យោងតាមរបាយការណ៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍ពីបុគ្គលិកនាវាម្នាក់បានឲ្យដឹងថា អ្នកដំណើរស្រីម្នាក់បានស្លាប់កាលពីថ្ងៃពុធ បន្ទាប់ពីគ្រោះថ្នាក់មួយបានកើតឡើងខណៈដែលគាត់បានព្យាយាមជិះនាវាកម្សាន្ត Queen Elizabeth ខណៈដែលនាវានេះបានបោះយុថ្កាចតនៅសមុទ្រក្រុងព្រះសីហនុ។
Cunardដែលគ្រប់គ្រងនាវា Queen Elizabeth បានឲ្យដឹងនៅក្នុងរបាយការណ៍ដែលបានចុះផ្សាយនៅក្នុងទំព័រហ្វេសប៊ុកថា អ្នកដំណើរស្រីម្នាក់បានស្លាប់ខណៈដែលឡើងជិះនាវានោះបីទូកចម្លងតូចមួយ ដែលគេប្រើសម្រាប់ដឹកអ្នកដំណើរទៅនិងមកឆ្នេរ។
របាយការណ៍នេះបានឲ្យដឹងទៀតថា បុគ្គលិកនាវារបស់យើងពីរនាក់បានប្រញាប់ប្រញាល់លោតទៅជួយសង្គ្រោះគាត់។ បន្ទាប់មក ស្ត្រីរូបនេះត្រូវបានបញ្ជូនទៅកន្លែងព្យាបាល ប៉ុន្តែបើទោះជាយើងប្រឹងប្រែងអស់ពីសមត្ថភាពយ៉ាងណាក៏ដោយ ក៏គាត់បានស្លាប់ទៅហើយដែរ”។
របាយការណ៍ដដែលនេះបន្ថែមថា ស្ត្រីរូបនេះបានស្លាប់ “បន្ទាប់ពីគ្រោះថ្នាក់ខណៈដែលឡើងជិះនាវា Queen Elizabeth ពីទូកតូចមួយ ប៉ុន្តែមិនបាននិយាយលម្អិតអំពីគ្រោះថ្នាក់នេះទេ។
លោកស្រី មីសែល អែនជែល អ្នកនាំពាក្យរបស់Cunardបានបញ្ជាក់កាលពីម្សិលមិញថា គ្រោះថ្នាក់នេះបានកើតឡើងខណៈដែលនាវា Queen Elizabeth បានបោះយុថ្កាចតក្នុងដែនទឹកក្រុងព្រះសីហនុ។
លោកស្រីបានមានប្រសាសន៍ថា អ្នកដំណើររូបេនះត្រូវបានព្យាបាលនៅកន្លែងព្យាបាលរបស់នាវានេះ ប៉ុន្តែបានបដិសេធមិនផ្ដល់ព័ត៌មានលម្អិតបន្ថែមទៀតអំពីអ្នកដំណើររូបនេះ ឬគ្រោះថ្នាក់នោះឡើយ។
លោក កៅ រតនា ស្នងការរងនគរបាលខេត្តព្រះសីហនុទទួលបន្ទុកអន្តោប្រវេសន៍ ព្រមទាំងលោក កុល ផល្លី ជាស្នងការរងម្នាក់ទៀតបានមានប្រសាសន៍ថា ពួកគាត់មិនបានដឹងអំពីគ្រោះថ្នាក់ដែលបណ្ដាលឲ្យមានមនុស្សស្លាប់នេះទេ។
យោងតាមលោកស្រី អែនជែល និងអ្នកធ្វើដំណើរតាមនាវា Queen Elizabeth បានឲ្យដឹងថា នាវានេះបានចាកចេញពីទីក្រុងសាវហាមថុន ប្រទេសអង់គ្លេសកាលពីថ្ងៃទី១០ ខែមករា ដោយធ្វើដំណើររយៈពេល១១២យប់។
នាវា Queen Elizabeth បានមកដល់ក្រុងព្រះសីហនុកាលពីថ្ងៃពុធពីប្រទេសថៃ ហើយបានចាកចេញទៅវិញនៅល្ងាចថ្ងៃដដែលនោះ។
កាលពីម្សិលមិញ នាវានេះនៅក្នុងសមុទ្រ ហើយគេរំពឹងថានឹងទៅដល់ប្រទេសសិង្ហបុរីនៅថ្ងៃនេះ។
យោងតាមអត្ថបទដែលបានចុះផ្សាយនៅពេលនោះក្នុងកាសែត The Independent បានឲ្យដឹងថា នៅក្នុងពិធីមួយកាលពីឆ្នាំ២០១០ ក្នុងទីក្រុងសាវហាមថុន ព្រះអង្គម្ចាស់ក្សត្រី Elizabeth II បានសម្ពោធនាវា Queen Elizabeth ដែលមានចំណុះ៩២.០០០តោនជាផ្លូវការ បន្ទាប់ពីព្រះមាតារបស់ម្ចាស់ក្សត្រីបានដាក់ឈ្មោះនាវាដំបូងនោះថា Queen Elizabeth ៕ សារុន (រាយការណ៍បន្ថែមដោយ ឃី សុវុឌ្ឍី)