TAG
កឹម សុខា
បុរសខ្លាំងព្រមានមិនអត់ឱនឱ្យខ្មែរនិងអន្តរជាតិណាធ្វើសកម្មភាពបំផ្លាញកម្ពុជាឡើយ
បុរសខ្លាំងក្រាញអំណាចតត្រកូលនៅកម្ពុជា លោក ហ៊ុន សែន ព្រមានមិនអត់ឱនឲ្យខ្មែរ និងអន្តរជាតិ បើសិនជាធ្វើសកម្មភាពដើម្បីបំផ្លាញប្រទេសកម្ពុជាដែលកំពុងពោរពេញទៅដោយសន្តិភាព។
ក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្សនិស្សិតនៃវិទ្យាស្ថានខ្មែរជំនាន់ថ្មី នាថ្ងៃចន្ទ ទី៦ ខែមីនា ឆ្នាំ២០២៣ នេះ លោក ហ៊ុន សែន បានប្រកាសជាសាធារណៈដែលទំនងសំដៅលើអង្គការសង្គមស៊ីវិល និងបណ្ដាប្រទេសលោកសេរីថា កុំធ្វើសកម្មភាពដែលជំរុញឲ្យកម្ពុជាមានសង្គ្រាម។
លោកបានព្រមានមិនអត់ឱនឲ្យអ្នកទាំងនោះឡើយ ទោះបីជាខ្មែរក្ដី និងបរទេសក្ដី បើសិនជារកឃើញថា ធ្វើសកម្មភាពប្រឆាំងទៅនឹងឯករាជ្យ អធិបតេយ្យភាពកម្ពុជា...
វេទិកាពលរដ្ឋអំពាវនាវឱ្យអន្តរជាតិដាក់ទណ្ឌកម្មលោក ហ៊ុន សែន ពាក់ព័ន្ធការឃុំខ្លួនលោក កឹម សុខា ក្នុងផ្ទះ
ក្រុមអ្នកតស៊ូមតិនៅក្រៅស្រុកដែលមានឈ្មោះថា វេទិកាពលរដ្ឋ អំពាវនាវឱ្យសហគមន៍អន្តរជាតិដាក់ទណ្ឌកម្មលើមេដឹកនាំបក្សកាន់អំណាច លោក ហ៊ុន សែន និងក្រុមគ្រួសាររបស់គាត់ រួមជាមួយអ្នកពាក់ព័ន្ធផ្សេងទៀតនៅកម្ពុជា ដែលចូលរួមសមគំនិតកាត់ក្តីឲ្យមេដឹកនាំបក្សប្រឆាំងលោក កឹម សុខា មានទោសក្បត់ជាតិទាំងអយុត្តិធម៌កាលពីពេលថ្មីៗនេះ។
វេទិកាពលរដ្ឋបានចេញសេចក្តីថ្លែងការណ៍កាលពីថ្ងៃទី៥ ខែមីនា ឆ្នាំ២០២៣ ថា ការកាត់ក្តីទាំងបំពានលើលោក កឹម សុខា ឲ្យមានទោសក្បត់ជាតិ មិនមែនត្រឹមតែជាការដើរថយក្រោយនៃប្រជាធិបតេយ្យនោះទេ ប៉ុន្តែថែមទាំងធ្វើឲ្យប្រជាធិបតេយ្យនៅកម្ពុជាក្រឡាប់ចាក់ទាំងស្រុងទៅវិញ។
វេទិកាពលរដ្ឋអះអាងថា ដើម្បីស្ដារស្ថានភាពក្រឡាប់ចាក់នេះ សហគមន៍អន្តរជាតិ អង្គការសហប្រជាជាតិ...
បណ្ដាប្រទេសលោកសេរីថាការកាត់ទោសលោក កឹម សុខា ជាកំហុសក្នុងប្រព័ន្ធយុត្តិធម៌កម្ពុជា
បណ្ដាប្រទេសលោកសេរី និងអង្គការសិទ្ធិមនុស្សអន្តរជាតិ សម្ដែងការសោកស្ដាយដោយចាត់ទុកការកាត់ទោសលោក កឹម សុខា ឱ្យជាប់ពន្ធនាគាររយៈពេល ២៧ឆ្នាំ និងដកសិទ្ធិមិនឲ្យធ្វើនយោបាយនេះ ថាដើម្បីបំបិទសំឡេងលោក កឹម សុខា និងជារឿងប្រឌិត ហើយក៏ជាកំហុសនៅក្នុងប្រព័ន្ធយុត្តិធម៌ដែលនឹងធ្វើឲ្យប៉ះពាល់មុខមាត់ប្រទេសកម្ពុជា។
ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ លោក កូយ សៅ នៅថ្ងៃសុក្រ ទី៣ មីនា នេះ បានប្រកាសសាលក្រមផ្ដន្ទាទោសលោក កឹម សុខា ឲ្យជាប់ពន្ធនាគារ...
