ហាងកាហ្វេ Paul’s BrewHouse កំពុងតែប្រកួតប្រជែងយ៉ាងស្វិតស្វាញជាមួយហាងកាហ្វេ Brown Coffee ដើម្បីដណ្តើមងារជាហាងកាហ្វេធំបំផុតនៅប្រទេសកម្ពុជាខណៈខ្លួនបើកសាខាទី៦ក្នុងរាជាធានីភ្នំពេញនៅថ្ងៃនេះ ដោយក្រុមហ៊ុននេះមានផែនការបើកសាខាមួយទៀតនៅក្នុងឆ្នាំនេះ លើ ទីផ្សារដែលកំ ពុងមានសន្ទុះរីកចម្រើនយ៉ាងខ្លាំងនេះ។
សាខា ថ្មីនៅបណ្តោយផ្លូវសុធារសនេះ ត្រូវបានតុបតែងតាមរបៀបអគារដាក់ ជួង (Leaning Tower of Pisa) និងតាមគំនិតសិល្បៈសម័យទំនើប ដែលជា គំនិតផ្តួចផ្តើមរបស់លោក ម៉េងលី (Mengly J. Quach) ដែលចូលចិត្តគំនិតរចនាហាងកាហ្វេនៅអឺរ៉ុប។
លោក គួច ម៉េងលី ដែលមានអាជីវកម្មជាច្រើនមុខដូចជា សាលារៀន និងសារព័ត៌មានថ្មីៗ ជាដើមនេះ បានមានប្រសាសន៍ថា “ខ្ញុំបានធ្វើដំណើរទៅប្រទេសអុីតាលី លុចសំបួ និងប្រទេសបារាំង ហើយខ្ញុំបានប្រមូលយកគំនិតទាំងអស់មក ច្របាច់បញ្ចូលគ្នា”។ លោកបានបន្តទៀតថា ទោះបីជាគំនិតតុបតែងយកតាមអឺរ៉ុបក៏ដោយ រស ជាតិនៅតែជារបស់អាមេរិក ហើយនំដូណាត់បានធ្វើឲ្យហាងកាហ្វេ Paul’s BrewHouse មានលក្ខណៈខុសប្លែកពីដៃគូប្រកួតប្រជែងផ្សេងៗទៀត ដូចជា ប្រោន និងកូស្តាជាដើម។
លោកបានមានប្រសាសន៍បន្ថែមទៀតថា “លក្ខណៈសំខាន់របស់យើងគឺនំដូណាត់។ យើងធ្វើការងារបានយ៉ាងល្អក្នុង ផ្នែកនំដូណាត់ ហើយយើងមានរស់ជាតិដើមពីអាមេរិក។ អ្វីគ្រប់យ៉ាង សុទ្ធតែមកពីអាមេរិក ដូចជា ឡដុតនំម្សៅ និងអ្វីៗគ្រប់យ៉ាង…។ ហាងរបស់យើងមានលក្ខណៈបែបអឺរ៉ុប ប៉ុន្តែ បត់បែនតាមអាស៊ី”។
លោក ម៉េងលី បានលើកឡើងបន្តថា ទោះបីជាប្រតិបត្តិការនៅក្នុងសាខា បច្ចុប្បន្នកំពុងតែដំណើរការយ៉ាងរលូនក៏ដោយ ការផ្គត់ផ្គង់កាហ្វេ ដែលមានគុណភាពល្អនៅតែជាបញ្ហាប្រឈម។ លោកបានបន្តថា “កាហ្វេ កម្ពុជាជាធម្មតាត្រូវបានលាយជាមួយពោត នៅពេលគេយកទៅដុត ជាហេតុ បណ្តាលឲ្យមានបញ្ហាដល់សុខភាពរបស់អ្នកផឹក” ហើយផ្តល់រសជាតិស្ទើរ តែដូចប័រនៅក្នុងកាហ្វេ។ ហាងកាហ្វេនេះបាននាំចូលសណ្តែកពីសហរដ្ឋ អាមេរិកដែលជាប់ពន្ធនាំចូលខ្ពស់ ជាហេតុនាំឲ្យថ្លៃដើមឡើងដល់ ២៨ដុល្លារក្នុងមួយគីឡូក្រាម។
ហាងទី៦នេះឆ្លុះបញ្ចាំងឲ្យឃើញ ភាពរីកចម្រើនយ៉ាងលឿនរបស់ក្រុមហ៊ុននេះ តាំងពីខ្លួនបានបើកហាង ដំបូងនៅក្នុងសង្កាត់បឹងកេងកង១ កាលពីមួយឆ្នាំកន្លះមុន ហើយថែម ទាំងមានគម្រោងបើកសាខាទី៧ក្នុងឆ្នាំនេះ ប្រសិនបើខ្លួនរកឃើញ ទីតាំងត្រឹមត្រូវ ដែលអាចនៅខណ្ឌទួលគោក សង្កាត់ទឹកថ្លា ឬក៏ចាក់ អង្រែ នេះបើយោងតាមសម្តីរបស់លោក ម៉េងលី។
ទីផ្សារកាហ្វេ ក្នុងរាជធានីភ្នំពេញកំពុងមានសន្ទុះរីកចម្រើន ដោយសារតែប្រជាជននិង វិនិយោគិនមកពីលោកខាងលិច និងកំណើន នៃចំនួនប្រជាជនមានប្រាក់ ចំណូលមធ្យមដែលនិយមកាហ្វេដែលមានលក្ខណៈស្មុគស្មាញច្រើនជាងកាហ្វេ បុរាណខ្មែរ នេះបើយោងតាមប្រសាសន៍លោក ចង ប៊ុនលាង សហស្ថាបនិកហាង កាហ្វេប្រោនដែលជាហាងកាហ្វេធំបំផុតនៅក្នុងប្រទេសកម្ពុជាដោយមាន សាខាប្រាំពីរកន្លែង។
លោកបានមានប្រសាសន៍ថា “ កាលពីឆ្នាំ២០១០ នៅបឹងកេងកង មានហាងកាហ្វេប្រហែលជាប្រាំប៉ុណ្ណោះ ប៉ុន្តែ ឥឡូវនេះ មានជាង២០កន្លែង”។ ទោះជាយ៉ាងណា វត្តមានរបស់គូប្រកួតប្រជែង និងកំណើតនៃហាងកាហ្វេ Paul’s BrewHouse មិនមែនជារឿងគួរឲ្យព្រួយបារម្ភទេ ប៉ុន្តែ ផ្ទុយទៅ វិញវាជារឿងល្អ។
លោក ប៊ុនលាង បានមានប្រសាសន៍បន្តថា “ ខ្ញុំគិតថា វាជារឿងល្អសម្រាប់កម្ពុជាដែលមានហាងកាហ្វេជាច្រើន។ វាជារឿងសំខាន់សម្រាប់ទីក្រុងនេះ ពីព្រោះវាផ្តល់កន្លែងកាន់តែ ច្រើនសម្រាប់ជួបជុំ”។ លោកបានបន្តថា “ជាងនេះ ទៅទៀត នៅ ពេលវិនិយោគិនមកដល់រាជធានីភ្នំពេញ និងបានឃើញភាពទំនើប នៃទីក្រុងនេះ ពួកគេនឹងមានអារម្មណ៍ និងគំនិតសុទិដ្ឋិនិយមថា ពួកគេនឹង មានអនាគតល្អនៅកម្ពុជា”៕ សុធា