TAG
paywall
នគរបាលយកត្រាក់ទ័រដែលអ្នកភូមិក្នុងខេត្តមណ្ឌលគិរីចាប់ទុកមកឲ្យក្រុមហ៊ុនវិញ
កសិករជនជាតិដើមភាគតិចព្នងដែលជាប់ពាក់ព័ន្ធវិវាទដីធ្លីជាមួយក្រុមហ៊ុនចម្ការកៅស៊ូមួយ ដែលកាន់កាប់ដោយវៀតណាមនៅក្នុងខេត្តមណ្ឌលគិរីបានបោះបង់ការគ្រប់គ្រងត្រាក់ទ័ររបស់ក្រុមហ៊ុន ដែលពួកគាត់បានចាប់កាលពីសប្ដាហ៍មុន បន្ទាប់ពីនគរបាល និងកងរាជអាវុធហត្ថជាច្រើនបានបង្ហាញមុខកាលពីថ្ងៃសៅរ៍ ដើម្បីមកយកត្រាក់ទ័រនោះវិញ។
អ្នកភូមិជនជាតិដើមភាគតិចព្នងប្រហែល២០០គ្រួសារ នៅក្នុងស្រុកកែវសីមា បានចោទប្រកាន់ក្រុមហ៊ុន Binh Phuoc 1 ថា បានរំលោភយកដីរបស់ពួកគាត់ ដែលពួកគាត់លើកឡើងថា ពួកគាត់បានធ្វើស្រែចម្ការច្រើនជំនាន់មកហើយ។
អាជ្ញាធរមូលដ្ឋានអះអាងថា គ្រួសារទាំងនេះគឺជាអ្នកមកតាំងទីលំនៅខុសច្បាប់ ដែលទើបតែផ្លាស់មករស់នៅក្នុងតំបន់នេះថ្មីៗតែប៉ុណ្ណោះ ហើយផ្ទះសំបែងរបស់ពួកគាត់ជាច្រើនខ្នងត្រូវបានបំផ្លាញកាលពីខែមុន។
លោក យ៉ាន ម៉ៅ ជាកសិករម្នាក់បាននិយាយថា ពួកគាត់បានចាប់ត្រាក់ទ័រមួយគ្រឿង របស់ក្រុមហ៊ុននេះទុកកាលពីថ្ងៃទី២៩ ខែធ្នូ...
សាលារាជធានីភ្នំពេញបញ្ចេញប្លង់ថ្មីសម្រាប់អភិវឌ្ឍតាមបណ្តោយមាត់ច្រាំងទន្លេ
សាលារាជធានីភ្នំពេញបានបញ្ចេញប្លង់ថ្មីសម្រាប់ការអភិវឌ្ឍតាមបណ្តោយមាត់ច្រាំងទន្លេប្រវែង២គីឡូម៉ែត្រ នៅភាគខាងជើងនៃស្ពានជ្រោយចង្វារ ប៉ុន្តែមិនបញ្ជាក់ថា តើសាលារាជធានីមានផែនការដោះស្រាយជាមួយប្រជាពលរដ្ឋរស់នៅក្នុងតំបន់នោះដោយរបៀបណាឡើយ។
ប្លង់មេដែលបង្ហោះលើទំព័រហ្វេសប៊ុករបស់សាលារាជធានីនៅសប្ដាហ៍នេះ បង្ហាញពីរូបសួនច្បារសាធារណៈធំៗ ដោយមានកន្លែងចតរថយន្ត និងកន្លែងទូកទេសចរណ៍ចូលចត។ យោងតាមសាលារាជធានីបានឲ្យដឹងថា ការអភិវឌ្ឍនេះនឹងរួមមានកន្លែងប្រគំតន្ត្រី កន្លែងហាត់កីឡា និងកន្លែងទទួលទានអាហារផងដែរ។
ខ្លឹមសារបង្ហោះលើទំព័រហ្វេសប៊ុកនោះបញ្ជាក់ថា "គោលបំណងនៃការអភិវឌ្ឍនេះ គឺដើម្បី "លើកកម្ពស់សោភ័ណភាពតាមបណ្ដោយច្រាំងទន្លេ"។
លោក ប៉ា សុជាតិវង្ស អភិបាលរាជធានីភ្នំពេញបានមានប្រសាសន៍តាមទូរស័ព្ទថា សាលារាជធានីនឹងចាប់ផ្ដើមស្វែងរកក្រុមហ៊ុនឯកជនមួយនៅខែនេះ ដើម្បីចាប់ដៃគូជាមួយខ្លួនលើគម្រោងនេះ។ លោកបានមានប្រសាសន៍ថា "យើងនឹងអភិវឌ្ឍកន្លែងទំនេរមុន ហើយកន្លែងដែលមានផលប៉ះពាល់នឹងត្រូវអភិវឌ្ឍសន្សឹមៗ។ យើងបានសិក្សាអំពីផលប៉ះពាល់រួចហើយ"។ ទោះជាយ៉ាងណា...
នគរបាលចាប់ខ្លួនក្មេងស្រីអាយុ១២ឆ្នាំម្នាក់ពាក់ព័ន្ធការសម្លាប់ក្មេងស្រីអាយុ៤ឆ្នាំ
ក្រុមមន្ត្រីបាននិយាយកាលពីម្សិលមិញថា នគរបាលស្រុកសំរោងទង ខេត្តកំពង់ស្ពឺ បានចាប់ខ្លួនក្មេងស្រីអាយុ១២ឆ្នាំម្នាក់ដែលជាប់សង្ស័យថា បានចាប់ក្មេងស្រីជិតខាងអាយុ៤ឆ្នាំម្នាក់ជ្រមុជទឹកសម្លាប់កាលពីថ្ងៃសៅរ៍។
លោក សំ សាក់ នាយការិយាល័យនគរបាលព្រហ្មទណ្ឌកម្រិតធ្ងន់ខេត្តបានមានប្រសាសន៍ថា ជនសង្ស័យរូបនេះបានសារភាពប្រាប់នគរបាលថា នាងបានសម្លាប់ក្មេងស្រីជិតខាងឈ្មោះ ហៀក គឹមឆេង កាលពីរសៀលថ្ងៃសៅរ៍បន្ទាប់ពីដោះយកក្រវិលមាសរបស់ក្មេងស្រីរូបនេះ ដែលនាងបានយកទៅលក់ដើម្បីទិញទូរស័ព្ទដៃ។
លោក សំ សាក់ បានមានប្រសាសន៍ថា "មូលហេតុដែលជនសង្ស័យសម្លាប់ក្មេងស្រីអាយុ៤ឆ្នាំនេះគឺដោយសារនាងត្រូវការលុយដើម្បីទិញទូរស័ព្ទ"។ លោកបានបន្ថែមថា "ជនសង្ស័យបានដោះក្រវិលពីជនរងគ្រោះ ហើយបន្ទាប់មកបានចាប់ក្មេងស្រីរងគ្រោះជ្រមុជទឹក រហូតដល់នាងលែងកម្រើកតែម្តង"។
លោក ឃុត សុផល អធិការនគរបាលស្រុកបានមានប្រសាសន៍ថា ក្មេងស្រី ឈ្មោះ ហៀក គឹមឆេង ត្រូវបានសម្លាប់នៅក្នុងឃុំ រលាំងគ្រើល ចម្ងាយប្រហែល៥០០ម៉ែត្រពីផ្ទះរបស់នាង បន្ទាប់ពីដើរទៅជាមួយជនសង្ស័យរូបនេះទៅកាន់ទំនប់តូចមួយ។
លោក សុផល បានមានប្រសាសន៍ថា ក្មេងស្រីរងគ្រោះបានចេញពីផ្ទះជីដូនរបស់ខ្លួននៅម៉ោងប្រហែល១រសៀលថ្ងៃសៅរ៍ដើម្បីទៅទិញអំពៅ។ លោកបានមានប្រសាសន៍ថា នៅពេលមិនឃើញនាងត្រឡប់មកវិញ ជីដូនបានទៅរកនាង ហើយបានប្រទះឃើញនាងដេកផ្កាប់មុខក្នុងទឹកក្បែរទំនប់នៅម៉ោងប្រហែល៦ល្ងាច។ លោកបានមានប្រសាសន៍ថា "ក្មេងស្រីរូបនេះត្រូវបានប្រទះឃើញស្លាប់នៅក្នុងទឹក...ដោយមានថ្មបីដុំសង្កត់ពីលើនាង"។
លោក សុផល បានមានប្រសាសន៍ថា បន្ទាប់ពីរកឃើញសាកសព នគរបាលបានសាកសួរអ្នកភូមិដែលបានឃើញក្មេងស្រីអាយុ១២ឆ្នាំដើរទៅទំនប់ជាមួយ ហៀក គឹមឆេង "ដោយមានជំនួយពីពួកគាត់ យើងបានកំណត់អត្តសញ្ញាណជនសង្ស័យដែលពួកគេបានសាកសួរនៅយប់នោះ"។
លោកបានមានប្រសាសន៍ថា "បន្ទាប់ពីយើងបានប្រទះឃើញក្មេងស្រីរូបនេះ និងទទួលបានព័ត៌មានពីសាក្សីមក យើងបានហៅក្មេងស្រីអាយុ១២ឆ្នាំរូបនេះមកសាកសួរ ហើយនាងបានសារភាពថា នាងពិតជាបានសម្លាប់ក្មេងស្រីអាយុ៤ឆ្នាំនេះមែន"។ លោកបានបន្ថែមថា "វាជាករណីលើកដំបូងពាក់ព័ន្ធក្មេងស្រីម្នាក់សម្លាប់ក្មេងស្រីម្នាក់ទៀតនៅក្នុងស្រុករបស់ខ្ញុំ ហើយខ្ញុំមានចិត្តអាណិតទាំងជនរងគ្រោះ និងជនសង្ស័យ ពីព្រោះពួកគេនៅក្មេងណាស់"។
លោក សំ សាក់ បានមានប្រសាសន៍ថា ក្មេងស្រីរូបនេះបានប្រាប់នគរបាលថា នាងយកក្រវិលនេះទៅលក់នៅផ្សារបានលុយប្រហែល២០ដុល្លារ ហើយបានយកលុុយនេះទៅទិញទូរស័ព្ទមួយគ្រឿងតម្លៃ១៩ដុល្លារ។ លោកបានមានប្រសាសន៍ពីជនសង្ស័យរូបនេះថា "ក្មេងស្រីរូបនេះជាក្មេងមិនល្អតាំងពីនាងនៅកុមារម៉្លេះ ហើយតែងតែលួចរបស់របរអ្នកដទៃ"។
លោក សំ សាក់ បានមានប្រសាសន៍ថា ក្មេងស្រីអាយុ១២ឆ្នាំរូបនេះដែលស្ថិតនៅក្នុងការឃុំឃាំងនៅស្នងការដ្ឋាននគរបាលខេត្តនៅឡើយនោះ នឹងត្រូវបញ្ជូនទៅសាលាដំបូងខេត្តនៅថ្ងៃនេះ៕សារុន
បុរសអាយុ២២ឆ្នាំម្នាក់ត្រូវបានចោទប្រកាន់ពីបទរំលោភក្មេងស្រីអាយុ៩ឆ្នាំ
ក្រុមមន្ត្រីបានលើកឡើងថា កម្មករអាយុ២២ឆ្នាំម្នាក់ត្រូវបានចោទប្រកាន់កាលពីម្សិលមិញពីបទចាប់រំលោភក្មេងស្រីអាយុ៩ឆ្នាំម្នាក់នៅក្បែរចម្ការដំឡូងមីមួយស្ថិតក្នុងស្រុកសំឡូត ខេត្តបាត់ដំបង។
ជនសង្ស័យ ឈ្មោះ ឆន ឈៀង ត្រូវបានចាប់ខ្លួនកាលពីថ្ងៃសុក្របន្ទាប់ពីបានចាប់រំលោភក្មេងស្រីរូបនេះ ត្រូវជាកូនស្រីរបស់ម្ចាស់ចម្ការបានតែបន្តិចប៉ុណ្ណោះ។
យោងតាមលោក គឹម រិទ្ធ នាយប៉ុស្តិ៍ឃុំមានជ័យ កន្លែងដែលហេតុការណ៍នេះបានកើតឡើងបានឲ្យដឹងថា ឪពុកម្តាយក្មេងស្រីនេះបានជួល ឆន ឈៀង មកជួយប្រមូលផលដំឡូងមីរបស់ខ្លួន ហើយជននេះបានឈប់ត្រង់ផ្ទះរបស់ក្រុមគ្រួសារនេះដើម្បីសួរផ្លូវទៅចម្ការ។
លោក គឹម រិទ្ធ បានមានប្រសាសន៍ថា "ក្មេងស្រីរងគ្រោះបាននាំជនសង្ស័យរូបនេះទៅចម្ការដំឡូងមីរបស់ឪពុកម្តាយខ្លួនបន្ទាប់ពីម្តាយរបស់នាងបានប្រាប់ ឲ្យនាងជូនទៅ ពីព្រោះជនសង្ស័យមិនស្គាល់ផ្លូវទៅចម្ការ។ នៅពេលដល់ពាក់កណ្តាលផ្លូវ ជននេះបានចាប់រំលោភក្មេងស្រីនេះតែម្តង។ ជននេះបានវាយនាងពីររំពាត់តូច ហើយបានយកយកអាវរបស់ខ្លួនមកចងមាត់ដើម្បីកុំឲ្យនាងស្រែក"។
លោកបានមានប្រសាសន៍ថា នៅពេលក្មេងស្រីរូបនេះត្រឡប់មកផ្ទះវិញ នាងបានប្រាប់ឪពុកម្តាយរបស់នាងពីអ្វីដែលបានកើតឡើង ហើយពួកគាត់បានរាយការណ៍ទៅនគរបាល ដែលបានចាប់ខ្លួន ឈ្មោះ ឈៀង ខណៈពេលជននេះកំពុងដើរពីចម្ការដំឡូងមីមកផ្ទះវិញ។
លោក ហឿង ប៊ុនថន ព្រះរាជអាជ្ញារងអមសាលាដំបូងខេត្តបាត់ដំបង បានមានប្រសាសន៍ថា ឈៀង ត្រូវបានចោទប្រកាន់កាលពីម្សិលមិញពីបទចាប់រំលោភអនីតិជន ប៉ុន្តែចៅក្រមស៊ើបសួរមិនទាន់បានធ្វើការសាកសួរនៅឡើយទេ៕សារុន
នគរបាលសម្លាប់មេចោរប្លន់ដ៏ល្បីអំឡុងប្រតិបត្តិការដេញតាមចាប់ខ្លួន
អាជ្ញាធរបាននិយាយកាលពីថ្ងៃសុក្រថា នគរបាលបានបាញ់សម្លាប់បុរសម្នាក់អំឡុងពេលជិះម៉ូតូដេញតាមចាប់ខ្លួននៅក្នុងរាជធានីភ្នំពេញកាលពីថ្ងៃព្រហស្បតិ៍ និងបានចាប់ខ្លួនបក្ខពួកពីរនាក់របស់ជននេះ ដោយជនទាំងបីនាក់នេះជាប់សង្ស័យពីបទធ្វើសកម្មភាពប្លន់ប្រដាប់អាវុធជាច្រើនករណី។
ជនសង្ស័យឈ្មោះ ខេង ពិសិដ្ឋ អាយុ២៦ឆ្នាំ បានស្លាប់នៅកណ្ដាលវាលស្រែខាងក្រោយពន្ធនាគារព្រៃស ក្នុងខណ្ឌដង្កោ បន្ទាប់ពីបានបាញ់កាំភ្លើងកា៥៧សំដៅទៅលើសមត្ថកិច្ចដែលបានដេញតាមខ្លួនអស់រយៈពេលប្រហែល១ម៉ោង នេះបើយោងតាមការឲ្យដឹងពីលោក អេង សោភា នាយការិយាល័យនគរបាលព្រហ្មទណ្ឌរាជធានីភ្នំពេញ។
លោក អេង សោភា បានមានប្រសាសន៍ថា "យើងត្រូវការពារខ្លួន"។ លោកបានលើកឡើងទៀតថា នឹងមិនមានការស៊ើបអង្កេតផ្ទៃក្នុងណាមួយជុំវិញការស្លាប់របស់បុរសរូបនេះឡើយ ដោយសារតែជននេះបានផ្ទុះអាវុធមុន។ លោកបានបញ្ជាក់ថា ហេតុការណ៍នេះបានកើតឡើងបន្ទាប់ពីចាប់បានបុរសម្នាក់ ដែលកំពុងបើកបរលើផ្លូវវេងស្រេង...
