28 C
Phnom Penh

សាលាក្តី​ខ្មែរ​​​ក្រហមប្រាប់​មេធាវី នួន​ ជា “ឱ្យកែតម្រូវ​ឥរិយាបថរបស់ខ្លួន​”

ដោយ ឌឹ ខេមបូឌា ដេលី

បទវិភាគ

លោក វីកទ័រ កូប៉េ មេធាវី​​​កាពារ​​​ នួន ជា​​​បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា ​​​លោក​​​​​​ នឹង​​​មិន​​​សូម​​​​​​ទោសឡើយ​​​​​​ចំពោះ​​​ការ​​​រិះ​​​គន់​​​ចៅ​​​ក្រម​​​នៅ​​​សាលា​​​ក្តី​​​ខ្មែរ​​​ក្រហម​​​កាល​​​ពី ​​​សប្តាហ៍​​​ មុន​​​ បន្ទាប់​​​ពី​​​អង្គ​​​ជំនុំ​​​ជម្រះ​​​សាលា​​​ក្តី​​​គំរាម​​​ចាត់​​​វិធាន​​​ការ​​​មក​​​លើ​​​មេធាវី​​​រូប​​​នេះ​​​ ប្រសិន​​​បើ​​​លោក​​​មិន​ព្រម​​​​ “កែតម្រូវ​​​​ឥរិយាបថ​​​ របស់​​​ខ្លួន​​​” ​​​ទេនោះ។

cam-photo-ecccក្រុម​​​មេធាវី​​​ការ​​​ពារ​​​ នួន​​​​​​ ជា និង​​​ ខៀវ ​​​សំផន ​​​ដែល​​​សុទ្ធ​​​តែ​​​កំពុង​​​​​​ទទួល​​​ការ​​​​​​ជំនុំ​​​ជម្រះ​​​ពី​បទ​​​ឧក្រិដ្ឋ​​​ រួ​​​មទាំង​​​ប្រល័យ​​​ពូជ​​​សាសន៍​​​នៅ​​​ក្នុង​​​ដំណាក់​​​កាល​​​ទី​​​២​​​នៃ​​​សំណុំ​​​រឿង​​​០០២ ​​​​​​បាន​​​ដើរ​​​ចេញ​​​ពី​​​សាល​​​សវនាការ​​​កាល​​​ពីថ្ងៃ​​​ពុធ​​​សប្តាហ៍​​​មុន​​​ អំឡុង​​​ពេល​​​មាន​​​ជម្លោះ​​​ជុំ​​​វិញ​​​ការ​​​ប្រើ​​​ប្រាស់​​​របាយការណ៍​​​សម្ភាសន៍​​​ជា​​​លាយ​​​លក្ខ​​​ណ៍អក្សរ​​​ ដោយ​​​បាន​​​គ្រោង​​​ទុក​​​របស់​​​អយ្យការ​​​រូប​​​​​​នេះ​​​​​​នៅ​​​ក្នុង​​​សវនាការ​​​លើ​សំណុំ​​​ឯកសារ​​​។

អំឡុង​​​ការ​​​ពិភាក្សា​​​ដេញ​​​ដោល​​​ដ៏​​​ក្តៅ​​​គគុក​​​កាល​​​ពី​​​សប្តាហ៍​​​មុន លោក កូប៉េ បានចាត់​​​ទុក​​​សវនា​ការ​​​នោះ​​​ថា “គួរ​​​ឲ្យអស់​​​សំណើច” ​​​ហើយ ​​​បាន​​​លើក​​​ឡើង​​​ថា ចៅ​​​ក្រម​​​ ​​​ ហ្សង​​់​ម៉ាក​​​ ឡាវែញ ​​​ “បាន​​ធ្វើ​ការ​​​​សម្រេច​​​ដោយ​​​​កំសាក​​​ និង​​​ខ្វះ​​​សុចរិត​​​ភាព​​​តុលាការ​​​” ក្នុង​​​សំណុំ​​​រឿង​​​នោះ​​​។

បន្ទាប់ពី​​​បញ្ជាក់​​​អះ​​​អាង​​​ឡើងវិញថា ​​​របាយការណ៍​​​សម្ភាសន៍​​​ជា​​​លាយ​​​លក្ខណ៍​​​អក្សរ​​​ ត្រូវ​​​បាន​​​អនុញ្ញាត​​​អំឡុង​​​សវនាការ​​​លើ​​​សំណុំ​​​ឯកសារ​​​កាល​​​ពី​​​ម្សិលមិញ ​​​លោក ​​​និល ណុន ​​​ប្រធាន​​​សាលា​​​ក្តី​​​បាន​​​ព្រមាន​​​មេធាវី​​​ជន​​​ជាតិ​​​ហូឡង់​​​រូបនេះ​​​អំពី​​​ការ​​​ប្រព្រឹត្ត​របស់​​​លោក​​​។

ចៅ​​​ក្រម និល ណុន បាន​​​មាន​​​ប្រសាសន៍​​​ថា “អំឡុង​​​សវនាការ​​​កាល​​​ពី​​​ថ្ងៃ​​​ទី​​​២៧​​​ ខែ​​​សីហា ឆ្នាំ​​​២០១៥ របាយការណ៍បន្តុះបង្អាប់​​​​មួួយ​​​ចំនួន​​​ត្រូវ​​​បាន​​​ធ្វើ​​​ឡើង​​​ដោយ​​​លោក​​​កូប៉េ ហើយ​​​បាន​​​​​​​​បញ្ជូន​​​ដោយ​​​ផ្ទាល់​​​​​​ទៅ​​​សមាជិក​​​​​អង្គជំនុំ​​​ជម្រះ​​​…។ អង្គ​​​ជំនុំជម្រះ​​​កំពុង​​​​​​ពិចារ​​​ណា​​​ថា តើ​​​ត្រូវ​​​ចាត់​​​វិធានការ​​​អ្វី​​​ឲ្យ​​​​​​បាន​​​សម​​​រម្យ​​​ ក្នុង​​រឿង​​​នេ​​​ះ​​​”។

លោក​​​បាន​​​លើក​​​ឡើង​​​ថា “អង្គ​​​ជំនុំជម្រះ​​​​​​ចង់​​​ផ្តល់​​​ឱកាស​​​ឲ្យ​​​លោក កូប៉េ កែ​​​តម្រូវ​​​ឥរិ​​​យា​បថ​​​​របស់​​​គាត់​​​​ ហើយ​​​បាន​​​​​កត់សម្គាល់​​​ថា ​​​ប្រសិន​​​បើ​​​គាត់​​​មិន​​​កែតម្រូវ​ទេ​​​ អង្គ​​​ជំនុំ​​​ជម្រះ​​​គ្មាន​​​ឱកាស​​​ក្រៅ​​​ពី​​​ចាត់​​​វិធាន​​​ការ​​​ឡើយ​​​។ ​​​អង្គ​​​ជំនុំ​​​ជម្រះ​​​នឹ​​​ងជូន​​​ដំណឹង​​​ដល់​​​ភាគ​​​ី​​​ទាំង​​​អស់​​​បន្ថែម​​​ទៀត​​​អំពី​​​ស្ថាន​​​ភាព​​​នេះ​​នៅ​​​ពេល​​​វេលា​​​សម​​​ស្រប​​​”។

លោក កូប៉េ បាន​​​លើក​​​ឡើង​​​នៅ​​​ក្នុង​​​អីុ​​​ម៉េលថា ការ​​​គំរាម​​​របស់​​​ចៅ​​​ក្រម និល​​​ ណុន ​​​មិន​​​ច្បាស់​​​លាស់ ប៉ុន្តែ ថា លោក​​​នឹង​​​មិន​​​សូម​​​អភ័យ​​​ទោស​​​ចំពោះ​​​ការ​​​អត្ថាធិប្បាយ​​​របស់​​​លោក​​​ឡើយ​​​។

លោកបាន​​​ថ្លែង​​​ថា “ខ្ញុំ​​​មិន​​​​​ប្រាកដ​​​ថា តើ​ត្រូវ​​​បក​​​ស្រាយ​​​រឿង​​​នេះ​​​ជាក់​​​លាក់​​​របៀប​​​ណា​​​​​ឡើយ​​​។ ខ្ញុំ​​​គិត​​​ថា​​​ ខ្ញុំ​​ត្រូវ​​​​រង​​​់ចាំ​​​សេចក្តី​​​សម្រេច​​​​​​ ជា​​​លាយ​​​លក្ខណ៍​​​អក្សរ​​​។ ថា តើ​​​​​ត្រូវ​​​ចាត់​​​វិធាន ការ​​​យ៉ាង​​​ណា​​​នោះ ខ្ញុំ​​​ក៏​​​មិន​​​ដឹង​​​ដែរ។ ​​​​​​ការ​​​ព្រមាន ​​​ ឬ​​​បញ្ជូន​​​ទៅ គណៈ​​​មេធាវី​​​របស់​​​ខ្ញុំ​​​ក្នុង​​​ទី​​​ក្រុ​​​ង​​​អាំ​​​ស្ទែដាំ​​​អាច​​​ជា​​​ជម្រើស​​​របស់​​​ខ្ញុំ​​​”។

លោក​​​បាន​​​បន្ថែម​​​ថា  “តើ​​​ឱ្យ​ខ្ញុំ​​​​​ដក​​​​​អ្វី​​​ដែល​​​ខ្ញុំ​​​បាន​​​លើក​​​ឡើង​​​កាល​​​ពី​​​សប្តាហ៍មុនឬ​​​? ​​​ចម្លើយ​​​គឺ​​​មិន​​​ដក​​​ទេ​​​”។

បន្ទាប់​​​ពី​​​ការ​​​ប្រកាស​​​របស់​​​ចៅ​​​ក្រម ​​ និល ​​​ណុន​​​កាល​​​ពី​​​ម្សិលមិញ តុលាការ​​​បាន​​​បើក​​​សវនាការ​​​​​​លើ​ការ​រៀបរាប់ពីការ​ឈឺចាប់​ដំបូង​​​​ និង​​​ការ​​​រង​ទុក្ខ​​​​ពីភាគី​​​ដើម​​​បណ្តឹង​​​រដ្ឋប្ប​​​វេណី​​​ទាក់ទង​​​នឹង​​​ការ​​​បំបែក​​​សំណុំ​​​រឿង​​​បច្ចុប្បន្ន​​​ដំណាក់​​​កាល​​​ទី​​​២​​​ចេញ​​​ពី​​​សំណុំ​​​រឿង​​​០០២​​​រួម​​​មាន​​​ពី​​​អ្នកស្រី នួន សារុំ ដែល​​​មាន​​​មូល​​​ដ្ឋាន​​​នៅ​​​ការដ្ឋាន​​​ជីក​​​ទំនប់​​​១​​​មករា​​​​​​ ក្នុង​​​ខេត្ត​​​កំពង់​​​ធំ​​​។

បន្ទាប់​​​ពី​​​ការ​​​រៀបរាប់​​​រឿង​​​រាវ​​​ខ្លីៗពីការ​បាត់​​​ខ្លួន​​​​ ការ​​​ខ្វះអាហារូបត្ថម្ភ និង​​​ការ​​​ធ្វើ​​​ការ​​​ហួស​​​កម្លាំង​​​នៅ​​​ការ​​​ដ្ឋាន​​​ជីក​​ទំនប់​​​មក​​​ ​​​អ្នកស្រី​​​សារុំ​​​​​​ បាន​​​ចោទ​​​​ជា​​​សំណួរ​​​ទៅ​បង​​​ធំ​​​ទី​​​២​​​និង​​​អតីត​​​ប្រមុខ​​​រដ្ឋ​​​របស់របបនេះ។

អ្នក​​​ស្រី សារុំ​​​ បាន​​​សួរ​​​ នួន​​​ ជា និង​​​ ខៀវ ​​​សំផន ថា “ខ្ញុំ​​​មាន​ក្មួយ​ប្រុស​ក្មេងៗ​​​អាយុ​​​ប្រហែល​​​៧ ឬ​​​៨​​​ឆ្នាំ​​​ ។​​​ ​​​ពួកគេ​នៅ​​​ក្មេង​​​ខ្ចី​​​ណាស់ និង​​​គ្មាន​​​កំហុស​​​ទេ​​​ ហើយ​​​ពួកគេ​បាត់​បង់​​​​អាយុ​​​ជីវិត​​។ ហើយ​​​លោក​សម្លាប់​​​មនុស្ស​​​​​​ច្រើន​​​ណាស់​​​ សម្លាប់​​​ហើយ​​​សម្លាប់​​​ទៀត​​​ ។ លោក​​​​​​សម្លាប់​​​​​​ប្រជា​​​ជន​​​ខ្លួន​​​ឯង​​​។ តើក្នុង​​​គោល​​​បំណង​​​អ្វី​​​ទៅ​​​?។ តើ​​​លោក​​​ចង់​​​យក​​​ប្រជា​​​ជន​​​ក្រុមផ្សេង​​​មក​​​ជំនួស​​​ប្រជា​​​ជន​​​ខ្មែរ​​​ឬ? ។

ចុង​​​ចោទ​​​ទាំង​​​ពីរ​​​នាក់​​​ បាន​​​ប្រើ​​​សិទ្ធិ​​​របស់​​​ខ្លួន​​​ក្នុង​​​ការ​​​នៅ​​​ស្ងៀម​​​មិន​​​ឆ្លើយ​​​៕សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស