TAG
features3
នគរបាលតាមប្រមាញ់បុរសជនជាតិរុស្ស៊ីម្នាក់ក្នុងករណីឃាតកម្មនៅក្រុងព្រះសីហនុ
នគរបាលក្រុងព្រះសីហនុ បាននិយាយកាលពីម្សិលមិញថា ពេលនេះខ្លួនកំពុងតាមប្រមាញ់បុរសជនជាតិរុស្ស៊ី ម្នាក់ដែលជាប់សង្ស័យពីបទសម្លាប់បុរសជនជាតិរុស្ស៊ី ម្នាក់ទៀតកាលពីយប់ថ្ងៃសៅរ៍ ដោយបានចាក់ជនរងគ្រោះពីក្រោយខ្នងចំនួន៣០កាំបិត មុនពេលអារកជនរងគ្រោះ។
លោក ញ៉ែត ភ័ណ្ឌ នាយការិយាល័យនគរបាលព្រហ្មទណ្ឌកម្រិតធ្ងន់នៃស្នងការរដ្ឋានខេត្តព្រះសីហនុ បានមានប្រសាសន៍ថា ប្រជាពលរដ្ឋដែលរស់នៅក្នុងសង្កាត់លេខ៤ ក្នុងក្រុងឆ្នេរសមុទ្រមួយនេះ បានប្រទះឃើញសពជនរងគ្រោះឈ្មោះ ដេនីស ហ្គនចារ៉ូវ (Denis Goncharov) អាយុ២៨ឆ្នាំ អណ្ដែតនៅក្នុងអូរមួយកាលពីរសៀលថ្ងៃអាទិត្យ នៅចម្ងាយប្រមាណ៤០០ម៉ែត្រពីឆ្នេរអូរត្រេះ ដ៏ពេញនិយម។
លោក ញែ៉ត ភ័ណ្ឌ ដែលកំពុងដឹកនាំការស៊ើបអង្កេតនេះបានបញ្ជាក់ថា នៅពេលនគរបាលប្រទះឃើញសាកសព នគរបាលបានរកឃើញកូនសោបន្ទប់អាផាតមិន និងប្រាក់មួយចំនួនតូចក្នុងហោប៉ៅរបស់ជនរងគ្រោះ ព្រមទាំងខ្សែកពាក់នៅនឹងក។
លោកលើកឡើងបន្តថា "យើងសន្និដ្ឋានថា ករណីនេះមិនមែនជាករណីប្លន់ទេ ព្រោះទ្រព្យសម្បត្តិមួយចំនួនរបស់ជនរងគ្រោះមិនបានបាត់ទៅណា"។ លោកបានមានប្រសាសន៍បន្ថែមថា យោងតាមប្រពន្ធជនជាតិចិន...
លោក ស ខេង ប្រាប់ឲ្យបញ្ឈប់ចុះកិច្ចព្រមព្រៀងព្រំដែនក្រៅផ្លូវការ
កាលពីម្សិលមិញ លោក ស ខេង រដ្ឋមន្ត្រីក្រសួងមហាផ្ទៃបានចេញសេចក្តីណែនាំដល់មន្ត្រីរដ្ឋាភិបាលដែលបម្រើការនៅតាមព្រំដែនជាមួួយវៀតណាមទាំងអស់ជួយកាត់បន្ថយភាពតានតឹងដែលកើនឡើងថ្មីៗនៅតាមតំបន់ព្រំដែនដែលមានវិវាទ រួមទាំងការណែនាំឲ្យបញ្ឈប់ការចុះកិច្ចព្រមព្រៀងក្រៅផ្លូវការជាមួយសមភាគីវៀតណាមរបស់ខ្លួន។
កិច្ចប្រជុំនៅក្នុងរាជធានីភ្នំពេញជាមួយមន្ត្រីមកពីបណ្តាខេត្តជាប់ព្រំដែនធ្វើឡើងបន្ទាប់ពីដំណើរទស្សនកិច្ចជាច្រើនលើកកាលពីពេលថ្មីៗនេះរបស់ក្រុមសមាជិក សភាគណបក្សសង្គ្រោះជាតិទៅកាន់តំបន់ព្រំដែនជាកន្លែងដែលប្រជាពលរដ្ឋបានចោទប្រកាន់ប្រទេសវៀតណាមថា បានទន្ទ្រានយកដី។
ហើយបានមានប្រសាសន៍ថា ឧកញា៉រូបនេះបានគេចខ្លួនទៅប្រទេសសិង្ហបុរី កាលពីថ្ងៃអង្គារសប្ដាហ៍មុន។
ទោះជាយ៉ាងណា កាលពីថ្ងៃសុក្រ ស្ត្រីម្នាក់នៅវីឡារបស់លោក សុខ ប៊ុន ក្នុងខណ្ឌចំការមន បាននិយាយថា លោក សុខ ប៊ុន មិនបានចាកចេញពីរាជធានីភ្នំពេញទេ។
សូមបញ្ជាក់ថា កញ្ញា ឯក សុជាតា ហៅ...
គណបក្សប្រជាជនកម្ពុជាការពារច្បាប់ស្តីពី NGO នៅឯសិក្ខាសាលាខណៈគណបក្សប្រឆាំងដើរចេញ
សមាជិកសភា និងមន្ត្រីមកពីគណបក្សប្រជាជនកម្ពុជា បានបន្តការពារសេចក្តីព្រាងច្បាប់ដ៏ចម្រូងចម្រាសរបស់ខ្លួនដែលមានបំណងគ្រប់គ្រងអង្គការមិនមែនរដ្ឋាភិបាលនៅក្នុងប្រទេសនៅឯសិក្ខាសាលាមួយធ្វើឡើងក្នុងរដ្ឋសភាកាលពីម្សិលមិញ ទោះបីជាមានការធ្វើពហិការពីអង្គការមិនមែនរដ្ឋាភិបាលមួយចំនួន និងគណបក្សប្រឆាំងដែលចាត់ ទុកព្រឹត្តិការណ៍នេះថា “គ្មានន័យ” ក៏ដោយ ។
គណបក្សប្រជាជនកម្ពុជាបានរៀបចំសិក្ខាសាលានេះមុនការបោះឆ្នោតដែលជិតមកដល់ ដើម្បីស្តាប់មតិយោបល់បន្ថែមពីអ្នកចូលរួមជុំវិញសេចក្តីព្រាងច្បាប់នេះ ដែលអង្គការមិនមែនរដ្ឋាភិបាលព្រួយបារម្ភខ្លាចក្រែងរដ្ឋាភិបាល នឹងប្រើប្រាស់ដើម្បីបំបិទសិទ្ធិរិះគន់របស់ខ្លួន។ ប៉ុន្តែ ខណៈសិក្ខាសាលានេះកំពុងដំណើរការ សមាជិកសភាមកពីគណបក្សសង្គ្រោះជាតិបានដើរចេញនៅក្នុងចំណោមអ្នកចូលរួមជាច្រើន ដើម្បីសការតវ៉ា។
លោក សុន ឆ័យ សមាជិកសភាមកពីគណបក្សប្រឆាំងបានថ្លែងតាមក្រោយថា “យើងធ្វើពហិការព្រោះសិក្ខាសាលានេះគ្មានន័យអ្វីទេ។ វាមិនមែនជាកិច្ចប្រជុំដែលអនុញ្ញាតឲ្យពលរដ្ឋចូលរួមឡើយ...វាគ្រាន់តែជាកិច្ចប្រជុំឲ្យល្អមើលតែប៉ុណ្ណោះ។ វានឹងមិនផ្តល់ឱកាសឲ្យមានការកែប្រែច្បាប់នេះឡើយ”។
គណៈកម្មាធិការអចិន្ត្រៃយ៍នៃរដ្ឋសភាបានបដិសេធមិនឲ្យគណបក្សសង្គ្រោះជាតិចូលរួមពាក់ព័ន្ធនៅក្នុងការរៀបចំសិក្ខាសាលានេះទេ នៅពេលខ្លួនបានសម្រេចមិនឲ្យគណៈកម្មការណាមួួយនៃរដ្ឋសភាដែលមានសមាជិកមកពីគណបក្សប្រឆាំងធ្វើជាប្រធាននោះ ពិនិត្យមើលសេចក្តីព្រាងច្បាប់នេះ។...
