំពេញកាលពីថ្ងៃព្រហស្បតិ៍...
កូកាកូឡា និង លោក ភុតនែម នឹងលើកមុខមាត់កម្ពុជាជាថ្មី
លោករដ្ឋមន្ត្រីក្រសួងពាណិជ្ជកម្មបានមានប្រសាសន៍កាលពីម្សិលមិញថា ក្រុមហ៊ុនកូកាកូឡា និង លោក ដេវិដ ភុតនែម ជាផលិតករខ្សែភាពយន្តឆ្នាំ១៩៨៤ ដែលមានចំណងជើងថា “វាលពិឃាដ” ត្រូវបានជ្រើសរើសដោយរដ្ឋាភិបាល ដើម្បីជួយបង្វែររូបភាពកម្ពុជា ឲ្យចេញពីគ្រាប់មីន និងអំពើពុករលួយ ហើយឆ្ពោះទៅរកសេដ្ឋកិច្ចលូតលាស់ និងពាណិជ្ជកម្មងាយស្រួល។
គណបក្សទាំងពីរឈានដល់កិច្ចព្រមព្រៀងទាក់ទិននឹងវិសោធនកម្មច្បាប់បោះឆ្នោត
បន្ទាប់ពីកិច្ចព្រមព្រៀងសម្រេចបានដើម្បីធ្វើវិសោធនកម្មច្បាប់បោះឆ្នោតកាលពីថ្ងៃសៅរ៍ សភាជាតិនឹងបន្ថែមអាសនៈពីរទៀតសម្រាប់ការបោះឆ្នោតលើកក្រោយ រយៈពេលធ្វើយុទ្ធនាការបោះឆ្នោតផ្លូវការនឹងត្រូវបន្ថយពី៣០ថ្ងៃមកត្រឹម២១ថ្ងៃ ដោយរយៈពេលបួនថ្ងៃសម្រាប់ការជួបជុំជាសាធារណៈ ហើយអង្គការក្រៅរដ្ឋាភិបាលត្រូវហាមមិនឲ្យ"ប្រមាថមាក់ងាយ"គណបក្សនយោបាយក្នុងអំឡុងពេលធ្វើយុទ្ធនាការ។
ប្រវត្តិអតីតកាលរបស់ចៅក្រមផ្តល់នូវសេចក្តីសង្ឃឹមតិចតួចដល់កំណែទម្រង់ពិតប្រាកដ
ក្នុងការបណ្តេញចេញពីមុខតំណែងដ៏លេចធ្លោបំផុតចាប់តាំងពីលោកនាយករដ្ឋមន្ត្រី ហ៊ុន សែន បានសន្យាកម្ចាត់អំពើពុករលួយក្នុងជួររដ្ឋាភិបាល បន្ទាប់ពីគណបក្សប្រជាជនកម្ពុជាបាត់បង់សំឡេងឆ្នោតដ៏ច្រើនរបស់ខ្លួន ក្នុងការបោះឆ្នោតខែកក្កដាឆ្នាំ២០១៣មកនោះ ប្រធានតុលាការក្រុងភ្នំពេញត្រូវបានដកចេញពីតំណែងនៅសប្តាហ៍នេះ ចំពេលមានការអះអាងថា ប្រាក់រាប់លានដុល្លារបានធ្វើឲ្យមានការប្រែក្រឡាស់សាលក្រមសុំនៅក្រៅឃុំ។
សេចក្តីសម្រេចកាលពីថ្ងៃអង្គារ ដែលបានបញ្ចេញឲ្យដឹងតែប៉ុន្មានម៉ោងប៉ុណ្ណោះបន្ទាប់ពីលោក ហ៊ុន សែន បានអះអាងជាសាធារណៈថា ប្រាក់៥លានដុល្លារប្រហែលបានជួយធានាឲ្យមានការដោះលែងភ្លាមៗឪពុកម្តាយរបស់ឧត្តមសេនីយ៍រត់គេចខ្លួន ថោង សារ៉ាត់ ដែលប្រឈមនឹងបទចោទឃាតកម្មនោះ បានទទួលការសាទរថាជាជោគជ័យដ៏កម្រមួយក្នុងយុទ្ធនាការប្រឆាំងអំពើពុករលួយរបស់រដ្ឋាភិបាល។
ដោយអតីតអនុប្រធានតុលាការក្រុងលោក តាំង ស៊ុនឡាយ បានធ្វើជាប្រធានតុលាការថ្មី ហើយលោក អាំង មាលតី...
ស្ត្រីនិងទារកនៅឃុំដែលផ្ទុះមេរោគហ៊ីវបានស្លាប់
ក្រុមមន្ត្រីនិងបុគ្គលិកអង្គការមិនមែនរដ្ឋាភិបាលម្នាក់បាននិយាយកាលពីថ្ងៃព្រហស្បតិ៍ថា ស្ត្រីអាយុ៧៣ឆ្នាំនិងទារកអាយុប្រាំពីរខែ ទាំងពីរនាក់ស្ថិតក្នុងចំណោមអ្នកភូមិជាង២៣០នាក់ក្នុងឃុំរកា ខេត្តបាត់ដំបង ដែលធ្វើតេស្តមានវីរុសហ៊ីវ បានស្លាប់កាលពីសប្តាហ៍មុនហើយ។
មូលហេតុនៃការឆ្លងរាលដាលនេះនៅមិនទាន់ដឹងច្បាស់នៅឡើយទេ ប៉ុន្តែក្រុមមន្ត្រីបានដាក់កំហុសលើលោក យ៉ែម ជ្រិន គ្រូពេទ្យគ្មានអាជ្ញាប័ណ្ណដែលតែងតែទៅព្យាបាលអ្នកភូមិ ដោយការចាក់ថ្នាំ ហើយលោកបានសារភាពថា លោកបានប្រើសឺរ៉ាំងឡើងវិញជាច្រើនលើកច្រើនសា។ កាលពីថ្ងៃទី២២ខែធ្នូ តុលាការខេត្តបានដាក់ពន្ធនាគារ លោក យ៉ែម ជ្រិន ពីបទឃាតកម្ម។
លោក មាន ឈីវុន នាយកមជ្ឈមណ្ឌលជាតិ ប្រយុទ្ធនឹងជំងឺអេដស៍ សើស្បែក...