TAG
paywall
គណបក្សប្រជាជនកម្ពុជាជំរុញឲ្យកាត់បន្ថយរយៈពេលយុទ្ធនាការបោះឆ្នោតពាក់កណ្តាល
ឧបនាយករដ្ឋមន្ត្រី ប៊ិន ឈិន បានមានប្រសាសន៍កាលពីថ្ងៃច័ន្ទថា រយៈពេលធ្វើយុទ្ធនាការបោះឆ្នោតជាផ្លូវការសម្រាប់ការបោះឆ្នោតជាតិ ត្រូវតែកាត់បន្ថយពីរយៈពេល៣០ថ្ងៃមកត្រឹម១៤ថ្ងៃវិញ ដោយការដើរហែតាមផ្លូវអនុញ្ញាតឲ្យធ្វើតែនៅពេលថ្ងៃបើកនិងថ្ងៃបិទប៉ុណ្ណោះ ដើម្បីកាត់បន្ថយការកកស្ទះចរាចរណ៍។
លោក ប៊ិន ឈិន កំពុងដឹកនាំគណបក្សប្រជាជនកម្ពុជាកំពុងកាន់អំណាចក្នុងការចរចាជាមួយគណៈប្រតិភូគណបក្សសង្គ្រោះជាតិ ដឹកនាំដោយលោក គុយ ប៊ុនរឿន ដើម្បីធ្វើវិសោធនកម្មច្បាប់បោះឆ្នោតជាតិរបស់ប្រទេសកម្ពុជា ដើម្បីបង្គ្រប់ច្បាប់ដែលពួកគេបានចរចាគ្នាកាលពីចុងឆ្នាំមុន ក្នុងការបង្កើតគណៈកម្មាធិការជាតិរៀបចំការបោះឆ្នោតទ្វេបក្សថ្មី (NEC)។
លោកបានប្រាប់អ្នកកាសែតបន្ទាប់ពីការប្រជុំកាលពីថ្ងៃច័ន្ទថា “យើងចង់ឲ្យការដើរហែឃោសនាត្រូវធ្វើនៅថ្ងៃបើកនិងថ្ងៃបិទ ពីព្រោះគណបក្សប្រជាជនកម្ពុជាចង់កាត់បន្ថយការប្រឈមក្នុងសង្គម។ ដូចយើងនៅភ្នំពេញ ជាឧទាហរណ៍ស្រាប់ វាអាចធ្វើឲ្យមានការកកស្ទះចរាចរណ៍ ប្រសិនបើមានការហែក្បួនរាល់ថ្ងៃនោះ"។
សព្វថ្ងៃនេះ...
កងរាជអាវុធហត្ថចាប់ខ្លួនប្ដីប្រពន្ធពីរនាក់ពីបទយកកាំបិតគំរាមមន្ត្រីរដ្ឋបាលព្រៃឈើ
ក្រុមមន្ត្រីនិងបុគ្គលិកសិទ្ធិមនុស្សបាននិយាយថា កាលពីម្សិលមិញ កងរាជអាវុធហត្ថខេត្តព្រះវិហារបានចាប់ខ្លួនប្តីប្រពន្ធវ័យកណ្តាលម្នាក់ដែលជាប់ចោទពីបទគំរាមប្រើអំពើហិង្សាមកលើមន្ត្រីរដ្ឋបាលព្រៃឈើជុំវិញដីរដ្ឋដែលមានវិវាទនៅក្នុងស្រុកឆែប។
យោងតាមលោក ឡុង ស៊ីថា ព្រះរាជអាជ្ញាអមសាលាដំបូងខេត្តព្រះវិហារបានឲ្យដឹងថា លោក សន វុទ្ធី អាយុ៤៥ឆ្នាំ និងប្រពន្ធរបស់គាត់ឈ្មោះ លឹម សុឃីម អាយុ៤៣ឆ្នាំ កាលពីថ្ងៃច័ន្ទបានកាន់កាំបិត និងពូថៅប៉ុនប៉ងបំភិតបំភ័យមន្ត្រីខណ្ឌរដ្ឋបាលព្រៃឈើខេត្តព្រះវិហារ ដែលមកចរចាជាមួយពួកគាត់ជុំវិញដីរដ្ឋទំហំ៨៤ហិកតា។
លោក ស៊ីថា បានមានប្រសាសន៍ថា "យើងបានចាប់ខ្លួនពួកគាត់ ពីព្រោះពួកគាត់កាន់កាំបិត ហើយគំរាមកាប់អាជ្ញាធររបស់យើង" ដោយលោកអះអាងថា ពួកគាត់ក៏បានប្រើពូថៅផងដែរ។
ដោយសំដៅដល់អ្នកភូមិ១០០គ្រួសារ ដែលអះអាងថា ពួកគាត់បានរស់នៅក្នុងតំបន់នេះតាំងពីចុងទសវត្សរ៍ឆ្នាំ២០០០នោះ លោកបានបន្ថែមថា "ដីនេះជាកម្មសិទ្ធិរបស់រដ្ឋបាលព្រៃឈើ ប៉ុន្តែពួកគាត់បានកាន់កាប់ដីនេះដោយខុសច្បាប់"។
លោក ឡោ ចាន់ អ្នកសម្របសម្រួលអង្គការសិទ្ធិមនុស្សអាដហុកប្រចាំខេត្តនេះបានមានប្រសាសន៍ថា អ្នកភូមិប្រហែល៥០នាក់បានតវ៉ានៅខាងក្រៅទីស្នាក់ការខណ្ឌរដ្ឋបាលព្រៃឈើកាលពីម្សិលមិញអំពាវនាវឲ្យដោះលែងប្ដីប្រពន្ធទាំងពីរនាក់នេះ។
លោកបានមានប្រសាសន៍ថា...
លោក ហែម ថុន កីឡាករហែលទឹកដ៏ល្បីឈ្មោះក្នុងទសវត្សរ៍៦០ស្លាប់ក្នុងអាយុ៧១ឆ្នាំ
លោក ហែម ថុន ដែលគេចាត់ទុកថា ជាកីឡាករហែលទឹកដ៏ល្បីឈ្មោះក្នុងប្រទេសកម្ពុជាបានស្លាប់នៅក្នុងរាជធានីភ្នំពេញកាលពីល្ងាចថ្ងៃច័ន្ទ ក្នុងអាយុ៧១ឆ្នាំ។
លោក ហែម គិរី កូនប្រុសរបស់លោក ហែម ថុន និងជាអនុប្រធានសម្ព័ន្ធកីឡាហែលទឹកខ្មែរបានមានប្រសាសន៍ថា ឪពុករបស់លោកដែលឈ្នះមេដាយអន្តរជាតិចំនួន១២ ក្នុងទសវត្សរ៍ឆ្នាំ១៩៦០ និង ៧០ ហើយក្រោយមកបានក្លាយជាអគ្គលេខាធិការរងនៃគណៈកម្មាធិការជាតិអូឡាំពិកកម្ពុជាបានស្លាប់នៅម៉ោង៦និង៤៥នាទីល្ងាចម្សិលមិញ បន្ទាប់ពីពុះពារជំងឺសួត និងជំងឺថ្លើមជាយូរមកហើយ។
លោក គិរី បានមានប្រសាសន៍កាលពីម្សិលមិញអំឡុងពិធីមួយនៅផ្ទះរបស់ឪពុកលោកនៅក្នុងខណ្ឌពោធិ៍សែនជ័យថា " ឪពុករបស់ខ្ញុំទើបតែបានធូរស្រាលពីជំងឺថ្មីៗនេះប៉ុណ្ណោះ ប៉ុន្តែត្រូវបានបញ្ជូនទៅមន្ទីរពេទ្យម្ដងទៀតកាលពីព្រឹកថ្ងៃសៅរ៍ ខណៈគាត់មិនស្រួលខ្លួន"។
លោកបានបន្ថែមថា...
លោក ហ៊ុន សែន ចង់ឲ្យមានការបញ្ចុះតម្លៃអគ្គិសនីដល់អ្នកប្រើប្រាស់ដែលខ្សត់ខ្សោយ
កាលពីថ្ងៃច័ន្ទ លោកនាយករដ្ឋមន្ត្រី ហ៊ុន សែន បានអំពាវនាវឲ្យស្ថាប័នរដ្ឋនានាជួយបញ្ចុះតម្លៃអគ្គិសនីដល់អ្នកប្រើប្រាស់នៅទូទាំងប្រទេស ហើយស្នើឡើងនូវគម្រោងមួយដើម្បីទប់ស្កាត់ម្ចាស់ផ្ទះកុំឲ្យកិបកេងពីកម្មករដោយតអគ្គិសនីទៅឲ្យអ្នកជួលបន្ទប់ដោយផ្ទាល់តែម្តង។
នៅក្នុងពិធីសម្ពោធដាក់ឲ្យប្រើប្រាស់ទំនប់វារីអគ្គិសនីស្ទឹងឫស្សីជ្រុំក្រោម កម្លាំង៣៣៨មេហ្គាវ៉ាត់នៅក្នុងខេត្តកោះកុងកាលពីថ្ងៃច័ន្ទ លោក ហ៊ុន សែន បានស្នើឲ្យក្រុមហ៊ុនអគ្គិសនីកម្ពុជា(EdC)គ្រប់គ្រងដោយរដ្ឋ ក្រសួងរ៉ែ និងថាមពលនិងសាលារាជធានីភ្នំពេញឲ្យធ្វើការរួមគ្នាដើម្បីធានាឲ្យបានថា ម្ចាស់ផ្ទះនឹងមិនយកថ្លៃភ្លើងខ្ពស់ពីកម្មករ។
លោកនាយករដ្ឋមន្ត្រី ហ៊ុន សែន បានមានប្រសាសន៍ថា "ប្រសិនបើម្ចាស់ផ្ទះផ្គត់ផ្គង់ភ្លើងដោយសម្ងាត់ ហើយយកថ្លៃខុសពីអ្វីដែលពួកគេបង់មកឲ្យយើង យើងនឹងចាប់ផ្តើមតអគ្គិសនីទៅឲ្យកម្មករប្រើដោយផ្ទាល់តែម្តង"។
លោកនាយករដ្ឋមន្ត្រីបានលើកឡើងទៀតថា យោងតាមគម្រោងរបស់លោក កម្មករណាដែលប្រើតិចជាង៥០គីឡូវ៉ាត់ម៉ោងក្នុងមួយខែនឹងត្រូវបង់ត្រឹមតែ៦១០រៀលប៉ុណ្ណោះក្នុងមួយគីឡូវ៉ាត់ម៉ោង។
លោកបានមានប្រសាសន៍បន្ថែមទៀតថា "ប្រសិនបើពួកគាត់ប្រើត្រឹមតែអំពូលពីរ និងកង្ហារមួយ អគ្គិសនីដែលពួកគាត់ប្រើប្រាស់នឹងមិនលើសពី៥០គីឡូវ៉ាត់ម៉ោងឡើយ"។
លោកនាយករដ្ឋមន្ត្រីមិនបានបញ្ជាក់ថា តើកម្មករណាដែលលោកបានសំដៅទៅលើឲ្យពិតប្រាកដនោះទេ ប៉ុន្តែ លោកបានផ្តោតលើកម្មករដែលរស់នៅដោយជួលបន្ទប់គេ។ លោកនាយករដ្ឋមន្ត្រីបានលើកឡើងបន្ថែមថា កម្មករប្រហែល១៥០.០០០នាក់មកពីបណ្តាខេត្តនានាសព្វថ្ងៃកំពុងជួលបន្ទប់ប្រហែល៣០.០០០បន្ទប់នៅក្នុងរាជធានីភ្នំពេញដោយពួកគាត់បានបង់ថ្លៃភ្លើងចន្លោះពី៨៥០រៀលដល់២.៥០០រៀលក្នុងមួយគីឡូវ៉ាត់ម៉ោង។តម្លៃភ្លើងដែលរដ្ឋបានកំណត់គឺចាប់ពី៦១០រៀលដល់៨២០រៀលក្នុងមួយគីឡូវ៉ាត់ម៉ោង។
លោកមិនបានពន្យល់ថា តើពេលណាគម្រោងនេះនឹងចាប់ផ្តើមឡើយ ប៉ុន្តែ ថាគម្រោងនេះក៏នឹងទៅដល់បណ្តាខេត្តនានាផងដែរ។ លោកបានមានប្រសាសន៍ថា "ក្រៅពីរាជធានីភ្នំពេញ គម្រោងនេះនឹងទៅដល់បណ្តាខេត្តនានាដែលអគ្គិសនីត្រូវបានផ្គត់ផ្គង់ដោយរដ្ឋ និងដែលក៏មានបន្ទប់ជួលដែរនោះ"។
គេមិនអាចទាក់ទងលោក កែវ រតនៈ អគ្គនាយកអគ្គិសនីកម្ពុជាដើម្បីសុំការធ្វើអត្ថាធិប្បាយបានឡើយ។
តែទោះជាយ៉ាងណា នៅក្នុងកិច្ចសម្ភាសន៍មួយជាមួយកាសែតដើមអម្ពិលដែលចេញផ្សាយកាលពីម្សិលមិញ លោក កែវ រតនៈ បានលើកឡើងថា អគ្គិសនីកម្ពុជាមានគម្រោងចំណាយប្រាក់ចំនួន២លានដុល្លារ ដើម្បីតអគ្គិសនីតាមបន្ទប់ជួលនីមួយទូទាំងរាជធានីភ្នំពេញដោយប្រើខ្សែភ្លើងប្រមាណ៤០.០០០ម៉ែត្រ។ លោកមិនបានប្រាប់ថា ពេលណាការងារនេះនឹងចាប់ផ្តើមឡើយ។
លោកបានប្រាប់កាសែតនេះថា "ទោះបីជា ស្នើឲ្យយើងធ្វើក្នុងពេលឥឡូវនេះក៏ដោយ តែយើងត្រូវការពេលវេលាច្រើនដើម្បីទិញខ្សែភ្លើង និងខ្សែកាប"។
អ្នកខ្លះបានចោទសួរអំពីលទ្ធផលនៃគម្រោងនេះ។ បន្ទប់ជួលជាច្រើននៅក្នុងរាជធានីសុទ្ធតែត្រូវបានជួលដោយកម្មករកាត់ដេរក្បែររោងចក្រ ដែលពួកគាត់ធ្វើការ។ លោក អាត់ ធន់ ដែលដឹកនាំសហជីពឯករាជ្យធំបំផុតនៅកម្ពុជាបានលើកឡើងថា កម្មករភាគច្រើនខ្វះឯកសារដែលរដ្ឋតម្រូវឲ្យមានដើម្បីអាចតអគ្គិសនីបាន ព្រោះថា ពួកគាត់ម្តងរើទៅនេះម្តងរើទៅនោះ។
លោក កែន លូ អគ្គលេខាធិការសមាគមរោងចក្រនៅកម្ពុជា ដែលតំណាងឲ្យរោងចក្រនានាបានយល់ស្របថា ការដំឡើងថ្លៃអគ្គិសនីគឺជារឿងប្រឈមសម្រាប់កម្មករ ប៉ុន្តែ លោកសង្ស័យថា ម្ចាស់ផ្ទះនឹងមិនព្រមឲ្យរដ្ឋាភិបាលតភ្លើងដោយផ្ទាល់ចូលតាមបន្ទប់នីមួយៗឡើយ។ លោកបានមានប្រសាសន៍ថា "ខ្ញុំមិនដឹងឡើយថា តើវាអាចទៅរួច ឬក៏អត់នោះ"៕ស៊ុយឈាង
យោធាម្នាក់ត្រូវបានចោទប្រកាន់ពីបទបាញ់គំរាមអ្នកធ្វើដំណើរ ឆ្លងកាត់ស្ពានមិនព្រមបង់ប្រាក់
នគរបាលមូលដ្ឋានម្នាក់បាននិយាយថា យោធាម្នាក់ក្នុងខេត្តកំពង់ស្ពឺត្រូវបានចាប់ខ្លួនកាលពីថ្ងៃច័ន្ទពីបទបាញ់កាំភ្លើងឡើងលើ និងគំរាមប្រជាជនដែលមិនព្រមបង់ប្រាក់សម្រាប់ការឆ្លងកាត់ស្ពានឈើដែលមន្ត្រីយោធាម្នាក់ទៀតបានសាងសង់កាត់ស្ទឹង។
យោងតាមលោក អៀម ចាន់ថា អធិការរងនគរបាលស្រុកបានឲ្យដឹងថា លោក ហុក សុផាត អាយុ៣៦ឆ្នាំ ជាអនុសេនីយ៍ឯកនៅក្រសួងការពារជាតិបានដាក់កុងត្រូលដើម្បីយកលុយចំនួន៥.០០០រៀលពីយានយន្តមួយគ្រឿងៗដែលចង់ឆ្លងកាត់ស្ពាននេះដែលស្ថិតក្នុងឃុំត្រពាំងជោ ស្រុកឱរ៉ាល់។
ស្ពាននេះត្រូវបានសាងសង់កាត់ស្ទឹងកាលពីខែសីហា ដោយលោក មាស តារា វរសេនីយ៍ទោនៅក្រសួងការពារជាតិ ដែលបានបញ្ជូនលោក សុផាត ឲ្យទៅដាក់កុងត្រូល និងយកថ្លៃពីអ្នកចង់ឆ្លងកាត់ស្ពាន។
លោក ចាន់ថា បានមានប្រសាសន៍ថា ទោះជាយ៉ាងណាតាមទម្លាប់អនុសេនីយ៍ឯករូបនេះតែងតែមានកំហឹងនៅពេលអ្នកធ្វើដំណើរមិនព្រមបង់ប្រាក់ ហើយបានយកកាំភ្លើងអាកា-៤៧បាញ់ឡើងលើដើម្បីបន្លាចពួកគាត់។
លោកបានមានប្រសាសន៍ថា "យើងបានចាប់ខ្លួនលោក សុផាត បន្ទាប់ពីប្រជាជនបានដាក់ពាក្យបណ្តឹងប្តឹងគាត់ពីបទបាញ់បោះគំរាម និងជំរិតទារប្រាក់ពីប្រជាជន នៅពេលពួកគាត់មិនព្រមបង់ប្រាក់ក្នុងការឆ្លងកាត់ស្ពាន"។
លោក ចាន់ថា បានពន្យល់ថា បើទោះជាកុងត្រូលនេះមិនខុសច្បាប់ក៏ដោយ ក៏ទាហានរូបនេះមានអាកប្បកិរិយាហិង្សាដែរ។
លោកបានមានប្រសាសន៍ថា "យើងមិនបានចាប់ខ្លួនគាត់ ដោយសារយកលុយទេ ប៉ុន្តែយើងចោទប្រកាន់គាត់ពីបទប្រើប្រាស់អាវុធខុសច្បាប់ និងបាញ់គំរាមប្រជាជន"។
យោងតាមលោក កែវ ពិសី ស្នងការនគរបាលខេត្តដែលបានបដិសេធមិននិយាយពីរឿងនេះបានឲ្យដឹងថា នគរបាលខេត្តបានសាកសួរលោក សុផាត នៅស្នងការដ្ឋានរបស់ខ្លួន។
លោក វរសេនីយ៍ទោ តារា ដែលបានសាងសង់ស្ពាននេះបានមានប្រសាសន៍ថា លោកបានចំណាយប្រាក់ចំនួន១១.៦០០ដុល្លារក្នុងការសាងសង់ស្ពាននេះ ហើយថា អាជ្ញាធរមូលដ្ឋានបានអនុញ្ញាតឲ្យរូបលោកយកថ្លៃពីអ្នកដំណើរក្នុងការឆ្លងកាត់ស្ពាន។
លោកបានមានប្រសាសន៍ថា លោកទើបតែចាប់ផ្តើមយកប្រាក់កាលពីខែធ្នូតែប៉ុណ្ណោះ ហើយប្រមូលបានប្រាក់សរុបប្រហែល២៥០ដុល្លារនៅខែនោះ។
ដោយសង្កត់ធ្ងន់ថា កុងត្រូលនេះមិនខុសច្បាប់នោះ លោកបានមានប្រសាសន៍ថា "ខ្ញុំបានចាត់តាំងលោក សុផាត ឲ្យឈរជើងនៅទីនោះដើម្បីយកលុយពីអ្នកធ្វើដំណើរឆ្លងកាត់ស្ពាន"។
លោក តារា បានមានប្រសាសន៍បន្ថែមថា "ខ្ញុំមិនទាន់បានទទួលការហៅទូរស័ព្ទពីអាជ្ញាធរខេត្តសុំឲ្យខ្ញុំពន្យល់ពីការដាក់កូនចៅរបស់ខ្ញុំនៅកុងត្រូលនេះនៅឡើយទេ ប៉ុន្តែខ្ញុំនឹងស្នើសុំឲ្យដោះលែងកូនចៅរបស់ខ្ញុំ ពីព្រោះគាត់មិនបានធ្វើអ្វីខុសទេ ពីព្រោះគាត់គ្រាន់តែបាញ់ដោយអចេតនាតែប៉ុណ្ណោះ"៕សារុន
ជនសង្ស័យក្នុងករណីជួញដូរគ្រឿងញៀននៅព្រះវិហារគ្រិស្តត្រូវបានសាកសួរ និងឃុំខ្លួន
បុរសជនជាតិនីហ្សេរីយា៉ប្រាំបីនាក់ និងស្ត្រីជនជាតិខ្មែរម្នាក់ដែលជួញដូរគ្រឿងញៀនបានពីព្រះវិហារគ្រិស្តមួយកន្លែងនៅក្នុងខណ្ឌមានជ័យ រាជធានីភ្នំពេញ ត្រូវបានឃុំខ្លួនជាបណ្ដោះអាសន្ននៅពន្ធនាគារព្រៃសកាលពីម្សិលមិញ បន្ទាប់ពីសាកសួររួចនៅសាលាដំបូងរាជធានីភ្នំពេញ។
ជនសង្ស័យទាំងប្រាំបួនត្រូវបានចោទប្រកាន់ពីបទជួញដូរគ្រឿងញៀនកាលពីថ្ងៃច័ន្ទ បន្ទាប់ពីនគរបាលសហការជាមួយការិយាល័យប្រឆាំងការជួញដូរគ្រឿងញៀននៃក្រសួងមហាផ្ទៃ បានចាប់ខ្លួនពួកគេនៅក្នុងប្រតិបត្តិការបន្លំខ្លួនដាក់អន្ទាក់មួយកាលពីសប្ដាហ៍មុន។ នគរបាលជឿថា ពួកគេបានជួញដូរគ្រឿងញៀនមេតំហ្វេតាមីនចេញពីព្រះវិហារ Mountain of Fire and Miracles Ministries Church។
ព្រះវិហារនេះទទេស្អាត និងចាក់សោចោលកាលពីម្សិលមិញ ប៉ុន្តែនៅតែមានស្លាកសញ្ញាតូចមួយចងភ្ជាប់នឹងទ្វារមុខ ដោយបង្ហាញថា វាជាសាខារបស់ព្រះវិហារគ្រិស្តដែលមានទីស្នាក់ការកណ្ដាលនៅក្នុងប្រទេសនីហ្សេរីយ៉ា និងដែលមានសាខានៅអាស៊ី អាហ្វ្រិក អឺរ៉ុប និងអាមេរិកខាងជើង...
មន្ត្រីតុលាការមួយរូបបានលើកឡើងថា កាលពីម្សិលមិញសាលាដំបូងរាជធានីភ្នំពេញបានចាប់ផ្ដើមសាកសួរអតីតសាមណេរអាយុ១៨ឆ្នាំ ដែលជាប់ចោទពីបទចាក់សម្លាប់ភិក្ខុសង្ឃមួយអង្គឲ្យសុគតនៅវត្តសាមគ្គីរង្សី កាលពីថ្ងៃច័ន្ទ។
អតីតសាមណេរ ចាន់ សុភ័ក្ត្រ ត្រូវបានចោទប្រកាន់ពីបទធ្វើគតព្រះតេជគុណ ថាច់ ខាន់ ព្រះជន្ម៣៧ព្រះវស្សា គ្រូសូត្រឆ្វេងនៅវត្តនេះ នឹងកាំបិតចិតបន្លែអំឡុងពេលឈ្លោះគ្នានៅវត្តក្នុងខណ្ឌមានជ័យនេះកាលពីព្រឹកថ្ងៃច័ន្ទ។
ព្រះរាជអាជ្ញារង ជា មេ៉ត បានមានប្រសាសន៍ថា "យើងបានសាកសួរជននេះហើយ ប៉ុន្តែយើងមិនទាន់ធ្វើការចោទប្រកាន់ទេ។ យើងនឹងបន្តសាកសួរជននេះនៅថ្ងៃស្អែក ហើយបន្ទាប់មកនឹងបញ្ជូនជននេះទៅឲ្យចៅក្រមស៊ើបសួរ" មុនពេលលោកបដិសេធមិនធ្វើអត្ថាធិប្បាយបន្ថែមទៀត។
ទោះជាយ៉ាងណា លោក ជួន ណារិន ស្នងការរងរាជធានីភ្នំពេញបានលើកឡើងផ្ទុយពីលោក...
ការដំឡើងប្រាក់ខែសម្រាប់មន្ត្រីនគរបាល និងទាហានដែលមានឋានន្តរសក្តិទាប ត្រូវបានប្រកាស
លោកនាយករដ្ឋមន្ត្រី ហ៊ុន សែន បានប្រកាសកាលពីថ្ងៃច័ន្ទថា មន្ត្រីនគរបាល និងទាហានដែលមានឋានន្តរសក្តិទាប នឹងទទួលបានការដំឡើងប្រាក់ខែមុនចូលឆ្នាំខ្មែរ នៅពាក់កណ្ដាលខែមេសា។
នៅឯពិធីសម្ពោធដាក់ឲ្យប្រើប្រាស់ទំនប់វារីអគ្គិសនីថ្មីមួយនៅក្នុងខេត្តកោះកុង លោក ហ៊ុន សែន បានមានប្រសាសន៍ថា មន្ត្រីនគរបាលជាតិដែលមានឋានន្តរសក្ដិជាពលបាលត្រី នឹងទទួលបានការដំឡើងប្រាក់ខែ ៣៥,៣ ភាគរយ ពី៤៧៣.០០០រៀល ក្នុងមួយខែដល់៦៤០.០០០រៀល ក្នុងមួយខែ ចំណែកឯទាហានដែលមានឋានន្តរសក្តិទាបបំផុត នឹងទទួលបានការដំឡើងប្រាក់ខែពី ៣៥៥.០០០រៀល...
មេតុងទីនម្នាក់ត្រូវបានផ្តន្ទាទោសឲ្យជាប់ពន្ធនាគារពីរឆ្នាំ ពីបទឆបោក
កាលពីម្សិលមិញ សាលាដំបូងរាជធានីភ្នំពេញបានផ្តន្ទាទោសស្ត្រីអាយុ៤២ឆ្នាំម្នាក់ឲ្យជាប់ពន្ធនាគារពីរឆ្នាំ ពីបទឆបោកប្រាក់ចំនួន៣៦៦.៩០៦ដុល្លារពីមនុស្សចំនួន៣៥នាក់ដែលលេងតុងទីនជាមួយស្ត្រីរូបនេះ។
អ្នកស្រី លឹម ច័ន្ទវីតា ត្រូវបានផ្តន្ទាទោសពីបទឆបោក និងរំលោភលើសេចក្តីទុកចិត្ត បន្ទាប់ពីគាត់ត្រូវបានចាប់ខ្លួនកាលពីខែឧសភាឆ្នាំមុនពីបទសង្ស័យថា បានឆបោកអ្នកដែលលេងតុងទីនជាមួយខ្លួននៅក្នុងខណ្ឌមានជ័យ។
បន្ទាប់ពីផ្តន្ទាទោសរួច ចៅក្រម ឆែ វីរៈ បានបង្គាប់ឲ្យអ្នកស្រី ច័ន្ទវីតា ដែលជាមេតុងទីននៅក្នុងសង្កាត់បឹងទំពុនសងប្រាក់លេងតុងទីន និងសំណងជំងឺចិត្តទៅឲ្យជនរងគ្រោះចំនួនបីនាក់ ក្នុងទឹកប្រាក់ជិត២០១.៥០០ដុល្លារ។
អ្នកលេងតុងទីនចំនួន៣២នាក់ដែលនៅសេសសល់ផ្សេងទៀត ត្រូវតែដាក់ពាក្យបណ្តឹងដាច់ដោយឡែកពីគ្នាដើម្បីទទួលប្រាក់របស់ខ្លួនមកវិញ។ អ្នកស្រី ចិន សុគន្ធា ជនរងគ្រោះម្នាក់ក្នុងចំណោមជនរងគ្រោះទាំងអស់បានលើកឡើងថា អ្នកស្រី ច័ន្ទវីតា គឺជាអ្នកជិតខាងរបស់គាត់ ហើយបានប្រើសម្តីផ្អែមដើម្បីបញ្ចុះបញ្ចូលឲ្យគាត់លេងតុងទីនជាមួយ។
អ្នកស្រី សុគន្ធា បាននិយាយថា "គាត់បានធានាថា នឹងមិនឲ្យបាត់លុយរបស់ខ្ញុំនោះទេដោយហ៊ានដាក់ជីវិត ហេតុដូច្នេះហើយទើបខ្ញុំហ៊ានលេងតុងទីនជាមួយគាត់"៕ស៊ុយឈាង
បុរសម្នាក់កំពុងរត់គេចខ្លួនបន្ទាប់ពីវាយដំអតីតមិត្តស្រីរបស់ខ្លួននៅហាងខារ៉ាអូខេ
នគរបាលខេត្តកំពង់ចាមកំពុងស្វែងរកចាប់ខ្លួនបុរសអាយុ៣៤ឆ្នាំម្នាក់ពីបទបង្ករបួសស្នាម បន្ទាប់ពីស្ត្រីម្នាក់ដែលធ្វើការនៅហាងខារ៉ាអូខេមួយបានដាក់ពាក្យបណ្តឹងដោយចោទប្រកាន់បុរសរូបនេះថា បានវាយដំលើរូបនាងយ៉ាងធ្ងន់ធ្ងរ និងបង្ខំរួមភេទ។
លោក ប៉ែន រ័ត្ន ស្នងការនគរបាលខេត្តបានមានប្រសាសន៍ថា លោក ជឿន ហេង ត្រូវបានចោទប្រកាន់ពីបទវាយដំស្ត្រីម្នាក់អាយុ២៨ឆ្នាំ កាលពីថ្ងៃពុធ សប្តាហ៍មុន នៅកន្លែងធ្វើការរបស់នាងក្នុងក្រុងកំពង់ចាម។
លោកបានមានប្រសាសន៍ដោយលើកឡើងពីការដែលលោកទទួលបានពាក្យបណ្តឹងពីស្ត្រីរូបនេះកាលពីថ្ងៃសៅរ៍ថា "យើងកំពុងស្វែងរកជនដៃដល់រូបេនះ ប៉ុន្តែ ឥឡូវនេះជននេះកំពុងរត់គេចខ្លួននៅឡើយ" ។ ឥឡូវនេះយើងស្គាល់អត្តសញ្ញាណជននេះហើយ ហើយយើងនឹងរាយការណ៍ទៅតុលាការ។
លោក ប៉ែន រ័ត្ន បានបន្ថែមថា លោក ជឿន ហេង ធ្លាប់ធ្វើជាអ្នកគ្រប់គ្រងឲ្យឧកញ៉ា លី ឈុនអួន ហើយគាត់បានលាឈប់ពីការងាររយៈពេលប្រហែលមួយឆ្នាំមកហើយ។
នៅក្នុងបទសម្ភាសថតជាខ្សែអាត់វីដេអូជាមួយគេហទំព័រព័ត៌មានដើមអម្ពិល ស្ត្រីរូបនេះបានចោទប្រកាន់លោក ជឿន ហេង ដែលជាអតីតមិត្តប្រុសរបស់នាងពីបទវាយដំលើរូបនាង បន្ទាប់ពីនាងបានបដិសេធមិនព្រមមកសប្បាយជាមួយគាត់ និងមិត្តភក្តិរបស់គាត់នៅក្លឹបនោះ។
នាងបាននិយាយនៅក្នុងវីដេអូឃ្លីបនោះថា "ដោយសារខ្ញុំចង់ចេញពីបន្ទប់ ហើយខ្ញុំចេះតែនិយាយពាក្យនេះដដែលៗ គាត់បានវាយខ្ញុំរហូតដល់ខ្ញុំមើលទៅដូចនេះ។ គាត់បានប្រើដៃនិងជើងវាយនិងទាត់ធាក់ផ្ទៃមុខ និងក្បាលរបស់ខ្ញុំ។ ឥឡូវនេះក្បាលរបស់ខ្ញុំហើមយ៉ាងខ្លាំង"។
នៅក្នុងច្បាប់ចម្លងនៃពាក្យបណ្តឹងដែលបានចុះផ្សាយប្រព័ន្ធផ្សព្វផ្សាយព័ត៌មានក្នុងស្រុក Fresh News នាងក៏បានចោទប្រកាន់លោក ជឿន ហេង ពីបទអូសនាងចូលទៅក្នុងរថយន្ត ហើយចាប់រំលោភផងដែរ៕សារុន
Latest news
© 2021, ដេលី. All rights reserved.