គណបក្សប្រជាជនកម្ពុជារំឭកខួប៦៤ឆ្នាំចាប់តាំងពីកំណើតកុម្មុយនិស្តរបស់ខ្លួន
ដោយមានការលែងព្រាបសរាប់សិបក្បាល គណបក្សប្រជាជនកម្ពុជាកាលពីថ្ងៃអាទិត្យបានប្រារព្ធពិធីរំឭកខួបប្រចាំឆ្នាំនៃការបង្កើតគណបក្សបដិវត្តន៍ប្រជាជនកម្ពុជានាឆ្នាំ១៩៥១ ដែលខ្លួនចាត់ទុកជាកំណើតខ្លួន ដោយថ្នាក់ដឹកនាំលើកឡើងអំពីតួនាទីរបស់ខ្លួននៅក្នុងការទាមទារឯករាជ្យកម្ពុជានិងការផ្តួលរំលំរបបប៉ុល ពត។
ប្រារព្ធឡើងប៉ុន្មានសប្តាហ៍ក្រោយពីមរណភាពប្រធានស្ថាបនិកគណបក្សប្រជាជនកម្ពុជា គឺលោក ជា ស៊ីម ដែលបានវាយប្រហារជាមួយកងទ័ពឥស្សរៈដែលប្រឆាំងនឹងអាណានិគមនិយមក្នុងទសវត្សរ៍ឆ្នាំ១៩៥០ ហើយបានដឹកនាំក្រុមប្រឆាំងនឹងប៉ុល ពតនៅចុងទសវត្សរ៍ឆ្នាំ១៩៧០នោះ លោកនាយករដ្ឋមន្ត្រី ហ៊ុន សែន បានរំឭកអ្នកចូលរួមនៅទីស្នាក់ការគណបក្សប្រជាជនកម្ពុជាអំពីប្រវត្តិដ៏រុងរឿងរបស់គណបក្សកាន់អំណាចនេះ។
លោក ហ៊ុន សែន បានមានប្រសាសន៍ថា "នេះ ជាទិវាមួយដ៏មហោឡារិក ដែលយើងបានជួបជុំគ្នាដើម្បីរំឭកខួបអនុស្សាវរីយ៍លើកទី ៦៤ នៃការបង្កើតគណបក្សប្រជាជនកម្ពុជា ដែលមានប្រវត្តិដ៏រុងរឿង ជាគណបក្សដឹកនាំចលនាតស៊ូរបស់ប្រជាជនប្រឆាំងនឹងបរទេសឈ្លានពាន ដើម្បីឯករាជ្យជាតិ ជាកម្លាំងនយោបាយតែមួយគត់ដែលបានដឹកនាំការប្រយុទ្ធផ្តួលរំលំរបបប្រល័យពូជសាសន៍ ប៉ុល ពត"។
លោកនាយករដ្ឋមន្ត្រី បានមានប្រសាសន៍ថា "តាំងពីថ្ងៃចាប់បដិសន្ធិមកទល់បច្ចុប្បន្ន គណបក្សប្រជាជនកម្ពុជាបានប្រកាន់ខ្ជាប់ឥតប្រែប្រួលនូវគោលបំណង និងឧត្តមគតិរបស់ខ្លួន ដែលផ្សារភ្ជាប់ទៅនឹងគោលការណ៍ “ប្រជាធិបតេយ្យប្រជាជន”។ គណបក្សប្រជាជនកម្ពុជា គឺជាគណបក្សដែលកើតពីប្រជាជន មានអត្ថិភាពដោយសារប្រជាជន និងដើម្បីប្រជាជន"។
ប៉ុន្តែអវត្តមានពីពិធី គឺមិនមានការរៀបរាប់ណាមួយដែលថា អស់រយៈពេលបួនទសវត្សរ៍មុននឹងគណបក្សកាន់អំណាចបានផ្លាស់ប្តូរទៅជាគណបក្សប្រជាជនកម្ពុជាសម្រាប់ការបោះឆ្នោតដែលចាត់ចែងដោយអង្គការសហប្រជាតិនាឆ្នាំ១៩៩៣ រួមមានរយៈពេលដែលមេដឹកនាំបច្ចុប្បន្នបានបម្រើនៅក្នុងរបបខ្មែរក្រហម ពោលគឺឧត្តមគតិរបស់ខ្លួនមានកុម្មុយនិស្តបដិវត្តន៍និងសមភាពនោះទេ។
លោក ដាវិដ ឆាណ្ឌល័រ ប្រវត្តិវិទូល្បីល្បាញនៃប្រទេសកម្ពុជា បានមានប្រសាសន៍ថា ការរំឭកអនុស្សាវរីយ៍ចោះៗអំពីឫសគល់នយោបាយរបស់គណបក្សប្រជាជនកម្ពុជា គឺដោយសារតែមានសេចក្តីប្រាថ្នាលើកកម្ពស់ស្នាដៃអតីតកាលប្រកបដោយប្រជាប្រិយភាព ដោយមិនទាក់ទាញឲ្យចាប់អារម្មណ៍ចំពោះគោលជំនឿនយោបាយដែលឥឡូវនេះត្រូវខូចនៅក្នុងប្រទេសកម្ពុជាទេ។ លោក ឆាណ្ឌល័រ ដែលបច្ចុប្បន្នជាសាស្ត្រាចារ្យនៅឯសាកលវិទ្យាល័យម៉ូណាស់ ម៉ែលប៊ន បានមានប្រសាសន៍ថា "គណបក្សប្រជាជនកម្ពុជាពេញចិត្តនឹងមានប្រវត្តិយូរអង្វែងនៃគណបក្សសព្វថ្ងៃនេះ និងដែលជាគណបក្ស 'តស៊ូ'មួយនៅក្នុងសម័យអាណានិគមនិយម ប៉ុន្តែមាតិកាឆ្ពោះទៅរកកុម្មុយនិស្តរបស់ខ្លួន បានជ្រាបចេញក្នុងរយៈពេលប៉ុន្មានឆ្នាំកន្លងមកនេះ។ មនោគមវិជ្ជាមិនមានប្រយោជន៍ទេនៅក្នុងប្រទេសកម្ពុជា"។
ក្នុងរយៈពេលប៉ុន្មានឆ្នាំថ្មីៗកន្លងមកនេះ ការរំឭកឫសគល់មនោគមវិជ្ជានៃគណបក្សប្រជាជនកម្ពុជានិងថ្នាក់ដឹកនាំបក្ស បន្តផ្តល់ជាចំណុចវាយប្រហារដ៏ស័ក្តិសិទ្ធិសម្រាប់គណបក្សសង្គ្រោះជាតិ ដោយអនុប្រធានគណបក្សប្រឆាំង គឺ លោក កឹម សុខា បានទទួលរងការស្តីបន្ទោសជាសាធារណៈពីលោក ហ៊ុន សែន ក្នុងខែមេសា បន្ទាប់ពីហៅគណបក្សប្រជាជនកម្ពុជាថា"កុម្មុយនិស្ត"។
លោក ចន ស៊ីអូស៊ីរី ជាអ្នកជំនាញលើប្រវត្តិកម្ពុជានៅឯសាកលវិទ្យាល័យនៃសាលាគោលនយោបាយសាធារណៈហ្ជឺរ៉លដ៍ អា ហ្វ័ដ រដ្ឋមិចឆីហ្គែន បានមានប្រសាសន៍ថា គណបក្សប្រជាជនកម្ពុជានៅតែមិនចង់ដឹងចង់ឮអំពីការរំឭកប្រវត្តិអតីតកាលរបស់ខ្លួនដោយសារតែប្រវត្តិកុម្មុយនិស្តដែលនៅតែស្ថិតនៅក្នុងគណបក្សដដែល ទោះបីជាមានការចាប់យកជាពហិលក្ខណៈនូវភាពមិនច្បាស់លាស់នៃប្រព័ន្ធប្រជាធិបតេយ្យក៏ដោយ។
លោក ស៊ីអូស៊ីរី បានមានប្រសាសន៍ថា "វោហារសាស្ត្ររបស់គណបក្សប្រជាជនកម្ពុជា បញ្ជាក់នូវឧត្តមគតិប្រជាធិបតេយ្យ ហើយគោលនយោបាយរបស់ខ្លួនមានចរិតកុម្មុយនិស្តដែលគេអាចយល់តិចតួច ប៉ុន្តែខ្លួននៅតែយកដំណែលដ៏សំខាន់នៃរឿងអតីតកាលកុម្មុយនិស្តរបស់ខ្លួន រួមមានរចនាសម្ព័ន្ធដូចជាគណៈកម្មការប្រតិបត្តិនិងកណ្តាល និងការអនុវត្តទាំងឡាយដូចជាការប្រតិបត្តិធ្ងន់ដៃពេកនូវវិន័យបក្ស និងការបង្ក្រាបលើអ្នកប្រឆាំងនយោបាយ"។
លោក ស៊ីអូស៊ីរី បានមានប្រសាសន៍ថា "នយោបាយជាច្រើនរបស់ខ្លួនពិតជាឆ្លុះបញ្ចាំងនូវការផ្លាស់ប្តូរពីឆ្វេងទៅស្តាំ ប៉ុន្តែដូចជានៅក្នុងបណ្តារដ្ឋក្រោយកុម្មុយនិស្តផ្សេងទៀត ទាំងនេះ គឺជាការឆ្លើយតបដែលសម្របសម្រួលកម្រិតទាបទៅនឹងបរិយាកាសសាកលដែលផ្លាស់ប្តូរ គឺមិនមែនការផ្លាស់ប្តូរទឹកចិត្តទេ។ គោលបំណងគណបក្សគឺរក្សាបាននូវអំណាច"។
លោក អ៊ូ វីរៈ អ្នកប្រឹក្សានយោបាយនិងស្ថាបនិកនៃវេទិកាអនាគត បានមានប្រសាសន៍ថា មេដឹកនាំគណបក្សប្រជាជនភាគច្រើនមានបទពិសោធដំបូងធ្វើនយោបាយស្ថិតក្រោមកុម្មុយនិស្តក្នុងទសវត្សរ៍ឆ្នាំ១៩៧០និងឆ្នាំ១៩៨០ ចំណែកឯគណបក្សទំនើបសព្វថ្ងៃនេះប្រកាន់យកផលប្រយោជន៍ពាណិជ្ជកម្ម។
លោក វីរៈ បានមានប្រសាសន៍ថា "វាមិនមែនគណបក្សកុម្មុយនិស្តទេ។ របៀបដែលគេគ្រប់គ្រងប្រទេសដូចជាផ្តាច់ការច្រើនបន្តិច ប៉ុន្តែពាក្យទាំងនោះបានធ្វើឲ្យមានការយល់ច្រឡំបន្តិចដោយសារតែសង្គ្រាមត្រជាក់ នៅពេលដែលពាក្យទាំងនោះត្រូវបានគេប្រើផ្លាស់ប្តូរគ្នា ហើយយើងជាកូនអុកនៅក្នុងល្បែងអុកសង្គ្រាមត្រជាក់នោះ"។
លោក វីរៈមានមានប្រសាសន៍ថា "ប្រសិនបើលោកអ្នកក្រឡេកមើលបញ្ហាសេដ្ឋកិច្ចកុម្មុយនិស្តដូចជាកម្មសិទ្ធិសមូហភាព និងស្មើភាព មិនមានអ្វីទាំងអស់។ អ្នកដែលមានទំនាក់ទំនងនឹងគ្នាមានប្រាក់រាប់លាន និងសម្ញែងទ្រព្យសម្បត្តិរបស់គេ"។
លោក សុផល អ៊ា អ្នកនិពន្ធសៀវភៅនាឆ្នាំ២០១២ដែលមានចំណងជើងថា "ការពឹងផ្អែកជំនួយនៅក្នុងកម្ពុជា" បានមានប្រសាសន៍ថា "ទោះបីជាមានភាពលើសលុបនៃឋានានុក្រមរបស់គណបក្សប្រជាជនកម្ពុជាសព្វថ្ងៃ ហាក់ដូចជាមិនស៊ីគ្នានឹងគណបក្សកុម្មុយនិស្តដែលមានមនោគមវិជ្ជាកាលពីមុនក៏ដោយ ក៏វិធីសាស្ត្រនៃការរក្សាអំណាចរបស់ខ្លួន គឺកើតចេញពីឫសគល់ផ្តាច់ការ"។
លោក អ៊ា ជាសាស្ត្រាចារ្យរងនៅឯមហាវិទ្យាល័យអុកស៊ីដិនថលក្នុងក្រុងឡូស អានហ្ជេលឡិស បានមានប្រសាសន៍ថា "គណបក្សប្រជាជនកម្ពុជាមិនជឿលើលទ្ធិម៉ារ្យនិយមទេហើយសូម្បីតែយុត្តិធម៌សង្គមក៏មិនមានដែរនោះ ហើយហេតុដូច្នេះមិនមែនជាកុម្មុយនិស្តទេ ក្នុងន័យមនោគមវិជ្ជា។ តាមមនោគមវិជ្ជា គណបក្សប្រជាជនកម្ពុជាអនុវត្តមូលធននិយមបែបកេងប្រវ័ញ្ច គឺមនុស្សដែលឲ្យតម្លៃប្រាក់ជាធំលើសអ្វីៗទាំងអស់។ ទោះជាយ៉ាងណាក៏ដោយ ការនេះមិនមានន័យថាគណបក្សប្រជាជនកម្ពុជារួចផុតពីលទ្ធិកុម្មុយនិស្តក្នុងរបៀបដែលខ្លួនប្រតិបត្តិទេ។ បច្ចេកទេសដូចគ្នាសម្រាប់គ្រប់គ្រងមនុស្ស សម្រាប់ធ្វើឲ្យមានមន្ទិលសង្ស័យលើជម្រើសម្នាក់ៗនិងឆន្ទៈសេរី គឺនៅតែមានដដែល"។
គណបក្សប្រជាជនកម្ពុជាជាយូរមកហើយត្រូវបានចោទដោយគណបក្សប្រឆាំងថាក្តោបក្តាប់អំណាចលើស្ថាប័នរដ្ឋនិងធនធានសេដ្ឋកិច្ច ចាប់តាំងពីការធ្វើឲ្យមានប្រជាធិបតេយ្យដូចដើមវិញក្នុងឆ្នាំ១៩៩៣ដោយដាក់បញ្ចូលការិយាធិបតេយ្យនិងស្ថាប័នសំខាន់ៗនានាដោយក្រុមស្មោះត្រង់កុម្មុយនិស្តចាស់ៗ។
ក្រៅពីរក្សាបាននូវសមាសភាពភាគច្រើនលើគណៈកម្មាធិការបោះឆ្នោតរហូតដល់មានភាពច្របូកច្របល់នៃការបោះឆ្នោតជាតិនាឆ្នាំ២០១៣ដ៏ចម្រូងចម្រាស ដែលបានបង្ខំឲ្យគណបក្សនេះសម្រុះសម្រួលនោះ រដ្ឋាភិបាលដឹកនាំដោយគណបក្សប្រជាជនកម្ពុជា បានរៀបចំនិងមើលការខុសត្រូវយ៉ាងតឹងរ៉ឹងលើកម្មសិទ្ធិប្រព័ន្ធផ្សព្វផ្សាយ ដើម្បីបំបាត់សំឡេងអ្នកប្រឆាំង។
លោក រ៉ាអ៊ុល ម៉ាក ជិនណា អ្នកជំនាញជនជាតិបែលហ្ស៊ិកលើប្រវត្តិសាស្ត្រកម្ពុជា បានមានប្រសាសន៍ថា "នោះគឺប្រហែលជាអ្វីដែលនៅសេសសល់ពីអតីតកាល ពោលគឺវប្បធម៌ឯកភាពគ្នា។ មានការរំពឹងទុកជាច្រើនក្នុងទសវត្សរ៍ឆ្នាំ១៩៩០....ដែលថាគណបក្សប្រជាជនកម្ពុជានឹងបែកបាក់ ប៉ុន្តែអ្នកដែលបានកសាងយុទ្ធសាស្ត្ររបស់ខ្លួននៅលើការបែកបាក់របស់គណបក្សប្រជាជនកម្ពុជា គឺអ្នកដែលបានបំបែកខ្លួនឯងតែម្តង"។
លោក ជិនណា បានមានប្រសាសន៍ថា ការធ្វើឲ្យមានអាទិភាពនៃឯកភាពគ្នាបែបហ្នឹងនៅចំពោះមុខការប្រឈមទាំងឡាយទៅនឹងអំណាចរបស់ខ្លួន គឺជាឥទ្ធិពលកុម្មុយនិស្តដែលនៅសេសសល់មួយក្នុងបណ្តាឥទ្ធិពលកុម្មុយនិស្តដែលនៅសេសសល់មួយចំនួន ដោយលើកហេតុផលថា គណបក្សប្រជាជនសម័យទំនើប បានផ្លាស់ប្តូរដោយពុំអាចកែប្រែបានពីគណបក្សដែលមានកំណើតខ្លួនរំឭក។
ប្រវត្តិវិទូរូបនេះ បានមានប្រសាសន៍ថា "គណបក្យប្រជាជនកម្ពុជានៅតែរំឭកខួប ជាកំណើតរបស់ខ្លួនក្នុងបំណងបង្ហាញថា ខ្លួនជាតួអង្គនយោបាយដែលជាប់ជ្រៅក្នុងប្រវត្តិនយោបាយរបស់ប្រទេសជាតិ គឺគណបក្សដែលមានថ្នាក់ដឹកនាំរបស់ខ្លួនមិនដែលចាកចេញពីប្រទេស ហើយប្រឈមមុខនឹងរាល់ដំណាក់ការទាំងអស់នៃសោកនាដកម្មកម្ពុជា ដែលចាប់ផ្តើមជាមួយនឹងការប្រយុទ្ធប្រឆាំងនឹងអាណានិគមនិយមជាដើម"។
លោក សុខ ឥសាន អ្នកនាំពាក្យគណបក្សប្រជាជនកម្ពុជា បានមានប្រសាសន៍ថា ឫសគល់កុម្មុយនិស្តរបស់គណបក្សកាន់អំណាច គឺជាផលិតផលនៃអំឡុងពេលដែលខ្លួនកើតឡើង ហើយថាវាជាលក្ខណៈមិនស្មោះត្រង់ចំពោះអ្នករិះគន់របស់ខ្លួនដែលផ្តោតលើទិដ្ឋភាពប្រវត្តិបែបហ្នឹង នៅពេលដែលគណបក្សនេះ បានជ្រើសរើសដើរទៅមុខ។
លោក ឥសានបានមានប្រសាសន៍ថា "យុទ្ធសាស្ត្រនយោបាយគណបក្សប្រជាជនកម្ពុជា បានផ្សារភ្ជាប់នឹងស្ថានការណ៍មួយដំណាក់ការម្តងៗពិតប្រាកដរបស់កម្ពុជា និងការអភិវឌ្ឍប្រទេសជាតិ។ យុទ្ធសាស្ត្រគណបក្ស គឺត្រូវបត់បែន និងសម្របទៅតាមស្ថានការណ៍នៅក្នុងដំណាក់ការនីមួយៗ ដែលសង្គមយើងជួបប្រទះ"។
អ្នកនាំពាក្យគណបក្សប្រជាជនកម្ពុជារូបនេះ បានមានប្រសាសន៍ថា "មុនដំបូង គណបក្សប្រជាជនកម្ពុជាត្រូវបានចោទថាជាគណបក្សកុម្មុយនិស្ត ប៉ុន្តែឥឡូវយើងបានអនុវត្តច្បាប់រដ្ឋធម្មនុញ្ញឆ្នាំ១៩៩៣ ដែលចែងថា កម្ពុជាប្រកាន់យកលទ្ធិប្រជាធិបតេយ្យពហុបក្ស ហេតុដូច្នេះ គណបក្សប្រជាជនកម្ពុជាលែងអាចត្រូវគេចោទថាជាគណបក្សកុម្មុយនិស្តតទៅទៀត"។
លោក សុន ឆ័យ តំណាងរាស្ត្រគណបក្សសង្គ្រោះជាតិ បានមានប្រសាសន៍ថា ក្នុងន័យនោះ គណបក្សប្រជាជនសព្វថ្ងៃនេះ គឺសត្វចម្លែក ដែលកើតចេញពីសមត្ថភាពលោក ហ៊ុន សែន ដែលបានកែប្រែក្បាលម៉ាស៊ីននយោបាយកសាងឡើងសម្រាប់ទសវត្សរ៍ឆ្នាំ១៩៨០ឲ្យទៅជាក្បាលម៉ាស៊ីនសក្តិសមមួយសម្រាប់ទសវត្សរ៍ឆ្នាំ១៩៩០។
លោក ឆ័យ បានមានប្រសាសន៍ថា "ប្រជាពលរដ្ឋក្រោយពីរបបខ្មែរក្រហមខឹងនឹងអ្វីទាក់ទងនឹងកុម្មុយនិស្ត ដូច្នេះលោកនាយករដ្ឋមន្ត្រី ហ៊ុន សែន បានជំរុញឲ្យយើងបើកទូលាយថែមទៀត ពីព្រោះគាត់ត្រូវធ្វើឲ្យប្រជាពលរដ្ឋជឿថា រដ្ឋាភិបាលនេះ គឺខុសគ្នាពីប៉ុល ពត។
លោក ឆ័យ បានមានប្រសាសន៍ថា "ឥឡូវនេះគេបានផ្លាស់ប្តូរច្រើនណាស់។ ប្រព័ន្ធរបស់គេមិនកុម្មុយនិស្ត ហើយក៏មិនសេរីដែរ។ វាជាគណបក្សមួយដែលបានកសាងឡើងនៅជុំវិញមេដឹកនាំខ្លាំងម្នាក់ គឺមិនមែនជាគណបក្សធម្មតាទេ។ ដូច្នេះ អតីតកុម្មុយនិស្តជាច្រើននាក់មានទ្រព្យសម្បត្តិស្តុកស្តម្ភ និងពុករលួយ យើងមិនដឹងថាមានអ្វីកើតឡើងទេ"៕ រើន
ការឆ្មក់ចូលតំបន់ស្តុកសម្ភារអេតចាយបង្ហាញឲ្យឃើញពីភាពរើសអើងជនអន្តោប្រវេសន៍
កាលពីម្សិលមិញ នគរបាលមកពីអគ្គនាយកដ្ឋានអន្តោប្រវេសន៍នៃក្រសួងមហាផ្ទៃបានចាប់ខ្លួនបុរសជនជាតិវៀតណាមជាង១០០នាក់ដែលធ្វើការនៅតំបន់ស្តុកគ្រឿងអេតចាយក្នុងរាជធានីភ្នំពេញ ដើម្បីវាយតម្លៃពីភាពស្របច្បាប់នៃការងាររបស់ពួកគេក្នុងប្រទេសកម្ពុជា។ អ្វីដែលមន្ត្រីនគរបាលបានបន្សល់ទុកគឺគ្រួសារដែលមានការយល់ច្រឡំ និងភ័យខ្លាច។
នគរបាលអន្តោប្រវេសន៍ជាង៤០នាក់បានឡោមព័ទ្ធតំបន់ស្តុកសម្ភារអេតចាយក្នុងខណ្ឌច្បារអំពៅនៅម៉ោងប្រហែល១០ព្រឹកមុនពេលចូលឆែកឆេរតាមតំបន់នេះដើម្បីរកកម្មករអន្តោប្រវេសន៍។ ដល់ម៉ោង២រសៀល បុរសចំនួន១០៩នាក់ត្រូវបានចាប់ឡើងរថយន្តរបស់នគរបាលអន្តោប្រវេសន៍ ហើយដឹកទៅកាន់កន្លែងឃុំឃាំងក្បែរអាកាសយានដ្ឋានអន្តរជាតិភ្នំពេញជាទីដែលមានការត្រួតពិនិត្យ និងវាយតម្លៃពីភាពស្របច្បាប់នៃវត្តមាន និងការងាររបស់ពួកគេនៅកម្ពុជា។
លោក អ៊ុក ហៃសិលា ប្រធានផ្នែកសើុបអង្កេតនៃអគ្គនាយកដ្ឋានអន្តោប្រវេសន៍បានមានប្រសាសន៍កាលពីម្សិលមិញថា "យើងបានរកឃើញថាមានមនុស្ស១១នាក់ដែលគ្មានឯកសារណាមួយសោះ ហើយពួកគេប្រឈមនឹងការនិរទេសខ្លួន"។
លោកបានមានប្រសាសន៍បន្តថា "ក្នុងចំណោមអ្នកដែលនៅសេសសល់ មានអ្នកខ្លះមានសៀវភៅស្នាក់នៅ អ្នកខ្លះបង្ហាញសំបុត្រកំណើត ឬសៀវភៅគ្រួសារ ហើយក្រុមផ្សេងទៀតមានអត្តសញ្ញាណប័ណ្ណខ្មែរ"។ លោកបានបន្ថែមថា នគរបាលជាតិនឹងសម្រេចវាសនារបស់អ្នកទាំង៩៨នាក់នេះ។
យោងតាមឧត្តមសេនីយ៍ទោ អ៊ុក ហៃសិលា បានឲ្យដឹងទៀតថា នាយកដ្ឋានរបស់លោកបាននិរទេសជនបរទេសចំនួន២.៤២៣នាក់ដែលរកឃើញថា រស់នៅក្នុងប្រទេសកម្ពុជាដោយខុសច្បាប់ក្នុងនោះមាន២.១២២នាក់ជាជនជាតិវៀតណាម ចាប់តាំងពីនាយកដ្ឋាននេះត្រូវបានបង្កើតកាលពីខែមេសា ឆ្នាំមុនមក។
