translate Archives - Page 5 of 22 - The Cambodia Daily Khmer

‘មនុស្សមុខដដែលៗ’ តវ៉ានឹងការអត្ថាធិប្បាយរបស់លោកនាយករដ្ឋមន្ត្រី

- March 31, 2015

ដូចមានកំហឹងនឹងការអះអាងរបស់លោកនាយករដ្ឋមន្ត្រី ហ៊ុន សែន កាលពីសប្ដាហ៍មុនដែលថា " មនុស្សមុខដដែល" តែងតែបង្ហាញមុខនៅគ្រប់ការតវ៉ានោះ សកម្មជនប្រឆាំងការបណ្ដេញចេញមួយក្រុមក្នុងរាជធានីភ្នំពេញ បានជួបជុំគ្នានៅមុខសាលារាជធានីកាលពីម្សិលមិញ ដើម្បីសម្ដែងកំហឹងរបស់ខ្លួន។ នៅពិធីបើកសម្ពោធសណ្ឋាគារសុខាភ្នំពេញ កាលពីថ្ងៃទី២៣ ខែមីនា លោក ហ៊ុន សែន បានលើកឡើងសំដៅដល់ចលនាតវ៉ាដ៏សកម្មមួយក្នុងរាជធានីភ្នំពេញ និងអង្គការមិនមែនរដ្ឋាភិបាលមួយចំនួនដែលលោកអះអាងថា នៅពីក្រោយរឿងនេះ ដោយលើកឡើងថា "ប្រទេសកម្ពុជាបានក្លាយជាឋានសួគ៌សម្រាប់ការតវ៉ាដែលមានការញុះញង់ ហើយក្រុមអ្នកតវ៉ាមានមុខដដែលៗ"។ កាលពីម្សិលមិញ អ្នកភូមិបឹងកក់ប្រហែល៥០នាក់បានដាក់ញត្តិទៅធនាគារពិភពលោក ស្ថានទូតអាមេរិក និងស្ថានទូតសហភាពអឺរ៉ុប សុំឲ្យពួកគេជួយអន្តរាគមន៍...

ប័ណ្ណសារ

អ្នកភូមិមួយចំនួនស្នាក់នៅក្នុងមន្ទីរពេទ្យនៅឡើយ បន្ទាប់ពីពុលនំប័ុងសាច់

- March 31, 2015

យោងតាមក្រុមមន្ត្រីបានឲ្យដឹងថា អ្នកភូមិចំនួន៣៦នាក់នៅស្នាក់នៅ ក្នុងមន្ទីរពេទ្យនៅឡើយកាលពីរសៀលម្សិលមិញ បន្ទាប់ពីអ្នកភូមិប្រហែល៨០០នាក់បានធ្លាក់ខ្លួនឈឺកាលពីថ្ងៃសៅរ៍ ដោយសារបរិភោគនំប័ុងសាច់ដែលគេចែកឲ្យអំឡុងកម្មវិធីមួយរៀបចំឡើយដោយអង្គការទស្សនៈពិភពលោក (World Vision) នៅក្នុងស្រុកជីក្រែង ខេត្តសៀមរាប។ អាជ្ញាធរនៅមិនទាន់កំណត់មូលហេតុពិតប្រាកដដែលនាំឲ្យមានការពុលអាហារនេះនៅឡើយទេ ហើយបុគ្គលិករបស់អង្គការមិនមែនរដ្ឋាភិបាលនេះក៏កំពុងស្ថិតក្នុងស្រុកនេះនៅឡើយដែរ ដើម្បីតាមដានស្ថានភាពបន្តទៀត។ លោក ពៅ ប៊ុនធឿន អភិបាលស្រុកនេះបានមានប្រសាសន៍កាលពីម្សិលមិញថា "នៅមានមនុស្សចំនួន៣៦នាក់ទៀតកំពុងស្នាក់នៅមន្ទីរពេទ្យបង្អែកស្រុក និងខេត្តនៅឡើយ ដើម្បីទទួលការព្យាបាល ខណៈអ្នកដែលជាសះស្បើយឡើងវិញបានត្រឡប់ទៅផ្ទះរៀងៗខ្លួន"។ លោក ចាន់ភ័ក្ត្រា ហុង បុគ្គលិកផ្នែកទំនាក់ទំនងសាធារណៈនៅអង្គការទស្សនៈពិភពលោកនេះបានលើកឡើងថា អង្គការបានជួបជាមួយមន្ត្រីក្រសួងសុខាភិបាលកាលពីថ្ងៃអាទិត្យ ដើម្បីភិភាក្សារកប្រភពដែលនាំឲ្យមានការពុលអាហារនេះ។ លោក ហុង បាននិយាយថា "រដ្ឋាភិបាលចង់ដឹងថា តើគេធ្វើនំប័ុងសាច់េនះតាមរបៀបណា ហើយថា តើវាទុកយូរពេកឬក៏អត់"។ សំណាកនំប័ុងសាច់ផ្តល់ដោយក្រុមយុវជនមូលដ្ឋាន ដែលរៃអង្គាស់ប្រាក់យកមកឧបត្ថម្ភអាហារសម្រាប់កម្មវិធីនេះត្រូវបានបញ្ជូនទៅរាជធានីភ្នំពេញដើម្បីឲ្យនគរបាលត្រួតពិនិត្យកាលពីថ្ងៃអាទិត្យ។ លោក សត ណាឌី ស្នងការនគរបាលខេត្ត បានលើកឡើងថា នគរបាលកំពុងរង់ចាំលទ្ធផលនៅឡើយ៕ស៊ុយឈាង

ប័ណ្ណសារ

ប្តីស្ត្រីរងគ្រោះដោយការវាយប្រហារទឹកអាស៊ីតមិនសប្បាយចិត្ត នឹងការដោះស្រាយរឿងក្តី

- March 30, 2015

ប្តីរបស់ស្ត្រីម្នាក់ដែលរងការវាយប្រហារដោយទឹកអាស៊ីតនៅផ្សារមួយក្នុងខេត្តតាកែវកាលពីខែវិច្ឆិកា មានគម្រោងដាក់ពាក្យបណ្តឹងនៅថ្ងៃនេះទៅឧត្តមក្រុមប្រឹក្សានៃអង្គចៅក្រម និងអង្គភាពប្រឆាំងអំពើពុករលួយ ដោយអះអាងថា មន្ត្រីតុលាការមូលដ្ឋានគួរត្រូវបន្ទោសចំពោះកង្វះការចាត់វិធានការក្នុងករណីនេះ។ អ្នកស្រី មួង ស្រីមុំ អាយុ៣១ឆ្នាំ ជាអាជីវករលក់ដូរនៅផ្សារត្រូវបានរងការរលាកខ្លួនប្រាណ៤៤ភាគរយ ចំណែកកូនស្រីអាយុពីរឆ្នាំរបស់គាត់បានរងរបួសស្រាលត្រង់មុខនិងដៃ បន្ទាប់ពីស្ត្រីឈ្មោះ ដេង លក្ខិណា អាយុ២២ឆ្នាំ ជាគូប្រជែងរបស់ខ្លួន និង លោក ដេង មាស អាយុ២៨ឆ្នាំជាបងប្រុសរបស់នាងតាមចោទថា បានជះទឹកអាស៊ីតលើពួកគេក្នុងជម្លោះពាក់ព័ន្ធការដណ្តើមម៉ូយ។ សាលាដំបូងខេត្តតាកែវបានចោទប្រកាន់បងប្អូនបង្កើតនេះពីបទហិង្សាដោយចេតនាដោយប្រើប្រាស់ទឹកអាស៊ីតខ្លាំង និងអំពើហិង្សាដោយមានស្ថានទម្ងន់ទោស ហើយតុលាការបានចេញដីកាចាប់ខ្លួនពួកគេ ប៉ុន្តែចាប់ខ្លួនជនសង្ស័យមិនបានឡើយ។ លោក...

ប័ណ្ណសារ

ក្មេងប្រុសអាយុ៧ឆ្នាំត្រូវបានរឹតកសម្លាប់បន្ទាប់ពីធាក់ក្មេងប្រុសក្បែរខាងម្នាក់

- March 30, 2015

នគរបាលមូលដ្ឋានម្នាក់បាននិយាយកាលពីម្សិលមិញថា បុរសម្នាក់ក្នុងខេត្តកំពង់ចាមត្រូវបានចាប់ខ្លួនកាលពីថ្ងៃសុក្រពីបទយកខ្សែនីឡុងរឹតកក្មេងប្រុសអាយុ៧ឆ្នាំម្នាក់ស្លាប់ ហើយយកសាកសពទៅបោះចោលក្នុងព្រែកបន្ទាប់ពីក្មេងប្រុសរងគ្រោះបានធាក់ក្មួយប្រុសរបស់ខ្លួន។ យោងតាមលោក ជា ធារិទ្ធ អធិការនគរបាលស្រុកស្ទឹងត្រង់បានឲ្យដឹងថា ហួង ប៊ុនថេន អាយុ៣៣ឆ្នាំ បានសារភាពប្រាប់នគរបាលថា ខ្លួនបានសម្លាប់ក្មេងប្រុស គង់ ពិសិដ្ឋ បន្ទាប់ពីក្មេងប្រុសរូបនេះបានធាក់ក្មួយប្រុសអាយុ៥ឆ្នាំរបស់ខ្លួន ខណៈដែលក្មេងប្រុសទាំងពីរបានលេងជាមួយគ្នាក្នុងព្រៃក្បែរព្រែកកន្លែងដែលឪពុកមានិងក្មួយរូបនេះទៅរកអុស។ លោកបានមានប្រសាសន៍ថា "បន្ទាប់ពីក្មួយប្រុសរូបេនះត្រឡប់ទៅផ្ទះវិញ ជនសង្ស័យមានឱកាសប្រព្រឹត្តបទឧក្រិដ្ឋតែម្ដង។ ជនសង្ស័យបានយកខ្សែនីឡុងរឹតកក្មេងប្រុសរូបនេះ បន្ទាប់មកបានយកសាកសពទៅបោះចោលក្នុងព្រែក ហើយយកកំប្លោកគ្រប"។ លោក ធារិទ្ធ បានមានប្រសាសន៍ថា ប៊ុនថេន ក៏បានដោះយកខ្សែកបា្លទីនមួយខ្សែពីក្មេងប្រុស...

ប័ណ្ណសារ

រដ្ឋាភិបាលលើកឡើងថា ជនភៀសខ្លួននៅប្រទេសណូរូនៅតែមិនទាន់ចាប់អារម្មណ៍កម្ពុជា

- March 28, 2015

កាលពីម្សិលមិញ ក្រសួងមហាផ្ទៃបានបញ្ជាក់ជាលើកដំបូងថា មន្ត្រីកម្ពុជាបានធ្វើដំណើរជាលើកទីពីរទៅកាន់ប្រទេសដែនកោះណូរូ ដែលស្ថិតនៅភាគខាងត្បូងមហាសមុទ្រប៉ាស៊ីហ្វិក នៅសប្តាហ៍េនះដើម្បីស្វែងរកជនភៀសខ្លួនដែលចាប់អារម្មណ៍នៅក្នុងការតាំងទីលំនៅថ្មីនៅកម្ពុជា ប៉ុន្តែថា គណៈប្រតិភូនៅមិនទាន់រកបានអ្នកស្ម័គ្រចិត្តណាមួយឡើយ។ មន្ត្រីកម្ពុជាបានធ្វើដំណើរលើកទី១ទៅកាន់ប្រទេសដែនកោះណូរូ កាលពីខែមករាពោលគឺបួនខែ បន្ទាប់ពីរដ្ឋាភិបាលក្រុងភ្នំពេញបានចុះកិច្ចព្រមព្រៀងដែលមានទឹកប្រាក់៣៥លានដុល្លារជាមួយរដ្ឋាភិបាលក្រុងកង់បេរ៉ាយល់ព្រមទទួលយកជនភៀសខ្លួនក្នុងចំនួនមិនជាក់លាក់ដែលប្រទេសអូស្ត្រាលីកំពុងឃុំឃាំងនៅលើប្រទេសដែនកោះនេះ។ មានតែជនភៀសខ្លួនចំនួនបីគ្រួសារប៉ុណ្ណោះ បានមកជួបជាមួយមន្ត្រីកម្ពុជាអំឡុងពេលនោះ ហើយគ្មាននរណាម្នាក់យល់ព្រមទទួលយកការផ្តល់ជូនដោយកម្ពុជាឡើយ។ ថ្វីបើប្រព័ន្ធផ្សព្វផ្សាយបានចុះផ្សាយនៅក្នុងសប្តាហ៍េនះថា មន្ត្រីកម្ពុជាបានធ្វើដំណើរទៅកាន់ប្រទេសដែនកោះនេះម្តងទៀតក្តី តែលោក ខៀវ សុភ័គ អ្នកនាំពាក្យក្រសួងមហាផ្ទៃបានលើកឡើងកាលពីថ្ងៃអង្គារថា រដ្ឋាភិបាលមិនបានបញ្ជូនគណៈប្រតិភូទៅកាន់ប្រទេសដែនកោះនេះឡើយចាប់តាំងពីខែមករាមក ហើយគ្មានគម្រោងធ្វើដំណើរទៅទីនោះក្នុងពេលឆាប់ៗទេ។ កាលពីម្សិលមិញ ឧត្តមសេនីយ៍ខៀវ សុភ័គ បានបញ្ជាក់ជាលើកចុងក្រោយថា មន្ត្រីកម្ពុជាបានធ្វើដំណើរទៅប្រទេសដែនកោះណូរូម្តងទៀត ប៉ុន្តែ ថា លោកមិនដឹងថា តើពេលណាពួកគេនឹងទៅដល់ ឬថាតើពួកគេនឹងស្នាក់នៅទីនោះក្នុងរយៈពេលប៉ុន្មានថ្ងៃនោះឡើយ។ លោកបានលើកឡើងថា ក្រុមមន្ត្រីទាំងនោះរួមមាន មន្ត្រីមកពីអគ្គនាយកដ្ឋានអន្តោប្រវេសន៍នៃក្រសួងមហាផ្ទៃជាដើម ប៉ុន្តែ មិនមានវត្តមានរបស់លោក សុខ ផល អគ្គនាយកនៃអគ្គនាយកដ្ឋាននេះឡើយ។ លោកបានមានប្រសាសន៍ថា "យើងបានបញ្ជូនពួកគាត់។ យើងបានបញ្ជូនពួកគាត់ទៅដើម្បីប្រាប់ពួកគេអំពីកម្ពុជា"។ ឧត្តមសេនីយ៍ ខៀវ សុភ័គ បានទទួលស្គាល់ថា ការចាប់អារម្មណ៍ក្នុងចំណោមជនភៀសខ្លួននៅមានកម្រិតទាបនៅឡើយ ដោយមានតែជនភៀសខ្លួនពីរ ឬបីគ្រួសារប៉ុណ្ណោះបានចេញមកស្តាប់ការផ្តល់ជូនរបស់ប្រទេសកម្ពុជា ប៉ុន្តែ ថា លោកមិនខ្វល់ឡើយទោះបីជាគ្មាននរណាចាប់អារម្មណ៍ក៏ដោយ។ លោកបានមានប្រសាសន៍ថា "ប្រសិនបើគ្មាននរណាមក វាគ្មានបញ្ហាទេ បណ្តោយវាតាមដំណើរទៅ។ ខ្ញុំរីករាយដែលទទួលបានដំណឹងថា គ្មាននរណាម្នាក់ចង់មក...ព្រោះពួកគេមិនចង់បានប្រទេសកម្ពុជាជាកន្លែងចុងក្រោយរបស់ខ្លួនឡើយ"។ ឧត្តមសេនីយ៍រូបនេះថែមទាំងបានលើកឡើងផងដែរថា លោកសូមបួងសួងបន់ស្រន់ឲ្យជនភៀសខ្លួនទាំងនេះទទួលបាននូវអ្វីដែលខ្លួនចង់បាន បន្ទាប់ពីភៀសខ្លួនពីប្រទេសកំណើតរបស់ខ្លួននោះ។ តែទោះជាយ៉ាងណា រដ្ឋាភិបាលអភិរក្សអូស្ត្រាលីបានបដិសេធមិនទទួលយកជនភៀសខ្លួនណាមួយឡើយដោយចេញមកធ្វើការប្តេជ្ញាខ្លាំងៗថា នឹង"បញ្ឈប់ទូកនានា" ។ អង្គការអន្តរជាតិទេសន្តរប្រវេសន៍ (IOM) ដែលបានយល់ព្រមជួយប្រទេសកម្ពុជា