ឌឹ ខេមបូឌា ដេលី

ប្រធានចលនាសង្គ្រោះជាតិលោកសម រង្ស៊ីកាលពីថ្ងៃសៅរ៍ បានប្រកាសឲ្យពលរដ្ឋធ្វើពហិការការបោះឆ្នោតជាតិនាខែកក្កដា ខាងមុខប្រសិនបើរដ្ឋាភិបាលទីក្រុងភ្នំពេញបិទផ្លូវមិនអនុញ្ញាតឲ្យគណបក្សសង្គ្រោះជាតិចូលរួមប្រកួតប្រជែងនោះ។

រដ្ឋាភិបាលកម្ពុជាកំពុងស្វែងរកការបង្កើតសេចក្តីព្រាងច្បាប់ស្តីពីព័ត៌មានក្លែងក្លាយ តាមគំរូរបស់ប្រទេសម៉ាឡេស៊ី ក្រោយពីកម្ពុជាបាន បង្ក្រាបទៅលើប្រព័ន្ធផ្សព្វផ្សាយ និងសង្គមស៊ីវិលយ៉ាងអាក្រក់ក្នុងរយៈពេលចុងក្រោយនេះ។

ពលរដ្ឋជាង៣០គ្រួសារក្នុងខេត្តកោះកុងកាលពីម្សិលម៉ិញបាន ដាក់ញត្តិទៅអភិបាលខេត្តកោះកុងដើម្បីសុំអន្តរាគមន៍ឲ្យមានការបញ្ឈប់ការឈូសឆាយផលដំណាំរបស់ពួកគេដែលធ្វើឡើងដោយក្រុមចិនយូញៀនឌីវេឡុបមិនគ្រុប(Union Development Group)ឬហៅកាត់ថាក្រុមហ៊ុនUDGដែលមិនបានផ្តល់សំណងដល់ពួកគាត់។

អ្នកវិភាគឯករាជ្យលោកបណ្ឌិតឡៅ ម៉ុងហៃបានរិះគន់ផែនការផលិតខ្សែវីដេអូរខា្នតខ្លីដែលប៉ុនប៉ងឃោសនានៅមុនការបោះឆ្នោត នាខែកក្កដាខាងមុខ។

រដ្ឋមន្រ្តីការបរទេសជប៉ុនលោកតារ៉ូ កូណូ(Taro Kono)នឹងមក ធ្វើទស្សនកិច្ចនៅកម្ពុជានៅថ្ងៃអាទិត្យទី៨ខែមេសាខាងមុខនេះ។

ក្រសួងសុខាភិបាលកាលពីថ្ងៃសុក្រម្សិលម៉ិញបានស្នើពលរដ្ឋមានការប្រុងប្រយ័ត្នអំពីការពុលចំណីអាហារពុលស្រានិងការចម្លងមេរោគ ក្នុងឱកាសពិធីបុណ្យចូលឆ្នាំប្រពៃណីជាតិខាង​មុខនេះ។

យ៉ាងហោចណាស់មានអ្នកទោសនយោបាយចំនួន១៤រូបដែលកំពុងជាប់ពន្ធនាគាព្រៃសកាលពីម្សិលម៉ិញ បានទាមទាររដ្ឋាភិបាលក្រុងភ្នំពេញដោះលែងពួកគេឲ្យមានសេរីភាពឡើងវិញដើម្បីបានទៅជួបជុំក្រុមគ្រួសារនិងសាងអនាគតថ្មី។

ក្រុមព្រះរាជអាជ្ញាសាលាដំបូងរាជធានីភ្នំពេញ កាលពីម្សិលម៉ិញបានដឹកនាំកម្លាំងចម្រុះចុះអនុវត្តសាលដីកាដែលបង្ខំឱ្យកាសែតភ្នំពេញប៉ុស្តិ៍សងប្រាក់២៦ម៉ឺនដុល្លារអាមេរិកឲ្យទៅ លោក Chris Dawe អតីតអគ្គនាយកនៃកាសែតនេះ ពាក់ព័ន្ធនឹងករណីវិវាទការងារកាលពីពេលកន្លងទៅ។

ប្រធានគណបក្សសង្គ្រោះជាតិលោកកឹមសុខាអះអាងថា ដើម្បីដោះស្រាយវិបត្តិនយោបាយសព្វថ្ងៃគឺមានតែរូបមន្តមួយគត់ដែលមានប្រសិទ្ធិភាពនោះគឺការចរចារវាងគណបក្សដ៏ធំទាំងពីរ។

អង្គការវេទិកាអាស៊ីសម្រាប់ការអភិវឌ្ឍន៍និងសិទ្ធិមនុស្សកាលពីថ្ងៃព្រហស្បតិ៍បានថ្កោលទោសជាខ្លាំងចំពោះការសម្រេចរបស់សាលាឧទ្ធរណ៍ក្នុងការបន្តឃុំខ្លួនអតីតអ្នករាយការណ៍ព័ត៌មានរបស់វិទ្យុអាស៊ីសេរីពីរនាក់គឺលោក អ៊ួន ឈិននិងលោកយាង សុធារិន។