ការឆ្មក់ចូលនេះទំនងជាធ្វើឡើងដោយកន្លែងតែប៉ុណ្ណោះ ហើយខណៈបុរសទាំង១០៩នាក់នេះត្រូវបានដឹកចេញពីតំបន់ស្តុកសម្ភារអេតចាយកាលពីម្សិលមិញ អ្វីដែលបានបន្សល់ទុកនោះគឺការបង្ហាញឲ្យឃើញពីភាពមិនស្របគ្នានៃការចុះបង្ក្រាបទូទាំងប្រទេស។
អ្នកស្រី សុខ លី អាយុ៣៩ឆ្នាំជាម្តាយដែលមានកូនប្រាំនាក់ និងដែលកើតនៅក្នុងខេត្តព្រៃវែងដោយមានឪពុកម្តាយជាជនជាតិវៀតណាមបាននិយាយថា "ពួកគេបានចាប់គ្រួសាររបស់ខ្ញុំប៉ុន្តែ មិនចាប់ខ្ញុំ ព្រោះខ្ញុំមានជំងឺ"។
អ្នកស្រី សុខ លី បានឲ្យដឹងថា នគរបាលបានចាប់ខ្លួនប្តី និងកូនប្រុសពេញវ័យចំនួនពីរនាក់របស់អ្នកស្រីដោយបន្សល់ទុកឲ្យអ្នកស្រីនៅតែម្នាក់ឯងជាមួយកូនតូចៗចំនួនបីនាក់ដែលមានអាយុចន្លោះចាប់ពី៤ឆ្នាំដល់១១ឆ្នាំ។
អ្នកស្រីបាននិយាយបន្ថែមថា "ប្តីរបស់ខ្ញុំ គាត់កើតក្នុងខេត្តកំពង់ចាម គាត់គឺជាខ្មែរ ប៉ុន្តែ យើងគ្មានឯកសារ ព្រោះយើងបានបាត់បង់អ្វីៗទាំងអស់ដោយសារអគ្គិភ័យប្រហែលប្រាំបីឆ្នាំកន្លងមកហើយ។ ខ្ញុំសង្ឃឹមថា គេនឹងនាំប្តី និងកូនរបស់ខ្ញុំមកវិញ។ ខ្ញុំមានជំងឺទឹកនោមផ្អែម ខ្ញុំត្រូវការពួកគាត់"។
បន្ទាប់ពីនគរបាលចាកចេញពីកន្លែងដែលធ្វើការឆ្មក់ចូល អ្នកដែលរួចផុតពីការចាប់ខ្លួនបាននាំគ្នាប្រមែប្រមូលរបស់របរនៅក្នុងគ្រួសាររបស់ខ្លួន ហើយជជែកគ្នាពីអ្វីដែលបានកើតឡើង។ ពួកគេបាននិយាយថា មន្ត្រីនគរបាលបានចាប់ខ្លួនជនអន្តោប្រវេសន៍ដែលទទួលបានការអនុញ្ញាតឲ្យធ្វើការនៅក្នុងប្រទេសកម្ពុជា និងចាប់ខ្លួនអ្នកដែលគ្រាន់តែឈាងចូលទិញសម្ភារផ្សេងៗនៅកន្លែងេនះអំឡុងការឆ្មក់ចូល ខណៈបណ្តោយឲ្យអ្នកផ្សេងៗទៀតដែលគ្មានសិទ្ធិស្របច្បាប់រស់នៅក្នុងប្រទេស។
កែវ ដាវ៉ាន់ អាយុ២៩ឆ្នាំបាននិយាយថា "យើងមកទីនេះដើម្បីទិញសម្ភារផ្សេងៗសម្រាប់ប្រើប្រាស់ ប៉ុន្តែ ឥឡូវនេះគេបានចាប់ខ្លួនប្តីរបស់ខ្ញុំបាត់ទៅហើយ"។
ណាង សុខលី អាយុ៣៥ឆ្នាំដែលបង្ហាញអត្តសញ្ញាណប័ណ្ណខ្មែរដល់នគរបាល និងអ្នកយកព័ត៌មាន បានលើកឡើងថា ខ្លួនកំពុងផឹកកាហ្វេនៅហាងតាមចិញ្ចើមផ្លូវជាមួយបងប្អូនថ្លៃស្រីពីរនាក់ផ្សេងទៀតដែលមកលេងនៅពេលមន្ត្រីនគរបាលអន្តោប្រវេសន៍បង្ហាញខ្លួន។
សុខលី បាននិយាយទាក់ទិនបងប្អូនថ្លៃស្រីរបស់ខ្លួនថា "ពួកគេមានឯកសារ ប៉ុន្តែ មិនបានយកមកជាមួយ ព្រោះពួកគេមិនរស់នៅ ឬធ្វើការនៅទីនេះឡើយ។ នគរបាលក៏បានចាប់ខ្លួនពួកគេដែរ"។ លោកបានបន្ថែមថា "ពួកគេចាប់ជនជាតិវៀតណាមស្ទើរតែទាំងអស់នៅទីនេះ។ វាគួរឲ្យរន្ធត់ និងភ័យខ្លាចខ្លាំងណាស់"។
កាលពីខែមេសា ក្រសួងមហាផ្ទៃបានចេញបញ្ជីតម្លៃសម្រាប់សេវាធ្វើអត្តសញ្ញាប័ណ្ណក្នុងគោលបំណងកាត់បន្ថយអំពើពុករលួយ។ យោងតាមក្រសួងេនះ ការអ្វើអត្តសញ្ញាណប័ណ្ណមួយត្រូវចំណាយប្រាក់១០.០០០រៀល។
ខ្មៅ ឌុប អាយុ៤២ឆ្នាំ ជាអ្នករើសអេតចាយដែលកើតក្នុងខេត្តតាកែវដោយមានឪពុកជាជនជាតិវៀតណាម និងម្តាយដែលជាជនជាតិខ្មែរបាននិយាយកាលពីម្សិលមិញថា អត្តសញ្ញាណប័ណ្ណរបស់គាត់បានជួយគាត់ឲ្យរួចផុតពីការចាប់ខ្លួនរបស់នគរបាល។
អ្នករើសអេតចាយរូបេនះបាននិយាយថា "មនុស្សគ្រប់គ្នាអាចទទួលបានអត្តសញ្ញាណប័ណ្ណ ដោយគ្រាន់តែទៅសាលាសង្កាត់ ហើយប្រសិនបើអាចនិយាយខ្មែរច្បាស់នោះគឺត្រូវចំណាយ៥០ដុល្លារ ប៉ុន្តែ បើនិយាយខ្មែរមិនច្បាស់ទេត្រូវអស់១០០ដុល្លារ។ សម្រាប់ខ្ញុំវិញអស់៥០ដុល្លារ"។
នៅពេលនគរបាលអន្តោប្រវេសន៍ឆ្មក់ចូលកោះពេជ្រកាលពីថ្ងៃអង្គារ ពួកគេបានផ្តោតគោលដៅសំខាន់ៗ ហើយបានឲ្យកម្មករសំណង់និយាយម្តងម្នាក់ៗដើម្បីចង់ដឹងថា តើពួកគេជាខ្មែរ ឬមិនមែន។ ដោយផ្តោតលើការស្តាប់សូរសៀងនេះ អ្នកខ្លះត្រូវបានដោះលែងវិញ អ្នកខ្លះត្រូវបានឃាត់ខ្លួនដើម្បីធ្វើការវាយតម្លៃបន្ថែមទៀត។
នៅក្នុងការសម្ភាសមួយកាលពីម្សិលមិញ មន្ត្រីអន្តោប្រវេសន៍ម្នាក់ដែលនិយាយក្នុងលក្ខខណ្ឌអនាមិក ព្រោះមិនត្រូវបានអនុញ្ញាតឲ្យនិយាយជាមួយប្រព័ន្ធផ្សព្វផ្សាយបានផ្តល់ព័ត៌មានបន្ថែមទាក់ទិននឹងរបៀបនៃការកំណត់ជនអន្តោប្រវេសន៍ខុសច្បាប់។
មន្ត្រីអន្តោប្រវេសន៍រូបនេះបាននិយាយដោយសំដៅទៅលើ អ្នកដែលកើតនៅក្នុងតំបន់ដែលជាផ្នែកនៃដីសន្តទន្លេមេគង្គដែលបច្ចុប្បន្នស្ថិតនៅវៀតណាមខាងត្បូង ប៉ុន្តែកាលពីមុនជាផ្នែកនៃទឹកដីរបស់អាណាចក្រខ្មែរនោះថា "ខ្មែរក្រោម គេអនុញ្ញាតឲ្យរួចខ្លួន"។
មន្ត្រីរូបនេះបាននិយាយទៀតថា "ទោះបីជាពួកគេមានតែអត្តសញ្ញាណប័ណ្ណវៀតណាមក៏ដោយ តែយើងអាចមើលស្គាល់តាមរយៈរាងរៅមុខមាត់ និងសម្តីសម្តៅរបស់ពួកគេដែលជាខ្មែរ។ វាគ្មានបញ្ហាទេ"។
ខណៈអ្នកស្រី សុខ លី ដែលជាម្តាយកំពុងមានជំងឺមួយរូបកំពុងរង់ចាំនៅឯផ្ទះកាលពីយប់មិញ ដោយសង្ឃឹមថា ប្តីរបស់ខ្លួននឹងប្រឡប់ពីកន្លែងឃុំខ្លួនមកវិញនោះ ឧត្តមសេនីយ៍ទោ អ៊ុក ហៃសិលា បានធានាចំពោះអ្នកយកព័ត៌មានថា គេនឹងមិនបណ្តោយឲ្យអ្នកស្រីរស់នៅតែម្នាក់ឯងដោយគ្មានទីពឹងឡើយ ប្រសិនបើប្តីគាត់ត្រូវបាននិរទេសខ្លួននោះ។
លោកបានមានប្រសាសន៍ថា "យើងនឹងមិនធ្វើដូច្នោះទេ។ ប្រសិនបើយើងនិរទេសប្តីរបស់គាត់ យើងក៏នឹងត្រូវទៅទទួលយកគាត់ ហើយនិរទេសពួកគាត់ទាំងគ្រួសារតែម្តង"៕ស៊ុយឈាង
នគរបាលរឹបអូសបានថ្នាំញៀនប្រភេទមេតំហ្វេតាមីនក្នុងចំនួនច្រើនបំផុតមិនដែលធ្លាប់មាន
មន្ត្រីមួយរូបបានឲ្យដឹងកាលពីថ្ងៃសៅរ៍ថា នគរបាលរាជធានីភ្នំពេញរឹបអូសបានថ្នាំញៀនមេតំហ្វេមីនក្នុងចំនួនច្រើនបំផុតមិនដែលធ្លាប់មាននៅកម្ពុជាកាលពីចុងសប្ដាហ៍មុន បន្ទាប់ពីការចាប់ខ្លួនសមាជិកបីនាក់នៅក្នុងក្រុមជួញដូរគ្រឿងញៀន ដែលត្រូវបានរកឃើញថ្នាំញៀនជិត៥៥គីឡូក្រាមមានតម្លៃប្រហែល៣លានដុល្លារនៅជាប់ជាមួយ។
នៅក្នុងសន្និសីទកាសែតនៅឯអគ្គស្នងការដ្ឋាននគរបាលជាតិ លោក ម៉ក់ ជីតូ អគ្គស្នងការរងនគរបាលជាតិបានឲ្យដឹងថា មន្ត្រីនគរបាលបានធ្វើការចាប់ខ្លួនបន្ទាប់ពីមានការជូនដំណឹងពីអ្នកយកការណ៍ដែលធ្វើការស៊ើបអង្កេតអស់រយៈពេល៣ខែនៅក្នុងរាជធានីភ្នំពេញ និងខេត្តស្ទឹងត្រែង។
លោកបានមានប្រសាសន៍ថា "យើងបានបើកប្រតិបត្តិការស៊ើបអង្កេតក្រុមជួញដូរគ្រឿងញៀនទ្រង់ទ្រាយធំទាំងនៅក្នុងប្រទេស និងក្រៅប្រទេស។ យើងបានចាប់ខ្លួនមនុស្សបីនាក់នៅគោលដៅចំនួនប្រាំ ហើយយើងរឹបអូសបានថ្នាំញៀន និងឧបករណ៍ផ្សេងៗ"។
ឧត្ដមសេនីយ៍ឯក ម៉ក់ ជីតូ បានលើកឡើងថា កាលពីថ្ងៃព្រហស្បតិ៍ និងថ្ងៃសុក្រ នគរបាលនៅក្នុងរាជធានីភ្នំពេញបានចាប់ខ្លួនស្ត្រីជនជាតិខ្មែរម្នាក់ឈ្មោះ ផល រ៉ានី អាយុ២២ឆ្នាំ...
ក្រោយធ្វើមាតុភូមិនិវត្ត លោក សម រង្ស៊ី បញ្ជាក់ថា លោកនឹងទៅស្បថជាមួយលោក ហ៊ុន សែន
កាលពីម្សិលមិញ លោក សម រង្ស៊ី ប្រធានគណបក្សប្រឆាំងបានធ្វើមាតុភូមិនិវត្តពីដំណើរទស្សនកិច្ចយ៉ាងយូរនៅបរទេស ដោយមានប្រសាសន៍ថា លោកព្រមទទួលយកការបបួលរបស់លោកនាយករដ្ឋមន្ត្រី ហ៊ុន សែន ស្បថដាក់ជីវិតថា ការបោះឆ្នោតជ្រើសតាំងតំណាងរាស្ត្រនាខែកក្កដា ឆ្នាំ២០១៣ ពិតជាត្រូវគណបក្សប្រជាជនកម្ពុជា "លួចបន្លំ" ប្រាកដមែន។ លោកបានបញ្ជាក់បន្ថែមថា ការរាប់សន្លឹកឆ្នោតជាប្រព័ន្ធឡើងវិញមានប្រយោជន៍ជាងការស្បថ។
នៅក្នុងសុន្ទរកថាមួយកាលពីថ្ងៃច័ន្ទ លោក ហ៊ុន សែន បានបបួលលោក សម រង្ស៊ី ស្បថជាមួយលោកនៅព្រះអង្គដងកើ...
សាជីវកម្មមឹក
តាមឆ្នេរសមុទ្រនៃក្រុងព្រះសីហនុ អ្នកនេសាទជនជាតិវៀតណាមដែលជិះទូកកញ្ជើ គឺជាផ្នែកនៃរបរនេសាទមឹកដែលមានផលកម្រៃច្រើនពាក់ព័ន្ធនឹងមន្ត្រីជាន់ខ្ពស់បំផុតនៃកងទ័ពជើងទឹកកម្ពុជា
កម្មករ១៧នាក់និងអ្នកបើកបរម្នាក់ស្លាប់ក្នុងគ្រោះថ្នាក់រថយន្តបុកគ្នា
ស្រុកស្វាយទាប, ខេត្តស្វាយរៀង-មន្ត្រីបាននិយាយថា កម្មករកាត់ដេរចំនួន១៨នាក់បានបាត់បង់ជីវិតកាលពីព្រឹកម្សិលមិញ នៅពេលរថយន្តក្រុងមួយគ្រឿងបើកបុករថយន្តតួរីស១៥កៅអីមួយគ្រឿងទៀតដែលដឹកអ្នកស្លាប់ទាំង១៨នាក់ និងកម្មករ២១នាក់ទៀតទៅធ្វើការនៅក្នុងក្រុងបាវិត។
លោក ឌុច កាញ៉ារ័ត្ន នគរបាលស្រុកស្វាយទាប ដែលមានវត្តមាននៅកន្លែងកើតហេតុបានមានប្រសាសន៍ថា គ្រោះថ្នាក់នេះបានកើតឡើងនៅម៉ោងប្រហែល៧ព្រឹក ហើយកម្មករ១៥នាក់បានស្លាប់នៅកន្លែងកើតហេតុតាមបណ្ដោយផ្លូវជាតិលេខ១។ កម្មករបីនាក់ទៀតបានស្លាប់តាមក្រោយដោយសាររបួសធ្ងន់ធ្ងរពេកនៅក្នុងថ្ងៃដដែល ចំណែកឯកម្មករ២១នាក់ទៀតបានរងរបួស។
លោកបានមានប្រសាសន៍ទៀតថា "រថយន្តក្រុងជាអ្នកខុស ពីព្រោះវាព្យាយាមបើកជែងរថយន្តកាមរី ហើយក៏ជ្រុលទៅបុករថយន្តតួរីសតែម្ដង។ អ្នកបើកបររថយន្តក្រុងត្រូវបានចាប់ខ្លួនហើយ។ ពេលនេះគាត់កំពុងជាប់ឃុំនៅអធិការដ្ឋាននគរបាលស្រុក"។
យោងតាមលោក កឹង ឃន ស្នងខេត្តស្វាយរៀងបានឲ្យដឹងថា ក្រោយមកអ្នកបើកបររថយន្តក្រុងរូបនោះត្រូវបានឃុំខ្លួនដោយនគរបាលខេត្ត។
នៅថ្ងៃកើតហេតុ អ្នកបើកបររថយន្តតួរីសដែលបានស្លាប់នៅនឹងកន្លែងកើតហេតុ ដឹកអ្នកដំណើររបស់ខ្លួនទៅកាន់តំបន់សេដ្ឋកិច្ចពិសេសតៃសេង...
ការស៊ើបអង្កេតលើប្រធានតុលាការដែលធ្លាក់ពីតំណែងត្រូវជាប់គាំង
ការស៊ើបអង្កេតរឿងចោទប្រកាន់ពុករលួយលើប្រធានតុលាការក្រុងភ្នំពេញ ដែលត្រូវគេដកចេញពីតំណែងគឺ លោក អាំង មាលតី បានជាប់គាំង ដោយធ្វើឲ្យមានការចាប់អារម្មណ៍លើទំនាក់ទំនងរបស់គាត់ជាមួយលោក ឱម យ៉ិនទៀង ប្រធានអង្គភាពប្រឆាំងពុករលួយ ដែលកំពុងដឹកនាំការស៊ើបអង្កេតនេះ។
លោក មាលតី ត្រូវបានដកចេញពីមុខតំណែងកាលពីថ្ងៃទី១៧ខែកុម្ភៈ តែប៉ុន្មានម៉ោងប៉ុណ្ណោះ បន្ទាប់ពីលោកនាយករដ្ឋមន្ត្រី ហ៊ុន សែន បានលើកឡើងក្នុងការថ្លែងជាសាធារណៈថា សំណូកច្រើនលានដុល្លារប្រហែលបានបញ្ចុះបញ្ចូលតុលាការដោះលែងឲ្យនៅក្រៅឃុំនូវប្តីប្រពន្ធមួយគូដែលជាប់ពន្ធនាគារទាក់ទិននឹងករណីឃាតកម្មដ៏លេចធ្លោមួយ។
បន្ទាប់ពីក្រសួងយុត្តិធម៌បានបញ្ចប់ការស៊ើបអង្កេតរបស់ខ្លួនលើលោក មាលតី នៅថ្ងៃទី៧ខែមេសារួចមក លោក ឱម យ៉ិនទៀង...