31 C
Phnom Penh

តុលាកា​​រ​​​​​​​​​បើក​​​សវនាការ​​​ជំនុំ​​​ជម្រះ​​​អតីត​​​អធិការខណ្ឌ​​​ ហ៊ី ណារិន

ដោយ ឌឹ ខេមបូឌា ដេលី

បទវិភាគ

តុលាការ​​​ក្រុង​​​ភ្នំពេញថ្ងៃ​​​នេះ​​​ បាន​​​បើក​​​សវនាការ​​​​​​ជំនុំ​​​ជម្រះអតីត​​​អធិការ​​​នគរបាល​​​ខណ្ឌ​​​ម្នាក់ ដែល​​​អង្គ​​​ភាព​​​​​​ប្រឆាំង​​​អំពើ​​​ពុក​​​រលួយ​​​បាន​​​ចាប់​​​ខ្លួន​​​ពី​​​ឆ្នាំ​​​មុន​​​ពាក់​​​ព័ន្ធ​​​នឹង​​​ការ​​​កេង​​​ប្រវ័ញ្ចថវិកា​​​រដ្ឋ​​​ និងយក​​​លុយ​​​ពី​​​​​​អ្នករកស៊ី​​​។

លោក ហ៊ី ណារិន​​​ ត្រូវ​​​បាន​​​បណ្តេញចេញ​​​ពី​​​តំណែង​​​អធិការ​​​ខណ្ឌ​​​មាន​​​ជ័យ​​​ ក្នុង​​​ក្រុង​​​ភ្នំពេញ​​​កាល​​​​​​ពី​​​ខែ​​​តុលា​​​ឆ្នាំមុន បន្ទាប់​​​ពី​​​​​​ត្រូវ​​​បាន​​​ចាប់​​​ខ្លួន​​​ដោយ​​អង្គ​​​ភាព​​​ប្រឆាំង​​​អំពើពុក​​​រលួយពី​​​បទ​​​កេង​​​ប្រវ័ញ្ច​​​ប្រាក់​​​ជាង​​​ ៦០០.000 ដុល្លារ​​​អាមេរិកពី​​​រដ្ឋ និង​​​អ្នក​​​រក​​​ស៊ី​​​ក្នុង​​​មូល​​​ដ្ឋាន​​​ក្នុង​​​រយៈ​​​ពេល​​​ជាង​​​៨​​​ឆ្នាំ​​​​​​ក្នុង​​​តំណែងលោក​​​ជា​​​អធិការ​​​ខណ្ឌ។

ក្នុង​​​សវនាការ​​​រយៈ​​​ពេល​​​ជាង​​​២​​​ម៉ោង​​​នៅ​​​ឯ​​​តុលាការ​​​​​​ក្រុង​​​ភ្នំ​​​ពេញ​​​នោះ លោក​​​ ណារិន​​​ បាន​​​បដិសេដចោល​​​នូវ​​​​​​បទ​​​​​​ចោទ​​​ភាគ​​​ច្រើន ប៉ុន្តែ​​​បាន​​​សារ​​​ភាព​​​ថា លោក​​​ទទួល​​​បាន​​​១០​​​លាន​​​រៀលក្នុង​​​មួយ​​​ខែ​​​ពី​​​ប្រាក់​​​ខែ​​​របស់​​​មន្ត្រី​​​អសកម្ម និង​​​អវត្តមាន។

លោក ណារិន​ ​​បាន​​​និយាយ​​​ថា “ខ្ញុំ​​​ពិត​​​ជា​​​ទទួល​​​ប្រាក់១០​​​លាន​​​រៀល​​​ក្នុង​​​មួយ​​​ខែ​​​ពី​​​មន្ត្រី​​​អសកម្ម​​​ និង​​​អវត្ត​​​មាន​​​។​​​ មួយ​​​ចំណែក​​​នៃ​​​ប្រាក់​​​នោះ​​​ ខ្ញុំបាន​​​ប្រើ​​​ប្រាស់​​​សម្រាប់​​​ទ្រទ្រង់អង្គ​​​ភាព”។

​​មាន​​​ការ​​​ចោទ​​​ប្រកាន់​​​ថា​​​ លោក ណារិន ​​​បាន​​​បញ្ចូល​​​ឈ្មោះ​​​បុគ្គលិក​​​ខ្នោច​​​ទៅ​​​ក្នុង​​​បញ្ជី​​​បើក​​​ប្រាក់​​​ខែ និង​​​ប្រ​​​មូល​​​ប្រាក់​​​ខែ​​​របស់​​​គេ​​​​​ ទារ​​​ប្រាក់​​​ពី​​​ជនរងគ្រោះ​​​ដោយគ្រោះថ្នាក់​​​ចរាចរណ៍ អ្នករក​​​ស៊ី រោង​​​ចក្រ និង​​​បន​​​​​​ល្បែង​​​ខុសច្បាប់។

សវនាការ​​​ជំនុំ​​​ជម្រះ​​​លោក​​​ ណារិន ​​​នឹង​​​​​​បន្ត​​​ធ្វើនៅ​​​ថ្ងៃ​​​ទី​​​១០​​​ ខែមេសា៕​​​​​​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស