paywall

កាល​ពី​ថ្ងៃ​អង្គារ នគរ​បាល​ខេត្ត​កណ្ដាល​បាន​រឹបអូស​ឈើ​មួយ​ចំនួន​ធំ​​ រួម​ទាំង​​ឈើ​គ្រញូង​​ដ៏​មាន​តម្លៃ​ជាច្រើន​ដុំផង​ដែរ ដែល​ត្រូវ​បានទាហាន​ដឹក​ដោយ​ខុស​ច្បាប់​មក​កាន់​រាជធានី​ភ្នំពេញ​​ដើម្បី​យក​មក​សាង​សង់​ការិយាល័យ​មេបញ្ជា​ការ​កង​អនុសេនាតូច​។ មេបញ្ជាការ​រូប​នេះ​បាន​​ស្នើ​ទៅ​លោក ប៉ុល សារឿន អគ្គមេបញ្ជាការ​​កង​យោធពល​ខេមភូមិន្ទដើម្បី​សុំប្រាក់​មកបង់​​ពិន័យ​ឲ្យ​រដ្ឋបាល​ព្រៃឈើ ប៉ុន្តែ​ឧត្ដម​សេនីយ៍រូប​នេះ​បាន​​បដិ​សេធមិន​ជួយ​ទេ។ ​លោក ដួង តេង អធិការ​នគរ​បាល​ស្រុក​ពញាឮ ខេត្ត​កណ្ដាល បាន​មាន​ប្រសាសន៍​ថា លោក​ និង​មន្ត្រី​របស់​លោក​កំពុង​ដោះ​ស្រាយ​​គ្រោះ​ថ្នាក់​ចរាចរណ៍​​​រវាង​​រថយន្ត​លុចស៊ីស ​និង​រថយន្ត​កង​យោធពល​ខេរមភូមិន្ទ​តាម​ផ្លូវ​ជាតិ​លេខ៥ ស្រាប់តែ​ពួកគេ​បាន​ឃើញ​ឈើ​នៅ​លើ​រថយន្ត​នោះ​។ លោក​បាន​មាន​ប្រសាសន៍​ថា យើង​បាន​សួរ​អ្នក​បើក​បរ​រក​លិខិត​អនុញ្ញាត​ឲ្យ​ដឹក​ឈើ​នេះ ប៉ុន្តែ​គាត់​បាន​ប្រាប់​យើង​ថា ឈើ​នេះ​ជា​របស់​ចៅហ្វាយនាយរបស់​​គាត់​​ គឺ​លោក​មេបញ្ជាការ​កង​អនុសេនាតូច​លេខ​៩០"។ លោក ដួង តេង បាន​មាន​ប្រសាសន៍​ថា...

យោង​​​តាម​​​សេចក្តី​​​ប្រកាស​​​មួ​​​យ​​​ចេញ​​​កាល​​​ពីម្សិលមិញ​​​ដោយ​​​អគ្គនាយក​​​ដ្ឋាន​​​ពន្ធដារ​​​បាន​​​ឲ្យ​​​ដឹង​​​ថា កម្មករ​​​ដែល​​​មាន​​​ប្រាក់​​​ខែ​​​ទាប​​​នឹង​​​អាច​​​រកប្រាក់​​​ចំណូល​​​បាន​​​​​​ដល់​​​២០០​​​ដុល្លារ​​​ក្នុង​​​មួយ​​​ខែ​​​ មុន​​​ពេល​​​ប្រាក់​​​ខែ​​​របស់​​​ពួក​​​គេ​​​ត្រូវ​​​បាន​​​កាត់​​​ពន្ធ​​​យ៉ាង​​​តិច​​​៥ភាគរយ​​​ ប៉ុន្តែ ឥឡូវ​​​នេះ​​​ពួក​​​គេ​​​នឹង​​​មិន​​​ជាប់​​​កាតព្វកិច្ច​​​បង់ពន្ធ​​​ប្រាក់​​​ខែ​​​នោះ​​​ទេ​​​ ព្រោះ​​​ថា​​​រដ្ឋាភិបាល​​​បាន​​​ដំឡើង​​​ការ​​​មិន​​​យក​​​ពន្ធ​​​ចំនួន​​​៧៥ដុល្លារ​​​បន្ថែម​​​ទៀត​​​ពីលើ​​​អត្រា​​​ប្រាក់​​​ខែ​១២៥​​​ដុល្លារ​​​ ដែល​​​ពី​​​មុន​​​ត្រូវ​​​ជាប់​​​ពន្ធ​​​​​។ យោង​​​តាម​​​សេចក្តី​​​ប្រកាស​​​នេះ​​​ មាន​​​​​​តែ​​​កម្មករ​​​ ឬបុគ្គលិក​​​ដែល​​​ទទួល​​​បាន​​​ប្រាក់​​​ខែ​​​លើស​​​ពី​​​៨០០.០០០រៀល ឬ​​​ប្រហែល​​​ ​​​ ប៉ុណ្ណោះ​​​នឹង​​​ត្រូវ​​​យក​​​ពន្ធ​​​ប្រាក់​​​ខែ​​​​​​ដោយ​​​ចាប់​​​ផ្តើម​​​ពី​​​ខែ​​​នេះ​​​ទៅ​​​។ លោក​​​ សុខ ដារ៉ាវុធ អគ្គនាយក​​​នៃ​​​​​​អគ្គនាយកដ្ឋាន​​​ពន្ធដារ​​​​​​នៃ​​​ក្រសួង​​​សេដ្ឋ​​​កិច្ច និង​​​ហិរញ្ញវត្ថុ​​​បាន​​​លើក​​​ឡើ​​​ងថា ការ​​​កែប្រែ​​​ការ​​​យក​​​ពន្ធប្រាក់​​​ខែ​​​​​​​​​​​​ពីកម្មករ​​​ដែល​​​ទទួល​​​បាន​​​​​​ប្រាក់​​​ខែ​​​ទាប​​​នេះ​​​​​​គឺ​​​មាន​​​គោល​​​បំណង​​​បង្កើត​​​ឲ្យ​​​មាន​​​គម្រោង​​​ប្រាក់​​​ឈ្នួល​​​​​​សម​​​រម្យ​​​​​​មួយ​​​ ដើម្បី​​​ជួយ​​​អ្នក​​​ដែល​​​កំពុង​​​ជួប​​​បញ្ហា​​​ហិរញ្ញវត្ថុ​​​ ខណៈ​​​ការ​​​ចំណាយ​​​ប្រចាំ​​​ថ្ងៃ​​​មាន​​​ការ​​​កើន​​​ឡើង​​​។ លោក ដារ៉ា​​​វុធ បានមាន​​​ប្រសាសន៍​​​ថា "យើង​​​ចង់​​​ជួយ​​​កម្មករ​​​ដែល​​​មាន​​​ប្រាក់​​​ខែ​​​ទាប​​​ទទួល​​​បាន​​​ប្រាក់​​​ចំណូល​​​បន្ថែម​​​ ដើម្បី​​​ឆ្លើយ​​​តប​​​ទៅ​​​នឹង​​​ការ​​​ចំណាយ​​​ប្រចាំថ្ងៃ ដែល​​​កើន​​​ឡើង​​​ពី​​​មួយ​​​ឆ្នាំ​​​ទៅ​​​មួយ​​​ឆ្នាំ​​​ ហើយ​​​យើង​​​ចង់​​​កាត់​​​បន្ថយ​​​គម្លាត​​​ប្រាក់​​​ចំណូល​​​រវាង​​​អ្នក​​​មាន​​​ប្រាក់​​​ខែ​​​ខ្ពស់​​​ និង​​​អ្នក​​​មាន​​​ប្រាក់​​​ខែ​​​ទាប ដើម្បី​​​បង្កើន​​​ចំនួន​​​ពល​​​រដ្ឋ​​​ដែល​​​ទទួល​​​បាន​​​ប្រាក់​​​ខែ​​​មធ្យម​​​នៅ​​​ក្នុង​​​សង្គម​"។ របាយ​​​ការណ៍​​​មួយ​​​ចេញ​​​កាល​​​ពីខែ​​​មេសា​​​ ដោយ​​​សាកល​​​វិទ្យាល័យ Deloittle University Press បាន​​​លើក​​​ឡើង​​​ថា ឱន​​​ភាព​​​ថវិកា​​​នៅ​​​តែ​​​មិន​​​ធ្លាក់​​​ចុះ​​​របស់​​​ប្រទេសកម្ពុជា​​​ គឺ​​​ដោយ​​​សារ​​​តែ​​​ចំណូល​​​ពន្ធ​​​ទាប​​​ដែល​​​កាល​​​ពី​​​ឆ្នាំ​​​២០១៣​​​មាន​​​ត្រឹម​​​តែ​​​៥​​​ភាគ​​​រយ​​​ប៉ុណ្ណោះ​​​នៃ​​​ផលិត​​​ផល​​​ក្នុង​​​ស្រុក​​​សរុប​​​ (GDP) ​​។ លោក ជេម រ៉ូបឺត (James Robert) អ្នក​​​ផ្តល់​​​ប្រឹក្សា​​​​​​ស្តី​​​អំពី​​​ពន្ធដា​​​រ​​​នៅ​​​ក្រុម​​​ហ៊ុន Sciaroni & Associates) បាន​​​លើក​​​​​​ឡើង​​​ថា រដ្ឋាភិបាល​​​បាន​​​ខិត​​​ខំ​​​​​​យ៉ាង​​​ខ្លាំង​​​ដើម្បី​​​ប្រមូល​​​ប្រាក់​​​ចំណូល​​​ពន្ធ​​​ឲ្យ​​​បានកាន់​​​តែ​​​​​​ច្រើនបន្ថែម​​​ទៀត​​​​​​ក្នុង​​​រយៈ​​​ពេល​​​ប៉ុន្មាន​​​ឆ្នាំថ្មីៗ​​​នេះ ដូច​​​ជាបាន​​​​​​រឹត​​​បន្តឹង​​​​​​លើ​​​នីតិវិធី​​​គយ​​​ជា​​​ដើម​​​ ហើយ​​​សេចក្តី​​​សម្រេច​​​ជួយ​​​សម្រាល​​​ពន្ធ​​​ដល់​​​អ្នក​​​ដែល​​​ទទួល​​​បាន​​​ប្រាក់​​​ខែ​​​ទាប​​​ គឺជា "ចំណាត់​​​ការ​​​ប្រថុយ​​​ប្រថាន​​​"។ លោក​​​បាន​​​លើក​​​ឡើង​​​តាម​​​រយៈ​​​អីុម៉េល​​​កាល​​​ពី​​​ម្សិលមិញ​​​ថា "ដោយ​​​សារ​​​តែ​​​ការ​​​បង្កើន​​​សកម្មភាព​​​នេះ ​​​​​​ខ្ញុំ​​​មើល​​​ឃើញ​​​ថា នៅ​​​ក្នុង​​​រយៈ​​​ពេល​​​ត្រឹម​​​តែ​​​បី​​​ឆ្នាំ​​​ចុង​​​ក្រោយ​​​នេះ ​​​​​​ការ​​​ប្រមូល​​​ប្រាក់​​​ចំណូល​​​ពន្ធ​​​ប្រចាំ​​​ឆ្នាំ​​​​​​​​​មាន​​​​​​ការ​​​កើន​​​ឡើង​​​ពី​​​៦៥០​​​លាន​​​ដុល្លារ ដល់​​​ប្រមាណ១,២ពាន់​​​លាន​​​ដុល្លារ​​​ក្នុង​​​មួយ​​​ឆ្នាំ"។ លោក​​​ ឃ្លីន អូខុន​​​ណេល (Clint O'Connel) ជាដៃ​​​គូ​​​មួយ​​​រូប​​​នៅ​​​​​​ក្រុមហ៊ុន​​​ផ្តល់​​​ប្រឹក្សា​​​ច្បាប់​​​ និង​​​ពន្ធ​​​ដារ​​​ឈ្មោះ​​​ថា VDB Loi បាន​​​លើក​​​ឡើង​​​ថា ចំណាត់​​​ការ​​​​​របស់​​​រដ្ឋាភិបាល​​​គឺ​​​មាន​​​ន័យ​​​ថា ​​​រដ្ឋ​​​​​​នឹងទទួល​​​បាន​​​ប្រាក់​​ចំណូល​​​តិច។ ទោះ​​​ជា​​​យ៉ាង​​​ណា​​​  លោក​​​ អូខុនណេល បាន​​​មាន​​​ប្រសាសន៍​​​ថា បើ​​​និយាយ​​​ពី​​​រឿង​​​នយោបា​​​យ​​​វិញ វា​​​ជា​​​ចំណាត់​​​ការ​​​ដ៏ល្អ​​​ នៅ​​​ពេល​​​រដ្ឋាភិបាល​​​បាន​​​​​​កែប្រែ​​​​​ការ​​​យក​​​ពន្ធប្រាក់ខែ​​​ចំពេល​​​ដែល​​​ពល​​​រដ្ឋ​​​ជា​​​ច្រើន​​​នៅ​​​កម្ពុជា​​​ទទួល​​​បាន​​​ប្រាក់​​​ខែ​​​តិច​​​ជាង​​​២០០០​​​ដុល្លារ​​​ក្នុង​​​មួយ​​​ខែ​​​ រួម​​​ទាំង​​​កម្មករ​​​ភាគ​​​ច្រើន​​​ក្នុង​​​ចំណោម​​​កម្មករ​​​ប្រមាណ​​​​​​៦០០.០០០នាក់ ក្នុង​​​វិស័យ​​​កាត់​​​ដេរ​​​ដែល​​​ពួក​​​គេ​​​ភាគ​​​ច្រើន​​​នឹង​​​ទទួល​​​​​​បាន​​​ការ​​​ដំឡើង​​​ប្រាក់​​​ខែ​​​ពី​​​១០០ដុល្លារ​​​​​​ ដល់​​​១២៨​​​ដុល្លារ​​​នៅ​​​ក្នុង​​​ខែ​​​នេះ​​ផងដែរ​​​​។ លោក​​​បាន​​​មាន​​​ប្រសាសន៍​​​ថា "កម្មករ​​​កាត់​​​ដេរ​​​ដែល​​​ទទួល​​​បាន​​​ប្រាក់​​​ខែ​​​ទាប​​​នឹង​​​ផ្ទុះ​​​​​​កំហឹង  ប្រសិន​​​បើនៅ​​​ពេល​​​​​​ពួក​​​គេ​​​ទទួល​​​បាន​​​ប្រាក់​​​ខែ​​​លើស​​​ពី​១២៥​​​ដុល្លារ​​​ នឹង​​​ចាប់​​​កាតព្វកិច្ច​​​បង់​​​ពន្ធ​​​ប្រាក់​​​ខែ​​​នោះ"។លោក​​​បាន​​​មាន​​​ប្រសាសន៍​​​បន្ថែម​​​ថា "វា​​​គឺ​​​ជាចំណាត់​​​ការ​​​​មួយ​​​ដើម្បី​​​ធានា​​​ថា រាល់​​​​​​ការ​​​ដំឡើង​​​ប្រាក់​​​ខែ​​​ណា​​​មួយ ​​​ដូច​​​ជា​​​ការ​​​ដំឡើង​​​លើ​​​ប្រាក់​​​ខែ​​​គោល​​​ជា​​​ដើម​​​នោះ​​​នឹង​​​មិនត្រូវ​​​បាន​​​យក​​​ពន្ធ​​​ប្រាក់​​​ខែ​​​"។ ប៉ុន្តែ លោក ឆាយ សុវណ្ណា ​​​​​​​​​ប្រធាន​​​សាខា​​​ពន្ធ​​​ដារ​​​នៅ​​​ក្នុង​​​ខណ្ឌ​​​ដង្កោ​​​បាន​​​លើក​​​ឡើង​​​ថា ការ​​​កែ​​​ប្រែ​​​ ការយក​​​ពន្ធ​​​ប្រាក់​​​ខែ​​​នេះ​​​ វា​​​ប៉ះ​​​ពាល់​​​ដល់​​​ប្រាក់​​​ចំណូល​​​រដ្ឋ​​​ "តិច​​​តូចណាស់" ព្រោះ​​​ថា​​​កម្មករ​​​ដែល​​​មាន​​​ប្រាក់​​​ខែ​​​ទាប​​​ជួយ​​​ចូល​​​រួ​​​ម​​​ចំណែក​​​បាន​​​តែ​​​បន្តិចបន្តួច​​​ប៉ុណ្ណោះ​​​នៅ​​​ក្នុង​​​​​​ប្រមូល​​​ពន្ធ​​​៕ស៊ុយ​​​ឈាង​​​  

មានព័ត៌​​មាន​ចុះ​ផ្សាយ​ជាហូរហែ​អំពី​ចលាចល​ក្នុង​សង្គម​​ពាក់ព័ន្ធ​នឹង​ការ​ចាប់​យក​ដីធ្លី​នៅ​ក្នុង​ខេត្តព្រះវិហារភាគ​ខាង​ជើង ដោយ​ប្រជាជន​នៅ​ទីនោះ​រួម​មានទាំង​ជនជាតិ​ដើម​ភាគ​តិច​គួយ ​ផង​ដែរ​។ ជនជាតិ​ដើមភាគ​តិច​គួយ ​បាន​និង​កំពុង​ធ្វើ​ការ​តវ៉ា​ស្រប​ច្បាប់​ប្រឆាំង​​ក្រុម​ហ៊ុនឯកជន ដែល​​ទទួល​បាន​ដីសម្បទាន​​ពី​រដ្ឋាភិបាល​ក្នុង​ពេល​ថ្មីៗនេះ និង​ដែល​កំពុង​រឹប​អូស​ និង​ឈូស​ឆាយ​ដីស្រែ​ចម្ការ​ដូន​តា​របស់ពួកគាត់ ដើម្បី​ធ្វើ​ចម្ការ​​បែប​ឧស្សាហកម្ម​។ កាលពី​ថ្ងៃទី​១២ ខែធ្នូ ខ្ញុំ​បាន​ជួប​ជាមួយ​អ្នកភូមិ​ជន​ជាតិគួយ​ មួយ​ក្រុមដែល​តំណាង​ឲ្យ​សហគមន៍​របស់ពួកគាត់​នៅ​ក្នុង​ខេត្ត​ព្រះវិហារ ស្ថិតក្នុង​ស្រុក​​ (ត្បែង​មាន​ជ័យ) ដែល​ពួកគាត់កំពុង​​​តស៊ូការ​ពារ​ដី​ធ្លី​ដែល​ពួកគាត់​បាន​ធ្វើ​​​ស្រែចម្ការ​ជាច្រើន​ជំនាន់​មក​ហើយ។ ដី​របស់​ពួកគាត់​ភាគច្រើន​ជា​ដីស្រែ ដែល​មាន​ទម្រង់មូលដ្ឋាន​ជា​​កសិកម្ម​បែប​ប្រពៃណី​ដែល​គ្រប់​គ្រាន់​សម្រាប់​តែ​ចិញ្ចឹម​ជីវិត។ ដើម្បី​ដោះស្រាយ​វិវាទ​ដីធ្លី​​​ឲ្យ​បាន​ត្រឹម​ត្រូវ​ យុត្តិធម៌ និង​ប្រកប​ដោយ​មនុស្សធម៌​ពាក់​ព័ន្ធ​នឹង​ជនជាតិ​ដើម​ភាគ​តិចដូច​ជា​ជនជាតិ​គួយ នៅ​ភាគ​ខាង​ជើង​ជា​ដើម​ ក៏ដូច​ជា​ជនជាតិ​ភាគតិច​កុលសម្ព័ន្ធ​ភ្នំ ឬជនជាតិ​​ម៉ុងតាញ៉ា​នៅ​ភាគ​ឦសាន រដ្ឋាភិបាល​ត្រូវ​តែ​ពិចារណា​ឲ្យ​បាន​ដិត​ដល់​អំពី​កត្តាមួយ​ចំនួនដូច​ខាង​ក្រោ​ម​​ ៖ ១. ជនជាតិដើម​ភាគ​តិច​ទាំង​នោះគ្មានគំនិត​ចង់​បាន​កម្មសិទ្ធិ​ផ្ទាល់​ខ្លួន​ដូច​ប្រជា​ពលរដ្ឋ​ផ្សេង​ទៀត​ទេ។...

កាលពី​ថ្ងៃ​អង្គារ រដ្ឋលេខាធិការ​ក្រសួង​ការបរទេស​បាន​ការពារ​រដ្ឋាភិបាល​ក្នុង​ការ​ដាក់​ពន្ធនាគារ​សកម្មជន​១១​នាក់​និង​មន្ត្រី​ក្រុម​ប្រឆាំង​ម្នាក់​ ដែល​ទង្វើ​នេះ​ត្រូវ​បាន​គេ​រិះគន់​ជា​ទូទៅ​ អំឡុង​កិច្ច​ប្រជុំ​បិទ​ទ្វារ​ជាមួយ​អ្នក​ការទូត​អាមេរិក​ដែល​កំពុង​ធ្វើ​ទស្សនកិច្ច។ លោក ដានីញ៉ែល រ៉ូស្សែល (Daniel Russel) ឧបការី​រដ្ឋមន្ត្រី​ក្រសួង​ការបរទេស​សហរដ្ឋ​អាមេរិក ​ទទួល​បន្ទុក​កិច្ចការ​អាស៊ី​បូព៌ា​និង​ប៉ាស៊ីកហ្វិក បាន​មក​ធ្វើ​ទស្សនកិច្ច​ប្រទេស​កម្ពុជា​កាលពី​ថ្ងៃ​អង្គារ និង​បាន​ជួប​ជាមួយ​លោក អ៊ុច បូរិទ្ធិ រដ្ឋលេខាធិការ​ក្រសួង​ការបរទេស​និង​សហ​ប្រតិបត្តិការ​អន្តរជាតិ។ ថ្លែង​ទៅកាន់​អ្នក​យក​ព័ត៌មាន​បន្ទាប់ពី​ជំនួប​នៅ​ក្រសួង​នេះ​ក្នុង​ក្រុង​ភ្នំពេញ លោក បូរិទ្ធិ បាន​មាន​ប្រសាសន៍​ថា លោក​បាន​ប្រាប់​លោក រ៉ូស្សែល ថា បណ្តាញ​ព័ត៌មាន​បាន​ផ្សព្វ​ផ្សាយ​លម្អៀង​អំពី​ការ​ចាប់​ខ្លួន​សកម្មជន​១១​នាក់​កាលពី​ខែ​វិច្ឆិកា។ លោក បូរិទ្ធិ បាន​មាន​ប្រសាសន៍​ថា...

អភិបាល​​​ខេត្ត​​​ព្រះ​​​វិហារ​​​គ្រោង​​​ជួប​​​ជា​​​មួយ​​​​​អភិបាល​​​ខេត្ត​​​អូ៊ប៊ុន​​​ រ៉ាត​​​ថានី របស់​​​ប្រទេស​​​ថៃ​​​នៅ​​​ថ្ងៃ​​​នេះ​​​ដើម្បី​​​ពិភាក្សា​​​អំពី​​​ការ​​​បើក​​​ច្រក​​​ព្រំ​​​ដែន​​​អាន​​​សេះ​​​ឡើង​​​វិញ​​​ ដែល​​​ត្រូវ​​​បាន​​​បិទ​​​នៅ​​​ពេល​​​កង​​​ទ័ព​​​ថៃ​​​ប្រមាណ​​​២០០នាក់​​​ត្រូវ​​​បាន​​​បញ្ជូន​​​ចូល​​​មក​​​​​តំបន់​​​​ព្រំ​​​ដែននេះ​​​​​​កាល​​​ពី​​​ចុង​​​ខែ​​​មុន​​។ លោក សុខ ហៃ អ្នក​​​នាំ​​​ពាក្យ​​​​​​សាលា​​​ខេត្ត​​​ព្រះ​​​វិហារ​​​បាន​​​ឲ្យ​​​ដឹង​​​កាល​​​ពី​​​ម្សិលមិញ​​​ថា  លោក​​​ អ៊ុំ​​​ ម៉ារ៉ា​​​ អភិបាល​​​ខេត្ត​​​ព្រះ​​​វិហារ​​​​​​នឹង​​​ជួប​​​ជា​​​មួយ​​​​​​លោក សឺម ឆៃណារ៉ុង​​​ (Serm Chainarong) អភិបាល​​​ខេត្ត​​​អ៊ូប៊ុន រ៉ាត​​ថានី ដែល​​​ស្ថិត​​​នៅ​​​ក្បែរ​​​ខេត្ត​​​ព្រ​​ះ​​​វិហារ​​​ ក៏​​​ដូច​​​ជា​​​តំណាង​​​កង​​​ទ័ព និង​​​​​​ក្រសួង​​​ការ​​​បរទេស​​​ថៃ​​​​​​​​​ផង​​​ដែរ​​​នៅ​​​ម៉ោង​​​៩​​​ព្រឹក​​​ថ្ងៃ​​​នេះ​​​។ លោក​​​ សុខ​​​ ហៃ បាន​​​មាន​​​ប្រសាសន៍​​​ថា "ការ​​​ជួប​​​ប្រជុំ​​​គ្នា​​​នឹង​​​ផ្តោត​​​លើ​​​ការ​​​​បិទ​​​ច្រក​​​ព្រំ​​​ដែន​​​នា​​​ពេល​​​ថ្មី​​​ៗ​​​នេះ​​​ និង​​​បញ្ហា​​​ពាក់​​​ព័ន្ធ​​​ព្រំ​​​ដែន​​​ផ្សេង​​​ៗ​​​ទៀត​​​"។ លោក ជា​​​ គឹមសេង អភិបាល​​​ស្រុក​​​ជាំ​​​ក្សាន្ត​​​ ខេត្ត​​​ព្រះ​​​វិហារ​​​ដែល​​​ច្រក​​​ព្រំ​​​ដែន​​​អាន​​​សេះ​​​ស្ថិត​​​ក្នុង​​​ស្រុក​​​នេះ ​​​បាន​​​លើក​​​ឡើង​​​កាល​​​ពី​​​ខែ​​​មុន​​​ថា ថៃ​​​បាន​​​បិទ​​​ច្រក​​​ព្រំ​​​ដែន​​​ខាង​​​ផ្នែក​​​របស់​​​ខ្លួន​​​បន្ទាប់​​​ពី​​​ទា​​​ហាន​​​ថៃ​​​ចូល​​​មក​​​ក្នុង​​​ទឹក​​​ដី​​​កម្ពុជា​​​ ហើយ​​​បញ្ជា​​​ឲ្យ​​​កម្មករ​​​សំណង់ខ្មែរ​​​បញ្ឈប់​​​ការ​​​ស្ថាបនា​​​ផ្លូវ​​​ ដែល​​​ពួក​​​គេ​​​បាន​​​អះ​​​អាង​​​ថា ស្ថិត​​​ក្នុ​​​ង​​​ដែន​​​ដី​​​មាន​​​ជម្លោះ​​​។ បន្ទាប់​​​មក​​​ប្រទេស​​​ថៃ​​​​​​បាន​​​បញ្ជូន​​​កាំ​​​ភ្លើង​​​ធន់​​​ធ្ងន់​​​ និង​​​ទាហាន​​​ប្រហែល​​​២០០នាក់​​​ ចូល​​​មក​​​តំបន់​​​ព្រំដែន​​​នេះ​​​​​​កាល​​​ពីថ្ងៃ​​​ទី​​​២៨​​​ ខែ​​ធ្នូ​​​។ លោក ជា គឹម​​​សេង បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា "ទាហាន​​​ការ​​​ពារ​​​ព្រំ​​​ដែន​​​ថៃ​​​នៅ​​​តែ​​​ត្រូវ​​​បាន​​​ដាក់​​​ពង្រាយ​​​នៅ​​​ច្រក​​​ព្រំដែន​​​អាន​​​សេះ​​​នៅ​​​ឡើយ​​​ ហើយ​​​ច្រក​​​ព្រំដែន​​​ក៏​​​នៅ​​​​បិទ​​​នៅ​​​ឡើយ​​​ដែរ​​​"។ លោក​​​បាន​​​បន្ថែម​​​ថា ទាហាន​​​កម្ពុជា​​​បាន​​​រាយការណ៍​​​ថា បាន​​​ឃើញ​​​ទាហាន​​​ថៃ​​​បន្ថែម​​​ទៀត​​​ក្នុង​​​រយៈ​​​ពេល​​​ប៉ុន្មាន​​​ថ្ងៃ​​​ថ្មី​​​ៗ​​​នេះ​​​៕ស៊ុយ​​​ឈាង​​​​​​  

មន្ត្រី​តុលាការ​ម្នាក់​បាន​និយាយ​ថា កាលពី​ម្សិល​មិញ​​​​សាលា​ដំបូង​ខេត្ត​ពោធិ៍សាត់​បាន​ចោទ​ប្រកាន់​បុរស​បី​នាក់​ពី​បទ​ប្រើ​អំពើ​ហិង្សា​ដោយ​ចេតនា​ ដោយ​ជាប់​ពាក់​ព័ន្ធ​នៅ​ក្នុង​ការ​​វាយ​តប់​គ្នា​​រវាង​ក្រុម​បដិបក្ខ​ពីរ​ក្រុម​ ដែល​បាន​បណ្ដាល​ឲ្យ​អ្នក​ចូល​រួម​​ម្នាក់​ស្លាប់។ ជន​សង្ស័យ​ទាំង​បី​នាក់​នេះ​​​ឈ្មោះ អាន រិទ្ធ អាយុ​២០ឆ្នាំ ឡាត ឡុញ អាយុ​៣៣​ឆ្នាំ និង​​ ឡេះ ពូ អាយុ​២៥​ឆ្នាំ​​​ត្រូវ​បាន​ចាប់​ខ្លួន​កាលពី​ល្ងាច​ថ្ងៃច័ន្ទ បន្ទាប់ពី​ ចាន់ ភារ៉ា អាយុ​២១​ឆ្នាំ ត្រូវ​បាន​​វាយ​រហូត​ដល់​ស្លាប់​នៅ​កន្លែង​រាំ​អំឡុង​​បុណ្យ​ដាលាន ក្នុង​ស្រុក​ក្រគរ ​កាលពី​យប់​ថ្ងៃ​ អាទិត្យ​។ លោក​​ ពង្ស ច័ន្ទ​សុយុទ្ធារ៉ា ​​ព្រះរាជអាជ្ញារង​អម​សាលា​ដំបូង​ខេត្ត​​បាន​មាន​ប្រសាសន៍​កាល​ពី​ម្សិលមិញ​ថា លោក​បាន​ចោទ​ប្រកាន់​ជន​សង្ស័យ​ទាំង​នេះ​ពីបទ​ប្រើ​អំពើ​ហិង្សា​ដោយ​ចេតនា​មាន​ស្ថាន​ទម្ងន់​ទោស​។ លោក​​...

រយៈ​ពេល​ជាង​៧ខែ​បន្ទាប់ពី​អាជ្ញាធរ​​រឹបអូស​បាន​ភ្លុក​ដំរី​ទម្ងន់​៣តោន ដែល​មាន​តម្លៃ​រាប់​លាន​ដុល្លារ និង​ដែល​ជា​​​ចំនួន​ច្រើន​បំផុត​នៅ​ក្នុង​ប្រវត្តិសាស្ត្រ​​​​របស់​កម្ពុជា​ ការ​ស៊ើបអង្កេត​នៅ​តែ​ជាប់​គាំង​​ ខណៈ​ទំនិញ​ខុស​ច្បាប់​ទាំង​នេះ​ត្រូវ​បាន​រក្សាទុក​នៅ​កន្លែង​ជួស​ជុល​​​នាវា​។ លោក គិន លី ​ប្រធាន​នាយកដ្ឋាន​​គយ និង​រដ្ឋាករ​ នៃ​កំពង់ផែ​ស្វយ័ត​ក្រុង​ព្រះសីហនុ បាន​មាន​ប្រសាសន៍​កាលពី​ម្សិលមិញ​ថា ក្រុម​ហ៊ុន​ដែល​បញ្ជូន​ទំនិញ​នេះ​​ មិន​បាន​ឆ្លើយ​តប​ការ​ទំនាក់ទំនង​របស់​នាយករដ្ឋាន​លោក​ទេ។ លោក​មាន​ប្រសាសន៍​ថា ​លោក​កំពុង​​រង់ចាំ​ការ​ណែនាំពី​​ថ្នាក់​លើ​របស់​លោក​ មុនពេល​បញ្ជូន​ករណី​នេះ​ទៅ​សាលា​ដំបូង​ខេត្ត​ព្រះសីហនុ។ លោក​មាន​ប្រសាសន៍​ទៀត​ថា "ក្រុម​ហ៊ុន​មិន​បាន​ឆ្លើយ​តប​ទេ ​​ដូច្នេះ​ហើយ​យើង​នឹង​បញ្ជូន​ករណី​នេះ​​​ទៅ​តុលាការ​ ដើម្បី​ស៊ើបអង្កេត​បន្ត​"។ លោក​បាន​បន្ថែម​ទៀត​ថា ករណី​នេះ​មិន​អាច​បញ្ជូន​ទៅ​តុលាការ​បានទេ រហូត​ទាល់​តែ​លោក​​ទទួល​​បាន​បទបញ្ជា​ពី​ក្រសួង​ហិរញ្ញវត្ថុ និង​អគ្គនាយកដ្ឋាន​​គយ និង​រដ្ឋាករ​ជាមុន​សិន​។ កាលពី​ខែ​ឧសភា...

ពល​​​រដ្ឋរស់​​​នៅ​​​លើ​​​ដី​​​តាម​​​មាត់​​​ទន្លេ​​​​​​ប្រវែង​​​ប្រមាណ​​​២គីឡូម៉ែត្រ​​​ក្នុង​​​ខណ្ឌ​​​ដូន​​​ពេញ​​​ ដែល​​​សាលា​​រាជ​​​ធានី​​​មាន​​គម្រោង​​​ប្រែ​​​ក្លាយ​​​ទៅ​​​ជា​​​សួន​​ច្បារ​​​សាធារណៈ​​​ បាន​​​បង្ហាញ​​​ក្តី​​​ព្រួយ​​​បារម្ភ​​​កាល​​​ពី​​​ម្សិលមិញ​​​ថា ពួក​​​គាត់​​​​​​អាច​​​នឹង​​​ត្រូវ​​​បញ្ចេញ​​​ដោយ​​​គ្មាន​​​ប្រាក់​​​សំណង​​​។ សាលា​​​រាជ​​​ធានី​​​បាន​​​បង្ហោះ​​​ផែនការ​​​មេនៃ​​​គម្រោង​​​​​​អភិវឌ្ឍន៍​​​​​​តំបន់​​​តាម​​​មាត់​​​ទន្លេ​​​ស្ថិត​​​នៅ​​​ភាគ​​​ខាង​​​ជើង​​​​​​ស្ពាន​​​ជ្រោយ​​​ចង្វា​​​លើ​​​ទំព័រ​​​ហ្វេស​​​ប៊ុក​​​របស់​​​ខ្លួន​​​ កាល​​​ពី​​​ថ្ងៃ​​​ទី​​​៣០ ខែ​​​ធ្នូ​​​។ ផែន​​​ការ​​​មេនេ​​​ះ​​​បាន​​​បង្ហាញ​​​ឲ្យឃើញ​​​ពីសួន​​​ច្បារ​​​សាធារណៈ​​​ដ៏ធំ​​​ទូលាយ​​​ ចំណត​​​យាន​​យន្ត​​​​​​ និង​​​កំពង់​​​ផែ​​​។ អ្នកស្រី ស៊ូ ចេង អាយុ​​​៦១​​​ឆ្នាំ​​​ដែល​​​រស់​​​នៅ​​​ចម្ងាយ​​​ប្រហែល​​​៥០​​​ម៉ែត្រ​​​ពី​​​ស្ពាន​​​ជ្រោយ​​​ចង្វា​​​ក្នុង​​​សង្កាត់​​​ស្រះ​​​ចក​​​តាំង​​​ពី​​​ឆ្នាំ ១៩៨៩​​​មក​​​បាន​​​លើក​​​ឡើង​​​ថា សាលា​​​រាជ​​​ធានី​​​បាន​​​ជូន​​​ដំណឹង​​​ដល់​​​មេភូមិ​​​របស់​​​អ្នកស្រី​​​ថា គម្រោង​​​នេះ​​​ក៏​​​នឹង​​​តម្រូវ​​​ឲ្យ​​​មាន​​​ការ​​​ពង្រីក​​​ផ្លូវ​​​​​៦​​​ម៉ែត្រ​​​​​​ ដែល​​​នឹង​​​ធ្វើ​​​ឲ្យ​​​ផ្ទះ​​​របស់​​​អ្នកស្រី​​​មួយ​​​ផ្នែក​​​ធំ​​​ត្រូ​​​វ​​​កាត់​​​ចោល​​​ផង​​​ដែរ។ អ្នកស្រី​​​ ស៊ូ ចេង បាន​​​លើក​​​ឡើង​​​ទៀត​​​ថា ទោះ​​​ជា​​​យ៉ាង​​​ណា​​​ អ្នក​​​ស្រី​​​នឹង​​​បដិសេធ​​​មិន​​​ព្រម​​​ផ្លាស់​​​ទី​​​លំនៅ​​​ឡើយ​​​ ប្រសិន​​​បើ​​​គ្មាន​​​ប្រាក់​​​សំណង​​​នោះ​​​។ អ្នកស្រី បាន​​​មាន​​​ប្រសាសន៍​​​ថា "ប្រសិន​​​បើ​​​ពួក​​​គេ​​​ចង់​​​បណ្តេញ​​​ខ្ញុំ​​​ ខ្ញុំ​​​នឹង​​​ទាម​​​ទារ​​​សំណង​​​ចំនួន​​​៣០០.០០០ដុល្លារ​​​"។ អ្នក​​​ស្រី​​​ សូត្រ សិលា អាយុ​​​៥៦​​​ឆ្នាំ ដែល​​​ជា​​​អ្នក​​​ភូមិ​​​រស់​​​នៅ​​​ក្នុង​​​សង្កាត់​​​ស្រះ​​​ចក​​​ម្នាក់​​​ទៀត​​​បាន​​​លើក​​​ឡើង​​​ថា ​​​គ្រួសារ​​​របស់​​​អ្នក​​​ស្រី​​​បាន​​​រស់​​​នៅ​​​តាម​​​ដង​​​ទន្លេ​​​ចាប់​​​តាំង​​​ពីឆ្នាំ​​​១៩៩៥​​​មក​​​ម្លេ៉ះ​​​ ហើយ​​​ថា គម្រោង​​​​​​អភិវឌ្ឍន៍​​​​​​របស់​​​សាលា​​​រាជ​​​ធានី​​​បាន​​​ធ្វើ​​​ឲ្យគាត់​​​មាន​​​ការ​​​តក់​​​ស្លុត​​​​​​យ៉ាង​​​ខ្លាំង​​​។ អ្នកស្រី​​​បាន​​​បន្ថែម​​​ថា អ្នក​​​ស្រី​​​នឹង​​​ទាម​​​ទារ​​​ប្រាក់ស​​​ំណង​​​ចន្លោះ​​​ពី​​​២០០.០០០ដុល្លារ​​​ដល់​​​៣០០.០០០​​​ដុល្លារ​​​ ប្រសិន​​​បើ​​​ត្រូ​​​វបាន​​​បណ្តេញ​​​ចេញ​​​មែន​​​នោះ  ប៉ុន្តែ​​អ្នកស្រី​​​មិន​​​រំពឹង​​​ថា នឹង​​​ទទួល​​​បាន​​​ប្រាក់​​​សំណង​​​នោះ​​​ឡើយ​​​។ អ្នកស្រី​​​បាន​​​មាន​​​ប្រសាសន៍​​​ថា "ខ្ញុំ​​​គិត​​​ថា រដ្ឋ​​​គ្មាន​​​លុយ​​​បង់​​​ប្រាក់​​​សំណង​​​ឲ្យ​​​ខ្ញុំ​​​ឡើយ​​​"។ ទាំង​​​អ្នកស្រី ស៊ូ ចេង និង​​​អ្នកស្រី សូត្រ សិលា សុទ្ធ​​​តែ​​​លើក​​​ឡើង​​​ថា ពួ​​​ក​​​គាត់​​​មាន​​​លិខិត​​​​​​បញ្ជាក់​​​​​​ពី​​​សង្កាត់ និង​​​ខណ្ឌ ដែល​​​បញ្ជាក់​​​ថា ពួកគាត់​​​រស់​​​នៅ​​​លើ​​​ដី​​​របស់​​​ខ្លួន ប៉ុន្តែ ថា ពួក គាត់​​​គ្មាន​​​ប័ណ្ណ​​​កម្មសិទ្ធិ​​​ដី​​​ធ្លី​​​ឡើយ​​​។ លោក ឡុង​​​ ឌីម៉ង់​​​ អ្នក​​​នាំ​​​ពាក្យ​​​សាលា​​​រាជ​​​ធានី​​​បានលើក​​​ឡើង​​​កាល​​​ពី​​ម្សិលមិញ​​​ថា គម្រោង​​​អភិវឌ្ឍន៍​​​ដី​​​តាម​​​ដង​​​ទន្លេ​​​នេះ​​​នៅ​​​មិន​​​ទាន់​​​បាន​​​សម្រេច​​​​​​ជា​​​ចុង​​​ក្រោយ​​​នៅឡើយ​​​ទេ​​​។ លោក​​​បានមាន​​​ប្រសាសន៍​​​ថា "នេះ​​​គ្រាន់​​​តែ​​​ជា​​​គម្រោង​​​ប៉ុណ្ណោះ​​​ ហើយ​​​យើង​​​នឹង​​​មិន​​​ចាប់​​​ផ្តើម​​​ភ្លាម​​​ៗ​​​ឡើយ​​​ ព្រោះ​​​យើង​​​ត្រូវ​​​ចុ​​​ះ​​​ទៅ​​​ស្ទង់​​​មតិ​​​ពល​​​រដ្ឋ​​​ជា​​​មុន​​​សិន​​​"។ លោ​​​ក​​​បាន​​​បន្ថែម​​​ថា ការ​​​ពិភាក្សា​​​អំពី​​​ប្រាក់ស​​​ំណង​​​​​​អាច​​​កើត​​​មាន​​​ទៅ​​​បាន​​​​​​ លុះ​​​ត្រា​​​តែ​​​ការ​​​ស្ទង់​​​មតិ​​​ត្រូ​​​វបាន​​​បញ្ចប់​​​​​​ជា​​​មុន​​​សិន​​​។ ​​​លោក ឡុង​​​ ឌីម៉ង់​​​ ក៏​​​បាន​​​លើក​​​ឡើងផង​​​ដែរ​​​ថា លោក​​​ជឿ​​​ជាក់​​​ថា ផ្ទះ​​​ដែល​​​ស្ថិត​​​នៅ​​​តាម​​​ដង​​​ទន្លេ​​​សុទ្ធ​​​តែ​​​ខុស​​​ច្បាប់​​​។ លោក​​​បាន​​​មាន​​​ប្រសាសន៍​​​ដោយ​​​បដិសេធមិន​​​ធ្វើ​​​អត្ថាធិប្បាយ​​​បន្ថែម​​​ថា "ដី​​​នោះ​​​គឺ​​​ជា​​​របស់​​​រដ្ឋ​​​"៕ស៊ុយ​​​ឈាង​​​​​​  

កាល​ពី​ម្សិល​មិញ លោក ហេង សំរិន ប្រធាន​រដ្ឋសភា​បាន​ដឹក​នាំ​ការ​ប្រារព្ធពិធី​រំឭក​ខួប​លើក​ទី​៣៦នៃ​ថ្ងៃ​ដែល​កង​ទ័ព​វៀត​ណាម​ និង​អ្នក​​ផ្តាច់ខ្លួន​ខ្មែរ​ក្រហមមួយ​ក្រុម​ផ្តួល​រំលំ​​របប​ ប៉ុល ពត​ ហើយ​បាន​បង្កើត​សាធារណរដ្ឋ​ប្រជា​មានិត​កម្ពុជា។ លោក ហេង សំរិន ដែល​វៀត​ណាម​បាន​លើក​បន្តុប​​ជា​​ប្រមុខ​រដ្ឋ​ក្នុង​ឆ្នាំ​១៩៧៩​ បាន​ចូល​រួម​ជាមួយ​ថ្នាក់​ដឹកនាំ​គណបក្ស​កាន់​អំណាច​ដទៃទៀត​​ដែលបាន​ឡើង​កាន់​អំណាច​ក្រោម​របប​ថ្មីនោះ រួមមាន​លោកនាយក​រដ្ឋ​មន្ត្រី​ ហ៊ុន សែន ជាដើម។ ទោះ​ជាយ៉ាងណា លោក ជា ស៊ីម ប្រធាន​គណបក្ស​ប្រជា​ជន​កម​្ពុជា​​បាន​អវត្តមាន​ពី​ពិធី​នោះ ដែល​តាម​ទម្លាប់​លោក​បាន​ចូលរួម​ជា​អធិបតីដែរ។ លោក ជា...

មន្ត្រី​ម្នាក់​បាន​និយាយ​កាលពី​ថ្ងៃ​អង្គារ​ថា ចំនួន​មនុស្ស​ដែល​ត្រូវចាប់​ខ្លួន​ទាក់ទិន​នឹង​បទ​ល្មើស​គ្រឿង​ញៀន​កាលពី​ឆ្នាំ​មុន​បាន​កើន​ឡើង​ស្ទើរ​តែ​ពីរ​ដង​បើប្រៀបធៀប​ទៅ​នឹង​ឆ្នាំ​២០១៣ ក៏​ប៉ុន្តែចំនួន​គ្រឿង​ញៀន​ដែល​ចាប់​បាន បាន​ថយ​ចុះ​ទៅ​វិញ។ ឧត្តមសេនីយ៍​ឯក មាស វីរិទ្ធ អគ្គលេខាធិការ​ នៃ​អាជ្ញាធរ​ជាតិ​ប្រយុទ្ធ​ប្រឆាំង​នឹង​គ្រឿង​ញៀន​បាន​មាន​ប្រសាសន៍​ថា ប៉ូលិស​បាន​ចាត់​វិធានការ​នឹង​ករណី​កើន​ឡើង​ក្នុង​ឆ្នាំ​២០១៤ ដែល​មាន​១.៣៣៩​ករណី​ធៀប​ទៅ​នឹង៨៨៩​ករណី​ក្នុង​ឆ្នាំ​មុន រីឯ​ចំនួន​មនុស្ស​ចាប់​ខ្លួន​បាន​កើន​ពី​១.៨៣០ក្នុង​ឆ្នាំ​២០១៣ ដល់​៣.១៣៨​កាលពី​ឆ្នាំ​មុន។ លោក​ឧត្តមសេនីយ៍​ឯក បាន​បន្ថែម​ថា ប៉ុន្តែ​គ្រឿងញៀន​តែ​៩០​គីឡូក្រាម​ប៉ុណ្ណោះ ក្នុង​នោះ​មាន​ទាំង​មេតំហ្វេតាមីន កូកាអិុន និង​ហេរ៉ូអិុន​ផង ត្រូវ​បាន​រឹបអូស​បាន​កាលពី​ឆ្នាំ​មុន ធៀប​ទៅ​នឹង​ចំនួន​១០០​គីឡូក្រាម​ក្នុង​ឆ្នាំ​២០១៣។ លោក​ឧត្តមសេនីយ៍​ឯក បាន​មាន​ប្រសាសន៍​ថា "មាន​កំណើន​​ ពីព្រោះ​ប្រទេស​របស់​យើង​ជា​ប្រទេស​រងគ្រោះ ដែល​ពួក​ឧក្រិដ្ឋជន​ដឹក​ជញ្ជូន​និង​ចរាចរ​គ្រឿង​ញៀន...