លោក ពូទីន មានផែនការបង្កសង្គ្រាមនុយក្លេអ៊ែរ ខណៈប្រឈមមុខនឹងដីការបស់ ICC
នៅក្នុងដំណាក់កាលចុងក្រោយនៃសង្គ្រាមជាមួយនឹងប្រទេសមួយជាប់នឹងរបងផ្ទះ មេដឹកនាំរបបផ្ដាច់ការនៅក្រុងមូស្គូ មានផែនការចង់បង្កភ្លក់ភ្លើងប្រល័យលោក គឺសង្គ្រាមនុយក្លេអ៊ែរ។
កាលពីថ្ងៃសៅរ៍ ទី២៥ ខែមីនា លោក វ៉្លាឌីមៀរ ពូទីន ប្រធានាធិបតីរុស្ស៊ី បានបញ្ជាទៅកងទ័ពរបស់លោកឱ្យត្រៀមដំឡើងក្បាលគ្រាប់នុយក្លេអ៊ែរយុទ្ធសាស្ត្រនៅក្នុងទឹកដីបេឡារុស ដែលមានព្រំដែនជាប់នឹងប្រទេសអ៊ុយក្រែន។ បេឡារុស ជាប្រទេសសម្ព័ន្ធភាពនឹងរុស្ស៊ី។
មេដឹកនាំរបស់ប្រទេសនេះ គឺលោក អាឡិចហ្សង់ ឌឺលូកាឆេនកូ ជាមិត្តរបស់លោក ពូទីន ផង ហើយក៏ជាអាយ៉ងនៃរបបនៅក្រុងមូស្គូ ផងដែរ។ នៅលើទឹកដីនៃប្រទេសបេឡារុស មានទ័ពរុស្ស៊ីជាង...
លោក ហ៊ុន ម៉ាណែត បញ្ជាឱ្យចាប់ខ្លួនភ្លាមៗប្រសិនបើជនណាយកឈ្មោះលោកធ្វើរឿងខុសច្បាប់
លោក ហ៊ុន ម៉ាណែត ដែលត្រៀមស្នងតំណែងនាយករដ្ឋមន្ត្រីនៅកម្ពុជាបន្តវេនពីឪពុក បានបញ្ជាទៅសមត្ថកិច្ចឲ្យចាប់ខ្លួនភ្លាមៗដោយមិនចាំបាច់ឆ្លងយោបល់ពីលោកឡើយ បើមានអ្នកយកឈ្មោះភ្ជាប់ជាមួយរូបថតរបស់លោកទៅប្រើប្រាស់ធ្វើរឿងខុសច្បាប់។
ក្នុងវីដេអូឃ្លីបរយៈពេល ២នាទីដែលបានបង្ហោះលើហ្វេសប៊ុកនៅថ្ងៃទី២៧ ខែមីនា លោក ហ៊ុន ម៉ាណែត ដែលជាកូនប្រុសរបស់បុរសខ្លាំងកាន់អំណាចតត្រកូលនៅកម្ពុជា បានព្រមានប្ដឹងអ្នកដែលថតជាមួយខ្លួន ហើយយករូបថត និងឈ្មោះរបស់លោកទៅប្រើប្រាស់ដោយគ្មានការអនុញ្ញាត ហើយទៅប្រព្រឹត្តទង្វើខុសច្បាប់។
ក្រៅពីព្រមានប្ដឹងហើយ លោក ហ៊ុន ម៉ាណែត ក៏បានណែនាំទៅអាជ្ញាធរមានសមត្ថកិច្ចថា ប្រសិនបើរកឃើញបុគ្គល ឬជំនួយការរបស់ខ្លួនយកឈ្មោះរបស់លោកទៅប្រើប្រាស់ ហើយប្រព្រឹត្តទង្វើខុសច្បាប់ សូមសមត្ថកិច្ចចាប់ខ្លួនអ្នកនោះភ្លាមៗទៅ...
លោក ហ៊ុន សែន ដកដីពីឧកញ៉ា គិត ម៉េង ១៨៧ហិកតារឱ្យទៅក្រសួងការពារជាតិនៅខេត្តព្រះសីហនុ
លោក ហ៊ុន សែន សម្រេចដកដីពីឧកញ៉ា គិត ម៉េង ចំនួន ១៨៧ហិកតារនៃឧទ្យានជាតិសមុទ្រព្រះសីហនុរាម ឱ្យទៅក្រសួងការពារជាតិ សម្រាប់សាងសង់ទីបញ្ជាការដ្ឋានការពារអាកាស និងដំឡើងប្រព័ន្ធរ៉ាដាសម្រាប់កងទ័ពជើងទឹក ស្របពេលដែលវត្តមានអ្នកជំនាញបច្ចេកទេសជាកងទ័ពរំដោះប្រជាជនចិនចំនួន ៤៩នាក់កំពុងបំពេញការងារនៅមូលដ្ឋានកងទ័ពជើងទឹករាម។
បុរសខ្លាំងកាន់អំណាចផ្ដាច់មុខ លោក ហ៊ុន សែន បានចេញអនុក្រឹត្យមួយកាលពីថ្ងៃទី១៥ ខែកញ្ញា ឆ្នាំ២០២២ ដែលត្រូវបានផ្សព្វផ្សាយកាលពីចុងសប្តាហ៍នេះ បានសម្រេចដកហូតផ្ទៃដីវិនិយោគមួយផ្នែកនៃគម្រោងអភិវឌ្ឍន៍របស់ក្រុមហ៊ុន Lixin Development Co.,Ltd...
លោក ហ៊ុន សែន ចុះហត្ថលេខាច្រឡំកាត់ដីរដ្ឋលើសជាង៦០ហិកតារឱ្យក្រុមហ៊ុនមួយក្នុងខេត្តព្រះសីហនុ
លោក ហ៊ុន សែន ចុះហត្ថលេខាលើអនុក្រឹត្យមួយដោយច្រឡំប្រគល់ដីរដ្ឋលើសដល់ទៅជាង ៦០ហិកតារតាមសំណើរបស់រដ្ឋមន្ត្រីក្រសួងដែនដី នគរូបនីយកម្ម និងសំណង់ លោក ជា សុផារ៉ា ឲ្យក្រុមហ៊ុន រាម ស៊ីធី លែន អែន ហៅស៍ (Ream City Land and House) ធ្វើជាកម្មសិទ្ធិឯកជនស្ថិតក្នុងឃុំរាម ស្រុកព្រៃនប់ ខេត្តព្រះសីហនុ។
លោក...
មន្ត្រីពន្ធនាគារមិនអនុញ្ញាតឱ្យលោក មាជ សុវណ្ណារ៉ា ចូលសួរសុខទុក្ខលោក ហ៊ុន កុសល និងលោក យឹម ស៊ីណន
អតីតមន្ត្រីជាន់ខ្ពស់គណបក្សសង្គ្រោះជាតិ ត្រូវបានមន្ត្រីពន្ធនាគាររារាំងមិនអនុញ្ញាតឱ្យចូលទៅសួរសុខទុក្ខសកម្មជនគណបក្សសង្គ្រោះជាតិ លោក ហ៊ុន កុសល និងលោក យឹម ស៊ីណន ដែលកំពុងឃុំខ្លួននៅក្នុងពន្ធនាគារព្រៃសទេនៅថ្ងៃចន្ទ ទី២៧ មីនា នេះ។
អតីតអ្នកទោសនយោបាយ និងជាមន្ត្រីជាន់ខ្ពស់គណបក្សសង្គ្រោះជាតិ លោក មាជ សុវណ្ណារ៉ា បានប្រាប់សារព័ត៌មាន The Cambodia Daily នៅថ្ងៃទី២៧ មីនា នេះថា លោកមិនយល់ពីនីតិវិធីរបស់មន្ត្រីពន្ធនាគារ...
IDEA TALK៖ តើដីការបស់ ICC ដើម្បីចាប់ខ្លួនមេដឹកនាំរុស្ស៊ី ជះឥទ្ធិពលបែបណាដល់មេដឹកនាំខ្មែរ?
កម្មវិធី Idea Talk សម្រាប់រាត្រីថ្ងៃទី២៧ ខែមីនា ឆ្នាំ២០២៣ ស្តីអំពី៖ «តើដីការបស់ ICC ដើម្បីចាប់ខ្លួនមេដឹកនាំរុស្ស៊ី ជះឥទ្ធិពលបែបណាដល់មេដឹកនាំខ្មែរ?»។
ក្រសួងការបរទេសកម្ពុជាចោទថាអាមេរិកកំពុងធ្វើឱ្យមានស្តង់ដារពីរស្ដីពីស្ថានភាពសិទ្ធិមនុស្ស
ក្រសួងការបរទេសកម្ពុជា ចោទថា សហរដ្ឋអាមេរិកដែលជាប្រទេសប្រកាន់របបប្រជាធិបតេយ្យ កំពុងធ្វើឱ្យមានស្តង់ដារពីរជុំវិញរបាយការណ៍ស្ដីពីស្ថានភាពសិទ្ធិមនុស្សនៅបណ្តាប្រទេសផ្សេងៗ រួមទាំងកម្ពុជាផងដែរ ខណៈអាមេរិកខ្លួនឯងពុំបានចេញផ្សាយនូវរបាយការណ៍ស្ដីពីសិទ្ធិមនុស្សរបស់ខ្លួននោះឡើយ។
ក្រសួងការបរទេស និងសហប្រតិបត្តិការអន្តរជាតិកម្ពុជា បានចេញសេចក្តីថ្លែងការណ៍កាលពីថ្ងៃទី២២ ខែមីនា ឆ្នាំ២០២៣ នេះថា អាមេរិកជាប្រទេសដែលប្រកាន់របបលទ្ធិប្រជាធិបតេយ្យតាមបែបរបស់ខ្លួនជាង ២០០ឆ្នាំមកហើយ ប៉ុន្តែនៅតែជួបប្រទះបញ្ហារំលោភបំពានសិទ្ធិមនុស្សជាប្រព័ន្ធជារៀងរាល់ថ្ងៃ ដូចជា៖
ការរើសអើងជាតិសាសន៍
ឧក្រិដ្ឋកម្មស្អប់ខ្ពើមពូជសាសន៍
ការបាញ់សម្លាប់ទ្រង់ទ្រាយធំ និងអំពើឃោរឃៅរបស់នគរបាល
ការរំលោភបំពានក្នុងពន្ធនាគារ
អត្រាមរណភាពរាប់លាននាក់ដោយសារជំងឺរាតត្បាត
ការកាត់ទោសប្រហារជីវិត
និងការរឹតត្បិតសិទ្ធិរំលូតកូន ជាដើម។
ក្រសួងការបរទេសកម្ពុជាលើកឡើងថា សហរដ្ឋអាមេរិកបានបិទភ្នែកធ្វើជាមើលមិនឃើញនូវសកម្មភាពដ៏គ្រោះថ្នាក់ និងជ្រុលនិយមរបស់ក្រុមប្រឆាំងមួយចំនួនដែលផ្សព្វផ្សាយព័ត៌មានមិនពិត ជេរប្រមាថ និងបង្កាច់បង្ខូចកេរ្តិ៍ឈ្មោះឱ្យមានការរើសអើង ញុះញង់ឱ្យមានអំពើហិង្សា និងការស្អប់ខ្ពើមជាតិសាសន៍ ព្រមទាំងការអំពាវនាវឱ្យមានការបះបោរប្រឆាំងរដ្ឋាភិបាលស្របច្បាប់...
ICC នឹងបើកការិយាល័យរបស់ខ្លួននៅអ៊ុយក្រែន ក្រោមជំនួយរបស់បស្ចិមប្រទេស
អគ្គរដ្ឋអាជ្ញាប្រទេសអ៊ុយក្រែន និងរដ្ឋអាជ្ញានៃតុលាការឧក្រិដ្ឋកម្មអន្តរជាតិ ហៅកាត់ ICC បានចុះហត្ថលេខាកាលពីថ្ងៃព្រហស្បតិ៍ ទី២៣ មីនា នេះ លើឯកសារមួយស្ដីពីកិច្ចព្រមព្រៀងឈានដល់ការបង្កើតការិយាល័យរបស់តុលាការ ICC នៅក្នុងប្រទេសអ៊ុយក្រែន។
តាមសារព័ត៌មានអ៊ុយក្រែន The Kyiv Post បានរាយការណ៍ថា កិច្ចព្រមព្រៀងនេះធ្វើឡើងក្រោយមួយសប្ដាហ៍បន្ទាប់ពីតុលាការ ICC បានចេញដីកាចាប់ខ្លួនប្រធានាធិបតីរុស្ស៊ី លោក វ៉្លាឌីមៀរ ពូទីនចំពោះការប្រព្រឹត្តឧក្រិដ្ឋកម្មសង្គ្រាមនៅលើទឹកដីអ៊ុយក្រែន។
អគ្គរដ្ឋអាជ្ញាអ៊ុយក្រែន លោក Andriy Kostin...
ភរិយាលោក យឹម ស៊ីណន អង្វរសុំលោក ហ៊ុន សែន លើកលែងទោសដល់ស្វាមីរបស់ខ្លួន
ភរិយារបស់លោក យឹម ស៊ីណន អង្វរសុំឱ្យលោក ហ៊ុន សែន លើកលែងទោសដល់ស្វាមីរបស់អ្នកស្រី ព្រោះការលើកឡើងរបស់ស្វាមីអ្នកស្រី គឺជាកំហុសដែលគិតខ្លី និងឆេវឆាវមួយពេលប៉ុណ្ណោះ។
អ្នកស្រី សុផាត មករា ដែលត្រូវជាភរិយារបស់លោក យឹម ស៊ីណន បានសរសេរលើទំព័រហ្វេសប៊ុករបស់អ្នកស្រីនៅថ្ងៃទី២៤ មីនា នេះថា អ្នកស្រីសូមលើកម្រាមដៃទាំង១០ អង្វរលោក ហ៊ុន សែន សូមមេត្តាអនុគ្រោះដល់ប្តីរបស់អ្នកស្រីផង ដើម្បីឱ្យកូនៗរបស់អ្នកស្រីបានជួបឪពុករបស់គេវិញ...
សង្គមស៊ីវិលខកចិត្តក្រោយអាជ្ញាធរក្រុងប៉ោយប៉ែតបដិសេធការលើកស្លាកសាខារបស់ខ្លួន
សមាគមអភិវឌ្ឍន៍ជីវភាពពលរដ្ឋកម្ពុជា សម្ដែងការខកចិត្តចំពោះអាជ្ញាធរក្រុងប៉ោយប៉ែត ដែលបដិសេធមិនអនុញ្ញាតឱ្យសមាគមរបស់ខ្លួនលើកស្លាកសាខាប្រចាំក្រុងប៉ោយប៉ែត បើទោះបីជាខ្លួនបានជូនដំណឹងរួចហើយក៏ដោយ។
សមាគមអភិវឌ្ឍន៍ជីវភាពពលរដ្ឋកម្ពុជា បានចេញសេចក្តីប្រកាសព័ត៌មានកាលពីពេលថ្មីៗនេះថាការមិនអនុញ្ញាតឱ្យសមាគមរបស់ខ្លួនលើកស្លាកបែបនេះ គឺបង្ហាញពីការរឹតត្បិតសិទ្ធិសេរីភាព និងបង្កភាពស្មុគស្មាញយ៉ាងធ្ងន់ធ្ងរដល់សមាគម ហើយក៏ជាការបង្ហាញពីការអនុវត្តផ្ទុយពីសេចក្តីណែនាំរបស់ក្រសួងមហាផ្ទៃផងដែរ។
សមាគមអភិវឌ្ឍន៍ជីវភាពពលរដ្ឋកម្ពុជា ទាមទារឱ្យអាជ្ញាធរក្រុងប៉ោយប៉ែត អនុវត្តឱ្យបានត្រឹមត្រូវតាមសេចក្តីណែនាំរបស់ក្រសួងមហាផ្ទៃលេខ០៤០ ចុះថ្ងៃទី៣១ ខែតុលា ឆ្នាំ២០១៨ ដើម្បីបង្កលក្ខណៈងាយស្រួលដល់ខ្លួនក្នុងការលើកស្លាកនៅទីស្នាក់ការសាខាប្រចាំក្រុងប៉ោយប៉ែត នេះ។
ការអះអាងនេះ ធ្វើឡើងបន្ទាប់ពីអាជ្ញាធរក្រុងប៉ោយប៉ែត បដិសេធមិនឱ្យសមាគមអភិវឌ្ឍន៍ជីវភាពពលរដ្ឋកម្ពុជា លើកស្លាកប្រចាំសាខារបស់ខ្លួនកាលពីពេលកន្លងទៅនេះ។
សមាគមអភិវឌ្ឍន៍ជីវភាពប្រជាពលរដ្ឋកម្ពុជា មានទីស្នាក់ការកណ្តាលនៅទីក្រុងភ្នំពេញ ដែលមានសមាជិកជាច្រើននៅទូទាំងប្រទេសដែលជាអ្នកប្រកបមុខរបរសេដ្ឋកិច្ចក្រៅប្រព័ន្ធ និងមានទីស្នាក់ការសាខារបស់ខ្លួននៅក្រុងប៉ោយប៉ែត ស្ថិតក្នុងភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត...