TAG
បោះឆ្នោតជ្រើសរើសក្រុមប្រឹក្សាឃុំ-សង្កាត់
គណបក្សភ្លើងទៀនអំពាវនាវឱ្យរដ្ឋាភិបាលបញ្ឈប់ការធ្វើទុក្ខបុកម្នេញលើសមាជិកខ្លួន
គណបក្សភ្លើងទៀន អំពាវនាវឱ្យរាជរដ្ឋាភិបាលប្រទេសកម្ពុជា បញ្ឈប់ការចាប់ខ្លួន ការឃុំខ្លួន ការគំរាមកំហែង និងការធ្វើទុក្ខបុកម្នេញគ្រប់រូបភាពលើសមាជិករបស់ខ្លួន ដើម្បីធានានូវលំហប្រជាធិបតេយ្យនៅប្រទេសកម្ពុជា និងធានានូវដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ នេះ ឲ្យប្រព្រឹត្តទៅដោយសេរី ត្រឹមត្រូវ និងយុត្តិធម៌។
គណបក្សភ្លើងទៀន បានចេញសេចក្តីថ្លែងការណ៍កាលពីថ្ងៃទី១ ខែមិថុនា ឆ្នាំ២០២២ នេះថា ការចាប់ និងឃុំខ្លួនលោក អៀ ចាន់ណា គឺជារឿងនយោបាយសុទ្ធសាធ ព្រោះថាការចាប់ខ្លួននេះបានធ្វើឡើងក្នុងអំឡុងពេលដែលលោកកំពុងចូលរួមយ៉ាងសកម្មជាមួយគណបក្សភ្លើងទៀន ក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥...
លោក វន់ ពៅ និងលោក ជា មុនី បដិសេធការចោទថាពាក់ព័ន្ធប្រមូលមនុស្សអុកឡុកបោះឆ្នោត
ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក វន់ ពៅ និងអតីតប្រធានសហព័ន្ធសហជីពសេរីកម្មករកម្ពុជា លោក ជា មុនី បានបដិសេធចំពោះការចោទប្រកាន់ថា ពួកលោកពាក់ព័ន្ធនឹងលោក សម រង្ស៊ី ក្នុងការរៀបចំផែនការប្រមូលមនុស្ស ៣ម៉ឺននាក់ និង PassApp ឱ្យបានជាងមួយពាន់គ្រឿង ដើម្បីអុកឡុកការបោះឆ្នោតនៅប្រទេសកម្ពុជា ។ PassApp ជាឈ្មោះក្រុមរថយន្តឈ្នួលតាក់ស៊ីមានទីតាំងក្នុងរាជធានីភ្នំពេញ។
ការបដិសេធពីលោក វន់ ពៅ ធ្វើឡើងបន្ទាប់ពីហ្វេសប៊ុកឈ្មោះ...
គ.ជ.ប អះអាងថាការឃោសនាបោះឆ្នោតប្រព្រឹត្តទៅគ្មានអំពើហិង្សានិងការគំរាមកំហែង
គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប ប្រកាសថា ការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់រយៈពេល ១០ថ្ងៃមកនេះប្រព្រឹត្តទៅរលូន ដោយគ្មានអំពើហិង្សា និងការគំរាមកំហែងឡើយ ស្របពេលស្ថាប័នអន្តរជាតិមិនដាក់អ្នកសង្កេតការណ៍។
ការប្រកាសរបស់គណៈកម្មាធិការជាតិរៀបចំការបោះឆ្នោត (គ.ជ.ប) ធ្វើឡើងដំណាលពេលដែលអង្គការអន្តរជាតិ និងអង្គការឃ្លាំមើលការបោះឆ្នោតក្នុងស្រុកមួយចំនួនមិនបានដាក់អ្នកសង្កេតការណ៍អំឡុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ខាងមុខនេះ។
ក្នុងសេចក្ដីប្រកាសព័ត៌មានពីគណៈកម្មាធិការជាតិរៀបចំការបោះឆ្នោត ចេញផ្សាយនៅថ្ងៃទី៣០ ខែឧសភា ឆ្នាំ២០២២ បានឱ្យដឹងថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ បានប្រព្រឹត្តទៅក្នុងបរិយាកាសមានសន្តិសុខ សុវត្ថិភាព សណ្ដាប់ធ្នាប់ល្អ គ្មានអំពើហិង្សា និងគ្មានការគំរាមកំហែងទេ។
គ.ជ.ប បញ្ជាក់ថា នៅខេត្តតាកែវ...
គ.ជ.ប ព្យួរសមាសភាពទាំង៩រូបដើម្បីធានាតម្លាភាពនិងឯករាជភាពសម្រាប់ការបោះឆ្នោតឃុំ-សង្កាត់
ប្រធានគណៈកម្មាធិការជាតិរៀបចំការបោះឆ្នោត សម្រេចព្យួរសមាសភាពប្រធាន អនុប្រធាន និងសមាជិករបស់ខ្លួនទាំង ៩រូប ដើម្បីធានានូវតម្លាភាព និងឯករាជភាពសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ នេះ។
ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក ប្រាជ្ញ ចន្ទ បានចេញសេចក្តីសម្រេចកាលពីថ្ងៃទី២៣ ខែឧសភា ដែលត្រូវបានផ្សព្វផ្សាយនៅថ្ងៃទី៣០ ឧសភា នេះស្ដីពីការព្យួរសិទ្ធិប្រធាន អនុប្រធាន និងសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ ដែលនឹងប្រព្រឹត្តទៅនៅថ្ងៃទី៥ ខែមិថុនា...
បក្សភ្លើងទៀនថាខ្លួនមិនជាប់ពាក់ព័ន្ធនឹងថ្នាក់ដឹកនាំណាមួយនៃបក្សសង្គ្រោះជាតិទេ
គណបក្សភ្លើងទៀន អះអាងថា ខ្លួនមិនបានជាប់ពាក់ព័ន្ធ ឬមានទំនាក់ទំនងជាមួយថ្នាក់ដឹកនាំនៃគណបក្សសង្គ្រោះជាតិនៅក្រៅប្រទេសនោះទេ ខណៈបក្សនេះនៅតែរងការសង្ស័យថា អតីតមេដឹកនាំបក្សប្រឆាំង លោក សម រង្ស៊ី និងមន្ត្រីជាន់ខ្ពស់ជាច្រើនទៀតនៅពីក្រោយខ្នង។
គណបក្សភ្លើងទៀន បានចេញសេចក្តីថ្លែងការណ៍របស់ខ្លួនកាលពីថ្ងៃទី២៨ ខែឧសភា ឆ្នាំ២០២២ ថា កាលពីពេលថ្មីៗនេះមានការផ្សព្វផ្សាយនូវសកម្មភាពឃោសនារបស់ខ្លួនពីសំណាក់ថ្នាក់ដឹកនាំមួយចំនួននៃគណបក្សសង្គ្រោះជាតិនៅក្រៅប្រទេស ដែលនាំឱ្យមានការភ័ន្តច្រឡំពីសំណាក់មតិសាធារណជនថា ពួកគេកំពុងនៅពីក្រោយនៃសកម្មភាពរបស់គណបក្សភ្លើងទៀន។
ប្រភពដដែលអះអាងថា កន្លងមកខ្លួនបានណែនាំដល់ថ្នាក់ដឹកនាំរបស់ខ្លួនក្នុងពេលឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ នេះ ឱ្យអនុវត្តឱ្យបានខ្ជាប់នូវសកម្មភាពឃោសនាបោះឆ្នោតស្របតាមច្បាប់ស្ដីពីការបោះឆ្នោត បទបញ្ជា និងនីតិវិធីនៃការឃោសនាបោះឆ្នោត រួមទាំងសេចក្តីណែនាំផ្សេងៗចែងដោយគណៈកម្មាធិការជាតិរៀបចំការបោះឆ្នោតឱ្យបានត្រឹមត្រូវជាទីបំផុត។
ការអះអាងនេះ ធ្វើឡើងបន្ទាប់ពីមន្ត្រីជាន់ខ្ពស់គណបក្សសង្គ្រោះជាតិភាគីលោក...
គណៈកម្មាធិការរៀបចំការបោះឆ្នោតថាបក្សភ្លើងទៀនឃោសនាផ្សារភ្ជាប់នឹងបក្សសង្គ្រោះជាតិ
គណៈកម្មាធិការរៀបចំការបោះឆ្នោត ព្រមានសកម្មជនគណបក្សភ្លើងទៀន ដែលស្រែកជយឃោសផ្សារភ្ជាប់នឹងអតីតគណបក្សសង្គ្រោះជាតិ ក្រោយគណៈកម្មាធិការនេះទទួលបាននូវវីដេអូឃ្លីបមួយដែលសកម្មជនគណបក្សនេះស្រែកឃោសនារកសន្លឹកឆ្នោតក្នុងក្បួនឃោសនារបស់ខ្លួន អំឡុងនៃការឃោសនាបោះឆ្នោតនៅថ្ងៃដំបូង។
គណៈកម្មាធិការរៀបចំការបោះឆ្នោតខេត្តសៀមរាប បានចេញសេចក្តីណែនាំកាលពីថ្ងៃទី២៥ ខែឧសភា ឆ្នាំ២០២២ ថា ការប្រើសកម្មភាពឃោសនាផ្សារភ្ជាប់នឹងអតីតគណបក្សសង្គ្រោះជាតិ គឺផ្ទុយទៅនឹងមាត្រា៧១នៃច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ-សង្កាត់យ៉ាងធ្ងន់ធ្ងរ ព្រោះគណបក្សសង្គ្រោះជាតិ ត្រូវបានលុបចេញពីបញ្ជីឈ្មោះគណបក្សនយោបាយនៅក្រសួងមហាផ្ទៃទៅហើយ។
ប្រភពដដែលអះអាងថា គណៈកម្មាធិការរៀបចំការបោះឆ្នោតក្នុងខេត្តសៀមរាប ទទួលបាននូវព័ត៌មានជាវីដេអូដែលគណបក្សនេះស្រែកឃោសនាក្នុងក្បួនឃោសនារបស់ខ្លួនថា «ជយោ! គណបក្សសង្គ្រោះជាតិ» ក្នុងសកម្មភាពហែក្បួនឃោសនារបស់គណបក្សភ្លើងទៀន ក្នុងសង្កាត់ស្លក្រាម កាលពីថ្ងៃទី២១ ខែឧសភា ឆ្នាំ២០២២ កន្លងទៅ។
គណៈកម្មាធិការរៀបចំការបោះឆ្នោតខេត្តសៀមរាប បានណែនាំឱ្យសកម្មជន...
បក្សខ្មែរតែមួយធ្វើយុទ្ធនាការដេកផ្ទះដើម្បីម្រាមដៃស្អាតក្នុងឃុំសង្កាត់ដែលខ្លួនមិនឈរឈ្មោះ
ប្រធានគណបក្សខ្មែរតែមួយ អំពាវនាវឲ្យធ្វើយុទ្ធនាការដេកផ្ទះដើម្បីម្រាមដៃស្អាត ដោយបង្គាប់មិនឱ្យសមាជិកខ្លួនទៅចូលរួមការបោះឆ្នោតសម្រាប់ឃុំ-សង្កាត់ណាដែលគណបក្សរបស់ខ្លួនមិនបានដាក់បេក្ខភាពឈរឈ្មោះប្រកួតប្រជែងក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ នេះ។
ប្រធានគណបក្សខ្មែរតែមួយ លោក គុជ លី បានចេញសេចក្តីអំពាវនាវនៅថ្ងៃទី២៧ ខែឧសភា ឆ្នាំ២០២២ ថា លោកអំពាវនាវឱ្យសកម្មជន សមាជិក និងអ្នកគាំទ្រគណបក្សខ្មែរតែមួយ កុំនាំគ្នាទៅចូលរួមការបោះឆ្នោតជ្រើសរើសក្រុមប្រឹក្សាឃុំ-សង្កាត់នៅថ្ងៃទី៥ ខែមិថុនា ខាងមុខនេះនៅក្នុងឃុំ-សង្កាត់ណាដែលគណបក្សរបស់លោកមិនបានដាក់បេក្ខជនឈរឈ្មោះសម្រាប់ការបោះឆ្នោតនេះ។
លោក គុជ លី អះអាងថា ការប្រកាសធ្វើយុទ្ធនាការដេកផ្ទះដើម្បីម្រាមដៃស្អាតនេះ គឺក្នុងគោលបំណងដើម្បីផ្តល់ភាពយុត្តិធម៌សម្រាប់គណបក្សនយោបាយនានាដែលបានដាក់បេក្ខជនឈរឈ្មោះនៅក្នុងឃុំ-សង្កាត់ដែលគណបក្សរបស់លោកមិនមានបេក្ខភាពតែប៉ុណ្ណោះ។
ប្រធានគណបក្សខ្មែរតែមួយបញ្ជាក់ថា ការអំពាវនាវរបស់លោក...
អ្នកតស៊ូមតិថាបក្សកាន់អំណាចបង្កើតឧក្រិដ្ឋកម្មបោះឆ្នោតដើម្បីប្លន់ឆន្ទៈម្ចាស់ឆ្នោត
អ្នកតស៊ូមតិខ្មែររស់នៅក្រៅស្រុក អះអាងថា បក្សកាន់អំណាចបានបង្កើតឧក្រិដ្ឋកម្មបោះឆ្នោតដើម្បីប្លន់ឆន្ទៈរបស់ពលរដ្ឋដែលបានចូលរួមការបោះឆ្នោតឃុំ-សង្កាត់ នៅថ្ងៃទី៥ ខែមិថុនា ឆ្នាំ២០២២ ខាងមុខនេះ។
អនុប្រធានវេទិកាពលរដ្ឋ លោក ម៉ែន ណាត បានសរសេរលើគណនីហ្វេសប៊ុករបស់លោកនៅថ្ងៃទី២៦ ឧសភា នេះថា គណបក្សកាន់អំណាចរបស់លោក ហ៊ុន សែន តែងប្រើឧបាយកលទុច្ចរិតគ្រប់សព្វរាល់អាណត្តិ ដូចជាការបង្ខិតបង្ខំពលរដ្ឋនៅមូលដ្ឋាន គំរាមសុវត្ថិភាពពលរដ្ឋ និងរៀបខ្សែបណ្ដាញក្នុងក្រសួងស្ថាប័នជាតិដោយការគាបសង្កត់ឲ្យបោះឆ្នោតគាំទ្រខ្លួន នៅពេលដែលច្បាប់ជាតិនៅមានភាពល្អប្រសើរជាងពេលបច្ចុប្បន្ននេះ។
លោក ម៉ែន ណាត ពន្យល់ថា...
បក្សកាន់អំណាចចុះបង្រៀនគូសសន្លឹកឆ្នោតនិងចែកថវិកាដល់ពលរដ្ឋដើម្បីបោះឆ្នោតឱ្យបក្សខ្លួន
គណបក្សប្រជាជនកម្ពុជា កំពុងចុះបង្រៀនប្រជាពលរដ្ឋនៅតាមមូលដ្ឋានឱ្យគូសសន្លឹកឆ្នោត ឬបោះឆ្នោត ព្រមទាំងចែកថវិកាដើម្បីឱ្យបោះឆ្នោតដល់គណបក្សរបស់ខ្លួនយ៉ាងសកម្ម ស្របពេលនឹងយុទ្ធនាការឃោសនាស្វែងរកសំឡេងឆ្នោតក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២។
កូនៗរបស់បុរសខ្លាំងកម្ពុជា លោក ហ៊ុន សែន និងមន្ត្រីជាន់ខ្ពស់គណបក្សកាន់អំណាចគ្រាក់ៗបាននាំគ្នាចុះជួប និងលើកដៃសំពះពលរដ្ឋដល់ក្នុងផ្ទះ រួមទាំងតាមផ្លូវសាធារណៈ ទាំងរាជធានីភ្នំពេញ និងនៅតាមមូលដ្ឋាននៃខេត្តនីមួយៗ។
ក្រៅពីលើកដៃសំពះ និងចុះជួបហើយ ពួកគេក៏បាននាំគ្នាយកអំណោយដោយមានសារ៉ុង ប៊ីចេង និងថវិកាចន្លោះពី ១ម៉ឺនរៀលទៅ ២ម៉ឺនរៀលឱ្យពលរដ្ឋផងដែរ។
ការផ្ដល់ជាអំណោយនោះ ធ្វើឡើងអំឡុងពេលគណបក្សប្រជាជនកម្ពុជាដែលដឹកនាំដោយលោក ហ៊ុន សែន កំពុងធ្វើយុទ្ធនាការឃោសនាស្វែងរកសំឡេងឆ្នោតក្រុមប្រឹក្សាឃុំ-សង្កាត់អាណត្តិទី៥...
UN ជំរុញឱ្យរដ្ឋាភិបាលកម្ពុជានិងអ្នកនយោបាយធានាដំណើរការបោះឆ្នោតមួយស្មោះត្រង់និងសន្តិវិធី
ប្រធានអង្គការសហប្រជាជាតិប្រចាំកម្ពុជា ជំរុញឱ្យរដ្ឋាភិបាលកម្ពុជា និងមេដឹកនាំនយោបាយផ្សេងទៀត រួមទាំងអ្នកគាំទ្រ ត្រូវចូលរួមធានាឱ្យមានដំណើរការបោះឆ្នោតមួយប្រកបដោយបរិយាប័ន្ន ស្មោះត្រង់ និងសន្តិវិធីក្នុងក្របខ័ណ្ឌនៃការគោរពសិទ្ធិមនុស្សឲ្យបានពេញលេញ។
ការជំរុញនេះ ធ្វើឡើងស្របពេលដែលគណបក្សនយោបាយកំពុងធ្វើយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ដែលប្រព្រឹត្តទៅថ្ងៃទី៥ ខែមិថុនា ឆ្នាំ២០២២។
ការិយាល័យអង្គការសហប្រជាជាតិប្រចាំកម្ពុជា បានសរសេរលើហ្វេសប៊ុកនាថ្ងៃពុធ ទី២៥ ឧសភា នេះ ដោយស្រង់ប្រសាសន៍ប្រធានអង្គការសហប្រជាជាតិប្រចាំកម្ពុជា អ្នកស្រី ផូលីន ថាម៉េស៊ីស (Pauline Tamesis) ដែលបានជំរុញឱ្យរដ្ឋាភិបាលកម្ពុជា និងមេដឹកនាំនយោបាយផ្សេងទៀត រួមទាំងអ្នកគាំទ្រត្រូវចូលរួមធានាឱ្យមានដំណើរការបោះឆ្នោតមួយប្រកបដោយបរិយាប័ន្ន...