ជនជាតិចិន៣នាក់សម្លាប់នារីខ្មែរ រួចយកសពកប់នៅក្បែរផ្សារអ៊ីអន៣ ត្រូវចោទពីបទឃាតកម្មគិតទុកជាមុន

តំណាងអយ្យការសាលាដំបូងរាជធានីភ្នំពេញ សម្រេចចោទប្រកាន់លើជនសង្ស័យជនជាតិចិន ៣នាក់ដែលសម្លាប់នារីខ្មែរ រួចយកសពទៅកប់នៅក្បែរផ្សារអ៊ីអន៣ ពីបទ «ឃាតកម្មគិតទុកជាមុន» តាមមាត្រា២០០ នៃក្រមព្រហ្មទណ្ឌ។

ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ លោក ឆាយ ហុង បានថ្លែងប្រាប់អ្នកសារព័ត៌មាននៅរសៀលថ្ងៃទី៧ ខែមីនា ឆ្នាំ២០២៥ នេះថា មេខ្លោងជនជាតិចិនក្នុងករណីឃាតកម្មសម្លាប់នារីខ្មែរម្នាក់ រួចយកសពកប់នៅក្បែរផ្សារអ៊ីអន៣ ត្រូវកម្លាំងនាយកដ្ឋាននគរបាលព្រហ្មទណ្ឌស្រាវជ្រាវបង្ក្រាបបានហើយ។

លោកបញ្ជាក់ថា ករណីឃាតកម្មនេះមានមេខ្លោងម្នាក់ និងអ្នកពាក់ព័ន្ធពីរនាក់ សរុប ៣នាក់ ត្រូវចាប់ខ្លួនបានទាំងអស់។

ប្រភពខាងលើបានឱ្យដឹងថា មេខ្លោងក្នុងអំពើឃាតកម្មសម្លាប់នារីម្នាក់នេះ ត្រូវបានចាប់ខ្លួននៅថ្ងៃទី៥ ខែមីនា ឆ្នាំ២០២៥ នៅក្រុងបាវិត ខេត្តស្វាយរៀង ដោយកម្លាំងនាយកដ្ឋាននគរបាលព្រហ្មទណ្ឌដឹកនាំសហការស្រាវជ្រាវ។ លោកថា សាលាដំបូងរាជធានីភ្នំពេញបានសម្រេចចោទប្រកាន់លើជនសង្ស័យជនជាតិចិន ៣នាក់ដែលសម្លាប់នារីខ្មែរ រួចយកសពកប់នៅក្បែរផ្សារអ៊ីអន៣ ពីបទ «ឃាតកម្មគិតទុកជាមុន» តាមមាត្រា២០០ នៃក្រមព្រហ្មទណ្ឌ។

ករណីឃាតកម្មនេះ សមត្ថកិច្ចបានចាប់ខ្លួនជនសង្ស័យ ២រូបទៀតជាជនជាតិចិន កាលពីថ្ងៃទី១ មីនា ក្រោយពីទទួលពាក្យបណ្ដឹងរបស់ម្ដាយជនរងគ្រោះ។ តាមសមត្ថកិច្ច ពួកគេទាំងពីរនាក់ទទួលស្គាល់ថាបានចូលរួមក្នុងសកម្មភាពសម្លាប់នារីជនរងគ្រោះកាលពីយប់ថ្ងៃទី២៧ ខែកុម្ភៈ ដោយឈ្មោះ YANG KAIXIN ជាអ្នករៀបគម្រោង។

ភ្លាមៗនោះ កម្លាំងជំនាញបានបន្តការស្រាវជ្រាវដោយឃាត់ខ្លួនបានជនសង្ស័យ ២នាក់ឈ្មោះ CHEN CONG អាយុ ៣០ឆ្នាំ ជនជាតិចិន កាន់លិខិតឆ្លងដែនលេខ EM2676148 ត្រង់ចំណុចអគារព្រីនស៍ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ជាសង្សារនារីរងគ្រោះ និងឈ្មោះ LI HAOHAO ភេទប្រុស ជនជាតិចិន អាយុ ៣៤ឆ្នាំ លិខិតឆ្លងដែនលេខ EB2013601 ត្រង់ស្ពានអាកាសសង្កាត់ចាក់អង្រែលើ ខណ្ឌមានជ័យ។

ក្រោយពីការសាកសួរ អ្នកទាំងពីរបានសារភាពថា ពួកខ្លួនពិតជាបានចូលរួមក្នុងសកម្មភាពសម្លាប់នារីជនរងគ្រោះខាងលើមែនកាលពីយប់ថ្ងៃទី២៧ ខែកុម្ភៈ ឆ្នាំ២០២៥ ដោយមានឈ្មោះ YANG KAIXIN ភេទប្រុស អាយុ ២៦ឆ្នាំជាជនជាតិចិន លិខិតឆ្លងដែន EL4710161 (ចាប់ខ្លួននៅថ្ងៃទី៥ ខែមីនា) ជាអ្នករៀបចំគម្រោងសម្លាប់នារីជនរងគ្រោះ ដោយមូលហេតុនារីរងគ្រោះបានដឹងរឿងសម្ងាត់របស់ពួកខ្លួន។

ប្រតិបត្តិការនេះធ្វើឡើងដោយមានកិច្ចសហការជាមួយស្នងការដ្ឋាននគរបាលរាជធានីភ្នំពេញ និងស្នងការដ្ឋាននគរបាលខេត្តស្វាយរៀង។

ទោះយ៉ាងណា រឿងសម្ងាត់របស់ជនជាតិចិនខាងលើដែលហ៊ានដល់ការធ្វើឃាតនារីរងគ្រោះជាសង្សារ មិនត្រូវបានលាតត្រដាងនៅឡើយទេ ថាតើជារឿងសម្ងាត់អ្វីឱ្យប្រាកដ៕

ជនជាតិចិន៣នាក់សម្លាប់នារីខ្មែរ រួចយកសពកប់នៅក្បែរផ្សារអ៊ីអន៣ ត្រូវចោទពីបទឃាតកម្មគិតទុកជាមុន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ម្ចាស់ប្រាក់ដាក់លុយក្នុងធនាគារ Huione រងរបួសអំឡុងពេលតវ៉ាស្វែងរកដំណោះស្រាយពីធនាគារជាតិ

អាជ្ញាធរកម្ពុជា បណ្ដេញជនជាតិចិន ៣១៩នាក់ទៀតពាក់ព័ន្ធឧក្រិដ្ឋកម្មឆបោកអនឡាញទៅប្រទេសកំណើតវិញ

គណបក្សកម្លាំងជាតិសន្យានឹងស្វែងរកយុត្តិធម៌ជូនលោក ជា វិជ្ជា និងជនរងគ្រោះដទៃទៀតពេលខ្លួនដឹកនាំប្រទេស

ជនជាតិចិននិងវៀតណាម ៦៥នាក់ត្រូវបានចាប់ខ្លួនពាក់ព័ន្ធនឹងបទល្មើសឆបោកតាមប្រព័ន្ធអនឡាញ

ករណីទារុណកម្មលើនិស្សិតជនជាតិកូរ៉េខាងត្បូងដល់ស្លាប់ក្នុងការចាប់បង្ខាំងនៅស្រុកខ្មែរ ផ្អើលនៅកូរ៉េ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន