TAG
បទវិភាគ
បទវិភាគ៖ តើមេដឹកនាំផ្ដាច់ការខ្លាំង ឬអ្នកនៅជុំវិញខ្លួនគាត់ជាអ្នកខ្លាំង?
ក្នុងសង្គមផ្ដាច់ការ មេដឹកនាំផ្ដាច់ការតាំងខ្លួនជាម្ចាស់អំណាច និងជាម្ចាស់សង្គមដែលខ្លួនកំពុងគ្រប់គ្រងនោះ។ ក្នុងសង្គមបែបនេះ ច្បាប់ និងយន្តការរដ្ឋទាំងអស់ គឺសម្រាប់បម្រើតែគោលបំណង និងផលប្រយោជន៍ផ្ទាល់ខ្លួន និងក្រុមគ្រួសារ។
ប៉ុន្តែបើទោះបីមានអំណាចដ៏មហិមាបែបនេះក្តី គេតែងតែឃើញមន្ត្រី ឬឈ្មួញទុច្ចរិតប្រព្រឹត្តអំពើទុច្ចរិត និងពុករលួយស្រេចតែចិត្ត និងពុំមានទោសពៃរ៍អ្វីឡើយ។
តើភាពគ្មានទោសពៃរ៍របស់ជនទុច្ចរិតទាំងនោះ គឺដោយសារតែពួកគេមានអំណាចខ្លាំង ឬយ៉ាងណា?
ជាធម្មតា មេដឹកនាំផ្ដាច់ការតែងគិតថាមានតែខ្លួនទេដែលខ្លាំង ដោយសារមានមន្ត្រីពុករលួយ ក្រុមជើងកាង និងមានមេទ័ពដៃដល់ជាច្រើននៅហែហមអមជុំវិញខ្លួន ហើយអ្នកទាំងនោះតែងស្តាប់បទបញ្ជាគ្រប់យ៉ាងតាមអ្វីដែលខ្លួនចង់ធ្វើ។
ក្នុងពេលមានអំណាច គេឃើញមនុស្សជុំវិញខ្លួនមេដឹកនាំផ្ដាច់ការទាំងនោះហាក់ដូចជាសសរទ្រូងដ៏រឹងមាំដែលកំពុងទ្រទ្រង់នូវអំណាចដ៏មហិមានោះ ប៉ុន្តែពេលអស់អំណាច ទើបមេដឹកនាំផ្ដាច់ការភាគច្រើនតែងដឹងខ្លួនថា មនុស្សដែលនៅជុំវិញខ្លួនទាំងនោះហើយដែលបានទាញខ្លួនឱ្យធ្លាក់នរកអវិចីទៅវិញ។
អតីតប្រធានាធិបតីនៃប្រទេសហ្ស៊ីមបាវ៉េ...
បទវិភាគ៖ តើសន្តិភាព និងសេរីភាពមានតម្លៃបែបណាសម្រាប់ពលរដ្ឋអ៊ុយក្រែន?
សន្តិភាព និងសេរីភាព គឺសុទ្ធតែសំខាន់សម្រាប់មនុស្សជាតិ ប៉ុន្តែតម្លៃរបស់វាគឺប្រែប្រួលទៅតាមជំហររបស់មនុស្ស។ គេនិយាយថា ត្រូវការមនុស្សពីរនាក់ដើម្បីសន្តិភាព ប៉ុន្តែត្រូវការមនុស្សតែម្នាក់ប៉ុណ្ណោះដើម្បីបង្កសង្គ្រាម។
សម្រាប់ជនកំសាក គេតែងតែលើកឡើងអំពីតម្លៃសន្តិភាពជាខែលនៃការមិនហ៊ានតស៊ូប្រយុទ្ធ និងសុខចិត្តរស់នៅដោយរណបជាមួយនឹងអ្នកដែលខ្លាំងជាងខ្លួន។ រីឯជនផ្ដាច់ការដែលមានអំណាចខ្លាំង គេតែងតែចង់ឱ្យមនុស្សដែលស្ថិតក្រោមអំណាចរបស់ខ្លួន ធ្វើអ្វីៗតាមខ្លួន ដើម្បីទទួលបានសន្តិភាព។
ជាក់ស្តែង លោក ហ៊ុន សែន តែងតែធ្វើតាមប្រទេសវៀតណាមដើម្បីទទួលបានសន្តិភាព និងតែងតែចង់ឱ្យប្រជាពលរដ្ឋខ្មែរ និងថ្នាក់ដឹកនាំគណបក្សប្រជាជនកម្ពុជាធ្វើអ្វីៗតាមគាត់ ដើម្បីទទួលបានសន្តិភាព ឬសេចក្តីសុខ។ ប៉ុន្តែគេក៏ឃើញមានក្រុមមនុស្សដែលក្លាហានហ៊ានតស៊ូប្រឆាំងនឹងអំពើជិះជាន់ផងដែរដើម្បីសេរីភាព។ សម្រាប់ក្រុមមនុស្សបែបនេះ សេរីភាពគឺមានតម្លៃជាងអ្វីៗទាំងអស់...
បទវិភាគ៖ តើកម្ពុជានឹងបាត់បង់អធិបតេយ្យនិងបូរណភាពទឹកដីដោយសារបំណុលចិនដែរឬទេទៅថ្ងៃអនាគត?
កម្ពុជាមានតម្លៃធនធានធម្មជាតិល្មមនឹងអភិវឌ្ឍជាតិដោយខ្លួនឯងបាន មិនចាំបាច់ខ្ចីបុលឲ្យជំពាក់បរទេសរុំសួតនោះទេ។ តើវាសនារបស់កម្ពុជានឹងដូចប្រទេសខ្លះដែលជំពាក់បំណុលមហាអំណាចកុម្មុយនីស្ត ហើយនាំឲ្យកម្ពុជាបាត់បង់អធិបតេយ្យ និងបូរណភាពទឹកដីដែរឬទេ?
ក្នុងភាគទី២ ជាភាគបញ្ចប់នេះ លោក ហាស់ សាន រាយការណ៍អំពីបំណុល និងសម្បទាន ថាតើគ្រោះថ្នាក់កម្រិតណាដល់ជាតិ។
ការខ្ចីបុលជំពាក់បរទេសរុំកោះរុំសួត ការជំពាក់គុណបរទេសព្រោះក្រាញអំណាចនៃអ្នកដឹកនាំប្រទេសមួយបណ្តាលឲ្យដឹងគុណគេរហូត ហើយនឹងឈានទៅដោះបំណុលដោះគុណបំណាច់ទាំងឡាយដោយវិធីផ្តល់សិទ្ធិឲ្យបរទេសកាន់កាប់ដីធ្លី ហៅថាធ្វើសម្បទានដីធ្វើអាជីវកម្មទាំងលើដី ទាំងក្នុងដី និងហ៊ានឈានទៅបំពានរដ្ឋធម្មនុញ្ញ អធិបតេយ្យជាតិ បូរណភាពទឹកដីនៃប្រទេសនោះមិនខានឡើយ។
មេដឹកនាំរាជរដ្ឋាភិបាលនៃបក្សប្រជាជនកម្ពុជា បានធ្វើសម្បទានទឹក ដី ដែនគោក កោះ ដែនសមុទ្រ...
បទវិភាគ៖ តើការមិនរត់ចោលសមរភូមិរបស់មេដឹកនាំមានសារសំខាន់ដូចម្តេច?
កម្ពុជាក៏ជាប្រទេសមួយដែលធ្លាប់ឆ្លងកាត់នូវប្រវត្តិសាស្ត្រដ៏ជូរចត់ជាច្រើនលើកច្រើនគ្រា។ ក្នុងដំណាក់កាលនៃសម័យកាលដ៏ជូរចត់ទាំងនោះ កម្ពុជាក៏ធ្លាប់មានវីរបុរស ឥស្សរជន ឬសកម្មជនខ្លះសុខចិត្តលះបង់សេចក្តីសុខ ឬអាយុជីវិតផ្ទាល់ខ្លួនដើម្បីជាតិរបស់ខ្លួនផងដែរ។
វីរជនទាំងនោះមានដូចជា ឧកញ៉ា ឃ្លាំង មឿង ឧកញ៉ា សឺន គុយ លោក ជា វិជ្ជា លោក ឈុត វុទ្ធី និងបណ្ឌិត កែម ឡី ជាដើម។ តាមពិត វីរជនទាំងនោះសុទ្ធតែមានឱកាសដើម្បីគេចខ្លួនស្វែងរកកន្លែងរស់នៅប្រកបដោយសុវត្ថិភាព...
បទវិភាគ៖ ត្រកូលដ៏មានឥទ្ធិពលនៅស្រីលង្កា អាចនឹងបាត់បង់ក្រោមកំសួលបដិវត្តន៍ពណ៌របស់ប្រជាជន
នៅក្នុងប្រទេសស្រីលង្កា កំពុងផ្ទុះបាតុកម្មផង និងកុបកម្មផង ដែលរូបភាពនេះមិនខុសនឹងបដិវត្តន៍ពណ៌ផ្ទុះនៅអារ៉ាប់ កាលពីឆ្នាំ២០១១ ដែលផ្ដើមចេញពីក្រុមយុវជនងើបឡើងប្រឆាំងរដ្ឋាភិបាលពុករលួយរបស់ប្រធានាធិបតី Zine El Abidine Ben នៃប្រទេសទុយណេស៊ី។
ប្រធានាធិបតី Zine El Abidine Ben បានព្យាយាមកាន់អំណាចតាមរយៈការរំលោភរដ្ឋធម្មនុញ្ញរហូតលោកកាន់អំណាចបានជាង ២០ឆ្នាំ តែទីបំផុត ត្រូវបានទាញទម្លាក់ដោយកម្លាំងមហាជននៅថ្ងៃទី១៤ ខែមករា ឆ្នាំ២០១១ ដោយបាតុករប្រើពេលវេលា ២៨ថ្ងៃ។
ចំណែកនៅប្រទេសស្រីលង្កា ដែលជាប្រទេសក្រីក្រ...
បទវិភាគ៖ តើមេដឹកនាំរូបណាដែលថ្លើមធំហ៊ានបោចពុកមាត់ខ្លា ហើយសំពងក្បាលនាគ?
បុរសម្នាក់ដែលថ្លើមធំហ៊ានបោចពុកមាត់ខ្លា ហើយទះក្បាលនាគ ជាមហាបុរសម្នាក់ដែលពើងទ្រូងប្រកាសប្រាប់ពិភពលោកថា លោកមិនត្រូវការរថយន្តដើម្បីដឹកលោកគេចខ្លួនពីគ្រាប់កាំភ្លើងរបស់បច្ចាមិត្ត ហើយក៏មិនសុខចិត្តឱនក្បាលសុំសេចក្តីសុខ ឬសុំជីវិតរស់ពីសត្រូវនោះដែរ ប៉ុន្តែលោកត្រូវការគ្រឿងសត្រាវុធដើម្បីកម្ចាត់សត្រូវឈ្លានពានតែប៉ុណ្ណោះ។
តើបុរសរូបនោះជានរណា ហើយអាងអ្វីដែរ?
លោក វូឡូឌីមៀរ ហ្សេឡែនស្គី (Volodymyr Zelenskiy) ជាមេដឹកនាំអ៊ុយក្រែនដែលបានសន្យាចំពោះមុខប្រជាជាតិអ៊ុយក្រែន ថានឹងដឹកនាំប្រទេសទៅរកការបញ្ចប់សង្គ្រាមរវាងរុស្ស៊ី និងអ៊ុយក្រែន នៅតំបន់ដុនបាស់ តាមរយៈនៃការស្នើសុំចូលជាសមាជិកអង្គការយោធា North Atlantic Treaty Organization (NATO) និងសហភាពអឺរ៉ុប កាលពីពេលដែលលោកឈរឈ្មោះជាបេក្ខភាពប្រធានាធិបតីក្នុងឆ្នាំ២០១៨...
បទវិភាគ៖ តើលោក ហ៊ុន សែន បង្កើតគោលនយោបាយផ្ដល់ដីសម្បទានសេដ្ឋកិច្ចដើម្បីអ្វី?
ប្រទេស និងប្រជាពលរដ្ឋកម្ពុជាបានក្លាយជាប្រទេស និងជនជាតិក្រីក្របំផុតមួយក្នុងលោក ប៉ុន្តែលោក ហ៊ុន សែន ដែលកាន់អំណាចក្នុងប្រទេសនេះប្រមាណបួនទសវត្សមកនេះ ហាក់ដូចជារីករាយនឹងស្ថានភាពបែបនេះទៅវិញ។
គាត់តែងតែអួត និងសម្ដែងមោទកភាពអំពីភាពជោគជ័យនៃការដឹកនាំរបស់គាត់។ ដូច្នេះវាមានន័យថា គាត់ចាត់ទុកស្ថានភាពក្រីក្ររបស់ប្រទេសជាតិ និងពលរដ្ឋ គឺជាភាពជោគជ័យរបស់គាត់មួយ ដែលនាំឲ្យមហាជនមានមន្ទិលសង្ស័យអំពីចេតនារបស់គាត់ចំពោះជាតិ និងពលរដ្ឋខ្មែរ។
ដូចគ្នានេះ គេក៏អាចមានសំណួរថា តើគាត់បង្កើតគោលនយោបាយដីសម្បទានសេដ្ឋកិច្ចដើម្បីអ្វី?
រដ្ឋាភិបាលលោក ហ៊ុន សែន បានបង្កើតគោលនយោបាយផ្តល់ដីសម្បទានសេដ្ឋកិច្ចដែលកំណត់ដោយឯកសារគតិយុត្តិនានាទាំងមុន និងក្រោយច្បាប់ភូមិបាលក្នុងឆ្នាំ២០០១។ តាមពិត គោលនយោបាយនៃការផ្តល់ដីសម្បទានសេដ្ឋកិច្ចនេះមានគោលបំណងល្អៗជាច្រើនសម្រាប់ជាតិ និងពលរដ្ឋកម្ពុជា...
បទវិភាគ៖ តើសមាជិកបក្សប្រជាជនគាំទ្រការគ្រប់គ្រងអំណាចរបស់គ្រួសារត្រកូល ហ៊ុន ដែរឬទេ?
លោក ហ៊ុន សែន ធ្លាប់អួតថា ពលរដ្ឋខ្មែរគាំទ្រតែរូបលោក និងកូនរបស់លោក ក្នុងការគ្រប់គ្រងអំណាចក្នុងប្រទេសកម្ពុជា ប៉ុន្តែលោក ហ៊ុន សែន មិនដែលហ៊ានប្រកួតប្រជែងយកមុខនាទី ឬអំណាចដោយវិធីតម្លាភាព សេរី និងយុត្តិធម៌ឡើយ ទាំងក្នុងក្របខ័ណ្ឌរដ្ឋ និងក្របខ័ណ្ឌបក្ស។
តើអ្វីទៅជាមូលហេតុដែលលោក ហ៊ុន សែន មិនដែលហ៊ានប្រកួតយកអំណាចតាមវិធីបោះឆ្នោតដោយសេរី និងយុត្តិធម៌នោះ?
លោក ហ៊ុន សែន បានកាន់កាប់អំណាចគ្រប់គ្រងប្រទេសកម្ពុជាចាប់តាំងពីឆ្នាំ១៩៨៥ មក។...
បទវិភាគ៖ តើរដ្ឋាភិបាលបុរសខ្លាំងលោក ហ៊ុន សែន កំពុងគាំទ្រឬបំផ្លាញកសិករខ្មែរ?
ភាគច្រើននៃពលរដ្ឋខ្មែរជាកសិករដែលរស់នៅទីជនបទ និងមានជីវភាពក្រីក្រលំបាក។ ភាពក្រីក្រចំពោះកសិករ និងបញ្ហាចម្បងៗក្នុងវិស័យកសិកម្មដែលបាន និងកំពុងតែកើតមានក្នុងប្រទេសកម្ពុជា ជាសក្ខីភាពមួយសម្រាប់ការឆ្លុះបញ្ចាំងអំពីសមត្ថភាព និងឆន្ទៈរបស់លោក ហ៊ុន សែន ក្នុងនាមជាមេដឹកនាំប្រទេស។
ជាមួយគ្នានេះ ទឹកដី និងភូមិសាស្ត្រនៃប្រទេសកម្ពុជាតែងតែត្រូវបានគេអះអាងថា ជាទឹកដីដ៏មានជីជាតិ និងមានអំណោយផលសម្រាប់វិស័យកសិកម្ម ប៉ុន្តែបើដូច្នេះមែន តើហេតុអ្វីបានជាកសិករខ្មែរក្រ? តើអ្វីទៅជាមូលហេតុដែលនាំឱ្យកសិករក្រ?
អ្នករៀនសូត្រគ្រប់ជំនាន់មុនៗ គ្រូបង្រៀនគ្រប់ជំនាន់មុនៗ បង្រៀនសិស្សានុសិស្សឲ្យដឹង ហើយប្រជាពលរដ្ឋខ្មែរនិយាយតៗគ្នាថា ដែនដីខ្មែរជាដែនដីសុវណ្ណភូមិ។
ប្រទេសកម្ពុជាជាប្រទេសដែលមានទឹកដីប្រកបដោយជីជាតិ និងភូមិសាស្ត្រអំណោយផលសម្រាប់បង្កបង្កើនផលកសិកម្មគ្រប់ប្រភេទ។ ផ្ទុយទៅវិញ ភោគផលកសិកម្ម...
បទវិភាគ៖ តើលោក ហ៊ុន ម៉ាណែត អាចនឹងក្លាយជានាយករដ្ឋមន្ត្រីប្រសើរជាងឪពុកលោកដែរឬទេ?
ក្រោមការគ្រប់គ្រងអំណាចរបស់លោក ហ៊ុន សែន ជិត ៤ទសវត្សមកនេះ កម្ពុជាបានក្លាយជាប្រទេសជាតិមួយក្រជាងគេបំផុតក្នុងពិភពលោក។ ក្នុងខណៈដែលប្រជាពលរដ្ឋខ្មែរភាគច្រើនរស់ក្នុងភាពក្រីក្រតោកយ៉ាក ជំពាក់បំណុលវ័ណ្ឌក និងបែកបាក់គ្រួសារដើម្បីធ្វើចំណាកស្រុករកការងារធ្វើ គ្រួសារលោក ហ៊ុន សែន និងបក្សពួករស់នៅលើគំនរមាសប្រាក់រាប់ពាន់លានដុល្លារអាមេរិក ដែលបានមកពីអំពើពុករលួយ និងបំផ្លាញជាតិ។
ដូច្នេះ តើការបន្តវេននៃត្រកូល ហ៊ុន ក្នុងការគ្រប់គ្រងអំណាចក្នុងប្រទេសកម្ពុជាជារឿងល្អ ឬអាក្រក់?
មេដឹកនាំក្នុងសង្គមនីមួយៗ គឺជាតួអង្គដ៏សំខាន់ និងស្លាប់រស់របស់ជាតិ បើទោះបីជាសង្គមនោះមានការរៀបចំប្រព័ន្ធគ្រប់គ្រងការពារអំណាចប្រមូលផ្ដុំយ៉ាងណាក្តី។ ទាំងក្នុងសង្គមប្រជាធិបតេយ្យ និងកុម្មុយនីស្ត...