TAG
paywall
រដ្ឋាភិបាលនឹងអនុវត្តតឹងរ៉ឹងនូវច្បាប់ស្តីពីប័ណ្ណការងារចាប់ពីសប្តាហ៍ក្រោយ
មន្ត្រីម្នាក់នៅនាយកដ្ឋានអន្តោប្រវេសន៍ក្រសួងមហាផ្ទៃបាននិយាយកាលពីថ្ងៃអង្គារថា ចាប់ពីសប្តាហ៍ក្រោយនេះទៅ ក្រសួងមហាផ្ទៃនឹងចាប់ផ្តើមអនុវត្តតឹងរ៉ឹងនូវច្បាប់ដែលតម្រូវឲ្យជនបរទេសដែលធ្វើការក្នុងប្រទេសកម្ពុជាមានប័ណ្ណការងារ។
ឧត្តមសេនីយ៍ឯក នៅ លក្ខិណា អគ្គនាយករងនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃបានមានប្រសាសន៍ថា សប្តាហ៍ក្រោយអគ្គនាយកដ្ឋានរបស់លោកនឹងចាប់ផ្តើមសម្រុកស្វែងរកជនបរទេស ឬនិយោជករបស់ពួកគេ ដែលគ្មានប័ណ្ណការងារ។ ច្បាប់ការងារឆ្នាំ១៩៩៧របស់ប្រទេសកម្ពុជាតម្រូវឲ្យមានប័ណ្ណការងារជាចាំបាច់ ក៏ប៉ុន្តែ ក្នុងពេលកន្លងមក មានការអនុវត្តមិនទៀងទាត់។
លោកឧត្តមសេនីយ៍ឯក លក្ខិណា បានមានប្រសាសន៍ថា "យើងនឹងចាប់ផ្តើមនៅសប្តាហ៍ក្រោយ ប៉ុន្តែមិនអាចនិយាយថាពេលណាឲ្យប្រាកដនោះទេ"។
ជនជាតិបរទេសណាក៏ដោយដែលគេរកឃើញថាគ្មានប័ណ្ណការងារ នឹងត្រូវបង់ប្រាក់១០០ដុល្លារសម្រាប់ប័ណ្ណការងារ និងពិន័យ៥០០.០០០រៀល។ ឧត្តមសេនីយ៍ឯក លក្ខិណា បានឲ្យដឹងថា ប៉ុន្តែប្រសិនបើកិច្ចសន្យាការងាររបស់ជនបរទេសមិនចែងថា...
ជនបរទេសពីរនាក់ត្រូវសាលាដំបូងខេត្តព្រះសីហនុ ចោទប្រកាន់ពីបទក្លែងរូបិយប័ណ្ណដុល្លារអាមេរិក
ជនជាតិសៀរា៉ឡេអូន ម្នាក់ និងជនជាតិលីបេរីយ៉ា ម្នាក់ ត្រូវបានសាលាដំបូងខេត្តព្រះសីហនុ ចោទប្រកាន់កាលពីម្សិលមិញពីបទឆបោក និងក្លែងរូបិយប័ណ្ណដុល្លារអាមេរិកចំនួន៣០០.០០០ដុល្លារ។ បុរសទាំងពីរនាក់នេះត្រូវបានចាប់ខ្លួនបន្ទាប់ពីបុរសជនជាតិជប៉ុនម្នាក់ដែលអះអាងថា ខ្លួនចាញ់បោកបុរសទាំងពីរនេះ បានជួយនគរបាលរៀបចំអន្ទាក់ចាប់ខ្លួនជនទាំងនេះ។
លោក សាន ប៊ុនថន ស្នងការរងខេត្តព្រះសីហនុ បានមានប្រសាសន៍ថា ឈ្មោះ ហ្គីម៉េត ប៉ាប៊ី (Gmmett Parbey) អាយុ៤០ឆ្នាំ មកពីប្រទេសលីបេរីយ៉ា និងឈ្មោះ ហ្វូដេ កាម៉ារ៉ា...
នគរបាលបំបែកក្រុមអ្នកភូមិដែលប្រវាយប្រតប់គ្នាដោយសារវិវាទដីធ្លីនៅក្នុងរាជធានីភ្នំពេញ
កាលពីម្សិលមិញ អ្នកតវ៉ាប្រហែល៥០នាក់បានប្រឈមមុខដាក់គ្នាជាមួយអ្នកភូមិម្នាក់ដោយសារវិវាទដីធ្លីមួយដែលបានអូសបន្លាយពេលរាប់ឆ្នាំជុំវិញដីតិចជាង១ហិកតានៅក្នុងខណ្ឌសែនសុខ រាជធានីភ្នំពេញ ដោយបានប្រវាយប្រតប់គ្នាមួយប្រាវមុនពេលអាជ្ញាធរមូលដ្ឋានសន្យាជួយដោះស្រាយវិវាទនេះ។
អ្នកស្រី ព្រីង សុជាតិ ជាអ្នកតវ៉ាម្នាក់ក្នុងចំណោមអ្នកតវ៉ាទាំងនេះបាននិយាយថា អ្នកស្រីនិងអ្នកតវ៉ាផ្សេងទៀត តំណាងឲ្យប្រជាពលរដ្ឋ១៦៣គ្រួសារដែលកាលពីឆ្នាំ២០១១ ត្រូវបានសាលាដំបូងរាជធានីភ្នំពេញ សម្រេចផ្ដល់ដីឡូត៍មួយកន្លែងទំហំ៩.៩៨២ម៉ែត្រក្រឡា បន្ទាប់ពីមានក្តីក្តាំឡើងតុលាការអស់រយៈពេលជាយូរជាមួយពាណិជ្ជករក្នុងស្រុកម្នាក់។ ប៉ុន្តែអ្នកស្រីនិយាយថា អ្នកស្រី ជា សារុំ ជាអ្នកទទួលសិទ្ធិម្នាក់ក្នុងចំណោមអ្នកទទួលសិទ្ធិកាន់កាប់ដីធ្លីនេះ បានអះអាងកាន់កាប់ដីទាំងអស់នោះតែម្នាក់ឯង ហើយមិនព្រមឲ្យអ្នកផ្សេងតាំងលំនៅដ្ឋានជាប់ផ្ទះរបស់គាត់ឡើយ។
ទោះបីជាសាលាឧទ្ធរណ៍បានចេញសាលដីកាកាលពីខែមិថុនា ហាមឃាត់អ្នកស្រី ជា សារុំ មិនឲ្យលក់ ឬជួលដីនោះក្ដី...
អ្នកភូមិជនជាតិដើមភាគតិចកួយដាក់ពាក្យបណ្តឹងប្តឹងក្រុមហ៊ុនចិន
អ្នកភូមិជនជាតិដើមភាគតិចកួយជិត២៤គ្រួសារ បានដាក់ពាក្យបណ្ដឹងទៅសាលាដំបូងខេត្តព្រះវិហារកាលពីម្សិលមិញ ចោទប្រកាន់ក្រុមហ៊ុនចម្ការអំពៅដែលកាន់កាប់ដោយជនជាតិចិនថា បានរានដីស្រែ និងកាប់ដើមជ័រទឹករបស់ពួកគាត់កាលពីសប្ដាហ៍មុន។
អ្នកភូមិជនជាតិដើមភាគតិចទាំងនោះស្ថិតក្នុងចំណោមអ្នកភូមិ៣៦៧នាក់ ក្នុងឃុំប្រមេរុ ស្រុកត្បែងមានជ័យ ដែលមានវិវាទដីធ្លីជាមួយក្រុមហ៊ុន Lan Feng ចាប់តាំងពីឆ្នាំ២០១២មក ជាឆ្នាំបន្ទាប់ពីក្រុមហ៊ុននេះទទួលបានដីសម្បទានទំហំប្រហែល៩.០០០ហិកតា ដែលសហគមន៍លើកឡើងថា ជាដីដែលពួកគាត់បានធ្វើស្រែចម្ការច្រើនជំនាន់មកហើយ។
វិវាទនេះបានកើតឡើងកាលពីថ្ងៃទី២៩ ខែធ្នូ នៅពេលអ្នកភូមិជនជាតិដើមភាគតិចកួយប្រហែល៤០០នាក់បានចាប់ត្រាក់ទ័រពីរគ្រឿងទុក និងឃាត់ខ្លួនអ្នកបើកបរមួយយប់។
លោក អ៊ុក ពឿន ដែលគ្រួសាររបស់គាត់បានដាក់ពាក្យបណ្ដឹងដែលបានលើកឡើងថា "នៅក្នុងពាក្យបណ្ដឹង អ្នកភូមិបានទាមទារឲ្យក្រុមហ៊ុន Lan Feng ផ្ដល់សំណងចំនួន៥.០០០ដុល្លារដល់អ្នកភូមិក្នុងមួយគ្រួសារៗក្នុងចំណោមអ្នកភូមិ២៣គ្រួសារ ពីព្រោះពួកគេបានរានដីស្រែចម្ការរបស់ពួកគាត់ និងបានកាប់ដើមជ័រទឹកនៅក្នុងព្រៃសហគមន៍រយៈពេលបីថ្ងៃ គឺថ្ងៃទី២៩ ៣០ និង៣១ ខែធ្នូ"។
លោក ពឿន បានបន្ថែមថា ពាក្យបណ្ដឹងនោះក៏ស្នើឲ្យតុលាការដកសម្បទានដីពីក្រុមហ៊ុននេះវិញផងដែរ។ លោកបាននិយាយថា " យើងចាប់ត្រាក់ទ័រពីរគ្រឿងទុកនៅសាលាឃុំ ហើយយើងបានព្រមព្រៀងគ្នាថា នឹងមិនប្រគល់ឲ្យក្រុមហ៊ុនវិញឡើយ លុះណាតែអាជ្ញាធរដកអាជ្ញាប័ណ្ណពីក្រុមហ៊ុន Lan Feng "។
លោក ឃុត សុភាង ព្រះរាជអាជ្ញាអមសាលាដំបូងខេត្តបានមានប្រសាសន៍កាលពីម្សិលមិញថា លោកមិនបានទទួលពាក្យបណ្ដឹងពីគ្រួសារអ្នកភូមិជនជាតិដើមភាគតិចកួយទេ៕ សារុន
តុលាការចោទប្រកាន់អ្នកភូមិខេត្តសៀមរាបពីរនាក់ពីបទញុះញង់
អ្នកភូមិពីរនាក់ដែលត្រូវបានចាប់ខ្លួនក្នុងខេត្តសៀមរាប កាលពីថ្ងៃច័ន្ទ អំឡុងការតវ៉ាពាក់ព័ន្ធវិវាទដីធ្លី ត្រូវបានសាលាដំបូងខេត្តធ្វើការចោទប្រកាន់ពីបទញុះញង់កាលពីម្សិលមិញ នេះបើតាមការលើកឡើងរបស់មេធាវីតំណាងពួកគាត់។
យោងតាមលោក ម៉ុន កែវសីុវីន មេធាវីតំណាងពួកគាត់បានឲ្យដឹងថា អ្នកភូមិឈ្មោះ តាំង ឡា អាយុ៥២ឆ្នាំ និង ឈុន ណាត អាយុ៣៧ឆ្នាំ ត្រូវបានចោទប្រកាន់ពីបទញុះញុងអ្នកភូមិនៅក្នុងសហគមន៍របស់ខ្លួន ស្ថិតក្នុងឃុំត្បែង ស្រុកបន្ទាយស្រីឲ្យរានដីព្រៃរបស់រដ្ឋ។
លោកបានមានប្រសាសន៍ថា "ព្រះរាជអាជ្ញារូបនេះបានចោទប្រកាន់ពួកគាត់ពីបទញុះញុងឲ្យប្រព្រឹត្តបទឧក្រិដ្ឋ"។
អ្នកភូមិទាំងពីរនាក់នេះមកពីសហគមន៍មួយដែលមានអ្នកភូមិ៥០០គ្រួសារ ដែលចាប់តាំងពីឆ្នាំ២០០៦មកបានជាប់ពាក់ព័ន្ធក្នុងវិវាទដីធ្លីជាមួយរដ្ឋបាលព្រៃឈើដែលលើកឡើងថា គ្រួសារទាំងនេះបានចាប់យក និងរានដីព្រៃរបស់រដ្ឋទំហំ៣៥០ហិកតាដោយខុសច្បាប់។
ក្រុមអ្នកភូមិលើកឡើងថា ពួកគាត់រស់នៅក្នុងតំបន់នេះដោយស្របច្បាប់ ប៉ុន្តែ ពួកគាត់ទទួលស្គាល់ថា ពួកគាត់បានមកតាំងទីលំនៅនៅទីនោះក្នុងឆ្នាំ២០០២ប៉ុណ្ណោះ។
អ្នកស្រី តាំង ឡា និងលោក ឈុន ណាត ត្រូវបានចាប់ខ្លួនអំឡុងការតវ៉ាដ៏ធំមួយកាលពីថ្ងៃច័ន្ទ បន្ទាប់ពីអាជ្ញាធរបានដុតខ្ទមនៅលើដី ដែលមានវិវាទនោះ។ ក្រុមអ្នកតវ៉ាប្រដាប់ដោយកាំបិត និងពូថៅ បានបិទផ្លូវដ៏សំខាន់ទៅកាន់ភ្នំគូលែនក្បែរនោះ។
លោកមេធាវី កែវសីុវីន បានមានប្រសាសន៍ថា អំឡុងការសាកសួររបស់សាលាដំបូងខេត្តសៀមរាបកាលពីម្សិលមិញ អ្នកស្រី តាំង ឡា បានលើកឡើងថា អ្នកស្រីគ្មានកំហុសទេពាក់ព័ន្ធនឹងការចោទប្រកាន់ពីបទញុះញុងនោះ ហើយអ្នកស្រីបានធ្វើស្រែចម្ការដោយស្របច្បាប់នៅក្នុងតំបន់មានវិវាទនេះរយៈពេលច្រើនឆ្នាំមកហើយ។
លោកបានមានប្រសាសន៍ថា លោក ឈុន ណាត មិនមែនជាអ្នកតវ៉ាម្នាក់ក្នុងចំណោមអ្នកតវ៉ាទាំងនោះឡើយ ប៉ុន្តែត្រូវបានគេឃើញនៅក្នុងការតវ៉ាពេលលោកដើរទៅដកដំឡូង។
លោក កែវស៊ីវីន បានមានប្រសាសន៍ថា "តុលាការបានចាក់វីដេអូឃ្លីប ដែលបង្ហាញថា គាត់ស្ថិតនៅក្នុងក្រុមតវ៉ា ប៉ុន្តែ តុលាការមិនបានបង្ហាញថា គាត់បានដឹកនាំក្រុមអ្នកភូមិតវ៉ាឡើយ"។ លោកបានបន្ថែមថា កូនក្តីរបស់លោកទាំងពីរនាក់ ត្រូវបានឃុំខ្លួនមួយយប់នៅពន្ធនាគារខេត្ត។ ក្រុមមន្ត្រីតុលាការមិនអាចទាក់ទងបានទេកាលពីម្សិលមិញ។
លោក គុណ អេង តំណាងក្រុមអ្នកភូមិដែលបានជួយរៀបចំការតវ៉ាកាលពីថ្ងៃច័ន្ទ បានលើកឡើងថា លោកនិងអ្នកភូមិប្រាំពីរនាក់ទៀតបានលាក់ខ្លួនដោយភ័យខ្លាចថា ពួកគាត់នឹងត្រូវចាប់ខ្លួនផងដែរ។ លោកបានមានប្រសាសន៍ថា "ខ្ញុំនឹងអ្នកភូមិប្រាំពីរនាក់ទៀតកំពុងលាក់ខ្លួនពីនគរបាល ពីព្រោះយើងឮថាពួកគេកំពុងស្វែងរកមេខ្លោងក្នុងចំណោមអ្នកភូមិ"។
លោក សត ណាឌី ស្នងការនគរបាលខេត្តបានមានប្រសាសន៍ថា មន្ត្រីរបស់លោកនឹងមិនចាប់ខ្លួនមនុស្សបន្ថែមទៀតឡើយក្នុងពេលឥឡូវនេះ។ លោកបានមានប្រសាសន៍ថា "យើងនឹងមិនស្វែងរកមនុស្សផ្សេងទៀតទេ រហូតដល់យើងទទួលបានដីកាពីតុលាការឲ្យចាប់ខ្លួនបន្ថែមទៀត"៕សារុន
ការច្រោះដីក្រោមស្ពានព្រែកតាមាក់ក្នុងខេត្តកណ្តាល ‘គ្មានអ្វីត្រូវបារម្ភឡើយ’
ជាការឆ្លើយតបទៅនឹងកង្វល់ដែលបានលើកឡើងដោយអ្នកភូមិ ក្រុមមន្ត្រីខេត្តកណ្ដាលកាលពីម្សិលមិញបានចុះទៅពិនិត្យមើលច្រាំងទន្លេដែលហូរច្រោះដីក្រោមស្ពានព្រែកតាមាក់ ដែលសាងសង់ឡើងដោយក្រុមហ៊ុនចិន ក្នុងស្រុកមុខកំពូល។
លោក ខៀវ សុខណាត អភិបាលរងស្រុកខ្សាច់កណ្ដាលដែលស្ពាននេះតភ្ជាប់ទៅស្រុកមុខកំពូលបានមានប្រសាសន៍ថា ការច្រោះដីនៅក្បែរសសរគ្រឹះស្ពានកាន់តែធ្ងន់ធ្ងរចាប់តាំងពីឆ្នាំ២០១៣មក ដោយសារទឹកភ្លៀង និងចរន្តទឹកទន្លេ ប៉ុន្តែថា លោកជឿថាសសរគ្រឹះស្ពានដែលលោកលើកឡើងថា បុកចូលក្នុងដីជម្រៅ៥០ម៉ែត្រនោះ នឹងការពារស្ពានមិនឲ្យបាក់ឡើយ។
លោក សុខណាត បានមានប្រសាសន៍ថា "ការច្រោះដីបានកើតឡើងពីមុនមក ហើយវានៅតែកើតឡើងតាមធម្មជាតិដដែល ដោយសារទឹកហូរ"។
លោកបានបន្ថែមថា អាជ្ញាធរនឹងចាក់ទប់ជម្រាលចោតដោយប្រើបេតុង។ វានឹងមិនបណ្ដាលឲ្យមានគ្រោះថ្នាក់ ឬប៉ះពាល់ដល់ការធ្វើដំណើរឆ្លងកាត់់ស្ពានទេ ប្រសិនបើយើងចាក់ដីបំពេញនោះ។
លោក អុន...
ស្ថានីយទូរទស្សន៍ប៉ុស្តិ៍TV3 Asia ដែលកំពុងជួបការលំបាកចង់រៀបចំរចនាសម្ព័ន្ធឡើងវិញ
នាយកប្រតិបត្តិសា្ថានីយទូរទស្សន៍ថ្មីប៉ុស្តិ៍ TV3 Asia បានឲ្យដឹងកាលពីម្សិលមិញថា សា្ថានីយទូរទស្សន៍ថ្មីប៉ុស្តិ៍ TV3 Asia កំពុងតែខិតខំយ៉ាងខ្លាំងដើម្បីផ្លាស់ប្តូររចនាសម្ព័ន្ធនិងកែស្លាកសញ្ញារបស់ខ្លួនឡើងវិញ ព្រមទាំងផ្លាស់ប្តូរកម្មវិធីផ្សាយរបស់ខ្លួនផងដែរ បន្ទាប់ពីជួបការលំបាកចាប់តាំងពីប៉ុស្តិ៍នេះបានបើកដំណើរការផ្សាយអស់រយៈពេលប្រាំមួយខែកន្លងមក ដើម្បីប្រកួតប្រជែងជាមួយប៉ុស្តិ៍ទូរទស្សន៍ក្នុងស្រុកធំធំ។
លោក កេនតាក់ អាកាក់មិណិ (Kenta Akamine) នាយករងគ្រប់គ្រងប៉ុស្តិ៍ TV3 Asia បានលើកឡើងថា បន្ទាប់ពីចាប់ផ្តើមបើកដំណើរការផ្សាយនៅខែកក្កដា ដោយក្តីសង្ឃឹមយ៉ាងខ្លាំងថា នឹងទាក់ទាញទស្សនិកជនឲ្យចាប់អារម្មណ៍លើកម្មវិធីជប៉ុនរបស់ខ្លួនមក ក្រុមការងាររបស់ប៉ុស្តិ៍ TV3 Asia បានកាត់បន្ថយពីប្រហែល៧០នាក់មកនៅត្រឹម៥៥នាក់ បន្ទាប់ពីមានការដាក់ពាក្យសុំលាឈប់ និងបុគ្គលិកនៅទំនេរគ្មានការងារធ្វើក្នុងរយៈពេលប៉ុន្មានខែថ្មីៗនេះ។
លោក អាកាក់មិណិ បានលើកឡើងទៀតថា ស្ថានីយទូរទស្សន៍នេះកំពុងរៀបចំរចនាសម្ព័ន្ធនៃប្រតិបត្តិការរបស់ខ្លួនឡើងវិញ ដោយកាត់បន្ថយកម្មវិធីព័ត៌មានពី៨០ភាគរយមកនៅត្រឹម៣០ភាគរយ ខណៈប៉ុស្តិ៍នេះចង់ទាក់ទាញទស្សនិកជនតាមរយៈកម្មវិធីកម្សាន្តនានាដូចជា កម្មវិធីលេងហ្គេម និងការចាក់រឿងភាគជាដើមវិញ។
លោកបានមានប្រសាសន៍ថា "យើងកំពុងតែស្ថិតនៅក្នុងដំណាក់កាលសាកល្បង ដើម្បីចង់ដឹងថា អ្វីដែលពលរដ្ឋចាប់អារម្មណ៍ និងចូលចិត្ត ហេតុដូច្នេះខ្ញុំគិតថា យើងកំពុងស្ថិតក្នុងដំណើរការនៃការសាកល្បងនេះនៅឡើយ"។
លោក ម៉ាសារុ តូរិអិ (Masaru Torii) នាយកគ្រប់គ្រងប៉ុស្តិ៍ទូរទស្សន៍ TV3 Asia នេះបានបដិសេធមិនប្រាប់ថា តើក្រុមហ៊ុនចំណេញ ឬខាតប៉ុន្មាននោះឡើយ ប៉ុន្តែ បានលើកឡើងថា មានការលំបាកនៅក្នុងការប្រកួតប្រជែងក្នុងជំនួញប្រព័ន្ធផ្សព្វផ្សាយនេះ ដោយសារប៉ុស្តិ៍ទូរទស្សន៍ដូចជា ស៊ីធីអិន និងហង្សមាស ជាដើមកំពុងទាក់ទាញទស្សនិកជនបានយ៉ាងច្រើន តាមរយៈកម្មវិធីរបស់ពួកគេ ដែលរួមមានដូចជាកម្មវិធីប្រកួតកីឡាប្រដាល់ដ៏ពេញនិយម និងកម្មវិធី The Voice ដែលល្បីសុះសាយជាដើម។
លោក តូរិអិ បានមានប្រសាសន៍ថា "យើងគិតថា កម្មវិធីព័ត៌មានអាចរកប្រាក់ចំណេញបានច្រើន ប៉ុន្តែ វាបែរជាជួបការលំបាកទៅវិញ ព្រោះដូចយើងបានដឹងស្រាប់ហើយថា កម្មវិធីព័ត៌មានរបស់ប៉ុស្តិ៍ទូរទស្សន៍ហង្សមាសគឺពេញនិយមខ្លាំងណាស់។ ពួកគេរកប្រាក់ចំណេញបានច្រើនជាងយើង។ ក្នុងពេលបច្ចុប្បន្នមានស្ថានីយទូរទស្សន៍ចំនួន១៤ក្នុងប្រទេសកម្ពុជា ដូច្នេះយើងមានដៃគូប្រកួតប្រជែងច្រើន"។
ស្ថានីយទូរទស្សន៍ ដែលភាគហ៊ុនចំនួន៨០ភាគរយគ្រប់គ្រងដោយក្រុមហ៊ុន TriAsia Group របស់ជប៉ុន និង២០ភាគរយដោយក្រុមហ៊៊ុន K.C.S Cambodiaដែលគ្រប់គ្រងប៉ុស្តិ៍TV3 ក៏មានផែនការរចនាស្លាកសញ្ញាថ្មីរបស់ខ្លួន ដែលសព្វថ្ងៃស្រដៀងនឹងស្លាកសញ្ញារបស់ស្ថានីយទូរទស្សន៍ប៉ុស្តិ៍លេខ៣នៅប៉ុន្មានខែខាងមុខនេះផងដែរ៕ស៊ុយឈាង
អង្គការILOជំរុញឲ្យក្រុមហ៊ុនសម្លៀកបំពាក់អន្តរជាតិធំៗជួយចំណាយសម្រាប់ការដំឡើងប្រាក់ខែគោលថ្មី
អង្គការពលកម្មអន្តរជាតិ ILO កំពុងជំរុញឲ្យក្រុមហ៊ុនសម្លៀកបំពាក់ធំៗក្នុងពិភពលោកជួយទូទាត់បង្គ្រប់ការចំណាយរបស់រោងចក្រកាត់ដេរនានានៅកម្ពុជា ដោយសារការដំឡើង២៨ដុល្លារលើប្រាក់ខែគោលសម្រាប់កម្មករកាត់ដេរ ដែលចូលជាធរមាននៅខែនេះ។
ការដំឡើងប្រាក់ខែគោលពី១០០ដុល្លារដល់១២៨ដុល្លារនេះ ត្រូវបានក្រសួងការងារប្រកាសកាលពីខែវិច្ឆិកា និងធ្វើឲ្យប្រាក់ខែគោលឡើងលើសទ្វេដងចាប់តាំងពីឆ្នាំ២០១២មក ដែលនៅពេលនោះមានចំនួនត្រឹមតែ៦១ដុល្លារ។
ទោះបីជាប្រាក់ខែគោលថ្មីនេះមិនគ្រប់ចំនួនតាមការទាមទាររបស់សហជីពមួយចំនួនក្ដី ក៏បណ្តានិយោជកនិយាយថា រោងចក្ររាប់សិបក្នុងចំណោមរោងចក្រកាត់ដេរជាង៥០០នៅទូទាំងប្រទេស ប្រហែលជាត្រូវបង្ខំចិត្តបិទទ្វារ ជាចំណាត់ការមួយដែលនឹងធ្វើឲ្យប្រជាពលរដ្ឋរាប់ម៉ឺននាក់បាត់បង់ការងារ។ ជាការឆ្លើយតប ក្រុមហ៊ុនធំៗមួយចំនួនដែលទិញសម្លៀកបំពាក់ពីកម្ពុជា បានសន្យាដំឡើងថ្លៃទំនិញដែលខ្លួនបញ្ជាទិញដើម្បីជួយឲ្យរោងចក្រទាំងនេះមានលទ្ធភាពអាចដំឡើងប្រាក់ខែជូនកម្មករបាន។ ប៉ុន្តែក្រុមហ៊ុនធំៗបំផុតមួយចំនួនមិនទាន់បានសន្យាបែបនេះនៅឡើយទេ។
នៅក្នុងសេចក្ដីថ្លែងការណ៍មួយចេញផ្សាយកាលពីម្សិលមិញ អង្គការ ILO បានជំរុញឲ្យក្រុមហ៊ុនទាំងអស់ចូលរួមចំណែក។ សេចក្ដីថ្លែងការណ៍នេះបញ្ជាក់ថា ការដំឡើងប្រាក់ខែចុងក្រោយនេះ នឹងជំរុញប្រាក់ខែគោលជាមធ្យមនៅក្នុងវិស័យកាត់ដេរ រួមទាំងប្រាក់បន្ថែមម៉ោង និងប្រាក់រង្វាន់ផងពី១៨៣ដុល្លារដល់២១៧ដុល្លារ ហើយបង្កើនការចំណាយរបស់រោងចក្រជិត២០ភាគរយ។
លោក ម៉ាលត៍ លូបឃើ (Malte...
តំណាងរាស្ត្រគណបក្សសង្គ្រោះជាតិ៤រូបត្រូវតុលាការកំពូលកោះហៅជុំវិញការចោទប្រកាន់ពីបទកុបកម្ម
តំណាងរាស្ត្រគណបក្សសង្គ្រោះជាតិយ៉ាងហោចណាស់បួនរូប ត្រូវបានកោះហៅឲ្យចូលខ្លួនទៅតុលាការកំពូលនៅថ្ងៃទី១៩ ខែមករា ដើម្បីធ្វើការសាកសួរជុំវិញការពាក់ព័ន្ធរបស់ពួកគេនៅក្នុង "កុបកម្ម" នៅឯការតវ៉ាមួយដែលពួកគេបានរៀបចំឡើងនៅទីលានប្រជាធិបតេយ្យក្នុងរាជធានីភ្នំពេញកាលពីថ្ងៃទី១៥ ខែកក្កដា។
តំណាងរាស្ត្រជាប់ឆ្នោតរបស់គណបក្សប្រឆាំងប្រាំពីររូប និងមន្ត្រីបក្សនេះមួយរូបទៀត ត្រូវបានឃុំខ្លួនបន្ទាប់ពីការតវ៉ាដែលបានផ្ទុះអំពើហិង្សាវាយតបគ្នានៅតាមផ្លូវនោះ ប៉ុន្តែ ត្រូវបានដោះលែងវិញនៅថ្ងៃមានកិច្ចព្រមព្រៀងនយោបាយថ្ងៃទី២២ ខែកក្កដា។
តំណាងរាស្ត្រជាប់ឆ្នោតទាំងនេះត្រូវបានដោះលែងឲ្យមានសេរីភាព ដើម្បីឲ្យពួកគេស្បថចូលកាន់មុខតំណែងក្នុងរដ្ឋសភា ហើយបញ្ចប់ការធ្វើពហិការមិនចូលសភារបស់គណបក្សសង្គ្រោះជាតិ។ ពួកគេទទួលបានអភ័យឯកសិទ្ធិដោយស្វ័យប្រវត្តិពីការផ្ដន្ទាទោស នៅពេលពួកគេស្បថចូលកាន់មុខតំណែង។
លោក កែវ ភិរម្យ តំណាងរាស្ត្រមណ្ឌលខេត្តក្រចេះ ដែលស្ថិតក្នុងចំណោមតំណាងរាស្ត្រទាំងនេះ បានបង្ហោះដីការបស់តុលាការកំពូលដែលកោះហៅលោកនៅលើទំព័រហ្វេសប៊ុករបស់លោកកាលពីយប់មិញ។ដីកានេះចុះថ្ងៃទី២៦ ខែធ្នូ ហើយបញ្ជាក់ថា លោកត្រូវបានចោទប្រកាន់ពីបទ "ដឹកនាំកុបកម្ម"។
លោក កែវ ភិរម្យ បានមានប្រសាសន៍តាមទូរស័ព្ទថា លោកនឹងគោរពតាមដីកាកោះនេះនៅថ្ងៃទី១៩ ខែមករា ទោះបីជាលោកមានអភ័យឯកសិទ្ធិតំណាងរាស្ត្រក្តី។ "ខ្ញុំនឹងទៅពីព្រោះខ្ញុំមិនបានធ្វើអ្វីខុសទេ។ ខ្ញុំគួរតែមានអភ័យឯកសិទ្ធិតំណាងរាស្ត្រ ប៉ុន្តែ រាល់អ្វីដែលតុលាការសួរ ខ្ញុំនឹងឆ្លើយ។ ខ្ញុំគិតថា អ្នកផ្សេងទៀតក៏ទទួលបានវាដែរ"។
លោកបានមានប្រសាសន៍អំពីតំណាងរាស្ត្រទាំងប្រាំមួយរូបផ្សេងទៀតថា លោកដឹងច្បាស់តែម្នាក់ប៉ុណ្ណោះ គឺលោក ហូរ វ៉ាន់ ក៏ត្រូវតុលាការកោះហៅដែរ។
លោក រៀល ខេមរិន្ទ្រ តំណាងរាស្ត្រមួយរូបទៀតក្នុងចំណោមតំណាងរាស្ត្រទាំងនេះ បានមានប្រសាសន៍ថា លោកក៏ត្រូវបានតុលាការកោះហៅដែរ រួមជាមួយលោក ឡុង រី ដើម្បីធ្វើការសាកសួរជុំវិញការចោទប្រកាន់ពីបទកុបកម្ម។ លោកបានមានប្រសាសន៍ថា លោកក៏នឹងគោរពតាមដីកានេះដែរ។
តំណាងរាស្ត្រពីររូបទៀត ដែលមានវត្តមាននៅឯការតវ៉ានោះដែរ គឺលោក ម៉ែន សុថាវរិន្ទ និង លោក នុត រំដួល មិនអាចទាក់ទងសុំការបំភ្លឺបានទេ ចំណែកឯលោកស្រី មូរ សុខហួរ ដែលបានដឹកនាំការតវ៉ាកាលពីថ្ងៃទី១៥ ខែកក្កដា នៅឯទីលានប្រជាធិបតេយ្យ បានមានប្រសាសន៍ថា លោកស្រីមិនទទួលបានដីកាកោះហៅទេ។
លោកស្រីបានគូសបញ្ជាក់ថា ដោយសារតំណាងរាស្ត្រទាំងនេះមានអភ័យឯកសិទ្ធិសភា សូម្បីតែកោះហៅពួកគេទៅសាកសួរ ក៏មិនត្រូវបានអនុញ្ញាតដែរ។ លោកស្រីបានបន្តថា "វាមានចែងនៅក្នុងមាត្រា៨០ស្តីពីឋានៈរបស់តំណាងរាស្ត្រ"។
មាត្រា៨០នៃរដ្ឋធម្មនុញ្ញចែងថា មិនអាចចោទប្រកាន់តំណាងរាស្ត្រពីបទល្មើសណាមួយ ឬឃុំខ្លួនពីបទឧក្រិដ្ឋណាមួយបានឡើយ។ មាត្រានេះមានខ្លឹមសារដូច្នេះថា "ការចោទប្រកាន់ការចាប់ខ្លួន ឬការឃុំខ្លួនសមាជិកសភាណាម្នាក់ត្រូវធ្វើឡើងដោយមានការអនុញ្ញាតពីសភា ឬតាមរយៈគណៈកម្មាធិការអចិន្ត្រៃយ៍នៃរដ្ឋសភាចន្លោះសម័យប្រជុំ"៕សុខុម
សំណុំរឿងប្រឆាំងអ្នកភូមិក្នុងខណ្ឌឫស្សីកែវត្រូវបានពន្យាពេល ដោយសារដើមចោទអវត្តមាន
កាលពីម្សិលមិញ សាលាដំបូងរាជធានីភ្នំពេញ បានផ្អាកការបើកសវនាការនៅក្នុងសំណុំរឿងរបស់អ្នកភូមិចំនួនបួននាក់មកពីខណ្ឌឫស្សីកែវដែលត្រូវបានចោទប្រកាន់ពីបទប្រើអំពើហិង្សាលើម្ចាស់ដីម្នាក់ បន្ទាប់ពីដើមចោទដែលស្ថិតក្នុងភាពអាថ៌កំបាំងមិនបានបង្ហាញខ្លួននៅក្នុងតុលាការ។
លោក ចាន់ សុជាតិ មេធាវី តំណាងចុងចោទបានលើកឡើងថា ពាក្យបណ្ដឹងនេះត្រូវបានប្ដឹងកាលពីខែឧសភាឆ្នាំ២០១២ដោយមនុស្សម្នាក់ជួសមុខឲ្យលោក ឡៅ តុងងី ដែលចោទប្រកាន់អ្នកភូមិទាំងបួននាក់នេះពីបទប្រើអំពើហិង្សាលើរូបគាត់បន្ទាប់ពីគាត់បានប្រាប់អ្នកភូមិទាំងនេះឲ្យចាកចេញពីដីដែលជាកម្មសិទ្ធរបស់គាត់។លោកបានបន្ថែមថា ពាក្យបណ្ដឹងនេះមិនបានបញ្ជាក់ ថា តើសកម្មភាពអ្វីដែលអ្នកភូមិទាំងនេះបានប្រព្រឹត្តនោះឡើយ។
លោក តុងងី មិនបានបង្ហាញខ្លួននៅក្នុងតុលាការឡើយកាលពីម្សិលមិញ ហើយចុងចោទទាំងបួននាក់បានលើកឡើងថា ពួកគាត់មិនដែលបានជួបបុរសរូបនេះឡើយ។
ចុងចោទម្នាក់ឈ្មោះ ប៊ូ ម៉េង អាយុ៤០ឆ្នាំ បាននិយាយថា "ខ្ញុំមិនដែលស្គាល់ដើមចោទទេ ខ្ញុំមិនដែលបានឃើញមុខ ឬបានឮសំឡេងរបស់គាត់ឡើយ"។
លោក ប៊ូ ម៉េង បានបន្ថែមថា ការបើកសវនាការនេះគឺជាការបើកសវនាការលើកទី៣ហើយសម្រាប់លោក និងចុងចោទបីនាក់ផ្សេងទៀតចាប់តាំងពីឆ្នាំ២០១២មក។
ដោយសារតែអវត្តមានរបស់ដើមចោទ ចៅក្រមប្រធានក្រុមប្រឹក្សាជំនុំជម្នះ តុប ឈុនហេង បានសម្រេចផ្អាកការបើកសវនាការនេះ ប៉ុន្តែមិនបានលើកឡើងថា តើពេលណាវានឹងត្រូវបន្តទៀតឡើយ។
ចុងចោទទាំងបួននាក់នេះរស់នៅក្នុងភូមិបឹងឈូក សង្កាត់គីឡូម៉ែត្រលេខ៦។ អ្នកភូមិចំនួនប្រហែល៥០នាក់ផ្សេងទៀតបាននាំគ្នាតវ៉ានៅខាងក្រៅតុលាការ ដើម្បីទាមទារឲ្យមានការលើកលែងការចោទប្រកាន់កាលពីម្សិលមិញ។
ដោយសារមានជម្លោះជាមួយលោក តុងងី អ្នកភូមិកំពុងប្រឈមនឹងការគំរាមកំហែងនៃការបណ្ដេញចេញចាប់តាំងពីថ្ងៃទី២១ ខែវិច្ឆិកាមក...
Latest news
© 2021, ដេលី. All rights reserved.