TAG
translate
អ្នកភូមិបឹងកក់ទាមទារប័ណ្ណកម្មសិទ្ធិដីដោយតវ៉ាតាមមហាវិថីសហព័ន្ធរុស្ស៊ី
អ្នកតវ៉ាព្យាយាមទាក់ទាញការចាប់អារម្មណ៍ពីលោកនាយករដ្ឋមន្ត្រី ហ៊ុន សែន តាមបណ្តោយមហាវិថីសហព័ន្ធរុស្សី នៅក្នុងការខិតខំប្រឹងប្រែងរយៈពេលជាច្រើនឆ្នាំទាមទារប័ណ្ណកម្មសិទ្ធិដីដោយមានកាន់បដា និងឧគ្ឃោសនស័ព្ទដែលត្រូវបានសន្តិសុខរឹបអូសយក។
អ្នកភូមិប្រហែល៦០គ្រួសារដែលរស់នៅផ្នែកខាងត្បូងតំបន់បឹងកក់បានទាមទារប័ណ្ណកម្មសិទ្ធិសម្រាប់ផ្ទះសំបែងរបស់ខ្លួនរយៈពេលជាច្រើនឆ្នាំមកហើយ។
ស្ត្រី១០នាក់មកពីក្រុមនេះបានប្រមូលផ្តុំគ្នានៅទល់មុខក្រសួងការពារជាតិនៅព្រឹកម្សិលមិញ ដោយសង្ឃឹមថា នឹងទាក់ទាញការចាប់អារម្មណ៍ពីលោកនាយករដ្ឋមន្ត្រី ប៉ុន្តែ បានចាកចេញវិញ បន្ទាប់ពីសន្តិសុខខណ្ឌបានចាប់យកបដា និងឧគ្ឃោសនសព្ទរបស់ពួកគាត់។
ដោយមិនរួញរា ពួកគាត់បានត្រឡប់មកវិញនៅពេលរសៀលដោយកាន់បដាតូចជាងមុន។អ៊ុច សុមា៉លី ជាអ្នកតវ៉ាម្នាក់បាននិយាយថា "យើងមកទីនេះកាន់បដាសុំឲ្យលោកនាយករដ្ឋមន្ត្រី ហ៊ុន សែន ជួយអន្តរាគមន៍ និងផ្តល់ប័ណ្ណកម្មសិទ្ធិដីឲ្យពួកយើង។ យើងឮថា លោកនឹងធ្វើដំណើរតាមផ្លូវនេះ ដូច្នេះហើយយើងចង់បង្ហាញកង្វល់របស់យើងដល់លោក ពីព្រោះអាជ្ញាធរមូលដ្ឋានមិនអាចរកដំណោះស្រាយជូនពួកយើងបានឡើយ។
ក្រុមអ្នកតវ៉ាបានបំបែកគ្នា បន្ទាប់នគរបាលរាជធានីបានប្រាប់ពួកគាត់ថា ពួកគេនឹងទំនាក់ទំនងពីការទាមទាររបស់គ្រួសារទាំងនេះទៅសាលារាជធានី ។
នគរបាលក៏បានប្រាប់ក្រុមអ្នកតវ៉ាផងដែរថា ពួកគាត់នឹងត្រូវបានអនុញ្ញាតឲ្យមកយកបដា និងឧគ្ឃោសនសព្ទវិញនៅថ្ងៃនេះ។
គេមិនអាចទាក់ទងលោក ឡុង ឌីម៉ង់ អ្នកនាំពាក្យសាលារាជធានីដើម្បីសុំអត្ថាធិប្បាយបានទេ៕សារុន
នគរបាលបិទមជ្ឈមណ្ឌលបណ្តុះបណ្តាលវិជ្ជាជីវៈមួយដែលសន្យានាំពលករទៅក្រៅប្រទេស
កាលពីម្សិលមិញ មន្ត្រីមួួយរូបបានឲ្យដឹងថា កាលពីថ្ងៃពុធ នគរបាលប្រឆាំងការជួញដូរមនុស្សបានចាប់ខ្លួនស្ត្រីបានម្នាក់ បន្ទាប់ពីខ្លួនរកឃើញថា ស្ត្រីរូបនេះកំពុងបើកមជ្ឈមណ្ឌលបណ្តុះបណ្តាលវិជ្ជាជីវៈគ្មានអាជ្ញាប័ណ្ណនៅក្នុងខណ្ឌមានជ័យ រាជធានីភ្នំពេញ ដែលសន្យាបញ្ជូនសិស្សទៅធ្វើការនៅប្រទេសជប៉ុន ឬកូរ៉េខាងត្បូងបន្ទាប់ពីបង់ថ្លៃសិក្សានោះ។
លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញបានលើកឡើងថា លោកបានបង្គាប់ឲ្យមជ្ឈមណ្ឌលនេះបិទទ្វារ បន្ទាប់ពីទទួលបានពាក្យបណ្តឹង ប៉ុន្តែ លោកបានបដិសេធមិនធ្វើអត្ថាធិប្បាយបន្ថែមឡើយ។
លោក ជីវ ផល្លី អនុប្រធាននាយកដ្ឋានប្រឆាំងការជួញដូរមនុស្សនៃក្រសួងមហាផ្ទៃបានលើកឡើងថា មជ្ឈមណ្ឌលបណ្តុះបណ្តាលវិជ្ជាជីវៈ Elite បានធ្វើប្រតិបត្តិការអស់រយៈពេលជិតបួនខែមកហើយនៅក្នុងសង្កាត់ស្ទឹងមានជ័យមុនពេលនាយកដ្ឋានរបស់លោកទទួលបានពាក្យបណ្តឹង។
ឧត្តមសេនីយ៍ទោ ផល្លី បានមានប្រសាសន៍ថា "បន្ទាប់ពីយើងទទួលបានពាក្យបណ្តឹងពីស្ត្រីចំនួនបួននាក់...យើងបានទាក់ទងទីភ្នាក់ងារជ្រើសរើសពលករ និងក្រសួងការងារ។ ក្រសួងនេះបានប្រាប់យើងថា មជ្ឈមណ្ឌលនេះមិនបានចុះបញ្ជីឡើយ ហើយមិនដែលដាក់ពាក្យសុំអាជ្ញាប័ណ្ណទេ"។
ឧត្តមសេនីយ៍ទោ ផល្លី បានលើកឡើងទៀតថា នាយកដ្ឋានរបស់លោកបានចាប់ខ្លួនឈ្មោះងួន សៀងហ៊ុន អាយុ២៥ ឆ្នាំដែលជាម្ចាស់មជ្ឈមណ្ឌលនេះកាលពីល្ងាចថ្ងៃពុធ ហើយថា កំពុងត្រូវបានឃុំខ្លួននៅឡើយសម្រាប់ការសាកសួរ។
លោកបានមានប្រសាសន៍ថា "យើងគ្មានព័ត៌មានអំពីថា តើម្ចាស់មជ្ឈមណ្ឌលនេះបានបញ្ជូនពលករណាម្នាក់ទៅជប៉ុនឡើយ ប៉ុន្តែ វាមានការលំបាកព្រោះនាងតែងតែកុហក់យើង"។ លោកបានបន្ថែមថា លោកសង្ស័យម្ចាស់មជ្ឈមណ្ឌលរូបនេះកំពុងលាក់បាំងម្ចាស់មជ្ឈមណ្ឌលពិតប្រាកដ។
លោកបានបន្ថែមទៀតថា មជ្ឈមណ្ឌលនេះមានសិស្សតែ១៤នាក់ប៉ុណ្ណោះ ក្នុងនោះមានបួននាក់បានដាក់ពាក្យបណ្តឹង។
បន្ទាប់ពីនគរបាលបានសម្ភាសសិស្សទាំងនេះ ឧត្តមសេនីយ៍ទោ ផល្លី បានលើកឡើងថា គេបានរកឃើញថា សិស្សទាំងេនះត្រូវគេតម្រូវឲ្យបង់ប្រាក់១៥ដុល្លារសម្រាប់ការចុះឈ្មោះ ៣.០០០ដុល្លារសម្រាប់ថ្លៃសិក្សា និងឯកសារផ្សេងៗពាក់ព័ន្ធនឹងការធ្វើដំណើរទៅប្រទេសជប៉ុន ឬកូរ៉េខាងត្បូង និងប្រាក់ចំនួន៣.០០០ដុល្លារបន្ថែមទៀតនៅពេលណាពួកគេទៅដល់ប្រទេសក្រៅ។
ឧត្តមសេនីយ៍ទោ ផល្លី បានឲ្យដឹងបន្តថា អំឡុងពេល សៀងហ៊ុន ត្រូវបានចាប់ខ្លួន មានសិស្សតែបីនាក់ប៉ុណ្ណោះបានបង់ប្រាក់ប្រហែល១.០០០ដុល្លារក្នុងម្នាក់ៗ ហើយអ្នកផ្សេងៗទៀតបានបង់អស់១៥០ដុល្លារ។
លុច រំដួល អាយុ២២ឆ្នាំ សិស្សម្នាក់ក្នុងចំណោមសិស្សទាំងបួនដែលបានដាក់ពាក្យបណ្តឹងមកកាន់នគរបាលបានលើកឡើងថា នាងបានចាប់ផ្តើមសង្ស័យមជ្ឈមណ្ឌល បន្ទាប់ពីពួកគេបានប្រាប់នាងថា នាងអាចត្រូវបង់ថ្លៃសិក្សាខុសពីការព្រមព្រៀងគ្នាលើកមុន។
រំដួល បាននិយាយថា "ពីមុនម្ចាស់មជ្ឈមណ្ឌលបានប្រាប់ខ្ញុំឲ្យបង់៣.០០០ដុល្លារ ហើយខ្ញុំនឹងត្រូវបានបញ្ចូនទៅធ្វើការនៅជប៉ុន ប៉ុន្តែ នៅថ្ងៃបន្ទាប់គាត់ប្រាប់ខ្ញុំថា គាត់ច្រឡំហើយថា ប្រាក់៣.០០០ដុល្លារ គឺគ្រាន់តែជាថ្លៃដែលត្រូវបង់នៅកម្ពុជាប៉ុណ្ណោះ"។
លោក មឿន តុលា ប្រធានកម្មវិធីការងារនៅមជ្ឈមណ្ឌលអប់រំច្បាប់កម្ពុជាបានលើកឡើងថា មជ្ឈមណ្ឌលដូចមជ្ឈមណ្ឌលនៅក្នុងខណ្ឌមានជ័យគឺវាជារឿងសាមញ្ញទៅហើយនៅកម្ពុជា។
លោកបានមានប្រសាសន៍ថា "វាជារៀងសាមញ្ញទៅហើយដែលមជ្ឈមណ្ឌលបណ្តុះបណ្តាលវិជ្ជាជីវៈបំភ្លៃព័ត៌មាន ហើយធ្វើឲ្យសាធារណជនយល់ច្រឡំថា ខ្លួនមានអាជ្ញាប័ណ្ណក្នុងការបញ្ជូនពលករទៅក្រៅប្រទេស"។
លោក មឿន តុលា បានបន្ថែមថា លោកតែងតែឮការផ្សព្វផ្សាយតាមវិទ្យុពីមជ្ឈមណ្ឌលស្រដៀងគ្នាៗនេះ ដោយសន្យាបញ្ជូនពលករទៅក្រៅប្រទេស ទោះបីជាពួកគេគ្មានអាជ្ញាប័ណ្ណក៏ដោយ។
លោកបានមានប្រសាសន៍ថា "ខ្ញុំមិនយល់ទេ ហេតុអ្វីបានជារដ្ឋាភិបាលមិនអាចគ្រប់គ្រងលើវិធីសាស្ត្រដែលទីភ្នាក់ងារទាំងនេះប្រើដើម្បីផ្សព្វផ្សាយព័ត៌មានមិនពិតដល់សាធារណជននោះ"៕ស៊ុយឈាង (រាយការណ៍បន្ថែមដោយ Chris Mueller)
កុមារបួននាក់រងរបួសដោយយុទ្ធភណ្ឌមិនទាន់ផ្ទុះក្នុងខេត្តសៀមរាប
នគរបាលបាននិយាយកាលពីម្សិលមិញថា កុមារបួននាក់បានរងរបួស ដែលពីរនាក់ក្នុងចំណោមពួកគេរបួសធ្ងន់ បន្ទាប់ពីពួកគេលេងគ្រាប់មិនទាន់ផ្ទុះ នៅជិតសាលារៀនរបស់ខ្លួនស្ថិតក្នុងស្រុកជីក្រែង ខេត្តសៀមរាបកាលពីថ្ងៃអង្គារ។
លោក តូច សាកល អធិការនគរបាលស្រុកបានមានប្រសាសន៍ថា កុមារទាំងបួននេះបានឃើញគ្រាប់ផលិតនៅប្រទេសចិននេះលាក់នៅក្នុងដើមឈើមួយដើមខាងក្រៅសាលារបស់ខ្លួន ដែលជាបន្ទាយទាហានរដ្ឋាភិបាលអំឡុងសង្គ្រាមស៊ីវិលប្រឆាំងខ្មែរក្រហមក្នុងទសវត្សរ៍ឆ្នាំ១៩៨០ នៅក្នុងឃុំពង្រក្រោម។
លោកបានមានប្រសាសន៍ថា "នៅក្នុងស្រុកជីក្រែង វាកម្រមានយុទ្ធភណ្ឌមិនទាន់ផ្ទុះផ្ទុះណាស់ ប៉ុន្តែនៅពេលនេះ វាបានកើតឡើងពីព្រោះក្មេងប្រុសទាំងនេះមិនដឹងថា វាជាអ្វីនោះឡើយ"។
លោក សាកល បានមានប្រសាសន៍ថា ក្មេងប្រុសទាំងបួននាក់នេះឈ្មោះ ដា វុធ អាយុ១០ឆ្នាំ ជា...
សាលាដំបូងរាជធានីសាកសួរអតីតព្រះសង្ឃដែលត្រូវបានចាប់ផ្សឹកជុំវិញការចោទប្រកាន់ដ៏ចម្រូងចម្រាស
មន្ត្រីអង្គការមិនមែនរដ្ឋាភិបាលមួយរូបបានលើកឡើងថា កាលពីម្សិលមិញសាលាដំបូងរាជធានីបានសាកសួរអតីតព្រះសង្ឃដែលត្រូវបានចាប់ផ្សឹកបីនាក់ ជុំវិញការចោទប្រកាន់ពីបទ "ចូលរួមសមាគមទុច្ចរិត"។
លោក អំ សំអាត ប្រធានផ្នែកបច្ចេកទេសស៊ើបអង្កេតនៅអង្គការសិទ្ធិមនុស្សលីកាដូ បានមានប្រសាសន៍ថា ចៅក្រមស៊ើបសួរ នូ វាសនា បានសាកសួរអន្ទិត សឿង ហៃ អាយុ២៨ឆ្នាំ អន្ទិត ឃិត វណ្ណៈ អាយុ២៦ឆ្នាំ និងអន្ទិត សាង កុសល អាយុ១៩ឆ្នាំ...
បេសកជនអង្គការសហប្រជាជាតិ និងរដ្ឋាភិបាលពិភាក្សាអំពីសំណុំរឿងតុលាការខ្មែរក្រហម
ក្នុងពេលមានការរិះគន់ទាក់ទងនឹងការខកខានរបស់តុលាការខ្មែរក្រហមមិនបានចាប់ខ្លួនអតីតមេបញ្ជាការកងទ័ពជើងទឹក មាស មុត និងមេស្រុក អុឹម ចែម ដែលត្រូវចោទប្រកាន់កំបាំងមុខ កាលពីដើមខែនេះ អ្នកជំនាញពិសេសរបស់អង្គការសហប្រជាជាតិស្តីពីតុលាការ បានជួបជាមួយលោកឧបនាយករដ្ឋមន្ត្រី សុខ អាន កាលពីម្សិលមិញដើម្បីពិភាក្សាអំពីសំណុំរឿង ក្នុងនោះមានបញ្ហាតុលាការផងដែរ។
ការស៊ើបអង្កេតក្នុងសំណុំរឿង ០០៣ និង ០០៤ ដែលទាក់ទងនឹងឧក្រិដ្ឋកម្មប្រព្រឹត្តឡើងក្នុងរបប ប៉ុល ពត ដោយពួកមន្ត្រីដែលមិនមែនជាសមាជិកជាន់ខ្ពស់បំផុតរបស់របបនោះ បានចាប់ផ្តើមក្នុងឆ្នាំ២០០៩ ហើយប្រឈមនឹងការជំទាស់ពីរដ្ឋាភិបាល ដោយលោកនាយករដ្ឋមន្ត្រី ហ៊ុន សែន បានប្រឆាំងម្តងហើយម្តងទៀតនឹងការបន្តសំណុំរឿងនោះ។
កាលពីពីរឆ្នាំកន្លងទៅនេះ សហចៅក្រមស៊ើបអង្កេតអន្តរជាតិ លោក ម៉ាក ហាមុ៉ន បានជំរុញសំណុំរឿងនោះតែម្នាក់ឯង ក្នុងពេលដែលដៃគូជនជាតិខ្មែររបស់លោកគឺ យូ ប៉ុនឡេង បានបដិសេធមិនជួយស៊ើបអង្កេតទេ។
យោងតាមសេចក្តីថ្លែងការណ៍រួមមួយបានឲ្យដឹងថា កាលពីម្សិលមិញ លោក អាន ដែលធ្វើជាប្រធានក្រុមការងាររដ្ឋាភិបាលក្នុងតុលាការខ្មែរក្រហម បានជួបនៅក្នុងទីក្រុងភ្នំពេញជាមួយអ្នកជំនាញពិសេសអង្គការសហប្រជាជាតិស្តីពីអង្គជំនុំជម្រះវិសាមញ្ញក្នុងតុលាការកម្ពុជា លោក ដេវិដ សេហ្វហ្វឺ សម្រាប់ "ការប្រជុំដោយស្ថាបនា"។
សេចក្តីថ្លែងការនិយាយថា "មន្ត្រីទាំងពីរបានសម្តែងការបន្តការគាំទ្រទាំងស្រុងចំពោះកិច្ចសហប្រតិបត្តិការនៅក្នុងការអនុវត្តបទបញ្ញត្តិនានានៃច្បាប់ អ.វ.ត.ក. និងកិច្ចព្រមព្រៀងអង្គការសហប្រជាជាតិ/កម្ពុជា ដើម្បីបំពេញអណត្តិយុត្តិធម៌និងនីតិវិធីនៃអង្គជំនុំជម្រះវិសាមញ្ញក្នុងតុលាការកម្ពុជា"។
លោក ឡាស អូលសិន អ្នកនាំពាក្យតុលាការខ្មែរក្រហម បានមានប្រសាសន៍ថា លោក អាន និងលោក សេហ្វហ្វឺ បានពិភាក្សាអំពីសំណុំរឿង ០០៣ និង ០០៤ ប៉ុន្តែ លោកមិនអាចផ្តល់សេចក្តីពិស្តារបានទេ។
លោក អូលសិន បានមានប្រសាសន៍ថា "ពួកគេបានពិភាក្សាបញ្ហាមួយចំនួនដែលទាក់ទងនឹងតុលាការនិងព្រឹត្តិការណ៍វិវត្តនៃតុលាការ ហើយខ្ញុំអាចបញ្ជាក់ថា សំណុំរឿង ៣ និង ៤ គឺជាផ្នែកនៃការពិភាក្សានោះ"។
កិច្ចប្រជុំនោះបានធ្វើឡើងរយៈពេលពីរថ្ងៃប៉ុណ្ណោះ បន្ទាប់ពីអង្គការឃ្លាំមើលសិទ្ធិមនុស្ស Human Rights Watch ដែលមានមូលដ្ឋាននៅសហរដ្ឋអាមេរិក បានថ្កោលទោសរដ្ឋាភិបាល និងអង្គការសហប្រជាជាតិ ដោយសារការខកខានមិនចាប់ខ្លួនលោក មាស មុត និងអ្នកស្រី អុឹម ចែម ដោយអំពាវនាវសុំឲ្យអង្គការសហប្រជាជាតិដកខ្លួនចេញពីការចូលរួមក្នុងតុលាការ ប្រសិនបើរដ្ឋាភិបាលបន្តរារាំងការកាត់ទោសក្នុងសំណុំរឿងទាំងនោះ។
កាលពីថ្ងៃច័ន្ទ អង្គការផ្តួចផ្តើមគំនិតយុត្តិធម៌សង្គមបើកចំហ ដែលឃ្លាំមើលតុលាការខ្មែរក្រហម បានចេញរបាយការណ៍ខ្លីមួយដែលបានអះអាងថា ដីកាចាប់ខ្លួនយ៉ាងហោចណាស់មួយត្រូវបានចេញដោយចៅក្រម ហាម៉ុន ហើយការខកខានមិនបានអនុវត្តដីកាដោយប៉ូលិសយុត្តិធម៌ "គឺជាការចំអកលេងសើច" របស់តុលាការ។
អង្គការផ្តួចផ្តើមគំនិតយុត្តិធម៌សង្គមបើកចំហ បាននិយាយថា កង្វះតម្លាភាពដោយអង្គការសហប្រជាជាតិនិងមន្ត្រីអន្តរជាតិរបស់តុលាការគឺ "គួឲ្យហួសចិត្ត"។
សួរថាតើមានការព្រួយបារម្ភអំពីតុលាការដែលទាក់ទងនឹងការអនុវត្តដីកាចាប់ខ្លួននោះ លោក អូលសិន បានឆ្លើយតបថា ៉ដំបូងបង្អស់ បញ្ហាអំពីដីកាចាប់ខ្លួន ថាតើដីកានោះត្រូវបានចេញឬអត់ ឬថាតើមានដីកាប៉ុន្មានដែលសម្ងាត់ ហើយខ្ញុំមិនអាចអត្ថាធិប្បាយទៅលើស្ថានការណ៍ជាសម្មតិកម្មអនាគតណាមួយបានទេ"។
លោក មាស មុត ដែលជាប់ចោទពីបទធ្វើវិសុទ្ធិកម្មទាហានខ្មែរក្រហមនិងសម្លាប់ជនបរទេសដែលចាប់បាននៅដែនសមុទ្រ និងអ្នកស្រី អុឹម ចែម ដែលសង្ស័យថា បានអនុវត្តវិសុទ្ធិកម្មនៅតំបន់ពាយព្យ បានសម្តែងការព្រួយបារម្ភតិចតួចអំពីបទចោទឧក្រិដ្ឋកម្មប្រឆាំងមនុស្សជាតិ។
នៅពេលសួរកាលពីម្សិលមិញ ថាតើប៉ូលិសនឹងអនុវត្តដីកាចាប់ខ្លួននៅក្នុងសំណុំរឿងនោះ លោក ម៉ៅ ច័ន្ទតារា ដែលទទួលបន្ទុកប៉ូលិសនៅឯតុលាការខ្មែរក្រហម បានសម្តែងការព្រួយបារម្ភ ដែលលើកឡើងដោយលោក ហ៊ុន សែន ដែលថា ទង្វើបែបហ្នឹង អាចធ្វើឲ្យមានអស្ថិរភាពដោយអតីតទាហានខ្មែរក្រហមនឹងចាប់កាន់អាវុធឡើងវិញ។
លោក ច័ន្ទតារា បានមានប្រសាសន៍ថា “ បន្តដំណើរការ យើងត្រូវពិនិត្យមើល... ជាពិសេសយើងត្រូវសិក្សាផលប៉ះពាល់សន្តិសុខ នោះគឺជាបញ្ហាធំបំផុត"។
លោក ច័ន្ទតារា បានបន្តថា" ប្រសិនបើយើងបន្តដំណើរការ តើវាមានឥទ្ធិពលអ្វីខ្លះទៅលើសន្តិសុខ"។ លោកបានចោទសួរទាក់ទងនឹងការគាំទ្រជាសាធារណៈសម្រាប់ការកាត់ទោសបន្ថែមទៀត និងសួរថាតើតុលាការខ្មែរក្រហមអាចជា ៉ដំណើរការធ្វើឲ្យបែកបាក់ជាតិ៉"ឬយ៉ាងណា។
លោក ខៀវ សុភ័ក្រ អ្នកនាំពាក្យក្រសួងមហាផ្ទៃបានគេចមិនឆ្លើយសំណួរថាតើ ប៉ូលិសនឹងអនុវត្តដីកាចាប់ខ្លួន ដោយប្រាប់អ្នកយកព័ត៌មានថា លោក"មិនចង់និយាយជាមួយអ្នកឯងទេ" អំពីបញ្ហានោះ។ ប៉ុន្តែ លោកបានសម្តែងមន្ទិលសង្ស័យថា ដីកានឹងមិនអាចចេញបានទេ។
នាយឧត្តមសេនីយ៍ ខៀវ សុភក្របានមានប្រសាសន៍ថា "ខ្ញុំជឿថាដីកាមិនអាចចេញបានទេ។ ព្រះរាជអាជ្ញាមានពីរ មួយខ្មែរ មួយបរទេស...ហើយចៅក្រមពីរនាក់ផងដែរ"៕ រើន
អ្នកនយោបាយជនជាតិអ៊ុយក្រែនត្រូវបានលុបឈ្មោះចេញពីបញ្ជីឈ្មោះដែលនគរបាលអាំងទែប៉ូលតាមចាប់ខ្លួន
សមាជិកសភាអ៊ុយក្រែនមួយរូបដែលអាជ្ញាធរកម្ពុជាកំពុងតែតាមស្វែងរកជុំវិញការចោទប្រកាន់ពីបទរំលោភបំពានផ្លូវភេទកុមារត្រូវបានលុបឈ្មោះចេញពីបញ្ជីឈ្មោះដែលនគរបាលអាំងទែប៉ូលតាមចាប់ខ្លួនបំផុតកាលពីយប់ថ្ងៃអង្គារ ព្រោះបើយោងតាមការិយាល័យនគរបាលអាំងទែប៉ូលកម្ពុជាបានឲ្យដឹងថា "ករណីនេះមានជាប់ពាក់ព័ន្ធនឹងរឿងនយោបាយនៅក្នុងប្រទេសអ៊ុយក្រែន និងរុស្សី"។
នគរបាលអាំងទែប៉ូល បានចេញនិវេទន៍ក្រហមសម្រាប់លោក មីកូឡា ខ្ញាហ្សុឺស្គី (Mykola Kniazhytsky) អាយុ៤៦ឆ្នាំ កាលពីថ្ងៃច័ន្ទ ពីបទរំលោភអនីតិជននៅក្នុងរាជធានីភ្នំពេញកាលពីថ្ងៃទី៩ ខែកញ្ញា ឆ្នាំ២០១១។
តែទោះជាយ៉ាងណា នៅពេលទាក់ទងកាលពីម្សិលមិញ មន្ត្រីកម្ពុជាជាច្រើននាក់ដែលជាធម្មតាដោះស្រាយបញ្ហាពាក់ព័ន្ធនឹងបទល្មើសរំលោភបំពានផ្លូវភេទលើកុមារបានលើកឡើងថា ខ្លួនមិនដឹងអ្វីឡើយអំពីករណីនេះ។ កាលពីម្សិលមិញ លោក លឹម ឈាងឡេង ជំនួយការប្រធានការិយាល័យនគរបាលអាំងទែប៉ូលកម្ពុជាបានបញ្ជាក់ថា និវេទន៍ក្រហមនេះត្រូវបានលុបចោលហើយ។
លោក ឈាងឡេង បានមានប្រសាសន៍ថា "នគរបាលអន្តរជាតិអាំងទែប៉ូលបានលុបចោលនិវេទន៍ក្រហមរួចហើយ ព្រោះករណីនេះជាប់ពាក់ព័ន្ធនឹងរឿងនយោបាយនៅក្នុងប្រទេសអ៊ុយក្រែន និងរុស្សី ។ យើងមិនបានដឹងអ្វីបន្ថែមទៀតឡើយអំពីករណីនេះព្រោះវាជាសំណុំរឿងរបស់តុលាការ"។
លោក ឈាងឡេង បានបដិសេធមិនផ្តល់ព័ត៌មានលម្អិតអំពីករណីរបស់លោក ខ្ញាហ្សុឺស្គី ឡើយ គឺបានត្រឹមតែលើកឡើងថា ការិយាល័យនគរបាលអាំងទែប៉ូលកម្ពុជាបានទទួលដីកាចាប់ខ្លួនជនជាតិអ៊ុយក្រែនរូបនេះពីសាលាដំបូងរាជធានីភ្នំពេញកាលពីថ្ងៃទី១០ ខែមីនា ប៉ុណ្ណោះ។ នៅពេលត្រូវបានសួរថា តើគេដាក់ពាក្យបណ្តឹងអំពីការចាប់រំលោភនេះនៅពេលណា លោកបានមានប្រសាសន៍ថា "អស់លោកគួរតែទៅសួរតុលាការទៅ"។
ចៅក្រម ឆែ វីរៈ បានលើកឡើងត្រឹមតែថា លោកបានបញ្ចប់ការសើុបអង្កេត ហើយចេញដីកាចាប់ខ្លួន។
លោកបានមានប្រសាសន៍ថា "ខ្ញុំមិនអាចផ្តល់អត្ថាធិប្បាយបានឡើយ ព្រោះខ្ញុំគ្មានឯកសារក្នុងដៃ"។
នៅពេលការចោទប្រកាន់ពីបទចាប់រំលោភបានលេចឡើងកាលពីថ្ងៃច័ន្ទ លោក ខ្ញាហ្សុឺស្គី បានលើកឡើងម្តងហើយម្តងទៀតថា ករណីនេះត្រូវបានប្រឌិតឡើងដោយលោក កុនស្តានទីន កាហ្គាឡូវស្គី (Konstantin Kagalovsky) មហាសេដ្ឋីជនជាតិរុស្សី ដែលធ្លាប់គ្រប់គ្រងបណ្តាញទូរទស្សន៍អ៊ុយក្រែនឈ្មោះថា TVi ជាទីដែលសមាជិកសភាអ៊ុយក្រែនរូបនេះធ្លាប់ធ្វើជានាយកប្រតិបត្តិ។
លោក ខ្ញាហ្សុឺស្គី បានអះអាងថា លោក កាហ្គាឡូវស្គី មានទំនាក់ទំនងយ៉ាងជិតស្និទ្ធជាមួយអ្នកនយោបាយរុស្សី ហើយបានគូសបញ្ជាក់ថា លោក ហោ ណាំហុង រដ្ឋមន្ត្រីក្រសួងការបរទេសបានទៅទីក្រុងម៉ូស្គូសម្រាប់កិច្ចប្រជុំមួយចំនួនជាមួយសមភាគីរុស្សីរបស់លោក គឺលោក សេរហ្គេ ឡាវរ៉ូវ (Sergei Lavrov) កាលពីថ្ងៃទី២ដល់ថ្ងៃទី៤ ខែមីនា ដោយអំឡុងពេលនោះពួកគាត់ទាំងពីរបានពិភាក្សាអំពីការបង្កើតសន្ធិសញ្ញាបត្យាប័នរវាងប្រទេសទាំងពីរ។
នៅពេលទាក់ទងកាលពីម្សិលមិញ លោក កុយ គួង អ្នកនាំពាក្យក្រសួងការបរទេសបានលើកឡើងថា លោក ខ្ញាហ្សុឺស្គី...
អង្គការមិនមែនរដ្ឋាភិបាលលើកឡើងថា មន្ត្រីកម្ពុជាធ្វើដំណើរ ទៅប្រទេសណូរូជាថ្មីម្តងទៀត
យោងតាមអង្គការដែលមានមូលដ្ឋាននៅប្រទេសអូស្ត្រាលីដែលតស៊ូមតិសម្រាប់សិទ្ធិជនភៀសខ្លួនបានឲ្យដឹងថា ជនភៀសខ្លួននៅក្នុងប្រទេសណូរូបាននិយាយថា មន្ត្រីកម្ពុជាបានត្រឡប់មកប្រទេសដែនកោះបាស៊ីហ្វិកខាងត្បូងដ៏តូចនេះជាថ្មីម្តងទៀតព្យាយាមបញ្ចុះបញ្ចូលពួកគេមួយចំនួនឲ្យតាំងទីលំនៅក្នុងប្រទេសកម្ពុជា។
ពីដំបូងប្រទេសកម្ពុជាបានបញ្ជូនគណៈប្រតិភូទៅប្រទេសណូរូកាលពីខែមករា បួនខែបន្ទាប់ពីសម្រេចបានកិច្ចព្រមព្រៀងជាមួយក្រុងកង់បេរ៉ាទទួលយកជនភៀសខ្លួនមួយចំនួនក្នុងចំណោមជនភៀសខ្លួនរាប់រយនាក់ដែលប្រទេសអូស្ត្រាលីកំពុងឃុំខ្លួននៅលើកោះនេះ ជាថ្នូរនឹងទឹកប្រាក់ជំនួយ៣៥លានដុល្លារបន្ថែមសម្រាប់រយៈពេលបួនឆ្នាំក្រោយ។
មន្ត្រីទាំងនេះបានជួបជាមួយពួកគេបីគ្រួសារប៉ុណ្ណោះក្នុងដំណើរមកលើកនេះ ហើយមិនអាចបញ្ចុះបញ្ចូលពួកគេឲ្យទទួលយកអ្វីដែលជាសំណើនោះឡើយ។ ជនភៀសខ្លួននៅលើកោះនេះបានធ្វើការតវ៉ាជាច្រើនលើកជំទាស់នឹងកិច្ចព្រមព្រៀងនេះ។
កាលពីម្សិលមិញ លោក Ian Rintoul នៅសម្ព័ន្ធសកម្មភាពជនភៀសខ្លួនបានមានប្រសាសន៍ថា ជនភៀសខ្លួនបានប្រាប់លោកនៅពេលលោកទាក់ទងពួកគេនៅប្រទេសណូរូថា គណៈប្រតិភូកម្ពុជាទី២បានមកដល់កោះនេះកាលពីថ្ងៃអាទិត្យ ហើយនៅទីនោះនៅឡើយដើម្បីជួបជាមួយគ្រួសារទាំងនោះ។
លោកបានមានប្រសាសន៍ថា "មន្ត្រីកម្ពុជាស្ថិតនៅប្រទេសណូរូ។ ពួកគេកំពុងរៀបចំជំនួបជាច្រើនដោយប្រើភាសាខុសៗគ្នា។ មានមនុស្សតែពីរនាក់ប៉ុណ្ណោះមកពីគ្រួសារទាំងនោះ...បានទៅចូលរូមជំនួបនោះ"។ប្រទេសកម្ពុជាបានបដិសេធថា មិនបានធ្វើដំណើរទៅទេ។
លោក ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍កាលពីថ្ងៃអង្គារថា មិនមានមន្ត្រីកម្ពុជាបានធ្វើដំណើរទៅប្រទេសណូរូទេចាប់តាំងពីខែមករាមក ហើយថា មិនមានមន្ត្រីនៅទីនោះទេបច្ចុប្បន្ននេះ...
នគរបាលចាប់ខ្លួនប្តីប្រពន្ធពីរនាក់បន្ទាប់ពីចាប់បង្ខាំងអ្នកជិតខាងរបស់ខ្លួន
មន្ត្រីម្នាក់បានឲ្យដឹងកាលពីម្សិលមិញថា នគរបាលខណ្ឌពោធិ៍សែនជ័យ រាជធានីភ្នំពេញបានចាប់ខ្លួនប្តីប្រពន្ធពីរនាក់កាលពីថ្ងៃអង្គារពីបទបង្ខាំងអ្នកជិតខាងរបស់ខ្លួនរយៈពេលខ្លី ដែលបើកផ្ទះសំណាក់ប្រកួតប្រជែងនៅជាប់គ្នា។
លោក យឹម សារ៉ាន់ អធិការនគរបាលខណ្ឌបានមានប្រសាសន៍ថា លោក ផា កុសល អាយុ៣០ និងប្រពន្ធឈ្មោះ ហ៊ឹម លីដា អាយុ៣២ឆ្នាំ ត្រូវបានចាប់ខ្លួនកាលពីល្ងាចថ្ងៃអង្គារនៅក្នុងសង្កាត់ចោមចៅ បន្ទាប់ពីនគរបាលទទួលបានព័ត៌មានថា ប្តីប្រពន្ធនេះបានចាប់បង្ខាំងអ្នកស្រី កែវ ណារ៉ា អាយុ៤៥ឆ្នាំ ជាអ្នកជិតខាងខ្លួនដោយបង្ខំ នៅក្នុងផ្ទះសំណាក់របស់ខ្លួន។
លោក សារ៉ាន់...
ព្រះអង្គម្ចាស់ក្សត្រី នរោត្តម អារុណ រស្មី លាលែងពីអនុប្រធាន គណបក្សហ្វុ៊នស៊ិនប៉ិច
ស្វាមីរបស់ព្រះអង្គម្ចាស់ក្សត្រី នរោត្តម អារុណ រស្មី បានមានប្រសាសន៍កាលពីម្សិលមិញថា ព្រះអង្គម្ចាស់ក្សត្រី បានលាលែងពីអនុប្រធានទី១គណបក្សហ្វុ៊នស៊ិនប៉ិច ពីរខែបន្ទាប់ពីសម្តេចក្រុមព្រះ នរោត្តម រណឫទ្ធិ បានមកកាន់តួនាទីជំនួសព្រះអង្គម្ចាស់ក្សត្រីក្នុងនាមជាប្រធានគណបក្សរាជានិយមនេះ។
លោក កែវ ពុទ្ធរស្មី ដែលក៏ជាប្រធានគណបក្សហ្វុ៊នស៊ិនប៉ិចក្នុងពាក់កណ្តាលទសវត្សរ៍ឆ្នាំ២០០០ដែរនោះបានមានប្រសាសន៍ថា "ភរិយារបស់លោកបានលាលែងហើយ។ គាត់ក៏ជាឯកអគ្គរាជទូតប្រចាំប្រទេសមា៉ឡេស៊ីផងដែរ ហើយវាគួរឲ្យនឿយណាយណាស់"។
លោក កែវ ពុទ្ធរស្មី បានមានប្រសាសន៍ថា ការសម្រេចរបស់ភរិយាលោកចាកចេញនេះមិនមែនដោយសារមានជម្លោះជាមួយសម្តេចក្រុមព្រះ រណឫទ្ធិ ដែលបានមកគ្រប់គ្រងគណបក្សហ្វុ៊នស៊ិនប៉ិចចាប់តាំងពីព្រះអង្គវិលមកវិញកាលពីខែមករាឡើយ។
លោកបានមានប្រសាសន៍ថា ឥឡូវនេះគណបក្សហ្វុ៊នស៊ិនប៉ិចស្ថិតក្រោមការគ្រប់គ្រងរបស់បងប្រុសភរិយាលោក ហើយភរិយាលោកមិនសូវសំខាន់ក្នុងគណបក្សហ្វុ៊នស៊ិនប៉ិចឡើយ។...
មេធាវីនិយាយថា វិវាទដីធ្លីរវាងគ្រួសារមួយជាមួយឧកញ៉ា ឃុន សៀ ទំនងជាត្រូវបានដោះស្រាយហើយ
ជាថ្មីម្ដងទៀត កាលពីម្សិលមិញសាលាដំបូងរាជធានីភ្នំពេញ បានពន្យារពេលសវនាការជំនុំជម្រះនារីម្នាក់ដែលគ្រួសាររបស់នាងមានជម្លោះដីធ្លីជាមួយឧកញ៉ា ឃុន សៀ ដោយលើកនេះធ្វើឡើងតាមសំណើរបស់មេធាវីនាង ដែលផ្ដល់យោបល់ឲ្យគ្រួសារនាងបោះបង់ការប្ដឹងផ្ដល់របស់ពួកគេដែលបានអូសបន្លាយអស់រយៈពេល៥ឆ្នាំ ហើយទទួលយកសំណងចំនួន១៦០.០០០ដុល្លារ។
កញ្ញា លី សា៊វមិញ អាយុ២៣ឆ្នាំ និងគ្រួសាររបស់នាងបានប្ដឹងផ្ដល់លោក ឃុន សៀ និងក្រុមហ៊ុនរបស់លោកជុំវិញដីមួយឡូត៍ក្នុងខណ្ឌទួលគោក រាជធានីភ្នំពេញ។ នាងកំពុងប្រឈមការចោទប្រកាន់ពីបទប្រើអំពើហិង្សាលើម្ចាស់អចលនទ្រព្យតាមច្បាប់ភូមិបាលពាក់ព័ន្ធនឹងហេតុការណ៍ប្រវាយប្រតប់គ្នាមួយកាលពីឆ្នាំ២០១៣ ជាមួយសន្តិសុខរបស់លោក ឃុន សៀ ហើយនាងបានជាប់ឃុំបណ្ដោះអាសន្នចាប់តាំងពីត្រូវចាប់ខ្លួនកាលពីខែវិច្ឆិកាមក។ ចំណែកឯឪពុករបស់នាងឈ្មោះ លី ស្រា៊ងខេង...