TAG
features2
បុរស៥នាក់អះអាងថា គ្មានទោសក្នុងករណីលួចព្រះសារីរិកធាតុ ចំណែកបុរសទី៦បានសារភាព
អំឡុងសវនាការជំនុំជម្រះនៅសាលាដំបូងខេត្តកណ្ដាលកាលពីម្សិលមិញ បុរសប្រាំនាក់ដែលជាប់ចោទថា បានសមគំនិតក្នុងការលួចព្រះសារីរិកធាតុពីសក្យមុនីចេតិយនៅកំពូលភ្នំឧដុង្គកាលពីឆ្នាំ២០១៣ បានអះអាងថា ពួកគេគ្មានទោសទេ ចំណែកបុរសទី៦បានអះអាងទទួលខុសត្រូវចំពោះការលួចនេះតែម្នាក់ឯង។
ចោម ថៃ សៀង សារិន និង កា សាក់ ជាសន្តិសុខយាមនៅសក្យមុនីចេតិយជាមួយ ផា សុខែម ជាប្រធានសន្តិសុខ និង កាន់ សុភ័ក្ត្រ ជាអ្នករត់ម៉ូតឌុបត្រូវបានចាប់ខ្លួនកាលពីខែធ្នូ ឆ្នាំ២០១៣ ហើយត្រូវបានចោទប្រកាន់ពីបទលួចព្រះសារីរិកធាតុកាលពីដើមខែនោះ។
អ្នកទាំងប្រាំបាននិយាយថា ពួកគេគ្មានទោសទេ ហើយបានជាប់ពន្ធនាគារតាំងពីពេលនោះមក...
សាលាដំបូងចោទសកម្មជនបក្សសង្គ្រោះជាតិបីរូបទៀតពាក់ព័ន្ធនឹងការតវ៉ានៅទីលានប្រជាធិបតេយ្យ
កាលពីម្សិលមិញ សកម្មជនគណបក្សប្រឆាំងបីរូបទៀតត្រូវបានចោទប្រកាន់ពីបទ "ចូលរួមកុបកម្ម" ចំពោះការចូលរួមការតវ៉ាមួយដឹកនាំដោយគណបក្សសង្គ្រោះជាតិ ដែលបានផ្ទុះអំពើហិង្សាកាលពីឆ្នាំមុន ដោយសកម្មជនពីររូបត្រូវបានបញ្ជូនខ្លួនទៅពន្ធនាគារព្រៃស ចំណែកឯសកម្មជនទី៣ត្រូវបានឃុំខ្លួនមួយយប់នៅស្នងការដ្ឋាននគរបាលរាជធានីភ្នំពេញ។
លោក សំ សុគង់ មេធាវីរបស់ពួកគាត់ និយាយថា នៅក្នុងចំណាត់ការដែលគណបក្សប្រឆាំងចាត់ទុកថាជាការគំរាមកំហែងផ្នែកនយោបាយ សាលាដំបូងរាជធានីភ្នំពេញ បានចំណាយពេលតិចតួចប៉ុណ្ណោះកាលពីព្រឹកម្សិលមិញ ដើម្បីចោទប្រកាន់លោក យន់ គឹមហួរ អាយុ២៨ឆ្នាំ និងលោក រឿន ចិត្រា អាយុ៣៣ឆ្នាំ ដែលត្រូវបានចាប់ខ្លួនកាលពីយប់ថ្ងៃអង្គារនេះ។
មេធាវីរូបេនះមានប្រសាសន៍ថា "ពួកគាត់ត្រូវបានចោទប្រកាន់ពីបទចូលរួមកុបកម្ម។ កូនក្ដីរបស់យើងបានប្រាប់តុលាការថា ពួកគាត់បានចូលរួមការតវ៉ាដោយសន្តិវិធីមួយ ហើយមិនបានប្រព្រឹត្តបទល្មើស ឬបង្កអំពើហិង្សាដូចតុលាការបានចោទប្រកាន់នោះទេ"។
លោកលើកឡើងទៀតថា ចៅក្រមបានបង្ហាញរូបភាពវីដេអូកូនក្ដីរបស់លោកមានវត្តមាននៅឯការតវ៉ានោះ ដែលសកម្មជនគណបក្សសង្គ្រោះជាតិ បានវាយបកទៅលើកងកម្លាំងសន្តិសុខរបស់រដ្ឋាភិបាលអំឡុងការតវ៉ានៅជិតទីលានប្រជាធិបតេយ្យ ដោយវាយទៅលើសន្តិសុខស្លៀកពាក់ឯកសណ្ឋានមួយចំនួនយ៉ាងដំណំ។
លោកមានប្រសាសន៍បន្តថា "ចៅក្រមបានបង្ហាញវីដេអូឃ្លីបមួយដែលបង្ហាញពីសកម្មភាពកូនក្ដីរបស់ខ្ញុំកាន់ទង់ជាតិ ប៉ុន្តែពួកគាត់មិនបានប្រើដំបងដើម្បីបង្កអំពើហិង្សាទេ។ ភ័ស្តុតាងរបស់ពួកគេគឺវីដេអូឃ្លីបនោះ។ពួកគេចាប់ខ្លួនប្រជាពលរដ្ឋយោងទៅលើវីដេអូឃ្លីបនោះ"។
យោងតាមនគរបាលបានឲ្យដឹងថា នៅពេលរសៀល សកម្មជនទី៣ដែលលោក អ៊ូ...
លោក ហ៊ុន សែន ប្រកាសថា ការបោះឆ្នោតអាណត្តិក្រោយ ត្រូវប្តូរទៅធ្វើនៅខែកក្កដាដដែល
លោកនាយករដ្ឋមន្ត្រីព្រមានតំណាងរាស្ត្រគណបក្សប្រឆាំង ទាក់ទិនការចោទប្រកាន់ពីបទកុបកម្ម
លោកនាយករដ្ឋមន្ត្រី ហ៊ុន សែន បានប្រកាសកាលពីម្សិលមិញថា ការបោះឆ្នោតជ្រើសតាំងតំណាងរាស្ត្រអាណត្តិក្រោយនៅឆ្នាំ២០១៨ ត្រូវប្ដូរទៅធ្វើនៅខែកក្កដា ដដែលវិញ ហើយបានព្រមានតំណាងរាស្ត្រគណបក្សសង្គ្រោះជាតិប្រាំពីររូបដែលជាប់ចោទពីបទ "ដឹកនាំកុបកម្ម" កាលពីឆ្នាំមុន ឲ្យបង្ហាញខ្លួនក្នុងតុលាការនៅពេលតុលាការកោះហៅ បើមិនដូច្នោះទេ នឹងត្រូវតុលាការកាត់ទោសដោយកំបាំងមុខ។
មន្ត្រីបញ្ជាក់ថា កងទ័ពពិតជាមិនមែនរបស់គណបក្សប្រជាជនកម្ពុជា កំពុងកាន់អំណាចទេ
កាលពីម្សិលមិញ មន្ត្រីយោធា មន្ត្រីរដ្ឋាភិបាល និងមន្ត្រីបក្សកាន់អំណាច បានដកខ្លួនមិនពាក់ព័ន្ធឡើយជុំវិញការអត្ថាធិប្បាយរបស់លោក ជា តារា អគ្គមេបញ្ជាការរងនៃកងយោធពលខេមរភូមិន្ទ ដែលបានលើកឡើងនៅសប្ដាហ៍នេះថា " កងទ័ពជារបស់គណបក្ស ប្រជាជនកម្ពុជា"ហើយបានអះអាងថា យោធានៅតែអព្យាក្រឹត។
នាយឧត្ដមសេនីយ៍ ជា តារា បានថ្លែងទៅកាន់អង្គប្រជុំមួយកាលពីថ្ងៃពុធ នៅវិមានសន្តិភាពដែលជាការិយាល័យធ្វើការរបស់លោកនាយករដ្ឋមន្ត្រី ហ៊ុន សែន ថា ប្រវត្តិរបស់កងយោធពលខេមរភូមិន្ទក្រោមការដឹកនាំរបស់លោក ហ៊ុន សែន បាននាំឲ្យមានភាពស្មោះត្រង់យូរអង្វែង។
លោកមានប្រសាសន៍ថា "សម្ដេចតេជោ ទើបតែមានប្រសាសន៍ ហើយខ្ញុំចងចាំប្រសាសន៍នេះតាំងពីថ្ងៃ២៣ កក្កដា...
តារាហូលីវូដ អ៊ែនជែលីណា ចូលី ចាប់ផ្តើមការងារផលិតភាពយន្តនៅភ្នំពេញ
តារាហូលីវូដ អ៊ែនជែលលីណា ចូលី បាន មកដល់រាជធានីភ្នំពេញកាលពីម្សិលមិញ ដើម្បីចាប់ផ្ដើមការងារផលិតខ្សែភាពយន្តនិយាយជាភាសាខ្មែរបង្ហាញពីជីវិតនៅក្នុងសម័យខ្មែរក្រហមរឿង "មុនដំបូងខ្មែរក្រហមសម្លាបឪពុករបស់ខ្ញុំ" ដែលនឹងសហការផលិតដោយលោក បា៉ន់ រិទ្ធី ផលិតករភាពយន្តដែលជាបេក្ខភាពពានរង្វាន់អូស្កា។
អ្នកនាង ចូលី បានសរសេរបា៉រ៉ូលរួមគ្នាយោងតាមសៀវភៅដែលជាស្នាដៃរបស់អ្នកស្រី លឿង អុឹង ហើយនឹងដឹកនាំខ្សែភាពយន្តឲ្យក្រុមហ៊ុន Netflix ជាក្រុមហ៊ុនផលិតភាពយន្តដាក់តាមប្រព័ន្ធអុីនធឺណិត ដែលត្រូវបានប្រកាសកាលពីថ្ងៃសុក្រ ថ្ងៃតែមួយដែលតារាហូលីវូដរូបនេះបានមកដល់កម្ពុជា ដើម្បីចាប់ផ្ដើមដំណើរការមុនការផលិត។
កាលពីម្សិលមិញ អ្នកស្រីបានទៅទស្សនាមជ្ឈមណ្ឌលបូផាណា ក្នុងរាជធានីភ្នំពេញជាមួយលោក បា៉ន់ រិទ្ធី ដែលបានបង្កើតមជ្ឈមណ្ឌលនេះឡើងដើម្បីអភិរក្សកេរដំណែលសោតទស្សន៍របស់កម្ពុជា...
ទោះជាមានឧបសគ្គ ក៏សកម្មជនគណបក្សសង្គ្រោះជាតិទៅដល់ព្រំដែន
ស្រុកកំពង់រោទិ៍, ខេត្តស្វាយរៀង-ដោយមានប្រជាពលរដ្ឋប្រហែល២.៥០០នាក់ធ្វើដំណើរមកជាមួយ កាលពីថ្ងៃអាទិត្យ លោក រៀល ខេមរិន្ទ្រ តំណាងរាស្ត្រគណបក្សប្រឆាំង បានវិលត្រឡប់ទៅកាន់វាលស្រែនៅតាមព្រំដែនខាងកើតដាច់ស្រយាលនៃប្រទេសកម្ពុជា ជាទីដែលលោកមានប្រសាសន៍ថា ជនស៊ីវិលវៀតណាមបានវាយដុំលោកកាលពីខែមុន នៅពេលដែលលោកដឹកនាំដំណើរទៅមើលបង្គោលព្រំដែនដែលមានជម្លោះ។
ជួបជុំគ្នានៅទីលានប្រជាធិបតេយ្យក្នុងក្រុងភ្នំពេញនៅម៉ោងប្រហែល៥ព្រឹក លោក ខេមរិន្ទ្រ និងក្រុមអ្នកគាំទ្រភាគច្រើនក្មេងៗដែលមានចំនួនកើនឡើងយ៉ាងច្រើន បានចូលរួមក្នុងពិធីប្រោះព្រំមួយ មុនពេលឡើងជិះរថយន្តរាប់សិបគ្រឿងដែលកំពុងរង់ចាំ។
មិនសូវមានការផ្គត់ផ្គង់និងមានភ្លៀងមូសុងផងនោះ បានធ្វើឲ្យក្រុមនេះយឺតយ៉ាវ ហើយបានទៅដល់ខេត្តស្វាយរៀងនៅពេលប្រហែលថ្ងៃត្រង់ និងបានបន្តដំណើរទាំងលំបាកតាមផ្លូវដីចង្អៀតនិងជង្ហុកក្រហេងក្រហូង ក្នុងស្រុកកំពង់រោទិ៍បន្ទាប់ពីម៉ោងពីររសៀល។
ការធ្វើដំណើរដ៏ឆ្ងាយនេះមិនបានបង្អាក់ទឹកចិត្តសកម្មជន ដែលបានចុះពីរថយន្តដើរលើផ្លូវភូមិមានទឹកដក់នៅឯរបាំងផ្លូវនគរបាលមួយកន្លែងនៅកំពង់រោទិ៍។ ដើរទៅមុខក្រុមមនុស្ស លោក ខេមរិន្ទ្រ...