សហគមន៍បុរីកីឡាប្រារព្ធខួបនៃការបណ្ដេញពួកគេចេញពីផ្ទះសំបែង
ប្រជាពលរដ្ឋប្រហែល៥០នាក់មកពីសហគមន៍បុរីកីឡា ដែលត្រូវបានបណ្ដេញចេញពីផ្ទះសំបែងរបស់ខ្លួនដោយហិង្សាកាលពីឆ្នាំ២០១២ បានធ្វើការតវ៉ានៅខាងក្រៅសាលារាជធានីភ្នំពេញកាលពីថ្ងៃសុក្រ មួយថ្ងៃមុនខួបលើកទី៣នៃការបណ្ដេញពួកគេចេញ។
កាលពីថ្ងៃទី៣ ខែមករា ឆ្នាំ២០១២ កងកម្លាំងចម្រុះដែលមាននគរបាល កងរាជអាវុធហត្ថ និងសន្តិសុខឯកជន បានបំផ្លាញផ្ទះសំបែងរបស់ប្រជាពលរដ្ឋនៅបុរីកីឡា ដែលមិនព្រមបើកផ្លូវឲ្យក្រុមហ៊ុនផានអុីម៉ិចរបស់លោកស្រី ស៊ុយ សុផាន ដែលមានគម្រោងអភិវឌ្ឍតំបន់នោះ។
ប្រជាពលរដ្ឋភាគច្រើនបានតាំងលំនៅថ្មីក្នុងអគារផ្ទះល្វែងជាប់នឹងសហគមន៍នេះ ប៉ុន្តែប្រជាពលរដ្ឋរាប់សិបគ្រួសារទៀតបន្តរស់នៅក្នុងស្ថានភាពកខ្វក់អែបតាមបណ្ដោយជញ្ជាំង ដែលពេលនេះហ៊ុមព័ទ្ធផ្ទះរបស់ពួកគាត់កាលពីមុន។
អ្នកស្រី សំ ចាន់ណារី អាយុ៤៣ឆ្នាំ ដែលស្ថិតក្នុងចំណោមអ្នកធ្វើការតវ៉ានៅខាងក្រៅសាលារាជធានី បាននិយាយថា ក្រុមតវ៉ានេះចង់រំឭកសាលារាជធានីអំពីអ្វីដែលបានកើតឡើងកាលពី៣ឆ្នាំមុន និង "ជំរុញឲ្យលោក...
មន្ត្រីកម្ពុជាលើកឡើងថា ព្រំដែនមានភាពស្ងប់ស្ងាត់ បន្ទាប់ពីទាហានថៃត្រូវបានបញ្ជូនមក
ច្រកព្រំដែនអានសេះផ្នែកខាងប្រទេសថៃនៅក្នុងខេត្តព្រះវិហារនៅតែបិទនៅឡើយកាលពីម្សិលមិញ បន្ទាប់ពីប្រទេសថៃបានបញ្ជូនទ័ពបន្ថែមមកកាន់តំបន់ព្រំដែនដើម្បីឆ្លើយតបនឹងការអភិវឌ្ឍមួយរបស់ភាគីកម្ពុជាដែលភាគខាងថៃហៅថាជាការអភិវឌ្ឍនៅក្នុងដែនដីមានជម្លោះនោះ។
លោក ជា គឹមសេង អភិបាលស្រុក ជាំក្សាន្ត ដែលច្រកព្រំដែនផ្នែកខាងកម្ពុជាស្ថិតនៅក្នុងស្រុកនេះបានលើកឡើងកាលពីថ្ងៃពុធថា ទាហានថៃប្រហែល២០០នាក់បានមកដល់តំបន់ព្រំដែនកាលពីថ្ងៃអាទិត្យ បន្ទាប់ពីកម្មករសំណង់ខ្មែរមិនព្រមធ្វើតាមការទាមទាររបស់ទាហានល្បាតថៃដែលប្រាប់ឲ្យកម្មករសំណង់ខ្មែរបញ្ឈប់ការងារស្ថាបនាផ្លូវ។
លោក គឹមសាន បានលើកឡើងទៀតថា កាលពីម្សិលមិញ លោក ក៏បានចុះទៅតំបន់ព្រំដែនដើម្បីនិយាយជាមួយទាហានថៃដែលឈរជើងនៅទីនោះដែរ។
