TAG
paywall
ក្រុមអ្នកភូមិនៅខេត្តព្រះវិហារបន្តធ្វើការតវ៉ានឹងការរានដីរបស់ពួកគាត់ដោយក្រុមហ៊ុនចិន
អ្នកភូមិនិយាយកាលពីម្សិលមិញថា ប្រជាពលរដ្ឋជាង៣០គ្រួសារបានបន្តធ្វើបាតុកម្មក្នុងស្រុកឆែប ខេត្តព្រះវិហារកាលពីថ្ងៃសុក្រ និងថ្ងៃសៅរ៍ អំពីអ្វីដែលពួកគាត់លើកឡើងថា ជាការរានដីខុសច្បាប់ពីក្រុមហ៊ុនចិន។
គ្រួសារអ្នកភូមិបានចោទប្រកាន់ក្រុមហ៊ុន Rui Feng (Cambodia) International ថា បានរានដីទំហំ៥០០ហិកតា ដែលពួកគាត់បានកាន់កាប់រយៈពេលជិត៣ឆ្នាំមកហើយដើម្បីធ្វើចម្ការអំពៅ។
លោក ដួង សុខែម តំណាងអ្នកភូមិដែលបានលើកឡើងថា អ្នកភូមិបានសម្រេចធ្វើការតវ៉ានោះបាននិយាយថា “យើងត្រូវក្រុមហ៊ុននេះគំរាមថា ប្រសិនបើយើងនៅតែធ្វើការតវ៉ាទាមទារដីរបស់យើងទៀតនោះ ពួកគេនឹងដាក់ពាក្យបណ្ដឹងង”។
កាលពីម្សិលមិញ អ្នកភូមិជាង៣០០គ្រួសារមកពីឃុំម្លូព្រៃ១ ម្លូព្រៃ២ និងឃុំសង្កែ២ បានប្រមូលស្នាមមេដៃជាផ្នែកមួយនៃការដាក់ពាក្យបណ្ដឹង ដែលពួកគាត់នឹងប្ដឹងក្រុមហ៊ុននេះទៅអង្គការសិទ្ធិមនុស្សអាដហុក។
លោក អ៊ុង វុទ្ធី អភិបាលស្រុកឆែប បានមានប្រសាសន៍ថា ដីនេះត្រូវបានផ្ដល់ទៅឲ្យក្រុមហ៊ុន Rui Feng (Cambodia) International ជាដីសម្បទានសេដ្ឋកិច្ច៕សារុន
មន្ត្រីជាន់ខ្ពស់CPP និងCNRPនឹងជួបប្រជុំពិភាក្សាគ្នានៅថ្ងៃស្អែក
មយោងតាមសេចក្ដីប្រកាសដែលគណបក្សប្រជាជនកម្ពុជា និងគណបក្សសង្គ្រោះជាតិ បានចេញផ្សាយកាលពីចុងសប្ដាហ៍បានឲ្យដឹងថា មន្ត្រីជាន់ខ្ពស់មកពីគណបក្សទាំងពីរនឹងជួបប្រជុំជាមួយគ្នានៅថ្ងៃស្អែក ដើម្បីចរចាអំពីការបង្កើតយន្តការមួយសម្រាប់កែទម្រង់ប្រព័ន្ធបោះឆ្នោត។
កិច្ចប្រជុំនេះនឹងត្រូវបានប្រារព្ធនៅព្រឹទ្ធសភា នៅវេលាម៉ោង៩ព្រឹក ហើយផ្ដោតសំខាន់ ទៅលើការជំរុញឲ្យមានវឌ្ឍនភាពក្នុងកិច្ចព្រមព្រៀងដែលត្រូវបានបង្កើតឡើងកាលពីខែកញ្ញាឆ្នាំមុន ដើម្បីបង្កើតយន្តការបែបនេ។ គួរបញ្ជាក់ថា នេះនឹងក្លាយជាកិច្ចប្រជុំលើកដំបូងតាំងពីពេលដែលរដ្ឋាភិបាលបានបង្ក្រាបដោយហិង្សាទៅលើសកម្មភាពតវ៉ារបស់គណបក្សប្រឆាំងក្នុងរាជធានីភ្នំ ពេញ កាលពីដើមខែមករា។
សេចក្ដីប្រកាសរបស់គណបក្សកាន់អំណាចដែលត្រូវបានចេញផ្សាយកាលពីថ្ងៃសៅរ៍ មានខ្លឹមសារថា “ជាការឆ្លើយតបទៅនឹងសេចក្ដីប្រកាសរបស់គណបក្សសង្គ្រោះជាតិ...គណបក្សប្រជាជនកម្ពុជាកំណត់យកថ្ងៃទី១៨ ខែកុម្ភៈ នៅវេលាម៉ោង៩ព្រឹកជាកាលបរិច្ឆេទនៃកិច្ចប្រជុំនេះ”។
គួរបញ្ជាក់ផងដែរថា គណបក្សប្រជាជនកម្ពុជាបានចេញផ្សាយសេចក្ដីប្រកាសរបស់ខ្លួនមួយថ្ងៃបន្ទាប់ពីគណបក្សសង្គ្រោះជាតិ បានស្នើសុំឲ្យមានកិច្ចចរចាបន្តទៀត។
កាលពីខែធ្នូឆ្នាំមុន លោកនាយករដ្ឋមន្ត្រី ហ៊ុន សែន បានចុះហត្ថលេខាលើអនុក្រឹត្យមួយ ដែលមានគោលបំណងបង្កើតគណៈកម្មការមួយដែលមានសមាជិក១០រូប ដែលភាគច្រើនជាសមាជិកគណបក្សប្រជាជនកម្ពុជា ក្នុងគោលបំណងស្រាវជ្រាវរកចំណុចកំណែទម្រង់ប្រព័ន្ធបោះឆ្នោត។
ពេលនោះ គណបក្សសង្ក្រោះជាតិ បានចាត់ទុកចំណាត់ការនេះថា ជាចំណាត់ការគ្មានន័យ។ គណបក្សសង្គ្រោះជាតិ បានបញ្ជាក់នៅក្នុងសេចក្ដីប្រកាសរបស់ខ្លួនថា ខ្លួននឹងចូលរួមក្នុងកិច្ចប្រជុំនេះនៅថ្ងៃស្អែក ដោយមានក្ដីសង្ឃឹមថា គណៈកម្មការសហគណបក្សមួយនឹងត្រូវបានបង្កើតឡើង ដើម្បីរៀបចំកម្មវិធីកំណែទម្រង់ប្រព័ន្ធបោះឆ្នោត និងដើម្បីបញ្ចប់ភាពជាប់គាំងផ្នែកនយោ បាយរវាងគណបក្សទាំងពីរដោយសន្តិវិធី។
សេចក្ដីប្រកាសរបស់គណបក្សសង្គ្រោះជាតិ បានបញ្ជាក់ពីរចំណុចគឺ ការផ្លាស់ប្ដូរសមាសភាពគណៈកម្មាធិការជាតិរៀបចំការបោះឆ្នោត និងការកំណត់កាលបរិច្ឆេទសម្រាប់ការបោះឆ្នោតថ្មី មុនពេលនីតិកាលនេះឈានដល់ទីបញ្ចប់ ដែលទាំងេនះជាឧទាហរណ៍នៃចំណុចកំណែទម្រង់ប្រព័ន្ធបោះឆ្នោត ដែលគណបក្សប្រឆាំងនឹងលើកឡើងនៅក្នុងកិច្ចប្រជុំនៅថ្ងៃស្អែក។
កិច្ចចរចាលើកចុងក្រោយបង្អស់រវាងគណបក្សទាំងពីរដែលត្រូវបានកំណត់ធ្វើនៅថ្ងៃទី៤ ខែមក រា ត្រូវបានលុបចោលដោយគណបក្សសង្គ្រោះជាតិ បន្ទាប់ពីកងកម្លាំងរដ្ឋាភិបាលបានបាញ់កម្មក ររោងចក្រកាត់ដេរ ដែលចូលរួមក្នុងសកម្មភាពតវ៉ានោះឲ្យបាត់បង់ជីវិតយ៉ាងតិចប្រាំនាក់ រងរបួសជាង៤០នាក់ និង២៣នាក់ផ្សេងទៀតជាប់ពន្ធនាគាររង់ចាំការផ្ដន្ទាទោសពីបទបំផ្លិចបំផ្លាញទ្រព្យសម្បត្តិ។
លោក ជាម យៀប សមាជិកសភាមកពីគណបក្សប្រជាជនកម្ពុជា បានមានប្រសាសន៍កាលពីម្សិលមិញថា “យើងត្រូវចាប់ផ្ដើមស្វែងរកដំណោះស្រាយមួយដើម្បីបើកផ្លូវឲ្យមេដឹកនាំកំពូលជួបគ្នា និងដោះស្រាយបញ្ហាដែលនៅសេសសល់។ ក៏ប៉ុន្តែដំបូង យើងត្រូវពិភាក្សាថា តើចំណុចកំណែទម្រង់ទាំងនេះនឹងមានអ្វីខ្លះ...ហើយនឹងព្យាយាមបង្កើតយន្តការមួយដើម្បីបញ្ឈប់ការចោទប្រកាន់គ្នាទៅវិញទៅមក និងការប្រមាថគណៈកម្មាធិការជាតិរៀបចំការបោះឆ្នោត”។
លោក ព្រំ សុខា រដ្ឋលេខាធិការក្រសួងមហាផ្ទៃ ដែលនឹងដឹកនាំក្រុមចរចាដែលមានសមាជិកបីនាក់របស់គណបក្សប្រជាជននោះ បានច្រានចោលគំនិតចង់បានការបោះឆ្នោតថ្នាក់ជាតិថ្មីនៅមុនការបោះឆ្នោតដែលគ្រោងរៀបចំនៅពាក់កណ្ដាលឆ្នាំ២០១៨។ លោក ព្រំ សុខា បានមានប្រសាសន៍ថា “ខ្ញុំគិតថាប្រសិនបើយើងជជែកគ្នាអំពីការបោះឆ្នោតថ្មីមុនពេលអាណត្តិនេះបញ្ចប់ មានន័យថា យើងទុកលទ្ធផលនៃការបោះឆ្នោតកាលពីថ្ងៃទី២៨ ខែ កក្កដា ឆ្នាំ២០១៣ ជាមោឃៈ។ តើយើងអាចធ្វើបែបនេះយ៉ាងម៉េចទៅ? ហើយធ្វើបែបនេះដើម្បីអ្វីទៅ?” ។
លោក សុន ឆ័យ ប្រធានក្រុមតំណាងរាស្ត្រគណបក្សសង្គ្រោះជាតិ ដែលនឹងចូលរួមធ្វើជាតំណាងម្នាក់ក្នុងចំណោមតំណាងបីនាក់របស់គណបក្សប្រឆាំងនេះនៅក្នុងកិច្ចប្រជុំនោះ បានលើកឡើងថា ក្រុមចរចារបស់គណបក្សសង្គ្រោះជាតិនឹងចូលរួមកិច្ចប្រជុំនោះដោយបើកចិត្តទូលាយ។ លោ ក សុន ឆ័យ បានមានប្រសាសន៍ថា “យើងបន្តទាមទារឲ្យមានប្រតិបត្តិការស៊ើបអង្កេតមួយ និងការបោះឆ្នោតឡើងវិញ”។
ប្រធានក្រុមតំណាងរាស្ត្រគណបក្សប្រឆាំងរូបនេះបានមានប្រ សាសន៍បន្តទៀតថា “ក៏ប៉ុន្តែ មេដឹកនាំគណបក្សបានលើកឡើងថា កម្មវិធីកែទម្រង់ប្រព័ន្ធបោះ ឆ្នោតនេះគឺជាបញ្ហាដាច់ដោយឡែកមួយ។ គណបក្សប្រជាជនកម្ពុជាបានព្យាយាមអនុវត្តកំណែ ទម្រង់ដោយខ្លួនឯង ក៏ប៉ុន្តែពួកគេនឹងមិនអាចធ្វើបែបនេះបានឡើយ ប្រសិនបើគ្មានគណបក្សសង្គ្រោះជាតិទេនោះ ពោលគឺគណបក្សទាំងអស់ត្រូវឆ្លើយតបចំពោះគ្នាទៅវិញទៅមក”។
លោក សុន ឆ័យ បានមានប្រសាសន៍បន្តទៀតថា “នឹងមានការបោះឆ្នោតឃុំ-សង្កាត់ក្នុងរយៈពេលបីឆ្នាំ ដូច្នេះចាំបាច់យើងត្រូវពិនិត្យប្រព័ន្ធបោះឆ្នោតដើម្បីធានាថា មេដឹកនាំមកពីគណបក្សរបស់យើងអាចត្រូវបានបោះឆ្នោតជ្រើសតាំងនៅថ្នាក់មូលដ្ឋានបាន។ ការធ្វើបែបនេះនឹងធ្វើឲ្យមានការផ្លាស់ប្ដូរស្ថានភាពទាំងស្រុងគួរឲ្យកត់សម្គាល់” ៕សុធា
ការឆ្មក់ចូលនៅខេត្តព្រះវិហារ ស្ទឹងត្រែង រកឃើញកំណាត់ឈើប្រណីតរាប់ពាន់កំណាត់
]នគរបាលបានឲ្យដឹងកាលពីម្សិលមិញថា រដ្ឋបាលព្រៃឈើនៅក្នុងខេត្តព្រះវិហារកាលពីថ្ងៃសៅរ៍ បានឆ្មក់ចូលទីកន្លែងស្តុកឈើដាច់ស្រយាលមួយក្នុងស្រុកជាំក្សាន្ត ជាទីដែលពួកគេបានរកឃើញឈើប្រណីតខុសច្បាប់២០០កំណាត់។
យោងតាមលោក នួន សុខុម អនុប្រធានខណ្ឌរដ្ឋបាលព្រៃឈើខេត្តបានឲ្យដឹងថា ឈើ១៥ម៉ែត្រគូប ត្រូវបានរកឃើញរួមមានឈើធ្នង់ បេង និងនាងនួន ហើយត្រូវបានរកឃើញផងដែរបន្ទាប់ពីអ្នកស្រុកបានរាយការណ៍ប្រាប់នគរបាលអំពីទីតាំងឃ្លាំងស្ដុកឈើនេះនៅក្បែរជើងភ្នំដងរែក។
លោកបានមានប្រសាសន៍ថា “យើងបានឆែកឆេរផ្ទះនេះបន្ទាប់ពីទទួលបានដីកាតុលាការខេត្តកាលពីព្រឹកថ្ងៃសៅរ៍ ហើយរកឃើញឈើនេះ”។
លោកបានបន្ថែមថា “យើងបានដឹកឈើនេះទៅកាន់ការិយាល័យខណ្ឌរដ្ឋបាលព្រៃឈើស្រុក ហើ យពេលនេះកំពុងតែស៊ើបអង្កេត ដើម្បីស្វែងរកម្ចាស់ឈើ និងនាំខ្លួនពួកគេទៅតុលាការ”។ ក្នុងករណីដោយឡែកមួយនៅក្នុងខេត្តស្ទឹងត្រែង រដ្ឋបាលព្រៃឈើមូលដ្ឋានបានរកឃើញកំ ណាត់ឈើខុសច្បាប់រាប់ពាន់កំណាត់នៅលើដីសម្បទានសេដ្ឋកិច្ចមួយនៅក្នុងឃុំ
ស្រែគរ ស្រុកសេសាន កាលពីថ្ងៃសុក្រ។
លោក សិទ្ធ សំណាង ប្រធានខណ្ឌរដ្ឋបាលព្រៃឈើក្រុងស្ទឹងត្រែងបានមានប្រសាសន៍ថា មន្ត្រីរបស់លោកបានរកឃើញឈើកប់នៅលើដីរបស់ក្រុមហ៊ុនស៊ីវហ្គិច អិុនវ៉េសមិន ខូអិុលធីឌី ក៏ប៉ុន្តែមិនប្រាកដថា ឈើនេះពិតជារបស់ក្រុមហ៊ុននោះឡើយ។លោកឲ្យដឹងថា “យើងបានរកឃើញឈើរាប់ពាន់កំណាត់ ហើយបានប្រើគ្រឿងយន្តពីរគ្រឿងជីកកកាយដីនោះ។ ពេលនេះយើងកំពុងតាមរកអ្នកទទួលខុសត្រូវឈើនេះ”។
លោក ហ៊ូ សំអុល អ្នកសម្របសម្រួលរបស់អង្គការសិទ្ធិមនុស្សអាដហុក ប្រចាំខេត្តនេះបានមានប្រសាសន៍ថា អាជ្ញាធរបានជីកកកាយដីចំនួន១០កន្លែង និងបានរកឃើញឈើចំនួន១០.០០០កំណាត់ ប្រហែល១.០០០ម៉ែត្រគូប៕ប៊ុននី
អាជ្ញាធរសូមអភ័យទោសមន្ត្រីកងយោធពលខេមរភូមិន្ទម្នាក់ចំពោះការឆែកឆេរផ្ទះរបស់គាត់
ឧត្តមសេនីយ៍ត្រីមួយរូបក្នុងជួរកងយោធពលខេមរភូមិន្ទ ដែលផ្ទះនិងចម្ការកៅស៊ូរបស់លោកស្ថិតក្នុងខេត្តមណ្ឌលគិរីត្រូវនគរបាលឆ្មក់ចូលកាលពីសប្ដាហ៍មុននោះ បានអះអាងកាលពីម្សិលមិញថា អាជ្ញាធរបានសូមអភ័យទោសលោកបន្ទាប់ពីលោកបានគំរាមប្ដឹងពួកគេ។
នគរបាលបានឆ្មក់ចូលផ្ទះរបស់ឧត្តមសេនីយ៍ត្រី ឈិត ម៉េងស្រេង ស្ថិតក្នុងស្រុកកែវសីមា ហើយរឹបអូសបានឈើប្រណីតជាច្រើនដុំដែលរក្សាទុកនៅទីនោះ ប៉ុន្តែមិនបានធ្វើការចាប់ខ្លួនទេ។
លោកឧត្តមសេនីយ៍ត្រី ម៉េងស្រេង បានអះអាងថា លោកគ្មានកំហុសទេ បន្ទាប់ពីការឆ្មក់ចូលនោះ ហើយបានចោទប្រកាន់អាជ្ញាធរពីបទបង្ខូចកេរ្តិ៍ឈ្មោះរបស់លោក។
ដោយមិនបញ្ជាក់ថា នរណាបានសូមអភ័យទោសចំពោះលោកពិតប្រាកដ ឬថាតើសំណុំរឿងបិទហើយឬយ៉ាងណានោះ លោកឧត្តមសេនីយ៍ត្រី ម៉េងស្រេង ដែលជាមេបញ្ជាការកងយោធពលខេមរភូមិន្ទខេត្តនេះបានមានប្រសាសន៍កាលពីម្សិលមិញថា “សំណុំរឿងនេះចប់សព្វគ្រប់ហើយ ពីព្រោះនៅពេលខ្ញុំបានគំរាមប្ដឹងពួកគេ អាជ្ញាធរពាក់ព័ន្ធបានសូមអភ័យទោសខ្ញុំ”។
លោក សូ សុវិជ្ជា ព្រះរាជអាជ្ញារងអមសាលាដំបូងខេត្តនេះដែលបានចេញដីការឲ្យនគរបាលឆែកឆេរផ្ទះរបស់់ឧត្តមសេនីយ៍ត្រីរូបនេះ បានមានប្រសាសន៍កាលពីម្សិលមិញថា ខណៈលោកមិនបានសូមអភ័យទោស លោកមិនមានគម្រោងកោះហៅឧត្តមសេនីយ៍ត្រី ម៉េងស្រេង មកសាកសួរទេ។ លោកថ្លែងថា “ខ្ញុំមិនមានគម្រោងកោះហៅលោកមកសាកសួរទេ ពីព្រោះនេះជាសមត្ថកិច្ចរដ្ឋបាលព្រៃឈើខេត្ត”។
លោក អេង ប៊ុនហ៊ាង អភិបាលខេត្តមណ្ឌលគិរីដែលកាលពីសប្ដាហ៍មុនបានមានប្រសាសន៍ថា លោកឧត្តមសេនីយ៍ត្រី ម៉េងស្រេង កំពុងត្រូវបានសាកសួរ ហើយអាចប្រឈមមុខចំពោះមុខច្បាប់នោះ បានបដិសេធមិនធ្វើអត្ថាធិប្បាយអំពីសំណុំរឿងនេះទេ កាលពីម្សិលមិញ។
លោក សុខ រដ្ឋា អ្នកសម្របសម្រួលអង្គការសិទ្ធិមនុស្សអាដហុកប្រចាំខេត្តនេះបានរិះគន់អាជ្ញាធរថា មិនបានតាមដានរឿងនេះឲ្យបានត្រឹមត្រូវ។ លោកបានមានប្រសាសន៍ថា “រឿងនេះចម្លែកណាស់ ពួកគេបានរកឃើញភ័ស្ដុតាងគ្រប់គ្រាន់នៅផ្ទះរបស់ជនល្មើសទៅហើយ ប៉ុន្តែពួកគេបែរជាសូមអភ័យទោសជនល្មើសទៅវិញ”។
លោកបានបន្ថែមទៀតថា “ខ្ញុំគិតថា នេះគឺដោយសារអាជ្ញាធរមានភាពកម្សោយ ពួកគេមិនអាចអនុវត្តច្បាប់ឲ្យបានត្រឹមត្រូវ ឡើយពីព្រោះពួកគេខ្លាចអ្នកមានអំណាច”៕ សារុន
បុរសជនជាតិវៀតណាមម្នាក់ត្រូវបានសម្លាប់ដោយក្រុមមនុស្សប្រកាន់ជាតិសាសន៍ក្នុងរាជធានីភ្នំពេញ
នគរបាលនិងអភិបាលខណ្ឌបានឲ្យដឹងកាលពីម្សិលមិញថា មនុស្សប្រកាន់ជាតិសាសន៍មួយក្រុមបានវាយសម្លាប់បុរសជនជាតិវៀតណាមម្នាក់ បន្ទាប់ពីបុរសរូបនេះបានជិះម៉ូតូបុករថយន្តមួយគ្រឿងនៅក្នុងខណ្ឌមានជ័យ រាជធានីភ្នំពេញកាលពីយប់ថ្ងៃសៅរ៍។
លោក ហួត វណ្ណា នាយរងនគរបាលប៉ុស្ដិ៍បានឲ្យដឹងថា ឈ្មោះ ង្វៀន យ៉ាងង៉ុក អាយុ២៨ឆ្នាំ បានជិះម៉ូតូទៅបុកគូថរថយន្តមួយគ្រឿងនៅតាមផ្លូវជាតិលេខ២ ក្នុងសង្កាត់ចាក់អង្រែលើ នៅម៉ោងប្រមាណ៩និង៤៥នាទីយប់។ រថយន្តនោះបានបន្តដំណើរទៅមុខទៀត ទុកឲ្យបុរសវ័យក្មេងរូបនេះរងរបួសនៅលើផ្លូវ ជាទីដែលក្រោយមកខ្លួនត្រូវបានមនុស្សមួយក្រុមមានគ្នាប្រហែលជាប្រាំមួយនាក់ដែលមានកំហឹងព្រួតគ្នាវាយ។
លោក វណ្ណា បានឲ្យដឹងថា “ង្វៀង យ៉ាងង៉ុក បានស្លាប់ បន្ទាប់ពីក្រុមមនុស្សទាំងនេះបានព្រួតគ្នាវាយគាត់ត្រូវក្បាលនិងមុខ”។ លោកបានបន្ថែមថា ក្រុមនេះខឹងដោយសារម៉ូតូរបស់គាត់ ដែលបុករថយន្ត រាំងផ្លូវពួកគេ។
លោកបានមានប្រសាសន៍ថា “ការវាយប្រហារបានចាប់ផ្ដើមនៅពេលដែលមានអ្នកស្រែកថា ‘យួនវៃ៉ខ្មែរ’ ហើយបន្ទាប់នោះក្រុមមនុស្សទាំងនោះបានវាយគាត់រហូតដល់ស្លាប់”។ ង្វៀង យ៉ាងង៉ុក បានស្លាប់នៅកន្លែងកើតហេតុ។
លោក វណ្ណា ឲ្យដឹងថា បុរសម្នាក់ឈ្មោះ វ៉ុន ចាន់វុត្ថា អាយុ៥០ឆ្នាំត្រូវបានចាប់ខ្លួនបន្ទាប់នោះ ដោយសារតែត្រូវបានអះអាងថា ពន្យុះឲ្យមានអំពើហិង្សាជាតិសាសន៍។ លោកបានបន្ថែមថា “យើងបានឃាត់ខ្លួនគាត់និងបញ្ជូនគាត់ទៅនគរបាលខណ្ឌដើម្បី សាកសួរ”។
លោក វណ្ណា បានថ្លែងថា អ្នកភូមិបានប្រាប់នគរបាលថា ជនរងគ្រោះ គឺជាជនជាតិវៀតណាម ហើយថា នគរបាលនៅមិនទាន់ទាក់ទងទៅគ្រួសារបុរសរូបនេះនៅឡើយទេ។
លោក ជា សុហៃ នាយនគរបាលប៉ុស្ដិ៍ចាក់អង្រែក្រោមបានឲ្យដឹងថា សាកសពរបស់ជនរងគ្រោះត្រូវបានបូជារួចហើយនៅឯវត្តមួយ។
លោក គួច ចំរើន អភិបាលខណ្ឌមានជ័យបានមានប្រសាសន៍ថា លោកបានដឹងអំពីការសម្លាប់ នេះ ហើយលោកបានឲ្យដឹងថា ការប្រកាន់ជាតិសាសន៍នៅពីក្រោយរឿងនេះ ពីព្រោះអ្នកសម្លាប់បានស្រែកពាក្យពាក់ព័ន្ធនឹងសាវតាជាតិសាសន៍របស់ជនរងគ្រោះ ព្រោះតែពួកគេខឹង។
លោក ចំរើន បានឲ្យដឹងថា “វាគឺជាការសម្លាប់ដោយមនុស្សមានកំហឹងមួយក្រុម និងដោយសារតែការរើសអើង ពីព្រោះមនុស្សទាំងនេះបានសម្លាប់ជនរងគ្រោះបន្ទាប់ពីហៅគាត់ថា ជា ‘យួន’”។
លោក ចាន់ សុវ៉េត អនុប្រធានផ្នែកស៊ើបអង្កេតប្រចាំអង្គការសិទ្ធិមនុស្សអាដហុក បានរិះគន់ការសម្លាប់នេះ ហើយបានអំពាវនាវឲ្យនគរបាលធ្វើការស៊ើបអង្កេតឲ្យបានហ្មត់ចត់។ លោក សុវ៉េត បានមានប្រសាសន៍ថា “ពួកគេមិនគួរសម្លាប់ជនរងគ្រោះ ដែលជាជនជាតិវៀតណាម ឬជនជាតិផ្សេងទៀតនោះទេ”៕ ប៊ុននី
បក្សប្រជាជនបោះឆ្នោតសាកល្បងមុនការបោះឆ្នោតក្រុមប្រឹក្សា
គណបក្សប្រជាជនកម្ពុជាកំពុងកាន់អំណាចប្រហែលជាមានការភ្ញាក់ផ្អើលយ៉ាងខ្លាំងនៅពេលខ្លួនបានបាត់បង់អាសនៈសភាចំនួន២២ទៅក្នុងដៃគណបក្សសង្គ្រោះជាតិនៅក្នុងការបោះឆ្នោតជាតិកាលពីខែកក្កដា ប៉ុន្តែពេលនេះគណបក្សនេះកំពុងចាប់ផ្ដើមកៀរគរការគាំទ្រសម្រាប់ការបោះឆ្នោតក្រុមប្រឹក្សារាជធានី ខេត្ត-ក្រុង ស្រុក- ខណ្ឌ ដែលគ្រោងធ្វើនៅខែឧសភាខាងមុខនេះ។
មន្ត្រីក្រុមប្រឹក្សាឃុំ-សង្កាត់របស់គណបក្សប្រជាជនកម្ពុជាប្រហែល៥៧០រូបមកពីទូទាំងរាជធានីភ្នំពេញ បានជួបជុំគ្នាកាលពីថ្ងៃច័ន្ទ នៅទីស្នាក់ការគណបក្សប្រជាជនកម្ពុជា ដែលស្ថិតនៅតាមបណ្ដោយមហាវិថីព្រះនរោត្តម ដើម្បីចូលរួមការបោះឆ្នោតសាកល្បងសម្រាប់មន្ត្រីក្រុមប្រឹក្សារាជធានី ខេត្ត-ក្រុង ស្រុក-ខណ្ឌ ដើម្បីត្រៀមសម្រាប់ការបោះឆ្នោតពិតប្រាកដដែលគេរំពឹងថា គណបក្សកាន់អំណាចនឹងមានប្រៀបជាង។
លោក សំ ផុន ចៅសង្កាត់និរោធ ក្នុងខណ្ឌមានជ័យ ដែលមកពីបក្សប្រជាជនបានថ្លែងថា “យើងបោះឆ្នោតដើម្បីស្ទាបស្ទង់ការជ្រើសតាំងសម្រាប់បេក្ខជនដែលនឹងឈរឈ្មោះក្នុងក្រុមប្រឹក្សារាជធានី ខេត្ត ក្រុងស្រុក ខណ្ឌ”។
ក្រុមប្រឹក្សាឃុំ-សង្កាត់ដែលបានចូលរួមការបោះឆ្នោតសាកល្បងនេះ ត្រូវបានគេប្រាប់ឲ្យសរសេរការជ្រើសរើសរបស់ខ្លួនសម្រាប់ក្រុមប្រឹក្សារាជធានី ខេត្ត-ក្រុង ស្រុក-ខណ្ឌ...
អ្នកភូមិនៅខេត្តក្រចេះចេញមកបិទផ្លូវបន្ទាប់ពីកងរាជអាវុធហត្ថបានដុតផ្ទះសំបែងរបស់ពួកគាត់
ក្រុមមន្ត្រីបានឲ្យដឹងថា កាលពីថ្ងៃពុធ នគរបាល និងកងរាជអាវុធហត្ថនៅក្នុងស្រុកស្នួល ខេត្តក្រចេះបានដុតផ្ទះចំនួន៥៦ខ្នងដែលពួកគេបានលើកឡើងថា ស្ថិតនៅលើដីការពារឲ្យក្លាយជាផេះ ដោយធ្វើឲ្យអ្នកភូមិដែលបាត់បង់ផ្ទះសំបែងនាំគ្នាចេញមកតវ៉ាដោយបិទផ្លូវជាតិលេខ៧៦អស់រយៈពេលបួនម៉ោង។
លោក គង់ គឹមនី អភិបាលស្រុកស្នួលបានឲ្យដឹងកាលពីម្សិលមិញថា អ្នកភូមិបានកាប់ឆ្ការរានយកដីការពារទំហំ៥.០០០ហិកតាដោយខុសច្បាប់នៅក្នុងឃុំ ខ្សឹម ដែលជាប់ព្រំដែនស្រុកកែវសីមា ខេត្តមណ្ឌលគិរី។ លោក គឹមនី មានប្រសាសន៍ថា “យើងបានសម្រេចដុតផ្ទះដើម្បីបង្ខំឲ្យគ្រួសារទាំងនោះចាកចេញពីដីនេះ”។ លោកបន្ថែមថា អ្នកភូមិបានទទួលការព្រមានជាមុនចំនួនបួនលើកមកហើយ។
លោកមានប្រសាសន៍បន្តថា “ ខ្ញុំបានប្រាប់គ្រួសារទាំងនោះឲ្យទៅយកលិខិតមួយច្បាប់ពីអាជ្ញាធរមូលដ្ឋានដើម្បីជម្រាបប្រាប់ថា ពួកគាត់មិនមែនជាម្ចាស់ដីនេះទេ ហើយយើងនឹងផ្តល់ដីសម្បទានសង្គមកិច្ច្ដល់ពួកគាត់”។
លោក គឹមនី បានលើកឡើងថា តែទោះជាយ៉ាងណា អ្នកភូមិជាច្រើនដែលមកពីខេត្តផ្សេងៗ បានផ្លាស់ទីទៅទីនោះដើម្បីកាប់រានយកដីរួចធ្វើស្រែ ខណៈរដ្ឋាភិបាលមិនបានផ្តល់ដីនេះជាដីសម្បទានសម្រាប់ពួកគាត់ព្រោះវាជាដីការពារ។
លោក សំ ភីន អ្នកភូមិម្នាក់ក្នុងចំណោមអ្នកភូមិដែលត្រូវគេបណ្តេញចេញ បាននិយាយថា លោកបានផ្លាស់ទីពីខេត្តស្វាយរៀងមកតំបន់នេះនៅក្នុងឆ្នាំ២០១០ ហើយគាត់បានកាប់រានព្រៃការពារដើម្បីដាំស្វាយចន្ទី ចេក និងដំឡូងមី។
លោក គឹមនី បានមានប្រសាសន៍ថា “ អ្នកភូមិទាំងនោះបានកាប់ឆ្ការរានយកដីនេះ ហើយលក់វាក្នុងតម្លៃប្រហែល៣០០.០០០រៀល ក្នុងមួយហិកតា”។
បន្ទាប់ពីនគរបាលនិងកងរាជអាវុធហត្ថបានចុះទៅបណ្តេញអ្នកភូមិចេញនៅម៉ោងប្រហែល១រសៀល អ្នកភូមិប្រមាណ៣០០នាក់ បាននាំគ្នាធ្វើដំណើរទៅផ្លូវជាតិលេខ៧៦ ហើយបិទផ្លូវតែម្តង ខណៈកងរាជអាវុធហត្ថប្រហែល១០០នាក់ឈរជើងនៅក្បែរនោះ។
នៅម៉ោងប្រហែល៥ល្ងាចនិងដោយគ្មានការជ្រៀតជ្រែកពីកងរាជអាវុធហត្ថ អ្នកភូមិបានចាកចេញទៅវិញ បន្ទាប់ពីលោក គឹមនី បានសន្យាស្វែងរកដំណោះស្រាយឲ្យពួកគាត់។
នៅក្នុងហេតុការណ៍ដាច់ដោយឡែកមួយទៀតនៅក្នុងខេត្តពោធិ៍សាត់ អ្នកភូមិ ម្នាក់ឈ្មោះ សែន សឿន អាយុ៤៧ឆ្នាំ ត្រូវបានចោទប្រកាន់ពីបទចាប់យកដីព្រៃការពារដោយខុសច្បាប់ ហើយត្រូវបានឃុំខ្លួនជាបណ្តោះអាសន្ន នេះបើយោងតាមលោក អេង ឈុនហាន អ្នកសម្របសម្រួលនៅអង្គការសិទ្ធិមនុស្សលីកាដូ ប្រចាំខេត្តពោធិ៍សាត់។
អ្នកស្រី សែន សឿន ត្រូវបានឃុំខ្លួនកាលពីថ្ងៃពុធ បន្ទាប់ពីបានតវ៉ាប្រឆាំងនឹងការបណ្តេញចេញមួយផ្សេងទៀតលើសហគមន៍មួយដែលបានផ្លាស់ទីមករស់នៅលើដីនេះ ដែលស្ថិតនៅក្នុងឃុំក្រពើពីរ ស្រុកវាលវែង។ ពួកគាត់ត្រូវបានបណ្តេញចេញកាលពីឆ្នាំ២០១២ ប៉ុន្តែបានវិលត្រឡប់មករស់នៅលើដីនេះវិញកាលពីឆ្នាំមុន។
លោក ឃាង ឡេង អធិការស្រុកវាលវែង បានលើកឡើងថា អ្នកភូមិត្រូវបានផ្តល់និងទទួលយកប្រាក់សំណងតាំងពីពួកគាត់ត្រូវបានបណ្តេញចេញជាលើកដំបូងមកម៉្លេះ ។ លោក ឃាង ឡេង បានមានប្រសាសន៍ថា “កាលពីឆ្នាំ២០១២ អាជ្ញាធរបានផ្តល់ដីទំហំ៥០x២០០ម៉ែត្រទៅឲ្យពួកគាត់ ប៉ុន្តែនៅដើមឆ្នាំ២០១៣ ពួកគាត់បានវិលត្រឡប់មកចាប់យកដីដែលពួកបានចាកចេញនេះវិញ”។
លោក ភួង សុធា អ្នកសម្របសម្រួលនៅអង្គការសិទ្ធិ មនុស្សអាដហុកប្រចាំខេត្តពោធិ៍សាត់ បានលើកឡើងថា អ្នកភូមិចំនួន២៨នាក់ បានចុះហត្ថលេខា និងបានប្តឹងមកអង្គការសិទ្ធិមនុស្សអាដហុកជុំវិញការចាប់ខ្លួនអ្នកស្រី សែន សឿន៕ស៊ុយឈាង
សកម្មភាពនាំចេញលទ្ធផលផ្តៅជួបការលំបាកនៅផ្នែកដឹកជញ្ជូន ទុកដាក់និងការិយាធិបតេយ្យ
អ្នកជំនាញនៅអង្គការ WWF និងអ្នកជំនាញផ្នែកឧស្សាហកម្មបានលើកឡើងក្នុងពិធីផ្សព្វផ្សាយសៀវភៅនិយាយអំពីប្រភេទផ្តៅនៅតំបន់មេគង្គ ដែលជាសៀវភៅបង្ហាញព័ត៌មានលម្អិតដំបូងនៅក្នុងប្រទេសកម្ពុជាថា ប្រទេសកម្ពុជានៅតែស្ថិតនៅលើផ្លូវដ៏វែងឆ្ងាយ ដែលត្រូវដើរ មុនពេលវិស័យផលិតផលិតផលផ្តៅរបស់ខ្លួនមាននិរន្តរភាព និងអាចនាំចេញទៅលក់នៅក្រៅប្រទេសដើម្បីទទួលបានប្រាក់ចំណូលមកក្នុងប្រទេស។
ថ្លែងនៅក្នុងពិធីដែលត្រូវបានរៀបចំនៅសណ្ឋាគារអុីមភើរៀល ហ្គាឌិន វីឡា និងសណ្ឋាគារ (Imperial Garden Villa & Hotel) លោក លីប ជាង ប្រធានសមាគមផ្តៅកម្ពុជា បានលើកឡើងថា គម្រោងសាកល្បងនាំចេញផលិតផលផ្តៅទៅប្រទេសវៀតណាម បានបង្ហាញថា បញ្ហាការិយាធិបតេយ្យនៅក្នុងរដ្ឋាភិបាល ហេដ្ឋារចនាសម្ព័ន្ធទន់ខ្សោយ និងពាណិជ្ជកម្មខុសច្បាប់ នៅតាមព្រំដែនកំពុងបង្កការលំបាកដល់វិស័យមួយដែលអាចប្រកួតប្រជែងជាមួយប្រទេសឥណ្ឌូណេស៊ី ដែលជាប្រទេសផលិតផលិតផលផ្តៅធំបំផុតលើពិភពលោក។
សមាគមផលិតផលផ្តៅបាននាំចេញផលិតផលពាក់កណ្តាលសម្រេចប្រាំតោន ដែលអាចយកទៅច្នៃបន្តធ្វើជាគ្រឿងសង្ហារឹម និងផលិតផលសិប្បកម្មផ្សេងៗទៀត ដែលមានតម្លៃ៩.០០០ដុល្លារ ទៅលក់ឲ្យរោងចក្រសរសៃធម្មជាតិធំបំផុតនៅប្រទេសវៀតណាម គឺក្រុមហ៊ុន វីញ ឡុង ជេអេសស៊ី (Vinh Long JSC)។ ដំណើរការនាំចេញផលិតផលទាំងនេះស៊ីពេលអស់ប្រាំពីរខែកន្លះ ទើបទទួលបានឯកសារសំខាន់ៗ និងអាជ្ញាប័ណ្ណ ដែលនេះជារយៈពេលដ៏យូរមួយ នេះបើយោងតាមសម្តីរបស់លោក ជាង។
លោកបានមានប្រសាសន៍ថា “ រយៈពេលធ្វើអាជ្ញាប័ណ្ណអាចបណ្តាលឲ្យផលិតផលទាំងនេះបាត់បង់គុណភាព ពីព្រោះវាត្រូវបានទុកចោលមិនមានការថែរក្សា។ ផលិតផលផ្តៅក៏អាចខូចដោយសារសត្វល្អិតផងដែរ។ ថ្លៃដឹកជញ្ជូនក៏មានកម្រិតខ្ពស់ពេកដែរ អាចជាហេតុនាំឲ្យប្រាក់ចំណេញថយចុះ... ។ យើងត្រូវសិក្សាពីប្រទេសជិតខាងយើង អំពីវិធីនាំចេញដោយប្រើធនធានមានប្រសិទ្ធភាព”។
យោងតាមសមាគមផ្តៅកម្ពុជាបានឲ្យដឹងថា វិស័យផលិតកម្មផលិតផលផ្តៅក្នុងស្រុកផ្តល់ប្រាក់ចំណូល១,៥លានដុល្លារក្នុងមួយឆ្នាំ ដែលជាចំណែកមួយនៃប្រាក់ចំណូលសរុបទូទាំងពិភពលោកដែលមានប្រហែលបួនពាន់លានដុល្លារ ហើយផលិតផលផ្តៅពាក់កណ្តាលសម្រេចមួយតោនមានតម្លៃប្រហែល២.៥០០ដុល្លារ ខណៈដែលប្រទេសកម្ពុជាមានផ្ទៃដីប្រហែល១៥.០០០ហិកតាដែលអាចប្រមូលផលបាន។
ប្រទេសកម្ពុជាមានផ្តៅ២០ប្រភេទដែលគេស្គាល់ និងអាចត្រូវបានប្រើប្រាស់សម្រាប់ធ្វើគ្រឿងតុទូ អាហារ និងឱសថបុរាណ ហើយភាគច្រើនត្រូវបានដាំនៅក្នុងខេត្តកំពត ព្រះសីហនុ កោះកុង កំពង់ធំ ព្រះវិហារ កំពង់ស្ពឺ និងខេត្តក្រចេះ។
លោក ឈិត សំអាត នាយកអង្គការ WWF-Cambodia ថ្លែងថា ការប្រមូលផលផ្តៅប្រកបដោយក្រមសីលធម៌មានសារៈសំខាន់ចំពោះស្ថិរភាពនៃវិស័យនេះ ដែលជាគោលបំណងនៃការលើកកម្ពស់ តាមរយៈសៀវភៅថ្មីដែលមានចំណងជើងថា “ ប្រព័ន្ធ អេកូឡូស៊ី និងការគ្រប់គ្រងផលិតផលផ្តៅនៅកម្ពុជា លាវ និងប្រទេសវៀតណាម”។
សៀវភៅដែលជាស្នាដៃកើតចេញពីការខិតខំប្រឹងប្រែងរួមគ្នាអស់រយៈពេលប្រាំបីឆ្នាំរបស់អង្គការ WWF និងអង្គការ New York Bogtanical Garden នេះបានបង្ហាញថា “ ការគ្រប់គ្រង ការផលិត ការធ្វើពាណិជ្ជកម្មផលិតផលផ្តៅប្រកបដោយនិរន្តរភាព គឺជាវិធីតែមួយគត់ដែលអាចធានាបានថា វិស័យនេះនឹងមានភាពរីកចម្រើនក្នុងអនាគតសម្រាប់តំបន់មេគង្គ នេះបើយោងតាមលោក អាត៕ សុធា
ហាងកាហ្វេ Paul’s BrewHouse បើកសាខាទី៦ដើម្បីប្រកួតប្រជែញជាមួយ Brown Coffee
ហាងកាហ្វេ Paul’s BrewHouse កំពុងតែប្រកួតប្រជែងយ៉ាងស្វិតស្វាញជាមួយហាងកាហ្វេ Brown Coffee ដើម្បីដណ្តើមងារជាហាងកាហ្វេធំបំផុតនៅប្រទេសកម្ពុជាខណៈខ្លួនបើកសាខាទី៦ក្នុងរាជាធានីភ្នំពេញនៅថ្ងៃនេះ ដោយក្រុមហ៊ុននេះមានផែនការបើកសាខាមួយទៀតនៅក្នុងឆ្នាំនេះ លើ ទីផ្សារដែលកំ ពុងមានសន្ទុះរីកចម្រើនយ៉ាងខ្លាំងនេះ។
សាខា ថ្មីនៅបណ្តោយផ្លូវសុធារសនេះ ត្រូវបានតុបតែងតាមរបៀបអគារដាក់ ជួង (Leaning Tower of Pisa) និងតាមគំនិតសិល្បៈសម័យទំនើប ដែលជា គំនិតផ្តួចផ្តើមរបស់លោក ម៉េងលី (Mengly J. Quach) ដែលចូលចិត្តគំនិតរចនាហាងកាហ្វេនៅអឺរ៉ុប។
លោក គួច ម៉េងលី ដែលមានអាជីវកម្មជាច្រើនមុខដូចជា សាលារៀន និងសារព័ត៌មានថ្មីៗ ជាដើមនេះ បានមានប្រសាសន៍ថា “ខ្ញុំបានធ្វើដំណើរទៅប្រទេសអុីតាលី លុចសំបួ និងប្រទេសបារាំង ហើយខ្ញុំបានប្រមូលយកគំនិតទាំងអស់មក ច្របាច់បញ្ចូលគ្នា”។ លោកបានបន្តទៀតថា ទោះបីជាគំនិតតុបតែងយកតាមអឺរ៉ុបក៏ដោយ រស ជាតិនៅតែជារបស់អាមេរិក ហើយនំដូណាត់បានធ្វើឲ្យហាងកាហ្វេ Paul’s BrewHouse មានលក្ខណៈខុសប្លែកពីដៃគូប្រកួតប្រជែងផ្សេងៗទៀត ដូចជា ប្រោន និងកូស្តាជាដើម។
លោកបានមានប្រសាសន៍បន្ថែមទៀតថា “លក្ខណៈសំខាន់របស់យើងគឺនំដូណាត់។ យើងធ្វើការងារបានយ៉ាងល្អក្នុង ផ្នែកនំដូណាត់ ហើយយើងមានរស់ជាតិដើមពីអាមេរិក។ អ្វីគ្រប់យ៉ាង សុទ្ធតែមកពីអាមេរិក ដូចជា ឡដុតនំម្សៅ និងអ្វីៗគ្រប់យ៉ាង...។ ...
មានសំណើឲ្យស្រាយបំភ្លឺអំពីច្បាប់គ្រប់គ្រងអង្គការក្រៅរដ្ឋាភិបាល និងសមាគមនៅប្រទេសកម្ពុជា
សំណើមួយត្រូវបានផ្ញើទៅគណៈកម្មាធិការសិទ្ធិមនុស្សរបស់រដ្ឋាភិបាល ក្រសួងមហាផ្ទៃ និងក្រសួងការបរទេសនិង សហប្រតិបត្តិការអន្តរជាតិ ដើម្បីស្វែងរកការបញ្ជាក់ច្បាស់អំស្ថានភាព និងកន្លែងស្ថិតនៅរបស់សេចក្តីព្រាងច្បាប់មួយដែលនឹងគ្រប់គ្រងសមាគម និងអង្គការក្រៅរដ្ឋាភិបាល។ គួរបញ្ជាក់ថា នេះគឺសំណើសុំពិនិត្យមើលកំណែថ្មីចុងក្រោយនៃច្បាប់នេះ មុនពេលត្រូវបានបញ្ជូនទៅរដ្ឋសភាជាតិដើម្បីអនុម័ត។
ដើម្បីដោយពន្យល់អំពីសំណើនេះ លោក សឿង សារឿន នាយកប្រតិបត្តិនៃគណៈកម្មាធិការសហប្រតិបត្តិការសម្រាប់កម្ពុជា ហៅកាត់ថា CCC បានលើកឡើងពីសុន្ទរកថាដែលលោក ម៉ក់ សម្បត្តិ អនុប្រធានគណៈការសិទ្ធិមនុស្ស បានថ្លែងនៅក្នុងទីក្រុងហ្សឺណែវកាលពីខែមុន ហើយលោកបានប្រាប់អង្គប្រជុំរបស់អង្គការសហប្រជាជាតិថា ច្បាប់នេះត្រូវបានអនុម័តជាឯកច្ឆន្ទដោយ គណៈរដ្ឋមន្ត្រី។
ទាក់ទងនឹងសុន្ទរកថារបស់លោក សម្បត្តិនៅក្នុងទីក្រុងហ្សឺណែវ លោក សារឿន បានមានប្រសាសន៍ថា “ យើងព្យាយាមទាក់ទងប្រភពផ្សេងៗគ្នា រាប់ទាំងការអំពាវនាវដល់ក្រសួងមហាផ្ទៃ...
Latest news
© 2021, ដេលី. All rights reserved.