ACU បង្ហាញយុទ្ធសាស្ត្របីចំណុចដើម្បីប្រយុទ្ធប្រឆាំងអំពើពុករលួយ ខណៈកម្ពុជាពោរពេញដោយបក្ខពួកនិយម

ប្រធានអង្គភាពប្រឆាំងអំពើពុករលួយ (ACU) អះអាងថា អង្គភាពរបស់ខ្លួនបានកំណត់មុខព្រួញចំនួនបីសំខាន់ៗ ក្នុងការប្រយុទ្ធប្រឆាំងនឹងអំពើពុករលួយនៅកម្ពុជា ដើម្បីធ្វើឱ្យមនុស្សម្នាក់ៗប្រកាន់ផ្នត់គំនិតមិនហ៊ានប្រព្រឹត្តអំពើពុករលួយ។

ប្រធានអង្គភាពប្រឆាំងអំពើពុករលួយ (ACU) លោក ឱម យ៉ិនទៀង បានលើកឡើងក្នុងកម្មវិធីផ្សព្វផ្សាយស្ដីពីគណនេយ្យភាព និងតម្លាភាពនៃប្រព័ន្ធគាំពារសង្គម នៅថ្ងៃទី១៩ ខែមីនា នេះថា មុខព្រួញទាំងបីនេះ រួមមាន ការងារអប់រំ ការបង្ការ និងទប់ស្កាត់កុំឱ្យមានកើតអំពើពុករលួយ និងការអនុវត្តច្បាប់បញ្ជូនទៅតុលាការ។

លោក ឱម យ៉ិនទៀង លើកឡើងថា ការបង្ក្រាបបទល្មើសប្រឆាំងអំពើពុករលួយ គឺស្របទៅនឹងគោលការណ៍របស់រាជរដ្ឋាភិបាលដែលប្ដេជ្ញាប្រយុទ្ធប្រឆាំងអំពើពុករលួយ ដើម្បីឱ្យមនុស្សម្នាក់ៗប្រកាន់ផ្នត់គំនិតមិនចង់ មិនអាច និងមិនហ៊ានពុករលួយ។

ប្រធានអង្គភាព ACU រូបនេះ បញ្ជាក់ថា ចំពោះមន្ត្រី ACU ដែលប្រព្រឹត្តអំពើពុករលួយ គឺអង្គភាពប្រឆាំងអំពើពុករលួយជាអ្នកអនុវត្តច្បាប់ចាប់ខ្លួនដោយផ្ទាល់ ព្រោះ ACU មានយន្តការស៊ើបអង្កេតផ្ទៃក្នុងរបស់ខ្លួនជាក់ស្តែង ហើយគិតមកដល់ពេលនេះ យ៉ាងហោចណាស់មានមន្ត្រី ACU ជិត ១០នាក់ហើយត្រូវបានអង្គភាពកសាងសំណុំរឿងបញ្ជូនទៅតុលាការ។

អង្គការតម្លាភាពអន្តរជាតិ (Transparency International) ដែលមានទីតាំងនៅទីក្រុងប៊ែរឡាំង បានចេញរបាយការណ៍ស្តីអំពីអំពើពុករលួយនៅកម្ពុជាសម្រាប់ឆ្នាំ២០២៥ កាលពីថ្ងៃទី១០ ខែកុម្ភៈ ឆ្នាំ២០២៦ នេះថា កម្ពុជាជាប់ចំណាត់ថ្នាក់លេខរៀងទី១៦៣ ក្នុងចំណោមប្រទេសសរុប ១៨២ នៅលើពិភពលោក។

កាលពីឆ្នាំមុន គឺអំឡុងខែកុម្ភៈ ឆ្នាំ២០២៥ អង្គការតម្លាភាពអន្តរជាតិបានចេញសេចក្តីថ្លែងការណ៍ព័ត៌មានស្ដីពីសន្ទស្សន៍នៃការយល់ឃើញពីអំពើពុករលួយប្រចាំឆ្នាំ២០២៤ ថា ក្នុងយុទ្ធនាការប្រយុទ្ធប្រឆាំងអំពើពុករលួយ កម្ពុជាទទួលបានត្រឹមតែ ២១ពិន្ទុប៉ុណ្ណោះក្នុងចំណោមពិន្ទុសរុបចំនួន ១០០ ដែលនាំឱ្យកម្ពុជាជាប់ចំណាត់ថ្នាក់លេខ ១៥៨ ក្នុងចំណោមប្រទេស ១៨០ នៅលើពិភពលោក។

ជុំវិញបញ្ហានេះ អ្នកតាមដានភូមិសាស្ត្រនយោបាយតំបន់អាស៊ីអាគ្នេយ៍ និងប៉ាស៊ីហ្វិក លោក សេង វណ្ណលី បានលើកឡើងកាលពីពេលថ្មីៗនេះថា ប្រព័ន្ធដឹកនាំរដ្ឋដែលរៀបចំឡើងដោយបក្ខពួកនិយម និងកង្វះប្រព័ន្ធត្រួតពិនិត្យអំណាច គឺជាដើមចមនៃការកើតមានអំពើពុករលួយនៅប្រទេសកម្ពុជា។

លោក សេង វណ្ណលី បញ្ជាក់ថា វិធានការដែលនាយករដ្ឋមន្ត្រីកម្ពុជា លោក ហ៊ុន ម៉ាណែត ត្រូវធ្វើជាបន្ទាន់នោះ គឺត្រូវកែទម្រង់ធ្វើឱ្យអង្គភាពប្រឆាំងអំពើពុករលួយ (ACU) និងតុលាការមានឯករាជភាពពិតប្រាកដឡើងវិញ។

ពាក់ព័ន្ធនឹងបញ្ហានេះ ក្រុមអ្នកវិភាគលើកឡើងថា ក្នុងស្ថាប័នមួយដែលពោរពេញទៅដោយបក្ខពួកនិយម និងសាច់ញាតិត្រូវបានចងក្រងឱ្យកាន់មុខតំណែងដ៏រឹងមាំ គឺជាទម្រង់យ៉ាងជាក់ច្បាស់នៃការប្រព្រឹត្តអំពើពុករលួយ ខណៈអំពើទាំងនោះនឹងមិនលេចធ្លាយមកក្រៅឡើយ ដោយសារអ្នកប្រព្រឹត្តគឺបណ្ដាញសាច់ញាតិ និងបក្ខពួកជាមួយគ្នា៕

ACU បង្ហាញយុទ្ធសាស្ត្របីចំណុចដើម្បីប្រយុទ្ធប្រឆាំងអំពើពុករលួយ ខណៈកម្ពុជាពោរពេញដោយបក្ខពួកនិយម

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

បណ្ឌិត គិន ភា ស្នើរដ្ឋាភិបាលកម្ពុជាលុបបំបាត់អំពើពុករលួយនិងការិយាធិបតេយ្យ

ACU បញ្ជូនមន្ត្រីគយខេត្តកោះកុង ២នាក់ និងអ្នកពាក់ព័ន្ធសមគំនិត ២នាក់ទៀតទៅកាន់តុលាការ

អ្នកដាក់ហ៊ុនបង្កើតសាលាបញ្ញាសាស្ត្រអន្តរជាតិ ចោទអ្នកគ្រប់គ្រងថាកិបកេងថវិកា

នាយកវិទ្យាស្ថានពហុបច្ចេកទេសនៅបាត់ដំបង រងការចោទប្រកាន់ប្រព្រឹត្តអំពើពុករលួយប្រាក់ ៤លានដុល្លារ

មន្ត្រីជាន់ខ្ពស់នៃក្រសួងការងារ ស្នើឱ្យលោក ហ៊ុន ម៉ាណែត ស៊ើបអង្កេតអំពើពុករលួយរបស់លោក ហេង សួរ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន