TAG
paywall
បុរសជនជាតិរុស្ស៊ីត្រូវបានដោះលែង បន្ទាប់ពីបើកបរទាំងស្រវឹងបង្ករបួសដល់ក្មេងប្រុសម្នាក់
ជនជាតិរុស្ស៊ីម្នាក់ដែលបានធ្វើឲ្យក្មេងប្រុសអាយុ១៤ឆ្នាំម្នាក់រងរបួសនៅក្នុងខេត្តព្រះសីហនុ បន្ទាប់ពីបើកបរម៉ូតូទាំងស្រវឹងជ្រុលទៅបុករទេះប្រមូលសំរាមរបស់ក្មេងប្រុសរងគ្រោះកាលពីថ្ងៃអង្គារ ត្រូវបានដោះលែងពីមន្ទីរឃុំឃាំងរបស់នគរបាលកាលពីថ្ងៃពុធ នេះបើយោងតាមមន្ត្រីបានលើកឡើងកាលពីថ្ងៃម្សិលមិញ។
យោងតាមលោក ព្រំ ពៅ នាយការិយាល័យនគរបាលចរាចរខេត្តព្រះសីហនុ បានឲ្យដឹងថា ខណៈពេលបុរសជនជាតិរុស្ស៊ីដែលមានឈ្មោះ អ៊ែនឌ្រូ ហ្វេរ៉ូវ (Andrew Ferov) អាយុ២៤ឆ្នាំ កំពុងបើកបរត្រឡប់ទៅកាន់ផ្ទះសំណាក់ដែលខ្លួនស្នាក់នៅក្នុងសង្កាត់លេខ៣ក្រុងព្រះសីហនុវិញ ក៏ស្រាប់តែរេចង្កូតជ្រុលទៅបុករទេះដឹកសំរាមតែម្ដង។
លោកបានមានប្រសាសន៍ថា "ជនសង្ស័យជនជាតិរុស្ស៊ីបានបុករទេះ ហើយរទេះក៏បានបុកត្រូវក្មេងប្រុសដែលកំពុងរើសដប។ ក្មេងប្រុសរូបនោះបានរងរបួសស្រាល"។ លោកបានមានប្រសាសន៍បន្ថែមទៀតថា ជនជាតិរុស្ស៊ីរូបនេះត្រូវបានដោះលែងវិញ បន្ទាប់ពីមេធាវីរបស់គាត់បានដាក់សំណើសុំដោះលែងទៅសាលាដំបូងខេត្តព្រះសីហនុ។
ព្រះរាជអាជ្ញារង រស់ សារ៉ាំ...
អ្នកទោសវាយដំសន្តិសុខនៅពន្ធនាគារខេត្តកំពង់ស្ពឺ
មន្ត្រីម្នាក់បានឲ្យដឹងកាលពីម្សិលមិញថា អ្នកទោសបួននាក់នៅពន្ធនាគារខេត្តកំពង់ស្ពឺ បានវាយដំសន្តិសុខម្នាក់កាលពីថ្ងៃពុធ ដោយដាល់មុខរបស់សន្តិសុខរូបនេះម្តងហើយម្តងទៀត។
លោក កាក់ សាវុន ប្រធានពន្ធនាគារខេត្តកំពង់ស្ពឺបានលើកឡើងថា អ្នកទោសទាំងបួននាក់នោះបានវាយដំសន្តិសុខម្នាក់ឈ្មោះ សាត សុភ័ក្រ អាយុ២៥ឆ្នាំ ខណៈសន្តិសុខរូបនេះបានឲ្យអ្នកទោសទាំងនេះចេញពីពន្ធនាគារមកហាត់ប្រាណ។
លោកបានមានប្រសាសន៍ថា "ក្រោយពេលសន្តិសុខបានបើកទ្វារភ្លាម អ្នកទោសទាំងនេះបានទៅព័ទ្ធគាត់ ហើយវាយដំគាត់ដួលទៅនឹងដី។ អ្នកទោសទាំងនេះបានអះអាងថា ពួកគេវាយដំគាត់ព្រោះគាត់កាច ហើយប្រើពាក្យសម្តីមិនសមរម្យលើពួកគេ"។
លោក សាវុន បានលើកឡើងបន្តថា លោក សុភ័ក្រ បានរងរបួសស្រាលដោយមានស្នាមជាំ និងដាច់រលាត់លើមុខ ហើយត្រូវបានព្យាបាលដោយបុគ្គលិកពេទ្យនៅក្នុងពន្ធនាគារ។ លោក សុភ័ក្រ ក៏បានដាក់ពាក្យប្តឹងទៅកាន់សាលាដំបូងខេត្តផងដែរកាលពីម្សិលមិញ។ អ្នកទោសទាំងនេះនឹងត្រូវដាក់ទោសទណ្ឌ ប៉ុន្តែ លោកបានបដិសេធមិនប្រាប់ឈ្មោះ ឬក៏ប្រាប់ថា ទោសទណ្ឌអ្វីដែលពួកគេត្រូវប្រឈមនោះឡើយ។
លោក ស្វាយ ចាន់ស៊ីថា អ្នកសិក្សាស្រាវជ្រាវអំពីពន្ធនាគារនៅអង្គការលីកាដូ បានលើកឡើងថា អ្នកទោសទាំងបួននាក់នេះសុទ្ធតែមានអាយុខ្ទង់២០ឆ្នាំ ហើយថា អ្នកទោសចំនួនបីនាក់ដែលមានឈ្មោះដូចជា សុខ ធូរីដា ខៃ ភក្តី និង ថាន ឡេង ត្រូវបានបញ្ជូនមកពន្ធនាគារពីបទប្រើអំពើហិង្សាដោយចេតនា រីឯអ្នកទោសទី៤ ឈ្មោះ ជុំ សីលា ត្រូវបានបញ្ជូនមកពន្ធនាគារពីបទចោរកម្ម អមដោយការប្រើអំពើហិង្សា។
លោក ចាន់ស៊ីថា បានមានប្រសាសន៍ថា "យើងនៅតែធ្វើការសើុបអង្កេត ដើម្បីរកឲ្យឃើញថា អ្វីនឹងកើតឡើងចំពោះពួកគេ"៕ស៊ុយឈាង
នគរបាលបង្ហាញអត្តសញ្ញាណគ្រូពេទ្យចិន ដែលវះកាត់គីសក្នុងស្បូនបណ្ដាលឲ្យស្ត្រីខ្មែរម្នាក់ស្លាប់
កាលពីម្សិលមិញ នគរបាលខេត្តពោធិ៍សាត់បានបង្ហាញអត្តសញ្ញាណគ្រូពេទ្យម្នាក់ក្នុងចំណោមគ្រូពេទ្យជនជាតិចិនពីរនាក់ ដែលកំពុងមានសេរីភាពនៅឡើយ បន្ទាប់ពីរត់គេចខ្លួនពីគ្លីនិកគ្មានអាជ្ញាប័ណ្ណរបស់ពួកគេ នៅពេលស្ត្រីខ្មែរម្នាក់បានស្លាប់កាលពីថ្ងៃច័ន្ទ អំឡុងការវះកាត់ខ្វះជំនាញដើម្បីយកគីសចេញពីស្បូនរបស់ស្ត្រីរងគ្រោះ។
លោក តូ តាំងអេង នាយការិយាល័យបច្ចេកទេស និងវិទ្យាសាស្ត្រនៃស្នងការដ្ឋានខេត្តពោធិ៍សាត់ បានបង្ហាញអត្តសញ្ញាណជនសង្ស័យម្នាក់ក្នុងចំណោមជនសង្ស័យទាំងពីរនាក់ ដែលមានឈ្មោះ វ៉ាង ចានជូ (Wang Zhan Zhu) អាយុ៥២ឆ្នាំ ហើយបានមានប្រសាសន៍ថា ជំនួយការគ្រួពេទ្យម្នាក់ដែលគេមិនស្គាល់អត្តសញ្ញាណក៏ត្រូវនគរបាលតាមចាប់ខ្លួនដែរ។ លោកបានលើកឡើងបន្ថែមទៀតថា " យើងកំពុងតាមចាប់ខ្លួនពួកគេចំពោះការពាក់ព័ន្ធរបស់ពួកគេនៅក្នុងការវះកាត់ដែលបានបណ្ដាលឲ្យស្ត្រីស្លាប់"។
អ្នកស្រី ស៊ឹង...
រដ្ឋមន្ត្រីក្រសួងអភិវឌ្ឍន៍ជនបទជួបប្រជុំជាមួយគណៈកម្មការអភិវឌ្ឍន៍ជនបទនៃរដ្ឋសភា
កាលពីម្សិលមិញ លោក ជា សុផារ៉ា រដ្ឋមន្ត្រីក្រសួងអភិវឌ្ឍន៍បទ បានជួបប្រជុំជាមួយគណៈកម្មការអភិវឌ្ឍន៍ជនបទ បរិស្ថាន និងធនធានទឹកនៃរដ្ឋសភា សម្រាប់ការពិនិត្យផ្ទៀងផ្ទាត់ការងាររបស់ក្រសួងលោកក្នុងរយៈពេល១ឆ្នាំមកនេះ។
លោក ប៉ុល ហំម តំណាងរាស្ត្រជាន់ខ្ពស់របស់គណបក្សសង្គ្រោះជាតិ ដែលជាប្រធានគណៈកម្មការនេះ បានប្រាប់ក្រុមអ្នកយកព័ត៌មានបន្ទាប់ពីកិច្ចជំនួបបិទទ្វារកាលពីម្សិលមិញថា ក្រុមតំណាងរាស្ត្របានផ្ដោតសំណួររបស់ខ្លួនទៅលើការចាត់វិធានការពង្រឹងសេដ្ឋកិច្ចនៅតាមតំបន់ជនបទដើម្បីកុំឲ្យប្រជាពលរដ្ឋកម្ពុជាបង្ខំចិត្តធ្វើចំណាកស្រុក ដើម្បីស្វែងរកការងារធ្វើ។
លោកបានមានប្រសាសន៍ថា "សមាជិកគណៈកម្មការនេះបានកោតសរសើរកិច្ចប្រឹងប្រែងរបស់ក្រសួងអភិវឌ្ឍន៍ជនបទ ប៉ុន្តែយើងបានស្នើសុំលោករដ្ឋមន្ត្រីឲ្យជួយប្រជាពលរដ្ឋក្រីក្រនៅតាមតំបន់ជនបទ និងជាពិសេសជួយធ្វើឲ្យប្រសើរឡើងនូវកម្រិតជីវភាពរបស់អ្នកភូមិ ដើម្បីកាត់បន្ថយការធ្វើចំណាកស្រុក។ បញ្ហាសំខាន់ដែលគណៈកម្មការមើលឃើញគឺការធ្វើចំណាកស្រុក"។
យោងតាមអង្គការពលកម្មអន្តរជាតិ ILO បានឲ្យដឹងថា ប្រជាពលរដ្ឋកម្ពុជាប្រមាណ១លាននាក់ក្នុងចំណោមប្រជាពលរដ្ឋសរុបជាង១៥លាននាក់...
ការធ្វើជំរឿនរកឃើញជនបរទេស៨០.០០០នាក់រស់នៅ ក្នុងប្រទេសកម្ពុជាស្របច្បាប់
ចាប់តាំងពីការធ្វើជំរឿនជនបរទេសទូទាំងប្រទេសបានចាប់ផ្តើមកាលពីខែសីហាមក អគ្គនាយកដ្ឋានអន្តោប្រវេសន៍ក្រសួងមហាផ្ទៃបានរកឃើញជនបរទេស៨០.០០០នាក់រស់នៅក្នុងប្រទេសកម្ពុជាដោយស្របច្បាប់ គឺកើនឡើង១០.០០០នាក់ពីការធ្វើជំរឿនឆ្នាំ២០០២ នេះបើតាមប្រធាននាយកដ្ឋាននេះបានលើកឡើងកាលពីម្សិលមិញ។
ថែ្លងទៅកាន់អ្នកយកព័ត៌មានបន្ទាប់ពីកិច្ចប្រជុំសម្ងាត់នៅក្រសួងមហាផ្ទៃពិភាក្សាពីការពង្រឹងគោលនយោបាយអន្តោប្រវេសន៍ដែលមានការចូលរួមពីក្រុមមន្ត្រីមកពីរាជធានីភ្នំពេញ និងខេត្តក្រុងទាំង២៤នោះ លោក សុខ ផល ប្រធាននាយកដ្ឋានអន្តោប្រវេសន៍បានមានប្រសាសន៍ថា ជនបរទេស៨០.០០០នាក់ជាអ្នកដែលមានឯកសារស្នាក់នៅមានសុពលភាព ហើយភាគច្រើនគឺជាជនជាតិវៀតណាម។
ឧត្តមសេនីយ៍ សុខ ផល បានមានប្រសាសន៍ថា "នេះគឺជាតួលេខបណ្តោះអាសន្ន" ដោយពន្យល់ថា តួលេខនេះនឹងប្រែប្រួលនៅពេលជំរឿនបានបញ្ជប់ ប៉ុន្តែលោកមិនបាននិយាយថា ចប់នៅពេលណានោះទេ។
ឧត្តមសេនីយ៍ សុខ ផល ក៏បានមានប្រសាសន៍ផងដែរថាគិតត្រឹមថ្ងៃទី៣១ ខែធ្នូ ជនបរទេស១.២៩៩នាក់មកពី៣១ប្រទេសផ្សេងគ្នា...
នគរបាលឆែកឆេររកឃើញអាវុធបន្ថែមទៀតនៅក្នុងផ្ទះរបស់លោក ថោង សារ៉ាត់
កាលពីម្សិលមិញ នគរបាលរាជធានី និងមន្ត្រីតុលាការបានចូលទៅឆែកឆេរក្នុងគេហដ្ឋានចំនួនបីទៀតរបស់គ្រួសារឧត្ដមសេនីយ៍ទោ ថោង សារ៉ាត់ អតីតមន្ត្រីនៅក្រសួងការពារជាតិដែលកំពុងរត់គេចខ្លួន ដោយរឹបអូសបានកំាភ្លើងអាកា៤៧ចំនួនបីដើម នៅក្នុងគេហដ្ឋានមួយក្នុងចំណោមគេហដ្ឋានទាំងបីនេះ មួយថ្ងៃបន្ទាប់ពីសាលាឧទ្ធរណ៍បដិសេធសំណើសុំនៅក្រៅឃុំរបស់ឪពុកម្ដាយឧត្ដមសេនីយ៍ទោរូបនេះ។
ការរឹបអូសនេះត្រូវបានធ្វើឡើងជាង១ខែ បន្ទាប់ពីការឆ្មក់ចូលស្រដៀងគ្នានេះទៅក្នុងភូមិគ្រឹះផ្សេងៗទៀតរបស់លោក ថោង សារ៉ាត់ អតីតនាយរងខុទ្ទការល័យនៅក្រសួងការពារជាតិ ដែលនគរបាលបានលើកឡើងថា បានជួយខ្លួនឲ្យរកឃើញភ័ស្តុតាងដែលដាក់បន្ទុកលើអតីតឧត្ដមសេនីយ៍ទោរូបនេះ នៅក្នុងការធ្វើឃាតលោក អុឹង ម៉េងជឺ ប្រធានក្រុមហ៊ុន Shimmex កាលពីថ្ងៃទី២២ ខែវិច្ឆិកា។
លោក ថោង ចំរើន និងអ្នកស្រី...
មនុស្សបីនាក់ត្រូវបានចាប់ខ្លួនពីបទជួញដូរស្ត្រីខ្មែរទៅប្រទេសចិន
នគរបាលប្រឆាំងការជួញដូរមនុស្សបានចាប់ខ្លួនជនសង្ស័យចំនួនបីនាក់ កាលពីពីរថ្ងៃកន្លងមកនេះពីបទបញ្ជូនស្ត្រីខ្មែរយ៉ាងតិចចំនួនបួននាក់ ឲ្យទៅរៀបការជាមួយបុរសនៅក្នុងប្រទេសចិនកាលពីមួយឆ្នាំមុន។
លោក កែវ ធា នាយការិយាល័យនគរបាលប្រឆាំងការជួញដូរមនុស្សរាជធានី បានលើកឡើងថា ស្ត្រីខ្មែរម្នាក់ក្នុងចំណោមស្ត្រីខ្មែរទាំងបួននាក់ដែលត្រូវបានបញ្ជូនទៅប្រទេសចិនបានត្រឡប់មកវិញហើយកាលពីថ្ងៃអង្គារ បន្ទាប់ពីនគរបាលចិនបានឃាត់នាងនៅអាកាសយានដ្ឋានមួយក្នុងប្រទេសចិនកាលពីថ្ងៃអាទិត្យ។
លោកបានមានប្រសាសន៍ថា "នគរបាលចិនបានឃាត់នាងនៅអាកាសយានដ្ឋាន"។ លោកបានគូសបញ្ជាក់ថា នាងបានវង្វេងផ្លូវ ហើយបានសុំជំនួយពីនគរបាលចិន។ លោកបានមានប្រសាសន៍បន្ថែមថា "នៅពេលនគរបាលចិនបានបញ្ជូននាងត្រឡប់មកប្រទេសកម្ពុជាវិញ ជនសង្ស័យបានដឹងរឿងនេះ ហើយទាមទារប្រាក់១០.០០០ដុល្លារពីនាងជាថ្លៃសម្រាប់ការរៀបចំនៅក្នុងការបញ្ជូននាងឲ្យទៅរៀបការជាមួយបុរសនៅក្នុងប្រទេសចិន"។
លោក កែវ ធា បានមានប្រសាសន៍បន្ថែមទៀតថា "ជនសង្ស័យបានសារភាពថា ចាប់តាំងពីឆ្នាំមុនមក ពួកគេបានជួញដូរស្ត្រីអស់ចំនួនបីនាក់រួចហើយដើម្បីឲ្យទៅរៀបការជាមួយបុរសជនជាតិចិន"។
លោក កែវ...
លោក ស ខេង លើកឡើងថា ជនភៀសខ្លួនបីនាក់មកជួបជាមួយគណៈប្រតិភូកម្ពុជា
លោក ស ខេង រដ្ឋមន្ត្រីក្រសួងមហាផ្ទៃបានមានប្រសាសន៍កាលពីម្សិលមិញថា ជនភៀសខ្លួនបីនាក់ដែលប្រទេសអូស្ត្រាលីកំពុងឃុំខ្លួននៅមណ្ឌលឃុំខ្លួនក្នុងប្រទេសណូរូជាប្រទេសដែនកោះបា៉ស៊ីហ្វិកខាងត្បូង បានយល់ព្រមជួបជាមួយមន្ត្រីកម្ពុជាដែលបានធ្វើដំណើរទៅទីនោះកាលពីសប្តាហ៍មុន ដើម្បីវាយតម្លៃលទ្ធភាពនៃការតាំងទីលំនៅថ្មីដល់អ្នកស្វែងរកសិទ្ធិជ្រកកោនមួយចំនួនក្នុងប្រទេសកម្ពុជា។
ថ្លែងទៅកាន់អ្នកយកព័ត៌មាន បន្ទាប់ពីកិច្ចប្រជុំនៅក្រសួងមហាផ្ទៃ លោក ស ខេង បានមានប្រសាសន៍ថា មានជនភៀសខ្លួនតែបីនាក់ប៉ុណ្ណោះក្នុងចំណោមជនភៀសខ្លួនរាប់រយនាក់ដែលបច្ចុប្បន្ននេះកំពុងត្រូវឃុំខ្លួននៅមណ្ឌលនោះបាននិយាយជាមួួយក្រុមមន្ត្រីកម្ពុជា។