និងអូស្ត្រាលីនៅក្នុងកិច្ចព្រមព្រៀងេនះបានលើកឡើងកាលពីម្សិលមិញថា ខ្លួនក៏មានសមាជិកមួយរូបនៅលើប្រទេសដែនកោះនោះដែរ។ លោក Jeo Lowry អ្នកនាំពាក្យប្រចាំតំបន់របស់អង្គការនេះបានមានប្រសាសន៍ថា "ឥឡូវនេះបុគ្គលិកមួយរូបរបស់ IOMកម្ពុជាកំពុងស្ថិតនៅក្នុងប្រទេសណូរូ ជាផ្នែកនៃការរៀបចំរបស់យើង ដើម្បីធ្វើការជាមួយរដ្ឋាភិបាលទាំងពីរ និងជនភៀសខ្លួន ប្រសិនបើនៅពេលណាមានការជ្រើសរើសជនភៀសខ្លួនមករស់នៅក្នុងប្រទេសកម្ពុជានោះ"។ អង្គការអន្តរជាតិទេសន្តរប្រវេសន៍នេះបានលើកឡើងទៀតថា ការបញ្ចុះបញ្ចូលឲ្យជនភៀសខ្លួនយល់ព្រមទទួលយកការផ្តល់ជូន វាអាស្រ័យលើប្រទេសកម្ពុជា និងអូស្ត្រាលី ហើយថាខ្លួននឹងមិនធ្វើអត្ថាធិប្បាយឡើយទាក់ទិននឹងការរីកចម្រើននៃកិច្ចខិតខំប្រឹងប្រែងទាំងនោះ។ ប្រទេសអូស្ត្រាលីបានផ្តល់ឲ្យប្រទេសកម្ពុជានូវជំនួយបន្ថែមប្រមាណ៣៥លានដុល្លារសម្រាប់ការទទួលយកជនភៀសខ្លួន ប៉ុន្តែ ឧត្តមសេនីយ៍ ខៀវ សុភ័គ បានមានប្រសាសន៍ថា រដ្ឋាភិបាលមិនខ្វល់ចំពោះការបាត់បង់ប្រាក់ឡើយ ប្រសិនបើជនភៀសខ្លួនមិនចង់តាំទីលំនៅថ្មីនៅកម្ពុជានោះ ។ លោកបានមានប្រសាសន៍ថា "យើងមិនខ្វល់អំពីប្រាក់នោះឡើយ"។ កញ្ចប់ជំនួយមិនស្ថិតនៅក្នុងកិច្ចព្រមព្រៀងដែលចុះហត្ថលេខាកាលពីខែកញ្ញាដោយលោក ស ខេង រដ្ឋមន្ត្រីក្រសួងមហាផ្ទៃ និងលោក Scott Morrison រដ្ឋមន្ត្រីក្រសួងអន្តោប្រវេសន៍អូស្ត្រាលីអំឡុងពេលនោះឡើយ។ លោក Morrison បានប្រកាសពីជំនួយបន្ថែមនេះនៅក្នុងកិច្ចសម្ភាសពេលក្រោយជាមួយប្រព័ន្ធផ្សព្វផ្សាយ។ ថ្មីៗនេះ លោក ស ខេង បានទៅប្រទេសអូស្ត្រាលី ហើយបានជួបជាមួយលោក Peter Dutton ជាអ្នកជំនួសតំណែងលោក Morrison នៅក្នុងទីក្រុងកង់បេរា៉ាកាលពីម្សិលមិញ។ រដ្ឋមន្ត្រីទាំងពីរបានចុះហត្ថលេខាលើអនុស្សរណៈនៃការយោគយល់គ្នាមួយផ្សេងទៀតដោយព្រមព្រៀងសហការគ្នាលើការប្រយុទ្ធប្រឆាំងបទល្មើសឆ្លងព្រំដែន និងការធ្វើអន្តោប្រវេសន៍ខុសច្បាប់។ មុនពេលចាកចេញទៅកាន់ប្រទេសអូស្ត្រាលី លោក ស ខេង បានលើកឡើងថា កិច្ចពិភាក្សានៃកិច្ចព្រមព្រៀងស្តីពីជនភៀសខ្លួនមិនមែនជាផ្នែកនៃគម្រោងទៅទីនោះរបស់លោកឡើយ ប៉ុន្តែ លោកបានទទួលស្គាល់ថា ប្រធានបទនេះអាចនឹងត្រូវលើកឡើង។ កាលពីម្សិលមិញឧត្តមសេនីយ៍ ខៀវ សុភ័គ បានមានប្រសាសន៍ថាលោកមិនដឹងថា តើរដ្ឋមន្ត្រីទាំងពីររូបេនះពិភាក្សាគ្នាអំពីអ្វីនោះឡើយ។ កាលពីម្សិលមិញដដែល ប្រព័ន្ធផ្សព្វផ្សាយអូស្ត្រាលីបានរាយការណ៍ថា ព្រឹទ្ធសភាអូស្ត្រាលីបានបោះឆ្នោតបង្កើតគណៈកម្មការមួយដើម្បីត្រួតពិនិត្យឡើងវិញអំពីការចោទប្រកាន់ពីបទរំលោភបំពានផ្លូវភេទនៅក្នុងមជ្ឈមណ្ឌលឃុំឃាំងគ្រប់គ្រងដោយអូស្ត្រាលីសម្រាប់អ្នកស្វែងរកសិទ្ធិជ្រកកោននៅប្រទេសណូរូ។ ឧត្តមសេនីយ៍រូបនេះបានលើកឡើងទៀតថា កម្ពុជាមិនខ្វល់ថា កិច្ចសហប្រតិបត្តិការរបស់ខ្លួនជាមួយប្រទេសអូស្ត្រាលីនឹងឆ្លុះបញ្ចាំងរដ្ឋាភិបាលក្នុងផ្លូវណាទេ ជុំវិញការចោទប្រកាន់មួយចំនួនពីបទរំលោភបំពានផ្លូវភេទ និងលក្ខខណ្ឌមិនល្អនៅប្រទេសណូរូនោះ។ លោកបានមានប្រសាសន៍ថា "វាជាបញ្ហារបស់ប្រទេសអូស្ត្រាលី មិនមែនរបស់កម្ពុជាឡើយ"៕ស៊ុយឈាង

ប័ណ្ណសារ

សាលាដំបូងរាជធានីចាប់ផ្តើមសវនាការជុំនះជម្រះសកម្មជន និងតំណាងរាស្ត្រគណបក្សប្រឆាំងពីបទកុបកម្ម

- March 28, 2015

កាលពីថ្ងៃសុក្រ សាសាដំបូងរាជធានីភ្នំពេញបានចាប់ផ្តើមបើកសវនាការជំនំុជម្រះសកម្មជន និងតំណាងរាស្ត្រគណបក្សសង្គ្រោះជាតិចំនួន១១រូបដែលជាប់ចោទពីបទដឹកនាំ ឬចូលរួមកុបកម្ម ដោយព្រះរាជអាជ្ញាសាកសួរតែពីររូបប៉ុណ្ណោះក្នុងចំណោមជនសង្ស័យទាំងនេះ។ លោក អឿ ណារិទ្ធ ជំនួយការរបស់លោកស្រី មូរ សុខហួរ ប្រធានកិច្ចការសាធារណៈរបស់គណបក្សសង្គ្រោះជាតិ និងលោក ឃិន ចំរើន ប្រធានចលនាយុវជនគណបក្សសង្គ្រោះជាតិក្នុងរាជធានីភ្នំពេញ ត្រូវបានចៅក្រមជំនុំជម្រះសាលាដំបូងរាជធានី កោះហៅឲ្យចូលឆ្លើយបំភ្លឺជុំវិញហេតុការណ៍កើតឡើងកាលពីថ្ងៃទី១៥ ខែកក្កដា ដែលនៅពេលនោះការតវ៉ាមួយដើម្បីទាមទារឲ្យបើកទីលានប្រជាធិបតេយ្យដែលមានស្រះលួសបន្លាព័ទ្ធជុំជិត បានផ្ទុះការវាយតប់គ្នារវាងសន្តិសុខខណ្ឌ និងអ្នកគាំទ្រគណបក្សប្រឆាំង។ ជនជាប់ចោទទាំងនេះប្រឈមការជាប់ពន្ធនាគាររហូតដល់ទៅ៣០ឆ្នាំ ប្រសិនបើតុលាការរកឃើញថា ពួកគាត់មានពិរុទ្ធភាពដូចការចោទប្រកាន់មែននោះ។ លោក អឿ ណារិទ្ធ បានបញ្ជាក់អះអាងជាថ្មីម្តងទៀតថា លោកមិនបានប្រព្រឹត្ត និងមិនបានជំរុញឲ្យប្រើអំពើហិង្សាទេនៅក្នុងហេតុការណ៍នោះ ដែលជាលើកដំបូងអ្នកគាំទ្រគណបក្សប្រឆាំងបានវាយបកទៅលើសន្តិសុខខណ្ឌដូនពេញ ដែលធ្លាប់តែបំបែកបាតុកម្មយ៉ាងព្រៃផ្សៃ បន្ទាប់ពីការបោះឆ្នោតដ៏ចម្រូងចម្រាសនៅខែកក្កដា ឆ្នាំ២០១៣។ លោកបានប្រាប់អ្នកចូលរួមនៅក្នុងសាលសវនាការថា "ខ្ញុំទៅស្ពាននាគដើម្បីចូលរួម សុំដោះលែងទីលានប្រជាធិបតេយ្យ"។ រូបភាពវីដេអូដែលគេបង្ហោះព្រោងព្រាតតាមអីុនធើណិតក្រោយកើតមានហេតុការណ៍នេះ បង្ហាញពីសកម្មជនគណបក្សប្រឆាំងដាក់បដាពណ៌ទឹកក្រូចដ៏ធំមួយផ្ទាំងសរសេរថា "ដោះលែងទីលានប្រជាធិបតេយ្យ" លើរបាំងដែកលួសបន្លានៅជ្រុងខាងកើតនៃទីលានប្រជាធិបតេយ្យ។ មិនយូរប៉ុន្មាន សន្តិសុខបានហែកបដានោះចោល ហើយ ចាប់ផ្តើមប្រើដំបងរុញអ្នកគាំទ្រគណបក្សប្រឆាំងចេញ។ បន្ទាប់ពីរងការវាយដំរយៈពេលជាច្រើនខែពីសំណាក់ក្រុមសន្តិសុខហិង្សាដែលវាយមនុស្សមិនរើសមុខ រួមទាំងស្ត្រី និងព្រះសង្ឃផងអំឡុងពេលមានភាពតានតឹងក្រោយការបោះឆ្នោតនោះ ក្រុមអ្នកគាំទ្រគណបក្សប្រឆាំងបានវាយតបវិញធ្វើឲ្យសន្តិសុខមួយចំនួនដាច់ហ្វូង ហើយពួកគេបានវាយសន្តិសុខទាំងនោះឲ្យរងរបួសធ្ងន់។ សកម្មភាពទាំងអស់នេះត្រូវបានលាបពណ៌ថា ជាការប៉ុនប៉ងធ្វើកុបកម្ម ដោយតំណាងរាស្ត្រគណបក្សសង្គ្រោះជាតិប្រាំពីររូបត្រូវជាប់ពន្ធនាគារដោយសារការចោទប្រកាន់ទាំងនេះ ហើយត្រូវបានដោះលែងវិញក្រោយមានកិច្ចព្រមព្រៀងនយោបាយកាលពីខែកក្កដារវាងលោក សម រង្ស៊ី ប្រធានគណបក្សប្រឆាំង និងលោកនាយករដ្ឋមន្ត្រី ហ៊ុន សែន។ លោក អឿ ណារិទ្ធ បានមានប្រសាសន៍កាលពីម្សិលមិញថា សកម្មភាពរបស់លោកនៅថ្ងៃតវ៉ា គឺមិនសមថាលោកជាអ្នកដែលមានបំណងធ្វើកុបកម្មនោះទេ។ លោកបានលើកឡើងថា "ខ្ញុំបានស្រែកថា 'កុំប្រើអំពើហិង្សា' នៅពេលខ្ញុំឃើញសន្តិសុខវៃប្រជាពលរដ្ឋ។ លើសពីនេះទៅទៀត ខ្ញុំបានជួយសន្តិសុខរងរបួសម្នាក់ ហើយបានការពារគាត់កុំឲ្យគេវ៉ៃទៀត"។ ការរៀបរាប់របស់សាក្សី និងរូបភាពបង្ហាញពីស្ថានភាពនោះ បង្ហាញពីឥស្សរជនជាន់ខ្ពស់មួយចំនួនរបស់គណបក្សសង្គ្រោះជាតិ ព្យាយាមបញ្ឈប់អំពើហិង្សា ដោយយ៉ាងហោចណាស់តំណាងរាស្ត្រមួយរូបបានយកខ្លួនរបស់លោកធ្វើជាខែលមនុស្សដើម្បីការពារសន្តិសុខខណ្ឌទៀតផង។ នៅឯសន្និសីទកាសែតមួយធ្វើឡើងប៉ុន្មានថ្ងៃក្រោយពីហេតុការណ៍ប៉ះទង្គិចគ្នានោះ លោកឈាង វុន តំណាងរាស្ត្រជាន់ខ្ពស់មកពីគណបក្សប្រជាជនកម្ពុជា បានធ្វើការរៀបរាប់អំពីកុបកម្ម ដោយបញ្ចេញវីដេអូឃ្លីបដែលបង្ហាញពីបាវដងទង់ជាតិត្រូវគេចាក់ចោលលើផ្លូវថ្នល់។ លោក ឈាង វុន បានអះអាងថា ដំបងទាំងនេះត្រូវបានគណបក្សសង្គ្រោះជាតិយកទៅកន្លែងបាតុកម្ម ជាផ្នែកមួយនៃផែនការអំពើហិង្សាដែលមានការរៀបចំជាមុន។ ទោះជាយ៉ាងណា នៅថ្ងៃកុបកម្មដូចការចោទប្រកាន់ក្រុមបុរសស្លៀកឯកសណ្ឋានពណ៌ទឹកប៊ិចចាស់របស់សន្តិសុខខណ្ឌ ត្រូវគេមើលឃើញយកបាវដំបងចេញពីរថយន្តមួយគ្រឿងរបស់សាលារាជធានី ហើយចែកគ្នា មុនពេលដើរសំដៅទៅរកក្រុមអ្នកតវ៉ា។ លោក អឿ ណារិទ្ធ បានលើកឡើងនៅក្នុងតុលាការកាលពីម្សិលមិញថា "ខ្ញុំឃើញសន្តិសុខខណ្ឌកាន់ដំបងជ័រពណ៌ខ្មៅ និងដំបងឫស្សី"។ ការសាកសួរលោក ឃិន ចំរើន ប្រធានចលនាយុវជនគណបក្សសង្គ្រោះជាតិបានចាប់ផ្តើមតែ១៥នាទីប៉ុណ្ណោះមុនពេលបិទនីតិវិធីជំនុំជម្រះ ដោយលោករៀបរាប់ប្រាប់តុលាការអំពីហេតុការណ៍នោះស្រដៀងគ្នានឹងការរៀបរាប់របស់លោក អឿ ណារិទ្ធ ដែរ។ នៅពេលព្រឹក តុលាការបានជំនុំជម្រះ និងច្រានចោលសំណើសុំនៅក្រៅឃុំរបស់លោក អ៊ុក ពេជ្រសំណាង និងលោក ទេព ណារិន ដែលស្ថិតក្នុងចំណោមសកម្មជនគណបក្សសង្គ្រោះជាតិប្រាំនាក់ ដែលកំពុងជាប់ពន្ធនាគានៅឡើយ។ ចៅក្រមជំនុំជម្រះអមសាលាដំបូងរាជធានីបានមានប្រសាសន៍ថា ពួកគាត់ទាំងពីរមិនអាចដោះលែងបានទេ ពីព្រោះលោកជឿថា ពួកគាត់នឹងមិនគោរពតាមនីតិវិធីរបស់តុលាការ ដោយលើកឡើងថា ពួកគាត់ទាំងពីរមិនបានចូលខ្លួនតាមការកោះហៅរបស់នគរបាលចំនួនពីរលើករួចមកហើយ មុនពេលពួកគាត់ត្រូវចាប់ខ្លួន។ នៅខាងក្រៅសាលសវនាការ លោក មាជ សុវណ្ណារ៉ា ប្រធានផ្នែកព័ត៌មានរបស់គណបក្សសង្គ្រោះជាតិ បានមានប្រសាសន៍ថា ថ្នាក់ដឹកនាំរបស់គណបក្សសង្គ្រោះជាតិ និងគណបក្សប្រជាជនកម្ពុជាអាចនឹងឈានដល់ការព្រមព្រៀងគ្នាដើម្បីបញ្ចប់ការឃុំខ្លួនលោក។ លោកបានមានប្រសាសន៍បន្ថែមថា "ខ្ញុំគិតថា សវនាការនេះពន្យារពេលដោយសារហេតុផលនយោបាយ។ លោក សម រង្ស៊ី លោក កឹម សុខា និងលោក ហ៊ុន សែន នឹងជួបគ្នានៅក្នុងពេលឆាប់ៗ។ ខ្ញុំសង្ឃឹមថា ការចរចារបស់ពួកគាត់នឹងបន្តវប្បធម៌សន្ទនា"។ សូមបញ្ជាក់ថា សវនាការនេះនឹងធ្វើឡើងជាបន្តនៅថ្ងៃទី២០ ខែមេសា៕សុខុម

ប័ណ្ណសារ

លោកនាយករដ្ឋមន្ត្រីលើកឡើងពីការផ្តល់រង្វាន់ដល់គ្រូបង្រៀនឆ្នើមពិភពលោក

- March 27, 2015

លោកនាយករដ្ឋមន្ត្រី ហ៊ុន សែន កាលពីថ្ងៃព្រហស្បតិ៍បានផ្តោតលើការប្រគល់រង្វាន់គ្រូបង្រៀនឆ្នើមពិភពលោក ជារង្វាន់ធំថ្មីដែលគ្រូបង្រៀនកម្ពុជាម្នាក់បានជាប់ក្នុងបញ្ជីជម្រើសចុងក្រោយនាពេលថ្មីៗ ដោយបានមានប្រសាសន៍ថា ការប្រកួតប្រជែងនោះប្រហែលត្រូវបានកំណត់យកអ្នកឈ្នះជាជនជាតិអាមេរិកទៅហើយ។ ថ្លែងនៅក្នុងឱកាសបិទសន្និបាតអប់រំ យុវជន និងកីឡា កាលពីថ្ងៃព្រហស្បតិ៍ នៅក្រុងភ្នំពេញ លោក ហ៊ុន សែន បានមានប្រសាសន៍ថា លោកបានតាមមើលការប្រកួតប្រជែងនេះពីក្រុងតូក្យូនៅដើមខែនេះ ហើយថាលោកបានបោះឆ្នោតតាមអីុនធឺណិតគាំទ្រអ្នកគ្រូ នាង ផល្លា ជាអ្នកប្រកួតផ្តាច់ព្រ័ត្រកម្ពុជា។ អ្នកគ្រូ ផល្លា បង្រៀននៅអង្គការ...

ប័ណ្ណសារ

មេធាវីលោក ដូរ៉ូសិនកូ ស្វះស្វែងសុំឲ្យលោកបាននៅក្រៅឃុំ

- March 27, 2015

មេធាវីលោក នីកូឡៃ ដូរ៉ូសិនកូ ពាណិជ្ជករជនជាតិរុស្សី កាលពីម្សិលមិញបានសុំឲ្យដោះ លែងបុរសអាយុ៥៤ឆ្នាំរូបនេះឲ្យនៅក្រៅឃុំ មួួយថ្ងៃបន្ទាប់ពីលោកត្រូវបានចាប់ខ្លួនក្នុងក្រុងព្រះសីហនុ និងត្រូវបានជាប់ពន្ធនាគារតាមការចោទប្រកាន់ពីបទឆបោកទាក់ទងទៅនឹងជម្លោះ មួួយក្នុងចំណោមជម្លោះជាច្រើនជាមួយលោក សេរហ្គេ ប៉ូលុនស្គី ។ កងរាជអាវុធហត្ថបានចាប់ខ្លួនលោក ដូរ៉ូសិនកូ កាលពីរសៀលថ្ងៃពុធ នៅភោជនីយដ្ឋានផ្ទះពស់របស់ក្រុមគ្រួសារលោក ក្នុងសង្កាត់លេខ៣ ចំពោះការមិនចូលរួមក្នុងសវនាការតុលាការចំនួនពីរលើកកាលពីខែមុនអំពីការចោទប្រកាន់ថា លោកបានក្លែងហត្ថលេខាលើឯកសារក្លែងក្លាយមួួយបោកប្រាស់ លោក ប៉ូលុនស្គី ក្នុងទឹកប្រាក់១០លានដុល្លារ។ ខណៈដែលលោក ដូរ៉ូសិនកូ កំពុងជាប់ឃុំនៅពន្ធនាគារខេត្តព្រះសីហនុ មេធាវីរបស់លោកគឺលោក ឈុន ជ្រា បានស្វះស្វែងឲ្យដោះលែងរូបលោក។ លោក ឈុន ជ្រា បានមានប្រសាសន៍ថា "ខ្ញុំបានដាក់លិខិតសុំនៅក្រៅឃុំទៅតុលាការនៅព្រឹកនេះ"។លោកបានបន្ថែមថា កូនក្តីរបស់លោកគ្មានកំហុសពាក់ព័ន្ធការចោទប្រកាន់ពីបទឆបោកឡើយ។ ការចោទប្រកាន់ទាំងនោះរួមមានការក្លែងហត្ថលេខា ការប្រើប្រាស់ឯកសារក្លែងក្លាយ និងរំលោភសេចក្តីទុកចិត្តពាក់ព័ន្ធក្រុមហ៊ុនSea Snake Investment Groupដែលលោក ដូរ៉ូសិនកូ និងលោក ប៉ូលុនស្គី មានភាគហ៊ុន។ មេធាវីលោក ប៉ូលុនស្គី ដែលគេតាមចាប់ខ្លួនក្នុងទីក្រុងមូស្គូតាមការចោទប្រកាន់ពី បទកិបកេងប្រាក់រាប់លានដុល្លារនោះបានអះអាងថា លោក ដូរ៉ូសិនកូន បានប្រើឯកសារក្លែងក្លាយបោកប្រាស់កូនក្តីរបស់ខ្លួនក្នុងទឹកប្រាក់១០លានដុល្លារ។ ពួកគេទាមទារឲ្យប្រគល់ប្រាក់១០លានដុល្លារមកវិញបូករួមទាំងប្រាក់សំណង២លានដុល្លារបន្ថែមទៀត។ លោក រស់ សារាំ ព្រះរាជអាជ្ញារងអមសាលាដំបូងខេត្តព្រះសីហនុបានមានប្រសាសន៍កាលពីម្សិលមិញថា មានករណីរឹងមាំប្រឆាំងលោក ដូរ៉ូសិនកូ។ លោកបានមានប្រសាសន៍ថា "ខ្ញុំជឿថា យើងមានភ័ស្តុតាងមួយចំនួនផ្អែកតាមផ្លូវច្បាប់ដើម្បីចោទប្រកាន់គាត់"។ នៅពេលត្រូវបានទាក់ទងកាលពីម្សិលមិញ លោក អូសថេប កូនប្រុសរបស់លោក ដូរ៉ូសិនកូ ដែលជាអនុសេនីយ៍ឯកក្នុងជួរកម្លាំងនគរបាលអន្តោប្រវេសន៍ខេត្តបានមានប្រសាសន៍ថា ក្រុមគ្រួសាររបស់លោកនឹងចាត់វិធានការផ្លូវច្បាប់ប្រឆាំងលោក ប៉ូលុនស្គី ឆ្លើយតបទៅនឹងការជាប់ពន្ធនាគាររបស់ឪពុកលោក។ លោកបានមានប្រសាសន៍ថា "លោក ប៉ូលុនស្គី គិតថា តាមច្បាប់គឺគាត់ត្រូវ។ ប៉ុន្តែ យើងនឹងចាំមើលនៅពេលខាងមុខថាតើនរណាខុស នរណាត្រូវ"៕សារុន (រាយការណ៍បន្ថែមដោយ Matt Blomberg)

ប័ណ្ណសារ

រដ្ឋាភិបាលសម្ពោធស្តូបរំឭកវិញ្ញាណក្ខន្ធនៅសារមន្ទីរទួលស្លែង សម្រាប់ជនរងគ្រោះដែលស្លាប់ក្នុងសម័យក្រហម

- March 27, 2015

នៅក្នុងពិធីសម្ពោធស្តូបរំឭកវិញ្ញាណក្ខន្ធថ្មីមួយនៅសារមន្ទីរប្រល័យពូជសាសន៍ទួលស្លែង កាលពីម្សិលមិញ ឯកអគ្គរដ្ឋទូតអាល្លឺម៉ង់ ចូអាជីម បារ៉ុន វ៉ុន ម៉ាស្កាល់ (Joachim Baron von Marschall) បានជំរុញឲ្យយុវជនកម្ពុជាកុំស្ទាក់ស្ទើរ ត្រូវហ៊ាននិយាយអំពីសម័យខ្មែរក្រហមដោយបើកចំហ ដោយលោកបានគូសបញ្ជាក់ថា យុវជនអាល្លឺម៉ង់នៅក្នុងទសវត្សរ៍ឆ្នាំ១៩៧០ " ហ៊ានចោទសួរសំណួរប៉ះពាល់ផ្លូវអារម្មណ៍" អំពីរបបប្រល័យពូជសាសន៍ហូឡូកូស (Holocaust)។ “អ្នកទាំងអស់គ្នាបានដឹងស្រាប់ហើយថា ប្រទេសរបស់ខ្ញុំបានឆ្លងកាត់សម័យដ៏ខ្មៅងងឹត" នេះជាអ្វីដែលលោក ចូអាជីម បារ៉ុន វ៉ុន...

ប័ណ្ណសារ

អ្នកបើកបររថយន្តធុនធំផ្ទុកលើសចំណុះ រត់គេចខ្លួនក្រោយបាក់ស្ពាននៅកំពង់ចាម

- March 27, 2015

មន្ត្រីបាននិយាយកាលពីម្សិលមិញថា ស្ពានមួយនៅក្នុងខេត្តកំពង់ចាម បានបាក់កាលពីយប់ថ្ងៃពុធ បន្ទាប់ពីអ្នកបើកបររថយន្តធុនធំម្នាក់បានព្យាយាមបើកឆ្លងស្ពាននេះ ដោយសារតែរថយន្តនោះផ្ទុកលើសទម្ងន់កំណត់ដល់ទៅជាងបួនដង។ លោក ម៉ុក បាវី អធិការរងនគរបាលស្រុកកងមាស បានមានប្រសាសន៍ថា រថយន្តដឹកអុសនេះបានបំផ្លាញស្ពានពោធិ៍សាលា ដែលភ្ជាប់ស្រុកកងមាស និងស្រុកព្រៃឈរនៅវេលាម៉ោងប្រហែល១១យប់ថ្ងៃពុធ។ លោកបានមានប្រសាសន៍ទៀតថា បុរសពីរនាក់ឈ្មោះ វីន វ៉ាត អាយុ២៩ឆ្នាំ និង លិញ ណាត អាយុ៣៣ឆ្នាំ ជាកម្មករលើរថយន្តនេះ បានប្រាប់អត្តសញ្ញាណអ្នកបើកបរថាមានឈ្មោះ "សម្បត្តិ"។ ពួកគេបានប្រាប់នគរបាលថា...

translate

Latest news

សហភាពអឺរ៉ុបនិងអង្គការសហប្រជាជាតិដូរចិត្តរឿងជួលសណ្ឋាគារប្រកាសបេសកកម្មបង្ក្រាបការជួញដូរមនុស្សនៅកម្ពុជា

លោក ស៊ី ជីនពីង នឹងប្រឈមនឹងសំណួរទាក់ទងនឹងរុស្ស៊ី ក្នុងដំណើរទស្សនកិច្ចទៅអឺរ៉ុប

សមាជិកសហភាពអឺរ៉ុបអំពាវនាវរដ្ឋាភិបាលកម្ពុជាការពារអ្នកកាសែតក្នុងទិវាសេរីភាពសារព័ត៌មាន

ក្រសួងការពារជាតិអះអាងថាករណីផ្ទុះឃ្លាំងគ្រាប់នៅខេត្តកំពង់ស្ពឺមិនមែនដោយសារចលនាបះបោរនោះទេ

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។