ម្ចាស់ទំព័រហ្វេសប៊ុក Business Advisor ត្រូវបានដោះលែងឱ្យមានសេរីភាពវិញ បន្ទាប់ពីសមត្ថកិច្ចសួរនាំជាច្រើនថ្ងៃ

សមត្ថកិច្ចដោះលែងម្ចាស់ទំព័រហ្វេសប៊ុក Business Advisor ឱ្យមានសេរីភាពវិញហើយនៅថ្ងៃចន្ទ ទី៣១ មីនា នេះ បន្ទាប់ពីត្រូវចាប់ខ្លួនយកទៅសួរនាំអស់ជាច្រើនថ្ងៃជុំវិញការធ្វើអត្ថាធិប្បាយរបស់លោកពាក់ព័ន្ធនឹងបញ្ហាសង្គមមួយចំនួន។

អ្នកធ្វើអត្ថាធិប្បាយតាមបណ្ដាញសង្គម លោក សាំងលី សារ៉ាក់ ចេញវីដេអូលើទំព័រហ្វេសប៊ុករបស់ខ្លួនឈ្មោះ Business Advisor នៅថ្ងៃទី៣១ មីនា នេះថា លោកពុំមានបញ្ហាធ្ងន់ធ្ងរនោះទេ គ្រាន់តែសមត្ថកិច្ចនាំខ្លួនទៅឱ្យបំភ្លឺជុំវិញការធ្វើអត្ថាធិប្បាយរបស់លោកពាក់ព័ន្ធនឹងបញ្ហាសង្គមមួយចំនួនប៉ុណ្ណោះ។

លោក សាំងលី សារ៉ាក់ បញ្ជាក់ថា លោកនឹងនៅតែបន្តធ្វើកិច្ចការតាមរយៈនៃការធ្វើអត្ថាធិប្បាយអំពីបញ្ហាដែលកើតមានក្នុងសង្គមបន្ថែមទៀត ដើម្បីរួមចំណែកក្នុងការអប់រំសម្រាប់ជាប្រយោជន៍ដល់ប្រទេសជាតិ និងពលរដ្ឋខ្មែរ។

កាលពីថ្ងៃទី២៧ ខែមីនា ឆ្នាំ២០២៥ អ្នកធ្វើអត្ថាធិប្បាយតាមបណ្ដាញសង្គម លោក សាំងលី សារ៉ាក់ ដែលជាម្ចាស់ទំព័រហ្វេសប៊ុកឈ្មោះ Business Advisor ត្រូវសមត្ថកិច្ចចាប់ខ្លួន ព្រោះតែក្នុងរយៈពេលចុងក្រោយនេះលោកបានធ្វើអត្ថាធិប្បាយរិះគន់ទៅលើការដឹកនាំបែបអវិជ្ជមានរបស់ថ្នាក់ដឹកនាំរដ្ឋាភិបាលកម្ពុជា និងបានផ្សព្វផ្សាយពីការរិះគន់ផ្សេងៗទៅលើមន្ត្រីរដ្ឋាភិបាលមួយចំនួនផងដែរ។

ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី៣១ មីនា នេះ ដោយអំពាវនាវឱ្យរដ្ឋាភិបាលដោះលែងសកម្មជននានាដែលត្រូវបានចាប់ខ្លួនដោយសារការបញ្ចេញមតិដូចម្ចាស់ទំព័រហ្វេសប៊ុក Business Advisor ដែលត្រូវបានសមត្ថកិច្ចដោះលែងឱ្យមានសេរីភាពក្នុងពេលនេះដែរ។

លោក ម៉ែន ណាត លើកឡើងថា ទោះបីរដ្ឋាភិបាលប្រើលេសការចាប់ខ្លួនសកម្មជនបញ្ចេញមតិថាជាការអនុវត្តច្បាប់ក៏ដោយ ក៏ពលរដ្ឋមិនជឿតាមពាក្យភូតកុហករបស់រដ្ឋាភិបាលដែរ។

លោកបន្ថែមថា ត្រង់ចំណុចនេះ គេអាចប្រៀបបានយ៉ាងច្បាស់ពីទង្វើរបស់បក្សកាន់អំណាច ជាពិសេសក្រុមគ្រួសារលោក ហ៊ុន សែន ដែលបានធ្វើរយៈពេលជាង ៤០ឆ្នាំមកនេះ ក្នុងការដឹកនាំរបស់គាត់ ថាតើមានពលរដ្ឋប៉ុន្មាននាក់ដែលត្រេកអរ ឬអបអរសាទរនឹងការដឹកនាំរបស់គាត់ចាប់តាំងពីជំនាន់របស់លោក ហ៊ុន សែន បន្តមកលោក ហ៊ុន ម៉ាណែត ក្នុងពេលនេះ៕

ម្ចាស់ទំព័រហ្វេសប៊ុក Business Advisor ត្រូវបានដោះលែងឱ្យមានសេរីភាពវិញ បន្ទាប់ពីសមត្ថកិច្ចសួរនាំជាច្រើនថ្ងៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

សង្គមស៊ីវិលព្រមានថា កង្វះការរាយការណ៍ដោយឯករាជ្យ កម្ពុជាត្រូវបានគ្របដណ្ដប់ដោយព័ត៌មានមិនពិតនិងក្លែងបន្លំ

ក្រុមអង្គការសង្គមស៊ីវិលប្រារព្ធទិវាសេរីភាពសារព័ត៌មានពិភពលោក ខណៈសេរីភាពសារព័ត៌មាននៅកម្ពុជាកំពុងប្រឈម

អ្នកឃ្លាំមើលរិះគន់រដ្ឋាភិបាលកម្ពុជាដែលគ្រាន់តែតវ៉ាថៃឈ្លានពាន ប៉ុន្តែមិនព្រមប្ដឹងទៅតុលាការអន្តរជាតិ

យោធាថៃ បន្តរាយលួសបន្លាចូលក្នុងទឹកដីខ្មែរជិត ១គីឡូម៉ែត្របន្ថែមទៀតនៅខេត្តពោធិ៍សាត់

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន