ពលរដ្ឋជាយក្រុងភ្នំពេញមួយចំនួនរងរបួសពេលឃាត់គ្រឿងចក្រកាយដីពួកគេធ្វើប្រឡាយទឹកបន្ទាប់ពីបឹងតាមោកត្រូវបានលុបជិតអស់

សមាជិកមួយចំនួននៃសហគមន៍សំរោងខាងត្បូង បានរងរបួសពីការប្រឈមមុខដាក់គ្នារវាងអាជ្ញាធរជាច្រើននាក់ និងសមាជិកសហគមន៍មួយចំនួន ខណៈពួកគេចុះទៅហាមឃាត់គ្រឿងចក្រអេស្កាវ៉ាទ័រឲ្យបញ្ឈប់សកម្មភាពកាយដីរបស់ពួកគេដើម្បីធ្វើប្រឡាយទឹក។

គេហទំព័រអង្គការការពារសិទ្ធិមនុស្សលីកាដូ បានបង្ហោះនៅថ្ងៃទី២៧ ខែកុម្ភៈ កន្លងមកថា កាលពីព្រឹកថ្ងៃទី២៧ កុម្ភៈ មានផ្ទុះហេតុការណ៍ប្រវាយប្រតប់គ្នារវាងកងកម្លាំងសន្តិសុខខណ្ឌព្រែកព្នៅ និងសហគមន៍សំរោងខាងត្បូង ដែលបានធ្វើឲ្យស្ត្រីម្នាក់សន្លប់បាត់ស្មារតី និងការស្រែកយំរបស់ពលរដ្ឋផ្សេងទៀត ដើម្បីទាមទាររកអ្នកទទួលខុសត្រូវលើទង្វើនេះ។

ប្រភពដដែលបានសរសេរថា ការប្រឈមមុខដាក់គ្នានៅពេលនេះដែលពាក់ព័ន្ធនឹងរឿងជម្លោះដីធ្លីដ៏រ៉ាំរ៉ៃនៅតំបន់បឹងតាមោក គឺកើតឡើងនៅពេលដែលគ្រឿងចក្រឈូសឆាយចំនួន ៣គ្រឿង ជាមួយនឹងសន្តិសុខចំនួន ១០នាក់ ត្រូវបានដាក់ពង្រាយដើម្បីឈូសឆាយដីដែលកាន់កាប់ដោយសមាជិកសហគមន៍។ សមាជិកសហគមន៍មួយចំនួនបានប្រមូលផ្តុំគ្នា និងព្យាយាមបញ្ឈប់ការឈូសឆាយនោះ។

ប្រភពខាងលើអះអាងថា ការឈូសឆាយដោយមានវត្តមានកងកម្លាំងនគរបាលចំនួនប្រហែលជាង ២០០នាក់ មាននគរបាលប្រមាណជាង ៥០នាក់ និងលោកអភិបាលរងខណ្ឌព្រែកព្នៅ ម្នាក់ផងដែរ។ អាជ្ញាធរមួយចំនួនបានឈរមើលការឈូសឆាយ ហើយអាជ្ញាធរមួយចំនួនទៀតដែលមាននគរបាលផង និងអាជ្ញាធរស្លៀកពាក់ស៊ីវិលផង បានថតរូប និងវីដេអូអំពីសកម្មភាពតវ៉ារបស់សមាជិកសហគមន៍ដែលមានចំនួនប្រមាណជាង ១០០នាក់ កំពុងប្រមូលផ្តុំគ្នានៅតំបន់នោះ។

ប្រធានកម្មវិធីសិទ្ធិរស់នៅក្នុងទីក្រុងនៃសមាគមធាងត្នោត លោក ស៊ាង មួយឡៃ បានឲ្យដឹងថា នៅពេលដែលក្រុមហ៊ុនឯកជនលុបផ្ទៃបឹងតាមោក ជិតអស់ ក៏ធ្វើឲ្យគ្មានផ្លូវទឹក អាជ្ញាធរបានចាប់ផ្ដើមកាយប្រឡាយទឹកលើដីសហគមន៍ដែលកំពុងមានទំនាស់ នេះជាដើមហេតុធ្វើឲ្យផ្ទុះឡើងប្រឆាំងនឹងសមត្ថកិច្ច។

លោក ស៊ាង មួយឡៃ លើកឡើងថា ទីតាំងដីនេះមិនស្ថិតនៅក្នុងប្លង់គោលប្រើប្រាស់ដីក្នុងរាជធានីភ្នំពេញឡើយ ហើយប្រជាពលរដ្ឋបានទៅរស់នៅទីនោះតាំងពីឆ្នាំ១៩៩៦ ដោយមានផ្ទះចំនួន ៧៦ខ្នង។

សមាជិកសហគមន៍មួយចំនួនក៏កំពុងប្រឈមមុខទៅនឹងបណ្តឹងនៅតុលាការផងដែរ ដែលយ៉ាងតិចណាស់មានបណ្តឹងចំនួន ៤ករណីកំពុងដំណើរការចាប់តាំងពីឆ្នាំ២០២២ ដោយផ្អែកលើភាពសកម្មនិយមលើរឿងដីធ្លីរបស់ពួកគាត់៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អ្នកឃ្លាំមើលថារបរអភិវឌ្ឍន៍អចលនទ្រព្យបោកប្រាស់របស់ឧកញ៉ា ឡេង ណាវ៉ាត្រា អ្នកដឹកនាំត្រូវដោះស្រាយឱ្យឆាប់

អតិថិជនរបស់អ្នកឧកញ៉ា ឡេង ណាវ៉ាត្រា ប្រមូលផ្ដុំតវ៉ាទាមទារផ្ទះ និងដីឡូត៍ដែលពួកគេបានទិញអស់ជាច្រើនឆ្នាំ

ម្ចាស់ដីមួយកន្លែងនៅក្រុងព្រះសីហនុ អះអាងថាប្អូនជីដូនមួយលោក ហ៊ុន សែន រំលោភយកដោយខុសច្បាប់

នាយទាហានម្នាក់អង្វរសុំឱ្យលោក ហ៊ុន សែន ជួយអន្តរាគមន៍រឿងក្រុមហ៊ុនឧកញ៉ា ឡេង ណាវ៉ាត្រា មិនប្រគល់ផ្ទះ

មន្ត្រីបក្សប្រឆាំងជំរុញឱ្យរដ្ឋាភិបាលអនុវត្តច្បាប់ឱ្យបានតឹងរ៉ឹងលើឧកញ៉ាៗលក់ដីខ្យល់និងផ្ទះខ្យល់

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន