31 C
Phnom Penh

TAG

បណ្ឌិត សេង សារី

បទសម្ភាសន៍​ពិសេស​ជាមួយ​បណ្ឌិត សេង សារី អ្នក​ស្រាវជ្រាវ​អំពី​ការ​អភិវឌ្ឍ​សង្គម

បទសម្ភាសន៍​ពិសេស​ជាមួយ​បណ្ឌិត សេង សារី អ្នក​ស្រាវជ្រាវ​អំពី​ការ​អភិវឌ្ឍ​សង្គម នៅ​រាត្រី​ថ្ងៃ​ទី​១៨ ខែ​កញ្ញា ឆ្នាំ​២០២១។ លោក​នឹង​ពិភាក្សា​អំពី​ស្ថានការណ៍​សុវត្ថិភាព​របស់​លោក បន្ទាប់ពី​លោក ហ៊ុន សែន ចេញ​បញ្ជា​ឲ្យ​តាម​ចាប់​ខ្លួន​លោក​ករណី​សំណេរ​របស់​លោក​អំពី​លទ្ធភាព​ក្នុង​ការ​បង្កើត​រដ្ឋាភិបាល​បង្រួបបង្រួម​ជាតិ​ដោយ​ផ្អែក​លើ​កម្លាំង​ធំៗ​ចំនួន ៦​ចំណុច។

លោក ហ៊ុន សែន គំរាម​ចាប់​ខ្លួន​អ្នកវិភាគ​នយោបាយ​ម្នាក់​ទាក់ទង​នឹង​ការ​គាំទ្រ​រដ្ឋាភិបាល​ក្រៅ​ប្រទេស

លោក​នាយករដ្ឋមន្ត្រី ហ៊ុន សែន គំរាម​តាម​ចាប់​ខ្លួន​អ្នកវិភាគ​នយោបាយ​សង្គម​ម្នាក់​ទាក់ទង​ទៅ​នឹង​ការ​គាំទ្រ​រដ្ឋាភិបាល​ក្រៅ​ប្រទេស ថា​សូម​កុំ​គិត​ថា​រដ្ឋាភិបាល​របស់​លោក​មិន​ហ៊ាន​វ៉ៃ​ខ្នោះ​រូបគេ​ឱ្យ​សោះ ទោះ​ពាក់កណ្តាល​អាធ្រាត្រ​ក៏​សមត្ថកិច្ច​អាច​អនុវត្ត​ការ​ចាប់​ខ្លួន​នេះ​បាន​ដែរ។ លោក ហ៊ុន សែន គំរាម​ចាប់​ខ្លួន​បែប​នេះ ទំនង​ជា​សំដៅ​ដល់​អ្នក​ស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី ដែល​ធ្លាប់​បាន​លើកឡើង​ពី​លក្ខខណ្ឌ ៦​ចំណុច​ក្នុង​ការ​បង្កើត​រដ្ឋាភិបាល​ក្រៅ​ប្រទេស បន្ទាប់ពី​មេដឹកនាំ​បក្ស​ប្រឆាំង​ប្រកាស​ឱ្យ​មាន​ការ​ចូល​បង្កើត​រដ្ឋាភិបាល​ក្រៅ​ប្រទេស​ដែល​យក​គំរូ​តាម​ប្រទេស​ភូមា កាលពី​ពេល​កន្លងទៅ។ ប្រមុខ​រដ្ឋាភិបាល​កម្ពុជា បាន​លើក​ឡើង​ក្នុង​សន្និសីទ​សារព័ត៌មាន​បើក​យុទ្ធនាការ​ចាក់​ថ្នាំបង្ការ​ជំងឺ Covid-19 សម្រាប់​កុមារ​នៅ​វិមាន​សន្តិភាព​នៅ​ថ្ងៃ​ទី​១៧ ខែ​កញ្ញា ឆ្នាំ​២០២១ ថា តុលាការ​បាន​ចេញ​ដីកា​ចាប់​ខ្លួន​រួចហើយ...

ក្រុម​អ្នក​តាមដាន៖ អ្នក​នយោបាយ​ខ្មែរ​ពូកែ​ឈ្លោះ​ជាមួយ​ជាតិសាសន៍​ឯង ខណៈ​អ្នក​នយោបាយ​មុនៗ​ធ្វើ​សង្គ្រាម​ដើម្បី​ពង្រីក​ទឹកដី

ក្រុម​អ្នក​តាមដាន​ការ​អភិវឌ្ឍ​នៅ​កម្ពុជា បាន​លើកឡើង​ថា អ្នក​នយោបាយ​ខ្មែរ​បច្ចុប្បន្ន​នេះ​នៅ​មិនទាន់​ឈប់​ឈ្លោះ​គ្នា​នៅឡើយ​ទេ ហើយ​ពូកែ​ឈ្លោះ​តែ​ជាមួយ​ជាតិសាសន៍​ឯង ដែល​ផ្ទុយ​ស្រឡះ​ពី​អ្នក​នយោបាយ និង​រាជការ​សម័យ​មុនៗ​ដែល​ឈ្លោះ​គ្នា​ដើម្បី​ពង្រីក​ទឹកដី។ អ្នក​ស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី បាន​សរសេរ​សារ​នៅ​លើ​គណនី Facebook របស់​លោក កាលពី​ថ្ងៃ​ទី​១ ខែ​កញ្ញា ឆ្នាំ​២០២១ ក្នុង​ន័យ​ថ្វាយ​សារ ឬ​ទូលពិត​ថ្វាយ​អតីត​ព្រះ​មហា​វីរក្សត្រ​ជំនាន់​មុនៗ​ថា លោក​សូម​ក្រាប​បង្គំ​ទូល​ព្រះ​មហា​វីរក្សត្រ​ខ្មែរ​ដែល​បាន​កសាង​អង្គរ​គ្រប់​ព្រះអង្គ​ថា អ្នក​នយោបាយ​ដែល​ជា​កូនចៅ​របស់​ព្រះអង្គ​នៅ​បន្ត​ឈ្លោះ​ទាស់​គ្នា​នៅឡើយ​រហូត​មក​ដល់​បច្ចុប្បន្ន​នេះ។ ចំណែកឯ​ទឹកដី​ដែល​ព្រះអង្គ​ប្រឹង​ពង្រីក និង​កសាង​ជា​អាណាចក្រ​មួយ​ដ៏​ខ្លាំងក្លា ឥឡូវ​នេះ​នៅសល់​តែ ១៨១០៣៥​គីឡូម៉ែត្រ​ក្រឡា​ប៉ុណ្ណោះ ហើយ​ក្នុង​រយៈពេល​ចុងក្រោយ​នេះ មិន​ដឹង​ថា​ទឹកដី​នេះ​នឹង​នៅសល់​គ្រប់​ចំនួន​ដូច​តួលេខ...

ក្រុម​អ្នក​តស៊ូ​មតិ​ថា​ការ​ចាកចេញ​របស់​លោក ស ខេង ទៅ​បារាំង ដើម្បី​បន្ធូរ​ភាព​តានតឹង​ទំនាស់​ផ្ទៃក្នុង​បក្ស​កាន់​អំណាច

បញ្ញវន្ត​ខ្មែរ​នៅ​ក្រៅ​ស្រុក លើកឡើង​ថា ការ​ចាកចេញ​របស់​រដ្ឋមន្ត្រី​ក្រសួង​មហាផ្ទៃ ទៅ​ប្រទេស​បារាំង ក្នុង​ពេល​នេះ ទំនង​ជា​ដើម្បី​បន្ធូរ​ភាព​តានតឹង​ទំនាស់​ផ្ទៃក្នុង​បក្ស​កាន់​អំណាច​ប៉ុណ្ណោះ បន្ទាប់ពី​មាន​ការ​តែងតាំង​កូនប្រសា​លោក ហ៊ុន សែន ក្នុង​បំណង​ដើម្បី​បន្សាប​ឥទ្ធិពល​របស់​លោក ស ខេង ក្នុង​កងកម្លាំង​នគរបាល​ជាតិ​កាលពី​ពេល​ថ្មីៗ​នេះ។ អ្នកវិភាគ​នយោបាយ សង្គម និង​ជា​អនុប្រធាន​ក្រុមប្រឹក្សាភិបាល​នៃ​ចលនា​និស្សិត​ដើម្បី​លទ្ធិប្រជាធិបតេយ្យ លោក គឹម សុខ បាន​លើកឡើង​ក្នុង​កម្មវិធី Idea Talk របស់​សារព័ត៌មាន The Cambodia...

អ្នក​សង្កេតការណ៍៖ គ្រូបង្រៀន​បាន​ត្រឹមតែ​ជា​កម្មករ​បង្រៀន​ប៉ុណ្ណោះ​នៅ​ពេល​អ្នក​មាន​អំណាច​ចាប់​ពួកគេ​ធ្វើ​ជា​ចំណាប់ខ្មាំង​នយោបាយ

អ្នក​សង្កេតការណ៍​រិះគន់​ថា គ្រូបង្រៀន​បាន​ត្រឹមតែ​ជា​កម្មករ​បង្រៀន​ប៉ុណ្ណោះ មិន​អាច​បំពេញ​តួនាទី​ជា​បុគ្គលិក​ក្នុង​វិស័យ​អប់រំ​ទេ​នៅ​ពេល​ដែល​អ្នក​នយោបាយ​ឱកាស​និយម នាំគ្នា​យក​គ្រឹះស្ថាន​អប់រំ​ជា​ទីតាំង​ឃុំឃាំង​គ្រូបង្រៀន ហើយ​យក​គ្រូបង្រៀន​ធ្វើជា​ចំណាប់ខ្មាំង​នយោបាយ​របស់​ពួកគេ​នោះ។ អ្នកស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី បាន​សរសេរ​លើ​គណនី Facebook របស់​លោក​កាលពី​ថ្ងៃ​ទី​២២ ខែ​សីហា ឆ្នាំ​២០២១ ថា បច្ចុប្បន្ន​នេះ មន្ត្រី​ដែល​ទទួល​បន្ទុក​ខាង​វិស័យ​អប់រំ និង​បណ្តុះបណ្តាល​មួយ​ចំនួន បាន​ត្រឹម​រង់ចាំ​ស្តាប់​បញ្ជា​ពី​មន្ត្រី​នយោបាយ​កំប៉ិកកំប៉ុក និង​ព្យាយាម​អែបអប​អ្នក​ទាំងនោះ​តែប៉ុណ្ណោះ ដើម្បី​ទទួល​បាន​ផល​ប្រយោជន៍​ផ្ទាល់ខ្លួន និង​អំណាច ធ្វើ​បាប​គ្រូបង្រៀន​ដូចគ្នា ខណៈ​អ្នក​ទាំងនោះ​ក៏​ជា​ជនរងគ្រោះ​នៃ​អ្នក​នយោបាយ​ឱកាស​និយម​ទាំងនោះ​ផង​ដែរ។ បណ្ឌិត សេង...

ក្រុម​អ្នក​ឃ្លាំមើល​សង្គម​ថា​ជន​ផ្ដាច់ការ​តែង​កសាង​មុខមាត់​នយោបាយ​ដោយ​ការ​ប្រើ​មធ្យោបាយ​ទុច្ចរិត

អ្នក​តាមដាន​កិច្ចការ​សង្គម លើកឡើង​ថា ជន​ផ្ដាច់ការ​តែង​កសាង​មុខមាត់​នយោបាយ ឬ​កេរ្តិ៍​ឈ្មោះ​របស់​ខ្លួន​ដោយ​ការ​ប្រើ​មធ្យោបាយ​ទុច្ចរិត​គ្រប់​បែបយ៉ាង ដើម្បី​យក​ឈ្នះ​ដៃគូ​ទាំង​នៅ​លើ​ឆាក និង​ក្រោយ​ឆាក​នយោបាយ​ដែល​ពួកគេ​កំពុងតែ​កាន់កាប់។ អ្នក​ស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​៣ ខែ​សីហា ថា ជន​ផ្ដាច់ការ​តែងតែ​កសាង​កិត្តិយស​លើ​ឆាក​នយោបាយ​ដោយ​ប្រើ​វិធី​ស្មោកគ្រោក​គ្រប់​សកម្មភាព​ទាំងអស់ ដើម្បី​ផ្ដួល​រំលំ​គូប្រជែង ដូចជា​ការ​កាង​ទីផ្សារ​នយោបាយ​ផ្ដាច់មុខ​តែ​ម្នាក់​ឯង និង​គំរាម​ប្រជាពលរដ្ឋ​ឲ្យ​ទទួល​យក​សេវា​នយោបាយ​ភូត​កុហក​របស់​ខ្លួន​ជាដើម។ លោក​រិះគន់​ថា ជំពូក​អ្នក​នយោបាយ​ផ្ដាច់ការ​មិន​ចេះ​ប្រឹង​កសាង​សមត្ថភាព​ដឹកនាំ​ខ្លួនឯង​ឲ្យ​ពេញ​និយម​ដោយ​សុចរិតភាព​នោះ​ទេ តែ​បែរជា​តាម​រំលាយ​គូប្រកួត​របស់​ខ្លួន​ក្នុង​ចេតនា​ទុច្ចរិត​ដើម្បី​ដណ្តើម​អ្នក​គាំទ្រ​របស់​គេ ប៉ុន្តែ​ពេល​គេ​មិន​គាំទ្រ និង​រិះគន់​ពី​អំពើ​អាក្រក់​របស់​ខ្លួន បែរជា​ចាប់​គេ​ដាក់​គុក ដោយ​ចោទ​អ្នក​ទាំងនោះ​ថា​ជា​ជន​ក្បត់...

អ្នក​វិភាគ​ចាត់ទុក​ជន​ផ្ដាច់ការ​ថា​ជា​ក្រុម​មនុស្ស​បញ្ញើក្អែក​ក្នុង​របប​ប្រជាធិបតេយ្យ

អ្នក​ឃ្លាំមើល​សង្គម​ចាត់ទុក​ជន​ផ្ដាច់ការ​ថា​ជា​ក្រុម​មនុស្ស​បញ្ញើក្អែក​ក្នុង​របប​ប្រជាធិបតេយ្យ តែ​នៅ​ទីបំផុត ជន​ផ្ដាច់ការ​ទាំងនោះ​ក៏​នឹង​ស្លាប់​ជាមួយ​នឹង​ការ​ដួល​រំលំ​របប​ប្រជាធិបតេយ្យ​ដែរ ត្បិត​ភាព​ធំធាត់ ភាព​មាន​បាន​ដែល​ពួកគេ​សម្ងំ​ដេក​ស៊ី​ក្នុង​សង្គម​ប្រជាធិបតេយ្យ គឺជា​ការ​បំផ្លាញ​ប្រព័ន្ធ​ប្រជាធិបតេយ្យ​តែប៉ុណ្ណោះ។ អ្នក​ស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២៦ ខែ​កក្កដា ថា ដើម្បី​ភាព​ធំធាត់​នៃ​អំណាច​ត​កូន​ត​ចៅ ជន​ផ្ដាច់ការ​ដឹង​យ៉ាង​ច្បាស់​ពី​របៀប​កាន់កាប់​អំណាច​ក្នុង​យន្តការ​ប្រជាធិបតេយ្យ ដូចជា​ការ​លួច​កែ​ច្បាប់​ដើម្បី​ពង្រឹង​អំណាច​ខ្លួនឯង និង​ប្រើ​វិធី​កេង​ចំណេញ​នយោបាយ​គ្រប់​រូបភាព ដូចជា​ការ​កម្ចាត់​ដៃគូ​នយោបាយ​ដែល​មាន​កម្លាំង​នយោបាយ​ស្មើ​នឹង​ខ្លួនឯង ជាដើម។ លោក​អះអាង​ថា របប​ប្រជាធិបតេយ្យ​នឹង​ត្រូវ​ដួល​រលំ​ក្រោម​ស្នាដៃ​ជន​ផ្ដាច់ការ​ដែល​ជា​ក្រុម​បញ្ញើក្អែក​ទាំងនោះ​យ៉ាង​ពិតប្រាកដ ប៉ុន្តែ​របប​នេះ​នឹង​រស់​ឡើងវិញ​នៅ​ពេល​ដែល​ជន​ផ្ដាច់ការ​ទាំងនោះ​អស់​ឥទ្ធិពល​នយោបាយ ឬ​ស្លាប់​បាត់បង់​ជីវិត ដូច្នេះ​ការ​តស៊ូ​របស់​ប្រជាពលរដ្ឋ​ឲ្យ​មាន​សង្គម​ប្រជាធិបតេយ្យ...

អ្នក​ឃ្លាំមើល​សង្គម​បង្ហាញ​ល្បិច ៤​យ៉ាង​មើល​ឃើញ​ជន​ផ្ដាច់ការ​លាក់ខ្លួន​ក្នុង​សង្គម​ប្រជាធិបតេយ្យ

អ្នក​ឃ្លាំមើល​សង្គម​លើកឡើង​ពី​លក្ខណៈ​កត់សម្គាល់​វិធី ៤​យ៉ាង ដែល​ជា​វិធីសាស្ត្រ​ក្នុង​ការ​ពិនិត្យ​មើល​បុគ្គលិក​លក្ខណៈ​ជន​ផ្ដាច់ការ​ដែល​សម្ងំ​លាក់ខ្លួន​នៅ​ក្នុង​របប​ប្រជាធិបតេយ្យ។ អ្នកស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២២ ខែ​កក្កដា ឆ្នាំ​២០២១ ថា លក្ខណៈ​របស់​ជន​ផ្ដាច់ការ គឺ​ធ្វើ​អ្វីៗ​ដើម្បី​តែ​អំណាច​ក្រុម​បក្ខពួក​របស់​ពួកគេ​តែប៉ុណ្ណោះ ដូច្នេះ​ដើម្បី​ក្តោប​ក្តាប់​អំណាច​បាន​រឹងមាំ ពួកគេ​បាន​ប្រើ​វិធី​ដាក់​ពង្រាយ​ខ្សែ​បណ្ដាញ​របស់​ពួកគេ​ឲ្យ​ចូល​ទៅ​គ្រប់គ្រង​ស្ថាប័ន​អំណាច​ធំៗ​របស់​ជាតិ​ទាំងអស់ ដូចជា៖ គ្រប់គ្រង​ស្ថាប័នរដ្ឋ​សភាគ្រប់គ្រង​ស្ថាប័ន​រដ្ឋាភិបាលនិង​គ្រប់គ្រង​ស្ថាប័ន​តុលាការ ជាដើម។ លោក​អះអាង​ថា ក្រោយពេល​គ្រប់គ្រង​ស្ថាប័ន​កំពូលៗ​របស់​ជាតិ​បាន​ពេញដៃ​ហើយ ពួកគេ​បាន​រៀបចំ​ការ​គ្រប់គ្រង​លើ​ក្បាលម៉ាស៊ីន​រដ្ឋបាល​ជាតិ​ថែមទៀត នោះ​គឺ​ការ​ក្តោប​ក្តាប់​មន្ត្រី​រាជការ​ជាន់ខ្ពស់​តាម​ក្រសួង​ស្ថាប័ន​ទាំងអស់ បន្ទាប់មក​ពួកគេ​ចាប់ផ្តើម​ប្រើ​មន្ត្រី​រាជការ​តាម​ក្រសួង​ទាំងនោះ​ឲ្យ​ដើរ​គាបសង្កត់​ពលរដ្ឋ​ម្ចាស់​ប្រទេស​ឲ្យ​បោះឆ្នោត​ប្រគល់​អំណាច​ឲ្យ​ពួកគេ​បន្ត​ទៀត។ បណ្ឌិត សេង សារី...

អ្នក​ឃ្លាំមើល​សង្គម៖ កម្លាំង​ចលករ​៦ នៅ​កម្ពុជា អាច​ធ្វើ​ឲ្យ​ស្ថានភាព​នយោបាយ​មាន​ការ​ប្រែប្រួល

ក្រុម​អ្នក​ឃ្លាំមើល​បញ្ហា​សង្គម លើកឡើង​ថា កម្លាំង​ចលករ​នយោបាយ​សំខាន់ៗ​ទាំង​៦ នៅ​កម្ពុជា អាច​ធ្វើ​ឲ្យ​នយោបាយ​នៅ​ស្រុក​ខ្មែរ​មាន​ការ​ប្រែប្រួល ទាល់តែ​កម្លាំង​លើស​ពី​ពាក់កណ្តាល​ក្នុង​ចំណោម​កម្លាំង​ទាំង​៦​នោះ​ងើប​ឡើង​ព្រមគ្នា​តែម្តង។ អ្នកស្រាវជ្រាវ​ការ​អភិវឌ្ឍ​សង្គម បណ្ឌិត សេង សារី បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២១ ខែ​កក្កដា ឆ្នាំ​២០២១ ថា កម្លាំង​ចលករ​ដែល​នាំ​ឲ្យ​មាន​ការ​ប្រែប្រួល​សភាពការណ៍​នៅ​កម្ពុជា​នោះ គឺ​កម្លាំង​អ្នក​គាំទ្រ​គណបក្ស​ប្រឆាំង​ដែល​កំពុងតែ​គ្រប់គ្រង​យ៉ាង​ណែន និង​គាបសង្កត់​យ៉ាង​ខ្លាំង​ពី​សំណាក់​គណបក្ស​កាន់​អំណាច។ លោក​អះអាង​ថា ក្រៅពី​កម្លាំង​ប្រឆាំង នៅ​មាន​កម្លាំង​មហាជន​ដែល​ជា​កម្លាំង​មួយ​ចង់​ឲ្យ​មាន​ការផ្លាស់ប្ដូរ​ពិតប្រាកដ ហើយ​ក្រុម​នេះ​ក៏​រង​អយុត្តិធម៌​ពី​ការ​រំលោភបំពាន ការជិះជាន់​ក្នុង​ពេល​នេះ​ដែរ លើស​ពី​នេះ​នៅ​មាន​កម្លាំង​យុវជន​ផង​ដែរ។ បណ្ឌិត សេង...

ភរិយា​បណ្ឌិត កែម ឡី ចេញ​មុខ​សុំទោស​ប្រជាពលរដ្ឋ​ខ្មែរ​ជា​សាធារណៈ

ភរិយា​បណ្ឌិត កែម ឡី បាន​ចេញ​មុខ​សុំ​អភ័យទោស​ចំពោះ​ពលរដ្ឋ​ខ្មែរ និង​សាធារណជន​ទាំងអស់​ចំពោះ​ការ​និយាយ​របស់​អ្នកស្រី​ក្នុង​បទសម្ភាសន៍​ជាមួយ​សារព័ត៌មាន The Cambodia Daily ដែល​អ្នកស្រី​មិន​បាន​បញ្ជាក់​ឲ្យ​អស់​សេចក្តី និង​ខ្លឹមសារ​នៃ​ការ​លើកឡើង​ទាំងនោះ ក្រោយ​ពី​មាន​ការ​រិះគន់​ពី​អ្នក​នយោបាយ​មួយ​ចំនួន។ កាលពី​ថ្ងៃ​ទី​១៤ ខែ​កក្កដា ឆ្នាំ​២០២១ ភរិយា​បណ្ឌិត កែម ឡី គឺ​អ្នកស្រី ប៊ូ រចនា បាន​សរសេរ​លើ​គណនី Facebook របស់​អ្នកស្រី​ថា អ្នកស្រី​សូម​អភ័យទោស​ចំពោះ​លោក​យាយ លោកតា...

Latest news