TAG
paywall
អាជ្ញាធររារាំងក្រុមអ្នកតវ៉ាប្រឆាំងការបណ្តេញចេញពីដី មិនឲ្យចូលទីលានប្រជាធិបតេយ្យ
មួយថ្ងៃបន្ទាប់ពីអាជ្ញាធររាជធានីភ្នំពេញចាត់ទុកការតវ៉ាប្រឆាំងការបណ្តេញចេញពីដីរយៈពេលមួយខែថា ខុសច្បាប់មក សន្តិសុខខណ្ឌកាលពីម្សិលមិញបានរារាំងអ្នកតវ៉ាមួយក្រុមមានគ្នា២០នាក់ មិនឲ្យចូលទីលានប្រជាធិបតេយ្យ ហើយពួកគេបានជាប់នៅចិញ្ចើមផ្លូវ ដែលមានការដាក់របាំងបិទផ្លូវអស់រយៈពេល២ម៉ោង។
ក្រុមអ្នកតវ៉ាមកពីសហគមន៍ដែលញាំញីដោយការបណ្តេញចេញរួមមានតំបន់បឹងកក់ និងតំបន់បុរីកីឡា បានអំពាវនាវសុំអន្តរាគមន៍ពាក់ព័ន្ធវិវាទដីធ្លីរបស់ពួកគាត់ ហើយអំពាវនាវឲ្យដោះលែងសកម្មជនដីធ្លី១០នាក់ ដែលជាប់ពន្ធនាគារ។
នៅពេលពួកគាត់ទៅដល់ទីលានប្រជាធិបតេយ្យមុនម៉ោង១០ព្រឹកម្សិលមិញបន្តិច សន្តិសុខខណ្ឌបានយករបាំងផ្លូវបិទផ្លូវលេខ៥១ រារាំងមិនឲ្យពួកគាត់ចេញចូលបាន។
ក្រុមអ្នកតវ៉ាបានព្យាយាមផ្លាស់ទៅសួននៅជាប់គ្នានោះ ប៉ុន្តែ សន្តិសុខបានប្រើរថយន្ត និងរបាំងបិទផ្លូវ ដោយធ្វើឲ្យពួកគាត់ជាប់នៅចិញ្ចើមផ្លូវរយៈពេល២ម៉ោង មុនពេលអនុញ្ញាតឲ្យពួកគាត់ធ្វើការតវ៉ានៅសួនក្បែរនោះរហូតដល់ម៉ោង៤ល្ងាច។
អ្នកស្រី យ៉ោម បុប្ផា សកម្មជនបឹងកក់បាននិយាយថា អ្នកស្រីខកចិត្តដែលក្រុមនេះមិនត្រូវអនុញ្ញាតឲ្យចូលក្នុងទីលានប្រជាធិបតេយ្យ ប៉ុន្តែ នឹងបន្តព្យាយាមទៀត។ អ្នកស្រីបាននិយាយថា បើទោះជាពួកគេមិនអនុញ្ញាតឲ្យយើងចូលក្នុងក៏ដោយ ក៏យើងបន្តធ្វើការតវ៉ារហូតទទួលបានជោគជ័យ"។
លោក ឡុង ឌីម៉ង់ អ្នកនាំពាក្យសាលារាជធានីបានមានប្រសាសន៍ថា សាលារាជធានីនឹងបន្តរារាំងអ្នកតវ៉ា។ លោកបានមានប្រសាសន៍ថា "យើងរារាំងពួកគាត់មិនឲ្យចូលក្នុងទីលានប្រជាធិបតេយ្យឡើយ...ដោយសារការតវ៉ានេះខុសច្បាប់"៕សារុន
របាយការណ៍និយាយថាអំពើពុករលួយនិងទារុណកម្មនៅតែមានច្រើនក្នុងពន្ធនាគារ
យោងតាមរបាយការណ៍មួយដែលចេញដោយអង្គការសិទ្ធិមនុស្ស លីកាដូ កាលពីថ្ងៃអង្គារបានឲ្យដឹងថា អ្នកទោសនៅតាមពន្ធនាគារទូទាំងប្រទេសកម្ពុជាបន្តប្រឈមនឹងការរំលោភបំពានជាប្រព័ន្ធ ស្ថានភាពរស់នៅកខ្វក់ស្មោកគ្រោក និងបញ្ហាពុករលួយថែមទៀត។
របាយការណ៍ "សិទ្ធិនៅលើការទិញដូរ៖ ជីវិតនៅក្នុងពន្ធនាគារកម្ពុជា" ផ្អែកលើបទសម្ភាសជាច្រើនជាមួយអ្នកទោស អតីតអ្នកទោស សាច់ញាតិរបស់ពួកគេ និងបុគ្គលិកនៅពន្ធនាគារ១៨កន្លែងក្នុងឆ្នាំកន្លងមក។ របាយការណ៍នេះហៅប្រព័ន្ធតុលាការនិងពន្ធនាគាររបស់ប្រទេសកម្ពុជាថាជា"រចនាសម្ព័ន្ធនយោបាយពុករលួយកើតឡើងដោយគ្រួសារនិយម"ដែលរួមគ្នាបង្កើតឲ្យមានជាការប្រព្រឹត្តព្រៃផ្សៃលើអ្នកទោស។ មន្ត្រីពន្ធនាគារម្នាក់បានហៅលទ្ធផលរកឃើញនេះថាជាការ"បំផ្លើស"។
របាយការណ៍នេះនិយាយថា "អ្នកខ្លះត្រូវគេបោកក្បាលនឹងជញ្ជាំង។ វត្ថុដែលប្រើក្នុងពេលវាយធ្វើបាបរួមមានកាំភ្លើង ដំបង សរសៃដែក ដំបងឆក់ អាយកូម ខ្នោះ ច្រវាក់ ខ្សែពួរ ខ្សែភ្លើង...
អាជ្ញាធរអប្សរាថា ចំនួនភ្ញៀវទេសចរបរទេសដែលទៅទស្សនាប្រាសាទអង្គរវត្ត កើនឡើង១,៩ភាគរយ
ភ្ញៀវទេសចរបរទេសជិត២,៤លាននាក់បានទៅកម្សាន្តនៅខេត្តសៀមរាប កាលពីឆ្នាំមុន ហើយប្រហែល២លាននាក់ក្នុងចំណោមនោះបានទៅទស្សនាប្រាសាទអង្គរវត្ត ដោយតួលេខទាំងពីរនេះកើនឡើងតិចតួចបើធៀបទៅនឹងឆ្នាំ២០១៣ នេះបើយោងតាមតួលេខចេញផ្សាយកាលពីម្សិលមិញ។
អាជ្ញាធរអប្សរាដែលគ្រប់គ្រងឧទ្យានបុរាណអង្គរ បានលើកឡើងក្នុងសេចក្ដីថ្លែងការណ៍មួយថា ជនបរទេសចំនួន២.០៥៩.៧០២នាក់បានទៅទស្សនានៅឧទ្យានបុរាណអង្គរកាលពីឆ្នាំមុន ដោយកើនឡើង១,៩ភាគរយបើធៀបនឹងឆ្នាំ២០១៣ នៅក្នុងចំណោមភ្ញៀវទេសចរបរទេសចំនួន២.៣៥០.៩៣៧នាក់ដែលបានទៅកម្សាន្តនៅខេត្តសៀមរាប ហើយចំណូលបានពីការលក់សំបុត្រមានចំនួន៥៩,៣៤លានដុល្លារ។
អាជ្ញាធរនេះនិយាយថា ជនបរទេសចំនួន២.០២១.៧១៥នាក់បានមកទស្សនាឧទ្យានបុរាណអង្គរនៅក្នុងឆ្នាំ២០១៣ នៅក្នុងចំណោមទេសចរបរទេសចំនួន២.២៣៧.២៨៦នាក់ ដែលបានទៅកម្សាន្តនៅខេត្តសៀមរាប ហើយចំណូលបានពីការលក់សំបុត្រមានចំនួន៥៧,៦៨លានដុល្លារ។ សម្រាប់ជនបរទេសបង់ថ្លៃ២០ដុល្លារសម្រាប់សំបុត្រចូលទស្សនាប្រាសាទអង្គរវត្តរយៈពេល១ថ្ងៃ ៤០ដុល្លារសម្រាប់រយៈពេលបីថ្ងៃ និង៦០ដុល្លារសម្រាប់រយៈពេល១សប្ដាហ៍។
តួលេខចេញផ្សាយនេះក៏បានគូសបញ្ជាក់ដែរថា ភ្ញៀវទេសចរក្នុងស្រុកប្រមាណ២,៧លាននាក់បានទៅកម្សាន្តនៅខេត្តសៀមរាបកាលពីឆ្នាំមុន ដោយកើនឡើង២២ភាគរយធៀបនឹងឆ្នាំ២០១៣។ ទោះជាយ៉ាងណា តួលេខនេះមិនបានពន្យល់ពីវិធីរាប់ចំនួនភ្ញៀវទេសចរក្នុងស្រុកទេ។
ការលក់សំបុត្រសម្រាប់ចូលទស្សនាប្រាសាទអង្គរវត្តដែលមើលការខុសត្រូវដោយក្រុមហ៊ុនមួយរបស់លោក សុខ គង់ ជាពាណិជ្ជករដែលមានខ្នងបង្អែកក្រាស...
តុលាការបដិសេធមិនផ្តល់ឲ្យឪពុកម្តាយរបស់ឧត្តមសេនីយ៍ទោ ថោង សារ៉ាត់ នៅក្រៅឃុំ
កាលពីម្សិលមិញ សាលាឧទ្ធរណ៍បានបដិសេធមិនផ្តល់ឲ្យឪពុកម្តាយមន្ត្រីជាន់ខ្ពស់ក្រសួងការពារជាតិម្នាក់ដែលកំពុងរត់គេចខ្លួននៅឡើយនោះឲ្យនៅក្រៅឃុំឡើយជុំវិញការចោទប្រកាន់ថា លោកបានរៀបចំការសម្លាប់ពាណិជ្ជករម្នាក់កាលពីខែវិច្ឆិកា។
សាលាដំបូងរាជធានីភ្នំពេញបានចោទប្រកាន់ឧត្តមសេនីយ៍ទោ ថោង សារ៉ាត់ កាលពីថ្ងៃទី៥ ខែធ្នូពីបទ រៀបចំការសម្លាប់លោក អឹុង ម៉េងជឺ ប្រធានក្រុមហ៊ុន Shimmex កាលពីថ្ងៃទី២២ ខែវិច្ឆិកា ដែលត្រូវបានបាញ់៦គ្រាប់នៅខាងក្រៅតូបលក់ផ្លែឈើមួយនៅក្នុងរាជធានីភ្នំពេញ។
នគរបាលក៏បានចាប់ខ្លួនឪពុកម្តាយឧត្តមសេនីយ៍ទោ ថោង សារ៉ាត់ គឺលោក ថោង ចំរើន និងប្រពន្ធរបស់គាត់គឺអ្នកស្រី កែវ សាវី ជាផ្នែកមួយនៃការស៊ើបអង្កេតរបស់ខ្លួន។ អ្នកទាំងពីរ ត្រូវបានចាប់ដាក់ពន្ធនាគារកាលពីថ្ងៃទី៧ ខែធ្នូ ជុំវិញការចោទប្រកាន់ពីបទមានអាវុធខុសច្បាប់។
អង្គរក្សបួននាក់ក្នុងចំណោមអង្គរក្សរបស់ឧត្តមសេនីយ៍រូបនេះ ដែលបច្ចុប្បន្នត្រូវបានឃុំខ្លួនបណ្តោះអាសន្ន គឺពីរនាក់ត្រូវបានចោទប្រកាន់ពីបទមនុស្សឃាត និងពីរនាក់ទៀតត្រូវបានចោទប្រកាន់ពីបទសមគំនិត តាមចោទថា បានប្រព្រឹត្តអំពើមនុស្សឃាត ជាថ្នូរនឹងផ្ទះល្វែងក្នុងម្នាក់មួយល្វែង។
លោក ឃុន លាងម៉េង ចៅក្រមប្រធានក្រុមប្រឹក្សាជំនុំជម្រះបានអះអាងនៅខាងក្រៅសាលាឧទ្ធរណ៍កាលពីម្សិលមិញថា លោកបានបដិសេធមិនផ្តល់ឲ្យឪពុកម្តាយរបស់គាត់នៅក្រៅឃុំ ប៉ុន្តែបានបដិសេធមិនធ្វើអត្ថាធិប្បាយបន្ថែមឡើយ។
លោកចៅក្រម លាងម៉េង បានមានប្រសាសន៍ថា "យើងបានបដិសេធមិនផ្តល់ឲ្យពួកគាត់នៅក្រៅឃុំទេ"។ លោកបានលើកឡើងថា "ខ្ញុំមិនអាចធ្វើអត្ថាធិប្បាយបានទេ ពីព្រោះឯកឧត្តមមិនអនុញ្ញាតឲ្យខ្ញុំធ្វើអត្ថាធិប្បាយឡើយ" ដោយលោកបដិសេធមិននិយាយថា តើថ្នាក់លើរូបណាដែលប្រាប់លោកមិនឲ្យនិយាយនោះឡើយ។
លោក ស៊ី សត្យា មេធាវី ការពារប្តីប្រពន្ធទាំងពីរនេះបានមានប្រសាសន៍នៅខាងក្រៅតុលាការថា លោកខកចិត្តជាមួយសេចក្តីសម្រេចនេះណាស់។ លោកបានមានប្រសាសន៍ថា "វាមិនយុត្តិធម៌សម្រាប់កូនក្តីរបស់ខ្ញុំទេ ពីព្រោះពួកគាត់មានបញ្ហាសុខភាព។ ជាពិសេស លោក ថោង ចំរើន មានជំងឺ"។
ប្តីប្រពន្ធទាំងពីរនាក់នេះបានបដិសេធមិនធ្វើអត្ថាធិប្បាយទេខណៈដែលពួកគេបានចាកចេញពីសាលសវនាការកាលពីម្សិលមិញ ប៉ុន្តែលោក ចំរើន បានត្អូញត្អែរពីសម្ពាធឈាមឡើងខ្ពស់ ខណៈគាត់ចូលរួមសវនាការសុំនៅក្រៅឃុំនោះ។ លោកបាននិយាយថា "ខ្ញុំមានសម្ពាធឈាមឡើងខ្ពស់ ហើយខ្ញុំត្រូវទៅព្យាបាលរយៈពេលប្រាំពីរខែនៅមន្ទីរពេទ្យមួួយក្នុងប្រទេសវៀតណាម"។
លោក លឹម សុខារស្មី ប្រធានស្តីទីការិយាល័យនគរបាលអាំងទែប៉ូលប្រចាំប្រទេសកម្ពុជាបានមានប្រសាសន៍ថា កន្លែងលាក់ខ្លួនរបស់ឧត្តមសេនីយ៍ទោ ថោង សារ៉ាត់ ដែលបានលាក់ខ្លួននៅថ្ងៃចាប់ខ្លួនឪពុកម្តាយរបស់លោកនោះ គេមិនទាន់ដឹងនៅឡើយទេ។ លោកបានមានប្រសាសន៍ថា "យើងកំពុងស្វែងរកគាត់ ប៉ុន្តែ យើងមិនដឹងថា គាត់នៅឯណាឡើយ។ ប៉ុន្តែ គាត់មិនអាចរត់ទៅណារួចទេ ពីព្រោះគាត់ស្ថិតក្នុងបញ្ជីនិវេទន៍ក្រហម"៕សារុន
ស្ត្រីម្នាក់ស្លាប់ អំឡុងការវះកាត់នៅគ្លីនិកគ្មានអាជ្ញាប័ណ្ណមួយក្នុងក្រុងពោធិ៍សាត់
ស្ត្រីអាយុ៣៣ឆ្នាំម្នាក់ បានស្លាប់អំឡុងការវះកាត់ដែលគ្មានជំនាញ នៅគ្លីនិកគ្មានអាជ្ញាប័ណ្ណមួយក្នុងក្រុងពោធិ៍សាត់កាលពីថ្ងៃច័ន្ទ។អាជ្ញាធរមូលដ្ឋានបានបិទគ្លីនិកនេះម្តងរួចមកហើយកាលពីដើមខែនេះ ប៉ុន្តែ បានបើកឡើងវិញនៅពេលអាជ្ញាធរមិនបានចាប់អារម្មណ៍។
លោក តាំង អេង នាយការិយាល័យផ្នែកបច្ចេកទេស និងវិទ្យាសាស្ត្រនៃនគរបាលខេត្តបានឲ្យដឹងថា នគរបាលខេត្តពោធិ៍សាត់បានបិទគ្លីនិកនេះជាលើកទី២កាលពីម្សិលមិញ ហើយបានចាប់ផ្តើមតាមស្វែងរកបុគ្គលិកពេទ្យចំនួនពីរនាក់ដែលកំពុងរត់គេចខ្លួន និងដែលគេសង្ស័យថា ជាអ្នកធ្វើឲ្យស្ត្រីរូបនេះបាត់បង់ជីវិត។
លោក តាំង អេង បានឲ្យដឹងបន្តថា ក្រុមគ្រួសាររបស់ស្ត្រីរងគ្រោះ សឹង ចាន់ធឿន ដែលរស់នៅក្នុងស្រុកក្រគរ បាននាំស្ត្រីរងគ្រោះនេះទៅគ្លីនិកមួយក្នុងសង្កាត់ផ្ទះព្រៃក្នុងក្រុងពោធិ៍សាត់ កាលពីយប់ថ្ងៃច័ន្ទ ដើម្បីវះកាត់យកគីសចេញពីស្បូន។
លោកបានមានប្រសាសន៍ថា "យើងទទួលបានការហៅទូរស័ព្ទពីក្រុមគ្រួសារជនរងគ្រោះព្រោះពួកគេសង្ស័យថា ជនរងគ្រោះបានស្លាប់ដោយសារការវះកាត់ដោយគ្រូពេទ្យជនជាតិចិន"។
លោក តាំង អេង បានលើកឡើងបន្ថែមថា បុគ្គលិកពេទ្យទាំងពីរនាក់នេះ ដែលសុទ្ធតែជនជាតិចិនដូចគ្នាបានព្យាយាមសូកប៉ាន់គ្រួសារជនរងគ្រោះកុំឲ្យប្តឹងនគរបាល បន្ទាប់ពីដឹងថា អ្នកជំងឺបានស្លាប់នៅម៉ោងប្រហែល១០យប់។
លោកបានមានប្រសាសន៍ថា "គ្រូពេទ្យជនជាតិចិនបានព្យាយាមចរចាជាមួយគ្រួសារជនរងគ្រោះដើម្បីកុំឲ្យប្តឹងពួកគេ ប៉ុន្តែ គ្រួសារជនរងគ្រោះមិនព្រមចរចាឡើយ។ គ្លីនិកនេះត្រូវបានបិទ ហើយបរិក្ខាពេទ្យត្រូវបានរិបអូស"។
លោក វេជ្ជបណ្ឌិត ច័ន្ទ សុខា ប្រធានមន្ទីរពេទ្យបង្អែកខេត្តពោធិ៍សាត់បានលើកឡើងថា គេបានធ្វើកោសល្យវិច័យសាកសពនៅម៉ោងប្រហែល៣ទៀបភ្លឺកាលពីម្សិលមិញតាមសំណើរបស់នគរបាល។ លោកបានមានប្រសាសន៍ថា "លទ្ធផលនៃការធ្វើកោសល្យវិច័យបង្ហាញថា ជនរងគ្រោះបានស្លាប់ដោយសារការវះកាត់គ្មានជំនាញ"។ លោកបានបន្ថែមថា អ្នកស្រី ចាន់ធឿន បានបាត់បង់ឈាមជាច្រើន។
លោកបានមានប្រសាសន៍បន្តថា "ជាទូទៅសម្រាប់ការវះកាត់បែបនេះ យើងត្រូវការគ្រូពេទ្យយ៉ាងតិចប្រាំនាក់ ប៉ុន្តែ ក្នុងករណីនេះមានគ្រូពេទ្យតែម្នាក់ ឬពីរនាក់ប៉ុណ្ណោះ"។
លោកវេជ្ជបណ្ឌិត សុខា បានមានលើកឡើងទៀតថា គ្រូពេទ្យជនជាតិចិនបានព្យាយាមលាក់បាំងការធ្វេសប្រហែសរបស់ខ្លួន ដោយដេរភ្ជាប់មុខរបួសឡើងវិញ ខណៈការវះកាត់នៅមិនទាន់ចប់រួចរាល់។
លោក ខូយ ឌី ប្រធានមន្ទីរសុខាភិបាលខេត្តបានលើកឡើងថា អាជ្ញាធរបានបញ្ជាឲ្យគ្លីនិកគ្មានអាជ្ញាប័ណ្ណនេះបិទទ្វារម្តងរួចមកហើយកាលពីដើមខែនេះ ប៉ុន្តែ បានបើកឡើងវិញដោយស្ងាត់ៗ។ លោកបានមានប្រសាសន៍ថា "វាគឺជាការធ្វេសប្រហែសរបស់យើង ដែលអនុញ្ញាតឲ្យគ្លីនិកនេះបើកឡើងវិញ ព្រោះយើងគ្មានធនធានដើម្បីតាមដាន"៕ស៊ុយឈាង
គណបក្សសង្គ្រោះជាតិនឹងចាក់បញ្ចាំងខ្សែភាពយន្តស្តីពីការសម្លាប់លោក ជា វិជ្ជា
គណបក្សសង្គ្រោះជាតិមានគម្រោងបញ្ចាំងខ្សែភាពយន្តឯកសារដែលត្រូវបានហាមឃាត់ដែលមានចំណងជើងថា "នរណាសម្លាប់ ជា វិជ្ជា?” នៅសប្តាហ៍នេះដើម្បីរំឭកខួបលើកទី១១នៃការសម្លាប់មេដឹកនាំសហជីពសេរីកម្មករនៅមុខតូបកាសែតមួយក្នុងរាជធានីភ្នំពេញកាលពីថ្ងៃទី២២ ខែមករា ឆ្នាំ២០០៤។
លោកស្រី មូរ សុខហួរ ប្រធានកិច្ចការសាធារណៈគណបក្សសង្គ្រោះជាតិបានប្រកាសតាមទំព័រហ្វេសប៊ុករបស់លោកស្រីកាលពីម្សិលមិញថា ខ្សែភាពយន្តដែលថា រដ្ឋាភិបាលជាប់ពាក់ព័ន្ធក្នុងការសម្លាប់មេដឹកនាំសហជីពរូបនេះនោះ នឹងត្រូវបញ្ចាំងនៅទីស្នាក់ការកណ្តាលរបស់គណបក្សប្រឆាំងនៅក្នុងរាជធានីភ្នំពេញនៅម៉ោង៥ល្ងាចថ្ងៃព្រហស្បតិ៍។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី ដែលកាលពីឆ្នាំមុនបានព្រមានថា អ្នកដែលបានបញ្ចាំងខ្សែភាពយន្តនេះជាសាធារណៈនឹងប្រឈមមុខការនិរទេស ឬការចាប់ខ្លួននោះ បានមានប្រសាសន៍កាលពី ម្សិលមិញថា លោកជឿថា ការបញ្ចាំងខ្សែភាពយន្តនៅទីស្នាក់ការកណ្តាលគណបក្សសង្គ្រោះជាតិនឹងត្រូវបានអនុញ្ញាតឲ្យចាក់បញ្ចាំងបាន ពីព្រោះកន្លែងនោះជាកន្លែងឯកជន។
លោក ផៃ ស៊ីផាន បានមានប្រសាសន៍ថា "ប៉ុន្តែ ប្រសិនបើបញ្ចាំងជាសាធារណៈ នឹងមិនត្រូវបានអនុញ្ញាតទេ ពីព្រោះខ្សែភាពយន្តនេះត្រូវបានរដ្ឋាភិបាលហាមឃាត់"។
លោកបានបន្ថែមថា ខ្ញុំសោកស្តាយណាស់ដែលគណបក្សប្រឆាំងព្យាយាមបង្ហាញអ្វី ដែលបង្កឲ្យមានការឈឺចាប់ វាយប្រហាររដ្ឋាភិបាល តាមរយៈការបញ្ចាំងខ្សែភាពយន្តនេះដែលបំផ្លើស និងជ្រៀតជ្រែកកិច្ចការតុលាការ"។
កាលពីខែមករាឆ្នាំមុន មជ្ឈមណ្ឌលសិទ្ធិមនុស្សកម្ពុជាបានលុបចោលគម្រោងបញ្ចាំងខ្សែភាពយន្តនេះ បន្ទាប់ពីមានការគំរាមកំហែងពីរដ្ឋាភិបាលថា អ្នករៀបចំដែលជាជនជាតិខ្មែរនឹងត្រូវចាប់ខ្លួន ហើយអ្នករៀបចំជាជនបរទេសនឹងត្រូវនិរទេស។
លោក ផៃ ស៊ីផាន បានមានប្រសាសន៍នៅពេលនោះថា "ប្រសិនបើអ្នកបំពានបម្រាមនេះ យើងនឹងចាត់វិធានការ។ ប្រសិនបើអ្នកជាជនជាតិខ្មែរ យើងចាប់អ្នកដាក់គុក"។
សហជីពសេរីកម្មករដែលបច្ចុប្បន្នដឹកនាំដោយលោក ជា មុនី ប្អូនប្រុសរបស់លោក ជា វិជ្ជា ក៏បានជួបប្រជុំជាមួយសាលារាជធានីកាលពីម្សិលមិញ ហើយទទួលបានការអនុញ្ញាតឲ្យជួបជុំគ្នានៅរូបសំណាកមេដឹកនាំសហជីពរូបនេះដែលត្រូវបានបាញ់សម្លាប់នៅជិតវិមានឯករាជ្យ នៅព្រឹកថ្ងៃព្រហស្បតិ៍។
លោកស្រី មូរ សុខហួរ បានមានប្រសាសន៍ថា លោក សម រង្ស៊ី និងលោក កឹម សុខា មេដឹកនាំគណបក្សសង្គ្រោះជាតិ នឹងចូលរួមពិធីនោះ។
លោក សេង ហាក់ មន្ត្រីសហជីពសេរីកម្មករម្នាក់បានមានប្រសាសន៍ថា សាលារាជធានីបានអះអាងថា ការជួបជុំគ្នានេះមិនត្រូវប្រើដើម្បីផលប្រយោជន៍នយោបាយនោះឡើយ។
លោកបានមានប្រសាសន៍ថា "មន្ត្រីសាលារាជធានីបានណែនាំពួកយើងថា ពួកគេនឹងមិនអនុញ្ញាតឲ្យឥស្សរជននយោបាយណាម្នាក់ដែលមានគម្រោងចូលរួមក្នុងពិធីនោះប្រមាថថ្នាក់ដឹកនាំរដ្ឋាភិបាល ឬព្រះមហាក្សត្រឡើយ បើមិនដូច្នេះទេ យើង ជាអ្នករៀបចំត្រូវទទួលខុសត្រូវចំពោះមុខច្បាប់"។
លោក ឡុង ឌីម៉ង់ អ្នកនាំពាក្យសាលារាជធានីបានមានប្រសាសន៍ថា គោលបំណងនៃការជួបជុំគ្នានេះ គឺដើម្បីគោរពដល់លោក ជា វិជ្ជា ដូច្នេះហើយ យើងចង់ឲ្យមនុស្សគ្រប់គ្នារួមទាំងឥស្សរជននយោបាយផងរៀបចំពិធីនេះដើម្បីគោរពដល់អ្នកដែលបានស្លាប់ទៅ"៕សារុន
ទេសចរពីរនាក់ប្តីប្រពន្ធជនជាតិបារាំង ជួបគ្រោះថ្នាក់ក្រឡាប់រទេះគោដ៏កម្រ
នគរបាលបាននិយាយកាលពីម្សិលមិញថា ពីរនាក់ប្ដីប្រពន្ធជនជាតិបារាំង ដែលធ្វើដំណើរកម្សាន្តតាមតំបន់ជនបទក្នុងខេត្តកំពង់ឆ្នាំង បានជួបគ្រោះថ្នាក់ចៃដន្យកាលពីថ្ងៃច័ន្ទ នៅពេលរទេះគោដែលពួកគាត់ជិះបានក្រឡាប់ធ្លាក់ចូលស្នាមភ្លោះ។
យោងតាមលោក ហ៊ុល វាសនា អធិការនគរបាលស្រុកបានឲ្យដឹងថា លោក ហ្គីលប៊ើត រ៉ុងឆាដ (Gilbert Ronchard) អាយុ៦៣ឆ្នាំ និងប្រពន្ធរបស់គាត់ឈ្មោះ ម៉ារី ឡូរ៉េ (Marie-Laure) អាយុ៦០ឆ្នាំ បានជួលរទេះគោនេះ និងអ្នកបររទេះម្នាក់ដើម្បីជិះលេងកាត់ភូមិក្នុងស្រុកកំពង់ត្រឡាច ខេត្តនេះ។
លោកបានមានប្រសាសន៍ថា "នៅពេលពួកគាត់កំពុងធ្វើដំណើរ មានក្មេងៗបួនទៅប្រាំនាក់បានព្យាយាមតាមពួកគាត់...
រដ្ឋមន្ត្រីក្រសួងការពារជាតិប្រាប់ទាហានឲ្យប្រឈមនឹងបក្សប្រឆាំង
ថ្លែងទៅកាន់ទាហានប្រហែល៥០០នាក់នៅកិច្ចប្រជុំប្រចាំឆ្នាំនៃកងទ័ពជើងទឹកកម្ពុជានាមូលដ្ឋានរបស់ខ្លួនក្នុងក្រុងភ្នំពេញ លោក ទៀ បាញ់ រដ្ឋមន្ត្រីក្រសួងការពារជាតិបានប្រាប់ទាហានឲ្យប្រឈមនឹងគណបក្សសង្គ្រោះជាតិ ប្រសិនបើគណបក្សនេះផ្សព្វផ្សាយព័ត៌មានមិនពិតអំពីគណបក្សកាន់អំណាច។
ដោយអះអាងថា ថ្នាក់ដឹកនាំបក្សប្រឆាំងកាន់តែបញ្ចេញវោហារវាយប្រហារខ្លាំងឡើងអំឡុងពេលថ្លែងសុន្ទរកថានាពេលថ្មីៗនៅវេទិកាសាធារណៈទូទាំងប្រទេសនោះ លោកឧត្តមសេនីយ៍ ទៀ បាញ់ បានប្រាប់ទាហានឲ្យធ្វើអន្តរាគមន៍ ប្រសិនបើគណបក្សសង្គ្រោះជាតិវាយប្រហារពាក្យសម្តីមិនពិតលើរដ្ឋាភិបាលគណបក្សប្រជាជនកម្ពុជា។
លោកឧត្តមសេនីយ៍ ទៀ បាញ់ បានមានប្រសាសន៍ថា "កម្តៅកំពុងតែកើនឡើងដោយសារការប្រើវោហារសាស្ត្រ ការញុះញង់ ការបង្កហេតុ និងការប្រមូលរឿងអាក្រក់ទាំងអស់ ដើម្បីវាយប្រហារយ៉ាងខ្លាំងលើរដ្ឋាភិបាល និងគណបក្សប្រជាជនកម្ពុជា ហើយពួកគេនិយាយថា មានតែគណបក្សសង្គ្រោះជាតិប៉ុណ្ណោះអាចផ្តួលគណបក្សប្រជាជនកម្ពុជា និងលោក...
អភិបាលខេត្តរតនគិរីសង្ស័យអ្នកស្រុករត់ពន្ធជនជាតិភាគតិចម៉ុងតាញ៉ា
អភិបាលខេត្តរតនគិរីបាននិយាយកាលពីថ្ងៃច័ន្ទថា លោកសង្ស័យថា អ្នកស្វែងរកសិទ្ធិជ្រកកោនម៉ុងតាញ៉ា១៤នាក់ដែលកំពុងលាក់ខ្លួនក្នុងព្រៃស្រុកអូរយ៉ាដាវ ត្រូវបានរត់ពន្ធឆ្លងកាត់ព្រំដែនពីប្រទេសវៀតណាមដោយក្រុមជនជាតិភាគតិចចារ៉ាយក្នុងតំបន់នោះ។
អ្នកភូមិចារ៉ាយមួយក្រុមក្នុងស្រុកនេះបាននិងកំពុងជួយជនម៉ុងតាញ៉ាឲ្យគេចពីអាជ្ញាធរ ចាប់តាំងពីក្រុមមួយមានគ្នាប្រាំនាក់បានមកដល់កាលពីថ្ងៃទី៣ខែមករា។ មនុស្សប្រាំបួននាក់ទៀតបានមកដល់កាលពីថ្ងៃសៅរ៍។
អ្នកភូមិដដែលក៏បានជួយជនម៉ុងតាញ៉ា១៣នាក់ដែលបានឆ្លងព្រំដែនកាលពីចុងខែតុលា ឲ្យទាក់ទងជាមួយតំណាងអង្គការសហប្រជាជាតិកាលពីចុងខែធ្នូ។ អង្គការសហប្រជាជាតិបន្ទាប់មកបានបញ្ជូនអ្នកទាំង១៣នាក់មកក្រុងភ្នំពេញ ដើម្បីដាក់ពាក្យសុំឋានៈជនភៀសខ្លួន។
អភិបាលខេត្តរតនគិរី លោក ថង សាវ៉ុន បានមានប្រសាសន៍ថា លោកជឿថា ក្រុមចារ៉ាយបានរត់ពន្ធជនជាតិភាគតិចម៉ុងតាញ៉ា ដែលនិយាយថា ពួកគេកំពុងរត់គេចចេញពីការធ្វើទុក្ខបុកម្នេញខាងសាសនានិងនយោបាយ ពីប្រទេសវៀតណាមឆ្លងមកប្រទេសកម្ពុជា។
លោក សាវ៉ុន បាននិយាយថា "អ្នកដែលជួយយកអាសារជនចារ៉ាយវៀតណាមត្រូវតែទទួលខុសត្រូវចំពោះការប្រមូលមនុស្សទាំងនោះ និងការលាក់ពួកគេក្នុងខេត្តរតនគិរី។ យើងនឹងប្តឹងអ្នកទាំងនោះទៅតុលាការពីបទលាក់មនុស្សដោយខុសច្បាប់"។ លោកក៏បានអះអាងដែរថា...
តុលាការបង្គាប់ឲ្យឃុំខ្លួនលោក ដូរ៉ូសិនកូ ជុំវិញវិវាទជាមួយលោក ប៉ូលុនស្គី
យោងតាមឯកសារតុលាការដែលទទួលបានកាលពីដើមខែនេះបានឲ្យដឹងថា សាលាដំបូងខេត្តព្រះសីហនុ បានចោទប្រកាន់លោក នីកូឡៃ ដូរ៉ូសិនកូ ពាណិជ្ជករជនជាតិរុស្ស៊ីពីបទរំលោភសេចក្ដីទុកចិត្ត ហើយបានបង្គាប់ឲ្យឃុំខ្លួនលោកចំពោះការមិនប្រគល់អាជ្ញាប័ណ្ណវិនិយោគកោះចំនួនបួននៅក្នុងសមុទ្រខេត្តព្រះសីហនុទៅឲ្យលោក សេរហ្គេ ប៉ូលុនស្គី ជាគូប្រជែងរបស់ខ្លួនយូរមកហើយនោះ។
មន្ត្រីនគរបាលមាននិយាយកាលពីម្សិលមិញថា លោក ដូរ៉ូសិនកូ អាយុ៥៤ឆ្នាំកំពុងលាក់ខ្លួន។ សេចក្ដីសម្រេចរបស់តុលាការកាលពីថ្ងៃទី២៣ ខែធ្នូ ធ្វើឡើងបន្ទាប់ពីមានជម្លោះទាំងឯកជន និងរដ្ឋរវាងជនជាតិរុស្ស៊ីដ៏មានអំណាចទាំងនេះ រួមមានការប្ដឹងតបតគ្នាក្នុងតុលាការកាលពីខែធ្នូ ជុំវិញការអះអាងរបស់លោក ដូរ៉ូសិនកូ ថា លោក ប៉ូឡុនស្គី អាយុ៤២ឆ្នាំ...
Latest news
© 2021, ដេលី. All rights reserved.