paywall

នគរ​​​បាល​​​បាន​​​លើក​​​ឡើង​​​កាល​​​ពី​​​ម្សិល​​​មិញ​​​ថា មនុស្ស​​​បី​​​នាក់​​​រួម​​​ទាំង​​​​​​ជន​​​ជាតិ​​​អង់​​​គ្លេស​​​ម្នាក់​​​ផង​​​ត្រូវ​​​បាន​​​ចាប់​​​ខ្លួន​​​ពាក់​ព័ន្ធ​​គ្រឿង​​​ញៀន​​​ដាច់​​​ដោយ​​​ឡែក​​​ពី​​​គ្នា​​​ចំនួន​​​ពីរ​​​ក្នុង​​​ខេត្ត​​​ព្រះ​​​សីហនុ​​​ និងខេត្ត​​​​ស្ទឹង​​​ត្រែង​​​កាល​​​ពី​​​ថ្ងៃ​​​សៅរ៍​​​។ ​​​លោក​​​ ឡុង​​​ គឹមហួ មេបញ្ជាការ​​​កង​​​រាជ​​​អាវុធ​​​ហត្ថ​​​ក្រុង​​​ព្រះ​​​សីហនុ​​​បាន​​​មាន​​​ប្រសាសន៍​​​ថា  កាល​​​ពី​​​ថ្ងៃ​​​សៅរ៍​​​ នគរ​​​បាល​​​បាន​​​ឆ្មក់​​​ចូល​​​បន្ទប់​​​ជួល​​​របស់​​​លោក ដេវីដ រីដឺ អាយុ​​​៦៦​​​ឆ្នាំ​​​ ជា​ជន​ជាតិ​អង់គ្លេស​ និង​​​មិត្ត​​​ស្រីរបស់​​​ខ្លួន ឈ្មោះ លឹម សារ៉ុន អាយុ​​​៣៤​​​ឆ្នាំ​​​នៅ​​​ផ្ទះ​​​សំណាក់​​​ Power House ស្ថិ​ត​​​ក្នុង​​​សង្កាត់​​​លេខ​​​៤​​​ ក្រុង​​​ព្រះ​​​សីហនុ​​​។ លោក​​​ គឹមហួ បាន​​​​​​មាន​​​ប្រសាសន៍​​​ថា នគរ​​​បាល​​​បាន​​​រក​​​ឃើញ​​​ថ្នាំ​​​ញៀន​​​​​​ប្រភេទ​​​​មេតំ​ហ្វេតាមីនបួន​​​កញ្ចប់​​​តូច​​​ទម្ងន់​​​៧៧,៨ក្រាម​​ និង​​​បំពង់​​​សម្រាប់​​​ជក់​​​​​​ផង​​​ដែរ​​​។ លោក​​​បាន​​​បន្ថែម​​​ថា នគរបាល​​​​​សម្ងាត់​​​បាន​​​ទិញ​​​ថ្នាំ​​​មេតំហ្វេតាមីន ពី​​​អ្នក​ទាំង​​​ពីរ​​​នាក់​​​នេះ​​​ពី​​​រ​​​លើក​​​ផ្សេង​​​គ្នា​​​ក្នុង​​​តម្លៃ​​​១៥០​​​ដុល្លារ​​​ រយៈ​​​ពេល​​​ពី​​រ​​​ខែ​​​ មុន​​​ពេល​​​សម្រេច​​​ចាប់​​​ខ្លួន​​កាល​​​ពី​​​ថ្ងៃ​​​សៅរ៍។ លោក​​​បាន​​​មានប្រសាសន៍​​​ថា "យើង​​​​​​បាន​​​ចំណាយ​​​ពេល​​​ជា​​​ច្រើន​​​ដើម្បី​​​ឃ្លាំ​​​មើល​​​ពួក​​​គេ។ លោក គឹមហួ បាន​​​មាន​​​ប្រសាសន៍​​​ថា លោក រីដឺ ដែល​​​ជា​​​ជន​​​ចូល​​​និវត្តន៍​​​ ហើយ​​​បាន​​​មក​​​រស់​នៅ​​​​​​ក្នុង​​​ក្រុង​​​ព្រះ​​​សីហនុ​​​រយៈ​​​ពេល​​​ប្រាំ​​​មួយ​​​ឆ្នាំ​​​មក​​​ហើយ​​​នោះ បាន​​​អះ​​​អាង​​​ថា ថ្នាំ​​​ញៀន​​​នេះ​​​ជា​​​របស់​​​ លឹម សារ៉ុន ។ លោក គឹមហួ បាន​​​មាន​​​ប្រសាសន៍​​​ថា "ពួក​​​គេ​​​ទាំង​​​ពីរ​​​ត្រូ​​​វ​​​បាន​​​បញ្ជូន​​​ទៅ​​​សាលា​​​ដំបូង​​​ខេត្ត​​​ព្រះ​​​សីហនុ​​​កាល​​​ពី​​​ថ្ងៃ​​​សៅរ៍ ហើយ​​​ពួ​​​ក​​​គេ​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​ចែក​​​ចាយ​​​ និង​​​ប្រើ​​​ប្រាស់​​​ថ្នាំ​​​ញៀន"។ លោក​​​បាន​​​បន្ថែម​​​ថា ឥឡូវ​​​នេះ​​​ពួក​​​គេ​​​កំពុង​​​ត្រូវ​​​ឃុំ​​​ខ្លួន​​​បណ្តោះ​​​​​​អាសន្ន​​​។ ​​​លោក នូ ហួ នាយ​​​នគរបាល​​​​​​ប្រឆាំង​​​គ្រឿង​​​ញៀន​​​ខេត្ត​​​ស្ទឹង​ត្រែង​បាន​​​មាន​​​ប្រសាសន៍​​​ថា នៅ​​​ក្នុង​​​ករណី​​​ដាច់​​​ដោយ​​​ឡែក​​​មួយ​​​ទៀត នគរ​​​បាល​​​ប្រឆាំង​​​គ្រឿង​​​ញៀន​​​ខេត្ត​​​ស្ទឹង​​​ត្រែង​​​បាន​​​ចាប់​​​ខ្លួន​​​បុរស​​​ម្នាក់​​​ក្នុង​​​ក្រុង​​​ស្ទឹង​​​ត្រែង​​​កាល​​​ពី​​​ថ្ងៃ​​​សៅរ៍ បន្ទាប់​​​ពី​​​ជន​​​នេះ​​​បាន​​​ជួញ​​​ដូរ​​​ថ្នាំ​​​មេតំ​ហ្វេតាមីន​​​ចំនួន​​​៣.៩៩២​​​គ្រាប់​​​ ឆ្លង​​​កាត់​​​ព្រំ​​​ដែន​​​ពី​​​ប្រទេស​​​ឡាវ។ លោក នូ ហួ បាន​​​មានប្រសាសន៍​​​ថា នគរ​​​បាល​​​បាន​​​ចាប់​​​ផ្តើម​​​សើុប​​​អង្កេតលោក​​​ សេក ភក្តី អាយុ​​​៣០​​​ឆ្នាំ​​​រយៈ​​​ពេល​​​ប្រាំ​​​មួយ​​​ខែ​​​មក​​​ហើយ​​​ បន្ទាប់​​​ពី​​​ពួក​​​គេ​​​ចាប់​​​ផ្តើម​​​សង្ស័យ​​​លើ​​​រូប​​​គាត់​​​ពី​​​បទ​​​ជួញ​​​ដូរ​​​ថ្នាំ​​​ញៀន។ លោ​​ក​​​បាន​​​មានប្រសាសន៍​​​ថា "ដំបូង​​​គាត់​​​បាន​​​ជួញ​​​ដូរ​​​សាច់​​​សត្វ​​​ព្រៃទេ​​​ ហើយ​​​បន្ទាប់​​​មក​​​បាន​​​ប្តូរ​​​ទៅ​​​ជួញ​​​ដូរ​​​ថ្នាំ​​​ញៀន​​​វិញ​​​"។ លោក​​​បាន​​​បន្ថែម​​​ថា ភក្តី ត្រូវ​​​បាន​​​ចាប់​​​ខ្លួន​​នៅ​​​ចម្ការ​​​របស់​​​សាច់​​​ញាតិគាត់​​​ក្នុង​​​សង្កាត់​​​ស្ទឹង​​​ត្រែង។ លោក នូ ហួ បាន​​​មានប្រសាសន៍​​​ថា ភក្តី ត្រូវ​​​បាន​​​ចោទ​​​ប្រកាន់​​​ពី​​​បទ​​​ជួញ​​​ដូរ​​​ថ្នាំ​​​ញៀន​​​កាល​​​ពីថ្ងៃ​​​សៅរ៍ ហើយ​​​កំពុង​​​ត្រូវ​​​ឃុំ​​​ខ្លួន​​​បណ្តោះ​​​អាសន្ន​​​នៅ​​​ពន្ធនាគារ​​​ខេត្ត​​​៕សារុន​​​​​​  

អាជ្ញាធរ​​​​​​ខេត្ត​​​ឧត្តរ​មាន​​​ជ័យ​​​​​​បាន​​​រក​​​ឃើញ​​​ឈើ​​​ប្រណីត​​​មាន​​​តម្លៃ​​​មួយ​​​ចំនួន​​​ធំ​​​​​​នៅ​​​ក្នុង​​​ឃ្លុប​​ដាក់​​​អីវ៉ាន់​​របស់​រថយន្ត​​​ក្រុង​​​ដឹក​​​អ្នក​​​ដំណើរ​កាលពី​​​ថ្ងៃសុក្រ ប៉ុន្តែ​​​បាន​​​អនុញ្ញាត​​​ឲ្យ​​​អ្នក​​​បើក​​​បរ​​​ត្រឡប់​ទៅ​​​វិញ បើ​ទោះ​ជា​​​គាត់​​​បាន​​​សារ​ភាព​​​ថា បានជួញ​ដូរឈើ​​​ក៏ដោយ។ លោក អ៊ុន គឹមសេង មេបញ្ជាការ​​​កង​​​រាជ​​​អាវុធ​​​ហត្ថ​​​​​​ស្រុក​​​សំរោង​​​ចុងកាល់​​​​​​បាន​​​ប្រសា​​សន៍​ថា ក្រុមហ៊ុនដឹក​អ្នក​ដំណើរ​​​ រិទ្ធិ មុនី បាន​​​បើក​​​បរ​​ពី​​​ខេត្ត​​​ឧត្តរមានជ័យ​​​​​​​​​​​​​​​មក​​​រាជ​​​ធានី​​​ភ្នំពេញ​​​នៅ​​​ពេលនោះ​​​​មន្ត្រី របស់​​​លោក​​​ត្រូវ​បាន​ផ្តល់ព័ត៌​​​មាន​​​ចំពោះ​ទំនិញ​​​​​​​ខុស​​​ច្បាប់​​​នេះ។ លោ​​​ក​​​បាន​​​មាន​​​ប្រសាសន៍​​​ថា "យើង​​​ទទួល​​​បាន​​​ការ​​​ហៅ​​​ទូរស័ព្ទ​​​អនា​​​មិក​​​ថា រថយន្ត​​​ក្រុង​​​នេះ​​​បាន​​​ដឹក​​​ឈើ​​​ខុស​​​ច្បាប់​​​។ យើង​​​បាន​​​ឃាត់​​​រថយន្ត​​​នោះ ហើយ​​​បាន​​​រក​​​ឃើញ​​​ឈើ​​​ធ្នង់ និង​​​ឈើ​​​ប្រណីតផ្សេង​ៗ​​​ជា​​​ច្រើន​​​នៅ​​​ខាង​​​ក្នុង​​​"។ លោក គឹម សេង បាន​​​មាន​​​ប្រសា​សន៍​​​ថា រថយន្ត​​​ក្រុង​​​នេះ​​​ និង​​​ឈើ​​​ទាំង​​​នោះ​​​ត្រូវ​​​បាន​​​បញ្ជូន​​​ទៅ​​​ខណ្ឌ​​​រដ្ឋបាល​​​ព្រៃ​​​ឈើ​​​ក្នុង​​​ក្រុង​​​សំរោង ហើយ​​​អ្នក​​​ដំណើរ​​​ទាំង​​​អស់​​​ត្រូវ​​​បាន​​​ប្រាប់​ឲ្យ​​​ធ្វើ​​​ដំណើរ​​​តាម​មធ្យោបាយ​ផ្សេង។ លោក ទៀង​​​ ដាវុធ​​​ ដែល​​​ជា​​​ប្រធាន​​​ខណ្ឌ​​​រដ្ឋបាល​​​ព្រៃ​​​ឈើ​​​សំរោង​​​បាន​​​បញ្ជាក់​​​ថា ឈើ​​​ទាំង​​​នេះ​​​ត្រូវ​​​បាន​​​រក្សា​​​ទុក​​​នៅ​​​ការ​​​ិយាល័យ​​​របស់​​​លោក រួម​​​មាន​​​ឈើ​​​ធ្នង់​​​៨០​​​ដុំ និង​​​ឈើ​​​ប្រណីត​​​ផ្សេង​​​ៗ​​​បី​​​ដំុ​​​ ទៀត​​​។ ឈើ​​​ប្រណីត​​​ទាំង​​​ពីរ​​​ប្រភេទ​​​នោះ​​​​​​អាច​​​លក់​​​បាន​​​រាប់​​​រយ​​​ឬ​​​រាប់​​​ពាន់​​​​​​ដុល្លារ​ឯណោះ​​​​​​ក្នុង​​​មួយ​​​ម៉ែត្រ​​​គូប​​​។ លោក កូយ​​​ កាន់​​​យ៉ា ព្រះ​​​រាជ​​​អាជ្ញា​​​អប​​​សាលា​​​ដំបូង​​​ខេត្ត​​​បាន​​​មាន​​​ប្រសាសន៍​​​ថា លោក​​​បាន​​​សាក​​​សួរ​​​អ្នក​​​បើក​​​បរ​​​រថយន្ត​​​ក្រុង​​​នេះ ប៉ុន្តែ បាន​​​អនុញ្ញាត​​​ឲ្យ​​​គាត់​​​ត្រឡប់​​​ទៅវិញ បន្ទាប់​​​ពី​​​សម្រេច​​​ថា គាត់​​​មិន​​​​​​ជាប់​​​ពាក់​​​ព័ន្ធ​​​នឹង​​​បទ​​​ឧក្រិដ្ឋ​​​នេះ​​​។ លោក​​​បាន​​​មាន​​​ប្រសាសន៍​​​ថា "យើង​​​បាន​​​ឃាត់​​​ខ្លួន​​​អ្នក​​​បើក​​​បរ​​​រថយន្ត បន្ទាប់មក​​​បាន​​​អនុញ្ញាត​​​ឲ្យ​​​គាត់​​​ត្រឡប់​​​​​ទៅ​​​ផ្ទះ​​​វិញ​​​ ពីព្រោះ​​​គាត់​​​មិន​​​ជាប់​​​ពាក់​​​ព័ន្ធ​​​ជា​​​មួយ​​​ឈើ​​​នេះ​​​ឡើយ​​​។ យើង​​​មាន​​​គម្រោង​​​កោះ​​​ហៅ​​​ម្ចាស់​​​រថយន្ត​​​មក​​​សាក​​​សួរ​​​ ពីព្រោះ​​​យើង​​​សង្ស័យ​​​ថា ក្រុម​​​ហ៊ុន​​​នេះ​​​ជាប់​​​ពាក់​​​ព័ន្ធ"។ ទោះ​​​ជា​​​យ៉ាង​​​ណា នៅ​​​ក្នុង​​​ការ​​​សាក​​​សួរ​​​កាល​​​ពី​​​ម្សិលមិញ អ្នក​​​បើក​​​បរ​​​ឈ្មោះ សួស ឡាយ​​​ហេង បាន​​​និយាយ​​​ថា តាម​​​ពិត​​​គាត់​​​បាន​​​យល់​​​ព្រម​​​ដឹក​​​ឈើ​​​នេះ​​​ពី​​​ក្រុង​​​សំរោង​​​ទៅឲ្យ​​​ហាង​​​មួួ​​យ​​​ក្នុង​​​ខេត្ត​​​បាត់​​​ដំបង​​​ក្នុង​​​តម្លៃ​​​៨០​​​ដុល្លារ បន្ទាប់​​​ពី​​​បាន​​​ព្រម​​​ព្រៀង​​ជា​​​មួយ​​​ស្ត្រី​​​ម្នាក់​​​ដែលគាត​់​​​​​អះ​​​អាង​​​ថា មិន​​​ស្គាល់​​​ឈ្មោះ។ គាត់​​​បាន​​​និយាយ​​​ថា "រដ្ឋបាល​​​ព្រៃ​​​ឈើ​​​បាន​​​អនុញ្ញាត​​​ឲ្យ​​​ខ្ញុំ​​​ត្រឡប់​​​ទៅ​​​ផ្ទះ​​​វិញ ហើយ​​​ថា ខ្ញុំ​​​ត្រូវ​​​បង់​​​ប្រាក់​​​ពិន័យ​​​សម្រាប់​​​ឈើ​​​ដែល​​​រឹប​​​អូស​​​នោះ​​​។ ខ្ញុំ​​​នឹង​​​បង់​​​ ប៉ុន្តែ ពួក​​​គេ​​​មិន​​​បាន​​​ប្រាប់​​​ខ្ញុំ​​​ថា ត្រូវ​​​បង់​​​ប៉ុន្មាន​​ឡើយ​​​"។ នៅ​​​ពេល​​​ត្រូវ​​​បាន​​​សួរ​​​អំពី​​​ករណី​​​លោក ឡាយ​​​ហេង លោក​​​ កូយ កាន់​​​យ៉ា នៅ​​​តែ​​​អះ​​​អាង​​​ថា អ្នក​​​បើក​​​បរ​​​រថយន្ត​​​រូប​​​នេះ​​​មិន​​​​​ទទួល​​​ខុស​​​ត្រូវ​​​ទេ ហើយ​​​ថា អាជ្ញាធរ​​​បាន​​​ផ្តោត​​​ការ​​​ប្រឹង​​​ប្រែង​​​របស់​​​ខ្លួន​​​ស្វែង​​​រក​​​ម្ចាស់​​​ឈើ​​​។ លោក ប៉ាង រឹម ដែល​​​ជា​​​ប្រធាន​​​ផ្នែក​​​ប្រតិបត្តិការ​​​របស់​​​ក្រុមហ៊ុន​​​រិទ្ធិ​​​មុនីក្នុង​​​រាជធានី​​​ភ្នំពេញ​​​បាន​​​មាន​​​ប្រសាសន៍​​​ថា យ៉ាង​​​ណា​​​ក៏​​​ដោយ​​​លោក​​​ ឡាយ​​​ហេង នឹង​​​ត្រូវ​​​បណ្តេញ​​​ចេញ​​​ចំពោះ​​​ការ​​​រំលោភ​​​គោល​​​ការណ៍​​​របស់​​​ក្រុមហ៊ុន​​​។ លោ​​​ក​​​បាន​​​មាន​​​ប្រសាសន​​​៍​​​ថា "ខ្ញុំ​​​តែង​​​តែ​​​ប្រាប់​​​អ្នក​​​បើក​​​បររថយន្ត​​​ទាំងអស់​​​​​គ្រប់​​​ការ​​​ប្រជុំ​​​កុំ​​​ឲ្យ​​​រំលោភ​​​បទ​​​បញ្ជា​​​ផ្ទៃ​​​ក្នុង​​​របស​​​់​​​ក្រុម​​​ហ៊ុន ហើយ​​​ថា យើង​​​នឹង​​​បណ្តេញ​​​នរណា​​​ដែល​​​មិន​​​អនុ​វត្ត​តាម​​​ភារកិច្ច​​​របស់​​​ខ្លួន​​​។ ខ្ញុំ​​​បាន​​​ហៅ​​​លោក ឡាយ​​​ហេងមកប្រាប់​​​ថា ក្រុមហ៊ុន​​​មិន​​​ទទួល​​​ខុស​​​ត្រូវ​​​ចំពោះ​​​ករណី​​​នេះ​​​ទេ ហើយ​​​ថា គាត់​​​ត្រូវ​​​តែយក​​​រថយន្ត​​​មក​​​វិញ​​​"៕សារុន​​​​​​​​​​​​​​​​​​​​​  

មន្ត្រី​​​តុលាការ​​​ម្នាក់​​​បាន​​​និយាយ​​​កាល​​​ពី​​​ម្សិលថា ស្ត្រី​​​អាយុ​​​២០ឆ្នាំម្នាក់​​​មក​​​ពី​​​ខេត្ត​​​ស្វាយ​​​រៀង​​​ដែល​ត្រូវ​​​បាន​​​ចាប់ខ្លួន​​​កាលពី​​​ខែមុន​​​ពីបទ​​​ចាក់​​​ប្លន់អ្នក​​​រត់​​​ម៉ូតូឌុប​​​ម្នាក​់នោះ​​​​​ ត្រូវ​​​បាន​​​ដោះ​លែង​​​ឲ្យ​​​នៅ​​​ក្រៅ​​​ឃុំ​​​កាល​​​ពី​​​ថ្ងៃសុក្រ។ យោង​​​តាម​​​នគរ​​​បាល​​​បាន​​​ឲ្យ​​​ដឹង​​​ថា  ខុន ស្រីឌី ជា​​​កម្មការិនី​​​រោងចក្រ​​​កាត់​​​ដេរ បាន​​​ប៉ុនប៉ង​​​ប្លន់​​​ រិន ភិរម្យ​​​ អាយុ​​​១៧ឆ្នាំ កាលពី​​​ថ្ងៃទី​​​២៥ ខែ​​​ធ្នូ បន្ទាប់ពីនាង​​​​​​​ចាញ់ល្បែង​​​​​​អស់​​​ប្រាក់​​​ដែល​​ទុក​​​សម្រាប់​​​រៀប​​​ការ​​​នៅពេល​​​ខាងមុខ​​​។នៅពេល​​​អ្នក​​​រត់​​​ម៉ូតូឌុប​​​តដៃ នាង​​​បាន​​​ចាក់​​​មួយ​​​កាំបិត​​​ត្រង់​​​ពោះ ដែលកាំបិត​​​នោះ​​​នាង​​​បានទិញ​​​ពី​​​ផ្សារ​​​កាលពី​​​ព្រឹក​​​ថ្ងៃនោះ។ កាល​ពី​​​ថ្ងៃទី​​​​​​២៧ ខែ​​​ធ្នូ សាលា​ដំបូង​​​ខេត្ត​​​ស្វាយ​​​រៀង​​​​​​បាន​​​ចោទ​​​ប្រកាន់​​​ ស្រីឌី ​​ពីបទ​​​ប្លន់​​​និង​មាន​​​ទាំងការ​​​​ប្រើ​​​អំពើ​​​ហិង្សាផង។ លោក ហ៊ឹង​​​ ប៊ុនជា ព្រះ​​​រាជ​​​អម​​​សាលា​​​ដំបូង​​​ខេត្ត​​​​​​បានមាន​​​ប្រសាសន៍​កាល​ពី​ម្សិល​មិញ​ថា ប៉ុន្តែ​​​នាង​​​ត្រូវ​​​បាន​​តុលា​ការ​​​ដោះ​លែង​​ឲ្យ​​​នៅក្រៅ​​​ឃុំ​​​កាលពី​​​ថ្ងៃសុក្រ​​​​​​បន្ទាប់ពី​​​ក្រុម​​​គ្រួសារ​​​​​​របស់​​​នាង​​​បាន​​​បង់​​​ប្រាក់​​​សុំ​​​នៅ​​​ក្រៅ​​​ឃុំ។ លោក ហ៊ឹង​​​ ប៊ុនជា បាន​​​មាន​​​ប្រសាសន៍​​​ថា "យើង​​​បាន​​​សម្រេច​​​​​​ដោះលែង​​​នាង​​​ឲ្យ​​​នៅ​​​ក្រៅ​​​ឃុំ​​​កាល​​​ពី​​​រសៀល​​​ថ្ងៃសុក្រ​​​ ពីព្រោះ​​​ក្រុម​​​គ្រួសារ​​​របស់​​​នាង​​​​​​បាន​​​បង់​​​ប្រាក់​​​​​​៤លាន​​​រៀល ហើយ​​​ដោយ​​​សារ​​​នាង​នឹង​​​ត្រូវ​​រៀប​ការ​​​នៅ​​​ថ្ងៃទី​​​១៥ ខែ​​​មករា"។ លោក​​​បាន​​​សង្កត់​​​ធ្ងន់​​​ថា តុលាការ​​​កំពុង​​​ធ្វើការ​​​ស៊ើប​​​អង្កេត​​​ ស្រីឌី នៅឡើយ។ លោក កែវ សុថា នាយ​​​ការិយាល័យ​​​នគរបាល​​​ព្រហ្ម​ទណ្ឌកម្រិត​​​ស្រាល​​​ខេត្ត​​​​​​ ដែលបានដឹកនាំ​​​ការ​​​ស៊ើប​​​អង្កេត​​​​​​ករណី​​​នេះ​​​បាន​​​​​សម្តែង​​​ការ​​​ខក​​​ចិត្ត​​​​​​ចំពោះ​​​សេចក្តី​​​សម្រេច​​​របស់​​​តុលាការ​​​ ដោយ​លើកឡើង​​​​ថា ជន​​​សង្ស័យ​​​រូបនេះ បាន​​​សារភាព​​​ចំពោះ​​​ឧក្រិដ្ឋនេះ​​​ភ្លាម​​​ៗ​​​បន្ទាប់ពី​​​ការ​​​ចាប់​ខ្លួន។ លោក​​​បានមាន​​​ប្រសាសន៍ថា "​​​តើឯណាទៅ​​​យុត​​​្តិធម៌សម្រាប់​​​ក្រុម​​​គ្រួសារ​​​ជន​​​រង​គ្រោះ?”​។​ យោងតាម​​​លោក សុថា បាន​​​ឲ្យ​​​ដឹងថា ​​​ភិរម្យ​​​ កំពុង​​​សម្រាក​​​ព្យាបាល​មុខ​របួស​​​នៅ​​​មន្ទីរ​ពេទ្យ​​​បង្អែក​​​ខេត្ត​​​នៅឡើយ។ លោក ប្រាក់ សារ៉ន អ្នកសម្រប​​​សម្រួល​​​នៅ​​​អង្គការ​​​សិទ្ធិមនុស្ស​​​អាដ​​​ហុក​​​ប្រចាំខេត្ត​​​ស្វាយ​​​រៀង​​​បាន​​​មាន​​​ប្រសាសន៍​ថា ឪពុក​ម្តាយ ស្រីឌី ​​​បាន​​​ដាក់ពាក្យបណ្តឹង​​​​​​មក​​​អង្គការ​​​របស់លោក​​​​​​បន្ទាប់​ពី​​​នាង​​​ត្រូវបាន​​​ចាប់​ខ្លួន​​​ ដោយ​​​លើកឡើង​​ថា កូន​ស្រី​​​របស់​គាត់​​​បានចាក់​​​ ភិរម្យ​​​​​​ បន្ទាប់ពី​​​ជន​​​នេះ​​​បាន​​​ប៉ុនប៉ង​​​រំលោភ​នាង​​​តែប៉ុណ្ណោះ។ លោក សារ៉ន បាន​​​មាន​​​ប្រសាសន៍​ថា "ឪពុកម្តាយ​​​ជន​​​សង្ស័យ​​​រូបនេះ​​​បាន​​​អះ​​​អាង​​​ថា កូនស្រី​​​របស់​គាត់​​​​​​បាន​​​តដៃ​​​ដើម្បី​​​ការ​​​ពារ​​​ខ្លួន​​​តែ​​​ប៉ុណ្ណោះ។ ពួកគាត់​​​មាន​​​គម្រោង​​​ដាក់ពាក្យ​​​បណ្តឹង​​​ទៅ​​​​​​តុលាការ​​​​​​ ប្តឹង​​​អ្នក​​​រត់​​ម៉ូតូ​​​ឌុប​​​រូបនេះ​នៅ​ពេល​​​ឆាប់ៗ​​​​​តាម​​​ដែល​​​អាច​​​ធ្វើ​​​ទៅបាន"។ លោក សារ៉ន បាន​​​មាន​​​ប្រសា​សន៍​ថា ឪពុកម្តាយ​​​ ស្រីឌី ក៏បាន​​​បដិ​សេធ​​​ការ​​​ដែលថា កូនស្រី​​​របស់​​​គាត់​​​បាន​​​លេង​​​ល្បែង​​​ចាញ់​​​អស់​​​ប្រាក់​​​ដែល​​​ក្រុមគ្រួសារ​​​កូនកម្លោះ​​​បាន​​​ផ្តល់ឲ្យ​​​ទុក​​​សម្រាប់រៀប​​​ការ​​​ផង​​​ដែរ ហើយ​​​បាន​​​អះ​​​អាងថា នាង​​​បាន​​​ទិញ​​​កាំបិត​​​នោះ​​​ដើម្បី​​​ទុក​​​ធ្វើ​​​ម្ហូប​​​តែ​​​ប៉ុណ្ណោះ។ ក្រុមគ្រួសារ ស្រីឌី មិន​អាច​​​ទាក់ទង​​​បាន​​​ទេកាល​ពីម្សិល​មិញ៕សារុន​​​    

មន្ត្រី​​​​​​កម្ពុជា​​​បាន​​​លើក​​​ឡើង​​​កាល​​​ពី​​​ថ្ងៃ​​​សុក្រ​​​​​​ថា ពេល​​​នេះ​​​​​​​​​ខ្លួន​​​កំពុង​​​រង់​​​ចាំ​​​លទ្ធផល​​​នៃ​​​ការ​​​ធ្វើ​​​កោសល្យវិច័យ​​​ក្នុង​​​ក្រុង​​​បាង​​​កក​​​ ដើម្បី​​​កំណត់​​​ឲ្យ​​​ដឹង​​​ថា តើ​​​សាក​​​សព​​​ឆេះខ្លោច​​​ចំនួន​​​ពីរ​​​ដែល​​​ត្រូវ​​​បាន​​​ប្រទះ​​​ឃើញ​​​នៅ​​​ព្រំ​ដែន​​​ខាង​​​ប្រទេស​​​ថៃ ជា​​​សព​​​បុរស​​​ខ្មែរ​​​ពីរ​​​នាក់​​​ដែល​​​បាត់​​​ខ្លួន​​​ ឬយ៉ាង​​​ណា​​​។ លោក ពេជ្រ វណ្ណា នាយការិយាល័យ​​​ទំនាក់​​​ទំនង​​​ព្រំដែន​​​កម្ពុជា​​​-ថៃ​​​បាន​​​មានប្រសាសន៍​​​ថា សាក​​​សព​​​ទាំង​​​នេះ​​​ត្រូវ​​​បាន​​​ប្រទះ​​​ឃើញ​​​ដោយ​​​ប្រជា​​​ពល​​​រដ្ឋ​​​មូល​​​ដ្ឋាន​​​ក្នុង​​​ខេត្ត​​​ស្រះកែវ ប្រទេស​​​ថៃ​​​ ក្បែរ​​​ព្រំដែន​​​ជាប់​​​ខេត្ត​​​បាត់​​​ដំបង​​​កាល​​​ពី​​​ល្ងាច​​​ថ្ងៃ​​​ពុធ​​​។ ឧត្តម​​​សេនីយ៍​​​ទោ ពេជ្រ វណ្ណា បាន​​​មាន​​​ប្រសាសន៍​​​ថា "យើង​​​គ្រាន់​​​តែ​​​ដឹង​​​ថា មនុស្ស​​​ពីរ​​​នាក់​​​ស្លាប់​​​ ហើយ​​​ត្រូវ​​​ភ្លើ​​​ងឆេះ​​​ស្ទើរ​​​តែ​​​អស់ប៉ុណ្ណោះ​​​​​​។ ពេល​​​យើង​​​សាក​​​សួរ​​​ទៅ​​​អាជ្ញាធរ​​​ថៃ​​​ពួក​​​គេ​​​ឆ្លើយ​​​ថា ពួក​​​គេ​​​មិន​​​ដឹង​​​ថា មាន​​​អ្វី​​​កើត​​​ឡើង​​​​​​ទេ​​​"។ លោក​​​បាន​​​មាន​​​ប្រសាសន៍​​​ថា ការិយាល័យ​​​របស់​​​លោក​​​នៅ​​​មិន​​​ទាន់​​​ដឹង​​​ពី​​​សញ្ជាតិ​​​របស់​​​អ្នក​​​ស្លាប់​​​នៅ​​​ឡើយ​​​ទេ ប៉ុន្តែ សង្ស័យ​​​ថា ពួក​​​គេ​​​ជា​​​ពល​​​រដ្ឋ​​​ខ្មែរ​​​ ពីព្រោះ​​​បុរស​​​ពី​​​រ​​​នាក់​​​ត្រូវ​​​បាន​​​ក្រុម​​​គ្រួសារ​​​រាយការណ៍​​​ថា បាន​​​បាត់​​​ខ្លួន​​​នៅ​​​ក្នុង​​​ខេត្ត​​​បាត់​​​ដំបង​​​កាល​​​ពី​​​ថ្ងៃ​​​សុក្រ​​​។ លោក​​​បាន​​​បន្ត​​​ថា "ភាគ​​​ច្រើន​​​យើង​​​សង្ស័យ​​​ថា ជន​​​រងគ្រោះ​​​ជា​​​ពល​​​រដ្ឋ​​​ខ្មែរ​​​ ពីព្រោះ​​​ក្រុម​​​គ្រួសារ​​​របស់​​​ពួក​​គាត់​​​​​​បាន​​​ប្តឹង​​​ ​​​ ទៅ​​សាលា​​​​​​ស្រុក​​​សំពៅ​​​លូន​​​ និង​​​មក​​​ការិយាល័យ​​​របស់​​​យើង​​​ ហើយ​​​ពួក​​​គាត់​​​បាន​​​អះ​​​អាង​​​ថា ជនរងគ្រោះ​​​ជា​​​សមាជិក​​​គ្រួសារ​​​របស់​​​ពួក​​​គាត់​​​ ពីព្រោះ​​​ពួក​​​គេ​​​បានបាត់​​​ខ្លួន​​​ក្នុង​​​ពេល​​​ថ្មីៗ​​​នេះ"។ ​​​ កសិករ​​​ឈ្មោះ វឿន បៀន អាយុ​​​៣០​​​​​​ឆ្នាំ​​​បាន​​​និយាយ​​​ថា គ្រួសារ​​​របស់​​​គាត់​​​បាន​​​ប្តឹង​​​​​​ថា បង​​​ប្រុស​​​របស់​​​គាត់​​​​​​ឈ្មោះ វឿន ទី​​​ អាយុ​​​៣៦ឆ្នាំ និង​​​ប្អូនជីដូនមួយ​​​ឈ្មោះ សៅ រស់ អាយុ​​​២១​​​ឆ្នាំ បាន​​​បាត់​​​ខ្លួន​​​បន្ទាប់​​​ពី​​​ថៅកែ​​​របស់​​​ពួក​​​គេ​​​បាន​​​ផ្តល់​​​ដំណឹង​​​ទៅ​​​ក្រុម​​​គ្រួសារ​​​។ លោក វឿន បៀន និយាយ​​​ថា "យើង​​​មាន​​​គម្រោង​​​ដាក់​​​ពាក្យ​​​ប្តឹង​​​ជា​​​ផ្លូវ​​​ការ​​​​​​ ”។ ឧត្តម​​​សេនីយ៍ទោ ពេជ្រ វណ្ណា បាន​​​​​​មាន​​​ប្រសាសន៍​​​ថា កាល​​​ពី​​​ព្រឹក​​​ថ្ងៃ​​​សុក្រ លោក​​​បាន​​​ព្យាយាម​​​ដឹក​​​នាំ​​​ក្រុម​​​ការ​​​ងារ​​​មួយ​​​ក្រុម​​​ទៅ​​​កាន់​​​កន្លែង​​​ប្រទះ​​​ឃើញ​​​​​​សាកសព​​​ទាំង​​​នេះ ប៉ុន្តែ អាជ្ញាធរ​​​ថៃ​​​ក្នុង​​​មូល​​​ដ្ឋាន​​​មិន​​​ឲ្យ​​​ពួក​​​គេ​​​ចូល​​​ទេ​​​ ដោយសារ​​​តែ​​​គ្មាន​​​បញ្ជា​​​ពី​​​ថ្នាក់​​​លើ​​​ដើម្បី​​​​​​អនុញ្ញាត​​​ឲ្យ​​​ពួក​​​គេ​​​ចូល​​​ទៅ​​​ក្នុង​​​ប្រទេស​​​ថៃ​​​។ លោក​​​បាន​​​បន្ថែម​​​ថា លោក​​​បាន​​​ផ្ញើ​​​លិខិត​​​មួយ​​​​​​ច្បាប់​​​ទៅ​​​ការិយាល័យ​​​ទំនាក់​​​ទំនង​​​ព្រំដែន​​​កម្ពុជា​​​-ថៃ នៅ​​​ក្នុង​​​ប្រទេស​​​ថៃ​​​ ដើម្បី​​​ស្នើ​​​សុំ​​​ចូល​​​ ហើយ​​​រំពឹង​​​ថា នឹង​​​ទទួល​​​បានការ​​​ឆ្លើយ​​​តប​​​នៅ​​​ថ្ងៃ​​​សៅរ៍​​​។ លោក​​​ នេត សារី អគ្គកុង​​​ស៊ុល​​​របស់​​​កម្ពុជា​​​ប្រចាំ​​​ខេត្ត​​​ស្រះ​​​កែវ បាន​​​មាន​​​ប្រសាសន៍​​​ថា ការិយាល័យ​​​របស់​​​លោក​​​កំពុង​​​ធ្វើ​​​ការ​​​ជាមួយ​​​អាជ្ញាធរ​​​ថៃ​​​ ដើម្បី​​​​​​ពិនិត្យ​​​សាក​​​សព​​​ទាំង​​​នេះ​​​។ លោក​​​បាន​​​បញ្ជាក់​​​ថា អាជ្ញាធរ​​​ថៃ​​​​​​បាន​​​បញ្ជូន​​​សាក​​​សព​​​ដែល​​​ឆេះ​​​ទៅ​​​កាន់​​​ក្រុង​​​បាង​​​កក​​​ដើម្បី​​​​​​ធ្វើ​​​កោសល្យវិច័យ​​​នៅ​​​ទី​​​នោះ​​​។ យើង​​​មិន​​​ដឹង​​​ថា​​​ ពេល​​​ណា​​​ពួកគេ​​​នឹង​​​ទទួល​​​បាន​​​លទ្ធផល​​​​​ទេ​​​"៕សុខុម​​​  

ក្រុម​​​មន្ត្រី​​​បាន​​​ឲ្យ​​​ដឹង​​​ថា ច្រក​​​ព្រំ​​​ដែន​​​អាន​​​សេះ​​​ផ្នែក​​​ខាង​​​ប្រទេស​​​ថៃ​​​ដែល​​​ថៃ​​​បាន​​​បិទ​​​កាល​​​ពី​​​ចុង​​​ខែ​​​មុន​​​ ដើម្បីឆ្លើយ​​​តប​​​នឹង​​​ការ​​​ស្ថាបនា​​​ផ្លូវ​​​ក្នុង​​​ផ្នែក​​​ខាង​​​ប្រទេស​​​កម្ពុជា​​​​​​នឹង​​​បើក​​​ឡើង​​​វិញ​​​នៅ​​​ថ្ងៃ​​​នេះ​​​​​​ក្រោយ​​​ពេល​​​មាន​​​កិច្ច​​​ប្រជុំ​​​មួយ​​​រវាង​​​មន្ត្រី​​​កម្ពុជា និង​​​មន្ត្រី​​​ថៃ​​​កាល​​​ពី​​​ម្សិលមិញ។ លោក នួន​​​ នៅ​​​ មេបញ្ជាការ​​​រង​​​កង​​​ពល​​​ធំ​​​លេខ​​​៤ ដែល​​​ក៏​​​បាន​​​ចូល​​​រួម​​​នៅ​​​ក្នុង​​​កិច្ច​​​ប្រជុំ​​​ដែរ​​​នោះ​​​បាន​​​ឲ្យ​​​ដឹង​​​ថា កិច្ច​​​ប្រជុំ​​​នេះ​​​ត្រូវ​​​បាន​​​ធ្វើ​​​ឡើង​​​រវាង​​​លោក អ៊ុំ ម៉ារ៉ា អភិបាល​​​ខេត្ត​​​ព្រះ​​​វិហារ​​​ និង​​​លោក សឺម ឆៃណារ៉ុង (Serm Chainarong) អភិបាល​​​ខេត្ត​​​ អ៊ូប៊ុន​​​ រ៉ាតថានី ដែល​​​ស្ថិត​​​នៅ​​​ក្បែរ​​​ខេត្ត​​​ព្រះ​​​វិហារ​​​ ក៏​​​ដូច​​​ជា​​​តំណាង​​​កង​​​ទ័ព​​​មក​​​ពី​​​ភាគ​​​ី​​​ទាំង​​​ពីរ​​​ផង​​​ដែរ​​​។ លោក នួន​​​ នៅ បាន​​​លើក​​​ឡើង​​​បន្ត​​​ថា កិច្ច​​​ប្រជុំ​​​នេះ​​​ផ្តោត​​​លើ​​​ការ​​​ស្ថាបនា​​​ផ្លូវ​​​ ហើយ​​​ថា ភាគី​​​ខាង​​​ថៃ​​​បាន​​​យល់​​​ព្រម​​​បើក​​​ច្រក​​​ព្រំ​​​ដែន​​​ឡើង​​​វិញ​​​នៅ​​​ម៉ោង​​​៩​​​ព្រឹក​​ថ្ងៃ​​​នេះ​​​។ លោក​​​បាន​​​មាន​​​ប្រសាសន៍​​​ថា "​​​ភាគីខាង​​​ថៃ​​​បាន​​​និយាយ​​​ថា នៅ​​​ថ្ងៃ​​​ក្រោយ​​​ ប្រសិន​​​បើ​​​យើង​​​ចង់​​​ធ្វើ​​​ផ្លូវ​​​នៅ​​​ខាង​​​ផ្នែក​​​របស់​​​យើង​​​ យើង​​​ចាំ​​​បាច់​​​ត្រូវ​​​ជូន​​​ដំណឹង​​​ដល់​​​ប្រទេស​​​ថៃ​​​ជា​​​មុន​​​សិន​​​"។ លោក​​​បាន​​​បន្ថែម​​​ថា ​​​មន្ត្រី​​​កម្ពុជា​​​បាន​​​យល់​​​ព្រម​​ធ្វើ​​​ដូច្នោះ​​​។ ​​​​​​កាល​​​ពី​​​ថ្ងៃ​​​ទី​​​២៨ ខែ​​​ធ្នូ​​​ ទាហាន​​​ថៃ​​​បាន​​​ទៅ​​​ប្រាប់​​​ឲ្យ​​​កម្មករ​​​ស្ថាបនា​​​ផ្លូវ​​​កម្ពុជា​​​​​​បញ្ឈប់​​​ការងារ​​របស់​​​ខ្លួន​​​ ព្រោះ​​​ពួក​​​គេ​​​ស្ថិត​​​នៅ​​​ក្នុង​​​តំបន់​​​មាន​​​ជម្លោះ ហើយ​​​កំពុង​​​រំលោភ​​​លើ​​​អនុស្សរណៈ​​​នៃ​​​ការ​​​យោគ​​​យល់​​​គ្នា​​ដែល​​​មាន​​​ការ​​​ឯក​​​ភាព​​​គ្នា​​​​ថា មិន​​​អភិវឌ្ឍ​​​​​តំបន់នេះ​​​​​​ នេះ​​​បើ​​​យោង​​​តាម​​​លោក ជា គឹម​​​សេង អភិបាល​​​ស្រុក​​​ជាំ​​​ក្សាន្ត​​​បាន​​​លើក​​​ឡើង​​​នៅ​​​ពេល​​​នោះ​​​។ ​​​លោក គឹមសេង បាន​​​​​​លើក​​​ឡើង​​​បន្ថែម​​​នៅ​​​ពេល​​​នោះ​​​ថា នៅ​​​ពេល​​​ការ​​​ងារ​​​ស្ថាបនា​​​ផ្លូវ​​​​​​នៅ​​​តែ​​​បន្ត​​​ ទាហាន​​​ថៃ​​​បាន​​​បិទ​​​ច្រក​​​ព្រំ​​​ដែន​​​ខាង​​​​​​ផ្នែក​​​​​​របស់​​​ខ្លួន​​​ ​​​ហើយ​​​​​បន្ទាប់​​​មក​​​ពួក​​​គេ​​​បាន​​​បញ្ជូន​​​​​​ទាហាន​​​​​​​​​​​​ប្រមាណ​​​២០០នាក់​​​បន្ថែម​​​ទៀត​​​​​​​​​ចូល​​​មក​​​តំបន់​​​ព្រំ​​​ដែន​​​នេះ​​​។ ​​​​​​​​​​​​​​​លោក គឹមសេង​​​ បាន​​​​​​ឲ្យ​​​ដឹង​​​បន្ត​​​​​​កាល​​​ពី​​​ម្សិលមិញ​​​ថា មន្ត្រី​​​ដែល​​​ទៅ​​​ចូល​​​រួម​​​ក​​​ិច្ច​​​ប្រជុំ​​​បាន​​​សម្រេច​​​បើក​​​ច្រក​​​ព្រំ​​​ដែន​​​ឡើង​​​វិញ​​​ព្រោះ​​​វា​​​នឹង​​​ផ្តល់​​​ផល​​​ប្រយោជន៍​​​ដល់​​​សហគមន៍​​​នៃ​​​ប្រទេស​​​ទាំង​​​ពីរ​​​។ លោក​​​បាន​​​មាន​​​ប្រសាសន៍​​​ថា "កិច្ច​​​ប្រជុំ​​​គឺ​​​វា​​​មាន​​​ផ្លែផ្កា​​​សម្រាប់​​​ពល​​​រដ្ឋ​​​នៃ​​​ប្រទេស​​​ទាំង​​​ពីរ​​​​​​នៅ​​​តាម​​​​​​ព្រំដែន និង​​​ខេត្ត​​​ដែល​​​នៅ​​​ក្បែរ​​​ៗ​​​នោះ ព្រោះ​​​វា​​​​​​នឹង​​​មាន​​​​​​ការ​​​ដោះ​​​ដូរ​​​ទំនិញ​​​គ្នា​​​ឡើង​​​វិញ​​​"៕ស៊ុយ​​​ឈាង​​​​​​​​​  

​យោងតាម​តំណាង​រោងចក្រ​បាន​ឲ្យ​ដឹង​ថា កម្មករ​រោងចក្រ​កាត់​ដេរ​ជាង​៦០​នាក់​បាន​ដួល​សន្លប់​នៅ​រោងចក្រ​កាត់​ដេរ​ Sun Best ក្នុង​ស្រុក​អង្គស្នួល ខេត្ត​កណ្ដាល កាលពី​ព្រឹកម្សិលមិញ​។ លោក​ស្រី ង៉ែត សុភ័ក្ត្រ តំណាង​រោងចក្រ​បាន​មាន​ប្រសាសន៍​ថា លោកស្រី​ជឿ​ថា កម្មការិនី​៦៦​នាក់​​ បាន​ដួល​សន្លប់​ដោយការ​ភិត​ភ័យ​បន្ទាប់ពី​ការ​ទុស្សេ​ខ្សែភ្លើង​ពីរ​ដង​ បណ្តាលក​ឲ្យ​បែក​ផ្កាភ្លើង​នៅ​រោងចក្រ​នេះ​នាព្រឹក​នោះ។ ​លោកស្រី​បាន​មាន​ប្រសាសន៍​ថា នៅ​ពេល​ទុស្សេ​ខ្សែភ្លើង​ម្ដង​ទៀត​ កម្មការិនី​ម្នាក់​បាន​រត់​ចេញ​ ហើយ​បាន​ដួ​ល​សន្លប់​ដោយ​សារ​នាង​ភិត​ភ័យ​ពី​ការ​ទុស្សេ​ខ្សែ​ភ្លើង​នោះ ហើយ​កម្ម​ការិនី​ផ្សេង​ទៀត​ដែល​មក​​ចោម​រោម​មើល​នាង​ក៏​បាន​ដួល​សន្លប់​ផង​ដែរ ពីព្រោះ​ពួកគេ​បាន​ឃើញ​​ម្នាក់​ដួល​សន្លប់"។ លោក​ស្រី សុភ័ក្ត្រ ​បាន​មាន​ប្រសាសន៍​ថា ​កម្មការិនី​ទាំង៦៦​នាក់​ ត្រូវ​បាន​ដឹកទៅ​​ព្យាបាល​នៅ​មណ្ឌល​សុខ​ភាព​ស្រុក​ និង​គ្លីនិក​ឯកជន​...

វិស័យ​អគារ​ខុនដូ​ដែល​កំពុង​រីកចម្រើន​​នៅ​ក្នុង​ប្រទេស​កម្ពុជា មិន​បង្ហាញ​សញ្ញា​នៃ​ការ​​បង្អង់ល្បឿននោះ​ទេ ដោយ​ការ​សាងសង់​អគារ​ខុនដូ​ថ្មី​ចំនួន​ពីរ​គ្រោង​នឹង​ចាប់​ផ្ដើម​នៅ​ក្នុង​ត្រីមាស​ទី១​ដើម​ឆ្នាំ​នេះ។ យោង​តាម​របាយការណ៍​បូកសរុប​​លទ្ធផល​ទីផ្សារ​កាលពី​ខែធ្នូ​របស់​ក្រុម​ហ៊ុន​អចលនទ្រព្យ​ ស៊ីប៊ី រីឆាដ អេលីស (CB Richard Ellis) ដែល​បាន​ចេញ​ផ្សាយ​កាលពី​ថ្ងៃពុធ​បង្ហាញ​ថា ការ​សាងសង់​អគារ​​​​ភ្លោះ​ស្កាយ វីឡា ថៅវើ (Sky Villa Tower) ដែល​មាន​​២៥៤​បន្ទប់ (Unit) នៅ​ជិត​ពហុកីឡាដ្ឋាន​អូឡាំពិក និង​​អគារ​សុវណ្ណ ខុនដូ (Sovann Condominuim) ដែល​មាន​​១០៤​បន្ទប់...

និស្សិត​​​ពេទ្យ​​​ប្រហែល​​​៥០​​​នាក់​​​ មក​​​ពី​​​សាកលវិទ្យាល័យ​​​វិទ្យាសាស្ត្រ​​​សុខាភិបាល​​​​​​គ្រប់គ្រង​​​ដោយ​​​រដ្ឋ​​​បាន​​​នាំ​​​គ្នា​​​តវ៉ា​​​នៅ​​​ខាង​​​ក្រៅ​​​សាលា​​​ពេទ្យ​​​នេះ​​​កាល​​​ពីម្សិលមិញ ដើម្បី​​​ទាម​​​ទារ​​​ឲ្យ​​​មានការ​​​បញ្ចុះ​​​ថ្លៃ​​​​​​បង់​​​សម្រាប់​​​ការ​​​ប្រឡង​​​ចេញ ដែល​​​ពួក​​​គេ​​​សព្វ​​​ថ្ងៃ​​​ត្រូវ​​​បង់​​​១២៥​​​ដុល្លារ​​​នោះ​​​។ ក្រសួង​​​សុខាភិបាល​​​​​បាន​​​ចាប់​​​ផ្តើម​​​ឲ្យ​​​និស្សិត​​​ពេទ្យ​​​មានការ​​​ប្រឡង​​​ចេញ​​​ជា​​​លើក​​​ដំបូង​​​កាល​​​ពី​​​ខែ​​​មេសា​​​ឆ្នាំ​​​២០១៤​​​ ជា​​​ផ្នែក​​​នៃ​​​ការ​​​ខិត​​​ខំប្រឹង​​​ប្រែង​​​មួយ​​​ដើម្បី​​​ធ្វើ​​​កំណែទម្រង់​​​វិស័យ​​​សុខាភិបាល​​​នៅ​​​កម្ពុជា​​​។ លោក ឆុង រស្មី និស្សិត​​​ពេទ្យ​​​ឆ្នាំ​​​ទី​​​៨ ដែល​​​កំពុង​​​ត្រៀម​​​ខ្លួន​​​​​​ប្រឡង​​​ចេញ​​​ដើម្បី​​​ក្លាយ​​​​ជា​​​គ្រូ​​​ពេទ្យ​​​​​​​​​ព្យាបាល​​​ជំងឺ​​​ទូទៅ​​​បាន​​​លើក​​​ឡើង​​​ថា អ្នក​​​ដែល​​​មិនទាន់​​​ប្រឡង​​​ចេញ​​​មិន​​​សប្បាយ​​​ចិត្ត​​​ឡើយ​​​ ព្រោះ​​​ថា ពួក​​​គេ​​​ត្រូវ​​​បង់​​​ថ្លៃ​​​ប្រឡង​​​ដែល​​​ខ្ពស់​​​បែប​​​នេះ​​​ ដើម្បី​​​ក្លាយ​​​ជា​​​គ្រូពេទ្យ​​​ ហើយ​​​​​​ឥឡូវ​​​កំពុង​​​តែ​​​ទាម​​​ទារ​​​ឲ្យ​​​មាន​​​ការ​​​បញ្ចុះ​​​ថ្លៃ​​​​​​ចុះ​​​មក​​​ត្រឹម​​​៧៥​​​ដុល្លារ​​​។ លោក​​​បាន​​​និយាយ​​​ថា "ប្រសិនបើ​​​ក្រសួង​​​សុខាភិបាល​​​ និង​​​រដ្ឋាភិបាល​​​ចង់​​​ធ្វើ​​​ឲ្យ​​​វិស័យ​​​សុខាភិបាល​​​មាន​​​គុណ​​​ភាព​​​ ពួកគេ​​​ត្រូវ​​​តែ​​​ប្រើ​​​ប្រាស់​​​ថវិកា​​​ជាតិ​​​មក​​​គាំទ្រ​​​វិស័យ​​​នេះ​​​។ ពួក​​​គេ​​​មិន​​​ត្រូវ​​​ប្រមូល​​​ប្រាក់​​​ពី​​​យើង​​​ដើម្បី​​​ធ្វើ​​​ឲ្យ​​​ការ​​​អប់​​​រំ​​​របស់​​​យើង​​​បាន​​​ប្រសើរ​​​នោះ​​​ឡើយ​​​"។ លោក ហេង តៃគ្រី រដ្ឋលេខាធិការ​​​ក្រសួង​​​សុខាភិបាល​​​ និង​​​ជា​​​ប្រធាន​​​ក្រុមប្រឹក្សា​​​វេជ្ជ​​​សាស្ត្រ​​​កម្ពុជា​​​​​​បាន​​​បដិសេធ​​​មិន​​​​​​ធ្វើ​​​អត្ថាធិប្បាយ​​​លើ​​​បញ្ហា​​​នេះ​​​ឡើយ​​​។ លោក​​​ រស្មី ដែល​​​មាន​​​អាយុ​​​២៨​​​ឆ្នាំ​​​បាន​​​លើក​​​​​​ឡើង​​​ទៀត​​​ថា អ្នក​​​ដែល​​​កំពុង​​​សិក្សា​​​ដើម្បី​​​ក្លាយ​​​ជា​​​គ្រូពេទ្យ​​​ព្យាបាល​​​ជំងឺ​​​ទូទៅ​​​បាន​​​ចំណាយ​​​ប្រាក់​​​ប្រហែល​​​១.០០០ដុល្លារ​​​ក្នុង​​​មួយ​​​ឆ្នាំ​​​សម្រាប់​​​បង់​​​ថ្លៃ​​​សាលា​​​ ហើយ​​​ទទួល​​​បាន​​​ប្រាក់​​​ខែ​​​មក​​​វិញ​​​ទាប​​​នៅ​​​ពេល​​​ពួក​​​គេ​​​បញ្ចប់​​​ការ​​​សិក្សា ដែល​​​ជា​​​ហេតុ​​​ធ្វើ​​​ឲ្យ​​​ពួក​​​គេ​​​​​​ត្រូវ​​​ប្រមូល​​​ប្រាក់​​​មក​​​វិញ​​​ឲ្យ​​​ស័ក្តិសម​​​​​​នឹង​​​អ្វី​​​ដែល​​​ពួក​​​គេ​​​បាន​​​ចំណាយ​​​តាម​​​រយៈ​​​ការ​​​ប្រព្រឹត្តិ​​​អំពើ​​​ពុក​​​រលួយ។ លោក​​​បាន​​​និយាយ​​​ថា "គ្រូពេទ្យ​​​នឹង​​​ក្បត់​​​ឧត្តម​​​គតិ​​​របស់​​​ខ្លួន​​​​​​ ព្រោះ​​​ពួក​​​គេ​​​បាន​​​ចំណាយ​​​ពេល​​​វេលា​​​យូរ​​​ក្នុង​​​ការ​​​សិក្សា​​​ ហើយ​​​ក៏​​​ចំណាយ​​​ប្រាក់​​​អស់​​​ច្រើន​​​ដែរ​​​។ នៅ​​​ពេល​​​ប្រឡង​​​ចេញ​​​រួច​​​​​​ ​​ខ្ញុំ​​​នឹង​​​ប្រមូល​​​ប្រាក់​​​នោះ​​​ត្រឡប់​​​មក​​​វិញ​​​"។ លោក អឹុង ព្រហស្បតិ៍ ប្រធាន​​​ស្តីទី​​​នៃ​​​គណៈកម្មការ​​​សុខភាព​​​កម្ពុជា ជា​​​អង្គការ​​​ធ្វើ​​​ការ​​​ដើម្បី​​​ធ្វើ​​​ឲ្យ​​​វិស័យ​​​សុខាភិបាល​​​មាន​​​ភាព​​​ប្រសើរ​​​ឡើង​​​បាន​​​លើក​​​ឡើង​​​ថា ការ​​​ប្រឡង​​​ចេញ​​​ចាំ​​​បាច់​​​ត្រូវ​​​តែ​​​​​​ធានា​​​ឲ្យ​​​បាន​​​ថា ​​​​​​និស្សិត​​​ពេទ្យ​​​​​​ដែល​​​​​​ប្រឡង​​​ចេញ​​​ទៅ​​​​​​មាន​​​ចំណេះ​​​​​​ដឹង​​​​​​ប្រកប​​​ដោយ​​​ស្តង់​​​ដារ​​​ខ្ពស់​​​។ លោក​​​បាន​​​មាន​​​ប្រសាសន៍​​​ថា "ប្រសិន​​​បើ​​​ការ​​​ប្រឡង​​​​​​មាន​​​ការ​​​រៀប​​​ចំ​​​ត្រឹម​​​ត្រូវ​​​ នោះ​​​គឺ​​​ជា​​​រឿង​​​ល្អ​​​។ ប៉ុន្តែ ប្រសិនបើ​​​និស្សិត​​​ផ្តល់​​​ប្រាក់​​​សំណូក​​​ដើម្បីប្រឡង​​​ជាប់ នោះ​​​គឺ​​​ជា​​​គុណវិបត្តិ​​"។ លោក អឹុង ព្រហស្បតិ៍ បាន​​​លើក​​​ឡើង​​​បន្ថែម​​​ទៀត​​​ថា ប្រសិន​​​បើ​​​ថ្លៃ​​​បង់​​​សម្រាប់​​​ការ​​​ប្រឡង​​​ចេញ​​​ប្រមាណ​​​១២៥​​​ដុល្លារ​​​នេះ​​​ ត្រូវ​​​បាន​​​យក​​​ទៅ​​​បន្ថែម​​​ពី​​​លើ​​​ប្រាក់ខែ​​​សម្រាប់​​​បុគ្គលិក​​​នៅ​​​សាលា​​​ពេទ្យ​​​នេះ​​​វិញ អ៊ីចឹង​​​វា​​​ប្រហែល​​​ជា​​​អាច​​​ធានា​​​បាន​​​ថា គ្រូពេទ្យ​​​នឹង​​​មិន​​​យក​​​សំណូក​​​​​​​​​ដើម្បី​​​ជួយ​​​ឲ្យ​​​និស្សិត​​​ប្រឡង​​​ជាប់​​​ឡើយ​​​។ និស្សិត​​​ពេទ្យ​​​ដែល​​​នាំ​​​គ្នា​​​តវ៉ា​​​កាល​​​ពីម្សិលមិញ ក៏​​​ទាម​​​ទារ​​​ឲ្យ​​​មានការ​​​ដំឡើង​​​​​​​​​អាយុ​​​សម្រាប់​​​​​​អ្នក​​​ដែល​​​មាន​​​បំណង​​​ធ្វើ​​​ការ​​​នៅ​​​ក្នុង​​​មន្ទីរ​​​ពេទ្យ​​​របស់​​​រដ្ឋ​​​ផង​​​ដែរ​​​។ បច្ចុប្បន្ន​​​ គ្រូពេទ្យ​​​ដែល​​​ប្រឡង​​​ចេញ​​​មិន​​​អាច​​​ដាក់​​​ពាក្យ​​​ទៅ​​​បម្រើ​​​ការ​​​តាម​​​មន្ទីរ​​​ពេទ្យ​​​រដ្ឋ​​​បាន​​​ទេ ប្រសិនបើ​​​ពួក​​​គេ​​​មាន​​​អាយុ​​​លើស​​​ពី​​​៣០​​​ឆ្នាំ។ និស្សិត​​​ពេទ្យ​​​ទាំង​​​នេះ​​​ចង់​​​ឲ្យមាន​​​ការ​​​ដំឡើង​​​អាយុ​​​ដល់​​​៣៥​​​ឆ្នាំ​​​។ លោក​​​ អឹុង ព្រហស្បតិ៍ បាន​​​មាន​​​ប្រសាសន៍​​​ថា "ខ្ញុំ​​​មិន​​​ដែល​​​ដឹង​​​អំពី​​​មូល​​​ហេតុ​​​នៅ​​​ពី​​​ក្រោយ​​​បញ្ហា​​​នេះ​​​ឡើយ​​​។ វា​​​គួរ​​​តែ​​​មាន​​​ការ​​​ដំឡើង​​​អាយុ​​​ដល់​​​យ៉ាង​​​តិច​​​៤០​​​ឆ្នាំ​​​"៕ស៊ុយឈាង (រាយការណ៍បន្ថែម​​​ដោយ​​​ Alex Consiglio)  

លោក កឹម សុខា អនុ​ប្រធាន​​​គណបក្ស​​​សង្គ្រោះ​​​ជាតិ​​​ បាន​​​លើក​​​ឡើង​​​កាល​​​ពី​​​​​​ម្សិល​​​មិញ​​ជា​​លើក​​​ដំបូង​​​ស្តី​​​ពីការ​​​បណ្តេញ​​​ជំនួយ​​​ការ​​​ផ្ទាល់​​​របស់​​​លោក​​​ចេញ​​​ពី​​​គណបក្ស​​​ប្រឆាំង​​​នេះ​​​ កាល​​​ពី​​​សប្តាហ៍​​​មុន​​​ ដោយ​​​បដិសេធ​​​ការ​​​អះ​​​អាង​​​របស់​​​អតីត​​​មន្ត្រី​​​រូប​​​នេះ​​​ដែល​​​ថា លោក​​​បាន​​​ចោទ​​​ប្រកាន់​​​លោក សម រង្ស៊ី ប្រធាន​​​គណបក្ស​​​សង្គ្រោះ​​​ជាតិ​​​​ពីបទ​​​​ពុក​រលួយ។ លោកស្រី ឡាក់ សុភាព ដែល​​​​​​ជា​​​ជំនួយ​ការ​​​បស់​​​លោក​​​ កឹម សុខា អនុ​​​ប្រធាន​​​រដ្ឋ​សភា​​​ ត្រូវ​​​បាន​​​បណ្តេញ​​​ចេញ​​​ពី​​​គណបក្ស​​​សង្គ្រោះ​​​ជាតិ​​​បន្ទាប់​​​ពី​​​បាន​​​អះ​​​អាង​​​ជា​​​សាធារណៈ​​​ថា លោក សម រង្ស៊ី បាន​​​យក​​​លុយ​​​២០​​​លាន​​​ដុល្លារ​​​ដោយ​​​ខុស​​​ច្បាប់​​​។ ក្រោយ​​​មក​​​លោក​​​ស្រី ឡាក់ សុភាព បាន​​​មាន​​​ប្រសាសន៍​​​ថា លោកស្រី​​​គ្រាន់​​​តែ​​​និយាយ​​​តាម​​​អ្វី​​​ដែល​​​លោកស្រី​​​បាន​​​ឃើញ​​​លោក កឹម សុខា ថ្លែង​​​នៅ​​​ជំនួប​​​របស់​​​គណបក្ស​​​សង្គ្រោះ​​​ជាតិ​​​តែ​​​ប៉ុណ្ណោះ​​​។ ពេល​​​មក​​​ដល់​​​អាកាស​​​យានដ្ឋាន​​​អន្តរជាតិ​​​ភ្នំពេញ​​​ បន្ទាប់​​​ពី​​​ធ្វើ​​​ដំណើរ​​​ទៅ​​​តំបន់​​​អឺរ៉ុប​​​រយៈ​​​ពេល​​​ពីរ​​​សប្តាហ៍​​​ដើម្បី​​​ជួប​​​ជាមួយ​​​អ្នក​​​គាំទ្រ​​​គណបក្ស​​​សង្គ្រោះ​​​ជាតិ​​​ក្រៅ​​​ប្រទេស​​​ និង​​​រៃ​​​អង្គាស​​​មូល​​​និធិ​​​  លោក កឹម សុខា បាន​​​បដិសេធ​​​ថា លោក​​​មិន​​​ដែល​​​បាន​លើក​​​ឡើង​​​ពី​​​បញ្ហា​​​​​​នេះ​​​ទេ​​​។ លោក កឹម សុខា បាន​​​មាន​​​ប្រសា​សន៍​​​ថា "គឺ​​​អ្នកស្រី សុភាព ខ្លួន​​​ឯង​​​ទេ​​​ ដែល​​​បាន​​​និយា​​​យ​​​ពី​​​រឿង​​​នេះ មិន​​​មែន​​​ខ្ញុំ​​​ទេ​​​ដែល​​​បាន​​​និយាយ​​​ពីរឿង​​​នេះ​​​នោះ។ ខ្ញុំ​​​គ្រាន់​​​តែ​​​ប្រាប់​​​លោក​ស្រី​​​ឲ្យ​​​រក​​​​​​ការ​​​ពិត​​​ និង​​​ភ័ស្តុ​​​តាង​​​មុន​​​យើង​​​និយាយ​​​​​ពី​អ្វីមួយ ជា​​​ជាង​​​និយាយ​​​ដោយ​​​គ្មាន​​​ភ័ស្តុ​​​តាង និង​​​ការ​​​ពិត​​​"។ លោក កឹម សុខា បាន​​​បដិសេធ​​​មិន​​​ធ្វើ​​​អត្ថា​​​ធិប្បាយ​​​បន្ថែម​​​អំពី​​​ការ​​​ដក​​​លោក​​​ស្រី ឡាក់ សុភាព​​​ សមាជិក​​​គណបក្ស​​​ប្រឆាំង​​​ជា​​​យូរ​​​មក​​​ហើយ ដែល​​​បាន​​​ចូល​​​រួម​​​ជាមួយ​​​គណបក្ស​​​សង្គ្រោះ​​​ជាតិ​​​ពី​​​គណបក្ស​​​សិទ្ធិ​​​មនុស្ស​​​របស់​​​លោក កឹម សុខា នៅ​​​ពេល​​​គណបក្ស​​​នេះ​​​បាន​​​ច្របាច់​​បញ្ចូល​​​​គ្នា​​​ជា​​​មួយ​​​គណបក្ស​​​ សម រង្ស៊ី ។ លោក​​​បាន​​​មាន​​​ប្រសាសន៍​​​ថា "ខ្ញុំ​​​បាន​​​ឃើញ​​​របាយការណ៍​​​របស់​​​គណៈកម្មាធិការ​​​វិន័យ ហើយ​​​​​​របាយការណ៍​​​​​​​​​​​​​​នេះ​​​អនុវត្ត​​​តាម​​​លក្ខន្តិកៈ និង​​​បទ​​​បញ្ជា​​​ផ្ទៃ​​​ក្នុង​​​របស់​​​គណបក្ស​​​ ប៉ុន្តែ​​​ យើង​​​នឹង​ពិចារណា​​​អំពី​​​របាយការណ៍​​​នេះ  និង​បន្ត​​​ពិភាក្សា​​​ជា​​​មួយ​​​មេដឹក​​​នាំ​​​របស់​​​យើង​​​ ហើយ​​​បន្ទាប់​​​មក​​​ខ្ញុំ​​​អាចបកស្រាយ​​​បញ្ជាក់​​​​​​"។ អនុ​​​ប្រធាន​​​គណបក្ស​​​រូប​​​នេះ​​​ ក៏​​​បាន​​​លើក​​​ឡើង​​​អំពី​ការ​​​យាង​​​ត្រឡប់​​​មក​​​វិញ​​​របស់​​​ព្រះ​​​អង្គ​​​ម្ចាស់ នរោត្តម រណឫទ្ធិ មកកាន់តួនាទី​ជា​​​ប្រធាន​​​គណបក្ស​​​ហ្វុ៊ន​​​ស៊ិនប៉ិចវិញ​​​​ ដោយ​​​ផ្តល់​​យោបល់​​​​​ដល់​​​គណបក្ស​​​រាជា​​​និយម​​​នេះ​​​ ដែល​​​បាន​​​ឈ្នះការ​​​បោះ​​​ឆ្នោត​​​ឆ្នាំ​​​១៩៩៣ ដែល​​​រៀប​​​ចំ​​​ដោយ​​​អង្គការ​​​សហប្រជា​​​ជាតិ​​​ ប៉ុន្តែ ចាប់​​​តាំង​​​ពី​​​ពេល​​​នោះ​​​មក​​​បាន​​​ធ្លាក់​​​ចុះ​​​សំឡេងឆ្នោត​​​​យ៉ាង​​​ខ្លាំង​​​។ លោក​​​ កឹម សុខា បាន​មាន​​​ប្រសាសន៍​​​ថា "សូម​​​រួម​​​​​​គ្នា​បម្រើ​​​ប្រជា​​​ជន​​​ខ្មែរ​​​ កុំ​​​​​រួម​​​គ្នា​​​បម្រើ​​​អ្នក​​​ដែល​​​មិន​​​បម្រើ​​​ប្រជា​​​ជន​​​"។ លោក កឹម សុខា ក៏​​​បាន​​​វាយ​​​បក​​​ចំពោះ​ការ​​​អះ​​​អាង​​​ដែល​​​បាន​​​ចុះផ្សាយ​​​​​​តាម​​​បណ្តាញ​​​ផ្សព្វ​​​ផ្សាយ​​​ក្នុង​​​ស្រុក​​​នៅ​​​សប្តាហ៍​​​នេះ ដែល​​​ថា​​​លោក ស ខេង រដ្ឋមន្ត្រី​​​ក្រសួង​​​មហាផ្ទៃ​​​នឹង​​​កោះ​​​ហៅ រូប​​​លោក និង​​​លោក សម រង្ស៊ី​​​ ឲ្យ​​​មក​​​កាន់​​​រដ្ឋ​​​សភា​​​ដើម្បី​​​សាក​​​សួរ​​​អំពី​ការ​​​ជាប់​​​ពាក់​​​ព័ន្ធ​​​ក្នុង​​​ការ​​​ជំរុញ​​​ឲ្យ​​​កម្មករ​​​រោង​​​ចក្រ​​​កាត់​​​ដេរ​​​ធ្វើ​​​កូដ​​​កម្ម​​​ទូទាំង​​​ប្រទេស​​​កាល​​​ពី​​​ឆ្នាំ​​​មុន​​​​​​។ លោក​​​ កឹម សុខា បាន​​​មាន​​​ប្រសាសន៍​​​ថា "មិន​​​មាន​​​ការ​​​អញ្ជើញ​​​សមា​ជិក​សភា​​​ទេ។ មាន​​​តែ​​​សមា​ជិក​សភា​​​ប៉ុណ្ណោះ​​​កោះ​​​អញ្ជើញ​​​រដ្ឋា​ភិបាល​​​។ ខ្ញុំ​​នៅ​​​​សភា​​​ស្រាប់​​​ហើយ​​​​​​។ មិន​ចាំ​​​បាច់​​​អញ្ជើញ​​​ខ្ញុំ​​​ទេ​​​។ ខ្ញុំ​​​អាច​​​និយាយ​​​បាន​​​"៕សារុន​​​​​​  

នគរ​​​បាល​​​បាន​​​ឲ្យដ​​​ឹង​​​កាល​​​ពីម្សិលមិញ​​​ថា មនុស្ស​​​ជាង​​​៦០​​​នាក់​​​បាន​​​នាំ​​​គ្នា​​​បង្ក​​​អំពើ​​​ហិង្សា​​​នៅ​​​ខាង​​​មុខ​​​ផែ​​​ស្ងួត​​​របស់​​​ក្រុមហ៊ុន​​​ដឹក​​​ជញ្ជូន​​​មួយ​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​កាល​​​ពី​​​យប់​​​ថ្ងៃ​​​ពុធ បន្ទាប់​​​ពី​​​រថយន្ត​​​កុងទឺន័រ​​​របស់​​​ក្រុមហ៊ុន​​​នេះ​​​មាន​​​ជាប់​​​ពាក់​​​ព័ន្ធ​​​នៅ​​​ក្នុង​​​ហេតុ​​​ការណ៍​​​គ្រោះថ្នាក់​​​ចរាចរណ៍ ដែល​​​បណ្តាល​​​ឲ្យ​​​មាន​​​មនុស្ស​​​ស្លាប់​​​។ ​​​លោក ហេង កុសល នាយ​​​ប៉ុស្តិ៍​​​នគរ​​​បាល​​​សង្កាត់​​​ចោម​​​ចៅ​​​ បាន​​​ឲ្យ​​​ដឹង​​​ថា នៅ​​​ម៉ោង​​​ប្រហែល​​​៥ល្ងាច​​​ កាល​​​ពី​​​ថ្ងៃ​​​ពុធ ក្បាល​​​កុង​​​ទឺន័រ​​​ដែល​​​បើក​​​បរ​​​ដោយ​​​បុគ្គលិក​​​ម្នាក់​​​របស់​​​ក្រុមហ៊ុន​​​ អាហរ័ណនីហរ័ណ​​​ តិច ស្រ៊ុន និង​​​ផែស្ងួត នៅ​​​ក្នុង​​​សង្កាត់​​​ចោម​​​ចៅ​​​បាន​​​បទ​​​ស្តាំ​​​សំដៅ​​​ចូល​​​ទៅ​​​ក្នុង​​​ផែ​​​ស្ងួតដែលស្ថិត​​​នៅ​​​​​​តាម​បណ្តោយ​​​​​ផ្លូវ​​​ជាតិ​​​លេខ​​​៤។ ​​​​​​​​​លោក​​​ ហេង កុសល បាន​​​មាន​​​ប្រសាសន៍​​​ថា "នៅ​​​ពេល​​​ក្បាល​​​កុងទឺន័រ​​​បត់​​​ស្តាំ​​​ ម៉ូតូ​​​មួយ​​​គ្រឿង​​​បាន​​​បុក​​​ទៅ​​​នឹង​​​ផ្នែក​​​ខាង​​​ស្តាំ​​​របស់​​​ក្បាល​​​កុងទឺន័រ​​​នេះ​​​"។ អ្នកស្រី ទឹម សុលក្ខិណា អា​​យុ​​​២០​​​ឆ្នាំ ជា​​​អ្នក​​​បើក​​​បរ​​​ម៉ូត​​ូ​​​បាន​​​ខ្ទាត​​​ទៅ​​​ចិញ្ចើម​​​ផ្លូវ​​​ ហើយ​​​បោក​​​ក្បាល​​​នឹង​​​ថ្ម​​​រួច​​​ស្លាប់​​​ភ្លាមៗ។ លោក ហេង កុសល បាន​​​លើក​​​ឡើង​​​បន្ត​​​ថា កូន​​​ប្រុស​​​អាយុ​​​២​​​ឆ្នាំ​​​របស់​​​អ្នកស្រី សុលក្ខិណា និង​​​​​​ស្ត្រី​​​អ្នក​​​ដំណើរ​​​ម្នាក់​​​ទៀត​​​អាយុ​​​២០​​​ឆ្នាំ ដែល​​​គេ​​​មិន​​​ស្គាល់​​​អត្ត​​​សញ្ញាណ ក៏​​​រង​​​របួស​​​ដែរ​​​។ លោក​​​បាន​​​បន្ថែម​​​ថា ស្ត្រី​​​ទាំង​​​ពីរ​​​នាក់​​​នេះ​​​សុទ្ធ​​​តែ​​​ជា​​​កម្មការិនី​​​កាត់​​​ដេរ​​​នៅ​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​​​​។ បន្ទាប់​​​មក​​​ អ្នក​​​បើក​​​បរ​​​កុងទឺន័រ​​​បាន​​​ចត​​​ក្បាល​​​កុង​​​ទឺន័រ​​​នេះ​​​នៅ​​​ក្នុង​​​បរិវេណ​​​ផែ​​​ស្ងួត​​​ រួច​​​គេច​​​ខ្លួន​​​បាត់​​​។ លោក​​​​​​បាន​​​លើក​​​ឡើង​​​បន្ថែម​​​ទៀត​​​ថា នៅ​​​ម៉ោង​​​ប្រហែល​​​៧ល្ងាច​​​ មនុស្ស​​​ជាង​​​៦០​​​នាក់​​​បាន​​​នាំ​​​គ្នាយក​​​សព្វ​​​របស់​​​អ្នក​​​ស្រី សុលក្ខិណា ដាក់​​​នៅ​​​ខាង​​​មុខ​​​ខ្លោង​​​ទ្វារ​​​ចូល​​​​​​​​​ផែ​​​ស្ងួត​​​ដើម្បី​​​ទាម​​​ទារ​​​ឲ្យ​​​តំណាង​​​ក្រុមហ៊ុន​​​ទទួល​​​ខុស​​​ត្រូវ​​​ចំពោះ​​​ហេតុ​​​ការ​​​ណ៍​​​គ្រោះ​​​ថ្នាក់​​​ចរាចរណ៍​​​នេះ ខណៈ​​​ក្មេង​​​ប្រុស​​​ និង​​​ស្ត្រី​​​ដែល​​​រង​​​របួស​​​ត្រូវ​​​បាន​​បញ្ជូន​​​ទៅ​​​មន្ទីរ​​​ពេទ្យ​​​ព្រះ​​​កុសមៈ។ នៅ​​​ពេល​​​គ្មាន​​​នរណា​​​ចេញ​​​មក​​​ ក្រុម​​​មនុស្ស​​​ទាំង​​​នេះ​​​បាន​​​ចាប់​​​ផ្តើម​​​គប់​​​ដុំ​​​​​​ថ្ម ហើយ​​​មន្ត្រី​​​​​​នគរ​​​បាល​​​ត្រូវ​​​បាន​​​​​​ហៅ​​​ឲ្យ​​​មក​​​កន្លែង​​​កើត​​​ហេតុ​​​នេះ​​​។ លោក​​​បាន​​​មាន​​​ប្រសាសន៍​​​ថា "មាន​​​មន្ត្រី​​​នគរ​​​បាល​​​ពីរ​​​បី​​​នាក់​​​មក​​​ ប៉ុន្តែ ក្រុម​​​មនុស្ស​​​ពោរ​​​ពេញ​​​ទៅ​​​ដោយ​​​កំហឹង​​​មាន​​​ដល់​​​ទៅ​​​៦០​​​នាក់​​​ឯណោះ​​​ ហេតុ​​​ដូច្នេះ​​​យើង​​​មិន​​​អាច​​​រារាំង​​​ពួក​​​គេ​​​កុំ ឲ្យ​​​ប្រើ​​​​​​អំពើ​​​ហិង្សា​​​បាន​​​នោះ​​​​​​ទេ​​​​​​"។ លោក តាំង​​​ អាន នាយការិយាល័យ​​​នគរ​​​បាល​​​ចរាចរ​​​រាជធានី​​​ដែល​​​បាន​​​មក​​​ដល់​​​កន្លែង​​​កើត​​​ហេតុ​​​ដើម្បី ត្រួត​​​ពិនិត្យ​​ហេតុការណ៍​​​គ្រោះ​​​​​​ថ្នាក់​​​ចរាចរណ៍​​​​​​នេះ​​​បាន​​​លើក​​​ឡើង​​​ថា មន្ត្រី​​​នគរ​​​បាល​​​ខណ្ឌ​​​ម្នាក់​​​បាន​​​រង​​​របួសស្រាល​​​ ហើយ​​​ថា​​​ រថយន្ត​​​នគរ​​​បាល​​​ចំនួន​​​ពីរ​​​គ្រឿង​​​បាន​​​រង​​​ការ​​​ខូច​​​ខាត​​​ដោយសារ​​​ការ​​​គប់ដុំ​​​ថ្ម។ លោក​​​បាន​​​មាន​​​ប្រសាសន៍​​​ថា "អំពើ​​​ហិង្សា​​​កើត​​​ឡើង​​​ព្រោះ​​​​​​គ្មាន​​​នរណា​​​ស្តាប់​​​យើង​​​"។ លោក​​​បាន​​​បន្ថែម​​​ថា គ្មាន​​​ការ​​​ចាប់ខ្លួន​​​នរណា​​​ម្នាក់​​​ឡើយ​​​។ លោក តាំង អាន បាន​​​លើក​​​ឡើង​​​ទៀត​​​ថា នគរ​​​បាល​​​នៅ​​​តែ​​​ព្យាយាម​​​​​​ដើម្បី​​​កំណត់​​​ថា តើ​​​នរណា​​​ត្រូវ​​​ទទួល​​​ខុស​​​ត្រូវ​​​ចំពោះ​​​ហេតុការណ៍​​​គ្រោះ​​​ថ្នាក់​​​ចរាចរណ៍​​​នេះ​​​។ លោក​​​បាន​​​មានប្រសាសន៍​​​ថា "យើង​​​មិន​​​ច្បាស់​​​ទេ​​​ថា តើ​​​នរណា​​​ខុស​​​ នរណា​​​ត្រូវ​​​"។ លោក​​​ ប៊ុន សុធា អ្នក​​​គ្រប់​​​គ្រង​​​ផែ​​​ស្ងួត​​​នេះ​​​បាន​​​លើក​​​ឡើង​​​ថា ក្រុមហ៊ុន​​​យល់​​​ព្រម​​​ផ្តល់​​​ប្រាក់​​​សំណង​​​ដល់​​​គ្រួសារ​​​របស់​​​អ្នកស្រី សុលក្ខិណា។ លោក​​​បាន​​​មាន​​​ប្រសាសន៍​​​ថា ​​​​​​"យើង​​​នឹង​​​ទទួល​​​ខុស​​​ត្រូវ​​​ចំពោះ​​​ហេតុ​​​ការណ៍​​​នេះ។ ក្រុមហ៊ុន​​​ធានា​​​រ៉ាប់រង​​​កំពុង​​​ចរចា​​​ប្រាក់​​​សំណង​​​ជាមួយ​​​គ្រួសារ​​​ជន​​​រង​​​គ្រោះ​​​​​​ហើយ​​​"។ ទោះ​​​ជា​​​យ៉ាង​​​ណា លោក សុធា បាន​​​បដិសេធ​​​មិន​​​ប្រាប់​​​ពីអត្តសញ្ញាណ​​​របស់​​​អ្នក​​​បើក​​​បរ​​​កុងទឺន័រ​​​នោះ​​​ឡើយ​​​។ លោក​​​បាន​​​មាន​​​ប្រសាសន៍​​​បន្ថែម​​​ថា "បន្ទាប់​​​ពី​​​កើត​​​ហេតុ​​​រួច​​​ គាត់​​​បាន​​​បើក​​​រថយន្ត​​​ចូល​​​ក្នុង​​​ផែ​​​ស្ងួត​​​មុន​​​ពេល​​​រត់​​​គេ​​ច​​​ខ្លួន​​​បាត់​​​។ ខ្ញុំ​​​មិន​​​ដឹង​​​ថា គាត់​​​រត់​​​ទៅ​​​ទី​​​ណា​​​នោះ​​​ទេ​​​"។ លោក សុធា បាន​​​លើក​​​​​​ឡើង​​​ទៀត​​​ថា ក្រុម​​​មនុស្ស​​​នៅ​​​ខាង​​​ក្រៅ​​​ផែ​​​ស្ងួត​​​បាន​​​បំផ្លិច​​​បំផ្លាញ​​​ទ្រព្យ​​​សម្បត្តិក្រុម​​​ហ៊ុន​​​ដោយ​​​គប់​​​ដុំ​​​ថ្ម និង​​​យក​​​សាំង​​​ដុត​​​។ លោក​​​បាន​​​មាន​​​ប្រសាសន៍​​​ថា "អ្នក​​​តវ៉ា​​​បាន​​​ដុត​​​ប៉ុស្តិ៍​​​យាម​​​របស់​​​យើង​​​ ហើយ​​​បាន​​​បំផ្លាញ​​​ប្រអប់​​​ភ្លើង​​​ដោយ​​​ធ្វើ​​​ឲ្យ​​​ក្រុមហ៊ុន​​​របស់​​​យើង​​​ងងឹត​​​ពេញ​​​មួយ​​​យប់។ យើង​​​នឹង​​​មិន​​​ដាក់​​​ពាក្យ​​​ប្តឹង​​​ពួកគេ​​​ឡើយ​​​ ព្រោះ​​​យើង​​​មិន​​​ចង់​​​មាន​​​​​​បញ្ហា​​​ណា​​​មួយ​​​បន្ថែម​​​ទៀត​​​​​​ឡើយ​​​"៕ស៊ុយ​​​ឈាង​​​ ​​​