IDEA TALK៖ ដំណើរការនៃការប្រកាសសាលក្រមលោក កឹម សុខា
កម្មវិធី Idea Talk សម្រាប់រាត្រីថ្ងៃទី០៣ ខែមីនា ឆ្នាំ២០២៣ ស្តីអំពី៖ «ដំណើរការនៃការប្រកាសសាលក្រមលោក កឹម សុខា»។
លោក សម រង្ស៊ី ទាយថាសវនាការលោក កឹម សុខា នឹងមិនមានការប្រែប្រួលទៅរកភាពល្អប្រសើរ
អតីតមេដឹកនាំបក្សប្រឆាំង លោក សម រង្ស៊ី ព្យាករថា សវនាការរបស់ប្រធានគណបក្សសង្គ្រោះជាតិ លោក កឹម សុខា នៅថ្ងៃទី៣ ខែមីនា នេះ នឹងមិនមានភាពល្អប្រសើរឡើយ ព្រោះសំណុំរឿងរបស់លោក កឹម សុខា នេះ គឺជារឿងក្តីដែលទៅមុខមិនរួច និងថយក្រោយមិនបាន។
អតីតមេដឹកនាំបក្សប្រឆាំង លោក សម រង្ស៊ី បានសរសេរលើទំព័រហ្វេសប៊ុករបស់ខ្លួនកាលពីថ្ងៃទី១ ខែមីនា...
តុលាការផ្ដន្ទាទោសលោក កឹម សុខា ឱ្យជាប់ពន្ធនាគារ២៧ឆ្នាំនិងដកសិទ្ធិធ្វើនយោបាយមួយជីវិត
សាលាដំបូងរាជធានីភ្នំពេញ ប្រកាសសាលក្រមដោយសម្រេចផ្ដន្ទាទោសលោក កឹម សុខា ប្រធានអតីតគណបក្សសង្គ្រោះជាតិ ឲ្យជាប់ពន្ធនាគាររយៈពេល ២៧ឆ្នាំ ប៉ុន្តែមិនតម្រូវឲ្យបញ្ជូនខ្លួនទៅឃុំនៅក្នុងពន្ធនាគារនោះទេ ដោយអនុញ្ញាតឲ្យរស់នៅក្នុងផ្ទះ ព្រមទាំងដកសិទ្ធិមិនឲ្យធ្វើនយោបាយអស់មួយជីវិត។
លោក អាង ឧត្តម មេធាវីម្នាក់របស់លោក កឹម សុខា ដែលប្រាប់ក្រុមអ្នកកាសែតក្រោយចេញពីសវនាការនៅព្រឹកថ្ងៃទី៣ ខែមីនា ឆ្នាំ២០២៣ នេះថា តុលាការភ្នំពេញបានប្រកាសសាលក្រមស្ដីពីការដាក់ទោសលើលោក កឹម សុខា រយៈពេល ២៧ឆ្នាំ...
លោក រ៉ុង ឈុន អះអាងថានឹងអញ្ជើញលោក កឹម សុខា ឱ្យដឹកនាំបក្សភ្លើងទៀនពេលមានសេរីភាព
អនុប្រធានគណបក្សភ្លើងទៀន លោក រ៉ុង ឈុន ប្រកាសអញ្ជើញមេដឹកនាំគណបក្សសង្គ្រោះជាតិ លោក កឹម សុខា ឱ្យទៅដឹកនាំគណបក្សភ្លើងទៀន ប្រសិនបើតុលាការក្រុងភ្នំពេញសម្រេចលើកលែងការចោទប្រកាន់ និងមានការបើកលំហសិទ្ធិសេរីភាពពីសំណាក់រដ្ឋាភិបាលឱ្យគាត់អាចវិលចូលរួមក្នុងឆាកនយោបាយឡើងវិញ។
អនុប្រធានគណបក្សភ្លើងទៀន ដែលទើបនឹងតែងតាំងថ្មី លោក រ៉ុង ឈុន បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃចន្ទ ទី២០...
មន្ត្រីបក្សប្រឆាំងថាការសម្រុះសម្រួលនយោបាយនឹងនាំមកនូវប្រយោជន៍ដ៏ច្រើនសម្រាប់ជាតិ
មន្ត្រីជាន់ខ្ពស់បក្សប្រឆាំងអះអាងថា ការសម្រុះសម្រួលនយោបាយរវាងមេដឹកនាំបក្សកាន់អំណាច លោក ហ៊ុន សែន និងមេដឹកនាំបក្សប្រឆាំង លោក កឹម សុខា គឺជាកម្លាំងចលករមួយនាំមកនូវភាពខ្លាំងក្លា និងរឹងមាំនៃនយោបាយការទូត និងសេដ្ឋកិច្ចនៅលើឆាកអន្តរជាតិទៅថ្ងៃអនាគតសម្រាប់ផលប្រយោជន៍របស់កម្ពុជា។
អតីតអ្នកទោសនយោបាយ និងជាមន្ត្រីជាន់ខ្ពស់បក្សប្រឆាំង លោក មាជ សុវណ្ណារ៉ា ប្រាប់សារព័ត៌មាន The Cambodia Daily នៅថ្ងៃទី១៦ កុម្ភៈ នេះថា អតីតប្រធានគណបក្សសង្គ្រោះជាតិ...
លោក កឹម សុខា អះអាងថារដ្ឋាភិបាលអាល្លឺម៉ង់កំពុងតាមដានសិទ្ធិសេរីភាពរបស់លោក
លោក កឹម សុខា ថ្លែងថា ប្រធានាធិបតី និងរដ្ឋាភិបាលអាល្លឺម៉ង់ បាននិងកំពុងតាមដានករណីសិទ្ធិសេរីភាពរបស់លោកអំឡុងពេលបំពេញទស្សនកិច្ចនៅកម្ពុជា។
ការលើកឡើងនេះ បន្ទាប់ពីប្រធានាធិបតីអាល្លឺម៉ង់ លោក Frank-Walter Steinmeier និងភរិយាមកបំពេញទស្សនកិច្ចផ្លូវការនៅកម្ពុជាពីថ្ងៃទី១៣ ដល់ថ្ងៃទី១៦ ខែកុម្ភៈ។ ក្នុងដំណើរទស្សនកិច្ចនេះ ប្រធានាធិបតីអាល្លឺម៉ង់ លោក Frank-Walter Steinmeier ក៏បានចូលពិភាក្សាការងារជាមួយលោក កឹម សុខា ដែរ។
បើតាមលោក កឹម...
អ្នកឃ្លាំមើល៖ ចាប់ពីពេលនេះដល់ថ្ងៃបោះឆ្នោត នឹងមានការគំរាមកំហែងនិងបង្ក្រាបលើក្រុមអ្នកប្រជាធិបតេយ្យ
អ្នកឃ្លាំមើលសង្គមនិយាយថា ចាប់ពេលនេះទៅរហូតដល់ថ្ងៃបោះឆ្នោតចុងខែកក្កដា ឆ្នាំ២០២៣ ខាងមុខនេះ នឹងមានការគំរាមកំហែង និងការបង្ក្រាបលើក្រុមអ្នកប្រជាធិបតេយ្យដែលជាបក្សក្រៅរដ្ឋាភិបាលជាមិនខាន។
អ្នកស្រាវជ្រាវការអភិវឌ្ឍសង្គម បណ្ឌិត មាស នី បានលើកឡើងនៅក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី៣០ ខែមករា នេះថា ដើម្បីធានានូវបរិយាកាសនយោបាយល្អសម្រាប់ការចូលរួមរបស់បក្សនយោបាយទាំងអស់មុនការបោះឆ្នោតមកដល់ ទាល់តែគណបក្សទាំងនោះមានសិទ្ធិធ្វើសកម្មភាពនយោបាយស្របទៅតាមច្បាប់ដែលមានចែងដូចគ្នា ប៉ុន្តែជាអកុសលសម្រាប់ប្រទេសកម្ពុជា គណបក្សក្រៅរដ្ឋាភិបាលមិនអាចមានលទ្ធភាពពេញក្នុងការធ្វើសកម្មភាពនយោបាយរបស់ខ្លួនដូចបក្សកាន់អំណាចឡើយ។
លោកអះអាងថា ការរារាំង...