លោកបានមានប្រសាសន៍ថា "គណៈប្រតិភូជាន់ខ្ពស់ម្នាក់បានធ្វើដំណើរទៅប្រទេសណូរូ ហើយបានជួបជាមួយជនភៀសខ្លួនតែបីនាក់ប៉ុណ្ណោះ ប៉ុន្តែ អ្នកផ្សេងទៀតបានបដិសេធមិនព្រមជួប"ជាមួយក្រុមមន្ត្រីទាំងនោះឡើយ។
ការអត្ថាធិប្បាយរបស់លោកនាយករដ្ឋមន្ត្រី ផ្ទុយទៅនឹងរបាយការណ៍ដំបូងនៃដំណើរទស្សនកិច្ចរបស់សម្ព័ន្ធសកម្មភាពជនភៀសខ្លួន ជាអង្គការតស៊ូមតិដែលមានមូលដ្ឋាននៅក្នុងទីក្រុងសីុដនី និងនៅក្នុងបណ្តាញផ្សព្វផ្សាយអូស្ត្រាលី ដែលបានលើកឡើងថា អ្នកស្វែងរកសិទ្ធិជ្រកកោនទាំងអស់មិនអើពើនឹងគណៈប្រតិភូកម្ពុជាឡើយ។
នៅពេលត្រូវបានសួរថា តើជនភៀសខ្លួនទាំងបីនាក់ចាប់អារម្មណ៍ក្នុងការតាំងទីលំនៅថ្មីនៅក្នុងប្រទេសកម្ពុជា ឬយ៉ាងណានោះ លោក ស ខេង បានមានប្រសាសន៍ថា លោកមិនប្រាកដទេ។ លោកបានមានប្រសាសន៍ថា "យើងមិនដឹងថា តើមានមនុស្សប៉ុន្មាននាក់មក ឬប៉ុន្មាននាក់មិនមកនោះឡើយ"។
ប្រទេសកម្ពុជាបានចុះហត្ថលេខាលើកិច្ចព្រមព្រៀងដ៏ចម្រូងចម្រាសជាមួយប្រទេសអូស្ត្រាលីកាលពីខែកញ្ញា ក្នុងការទទួលយកជនភៀសខ្លួនក្នុងចំនួនមិនជាក់លាក់ជាថ្នូរនឹងប្រាក់ជំនួយចំនួន៣៥លានដុល្លារបន្ថែម ប៉ុន្តែ មិនទាន់ទទួលបានម្នាក់នៅឡើយទេ៕សារុន
តុលាការចោទប្រកាន់បុគ្គលិកពីរនាក់ពីបទលួចគ្រឿងអលង្ការរបស់ឧត្តមសេនីយ៍ឯកនៅសណ្ឋាគារសូហ្វីតែល លំដាប់ផ្កាយ៥
កាលពីម្សិលមិញ សាលាដំបូងរាជធានីភ្នំពេញ បានចោទប្រកាន់បុគ្គលិកសណ្ឋាគារសូហ្វីតែល ពីរនាក់ពីបទលួចគ្រឿងអលង្ការដែលមានតម្លៃជាង២០០.០០០ដុល្លារ ចេញពីទូដាក់សម្ភាររបស់ឧត្តមសេនីយ៍ទោមួយរូបនៅក្លឹបហាត់ប្រាណក្នុងសណ្ឋាគារនេះ នេះបើតាមយោងតាមមន្ត្រីបានលើកឡើង។
លោក កែវ សុជាតិ ព្រះរាជអាជ្ញារងអមសាលាដំបូងរាជធានី បានមានប្រសាសន៍ថា ឧត្តមសេនីយ៍ឯក សៀក សុជាតិ ដែលជានាយកទីចាត់ការការងារព្រំដែននៃក្រសួងការពារជាតិបានផ្អើលឆោឡោបាត់គ្រឿងអលង្ការនេះកាលពីថ្ងៃសុក្រ នៅពេល គ្រឿងអលង្ការទាំងនោះបានបាត់ពីទូដាក់សម្ភាររបស់លោក បន្ទាប់ពីហែលទឹកក្នុងសណ្ឋាគារដ៏ប្រណីតនៅក្នុងរាជធានីភ្នំពេញនេះ។ លោកបានមានប្រសាសន៍ថា "ជនរងគ្រោះបានបាត់ខ្សែកមួយខ្សែ ផ្លាកដៃមួយខ្សែ និងចិញ្ចៀនមួយវង់ ដែលមានតម្លៃសរុបជាង២០០.០០០ដុល្លារ"។
លោក កែវ សុជាតិ បានមានប្រសាសន៍ថា កាលពីថ្ងៃសៅរ៍ នគរបាលព្រហ្មទណ្ឌនៃក្រសួងមហាផ្ទៃ បានចាប់ខ្លួនអ្នកទទួលភ្ញៀវម្នាក់ និងគ្រូបង្ហាត់ហែលទឹកម្នាក់ដែលបម្រើការងារនៅសណ្ឋាគារនេះ ប៉ុន្តែ លោកមិនបានបញ្ចេញឈ្មោះរបស់ពួកគេទេ។ ផ្អែកលើរបាយការណ៍របស់មន្ត្រីសើុបអង្កេត លោក កែវ សុជាតិ បានមានប្រសាសន៍ថា លោកបានចោទប្រកាន់ពួកគេកាលពីម្សិលមិញពីបទចោរកម្ម។
លោកបានលើកឡើងថា "នៅពេលខ្ញុំសាកសួរពួកគេ ពួកគេទាំងពីរបានបដិសេធថា ពួកគេមិនបានលួចគ្រឿងអលង្ការទាំងនោះទេ"។
លោក ឡឹក វណ្ណៈ នាយរងនគរបាលព្រហ្មទណ្ឌ បានមានប្រសាសន៍ថា នគរបាលរបស់លោកបានចាប់ខ្លួនជនសង្ស័យទាំងនេះ បន្ទាប់ពីមើលរូបភាពវីដេអូកាមេរ៉ាសុវត្ថិភាព ហើយបានពិនិត្យមើលឃើញថា គ្រូបង្ហាត់ហែលទឹកបានប្រើកូនសោមួយដែលអ្នកទទួលភ្ញៀវក្នុងសណ្ឋាគារផ្តល់ឲ្យដើម្បីបើកទូដាក់សម្ភាររបស់ឧត្តមសេនីយ៍ទោ សៀក សុជាតិ និងលួចយករបស់របបមានតម្លៃរបស់លោក។
លោកបានមានប្រសាសន៍ថា "ពួកគេបានលួចគ្រឿងអលង្ការទាំងនោះ ប៉ុន្តែ រហូតមកទល់ពេលនេះ យើងមិនទាន់រកវាឃើញទេ"។ លោកបានបន្តថា ឧត្តមសេនីយ៍ទោ សៀក សុជាតិ ត្រូវបានអមការពារដោយអង្គរក្សម្នាក់ដែលបានដើរតាមលោកចូលទៅក្នុងក្លឹបហាត់ប្រាណ ប៉ុន្តែ មិនបានស្ថិតនៅក្នុងបន្ទប់ផ្លាស់សម្លៀកបំពាក់ និងរក្សាទុកសម្ភារទេ។
លោក ឆាល ហេនរី ឆេវីដ (Charles Henri Chevet) នាយកគ្រប់គ្រងទូទៅនៃសណ្ឋាគារសូហ្វីតែល បានមានប្រសាសន៍ថា លោកក៏បានមើលរូបភាពវីដេអូកាមេរ៉ាសុវត្ថិភាពដែរ ហើយជឿថា បុគ្គលិករបស់លោកគ្មានកំហុសទេ។ លោកបានមានប្រសាសន៍ថា "យើងអាចមើលឃើញយ៉ាងច្បាស់ថា បុគ្គលិកម្នាក់ក្នុងចំណោមបុគ្គលិកទាំងនេះមិនដែលបានដើរចូលទៅក្នុងបន្ទប់ផ្លាស់សម្លៀកបំពាក់ និងរក្សាទុកសម្ភារទេ ហើយបុគ្គលិកម្នាក់ទៀតបានដើរចេញចូលបន្ទប់ផ្លាស់សម្លៀកបំពាក់ និងរក្សាទុកសម្ភារ។ នៅពេលជាមួយគ្នានោះអង្គរក្សស្ថិតបាននៅក្នុងបន្ទប់រក្សាទុកសម្ភាររហូត។ វាស្ទើរតែមិនអាចទៅរួចទេដែលថា បុគ្គលិករបស់យើងមានកំហុស"។
