TAG
features3
ភាគីដើមបណ្ដឹងរដ្ឋប្បវេណីីរៀបរាប់ពីហេតុការណ៍ដ៏រន្ធត់នៃការសម្លាប់ក្រុមជនជាតិចាម
ភាគីដើមបណ្ដឹងរដ្ឋប្បវេណីម្នាក់នៅសាលាក្ដីខ្មែរក្រហម បានរៀបរាប់ប្រាប់សាលាក្ដីកាលពីម្សិលមិញថា គាត់បានស្តាប់ឮសមាជិកគ្រួសាររបស់គាត់ស្រែកយំដង្ហោយហៅព្រះអាឡោះមុនពេលកម្មាភិបាលខ្មែរក្រហមសម្លាប់ពួកគេចោល ខណៈគាត់ និងប្រពន្ធរបស់គាត់ពួនក្នុងគុម្ពោតព្រៃក្បែរនោះ។
លោក ហុឹម ម៉ាន់ អាយុ៦៦ឆ្នាំ ជាអ្នកភូមិជនជាតិចាមមកពីស្រុកកងមាស ខេត្តកំពង់ចាម បានឡើងក្រចកសេះដើម្បីផ្តល់សក្ខីកម្ម បន្ទាប់ពីសាក្សីពីរនាក់បានរៀបរាប់មុននេះក្នុងសប្ដាហ៍នេះអំពីការចាប់ខ្លួន និងការសម្លាប់ជនជាតិចាមរាប់រយនាក់យ៉ាងរង្គាលនៅក្នុងឃុំពាមជីកង ស្រុកកងមាស ក្នុងឆ្នាំ១៩៧៧ ជាហេតុការណ៍មួយដែលមានតែមនុស្សពីរនាក់ប៉ុណ្ណោះគេចផុតពីស្លាប់។
អំឡុងពេលផ្តល់សក្ខីកម្មកាលពីម្សិលមិញ លោក ហុឹម ម៉ាន់ និយាយថា អ្នកដែលនៅរស់រានទាំងពីរនាក់នោះ គឺរូបគាត់ និងប្រពន្ធរបស់គាត់។ គាត់និយាយទៀតថា "ខ្ញុំផ្ទាល់បានស្ថិតក្នុងចំណោមជនជាតិចាម ដែលត្រូវបានប្រមូលចាប់នាំទៅកាន់រណ្ដៅក្នុងវត្តអូរត្រកួន។...
សាលាក្តីខ្មែរក្រហមប្រាប់មេធាវី នួន ជា “ឱ្យកែតម្រូវឥរិយាបថរបស់ខ្លួន”
លោក វីកទ័រ កូប៉េ មេធាវីកាពារ នួន ជាបានមានប្រសាសន៍កាលពីម្សិលមិញថា លោក នឹងមិនសូមទោសឡើយចំពោះការរិះគន់ចៅក្រមនៅសាលាក្តីខ្មែរក្រហមកាលពី សប្តាហ៍ មុន បន្ទាប់ពីអង្គជំនុំជម្រះសាលាក្តីគំរាមចាត់វិធានការមកលើមេធាវីរូបនេះ ប្រសិនបើលោកមិនព្រម "កែតម្រូវឥរិយាបថ របស់ខ្លួន" ទេនោះ។
ក្រុមមេធាវីការពារ នួន ជា និង ខៀវ សំផន ដែលសុទ្ធតែកំពុងទទួលការជំនុំជម្រះពីបទឧក្រិដ្ឋ រួមទាំងប្រល័យពូជសាសន៍នៅក្នុងដំណាក់កាលទី២នៃសំណុំរឿង០០២ បានដើរចេញពីសាលសវនាការកាលពីថ្ងៃពុធសប្តាហ៍មុន អំឡុងពេលមានជម្លោះជុំវិញការប្រើប្រាស់របាយការណ៍សម្ភាសន៍ជាលាយលក្ខណ៍អក្សរ ដោយបានគ្រោងទុករបស់អយ្យការរូបនេះនៅក្នុងសវនាការលើសំណុំឯកសារ។
អំឡុងការពិភាក្សាដេញដោលដ៏ក្តៅគគុកកាលពីសប្តាហ៍មុន លោក កូប៉េ បានចាត់ទុកសវនាការនោះថា "គួរឲ្យអស់សំណើច" ហើយ បានលើកឡើងថា ចៅក្រម ហ្សង់ម៉ាក ឡាវែញ ...
តុលាការផ្ដន្ទាទោសបុរស៥នាក់ឲ្យជាប់ពន្ធនាគារក្នុងម្នាក់ៗ៧ឆ្នាំពីបទលួចព្រះសារីរិកធាតុ
កាលពីម្សិលមិញ សាលាដំបូងខេត្តកណ្ដាលបានផ្ដន្ទាទោសសន្តិសុខបួននាក់ និងកសិករម្នាក់ឲ្យជាប់ពន្ធនាគារក្នុងម្នាក់ៗ៧ឆ្នាំពីបទលួចព្រះសារីរិកធាតុចេញពីព្រះសក្យមុនីចេតិយលើកំពូលភ្នំឧដុង្គកាលពីឆ្នាំ២០១៣ ទោះបីជាបុរសជាកសិករទទូចអះអាងថា ខ្លួនជាអ្នកលួចតែម្នាក់ឯងក្ដី។
បុរសទី៦ម្នាក់ទៀតដែលជាអ្នករត់ម៉ូតូឌុប ត្រូវបានតុលាការសម្រេចលើកលែងការចោទប្រកាន់ ហើយបានដើរចេញមកវិញដោយមានសេរីភាពកាលពីម្សិលមិញ បន្ទាប់ពីបុរសរូបនោះ និងសន្តិសុខទាំងនេះបានជាប់ពន្ធនាគារអស់រយៈពេលជិត២ឆ្នាំ។
ចៅក្រមជំនុំជម្រះ សាយ សម្ផស្សសេរី បានប្រកាសក្នុងតុលាការកាលពីម្សិលមិញថា "ឈ្មោះ ចោម ថៃ សៀង សារិន ផា សុខខែម កា សាត និង កែវ រស្មី ត្រូវបានផ្ដន្ទាទោសឲ្យជាប់ពន្ធនាគារម្នាក់ៗ៧ឆ្នាំ ពីបទលួចព្រះសារីរិកធាតុចេញពីព្រះសក្យមុនីចេតិយ"។
លោកបានលើកឡើងបន្ថែមថា បុរសទាំងនេះក៏ត្រូវបានពិន័យជាប្រាក់៨លានរៀលផងដែរ។ "ប្រសិនបើចុងចោទទាំងអស់មិនសុខចិត្តនឹងសាលក្រមនេះ ពួកគេមានពេល១ខែដើម្បីប្ដឹងឧទ្ធរណ៍ដោយគិតចាប់ពីថ្ងៃនេះទៅ"។
សន្តិសុខទាំងនេះដែលមានឈ្មោះ ចោម ថៃ...
សិស្សម្នាក់ត្រូវបានចាប់ខ្លួន ១៩នាក់សន្លប់នៅថ្ងៃទី១នៃការប្រឡងបាក់ឌុប
ក្រុមមន្ត្រីបានឲ្យដឹងថា សិស្សថ្នាក់ទី១១ម្នាក់អាចប្រឈមនឹងការជាប់ពន្ធនាគារបន្ទាប់ ពីសិស្សម្នាក់នេះត្រូវបានចាប់ខ្លួនក្នុងរាជធានីភ្នំពេញកាលពីម្សិលមិញ ពីបទបន្លំចូលប្រឡង ជំនួសឲ្យបងប្រុសរបស់ខ្លួន នៅក្នុងការប្រឡងបាក់ឌុប។
យោងតាមលោក លី គឹមឡេង មេបញ្ជាការរងនៃកងរាជអាវុធហត្ថខណ្ឌបានឲ្យដឹងថា សិស្ស ឈ្មោះ ផន តុលា បានធ្វើដំណើរមកពីខេត្តព្រៃវែងដើម្បីបន្លំចូលប្រឡងជំនួសបងប្រុសរបស់ខ្លួនឈ្មោះ ខឹម វីរៈបុត្រ នៅវិទ្យាល័យវត្តកោះក្នុងខណ្ឌដូនពេញ ហើយសិស្សរូបនេះបានក្លាយជាជនរងគ្រោះដំបូងនៅក្នុងឆ្នាំនេះសម្រាប់ការអនុវត្តច្បាប់ដ៏តឹងរ៉ឹងដែលដាក់ចេញកាលពីឆ្នាំ២០១៤ ដើម្បីលុប បំបាត់ការប្រឡងដែលពោរពេញដោយការលួចចម្លង និងអំពើពុករលួយ។
លោកបានមានប្រសាសន៍ថា "នៅក្នុងកំណត់ហេតុពិសេសមួយ បាននិយាយថា...
អ្នកនាំពាក្យរដ្ឋាភិបាល៖ សមាជិកព្រឹទ្ធសភាចង់បាន ‘បដិវត្តន៍ពណ៌’
លោក ផៃ សីុផាន អ្នកនាំពាក្យទីស្តីការគណៈរដ្ឋមន្ត្រី បានធ្វើសន្និសីទកាសែតមួយកាលពីម្សិលមិញ ដើម្បីការពារការចាប់ខ្លួននិងការដាក់ពន្ធនាគារលោក ហុង សុខហួរសមាជិកព្រឹទ្ធសភាគណបក្សប្រឆាំង ដោយចោទសមាជិកព្រឹទ្ធសភាអាយុ៥៩ឆ្នាំរូបនេះ ពីបទបង្ហាញសន្ធិសញ្ញាការទូតក្លែងក្លាយតាមហ្វេសប៊ុក ក្នុងការប្រឹងប្រែងដើម្បីបង្កឲ្យមាន "បដិវត្តន៍ពណ៌"។
លោក ហុង សុខហួរ ត្រូវបានគេចោទប្រកាន់ និងដាក់ពន្ធនាគារពីបទក្លែងឯកសារ និងញុះញង់កាលពីថ្ងៃអាទិត្យ បន្ទាប់ពីលោកនាយករដ្ឋមន្ត្រី ហ៊ុន សែន បានបញ្ជាជាសាធា រណៈឲ្យចាប់រូបលោក ទាក់ទិននឹងវីដេអូឃ្លីបមួយដែលបង្ហោះតាមហ្វេសប៊ុក ដែលក្នុងនោះលោកបានពិភាក្សាអំពីសន្ធិសញ្ញាឆ្នាំ១៩៧៩ក្លែងក្លាយ ដែលសន្យាថា នឹងរម្លាយព្រំដែនជាមួយប្រទេសវៀតណាម។
លោក ផៃ ស៊ីផាន បានមានប្រសាសន៍នៅសន្និសីទកាសែតឯទីស្តីការគណៈរដ្ឋមន្ត្រីក្នុងរាជធានីភ្នំពេញថា "ការបង្កើតឯកសារជាតិក្លែងក្លាយដែលរម្លាយបន្ទាត់ព្រំដែនដើម្បីប្រែក្លាយប្រទេសទាំងពីរទៅជាប្រទេសមួយរឿងនេះនៅប្រទេសកម្ពុជាគឺជាអំពើក្បត់ជាតិ ពីព្រោះនេះគឺជាបញ្ហាសន្តិសុខជាតិ"។
លោកមានប្រសាសន៍បន្តថា "ការញុះញង់បង្កើតឯកសារសាធារណៈ និងបង្កើតភាសាច្បាស់ដែលថា ភាគីកម្ពុជា និងវៀតណាមស្ម័គ្រចិត្ត សុខចិត្តរម្លាយព្រំដែន។ គ្រោះថ្នាក់មានពីរ ទី១ ប្រជាជនខឹងណាស់ បះបោរ។ បន្ទាប់មកគេនឹងធ្វើបាតុកម្ម ធ្វើចលនាមហាជនពេញថ្នល់ បង្កើតបដិវត្តន៍ពណ៌ទៀត"។
លោក ផៃ ស៊ីផាន បាននិយាយថា គណបក្សសង្គ្រោះជាតិមានប្រវត្តិព្យាយាមផ្តួលរំលំរដ្ឋាភិបាល ហើយថាសន្ធិសញ្ញាក្លែងក្លាយ និងយុទ្ធនាការនាពេលថ្មីៗប្រឆាំងការរំលោភព្រំដែនដោយវៀតណាម គឺជាការបន្តបាតុកម្មក្រោយការបោះឆ្នោតរបស់គណបក្សនេះដែលត្រូវបានបង្ក្រាបយ៉ាងហិង្សានៅខែមករាឆ្នាំ២០១៤។
លោកបានមានប្រសាសន៍ថា "ពួកគេបានព្យាយាមបង្កើតបដិវត្តន៍ពណ៌ប្រឆាំងសន្តិសុខជាតិរបស់យើង ពួកគេបានទៅកាន់កាប់ទីលានប្រជាធិបតេយ្យដើម្បីធ្វើកុបកម្ម។ នេះជាយុទ្ធនាការវិទ្ធង្សនា ដូច្នេះហើយយើងបានបញ្ចប់ការងារហ្នឹងមួយហើយ ឥឡូវនេះពួកគេបន្តប្រើបញ្ហាព្រំដែនប្រឆាំងរដ្ឋាភិបាលបន្តទៀត។
លោក ផៃ ស៊ីផាន ក៏បានច្រានចោលការអះអាងរបស់លោក សម រង្ស៊ី មេដឹកនាំគណបក្សប្រឆាំងកាលពីថ្ងៃច័ន្ទ ដែលថាព្រំដែនវៀតណាមជាបញ្ហា "រសើបមួយ" ចំពោះរដ្ឋាភិបាលផងដែរ។
លោកបានបន្ថែមថា "នេះមិនមែនជាបញ្ហារសើបទេ ប៉ុន្តែ យើងកំពុងខិតខំធ្វើការដើម្បីបង្ហាញភាពពិតដល់ប្រជាជនរបស់យើង ថាអ្នកដែលចោទយើងគឺជាអ្នកកុហក ហើយថា ពួកគេមិនបានទទួលខុសត្រូវ ហើយរត់ចោលស្រុក"។
លោក សម រង្ស៊ី ដែលបាននិរទេសខ្លួនទៅរស់នៅប្រទេសបារាំងអស់រយៈពេល៤ឆ្នាំមុនការបោះឆ្នោតឆ្នាំ២០១៣ បានចាកចេញពីប្រទេសកម្ពុជាកាលពីថ្ងៃអង្គារ ទៅចូលរួមជាមួយលោក កឹម សុខា អនុប្រធានគណបក្សរបស់លោក ក្នុងដំណើរទស្សនកិច្ចដើម្បីជួបអ្នកគាំទ្រនៅប្រទេសអូស្ត្រាលី ពោលគឺបីថ្ងៃបន្ទាប់ពីត្រឡប់មកពីដំណើរទស្សនកិច្ចនៅអឺរ៉ុប និងអាមេរិក។
លោក យឹម សុវណ្ណ អ្នកនាំាពាក្យគណបក្សសង្គ្រោះជាតិ បានច្រានចោលការអះអាងរបស់លោក ផៃ ស៊ីផាន ដែលថា លោក ហុង សុខហួរ សង្ឃឹមថា នឹងបង្កឲ្យមាន "បដិវត្តន៍ពណ៌" ហើយបាននិយាយថា គណបក្សកាន់អំណាច និងគណបក្សប្រឆាំងគួរធ្វើការរួមគ្នាដើម្បីដោះស្រាយបញ្ហាព្រំដែន។
លោកបានថ្លែងថា "អ្វីដែលយើងបានធ្វើរហូតមកដល់ពេលនេះគឺក្នុងក្របខណ្ឌលទ្ធិប្រជាធិបតេយ្យ។ យើងប្រកាន់ខ្ជាប់តាមគោលការណ៍ប្រជាធិបតេយ្យ"។
លោក យឹម សុវណ្ណ បានបន្ថែមថា "យើងមិនគួរវាយប្រហារគ្នាឯង។ បញ្ហាព្រំដែន គឺសំខាន់ណាស់វាជាបញ្ហាស្លាប់រស់សម្រាប់ជាតិ"៕ និត (រាយការណ៍បន្ថែមដោយ Alex Willemyns)
តុលាការផ្តន្តាទោសដាក់ពន្ធនាគារសកម្មជនប្រឆាំងការបូមខ្សាច់
យោងតាមអង្គការសិទ្ធិមនុស្សលីកាដូបានឲ្យដឹងថា កាលពីម្សិលមិញ សាលាដំបូងខេត្តកោះកុងបានផ្តន្ទាទោសដាក់ពន្ធនាគារសកម្មជនបីនាក់របស់អង្គការមាតាធម្មជាតិ ជាអង្គការមិនមែនរដ្ឋាភិបាលការពារបរិស្ថាន បន្ទាប់ពីព្រះរាជអាជ្ញាបានចោទប្រកាន់ពួកគាត់ពីបទគំរាមកំហែងបង្កការខូចខាតអំឡុងការបន្តយុទ្ធនាការរបស់ខ្លួនប្រឆាំងក្រុមហ៊ុនមួយ ដែលពួកគាត់ចោទថា បានបូមខ្សាច់ខុសច្បាប់នៅព្រែកមួយក្នុងមូលដ្ឋាន។
លោក អុិន គង់ចិត្រ អ្នកសម្របសម្រួលអង្គការសិទ្ធិមនុស្សលីកាដូប្រចាំខេត្តនេះមានប្រសាសន៍ថា ព្រះរាជអាជ្ញា ប៊ូ ប៊ុនហាំង បានចោទប្រកាន់លោក ស៊ឹម សំណាង អាយុ២៩ឆ្នាំ ទ្រី សុវិជ្ជា អាយុ២៦ឆ្នាំ និង ស៊ុន ម៉ាឡា អាយុ២៤ឆ្នាំ...
លោក កឹម សុខា និង លោក ស ខេង ជួបគ្នានៅសភាដើម្បីពិភាក្សាបញ្ហានយោបាយ
លោក ស ខេង រដ្ឋមន្ត្រីក្រសួងមហាផ្ទៃ និងលោក កឹម សុខា អនុប្រធានគណបក្សប្រឆាំង បានជួបគ្នានៅរដ្ឋសភាកាលពីម្សិលមិញ ដើម្បីពិភាក្សាអំពីបញ្ហាដាក់ពន្ធនាគារសកម្មជនគណបក្សសង្គ្រោះជាតិចំនួន១៤រូបកាលពីពេលថ្មីៗនេះពាក់ព័ន្ធ "កុបកម្ម" នៅទីលានប្រជាធិបតេយ្យ មួយសប្ដាហ៍មុនពេលមានកិច្ចព្រមព្រៀងនយោបាយថ្ងៃ២២ កក្កដា កាលពីឆ្នាំមុន។
នៅក្នុងសេចក្ដីសម្រេចភ្លាមៗកាលពីខែមុន សកម្មជនគណបក្សសង្គ្រោះជាតិចំនួន១១រូបត្រូវបានតុលាការសម្រេចឲ្យជាប់ពិរុទ្ធភាពពីបទកុបកម្មពាក់ព័ន្ធការតវ៉ាកាលពីថ្ងៃទី១៥ ខែកក្កដា ដើម្បីបើកទីលានប្រជាធិបតេយ្យឡើងវិញបណ្តាលឲ្យផ្ទុះអំពើហិង្សា ហើយសកម្មជនគណបក្សសង្គ្រោះជាតិបីរូបទៀតត្រូវបានចាប់ខ្លួននៅខែនេះ បន្ទាប់ពីមានការអំពាវនាវពីសំណាក់លោកនាយករដ្ឋមន្ត្រី ហ៊ុន សែន។
លោក សម រង្ស៊ី ប្រធានគណបក្សប្រឆាំង បានស្ថិតនៅអឺរ៉ុប និងសហរដ្ឋអាមេរិក ចាប់តាំងពីថ្ងៃដែលសកម្មជនទាំង១១រូបត្រូវបានតុលាការសម្រេចផ្ដន្ទាទោសកាលពីថ្ងៃទី២១...
នគរបាលកម្ពុជាស្នើឲ្យវៀតណាម កំណត់អត្តសញ្ញាណទូកនេសាទពាក់ព័ន្ធហេតុការណ៍ប៉ះទង្គិចគ្្នា
សង្កាត់ត្រើយកោះ, ក្រុងកំពត-នគរបាលនិយាយថា ខ្លួនបានស្នើឲ្យវៀតណាម ជួយកំណត់អត្តសញ្ញាណទូកចៃរ៉ាវៀតណាម ដែលជាប់ពាក់ព័ន្ធក្នុងហេតុការណ៍ប៉ះទង្គិចគ្នាជាមួយអ្នកនេសាទខ្មែរ បណ្ដាលឲ្យមនុស្សស្លាប់កាលពីសប្ដាហ៍មុន ដោយផ្លាស់ប្ដូរជំហររបស់ខ្លួនដែលបានលើកឡើងថា ការស្លាប់បុរសម្នាក់នៅក្នុងមូលដ្ឋាន គឺជាឧបទ្ទវហេតុ។
កាលពីថ្ងៃទី២៨ ខែកក្កដា លោក ម៉ៅ ច័ន្ទមធុរិទ្ធ ស្នងការរងខេត្តកំពត មានប្រសាសន៍ថា បុរសឈ្មោះ អៃ យ៉ូប អាយុ៤២ឆ្នាំ បានបាត់បង់ជីវិតដោយសារកម្លាំងបុកផ្ទុបនឹងផ្ទៃទឹក បន្ទាប់ពីទូកពីរគ្រឿងបុកគ្នាធ្វើឲ្យគាត់ប៉ើងធ្លាក់ចូលទឹកកាលពីយប់មុននោះ (យប់ថ្ងៃទី២៧) បណ្ដាលឲ្យអ្នកនេសាទក្នុងមូលដ្ឋានចោទប្រកាន់ថាមានការបិទបាំងការពិត។
ទោះជាយ៉ាងណា កាលពីម្សិលមិញ លោក ម៉ៅ ច័ន្ទមធុរិទ្ធ...
ទីបំផុត នគរបាលអាំងទែប៉ូលចេញនិវេទន៍ក្រហមតាមចាប់ខ្លួនលោក ឈូក បណ្ឌិត ហើយ
យោងតាមលោក គៀត ច័ន្ទថារិទ្ធ អ្នកនាំពាក្យនគរបាលជាតិបានឲ្យដឹងថា នៅទីបំផុតដីកាចាប់ខ្លួនជាអន្តរជាតិត្រូវបានចេញហើយសម្រាប់តាមប្រមាញ់លោក ឈូក បណ្ឌិត អតីតអភិបាលក្រុងបាវិត ក្នុងខេត្តស្វាយរៀង ដែលបានលាក់ខ្លួនមុនពេលតុលាការសម្រេចឲ្យជាប់ពិរុទ្ធភាពពីបទបាញ់ប្រហារកម្មការិនីបីនាក់កាលពី៣ឆ្នាំមុន។
នៅក្នុងវីដេអូឃ្លីបមួយចេញផ្សាយបន្ទាប់ពីជនរងគ្រោះទាំងបីនាក់បានធ្វើការតវ៉ាទាមទាររកយុត្តិធម៌ដូចករណីកញ្ញា ឯក សុជាតា ហៅ សាសា អតីតពិធីការិនីទូរទស្សន៍ដែលជនល្មើសត្រូវបានចាប់ខ្លួនយ៉ាងឆាប់រហ័សបន្ទាប់ពីវាយដំនាងកាលពីដើមខែនេះ ឧត្ដមសេនីយ៍ឯក គៀត ច័ន្ទថារិទ្ធ បានបដិសេធថា អាជ្ញាធរមិនធ្វេសប្រហែសក្នុងការតាមរកលោក ឈូក បណ្ឌិត នោះទេ។
នៅក្នុងវីដេអូដែលបង្ហោះលើគេហទំព័ររបស់នគរបាលជាតិកាលពីយប់ថ្ងៃអង្គារនេះ លោកបានគូសបញ្ជាក់ថា “តាមការពិតទៅក្រសួងមហាផ្ទៃ និងអគ្គស្នងការដ្ឋាននគរបាលជាតិ មិនមានការធ្វេសប្រហែសក្នុងការស្រាវជ្រាវដើម្បីស្វែងរកលោក ឈូក...
មនុស្ស៦នាក់ត្រូវបានចាប់ខ្លួន អំឡុងពេលតវ៉ាប្រឆាំងច្បាប់អង្គការ ប៉ុន្តែក្រោយមកត្រូវបានដោះលែងវិញ
កាលពីម្សិលមិញ អាជ្ញាធររាជធានីភ្នំពេញ បានចាប់ខ្លួនមនុស្សប្រាំមួយនាក់ដែលស្លៀកពាក់ឯកសណ្ឋានពន្ធនាគារ និងដាក់ច្រវាក់ជើងជាប់គ្នាដើម្បី តវ៉ានៅខាងក្រៅរដ្ឋសភាប្រឆាំងនឹងច្បាប់ដែលបានអនុម័តកាលពីពេលថ្មីៗ ដែលគំរាមកំហែងដើម្បីរារាំងអង្គការ មិនមែនរដ្ឋាភិបាលកុំឲ្យរិះគន់រដ្ឋាភិបាល ហើយក្រោយមកត្រូវបានដោះលែងវិញ។
ការឃាត់ខ្លួនមនុស្សទាំងប្រាំមួយនាក់នេះធ្វើឡើងបន្ទាប់ពីការចាប់ខ្លួនសកម្មជនប្រាំនាក់ទៀតកាលពីសប្តាហ៍មុនពីបទចែកខិត្តប័ណ្ណរិះគន់ច្បាប់នេះនៅតាមទីផ្សារក្នុងរាជធានីភ្នំពេញ ហើយត្រូវបានដោះលែងវិញ។
លោក ឡុង ឌីម៉ង់ អ្នកនាំពាក្យសាលារាជធានីបានមានប្រសាសន៍ថា សកម្មជនទាំងនេះត្រូវបានចាប់ខ្លួនកាលពីម្សិលមិញ ពីព្រោះពួកគេមិនបានសុំការអនុញ្ញាតដើម្បីធ្វើការតវ៉ានេះឡើយ។ (ច្បាប់រដ្ឋបាលរបស់ប្រទេសចែងថា អ្នកតវ៉ាត្រូវជូនដំណឹងដល់អាជ្ញាធរអំពីផែនការរបស់ខ្លួន)។
លោកបានមានប្រសាសន៍ថា "យើងមិនអាចអនុញ្ញាតឲ្យពួកគេបន្តទេ ពីព្រោះសកម្មភាពរបស់ពួកគេខុសច្បាប់។វាជារឿងគួរឲ្យអស់សំណើចដែលពួកគេស្លៀកពាក់ឯកសណ្ឋានពន្ធនាគារ និងដាក់ច្រវាក់ដូចជាអ្នកទោសនោះ ប៉ុន្តែ តើវាត្រឹមត្រូវទនៅេក្នុងការធ្វើដូច្នេះក្នុងទីសាធារណៈដោយគ្មានការអនុញ្ញាតនោះ?។ ដូច្នេះហើយ យើងត្រូវចាត់វិធានការដើម្បីរារាំងពួកគេ។សកម្មភាពរបស់ពួកគេធ្វើឲ្យប៉ះពាល់ទៅដល់មុខមាត់ប្រទេសកម្ពុជា"។
សកម្មប្រហែល១២នាក់បានជួបជុំគ្នានៅមុខរដ្ឋសភាដើម្បីធ្វើការតវ៉ារួមមានមនុស្សពីរបីនាក់មកពីយុវជនខ្មែរមហានគរ ជាក្រុមនិស្សិត។
លោក ហេង សំណាង ប្រធានក្រុមនេះបានមានប្រសាសន៍ថា ច្រវាក់ និងឯកសណ្ឋានពន្ធនាគារក្នុងបំណងសំដែងពីកង្វល់របស់ខ្លួនទាក់ទងច្បាប់នេះដែលតម្រូវឲ្យអង្គការមិនមែនរដ្ឋាភិបាលភាគច្រើនចុះបញ្ជីជាមួយរដ្ឋាភិបាល។ ក្រុមអ្នករិះគន់បារម្ភថា រដ្ឋាភិបាលនឹងប្រើប្រាស់បទប្បញ្ញត្តិមិនច្បាស់លាស់ទាមទារឲ្យមានអព្យាក្រឹតភាពនយោបាយ និងគោរពប្រពៃណីទំនៀមទម្លាប់ខ្មែរ ដើម្បីរារាំង ឬបិទអង្គការណាដែលរិះគន់គណបក្សប្រជាជនកម្ពុជា។
លោក សំណាង ដែលបានចូលរួមការតវ៉ាតែមិនត្រូវបានចាប់ខ្លួននោះបានមានប្រសាសន៍ថា "យើងចង់ផ្ញើសារដល់រដ្ឋាភិបាលថា នៅពេលគេអនុម័តច្បាប់ គេនឹងប្រើប្រាស់ច្បាប់នេះដើម្បីចាប់ខ្លួនយើង...