TAG
translate
រដ្ឋាភិបាលនឹងដំឡើងពន្ធដើម្បីយកមកចំណាយលើការសម្អាតទីក្រុង
កាលពីម្សិលមិញ លោក សាយ សំអាល់ រដ្ឋមន្ត្រីក្រសួងបរិស្ថានបានប្រកាសបង្កើតមូលនិធិប្រចាំឆ្នាំមួយដែលមានទំហំទឹកប្រាក់៥លានដុល្លារដើម្បីជួយរាជធានីភ្នំពេញ និងទីក្រុងនៅតាមគ្រប់បណ្ដាខេត្ត សម្អាតផ្លូវថ្នល់ដែលមានសំរាមរាយប៉ាយពាសពេញ ជាពិសេសនៅខាងក្រៅលំនៅដ្ឋាន និងភោជនីយដ្ឋាន។
ក្នុងពិធីបើកអង្គសន្និបាតបូកសរុបការងារប្រចាំឆ្នាំរបស់ក្រសួងបរិស្ថាន ដែលធ្វើឡើងរយៈពេលបីថ្ងៃនៅក្នុងរាជធានីភ្នំពេញ លោក សាយ សំអាល់ បានមានប្រសាសន៍ថា ថវិកាចំនួន៥លានដុល្លារដំបូងត្រូវបានលៃទុករួចហើយសម្រាប់ឆ្នាំទី១។ លោកបានមានប្រសាសន៍ទៀតថា ដើម្បីរក្សាមូលនិធិនេះឲ្យនៅគង់វង់បន្តទៅទៀត រដ្ឋាភិបាលនឹងដំឡើងពន្ធលើបារី គ្រឿងស្រវឹង និងគ្រឿងអេឡិចត្រូនិកជជុស ប៉ុន្តែលោកមិនបានលើកឡើងលម្អិតទេ។ នៅក្នុងខេត្តស្វាយរៀង មូលនិធិនេះក៏នឹងគ្របដណ្ដប់លើក្រុងបាវិតដែលជាក្រុងទី២ដែរ។
លោកបានមានប្រសាសន៍បន្ថែមថា "...
តុលាការបដិសេធការសុំនៅក្រៅឃុំរបស់លោក ដូរ៉ូសិនកូ ហើយមេធាវីនឹងប្តឹងឧទ្ធរណ៍
ចៅក្រមស៊ើបសួរបានលើកឡើងកាលពីម្សិលមិញថា សាលាដំបូងខេត្តព្រះសីហនុ បានបដិសេធសំណើសុំនៅក្រៅឃុំរបស់លោក នីកូឡៃ ដូរ៉ូសិនកូ ពាណិជ្ជករជនជាតិរុស្ស៊ី ដែលត្រូវបានចាប់ខ្លួននៅភោជនីយដ្ឋានរបស់ក្រុមគ្រួសារលោកនៅក្នុងក្រុងព្រះសីហនុកាលពីសប្តាហ៍មុន ហើយត្រូវបានជាប់ពន្ធនាគារតាមចោទប្រកាន់ពីបទឆបោកចំនួនបីទាក់ទងនឹងជម្លោះក្នុងការរកស៊ីជាមួយលោក សេរហ្គេ ប៉ូលុនស្គី។
លោកចៅក្រម អុី ឃាង បានមានប្រសាសន៍ថា "តុលាការបានសម្រេចបដិសេធមិនឲ្យលោកនៅក្រៅឃុំកាលពីម្សិលមិញ ប៉ុន្តែបានប្រាប់មេធាវីរបស់លោកនៅថ្ងៃនេះប៉ុណ្ណោះ"។ លោកបានបដិសេធមិននិយាយលម្អិតពីសេចក្តីសម្រេចនេះ ឬធ្វើអត្ថាធិប្បាយបន្ថែមអំពីករណីនេះឡើយ។
លោក ដូរ៉ូសិនកូ អាយុ៥៤ឆ្នាំ ដែលបានរស់នៅក្រុងព្រះសីហនុរយៈពេលជាង២ទសវត្សរ៍មកហើយ ហើយមានសញ្ជាតិខ្មែរទៀតនោះ ត្រូវបានកងរាជអាវុធហត្ថចាប់ខ្លួននៅភោជនីយដ្ឋានផ្ទះពស់របស់ក្រុមគ្រួសារលោកស្ថិតក្នុងសង្កាត់លេខ៣ កាលពីរសៀលថ្ងៃទី២៥...
នគរបាលត្រឡប់មកដុតជម្រកនៅសេសសល់ក្នុងខេត្តមណ្ឌលគិរី
បន្ទាប់ពីពិនិត្យមើលការបំផ្លាញជម្រកស្ទើរតែទាំងអស់លើកលែងតែជម្រក៦ក្នុងចំណោមជម្រកបណ្តោះអាសន្ន១៧២ដែលត្រូវបានសាងសង់លើដីដែលអះអាងកាន់កាប់ដោយសហគមន៍ជនជាតិដើមភាគតិចព្នងក្នុងខេត្តមណ្ឌលគិរីកាលពីថ្ងៃអង្គារនោះ អាជ្ញាធរបានត្រឡប់មកបំផ្លាញជម្រកដែលនៅសេសសល់កាលពីម្សិលមិញម្តងទៀតនៅលើដីដែលជាកម្មសិទ្ធិរបស់ក្រុមហ៊ុនចម្ការកៅស៊ូវៀតណាម។
ប៉ុន្តែបើទោះជាអ្នកភូមិជនជាតិដើមភាគតិចព្នងលើកឡើងថា ពួកគាត់បានបំភ័យនគរបាលនិងកងរាជអាវុធហត្ថដែលបានមកបញ្ចប់ការងារនេះក៏ដោយ ក៏មន្ត្រីមូលដ្ឋានម្នាក់បាននិយាយថា មន្ត្រីទាំងនោះទទួលបានជោគជ័យក្នុងការងាររបស់ខ្លួនដែរ។
អ្នកស្រី ឃុន វណ្ណី ដែលជម្រករបស់គាត់ស្ថិតក្នុងចំណោមជម្រកដែលត្រូវបានដុតបំផ្លាញនៅលើដីដែលមានវិវាទស្ថិតក្នុងឃុំស្រែឈូក ស្រុកកែវសីមាកាលពីថ្ងៃអង្គារបាននិយាយថា សមាជិកសហគមន៍ជនជាតិដើមភាគតិចប្រហែល២០០នាក់កាលពីម្សិលមិញ្បានការពារជម្រកនៅសល់ទាំង៦នោះ។
អ្នកស្រី វណ្ណី បានលើកឡើងថា "យើងបានឃើញនគរបាលនិងកងរាជអាវុធហត្ថប្រហែល៣០នាក់មកដល់នៅព្រឹកនេះ...ព្យាយាមដុតជម្រកនៅសេសសល់ ប៉ុន្តែពួកគេដកថយវិញបន្ទាប់ពីពួកគេឃើញមនុស្សរាប់រយនាក់ប្រមូលផ្តុំគ្នានៅលើដីប្រដាប់ដោយពូថៅ និងកាំបិតផ្គាក់"។
អ្នកស្រីបានបន្ថែមថា "យើងទាំងអស់មកជួបជុំគ្នាត្រៀមដុំថ្ម១០បាវ...ដើម្បីគប់រថយន្តនគរបាល ប្រសិនបើពួកគេព្យាយាមបើកចូលក្នុងដីនោះ ហើយដុតជម្រកទាំងនោះ"។
គ្រួសារអ្នកស្រី វណ្ណី គឺជាគ្រួសារមួយក្នុងចំណោមគ្រួសារជាង២០០ ដែលនិយាយថាពួកគាត់បានរស់នៅនិងធ្វើស្រែចម្ការនៅក្នុងឃុំស្រែឈូកច្រើនជំនាន់មកហើយ។
ទោះយ៉ាងណា អាជ្ញាធរមូលដ្ឋាននិយាយថា គ្រួសារទាំងនោះមកសាងសង់ជម្រកលើដីសម្បទានទំហំ៥.១០០ហិកតាដែលត្រូវបានផ្តល់ទៅឲ្យក្រុមហ៊ុន Binh...
លោក ស ខេង បញ្ជាឲ្យនគរបាលផ្តោតគោលដៅលើមេខ្លោង នៃក្រុមជួញដូរគ្រឿងញៀន
កាលពីម្សិលមិញ លោក ស ខេង រដ្ឋមន្ត្រីក្រសួងមហាផ្ទៃបានបញ្ជាឲ្យនគរបាលទូទាំងប្រទេសផ្ដោតការយកចិត្តទុកដាក់លើការស៊ើបអង្កេតតាមចាប់ខ្លួនមេខ្លោងជួញដូរគ្រឿងញៀនខុសច្បាប់ជាជាងផ្ដោតលើអ្នកជួញដូរ និងប្រើប្រាស់គ្រឿងញៀនតូចតាច។
ថ្លែងនៅពិធីបិទសន្និបាតបូកសរុបការងារប្រចាំឆ្នាំនៅអាជ្ញាធរជាតិប្រយុទ្ធប្រឆាំងគ្រឿងញៀនក្នុងរាជធានីភ្នំពេញ លោក ស ខេង បានមានប្រសាសន៍ថា របាយការណ៍ថ្មីបំផុតរបស់អាជ្ញាធរជាតិនេះស្ដីពីការចាប់ខ្លួនពាក់ព័ន្ធនឹងគ្រឿងញៀនបង្ហាញឲ្យឃើញថា មានការចាប់ខ្លួនធំៗតិចតួចប៉ុណ្ណោះក្នុងឆ្នាំ២០១៤។
លោកបានមានប្រសាសន៍ថា " ប៉ុន្តែយើងមិនអាចនិយាយថា មិនមានអ្នកជួញដូរថ្នាំញៀនធំៗនោះឡើយនៅពេលយើងមិនអាចចាប់ខ្លួនពួកគេបាននោះ។
លោកបានបន្ថែមថា " យើងចាប់ខ្លួនបានភាគច្រើនក្នុងករណីតូចៗ គឺអ្នកជួញដូរថ្នាំញៀនតូចតាចប៉ុណ្ណោះ។ នេះគឺជាបញ្ហា"។
លោក ស ខេង បានស្នើឲ្យនគរបាលទូទាំងប្រទេសកម្ពុជាផ្ដោតការខិតខំប្រឹងប្រែងរបស់ខ្លួនឡើងវិញទៅលើការស្វែងរកចាប់ខ្លួនមេខ្លោងជួញដូរគ្រឿងញៀន និងអ្នកជិតដិតនឹងពួកគេ។លោកបានមានប្រសាសន៍ថា "...
កុមារម្នាក់កំពុងសម្រាកព្យាបាលនៅមន្ទីរពេទ្យនៅឡើយ ក្រោយពុលនំប៉័ងសាច់
កាលពីម្សិលមិញមានកុមារតែម្នាក់គត់ដែលកំពុងសម្រាកព្យាបាលនៅមន្ទីរពេទ្យនៅឡើយ បន្ទាប់ពីមនុស្សប្រហែល៨០០នាក់បានពុលនំប៉័ងសាច់នៅក្នុងពិធីមួយដែលរៀបចំឡើងដោយអង្គការទស្សនៈពិភពលោក (World Vision) នៅក្នុងខេត្តសៀមរាបកាលពីថ្ងៃសៅរ៍ នេះបើយោងតាមការឲ្យដឹងពីអ្នកនាំពាក្យអង្គការមិនមែនរដ្ឋាភិបាលមួយនេះ។
លោក ហុង ច័ន្ទភក្ត្រា មន្ត្រីផ្នែកទំនាក់ទំនងសាធារណៈនៅអង្គការទស្សនៈពិភពលោកបានលើកឡើងនៅក្នុងអុីម៉េលមួយថា " រហូតមកទល់ថ្ងៃនេះ មានអ្នកជំងឺអាយុ១០ឆ្នាំតែម្នាក់គត់ដែលកំពុងសម្រាកព្យាបាលនៅមន្ទីរពេទ្យកុមារអង្គរនៅឡើយ" ដោយអាការរាករូស និងគ្រុនក្ដៅ។
លោកបានមានប្រសាសន៍ថា អង្គការនេះមានបុគ្គលិកចាំឃ្លាំមើលស្រុកជីក្រែង កន្លែងរៀបចំពិធីខាងលើ។ " បុគ្គលិករបស់យើងនៅក្នុងសហគមន៍នឹងបន្តពិនិត្យតាមដានស្ថានភាពរបស់អ្នកជំងឺ"។
ក្រោយពីមានហេតុការណ៍ពុលអាហារនេះ សំណាកវិភាគនំប៉័ងសាច់នោះត្រូវបាននគរបាលបង្ក្រាបបទល្មើសសេដ្ឋកិច្ចបញ្ជូនមកពិនិត្យនៅក្នុងរាជធានីភ្នំពេញ ដើម្បីកំណត់រកមូលហេតុនៃការពុល។
លោក ហុង ច័ន្ទភក្ត្រា បានលើកឡើងបន្តថា អង្គការទស្សនៈពិភពលោករំពឹងថា...
លោក ហង្ស ពុទ្ធា អ្នកសង្កេតការណ៍បោះឆ្នោតដ៏លេចធ្លោមួយរូប ត្រូវបានតែងតាំងជាសមាជិក “អព្យាក្រឹត”ថ្មីរបស់ គ.ជ.ប.
កាលពីម្សិលមិញ លោក ហង្ស ពុទ្ធា នាយកប្រតិបត្តិនៃគណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និចហ្វិច ត្រូវបានជ្រើសរើសជាបេក្ខជនសមាជិក "អព្យាក្រឹត" នៃគណៈកម្មាធិការជាតិរៀបចំការបោះឆ្នោត (គ.ជ.ប.)
នគរបាលដុតជម្រករបស់សហគមន៍ជនជាតិដើមភាគតិចក្នុងខេត្តមណ្ឌលគិរី
មន្ត្រីមូលដ្ឋានម្នាក់បាននិយាយថា កាលពីម្សិលមិញនគរបាលខេត្តមណ្ឌលគិរីបានដុតជម្រកជាង១៣០ដែលជាកម្មសិទ្ធិរបស់សហគមន៍ជនជាតិដើមភាគតិចព្នង ក្នុងស្រុកកែវសីមា ដែលអាជ្ញាធរចោទថា បានសាងសង់ខុសច្បាប់លើដីរបស់ក្រុមហ៊ុនចម្ការកៅស៊ូវៀតណាម។
ទោះជាយ៉ាងណា អ្នកភូមិជនជាតិដើមភាគតិចព្នងជាង២០០គ្រួសារអះអាងថា ក្រុមហ៊ុន Binh Phuoc 1 ដែលទទួលបានដីសម្បទានទំហំ៥.១០០ហិកតានៅក្នុងតំបន់នេះបានរំលោភយកដីដែលពួកគាត់បានធ្វើស្រែចម្ការច្រើនជំនាន់មកហើយ។
លោក យិន សុខឡេង អភិបាលរងស្រុកបានមានប្រសាសន៍ថា លោកបានដឹកនាំកម្លាំងនគរបាល និងកងរាជអាវុធហត្ថចុះទៅតំបន់ដែលមានវិវាទនោះក្នុងឃុំស្រែឈូកកាលពីព្រឹកម្សិលមិញ ដើម្បីដុតជម្រកបណ្ដោះអាសន្នចំនួន១៧២ ដែលសាងសង់លើផ្ទៃដីទំហំ១.៥០០ហិកតាស្ថិតនៅក្នុងដីសម្បទានរបស់ក្រុមហ៊ុនវៀតណាម ប៉ុន្តែមុនក្រុមមន្ត្រីទាំងនេះដុតជម្រកទាំងនោះ ពួកគេត្រូវបានបំភ័យដោយកសិករដែលមានកំហឹងប្រដាប់ដោយដំបងឈើ។
លោក សុខឡេង បានមានប្រសាសន៍ថា " ខ្ញុំបានដឹកនាំកម្លាំងទៅដុតជម្រកនោះ...
តុលាការចោទប្រកាន់ក្មេងប្រុសជំទង់ម្នាក់ពីបទរំលោភក្មេងស្រីអាយុ៨ឆ្នាំ
នគរបាលមូលដ្ឋានបានឲ្យដឹងកាលពីម្សិលមិញថា កាលពីថ្ងៃច័ន្ទ សាលាដំបូងខេត្តរតនគិរីបានចោទប្រកាន់ក្មេងប្រុសអាយុ១៧ឆ្នាំម្នាក់ពីបទរំលោភក្មេងស្រីជិតខាងអាយុ៨ឆ្នាំនៅផ្ទះរបស់នាងស្ថិតក្នុងស្រុកវើនសៃ។
លោក ផែន ឌីណា ស្នងការរងនគរបាលខេត្តបានមានប្រសាសន៍ថា"សាលាដំបូងខេត្តបានចោទប្រកាន់ក្មេងប្រុសរូបនេះកាលពីល្ងាចម្សិលមិញពីបទរំលោភមានស្ថានទម្ងន់ទោស។ យើងបានបញ្ជូនជននេះទៅឃុំខ្លួនបណ្តោះអាសន្ននៅពន្ធនាគារខេត្ត"។
លោក ឌីណា បានមានប្រសាសន៍ថា ក្មេងប្រុសរូបនេះបានរំលោភក្មេងស្រីនៅផ្ទះរបស់នាងតែម្តងនៅក្នុងឃុំប៉ុង កាលពីយប់ថ្ងៃអាទិត្យ ខណៈដែលឪពុកម្តាយនាងមិននៅផ្ទះ។
លោកបានមានប្រសាសន៍ថា ជនសង្ស័យបានសារភាពចំពោះបទឧក្រិដ្ឋនេះ ខណៈដែលការធ្វើកោសល្យវិច័យបញ្ជាក់ថា ក្មេងស្រីរូបនេះពិតជាត្រូវបានរំលោភ។
លោក លាវ ស្រេង ព្រះរាជអាជ្ញាទទួលបន្ទុករឿងក្តីនេះមិនអាចទាក់ទងបានទេកាលពីម្សិលមិញ។
លោក តឿ នូថាង អធិការនគរបាលស្រុកបានមានប្រសាសន៍ថា មន្ត្រីរបស់លោកបានចាប់ខ្លួនក្មេងជំទង់រូបនេះកាលពីយប់ថ្ងៃអាទិត្យបន្ទាប់ពីទទួលបានការហៅទូរស័ព្ទពីឪពុកម្តាយក្មេងស្រីរូបនេះ ដែលបានត្រឡប់មកផ្ទះវិញពីការទៅសួរសុខទុក្ខមិត្តភក្តិរស់ក្បែរខាងឃើញកូនស្រីរបស់ខ្លួនដេកយំ។
លោក នូថាង...
នគរបាលបោះបង់ការព្យាយាមដកហូតម៉ូតូអ្នកជល់មាន់ ដោយសារមានការតបតពីក្រុមអ្នកភូមិ
នគរបាលបានលើកឡើងកាលពីម្សិលមិញថា នគរបាលខេត្តកំពតបានឆ្មក់បង្ក្រាបការជល់មាន់មួយកាលពីថ្ងៃអាទិត្យ ហើយដកហូតបានមាន់ជល់ និងសម្ភារមួយចំនួនទៀត ប៉ុន្តែពួកគេបានបោះបង់ការព្យាយាមដកហូតម៉ូតូជាច្រើនគ្រឿងពីសង្វៀនជល់មាន់នោះ នៅពេលក្រុមអ្នកភូមិដែលពោរពេញដោយកំហឹងនិងដែលប្រដាប់ដោយអាវុធ និងក្របីបានតតាំងជាមួយពួកគេ។
លោក ម៉ៅ ចាន់មធុរិទ្ធ ស្នងការរងខេត្តកំពតបានឲ្យដឹងថា មន្ត្រីនគរបាលប្រហែល១៥នាក់បានឆ្មក់បង្ក្រាបការជល់មាន់មួយនៅក្នុងឃុំជម្ពូវ័ន្ត ស្រុកជុំគិរី នៅវេលាម៉ោងប្រហែល៤និង៣០នាទីរសៀលថ្ងៃអាទិត្យ។
លោកបានមានប្រសាសន៍ទៀតថា បុរសឈ្មោះ កាន់ ភា អាយុ៤៨ឆ្នាំ ដែលគេសង្ស័យថា ជាអ្នករៀបចំការជល់មាន់នេះ បានរត់គេចខ្លួនរួចពីនគរបាល ប៉ុន្តែបុរសប្រាំពីរនាក់ត្រូវបានចាប់ខ្លួនពីបទលេងល្បែងស៊ីសង ហើយទ្រុងមាន់ចំនួនប្រាំមួយ រួមជាមួយនឹងមាន់ចំនួនបួនក្បាលត្រូវបានដកហូត។
ឧត្ដមសេនីយ៍ត្រីរូបនេះបានបន្ថែមថា នគរបាលក៏បានព្យាយាមដកហូតម៉ូតូចំនួន២៩គ្រឿងពីក្រៅសង្វៀនជល់មាន់ដែរ...
សកម្មជនមកពីគណបក្សប្រឆាំងទាមទារឲ្យចុងចោទបង្ហាញខ្លួនក្នុងតុលាការ
ចៅក្រមនៅសាលាដំបូងរាជធានីភ្នំពេញបានផ្អាកការបើកសវនាការជំនុំជម្រះរឿងក្តីរបស់សកម្មជនមកពីគណបក្សប្រឆាំងមួួយរូបកាលពីម្សិលមិញ បន្ទាប់ពីចុងចោទបានទាមទារឲ្យអ្នកដែលគេអះអាងថា ជាជនរងគ្រោះបង្ហាញខ្លួននៅក្នុងតុលាការ និងបន្ទាប់ពីចុងចោទបានប្រកាសថា ការបើកសវនាការនេះគឺមានជាប់ពាក់ព័ន្ធនឹងរឿងនយោបាយនោះ។
កាលពីខែតុលា លោក អ៊ុក ពេជ្រសំណាង បានបើករឺុម៉កម៉ូតូកង់បីរបស់ខ្លួនបុករបាំងដែកមួយជួរដែលរារាំងកសិករគ្មានផ្ទះសំបែងមួយក្រុមមកពីខេត្តព្រះវិហារមិនឲ្យហែក្បួនឆ្ពោះទៅគេហដ្ឋានរបស់លោកនាយករដ្ឋមន្ត្រី។
នគរបាលបានចាប់ខ្លួនលោក ពេជ្រសំណាង ហើយបានចោទប្រកាន់គាត់ពីបទចូលរួមជាមួយសមាគមទុច្ចរិត បំផ្លិចបំផ្លាញទ្រព្យសម្បត្តិសាធារណៈ រារាំងអាជ្ញាធរ និងបង្ករបួសស្នាមដោយចេតនា បន្ទាប់ពីចោទថា មានសន្តិសុខចំនួនប្រាំនាក់បានរងរបួសដោយសារទង្វើរបស់គាត់នោះ ។
អំឡុងការបើកសវនាការដ៏តានតឹងកាលពីម្សិលមិញ ព្រះរាជអាជ្ញារង លី សុផាន់ណា និងមេធាវីការពារក្តី ជូង ជូងី បានចេញមកតទល់គ្នា បន្ទាប់ពីលោក ជូង ជូងី បានលើកឡើងថា មានជនបង្កហេតុផ្សេងធ្វើឲ្យកើតមានអំពើហិង្សានៅក្នុងការតវ៉ាកាលពីខែតុលា។
ព្រះរាជអាជ្ញារងរូបេនះបានកាត់ប្រសាសន៍លោក ជូង ជូងី ដោយចោទប្រកាន់លោកថា ចេះតែធ្វើការសន្និដ្ឋាន បន្ទាប់ពីមេធាវីរូបនេះបានស្នើឲ្យបង្ហាញខ្លួន "ជនបាតដៃទី៣"។
លោក ជូង ជូងី បានឆ្លើយតបថា "នៅពេលអ្នកសួរសំណួរ ខ្ញុំមិនបានកាត់ប្រសាសន៍សូម្បីតែមួយមាត់"។
លោក ពេជ្រសំណាង បាននិយាយទាំងកំហឹង ពេលចេញមកកាត់ប្រសាសន៍មេធាវីរបស់ខ្លួន និងព្រះរាជអាជ្ញារងថា "ខ្ញុំគិតថា តុលាការនឹងមិនអាចកាត់ក្តីខ្ញុំបានឡើយ ព្រោះអស់លោកតែងតែមានការឈ្លោះប្រកែកគ្នាបែបនេះ"។
លោក ពេជ្រសំណាង បានបន្តថា "មនុស្សល្អត្រូវបានរំលោភបំពានតាមរយៈនយោបាយ ខណៈមនុស្សល្ងីល្ងើប្រព្រឹត្តិអំពើបាប។ គេបានដាក់គុកយើងដោយបើកចំហ និងរីករាយ ហេតុដូច្នេះ វាហាក់បីដូចជាយើងនឹងជាសត្វធាតុអ៊ីចឹង ហើយបានធ្វើឲ្យយើងទទួលរងការឈឺចាប់នៅក្នុងគុក"។
ខណៈចុងចោទរូបនេះស្ងប់អារម្មណ៍ បន្ទាប់ពីចៅក្រម អឹុម វណ្ណៈ ស្នើឲ្យឈប់សម្រាក៥នាទី លោក ពេជ្រសំណាង បានលើកឡើងទៀតថា លោកមិនយល់ពីអត្ថន័យនៃការចោទប្រកាន់ពីបទចូលរួមជាមួយសមាគមជនទុច្ចរិតនេះឡើយ ហើយមេធាវីរបស់លោកបានទាមទារឲ្យសន្តិសុខដែលគេអះអាងថា រងរបួសនោះបង្ហាញភ័ស្តុតាងរបស់ខ្លួនក្នុងតុលាការ។
លោក ជូង ជូងី បានមានប្រសាសន៍ថា "ដើម្បីធានាឲ្យបានថា ការបើកសវនាការនេះស្អាតស្អំដោយគ្មានការចោទប្រកាន់ខុស ខ្ញុំសូមស្នើឲ្យដើមចោទបង្ហាញខ្លួន"។
ចៅក្រម វណ្ណៈ បានឆ្លើយតបថា "យុតិ្តធម៌នឹងកើតមានមិនចាំបាច់ទាល់តែមានការតទល់គ្នា នោះឡើយ" ។ ការឆ្លើយតបបែបនេះធ្វើឲ្យលោក ពេជ្រសំណាង កាន់តែខឹងថែមទៀត។
លោក ពេជ្រសំណាង បាននិយាយទៀតថា "តុលាការបានចាប់ខ្ញុំដាក់គុក ប៉ុន្តែ គ្មានដើមចោទណាមកតទល់នឹងខ្ញុំទេ។ ប្រសិនបើខ្ញុំមិនឃើញការពិត ហើយមានតែការចោទប្រកាន់នោះ ខ្ញុំមិនទទួលយកឡើយ"។ លោកនិយាយទាំងមានកំហឹងថា " យកខ្ញុំទៅដាក់គុកទៅ។ អ្នកទាំងអស់ អ្វីៗវាចប់ត្រឹមប៉ុណ្ណឹងហើយ ខ្ញុំនឹងទៅគុក។ ខ្ញុំនឹងមិនបណ្តោយឲ្យតុលាការនេះកាត់ទោសខ្ញុំឡើយ"។
ចៅក្រម វណ្ណៈ បានណែនាំឲ្យចុងចោទស្តាប់តុលាការ ប៉ុន្តែ លោក ពេជ្រសំណាង បានបដិសេធដោយនិយាយថា "ខ្ញុំមិនស្តាប់ទេ។ ខ្ញុំមិនអាចស្តាប់បានឡើយ ព្រោះអ្នកឯងយកខ្ញុំលាយឡំនឹងបញ្ហានយោបាយ។ ខ្ញុំចង់ប្រាប់តុលាការថា ប្រសិនអ្នកទាំងប្រាំនាក់នេះមិនបង្ហាញខ្លួននៅទីនេះទេ មិនចាំបាច់នាំខ្ញុំមកកាន់តុលាការឡើយ"។
លោក សុផាន់ណា បានលើកឡើងទៀតថា ដើមចោទមិនបានមកបង្ហាញខ្លួនដោយសារ"បញ្ហាផ្ទាល់ខ្លួន" ។ ចៅក្រម វណ្ណៈ មិនបានប្រកាសពីកាលបរិច្ឆេទសម្រាប់ការបើកសវនាការលើកក្រោយទេ៕ ស៊ុយឈាង