មន្ត្រីនគរបាលចិន កំពុងដំឡើងកាមេរ៉ាសុវត្ថិភាពនៅតាមដងវិថីធំៗនៅក្នុងរាជធានីភ្នំពេញ
មន្ត្រីមួយរូបបានឲ្យដឹងកាលពីម្សិលមិញថា នគរបាលចិនបានចាប់ផ្តើមដំឡើងកាមេរ៉ាសុវត្ថិភាពនៅតាមដងវិថីក្នុងរាជធានីភ្នំពេញកាលពីថ្ងៃអង្គារ បន្ទាប់ពីទទួលបានជំនួយពីរដ្ឋាភិបាលក្រុងប៉េកាំង ដើម្បីជួយសមត្ថកិច្ចនៅក្នុងការឃ្លាំមើលបទល្មើស និងចរាចរណ៍ក្នុងរាជធានី។
លោក មិន សុវណ្ណា ប្រធាននាយកដ្ឋានវិទ្យុទាក់ទងនៅក្រសួងមហាផ្ទៃ បានឲ្យដឹងថា មន្ត្រីស្លៀកពាក់ស៊ីវិលមកពីក្រសួងសន្តិសុខសាធារណៈរបស់ចិន បានបន្តដំឡើងកាមេរ៉ាសុវត្ថិភាពនៅទីតាំងចំនួនបីក្នុងរាជធានីកាលពីម្សិលមិញ ហើយនឹងដំឡើងកាមេរ៉ាសុវត្ថិភាពចំនួន២០០គ្រឿងឲ្យរួចរាល់នៅដើមខែក្រោយ។
លោកបានមានប្រសាសន៍ថា “ ប្រទេសចិនបានផ្តល់ជំនួយកាមេរ៉ាសុវត្ថិភាពចំនួន២០០គ្រឿង ព្រមទាំងអេក្រង់អិលស៊ីឌី (LCD) ផងដែរ។ កាមេរ៉ាសុវត្ថិភាពទាំងនេះនឹងត្រូវដំឡើងលើបង្គោលភ្លើងស្តុបនៅចំណុចផ្លូវប្រសព្វចំនួន២០កន្លែង”។
លោកបន្ថែមថា អេក្រង់អិលស៊ីឌីដែលផ្គុំចូលគ្នាមានទំហំសរុប៣២ម៉ែត្រក្រឡា កំពុងត្រូវបានដាក់ដំឡើងនៅក្នុងបន្ទប់ប្រចាំការនៅទីបញ្ជាការនគរបាលជាតិ។ មន្ត្រីមកពីនាយករដ្ឋរបស់លោកនឹងពិនិត្យតាមដានអេក្រង់ទាំងនេះ២៤ម៉ោងលើ២៤ម៉ោង។
លោកបានមានប្រសាសន៍ថា “ កងកម្លាំងរបស់យើងនឹងធ្វើការ២៤ម៉ោង ហើយក្នុងមួយក្រុមមានគ្នា១៥នាក់ប្រចាំការនៅក្នុងបន្ទប់នេះ។ យើងនឹងមានខ្សែទូរស័ព្ទពិសេសដើម្បីទទួលព័ត៌មាន និងធ្វើអន្តរាគមន៍នៅកន្លែងដែលមានការកកស្ទះចរាចរណ៍”។ លោកបន្ថែមថា នាយកដ្ឋានរបស់លោកនឹងទាក់ទងផ្ទាល់ទៅនគរបាលនៅទូទាំងរាជធានី។
យោងតាមលោក មិន សុវណ្ណា បានឲ្យដឹងទៀតថា កាមេរ៉ាសុវត្ថិភាពកំពុងត្រូវបានធ្វើតេស្តសាកល្បងនៅឡើយ ប៉ុន្តែនៅពេលវាដំណើរការ វាក៏នឹងជួយនគរបាលក្នុងការដោះស្រាយបទល្មើសផ្សេងៗផងដែរ។
លោកបានមានប្រសាសន៍ថា “ យើងអាចឃ្លាំមើលដើម្បីរកកន្លែងដែលមានការកកស្ទះចរាចរណ៍ អ្នកដែលរំលោភបំពានច្បាប់ចរាចរណ៍ និងបទល្មើសផ្សេងៗ ដូចជាការឆក់ និងអំពើប្លន់ជាដើម។ហើយយើងអាចរក្សាទុកទិន្នន័យពីកាមេរ៉ាសុវត្ថិភាពធ្វើជាភ័ស្តុតាងដាក់បន្ទុកលើអ្នកដែលប្រព្រឹត្តបទល្មើស”។
លោកលើកឡើងបន្តថា ប្រទេសចិននឹងផ្តល់វគ្គបណ្តុះបណ្តាលដល់មន្ត្រីនាយកដ្ឋានរបស់លោកអំពីរបៀបប្រើប្រាស់ និងថែទាំកាមេរ៉ាសុវត្ថិភាពទាំងនេះ។
មកទល់នឹងពេលនេះ កាមេរ៉ាសុវត្ថិភាពត្រូវបានដំឡើងនៅចំណុចប្រសព្វនៃមហាវិថីព្រះនរោត្តម និងមហាវិថីម៉ៅសេទុង មហាវិថីម៉ៅសេទុង និងមហាវិថីព្រះមុនីវង្ស និងចំណុចប្រសព្វនៃផ្លូវជាតិលេខ១ក្នុងខណ្ឌច្បារអំពៅ។
លោក មិន សុវណ្ណា បានលើកឡើងបន្ថែមទៀតថា លោកមិនដឹងអំពីចំនួនទឹកប្រាក់សរុបនៃតម្លៃកាមេរ៉ាសុវត្ថិភាពទាំងនេះទេ ប៉ុន្តែនគរបាលជាតិ បានលើកឡើងកាលពីខែសីហាឆ្នាំមុនថា រដ្ឋាភិបាលក្រុងប៉េកាំងនឹងផ្តល់ជំនួយ៣លានដុល្លារសម្រាប់គម្រោងនេះ។
តាមការប៉ាន់ប្រមាណថា ចិន គឺជាប្រទេសមួយដែលមានចំនួនកាមេរ៉ាសុវត្ថិភាពច្រើនជាងគេបំផុតលើពិភពលោក។ ដោយដកស្រង់សម្តីរបស់អ្នកជំនាញផ្នែកសន្តិសុខដែលមានមូលដ្ឋាននៅទីក្រុងសៀងហៃ កាសែត The Wall Street Journal បានចុះផ្សាយកាលពីឆ្នាំមុនថា ប្រទេសចិន មានកាមេរ៉ាសុវត្ថិភាពច្រើនរហូតដល់ទៅ១០០លានគ្រឿង ក្នុងនោះភាគច្រើនត្រូវបានដំឡើងនៅតាមទីសាធារណៈ។
ទោះជាយ៉ាងណា នៅកម្ពុជាមានកាមេរ៉ាសុវត្ថិភាពតែមួយចំនួនតូចប៉ុណ្ណោះដែលត្រូវបានដំឡើងរួច មុនពេលមានគំនិតផ្តួចផ្តើមចុងក្រោយនេះ។
លោក មិន សុវណ្ណា បានឲ្យដឹងបន្ថែមទៀតថា បន្ថែមពីលើកាមេរ៉ាសុវត្ថិភាពថ្មីចំនួន២០០គ្រឿងនេះ បច្ចុប្បន្នមានកាមេរ៉ាសុវត្ថិភាពចំនួន៥០គ្រឿងផ្សេងទៀតដែលកំពុងដាក់ដំណើរការនៅតាមទីសាធារណៈក្នុងរាជធានីភ្នំពេញ។ កាមេរ៉ាសុវត្ថិភាពទាំងនោះ ប្រទេសវៀតណាមជាអ្នកផ្តល់ជំនួយឲ្យកាលពីឆ្នាំ២០១២។
លោកស្រី ចក់ សុភាព នាយកប្រតិបត្តិមជ្ឈមណ្ឌលសិទ្ធិមនុស្សកម្ពុជា បានលើកឡើងថា ការប្រមូលរូបភាពវីដេអូពីកាមេរ៉ាសុវត្ថិភាពដែលគ្រប់គ្រងដោយរដ្ឋាភិបាល ចាំបាច់ត្រូវតែធ្វើឡើងដោយចំហជាសាធារណៈដើម្បីធានាថា សិទ្ធិឯកជនត្រូវបានការពារ។
លោកស្រីលើកឡើងតាមរយៈអីុម៉េលមួយថា “ ដោយសារមានការវិវឌ្ឍបែបនេះជាច្រើនផ្សេងទៀតនៅក្នុងប្រទេសកម្ពុជាដូចជាគម្រោងបង្កើតច្បាប់ប្រឆាំងបទល្មើសតាមអីុនធឺណិតជាដើម មានការព្រួយបារម្ភថា ការបង្កើនមធ្យោបាយឃ្លាំមើល និងប្រមូលទិន្នន័យអាចនឹងត្រូវបានប្រើប្រាស់ដើម្បីបំពានសិទ្ធិ និងភាពឯកជនរបស់ប្រជាពលរដ្ឋ”។
លោកស្រីបានមានប្រសាសន៍បន្ថែមថា “ វាជារឿងសំខាន់ដែលការអនុវត្តគម្រោងនេះត្រូវបានធ្វើឡើងប្រកបដោយតម្លាភាពយោងតាមបទប្បញ្ញត្តិមានស្រាប់ និងដោយមានការផ្តល់មិតិយោបល់រិះគន់ពីភាគីពាក់ព័ន្ធដើម្បីធានាថា វាពិតជាត្រូវបានប្រើដើម្បីទប់ស្កាត់បទល្មើស មិនមែនសម្រាប់បំពានសិទ្ធិមនុស្ស”។
កាលពីខែធ្នូ ក្រសួងមហាផ្ទៃបានប្រកាសថា ប្រទេសចិនដែលជាវិយោគិនបរទេសធំបំផុតនៅកម្ពុជា និងដែលតែងតែផ្តល់ជំនួយសម្ភារយោធានោះ នឹងរ៉ាប់រងលើការចំណាយសម្រាប់ការសាងសង់ទីបញ្ជាការដ្ឋានកម្ពស់ប្រាំពីរជាន់ថ្មីសម្រាប់នគរបាលជាតិក្នុងរាជធានីភ្នំពេញ៕ ស៊ុយឈាង (រាយការណ៍បន្ថែមដោយ Chris Mueller)
កងសន្តិសុខផ្តល់សក្ខីកម្មប្រឆាំងនឹង”កុបករ”ជាលើកដំបូង
ការជំនុំជម្រះមនុស្ស១១នាក់ដែលត្រូវចាប់ខ្លួនពីបទកុបកម្ម បន្ទាប់ពីមានការតវ៉ាប្រឆាំងនឹងរដ្ឋាភិបាលបានក្លាយទៅជាការវាយតប់គ្នាក្នុងឆ្នាំ២០១៤ បានបន្តកាលពីថ្ងៃអង្គារ ដោយមានសន្តិសុខបួននាក់ ដែលថាត្រូវគេវាយដំបានផ្តល់សក្ខីកម្មជាលើកដំបូង។
កងសន្តិសុខ៧នាក់នៃកម្លាំងសន្តិសុខខណ្ឌដូនពេញ និងមេពួកគេ គឺគីម វុត្ថា បានអង្គុយក្នុងបន្ទប់សវនាការ ក្នុងពេលដែលមេធាវីចុងចោទ បានសួរសំណួរពួកគេទាក់ទងនឹងព្រឹត្តិការណ៍កាលពីថ្ងៃទី១៥ ខែកក្កដាឆ្នាំមុន នៅពេលដែលការតវ៉ាក្លាយទៅជាហិង្សា បន្ទាប់ពីសន្តិសុខហែកបដាដែលសរសេរថា "ដោះលែងទីលានប្រជាធិបតេយ្យ"។
សន្តិសុខ ដែលគេដឹងថាប្រើកម្លាំងហួសហេតុនិងឥតរើសមុខតទល់នឹងអ្នកតវ៉ាដោយសន្តិវិធី បានសើចដាក់មេធាវី និយាយក្នុងសវនាការ ហើយបានបង្ហាញការមិនគោរពតុលាការ ដែលធ្វើឲ្យចៅក្រមព្រមានពួកគេ។
អ៊ុក គង្គា មានវ័យ២៨ ឆ្នាំផ្តល់សក្ខីកម្មមុនគេ ដោយនិយាយថា ខ្លួនបានទៅដល់កន្លែងដែលមានការប៉ះទង្គិចគ្នា ដើម្បីសម្រួលចរាចរណ៍ នៅពេលនោះ ខ្លួនត្រូវរងការវាយតប់ពីក្រុមអ្នកតវ៉ា ដែលកំពុងទាមទារឲ្យដករបងលួសបន្លានិងកម្លាំងប៉ូលិសចេញពីទីលានប្រជាធិបតេយ្យ។
នៅពេលដែលចៅក្រម នូ វាសនា សួរលោក គង្គា ថានរណាបានវាយលើខ្លួន សន្តិសុខរូបនេះក៏បានបែរមុខ ចង្អុលទៅកាន់ អ៊ុក ពេជ្រសំណាង អ្នកបើកទុកទុក និងជាសកម្មជនគណបក្សប្រឆាំងដែលបានចូលរួមក្នុងការតវ៉ាដែរ។
ខឹងច្រឡោត លោក ពេជ្រសំណាងក្រោកឈរឡើង ហើយក៏ចង្អុលដាក់ដើមចោទ គឺសន្តិសុខម្នាក់ក្នុងចំណោមសន្តិសុខ៣៩នាក់ដែលបានប្តឹងចុងចោទទាំង១១នាក់ ក្នុងពេលនោះចៅក្រមក៏បានអន្តរាគមន៍។
ចៅក្រម វាសនា បានសួរលោក គង្គាថា "តើលោកច្រឡំឬយ៉ាងម៉េច?”