លោកបានលើកឡើងបន្តថា សណ្ឋាគារបានប្រគល់រូបភាពវីដេអូកាមេរ៉ាសុវត្ថិភាពឲ្យទៅនគរបាល និងតុលាការរួចហើយ។ "ចៅក្រមមិនព្រមមើលរូបភាពវីដេអូកាមេរ៉ាសុវត្ថិភាពដែលយើងផ្តល់ឲ្យទេ។ ខ្ញុំគិតថា ពួកគេចាំបាច់ត្រូវតែស្វែងរកអ្នកដែលមានកំហុស អ្នកដែលត្រូវទទួលខុសត្រូវ"។
ចៅក្រមស៊ើបសួរ ម៉ុង មុនីសោភា បានមានប្រសាសន៍ថា លោកនឹងមើលវីដេអូនោះនៅថ្ងៃនេះ។ លោកបានមានប្រសាសន៍ទៀតថា ជនសង្ស័យកំពុងជាប់ឃុំនៅក្រសួងមហាផ្ទៃ។ "យើងចាំបាច់ត្រូវសាកសួរពួកគេបន្ថែមទៀត និងមើលវីដេអូបានមកពីសណ្ឋាគារ"៕សុខុម
អតីតរដ្ឋមន្ត្រីក្រសួងប្រៃសណីយ៍ និងទូរគមនាគមន៍ទទួលមរណភាព
លោក សូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍រយៈពេលពីរទសវត្សរ៍បានទទួលមរណភាពនៅក្នុងរាជធានីភ្នំពេញដោយសារជំងឺកាលពីម្សិលមិញ នេះបើតាមការអះអាងរបស់កូនប្រុសលោក។
លោក សុខន បញ្ញារិទ្ធ បាននិយាយថា "ឪពុករបស់ខ្ញុំធ្លាក់ខ្លួនឈើពីរខែមកហើយ ហើយ គាត់បានសម្រាកព្យាបាលនៅផ្ទះក្នុងខណ្ឌទួលគោករហូតដល់គាត់បានស្លាប់នៅថ្ងៃនេះ"។
លោក បញ្ញារិទ្ធ បានលើកឡើងថា ឪពុករបស់លោកបានធ្វើជារដ្ឋមន្ត្រីក្រសួងប្រៃសណីយ៍ និងទូរគមនាគមន៍ ពីឆ្នាំ១៩៩៣រហូតដល់ខែកញ្ញា ឆ្នាំ២០១៣ ដែលនៅពេលនោះគាត់ត្រូវបានជំនួសដោយលោក ប្រាក់ សុខុន អតីតរដ្ឋលេខាធិការទីស្តីការគណៈរដ្ឋមន្ត្រី ហើយគាត់បានក្លាយជាសមាជិកសភាគណបក្សប្រជាជនកម្ពុជាមណ្ឌលតាកែវ។
អំឡុងលោក សូរ ឃុន កាន់តំណែង វិស័យទូរគមនាគមន៍បានកើនឡើងរួមមានក្រុមហ៊ុនទូរស័ព្ទចល័តជិត១២។
លោក បញ្ញារិទ្ធ បាននិយាយថា ឪពុករបស់លោកបានស្លាប់ចោលប្រពន្ធរបស់គាត់ កូនប្រាំមួយនាក់ និងចៅ១១នាក់ ហើយសពរបស់គាត់នឹងត្រូវបូជានៅមុខវត្តបទុមវតីក្នុងរាជធានីភ្នំពេញនៅថ្ងៃអាទិត្យ៕សារុន
Latest news
© 2021, ដេលី. All rights reserved.