លោក បានមានប្រសាសន៍ថា "ទាហានថៃបាននិយាយថា ថ្នាក់លើនៅមិនទាន់ចេញបទបញ្ជាឲ្យពួកគេបើកច្រកព្រំដែននៅឡើយទេ"។
លោក ជួ ប៊ុនសុង មេបញ្ជាការកងរាជអាវុធហត្ថស្រុក បានលើកឡើងថា លោកក៏បានចុះទៅតំបន់ព្រំដែនដែរកាលពីម្សិលមិញ ហើយថា ទាហានកម្ពុជាមិនបានបង្កើនវត្តមានទ័ពនៅទីនោះឡើុយ។ លោក បានមានប្រសាសន៍ថា "ទាហាននិងនគរបាលការពារព្រំដែនរបស់យើងគឺនៅក្នុងប៉ុស្តិ៍របស់ខ្លួន ហើយមិនបានកាន់អាវុធឡើយ"។ លោក បានបន្ថែមថា "យើងបានឃើញទាហានថៃមានពាក់អាវការពារគ្រាប់ មួកទាហាននិងថែមទាំងមានកាន់អាវុធទៀតផង។ ហើយពួកគេមើលទៅហាក់ដូចជាកំពុងត្រៀមខ្លួនដើម្បីប្រយុទ្ធអ៊ីចឹង"។
លោក Winthai Suvari អ្នកនាំពាក្យរងកងទ័ពថៃមិនបានឆ្លើយតបនឹងសំណើសុំការធ្វើអត្ថាធិប្បាយឡើយ៕សុ៊ុយឈាង
អតីតមន្ត្រីគណបក្សសង្គ្រោះជាតិម្នាក់ធ្វើការតវ៉ានៅទីស្នាក់ការគណបក្ស
ការតវ៉ាពីសំណាក់មន្ត្រីគណបក្សសង្គ្រោះជាតិម្នាក់ដែលត្រូវបានបណ្តេញចេញកាលពីថ្ងៃព្រហស្បតិ៍ពីគណបក្សប្រឆាំងនេះធ្វើឲ្យមានការចាប់អារម្មណ៍កាលពីម្សិលមិញនៅពេលគាត់មានជម្លោះជាមួយអតីតសហសេវិក ជាមនុស្សម្នាក់ដែលបានយកទូរស័ព្ទរបស់លោកស្រីជំនួសឲ្យការជំពាក់ប្រាក់២០ដុល្លារ។
គណៈកម្មាធិការវិន័យរបស់គណបក្សសង្គ្រោះជាតិបានបណ្តេញលោកស្រី ឡាក់ សុភាព ជំនួយការផ្ទាល់របស់លោក កឹម សុខា អនុប្រធានគណបក្ស បន្ទាប់ពីអ្នកស្រីបានធ្វើការអះអាងជាសាធារណៈថា លោក សម រង្ស៊ី ប្រធានគណបក្សសង្គ្រោះជាតិបានយកប្រាក់ប្រហែល២០លានដុល្លារដោយខុសច្បាប់។
នៅក្បែរខ្លោងទ្វារចូលទីស្នាក់ការគណបក្សសង្គ្រោះជាតិនៅក្នុងខណ្ឌមានជ័យ រាជធានីភ្នំពេញ លោកស្រី ឡាក់ សុភាព បានដឹកនាំការតវ៉ាតូចមួយកាលពីម្សិលមិញដោយមានអ្នកគាំទ្រប្រហែល២០នាក់ ដែលពួកគេបានរិះគន់គណបក្សប្រឆាំងនេះពីបទបណ្តេញលោកស្រី សុភាព ចេញ។
លោកស្រី សុភាព បានមានប្រសាសន៍នៅកន្លែងតវ៉ាដោយនិយាយអាក្រក់ពីគណបក្សសង្គ្រោះជាតិថា...
មនុស្សពីរនាក់ស្លាប់នៅក្នុងហេតុការណ៍ទាក់ទងវិធីសាស្ត្រចាប់ត្រីខុសច្បាប់ ដាច់ដោយឡែកពីគ្នា
មន្ត្រីឃុំម្នាក់បាននិយាយកាលពីម្សិលមិញថា បុរសអាយុ៣២ឆ្នាំម្នាក់បានស្លាប់កាលពីយប់ថ្ងៃពុធបន្ទាប់ពីគ្រាប់បែកច្នៃដែលគាត់មានគម្រោងប្រើដើម្បីបោកត្រី បានផ្ទុះនៅពេលគាត់កំពុងធ្វើនៅក្នុងស្រុកស្ទឹងត្រង់ ខេត្តកំពង់ចាម។
លោក មេឃុំ តុប ចាន់ បានមានប្រសាសន៍ថា លោក ទូច សុផល បានដាក់រំសេវចូលក្នុងបំពង់ឫស្សី ស្រាប់តែវាបានផ្ទុះនៅក្នុងឃុំអូរម្លូកាលពីរសៀលថ្ងៃពុធ។ លោកបានមានប្រសាសន៍ថា "គាត់បានប្រើរំសេវច្រើន ហើយបន្ទាប់មកបានដាក់ផាវ រួចបង្ហាប់ឲ្យណែន។ បន្ទាប់មក វាបានផ្ទុះដោយសារធ្វើខុសបច្ចេកទេស"។
លោក តុប ចាន់ បានមានប្រសាសន៍ថា ការផ្ទុះនេះបានបណ្តាលឲ្យលោក សុផល...
តុលាការផ្តន្ទាទោសអ្នកចម្រៀងម្នាក់ឲ្យជាប់ពន្ធនាគារ៧ឆ្នាំពីបទធ្វើពេស្យាចារកុមារ
មេធាវីម្នាក់បាននិយាយកាលពីម្សិលមិញថា សាលាដំបូងរាជធានីភ្នំពេញ កាលពីថ្ងៃពុធបានផ្តន្ទាទោសអ្នកចម្រៀងម្នាក់ឲ្យជាប់ពន្ធនាគាររយៈពេល៧ឆ្នាំពីបទធ្វើពេស្យាចារកុមារបន្ទាប់ពីនាងបានផ្តល់ក្មេងស្រីអាយុ១៤ឆ្នាំឲ្យបុរសម្នាក់ដើម្បីរួមភេទ។
អូ រស្មី អាយុ៣៦ឆ្នាំ ជាអ្នកចម្រៀងនៅផលិតកម្មរៃមាសត្រូវបានចាប់ខ្លួនកាលពីខែមករាបន្ទាប់ពីម្តាយរបស់ក្មេងស្រីនេះបានដាក់ពាក្យបណ្តឹងទៅនគរបាល។
លោក ជា ណារ៉ា មេធាវីតំណាងក្មេងស្រីរូបនេះបានមានប្រសាសន៍ថា អូ រស្មី ត្រូវបានផ្តន្ទាទោសឲ្យជាប់ពន្ធនាគាររយៈពេលប្រាំពីរឆ្នាំនិងបង្គាប់ឲ្យបង់សំណងចំនួន៥.០០០ដុល្លារដល់ជនរងគ្រោះ។ លោក ណារ៉ា បានមានប្រសាសន៍ថា "នាងត្រូវបានផ្តន្ទាទោសពីបទធ្វើពេស្យាចារកុមារកាលពីល្ងាចម្សិលមិញ"។
អំឡុងសវនាការកាលពីខែសីហា ព្រះរាជអាជ្ញាបានចោទប្រកាន់អ្នកចម្រៀងរូបនេះពីបទនាំក្មេងស្រីទៅឲ្យរួមភេទជាមួយបុរសជនជាតិខ្មែរសញ្ជាតិអាមេរិកម្នាក់បីថ្ងៃជាប់គ្នា។
លោក អ៊ូ វុធ មេធាវីការពារ អូ រស្មី បានមានប្រសាសន៍កាលពីម្សិលមិញថា ការផ្តន្ទាទោសនេះមិនយុត្តិធម៌ទេ។...
Latest news
© 2021, ដេលី. All rights reserved.