សន្តិសុខរូបនេះបានដកសម្តីវិញដោយឆ្លើយថា "បាទ ខ្ញុំច្រឡំមែន"។
បន្ទាប់មក ចៅក្រមជំនំុជម្រះ លឹម មករន្្ទ បានស្តីបន្ទោសសន្តិសុខរូបនោះដោយសារតែបញ្ចេញអាកប្បកិរិយានៅក្នុងសវនាការ។
ចៅក្រមរូបនេះ បាននិយាយថា "នេះជាពេលសវនាការ។ មិនមែនពេលលោកមកអង្គុយញញិមទេ"។
គីម ដេត មានវ័យ៣០ឆ្នាំ និង យុល ព្រិច មានវ័យ២៦ឆ្នាំ មិនអាចបង្ហាញអត្តសញ្ញាណនូវអ្នកវាយពួកខ្លួនទេ។
ចៅក្រម វាសនា បានសួរលោក ព្រិច ដែលបែរមុខទៅរកចុងចោទទាំង១១នាក់ ដែលបានជាប់ពន្ធនាគារជាច្រើនខែថា "មើលមើល៍ នរណាវាយលោក?”។
លោក ព្រិច បាននិយាយថា "ខ្ញុំអត់ចាំទេ ពីព្រោះគេពាក់ពួកសុវត្ថិភាព និងពាក់ម៉ាស់ ហើយខ្ញុំក៍ពាក់មួកសុវត្ថិភាពដែរ"។
ទោះបីជាត្រូវដាក់ពង្រាយជាច្រើនលើកច្រើនសា ដើម្បីបង្ក្រាបដោយហិង្សាលើការតវ៉ាក្នុងពេលប៉ុន្មានខែមុននឹងមាន"កុបកម្ម"នៅឯទីលានប្រជាធិបតេយ្យក៏ដោយ ក៏ដើមចោទបាននិយាយថា ពួកគេមិនបានទទួលបញ្ជាដើម្បីវាយដំបាតុករកាលពីថ្ងៃទី១៥ ខែកក្កដាទេ។
នៅពេលដែលមេធាវីតំណាងចុងចោទបានសួរលោក ព្រិច ថាតើគាត់នឹងអនុវត្តតាមបញ្ជាដើម្បីប្រើហិង្សាឬយ៉ាងណា លោក កែវ សុជាតិ ព្រះរាជអាជ្ញារងបានអន្តរាគមន៍ ដោយនិយាយថា វាជាសំណួរមិនសមរម្សទេ។ ចៅក្រម វាសនា បានយល់ស្រប។
នៅខាងក្រៅតុលាការ លោក ឃឹម ពៅ មានវ័យ៣៨ឆ្នាំ ដើមចោទចុងក្រោយដែលផ្តល់សក្ខីកម្ម បានសម្តែងការសោកស្តាយចំពោះព្រឹត្តិការណ៍កាលពីថ្ងៃទី១៥ ខែកក្កដា និងចំពោះការសម្រេចចិត្តឈប់លក់ការ៉ែមកាលពីឆ្នាំ២០០០នៅឯផ្សារថ្មី ដើម្បីចូលធ្វើសន្តិសុខខណ្ឌដូនពេញ។
សន្តិសុខរូបនេះបាននិយាយថា គាត់មានកំហឹង ព្រោះថាកម្លាំងប៉ូលិសដែលយាមការពារទីលានប្រជាធិបតេយ្យមិនបានចូលធ្វើអន្តរាគមន៍ទាល់តែសោះ ក្នុងពេលដែលក្រុមបាតុករបានវាយតតបនិងឈ្នះសន្តិសុខ។
លោក ពៅ បាននិយាយថា "ខ្ញុំសោកស្តាយណាស់ ពីព្រោះយើងធ្វើការជាសន្តិសុខ ហើយនៅពេលដែលគេវាយយើង គ្មាននរណាមកជួយយើងសោះ។ ខ្ញុំប្រហែលឈប់ធ្វើហើយ បន្ទាប់ពីរឿងក្តីនេះចប់"៕ រើន
ការផ្ទុះកំហឹងកើតឡើងជុំវិញករណីឧកញ៉ាវាយដំពិធីការិនី សាសា
កាលពីម្សិលមិញ កំហឹងបានផ្ទុះចេញពីគ្រប់មជ្ឈដ្ឋាននៃសង្គម បន្ទាប់ពីមានការចាក់ផ្សាយរូបភាពវីដេអូកាមេរា៉សុវត្ថិភាពដែលបង្ហាញពីសកម្មភាពបុរសអ្នកជំនួញធំម្នាក់ប្រើអំពើហិង្សាវាយដំទៅលើពិធីការិនីទូរទស្សន៍ម្នាក់យ៉ាងសាហាវនៅឯភោជនីយដ្ឋានមួយកន្លែងក្នុងរាជធានីភ្នំពេញ កាលពីដើមខែនេះ។
ក្នុងកម្មវិធីផ្សាយនៅល្ងាចថ្ងៃពុធ ស្ថានីយទូរទស្សន៍ CNC បានចាក់ផ្សាយរូបភាពវីដេអូដែលបង្ហាញពីលោក សុខ ប៊ុន ឧកញ៉ាអចលនទ្រព្យ និងជាប្រធានសមាគមអ្នកវាយតម្លៃអចលនទ្រព្យកម្ពុជា ធ្វើសកម្មភាពដាល់ ទាត់ធាក់ សម្រាតខោអាវ និងជាន់ក្បាលកញ្ញា ឯក សុជាតា ឬដែលគេស្គាល់ថា សាសា ដែលជាអតីតពិធីការិនីប្រចាំនៅស្ថានីយទូរទស្សន៍ CTN បន្ទាប់ពីនាងព្យាយាមការពារនារីម្នាក់ទៀតមិនឲ្យឧកញ៉ារូបនេះចូលទៅរំខាននាង។
ពេលទាក់ទងទៅកាលពីម្សិលមិញ កញ្ញា ឯក សុជាតា និយាយថា នាងបានដាក់ពាក្យបណ្ដឹងបទប៉ុនប៉ងមនុស្សឃាតប្ដឹងបុរសពីរនាក់ជុំវិញហេតុការណ៍នេះ ដែលបណ្ដាអ្នកតស៊ូមតិការពារសិទ្ធិស្ត្រីលើកឡើងថា ឆ្លុះបញ្ចាំងពីផ្នត់គំនិតចាក់ឫសក្នុងសង្គមខ្មែរ...
គណបក្សសង្គ្រោះជាតិ និងអាជ្ញាធរខេត្តស្វាយរៀងប្រកែកគ្នាយកត្រូវរៀងៗខ្លួនជុំវិញហេតុការណ៍ផ្ទុះអំពើហិង្សានៅព្រំដែន
កាលពីម្សិលមិញលោក សម រង្ស៊ី ប្រធានគណបក្សប្រឆាំងបានមានប្រសាសន៍ការពារតំណាងរាស្ត្រគណបក្សសង្គ្រោះជាតិមួយរូបដែលរងការវាយដំពីសំណាក់ប្រជាជនស៊ីវិលរៀតណាម អំឡុងពេលចុះទៅពិនិត្យមើលចំណុចព្រំដែនមានវិវាទក្នុងខេត្តស្វាយរៀង ខណៈអាជ្ញាធរខេត្តនិយាយថា ការចុះទៅពិនិត្យមើលព្រំដែននេះគឺជាការបង្ករឿង និងរំលោភ "វប្បធម៌សន្ទនា"។
សកម្មជនគណបក្សប្រឆាំងមួយក្រុមដឹកនាំដោយលោក រៀល ខេមរិន្ទ្រ តំណាងរាស្ត្រគណបក្សសង្គ្រោះជាតិកាលពីថ្ងៃអាទិត្យ បានព្យាយាមចុះទៅពិនិត្យមើលចំណុចព្រំដែនមានវិវាទមួយក្នុងស្រុកកំពង់រោទិ៍ ប៉ុន្តែបានជួបប្រទះនឹងប្រជាជនស៊ីវិលវៀតណាមមួយក្រុមធំ ដែលបានរារាំងពួកគាត់មិនឲ្យបន្តដំណើរឆ្ពោះទៅបង្គោលព្រំដែនមួយ។
ការវាយតប់គ្នាបានផ្ទុះឡើងដោយក្នុងនោះលោក រៀល ខេមរិន្ទ្រ ត្រូវជនជាតិវៀតណាមវាយនឹងដំបង ហើយលោក សម រង្ស៊ី បានថ្លែងប្រាប់ក្រុមអ្នកយកព័ត៌មានកាលពីម្សិលមិញថា វាច្បាស់ណាស់ថា ដីនោះស្ថិតនៅក្នុងប្រទេសកម្ពុជា...