paywall

អ្នកបើកបរ​រថយន្តក្រុង​សាធារណៈ​ប្រហែល​១០​នាក់បានតវ៉ានៅ​​មុខស្ថានីយ​រថយន្តក្រុង​ចំណតផ្សាររា​ត្រីកាលពី​ព្រឹកមិញ​នេះ ដើម្បីទាម​ទារការ​ដំឡើង​ប្រាក់ខែ​។ លោក ​ទៀង​ គឹមសាន​ ជាអ្នកបើក​រថយន្ត​ក្រុងម្នាក់បាន​និយាយថា​លោក​និងអ្នក​បើកបរ​ដទៃទៀត​បានទាមទារ​ការ​ឡើងប្រាក់​ខែ ពីព្រោះ​សាសាក្រុង​ភ្នំពេញខកខាន​មិនបានដំឡើង​ប្រាក់ខែឲ្យ​ពួកគាត់ពី​ ២៨០​ ទៅ ៣០០ ​​ដុល្លារ​ តាម​ការ​សន្យានោះទេ​។ លោក ​គឹមសាន ​ដែលបាន​បើក​រថយន្ត​ក្រុង​រយៈពេល៥ខែមក​ហើយ​នោះបានបន្តថា លោក​ទទួលបាន​ ១៨០ ដុល្លារ​អាមេរិក​ក្នុងមួយខែ​។​ លោកបានប​ន្ថែមថា​ "​យើង​ធ្វើការ​ដើម្បីជីវភាព​ប្រសិន បើយើង​ហូបមិនឆ្អែតផង​ ត្រូវតែតវ៉ា ៉។ លោក ឡុង​ឌីម៉ង អ្នកនាំពាក្យ​សាលាក្រុងបានមាន​ប្រសាសន៍ថា ការ​ដំឡើងប្រាក់ខែមិន​ទាន់អាចធ្វើទៅបាននៅ​ឡើយទេ...

កាល​​​ពីម្សិលមិញ រដ្ឋាភិបាល​​​បាន​​​ចាប់​​​ផ្តើម​​​កិច្ច​​​ខិត​​​ខំប្រឹង​​​ប្រែ​​​ង​​​ទូទាំង​​​ប្រទេស​​​ដើម្បី​​​លុប​​​បំបាត់​​​​​​កន្លែង​​​ព្យាបាល​​​​​​ និង​​​គ្រូពេទ្យ​​​គ្មាន​​​អាជ្ញាប័ណ្ណ​​​នៅ​​​ក្នុង​​​ការ​​​ឆ្លើយ​​​តប​​​ទៅ នឹង​​​ការ​​​ឆ្លង​​​រាល​​​ដាល​​​នៃ​​​មេរោគ​​​អេដស៍​​​នៅ​​​ក្នុង​​​ខេត្ត​​​បាត់​​​ដំបង​​​ ដែល​​​ធ្វើ​​​ឲ្យ​​​​​​អ្នក​​​ភូមិ​​​ជាង​​​២៣០​​​នាក់​​​បា​​​ន​​​ឆ្លង​​​មេរោគ​​​នេះ​​​ ដោយ​​​ក្នុង​​​នោះ​​​ពីរ​​​នាក់​​​បាន​​​ស្លាប់​​​រួច​​​ទៅ​​​ហើយ​​នៅ​​​ក្នុង​​​ខែ​​​នេះ។ ការ​​​ឆ្លង​​​រាល​​​ដាល​​​នៃ​​​មេរោគ​​​អេដស៍​​​នៅ​​​ក្នុង​​​ឃុំ​​​រកា​​​បង្ហាញ​​​ឲ្យ​​​ឃើញ​​​ថា មាន​​​ការ​​​គ្រប់​​​គ្រង​​​ និង​​​ការ​​​ប្រើ​​​ច្បាប់​​​តិច​​​តូច​​​នៅ​​​ក្នុង​​​វិស័យ​​​សុខាភិបាល​​​​​​ក្នុង​​​ប្រទេស​​​កម្ពុជា​​​។មន្ត្រី​​​​​​បាន​​​បន្ទោស​​​លើ​​​ លោក​​​ យ៉ែម ជ្រិន គ្រូ​​​ពេទ្យ​​​​​​​​​​​​គ្មាន​​​អាជ្ញាប័ណ្ណ ដែល​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​​​មនុស្ស​​​ឃាត​​​បន្ទាប់​​​ពី​​​​​​សារភាព​​​ថា លោក​​​បាន​​​ប្រើ​​​សឺរាុំ​​​ង​​​ឡើង​​​វិញ​​​ ជា​​​អ្នក​​​ធ្វើ​​​ឲ្យ​​​មាន​​​ការ​​​ឆ្លង​​​​​​រាល​​​ដាល​​​នេះ។ នៅ​​​ក្នុង​​​ការ​​​ឆ្លើយ​​​តប​​​​​​​​​​​​របស់​​​រដ្ឋាភិបាល​​​ចំពោះ​​​បញ្ហា​​​នេះ​​​ ក្រសួង​​​សុខាភិបាល​​​ និង​​​ក្រសួង​​​មហាផ្ទៃ​​​បាន​​​ចេញ​​​សារាចរ​​​មួយ​​​អំឡុ​​​ង​​​កិច្ច​​​ប្រជុំ​​​នៅ​​​ក្រសួង​​​មហាផ្ទៃ​​​ក្នុង​​​រាជ​​​ធានី​​​ភ្នំពេញ​​​កាល​​​ពីម្សិលមិញ ដោយ​​​ដាក់​​​ចេញ​​​នូវ​​​​​ផែន​​​ការ​​​ដើម្បី​​​លុប​​​បំបាត់​​​កន្លែង​​​ព្យា​​​បាល​​​ និង​​​គ្រូពេទ្យ​​​គ្មាន​​​អាជ្ញាប័ណ្ណ។ លោក​​​ ឯម សំអាន រដ្ឋលេខាធិការ​​​ក្រសួង​​​មហាផ្ទៃ​​​ បាន​​​ប្រាប់​​​នគរ​​​បាល​​​ និង​​​មន្ត្រី​​​រដ្ឋាភិបាល​​​ប្រមាណ​​​២០០នាក់​​​ដែល​​​បាន​​​ចូល​​​រួម​​​នៅ​​​ក្នុង​​​កិច្ច​​​ប្រជុំ​​​នេះ​​​ឲ្យ​​​ធ្វើ​​​ការ​​​ជាមួយ​​​គ្នា ដើម្បី​​​ចុះ​​​បង្ក្រាប​​​កន្លែង​​ព្យាបាល​​​ដែល​​​គ្មាន​​​អាជ្ញាប័ណ្ណ​​​ ខុស​​​ច្បាប់ និង​​​គ្មាន​​​មនុស្ស​​​ធម៌​​​។ លោក​​​បាន​​​​​​មាន​​​ប្រសាសន៍​​​ថា "អភិបាល​​​ខេត្ត​​​ និង​​​អភិបាល​​​រាជ​​​ធានី​​​ត្រូវ​​តែ​​​សហការ​​​ជាមួយ​​​ស្ថាប័ន​​​ និង​​​អង្គភាព​​​ពាក់​​​ព័ន្ធ​​​ផ្សេង​​​ៗ​​​ទៀត​​​​​​​​​​​​ ដើម្បី​​​សម្រួល​​​ សើុប​​​អង្កេត​​​ ទប់​​​ស្កាត់​​​ និង​​​បង្ក្រាប​​​ ហើយ​​​រៀប​​​ច​​ំ​​​ពាក្យ​​​បណ្តឹង​​​ជូន​​​តុលាការ​​​ដើម្បី​​​ដាក់​​​ទោស​​​ទណ្ឌ  តាម​​​ច្បាប់​​​"។ សារាចរ​​​ដែល​​​ចុះ​​​ហត្ថលេខា​​​កាល​​​ពី​​​ថ្ងៃ​​​ទ ី​​​១៦​​​ ខែ​​​មករា​​​ដោយ​​​លោក ស ខេង រដ្ឋមន្ត្រី​​​ក្រសួង​​​មហាផ្ទៃ​​​ និង​​​លោក ម៉ម ប៊ុន​​​ហេង​​​ រដ្ឋមន្ត្រី​​​ក្រសួង​​​សុខាភិបាល​​​​​​ បាន​​​អំពាវ​​​នាវ​​​ឲ្យ​​​មន្ត្រី​​​សុខាភិបាល​​​ថ្នាក់​​​ខេត្ត ស្រុក​​​ និង​​​ថ្នាក់​​​ឃុំ​​​​​​​​​ធ្វើ​​​ការ​​​ជាមួយ​​​នគរ​​​បាល​​​ដើម្បី​​​កំណត់​​​គ្លីនិក​​​ ឬ​​​កន្លែង​​​ព្យាបាល​ណា​​​ដែល​​​​​គ្មាន​​​អាជ្ញាប័ណ្ណ​​​។ អំឡុង​​​កិច្ច​​​ប្រជុំ​​​កាល​​​ពីម្សិលមិញ លោក ម៉ម ប៊ុន​​​ហេង បាន​​​ប្រាប់​​​អភិបាល​​​ និង​​​ក្រុម​​​ប្រឹក្សា​​​ខេត្ត​​​ឲ្យ​​​ដឹក​​​នាំ​​​​​​នៅ​​​ក្នុង​​​គំនិត​​​ផ្តួ​​​ច​​​ផ្តើម​​​ថ្មី​​​នេះ​​​។ លោក ម៉ម ប៊ុនហេង​​​ បាន​​​មាន​​​ប្រសាសន៍​​​ថា "អភិបាល​​​ និង​​​ក្រុម​​​ប្រឹក្សា​​​ខេត្ត​​​ គឺ​​​ជា​​​ឪពុក​​​ម្តាយ​​​របស់​​​ប្រធាន​​​មន្ទីរ​​​សុខាភិបាល​​​​​ខេត្ត អនុប្រធាន​​​មន្ទីរ​​​សុខាភិបាល​​​ខេត្ត​​​ មន្ត្រី​​​សុខា​​​ភិបាល​​​ស្រុក​​​ និង​​​មន្ត្រី​​​សុខាភិបាល​​​នៅ​​​មន្ទីរ​​​ពេទ្យ​​​បង្អែក​​​ខេត្ត​​​ និង​​​ស្រុក​​​ ហេតុ​​​ដូច្នេះ​​​ខ្ញុំ​​​សូម​​​ស្នើ​​​ឲ្យ​​​បុគ្គលិក​​​របស់​​​យើង​​​គោរព​​​ពួក​​​គាត់​​​"។ ទោះ​​​បី​​​ជា​​​មាន​​​ព័ត៌មាន​​​តិច​​​តូច​​​អំពី​​​ពល​​​រដ្ឋ​​​នៅ​​​ក្នុង​​​ប្រទេស​​​កម្ពុជា​​​ដែល​​​ពឹង​ផ្អែក​​​​​​​​​លើ​​​គ្រូពេទ្យ​​​គ្មាន​​​អាជ្ញាប័ណ្ណ​​​ក៏​​​ដោយ តែ​​​លោក មាជ សុផាន់ណា អនុ​​​រដ្ឋលេខាធិការ​​​ក្រសួង​​​មហាផ្ទៃ​​​​​​បាន​​​លើក​​​ឡើង​​​ថា បញ្ហា​​​កើត​​​មាន​​​ច្រើន​​​លើស​​​ពី​​​ឃុំ​​​រកា​​​ទៅ​​​ទៀត​​​។ លោក​​​បាន​​​មាន​​​ប្រសាសន៍​​​ថា "តាម​​​សេចក្តី​​​រាយការណ៍​​​ យើង​​ដឹង​​​ថា នៅ​​​ក្នុង​​​ខេត្ត​​​បាត់​​​ដំបង​​​មាន​​​មនុស្ស​​​ជា​​​ច្រើន​​​បាន​​​ឆ្លង​​​មេរោគ​​​អេដស៍។ ប៉ុន្តែ នៅ​​​មាន​​​កន្លែង​​​ផ្សេង​​​ៗ​​​ទៀត​​​​​​​​​ដែល​​​​​​គ្រូពេទ្យ​​​ផ្តល់​​​ការ​​​ព្យាបាល​​​​​​ដោយ​​​បណ្តាល​​​ឲ្យ​​​មាន​​​អ្នកស្លាប់"។ លោក ម៉ាសាមិ ហ្វូជិតាក់ (Masami F ujita) ប្រធាន​​​ក្រុម​​​ការ​​​ងារ​​​ទទួល​​​បន្ទុក​​​មេរោគ​​​អេដស៍​​​នៅ​​​អង្គការ​​​សុខ​​​ភាព​​​ពិភព​​​លោក​​​ប្រចាំ​​​ប្រទេស​​​កម្ពុជា​​​បាន​​​លើក​​​ឡើង​​​ថា ការ​​លើក​​​កម្ពស់​​​ការ​​​យល់​​​ដឹង​​​អំពី​​​គ្រោះ​​​ថ្នាក់​​​ពាក់​​​ព័ន្ធ​​​នឹង​​​​​​ការ​​​ប្រើ​​​ប្រាស់​​​គ្រូពេទ្យ​​​គ្មាន​​​អាជ្ញាប័ណ្ណ​​​​​​គួរ​​​តែ​​​ជា​​​បញ្ហា​​​អាទិភាព​​​សម្រាប់​​​រដ្ឋាភិបាល​​​។ លោក​​​បាន​​​មាន​​​ប្រសាសន៍​​​ថា "ការ​​​អនុវត្ត​​​ជូន​​​កាល​​​​​​ជួប​​​ការ​​​លំបាក​​​។ ខ្ញុំ​​​គិត​​​ថា ការ​​​លើក​​​កម្ពស់​​​ការ​​​យល់​​​ដឹង​​​នៅ​​​ក្នុង​​​ចំណោម​​​ប្រជា​​​ពល​​​រដ្ឋ​​​គឺ​​​សំខាន់​​​ណាស់​​​"។ លោក​​​បាន​​​បន្ថែម​​​ថា យោង​​​តាម​​​ភ័ស្តុ​​​តាង​​​ដែល​​​ទទួល​​​បាន​​​បង្ហាញ​​​ថា ជា​​​រើយ​​​ៗ​​​ប្រជា​​​ពល​​​រដ្ឋ​​​ចូល​​​ចិត្ត​​​ឲ្យ​​​​​​គ្រូពេទ្យ​​​គ្មាន​​​អាជ្ញាប័ណ្ណ​​​​​​ព្យាបាល​​​ជាង​​​​​គ្រូពេទ្យ​​​ដែល​​​បម្រើ​​​ការ​​​នៅក្នុង​​​​​ប្រព័ន្ធ​​​សុខាភិបាល​​​ស្រប​​​ច្បាប់​​​។ ដើម្បី​​​ជៀស​​​វាង​​​កុំ​​​ឲ្យ​​​ការ​​​ឆ្លង​​​​​​រាល​​​ដាល​​​នៃ​​​មេរោគ​​​​​​អេដស៍​​​​​​កើត​​​ឡើង​​​ដូច​​​នៅ​​​ក្នុង​​​ឃុំ​​​រកា​​​​​​ម្តង​​​ទៀត ដែល​​​ការ​​​សិក្សា​​​ដឹក​​​នាំ​​​ដោយ​​​រដ្ឋាភិបាល​​​​​​​​​រក​​​ឃើញ​​​ថា ភាគ​​​​​ច្រើន​​​ឆ្លង​​​តាម​​​រយៈ​​​ការ​​​ចាក់​​​ថ្នាំ​​​ និង​​​ការ​​​ព្យួរ​​​សេរ៉ូ​​​ម​​​នោះ​​​ លោក​​​វេជ្ជ​​​បណ្ឌិត​​​ ហ្វូជិ​​​តាក់  បាន​​​លើក​​​ឡើង​​​ថា រដ្ឋាភិបាល​​​គួរ​​​តែ​​​​​​ព្យាយាម​​​ផ្លាស់​​​ប្តូរ​​​ទម្លាប់​​​ចូល​​​ចិត្ត​​​បែប​​​នេះ​​​របស់​​​ប្រជា​​​ពលរដ្ឋ។ លោក​​​បាន​​​មាន​​​ប្រសាសន៍​​​ថា "នៅ​​​ក្នុង​​​ប្រទេស​​​កម្ពុជា ប្រជា​​​ពល​​​រដ្ឋ​​​ជា​​​ពិសេស​​​នៅ​​​តាម​​​ទី​​​ជន​​​បទ​​​មាន​​​ទំនោរ​​​ពឹង​​​ផ្អែក​​​លើ​​​ការ​​​ចាក់​​​ថ្នាំ​​​សម្រាប់​​​បញ្ហា​​​សុខភាព​​​​​របស់​​​ខ្លួន​​​។​​​​​​​​​ បញ្ហា​​​សុខភាព​​​ជា​​​ច្រើន​​​អាច​​​ព្យាបាល​​​ដោយ​​​ការ​​​លេប​​​ថ្នាំ ឬ​​​ការ​​​ចាត់​​​វិធានការ​​​ផ្សេង​​​ៗ"។ លោក​​​បាន​​​មាន​​​ប្រសាសន៍​​​បន្ថែម​​​ថា "ដើម្បី​​​ដោះ​​​ស្រាយ​​​បញ្ហា​​​ដែល​​​កំពុង​​​តែ​​​មាន​​​ការ​​​ព្រួយ​​​បារម្ភ​​​ទាំង​​​នេះ​​​ក៏​​​ត្រូ​​​វការ​​​ឲ្យ​​​មាន​​​ការ​​​ចាត់​​​វិធានការ​​​មួយ​​​ចំនួន​​​ផង​​​ដែរ"៕ស៊ុយឈាង (រាយការណ៍​​​បន្ថែម​​​ដោយ​​​ Maria Paula Brito)​​​    

មន្រ្តី​ខេត្ត​កំ​ពង់​ឆ្នាំង​បាន​ននិយាយ​ថា​ ​ស្រ្តី​ម្នាក់​បាន​សា្លប់​ភ្លាមៗ​នៅក្នុង​ករណីរគ្រោះ​ថ្នាក់ចរាចរណ៍​មួយកាលពីយប់ម្សិល​មិញនៅពេល​ដែលរថយន្ត​ធុន​ធំពីរ​គ្រឿង​បុកគ្នា​នៅផ្លូវជាតិ​លេខ៥​ហើយ​រ៉េចង្កូត​ទៅបុកផ្ទះ​ជនរងគ្រោះ​​។ លោក អំុ​ ចំរើន​ មេប៉ុស្ត៍ឃំុ​ សែប ​បានមានប្រសាសន៍ថា ​មានរថយន្តធំពីរ​គ្រឿង​គឺមួយ​ធ្វើដំណើរ​ពីភ្នំពេញ​ទៅខេត្តកំពង់ឆ្នាំង​និងមួយគ្រឿង​ទៀត​បើក​ពីខេត្តកំពង់ឆ្នាំង​មកភ្នំពេញ​បានបុកគ្នា​ពេញទំហឹងកាលពីវេលាម៉ោង​១១.៤០នាទី​យប់ថៃ្ងម្សិល​មិញ​នៅក្នុង​ឃំុ សែប​ ស្រុក​ កំពង់​ត្រឡាច​ ខេត្តកំពង់​ឆ្នាំង។​ ​ រ​ថយន្តមួយ​​គ្រឿងបាន​រ៉េចង្កូត​ទៅបុកផ្ទះប្រជា​ពលរដ្ឋដែល​នៅជាប់​និង​ផ្លូវជាតិ​ ហើយ​​បណ្តាលឲ្យស្រ្តី​ជាជាង​កាត់​ដេរសម្លៀក​បំពាក់ម្នាក់បានស្លាប់ខណៈ​ពេល​គាត់​កំពុង​សម្រាន្ត​លក់​។ ជនរងគ្រោះ​​ឈ្មោះ ​ទាំ​ សារាត់​ អាយុ​៣៤​។ លោក​ ចំរើន​ បានបន្ត​​ថា "​ឥឡូវ ​យើងកំពុង​តាម​រកអ្នក​បើកបរ​ ព្រោះ​គេ​កំពុង​គេចខ្លួន​"​។ លោក ​អ៊ិន...

ក្រុម​​​ការងារ​​​កំណែ​​​ទម្រង់​​​ការ​​​បោះ​​​ឆ្នោត​​​មក​​​ពី​​គណបក្ស​​​ប្រជា​​​ជន​​​កម្ពុជា​​​ និង​​​គណបក្ស​​​សង្គ្រោះ​​​ជាតិ​​​ បាន​​​បន្ត​​​ការ​​​ចរចា​​​ កាល​​​ពី​​​ម្សិល​​​មិញ បន្ទាប់​​​ពី​​​បាន​​​លុប​​​ចោល​​​ជំនួប​​​របស់​​​ខ្លួន​​​កាល​​​ពី​​​សប្តាហ៍​​​មុន​​​ ដោយ​​​មន្ត្រី​​​មក​​​ពី​​​គណបក្ស​​​ទាំង​​​ពីរ​​​បាន​​​និយាយ​​​ការ​​​ពារ​​​ការ​លើកឡើង​​​ដ៏​​​ចម្រូង​​​ចម្រាស​​ក្នុងការ​ហាម​​​ឃាត់​​​អង្គការ​​​មិន​​​មែន​​​រដ្ឋាភិបាល​​​​​​មិន​​​ឲ្យ​​​​​​"ជេរប្រមាថ​​​" គណបក្ស​​​នានា​​​អំឡុង​​​យុទ្ធនាការ​​​ឃោស​​​នា​​​បោះ​​​ឆ្នោត​​​។ លោក គួយ​​​ ប៊ុន​​​​​​រឿន ​​​ប្រធាន​​​ក្រុម​​​ចរចា​​​របស់​​​គណបក្ស​​​សង្គ្រោះ​​​ជាតិ​​​ក្នុង​​​ការ​​​ចរចា​​​នោះ​​​បាន​​​ប្រាប់​​​ក្រុម​​​អ្នក​​​យក​​​ព័ត៌​​​មាន​​​បន្ទាប់​​​ពី​​​កិច្ច​​ប្រជុំ​​​​​​នៅ​​​រដ្ឋ​​​សភា​​​ថា ក្រុម​​​ទាំង​​​ពីរ​​​បាន​​​ព្រាង​​​មាត្រា​​​ចំនួន​​៤៥​​​នៃ​​​ជំពូក​​​ក្នុង​​​ច្បាប់​​​បោះ​​​ឆ្នោត​​​ថ្មី​​​ស្តី​​​ពី​​​ការ​​​បោះ​​​ឆ្នោត​​​ ការ​​​រាប​​​់​​​សន្លឹក​​​ឆ្នោត​​​ និង​​​ការ​​​ប្រមូល​​​លទ្ធផល​​​បោះ​​​ឆ្នោត​​​ ប៉ុន្តែនៅ​​​ខ្វែង​​​គំនិត​​​គ្នា​​​ជំុវិញ​​​បម្រាម​​​ស្តី​​​ពី​​​ការ​​​ជេរ​​​ប្រមាថ។ លោក គួយ​​​ ប៊ុនរឿន បាន​​​មាន​​​ប្រសាសន៍​​​ថា "​​​មាន​​​ចំណុច​​​មួយ​​​ដែល​​​យើង​​​មិន​​​ទាន់​​​បាន​​​ឈាន​​​ដល់​​​ការ​ព្រម​​​ព្រៀង​​​រួម​​​​​នៅឡើយ។ វា​​​គឺ​​​បញ្ហា​​​អព្យាក្រឹតភាព ការ​មិន​​​លម្អៀង​​​របស់​​​សង្គម​​​ស៊ីវិល​​​អំឡុងការ​​​បោះ​​​ឆ្នោត​​​ ការ​​​រាប់​​​សន្លឹក​​​ឆ្នោត និង​​​ការ​​​ប្រមូល​​​​លទ្ធផល​​​បោះ​​​ឆ្នោត​​​"។ លោក​​​បាន​​​បន្ថែម​​​ថា "យើង​​​នឹង​​​ព្យាយាម​​​ឲ្យ​​​អស់​​​ពី​​​លទ្ធភាព​​​ដើម្បី​​​រៀប​​​ច​​​ំ​​​សេចក្តី​​​ព្រាង​​​ច្បាប់​​​នេះ​​​ឲ្យ​​​បាន​​​ល្អ​​​ដោយ​​​អនុញ្ញាត​​​ឲ្យ​​​គណបក្ស​​​នានា​​​ឃ្លាំ​​​មើល​​​ការ​​​បោះ​​​ឆ្នោត​​​ ហើយ​​​យន្ត​​​ការ​​​បោះ​​​ឆ្នោត​​​អាច​​​ត្រូវ​​​គេ​​​ចាត់​​​វិធាន​​​ការ ហើយ​​​សម្តែង​​​មតិ​​​របស់​​​ខ្លួន​​​តាម​​​ស្មារតី​​​នៃ​​​ក្រម​​​សីលធម៌ វិជ្ជា​​​ជីវៈ និង​​​ការ​​​ទទួល​​​ខុស​​​ត្រូវ​​​"។ លោក​​​ គួយ ប៊ុនរឿន បាន​​​មាន​​​ប្រសាសន៍​​​ថា "ប្រសិន​​​បើ​​​ គ.ជ.ប. រៀប​​​ចំ​​​យន្ត​​​ការ​​​មិន​​​ត្រឹម​​​ត្រូវ​​​  ឧទាហរណ៍ ការ​ចុះឈ្មោះ​​​អ្នក​​​បោះ​​​ឆ្នោត​​​មិន​​​ត្រឹម​​​ត្រូវ ឬពួក​​​គេ​​​ចុះ​​​ឈ្មោះ​​​អ្នក​​​ដែល​​​គ្មាន​​​សិទ្ធិ​​​បោះ​​​ឆ្នោត ឬ​​​ចុះឈ្មោះ​​​ជន​​​បរទេស នោះមនុស្ស​​​គ្រប់​​​រូប​​​រួម​​​ទាំង​​​សង្គម​​​ស៊ីវិល​​​ផង​​​អាច​​​ធ្វើ​​​ការ​​​រិះ​​​គន់​​​បាន"។ លោក​​​ឧបនាយក​​​រដ្ឋ​​​មន្ត្រី​​​ ប៊ិន​​​ ឈិន ដែល​​​ដឹក​​​នាំ​​​គណបក្ស​​​កាន់​​​អំណាច​​​ក្នុង​​​ការ​​​ចរចា​​​នេះ​​​ក៏​​​បាន​​​និយាយ​​​​​​ការ​​​ពារ​​​បម្រាម​​​លើ​​​ "ការ​​​ជេរ​​​ប្រមាថ" ​​​អំឡុង​​​យុទ្ធនាការ​​​ឃោស​​នា​​​បោះ​​​ឆ្នោត​​​ផង​​​ដែរ ប៉ុន្តែ​ទំនង​ជា​ធ្វើកា​របកស្រាយ​ទូលំទូលាយ​ពី​បែបបទ​ដែលខ្លួន​ចាត់​វិធានការ​។ លោក ប៊ិន ឈិន បាន​​​មាន​​​ប្រសាសន៍​​​ថា "តាមពិត​ ​​ពួក​​​គេ​​​អាច​​​វិភាគ​​​បាន​​​...ប៉ុន្តែ ពួក​​​គេ​​​ត្រូវ​​​គិត​​​មុន​​​ពេល​​​ចេញ​​​សេចក្តី​​​ប្រកាស​​​។ ​​​មាន​​​ន័យ​​​ថា ប្រសិន​​​បើ​​​ពួក​​​គេ​​​ឃើញ​​​មាន​​​ភាព​​​មិន​​​ប្រក្រតី​​​នៅការ​​​ិយាល័យ​​​បោះ​​​ឆ្នោត​​​មួយ ប៉ុន្តែ និយាយ​​​ថា វា​​​កើត​​​ឡើង​​​នៅ​​​ទូទាំង​​​ប្រទេស​នោះ ពួក​​​គេ​​​ហាក់​​​ដូច​​​ជា​​​លម្អៀង​​​ហើយ​​​"។ លោក​​​បាន​​​បន្ថែម​​​ថា "យើង​​​មិន​​​មែន​រារាំង​​​ពួកគេ​​​មិន​​​ឲ្យ​​​និយាយ​​​នោះ​​​ទេ​​​។ ប៉ុន្តែ ពួក​​​គេ​​​ត្រូវ​​​និយាយ​​​អ្វី​​​ដែល​​​ពិត​​​​​ និង​​​​មិន​​​លម្អៀង។ គេ​​​អាច​​​ចេញ​​​សេចក្តី​​ថ្លែង​​​ការ​​​ណ៍មិន​​​លម្អៀងបាន​​​​ ប៉ុន្តែ មិន​​​មែន​​​ក្នុង​​​បំណង​​​អាក្រក់​​​ឡើយ​​​"៕សារុន​​​​​​​​​​​​  

មន្ត្រី​​​ព្រំ​​​ដែន​​​បាន​​​និយាយ​​​ថា បុរស​​​ជន​​​ជាតិ​​​ខ្មែរ​​​បីនាក់​​​ដែល​​​ត្រូវ​​​បាន​​​ចាប់ខ្លួន​​​​​​នៅ​​​ក្នុង​​​ប្រទេស​​​ថៃ​​​ជាង​​​មួយ​​​ឆ្នាំ​​​មក​​​ហើយ បន្ទាប់​​​ពី​​​ឆ្លង​​​ចូល​​​ព្រំដែន​​​ទៅ​​​រក​​​កាប់​​​ឈើ​​​គ្រញូង​​​ខុស​​​ច្បាប់​​​នោះ ត្រូវ​​​បាន​​​ដោះ​​​លែង​​​ពីពន្ធនាគារ​​​កាល​​​ពីម្សិលមិញ ហើយ​​​ត្រូវ​​​បាន​​​បញ្ជូន​​​មក​​​ស្រុក​​​កំណើត​​​វិញ​​​។ យោង​​​តាម​​​លោក តូច រ៉ា ប្រធាន​​​ច្រក​​​ព្រំ​​​ដែន​​​អន្តរ​​​ជាតិ​​​ជាំ​​​សាងាំ ក្នុង​​​ខេត្ត​​​ឧត្តរ​មាន​​​ជ័យ​​​បាន​​​ឲ្យ​​​ដឹង​​​ថា បុរស​​​ទាំង​​​នេះសុទ្ធតែ​​​មក​​​ពី​​​ខេត្ត​​​កំពង់​​​ស្ពឺ​​ ​ទំនង​​​ជា​​​ត្រូវ​​​បាន​​​បញ្ចុះ​​​បញ្ចូល​​​ទៅ​​​កាប់​​​ឈើ​​​ខុស​​​ច្បាប់​​​ដោយ​​​ឈ្មួញ​​​កណ្តាល​​​ដែល​​​បាន​​​បញ្ចុះ​​​បញ្ចូល​​​ពួកគេ​​​​​​ឲ្យ​​​លួច​​​ចូល​​​ក្នុង​​​ទឹកដីថៃ​​​ពី​​​ខេត្ត​​​ឧត្តរមានជ័យ​​​ដើម្បី​​​រក​​​កាប់​​​ឈើ​​​ប្រណីត​​​។ លោក តូច រ៉ា បាន​​​មាន​​​ប្រសាសន៍​​​ថា បុរសទាំង​​​នេះដែល​​​ត្រូវ​​​បាន​​​ឃុំ​​​ខ្លួន​​​ក្នុង​​​ពន្ធនាគារ​​​ខេត្ត​​​ស៊ីសាកេត​​​ ប្រទេស​​​ថៃ​​​ចាប់​​​តាំង​​​ពី​​​ការ​​​ចាប់ខ្លួន​​​កាល​​​ពី​​​ថ្ងៃ​​​ទី​​​៧ ខែវិច្ឆិកា ឆ្នាំ​​​២០១៣នោះ  ត្រូវ​​​បាន​​​​​បញ្ជូនន​​​មក​​​វិញ​​​តាម​​​ច្រក​​​ព្រំដែន​​​នេះ​​​។ លោក យូ សុធារិទ្ធ  នាយ​នគរ​​​បាល​​​អន្តោប្រវេសន៍​​​នៅ​​​ច្រក​​​ព្រំដែន​​​នេះ​​​បាន​​​មាន​​​ប្រសាសន៍​​​ថា ប្រទេស​​​ថៃ​​​បាន​​​បញ្ជូន​​​ពល​​​រដ្ឋ​​​ខ្មែរ​​​សរុប​​​២៧​​​នាក់​​​តាម​​​រយៈ​​​ច្រក​​​ព្រំដែន​​​នេះ​​​កាល​​​ពី​​​ខែ​​​មុន​​​ ដែល​​​ពួក​​​គាត់​​​ទាំង​​​អស់​​​បាន​​​ជាប់​​​ពន្ធនាគារ​​​ក្នុង​​​ប្រទេស​​​ថៃ​​​ជាង​​​មួយ​​ឆ្នាំ​​​។ លោក​​​បាន​​​មាន​​​ប្រសាសន៍​​​ថា "នេះគឺ​​​ជា​​​លើក​​​ទី​​​៦​​​ហើយ​​​ នៅ​​​ដើម​​​ឆ្នាំ​​​នេះ​​​ដែល​​​ទាហាន​​​ថៃ​​​បាន​​​បញ្ជូន​​​ប្រជា​​​ពល​​​រដ្ឋ​​​របស់​​​យើង​​​មក​​​ប្រទេស​​​កម្ពុជា​​​វិញ​​​តាម​​​ច្រក​​​ព្រំដែន​​​អន្តរជាតិ​​​ជាំសាងាំ គឺ​​​សរុប​​​ចំនួន​​​៣០​​​នាក់​​​"៕សារុន  

​លោក ឈាង វុន អ្នក​នាំពាក្យ​​រដ្ឋសភា​​បាន​មាន​ប្រសាសន៍​កាលពី​ម្សិលមិញ​ថា គណបក្ស​ប្រជាជន​កម្ពុជា​កំពុង​កាន់​អំណាច​​ បាន​តែង​តាំង​​លោក​ សុខ សុកាន ​កូន​ប្រុស​របស់​លោក​​ឧបនាយករដ្ឋ​មន្ត្រី សុខ អាន ជា​តំណាង​រាស្ត្រ​ថ្មី​សម្រាប់​មណ្ឌល​ខេត្ត​តាកែវ ជំនួស​លោក សូរ ឃុន អតីត​រដ្ឋ​មន្ត្រី​ក្រសួង​​ប្រៃសណីយ៍​ និង​ទូរគមនាគមន៍ ដែល​បាន​ទទួល​មរណភាព​កាលពី​ពេល​ថ្មីៗ​នេះ​។ តំណាង​រាស្ត្រ​ជាន់​ខ្ពស់​​រូប​នេះ​​បាន​​មាន​ប្រសាសន៍​ថា ឋានៈ​ជា​តំណាង​រាស្ត្រ​​​របស់​​លោក​ សុខ សុកាន នឹង​ត្រូវ​គណៈកម្មាធិការ​អចិន្ត្រៃយ៍​នៃ​រដ្ឋសភា ​ប្រកាស​ជា​ផ្លូវ​ការ​នៅ​សម័យ​ប្រជុំ​លើក​ក្រោយ​នៅ​​ថ្ងៃទី​១ ខែ​មេសា។ លោក...

មេឃុំ​ត្រពាំងជោ​បាន​ឲ្យ​ដឹង​កាលពី​ម្សិលមិញ​ថា ក្មេងស្រី​អាយុ​១០​ឆ្នាំ​ម្នាក់ បាន​ស្លាប់​ភ្លាមៗ​​នៅ​ពេល​គ្រាប់​មិន​ទាន់​ផ្ទុះ​​បាន​ផ្ទុះ​​​ចេញ​ពីក្រោម​​គំនរ​​សំរាម​​ដែល​កំពុង​ឆេះ​នៅ​ក្នុង​ស្រុក​ឱរ៉ាល់ ​ខេត្ត​កំពង់​ស្ពឺ​កាលពី​រសៀល​ថ្ងៃ​អាទិត្យ​។ លោក ផុង ធី មេឃុំ​ត្រពាំង​ជោបាន​​លើក​ឡើង​ថា ក្មេងស្រី​រូប​នេះ​កំពុង​ស្ទូច​ត្រី និង​ដើរ​ចាប់​កង្កែប​​នៅ​​បឹង​មួយ​ក្នុង​ព្រៃ​ជាមួយ​ក្មេង​ចំនួន​ពីរ​នាក់​ផ្សេងទៀត​ នៅ​ពេលពួកគេ​បាន​ឃើញ​មាន​ការ​ឆាប​ឆេះ​កើត​ឡើង​។ លោក ផុង ធី បាន​មាន​ប្រសាសន៍​ថា " នៅ​ពេល​ពួកគេ​បានឃើញ​ភ្លើង​ឆេះ ក្មេងស្រី​រងគ្រោះ​បាន​ឈរ​តែ​ម្នាក់​ឯង ហើយ​ព្យាយាម​ពន្លត់​ភ្លើង​ដែល​ឆេះ​នេះ ប៉ុន្តែ​​ក្មេង​​ពីរ​នាក់​ផ្សេង​ទៀត​មិន​បាន​នៅ​ក្បែរ​នោះ​ឡើយ។ ​នៅ​កន្លែង​ដែល​ក្មេងស្រី​រងគ្រោះ​បាន​ឈរ​គឺ​មាន​គ្រាប់​មិន​ទាន់​ផ្ទុះ​ ហើយ​ភ្លើង​ដែល​ឆេះ​នេះ​​បាន​ធ្វើ​ឲ្យ​គ្រាប់​មិន​ទាន់​ផ្ទុះ​​ក្ដៅ​ឡើងៗ​រហូត​ទាល់​តែ​ផ្ទុះ​តែម្ដង​។ ជនរងគ្រោះ​បាន​ស្លាប់​ភ្លាមៗ​ ប៉ុន្តែ​សំណាង​ល្អ​ណាស់​ដែល​ក្មេង​ពីរ​នាក់​ផ្សេង​ទៀត​មិន​នៅក្បែរ"។ មេឃុំ​រូប​នេះ​​បាន​លើក​ឡើង​ទៀត​ថា មាន​ស្លាក​សញ្ញា​នៅ​ក្នុង​តំបន់​ព្រៃ​ប្រាប់​ឲ្យ​ដឹង​ថា គ្រាប់​មិន​ទាន់​ផ្ទុះ​នៅ​មិន​ទាន់​ដោះ​អស់​នៅ​ឡើយ​ទេ...

ក្រុមមន្ត្រី​​​បាន​​​និយាយ​​​កាល​​​ពី​​​ម្សិលមិញថា ភ្ញៀវ​​​ទេសចរ​​​ជ​​​ន​​​ជាតិ​​​ចិន​​​ម្នាក់​​​ដែល​​​ទៅ​​​ទស្សនា​​​ប្រាសាទ​​​អង្គរវត្ត​​​ត្រូវ​​​បាន​​​ប្រញាប់​​​ប្រញាល់​​​បញ្ជូន​​​ទៅ​​​មន្ទីរ​​​ពេទ្យ​​​មួយ​​​ក្នុង​​​ទី​​​ក្រុង​​​បាង​​​កក​​​កាល​​​ពី​​​ថ្ងៃសៅរ៍ បន្ទាប់​​​ពី​​​ធ្លាក់​​​ពីលើ​​​ជណ្តើរ​​​នៅ​​​បរិវេណ​​​ប្រាសាទ​​​នេះ​​​ស្ថិត​​​ក្នុង​​​ក្រុង​​​សៀម​​​រាប​​​ ខណៈ​​​ពេល​​កំពុងថត​​​រូប​​​ប្រាសាទ​​​។ លោកស្រី ចៅ ស៊ុនកិរិយា អ្នក​​​នាំ​​​ពាក្យ​​​អាជ្ញាធរ​​​អប្សរា​​​ជា​​​ស្ថាប័ន​​​រដ្ឋាភិបាល​​​ដែល​​​មើល​​​ខុស​​​ត្រូវ​​​ឧទ្យាន​​​បុរាណ​​​វត្ថុអង្គរ​​​បាន​​​មាន​​​ប្រសាសន៍​​​ថា ជន​​​ជាតិ​​​ចិន​​​ឈ្មោះ ស៊ូ វៃ អាយុ​​​៤៥​​​ឆ្នាំ​​​បាន​​​ធ្លាក់​​​ពី​​​កាំជណ្តើរ​​​កម្ពស់​​​២​​​ម៉ែត្រ​​​មក​​​ដី។ លោកស្រី ស៊ុនកិរិយា បាន​​​មាន​​​ប្រសាសន៍​​​ថា "មិន​​​មាន​​​នរណា​​​ម្នាក់​​​ដឹង​​​ថា គាត់​​​ធ្លាក់​​​នៅ​​​ពេល​​​នោះ​​​ឡើយ​​​ ប៉ុន្តែ​​​ នៅ​​​ពេល​​​អ្នក​​​ឈរ​​​មើល​​​បាន​​​ឃើញ​​​គាត់​​​ដេក​​​ទៅ​​​លើ​​​ដី​​​ មនុស្ស​​​គ្រប់​​​គ្នា​​​បាន​​​ប្រញាប់​​​ប្រញាល់​​​ជួយ​​​គាត់"។ លោក​ស្រី​​​បាន​​​បន្ថែម​​​ថា គាត់​​​ត្រូវ​​​បាន​​​បញ្ជូន​​​ទៅ​​​មន្ទីរ​​​ពេទ្យ​​​អន្តរ​​​ជាតិ​​​រ៉ូយ៉ាល់​​​អង្គរ​​​ក្នុងខេត្ត​​​សៀ​​​ម​​​រាប​​​ ដែល​​​ក្រុម​​​គ្រូ​​​ពេទ្យ​​​បាន​​​សម្រេច​​​បញ្ជូន​​​គាត់​​​ទៅ​​​មន្ទីរ​​​ពេទ្យ​​​ក្្នុង​​​ក្រុង​​​បាង​​​កក ​​​ពីព្រោះ​​​របួស​​​គាត់​​​ធ្ងន់​​​ធ្ងរ​​​ណាស់​​​មិន​​​អាច​​​ព្យាបាល​​​ក្នុង​​​ស្រុក​​​បាន​​​ឡើយ​​​។ លោក ងិន ចាន់គា ប្រធាន​​​ផ្នែក​​​ដឹក​​​ជញ្ជូន​​​អ្នក​​​ជំងឺ​​​របស់​​​មន្ទីរ​​​ពេទ្យ​​​រ៉ូយ៉ាល់​​​អង្គរ​​​បាន​​​មាន​​​ប្រសាសន៍​​​ថា លោក ស៊ូ បាន​​​មកដល់​​​មន្ទីរ​​​ពេទ្យ​​​​​​នៅម៉ោង​​​១១​​​ និង​​​៣០នាទី​​​ថ្ងៃ​​​ត្រង់​​​ ហើយ​​​បាន​​​ចាក​​​ចេញ​​​នៅម៉ោង​​​ប្រហែល​​​៦​​​ល្ងាច​​​​​​តាម​​​រថយន្ត​​​សង្គ្រោះ​​​បន្ទាន់​​​ឆ្ពៅ​​​ទៅ​​​កាន់​​​ទីក្រុង​​​បាង​​​កក​​​តាម​​​ច្រក​​​ព្រំដែន​​​អន្តរជាតិ​​​ប៉ោយ​​​ប៉ែត។ លោក​​​បាន​​​មាន​​​ប្រសាសន៍​​​ថា "គ្រូ​​​ពេទ្យ​​​បាន​​​ពិនិត្យ​​​ជន​​​រង​​​គ្រោះ​​​ ហើយ​​​បាន​​​ឲ្យ​​​ដឹង​​​ថា គាត់​​​បាក់​​​ឆ្អឹង​​​ច្រមុះ និង​​​ឆ្អឹង​​​ថ្ពាល់​​​ខាង​​​ស្តាំ ហើយរយៈ​​​​ក្បាល​​​ ព្រម​​​ទាំង​​​ហូរឈាម​​​ក្នុង​​​ខួរ​​​ក្បាល​​​"។ នៅ​​​ក្នុង​​​សេចក្តី​​​ថ្លែង​​​ការណ៍​​​មួយ​​​កាល​​​ពី​​​ល្ងាច​​​ម្សិលមិញ អាជ្ញាធរ​​​អប្សរា​​​បាន​​​សំដែង​​​ការ​​​សោក​​​ស្តាយ​​​ចំពោះ​​​ការ​​​ធ្លាក់​​​របស់​​​លោក ស៊ូ ប៉ុន្តែ បាន​​​និយាយ​​​ការ​​​ពារខ្លួន​ជំទាស់ការ​​​អះ​​​​​​អាង ​​​​"គ្មាន​​​ហេតុ​​​ផល" ​​​ពី​​​ប្រភព​​​មួយ​​​ចំនួន​​​ដែល​​​ថា គ្រោះ​​​ថ្នាក់​​​នេះ​​​គឺ​​​ដោយ​​​សារ​​​បទដ្ឋាន​​​សុវត្ថិភាព​​​មិន​​​ល្អ និង​​​វិធាន​​​ការ​​​គ្រប់គ្រង​​​ក្រុម​មនុស្ស​​​មិន​​​គ្រប់​​​គ្រាន់​​​នៅ​​​អង្គរ​​​វត្ត​​​។ សេចក្តី​​​ថ្លែង​​​ការ​​​ណ៍ដដែល​​​​​​េនះ​​​លើក​​​ឡើង​​​ថា "អាជ្ញាធរ​​​អប្សរា​​​តែង​​​យក​​​ចិត្ត​​​ទុក​​​ដាក់​​​ចំពោះ​​​បញ្ហា​​​ទាំង​​​អស់​​​នេះ​​​ដោយ​ប្រុង​ប្រយ័ត្ន"​​​ ។ របាយការណ៍​​​នេះ​​​បន្ថែម​​​ទៀត​​​ថា កាំជណ្តើរ​​​ដែល​​​ជន​​​រង​​​គ្រោះ​​​ធ្លាក់​​​នោះ​​​ត្រូ​​​វបាន​​​សាង​​​សង់​​​​​​និង​ថែទាំតាម​​​បទដ្ឋាន​​​អន្តរជាតិ​​​។ លោក​​​ស្រី យ៉ាង គីងលាន ប្រធាន​​​ផ្នែក​​​កុង​​​ស៊ុល​​​នៅ​​​ស្ថាន​​​ទូត​​​ចិន​​​បាន​​​មាន​​​ប្រសាសន៍​​​ថា ស្ថាន​​​ទូត​​​បាន​​​ដឹង​​​អំពី​​​របួសរបស់​​​លោក ស៊ូ ។ ទោះ​​​ជា​​​យ៉ាង​​​ណា លោកស្រី​​​បាន​​​មាន​​​ប្រសាសន៍​​​ថា តា​​​ម​​​ច្បាប់​​​ទេសចរណ៍​​​ចិន​​​ ក្រុមហ៊ុន​​​ទេសចរណ៍​​​ដែល​​​លោក​​​ ស៊ូ បាន​​​ធ្វើ​​​ដំណើរ​​​​ទីបំផុត​​​បាន​​​ទទួល​​​​​​ខុស​​​ត្រូវ​​​ដោះ​​​ស្រាយ​​​គ្រោះ​​​ថ្នាក់​​​នេះ៕សារុន​​​​​​​​  

អ្នក​​​ភូមិ​​​ខេត្ត​​​កោះ​​​កុង​​​ដែល​​​មិន​​​ត្រូវ​​​បាន​​​រាប់​​​បញ្ចូល​​​នៅ​​​ក្នុង​​​កិច្ច​​​ព្រម​​​ព្រៀង​​​ផ្តល់​​​សំណង​​​ដែល​​​អ្នក​​​ជិត​​​ខាង​​​របស់​​​ខ្លួន​​​មួយ​​​ចំនួន​​​ទទួល​បាន​​​ចំពោះ​​​ការ​​​បាត់​​​បង់​​​ដីធ្លី​​​ទៅ​​​លើ​​​ចម្ការ​​​អំពៅ​​​នោះ​​​ បាន​​​ប្រមូល​​​​​​ហត្ថលេខា​​​ប្រហែល​​​៣០០លើ​​​ញត្តិ​​​មួយ​​​ទាម​​​ទារ​​​ឲ្យ​​​រាប់​​​បញ្ចូល​​​ពួក​​​គាត់​​​ទៅ​​​ក្នុង​​​ការ​​​ផ្តល់​​​សំណង​​​ ហើយ​​​សង្ឃឹម​​​ថា នឹង​​​ប្រមូល​​​ឲ្យ​​​បាន​​​ច្រើន​​​ជាង​​​នេះ​​​ទៀត​​​មុន​​​ពេល​​​ដាក់​​​ទៅ​​​សមាជិក​​​សភា​​​។ អ្នក​​​ភូមិ​​​​​​រាប់​​​រយ​​​គ្រួសារ​​​ក្នុង​​​ខេត្ត​​​នេះ​​​បាន​​​ចោទ​​​ប្រកាន់​​​ក្រុម​ហ៊ុន​​​ចម្ការ​​​អំពៅ​​​ពីរ​​​​​​​​​កាន់​​​កាប់​​​ដោយ​​​ជន​​​ជាតិ​​​ថៃ ដែល​​​ពី​​​ដំបូង​​ជារបស់​​​លោក លី យ៉ុង​​​ផាត់ សមាជិក​​​ព្រឹទ្ធ​​​សភា​​​គណបក្ស​​​ប្រជា​​​ជនកម្ពុជា ថា បាន​​​ប្លន់​​​យក​​​ដី​​​ដែល​​​ពួក​​​គាត់​​​បាន​​​ធ្វើ​​​ស្រែ​​​ចម្ការ​​​រយៈ​​​ពេល​​​ច្រើន​​​ទសវត្សរ៍​​​មក​​​ហើយ និង​​​ថា​​​ បាន​​​រុះផ្ទះ​​​របស់​​​ពួក​​​គាត់​​​។ អ្នក​​​ភូមិ​​​២០០គ្រួសារ​​​ក្នុង​​​ចំណោម​​​គ្រួសារ​​​ទាំង​​​នោះ​​​បាន​​​ប្តឹង​​​ក្រុមហ៊ុន Tate & Lyle ជា​​​ក្រុម​​​ហ៊ុន​​​ស្ករ​​​ស​​​អង់គ្លេស​​​ក្នុងទី​​​ក្រុង​​​ឡុងដ៍​​​​​ថា បាន​​​ទទួល​​​ប្រយោជន៍​​​ពី​​​ក្រុមហ៊ុន​​​ចម្ការ​​​អំពៅ​​​នេះ​​​ ជា​​​ចំណាត់​​​ការ​​​ដែល​​​ពួក​​​គាត់​​​មួួ​យ​​​ចំនួន​​​ទទួល​​​បាន​​​សំណង​​​ជា​​​ប្រាក់​​​រហូត​​​ដល់​​​២.០០០ដុល្លារ​​​ អំឡុ​​​ង​​​ការ​​​ចរចា​​​រក​​​ដំណោះ​​​ស្រាយ​​​។ ឥឡូវ​​​នេះ គ្រួសារ​​​មួយ​​​ចំនួន​​​ដែល​​​លើក​​​ឡើង​​​ថា ពួក​​​គាត់​​​យល់​​​ព្រម​​​ឈប់​​​ធ្វើ​​​ការ​​​តវ៉ា​​​​​​នឹង​​​ក្រុម​​​ហ៊ុន​​​ចម្ការ​​​កៅស៊ូ​​​នេះ​​​ច្រើនឆ្នាំ​​​មក​​​ហើយ ជា​​​ថ្នូរ​​​នឹង​​​ការ​​​សន្យា​​​ផ្តល់​​​សំណង​​​ដែល​​​មិន​​​ដែល​​​ទទួល​​​បាន​​​នោះ​​ ជា​​​ថ្មីម្តង​​​ទៀត​​​បាន​​​ស្នើ​​​សុំ​​​ចំណែក​​​របស់​​​ខ្លួន​​​។ លោក ង៉ែត សឹុម បាន​​​និយាយ​​​កាល​​​ពីម្សិលមិញ​​​ថា ក្រុមគ្រួសារ​​​របស់​​​គាត់​​​ស្ថិត​​​ក្នុង​​​ចំណោម​​​គ្រួសារ​​​ដែល​​​បាន​​​បាត់​​​បង់​​​ដី​​​របស់​​​ខ្លួន​​​ទៅ​​​ឲ្យ​​​ក្រុម​​​ហ៊ុន​​​ចម្ការ​​​អំពៅ​​​នេះ​​​ ប៉ុន្តែ ​​​បាន​​​យល់​​​ព្រម​​​​​​បញ្ឈប់​​​ការ​​​តវ៉ា​​​កាល​​​ពី​​​ឆ្នាំ​​​២០០៧​​​នៅ​​​ពេល​​​​​​លោក ឆាយ វុធ មេឃុំ​​​​​​ជីខលើ ស្រុក​​​ស្រែ​​​អំបិល​​​បាន​​​សន្យា​​​ឲ្យ​ក្រុមហ៊ុន​​​ចម្ការ​​​អំពៅ​​​នេះ​​​​​​ផ្តល់ស​​​ំណង​​​ដល់​​​ពួក​​​គាត់ជា​​​ថ្នូរ​​​។ លោក ង៉ែត សឹុម បាន​​​មាន​​​ប្រសាសន៍ថា ​​​ពួកគាត់មិន​​​ដែល​​ទទួលបាន​ប្រាក់ឡើយ​​​។ ហើយ​​​នៅ​​​ពេល​​​ពួក​​​គាត់​​​ទទួល​​​ព័ត៌​​​មាន​​​ថា​​​ គ្រួសារ​​​ដទៃ​​​ទៀត​​​មិន​​​បាន​​​ឈប់​​​ធ្វើយុទ្ធនាការ​​​ទាម​​​ទារ​​​សំណង​ ទទួលបាន​សំណង លោក និង​​​អ្នក​​​ដទៃ​​​ទៀត​​​បាន​​​ចូល​​​រួម​​​ធ្វើ​​​ការ​​​តវ៉ា​​។ លោក​​​បាន​​​និយាយ​​​ថា "មូល​​​ហេតុ​​​ដែល​​​យើង​​​ធ្វើការ​​​ម្តង​​​ទៀត ពីព្រោះ​​​យើង​​​បាន​​​រង់​​​ចាំ​​​ដំណោះ​​​ស្រាយ​​​ជា​​​យូរ​​​មក​​​ហើយ​​​ ហើយ​​​យើង​​​ត្រូវ​​​អាជ្ញាធរ​​​បោក​​​ប្រាស់​​​។ យើង​​​បាន​​​ប្រមូល​​​មេដៃ​​​ប្រហែល​​​៣០០​​​ពី​​​គ្រួសារ​​​នានា​​​ ហើយ​​​យើង​​​នឹង​​​ដាក់​​​ជូន​​​ទៅ​​​គណៈកម្មការ​​​សិទ្ធិ​​​មនុស្ស​​​នៃ​​​រដ្ឋ​​​សភា​​​។ លោក ងែ៉ត សឹុម បាន​​​និយាយ​​​ថា ក្រុម​​​អ្នក​​​ភូមិ​​​ចង់​​​ប្រមូលស្នាម​​​មេដៃ​​​ឲ្យ​​​បាន​​​ច្រើន​​​មុន​​​ពេល​​​ដាក់​​​ញត្តិ​​​ ប៉ុន្តែ លោក​​​សង្ឃឹម​​​ថា នឹង​​ធ្វើ​នៅ​​ដំណាច់​​​ខែ​​​នេះ​​​។ លោក ឆាយ​​​ វុធ បាន​​​អះ​​​អាង​​​ថា គ្រួសារ​​​អ្នក​​​ភូមិ​​​ត្រូវ​​​បាន​​​ញុះ​​​ញង់​​​ឲ្យ​​​បន្ត​​​ការ​​​តវ៉ា​​​ពី​​​សំណាក់​​​មនុស្ស​​​មួយ​​​ចំនួន ឬ​​​ក្រុម​​​ណា​​​មួយ​​​។ លោក​​​បាន​​​បដិសេធ​​​មិន​​​និយាយ​​​ថា តើលោក​​​សង្ស័យ​​​លើ​​​នរណា​​​ឡើយ​​​។ លោក​​​បាន​​​មាន​​​ប្រសាសន៍​​​ថា "នេះ​​​​​​ជា​​​បញ្ហា​​​នយោបាយ​​​ទេ។ ខ្ញុំ​​​មិន​​​ដែល​​​សន្យា​​​ផ្តល់​​​សំណង​​​ដល់​​​អ្នក​​​ភូមិ​​​ទាំង​​​នោះ​​​ឡើយ​​​ ពីព្រោ​​ះ​​​វា​​​ហួស​​​ព​​ីសមត្ថកិច្ច​​​របស់​​​ខ្ញុំ​​​"។ ក្រុមហ៊ុន​​​ចម្ការ​​​កៅស៊ូ​​​បាន​​​អះ​​​អាង​​​ថា គ្រួសារ​​​ជាច្រើនដែល​​​សម​​​​​​ទទួល​​​បាន​​​សំណងត្រូ​​​វបាន​ទទួល​​​​​​រួច​​​ហើយ៕សារុន​​​​​​​​​  

លោក ប៉ូលែន លី បាន​ក្លាយ​ជា​ជន​ជាតិ​ខ្មែរ​ទី២ ទទួលបាន​ជ័យលាភី​ ត្រប់​ហ្វិស​អាស៊ីអាគ្នេយ៍ ពីខ្សែ​ភាពយន្ត​របស់​លោក ដែល​មាន​ចំណង​ជើង​ថា  "​ចំណង​ដែល​មាន​ពណ៌​ឆើត​  ៉កាល​ពី​ថ្ងៃ​អាទិត្យ​។  នេះជា​ឆ្នាំ​ទី២ ដែល​ជន​ជាតិ​ខ្មែរ​ទទួល​បាន​កិត្តិយស​ខ្ពស់​នៅ​ឯ ត្រប់​ហ្វិសអាស៊ី​អាគ្នេយ៍ បន្ទាប់​ពី​ការ​ឈ្នះ​របស់​ សុធា អុីនណេស កាលពី​ឆ្នាំមុន​ ពីខ្សែ​ភាព​យន្ត​របស់​នាង​ឈ្មោះ ៉ ស្រូវ  ៉ ដែល​នៅពេល​នោះ លោក​ លី ទទួល​បាន​រង្វាន់​លេខ​២ ពីខ្សែ​ភាព​យន្ត​ខ្លីរបស់​គាត់​ឈ្មោះ៉ ដូត​តូ ៉ ។ ផលិតកររូបនេះ​ទទួល​បាន​ប្រាក់​រង្វាន់​១២០០០​ដុល្លារ​អាមេរិក​ ព្រម​ទាំង​ការ​ធ្វើ​ដំណើរ​​ទៅ​កាន់​ក្រុង​ឡូស​អាន​ជឺឡេស ដែល​ឧបត្ថម្ភ​ដោយ​​សមាគមន៍​ភាព​យន្ត​ជីវចល។ ពាន​រង្វាន់​ទី២ បាន​ទៅ​នាយក​ផលិតកម្ម​​ជន​ជាតិ​ហ្វីលីពីន​ ជេក​ សូរៀណូ ពីខ្សែ​ភាពយន្ត​របស់​លោកមាន​ចំណង​ជើង​ថា "​កុមារដែក​ថែប"​ និង​រង្វាន់​ទី៣ បាន​ទៅជន​ជាតិ​ខ្មែរ​ សោម ចាន់​រិទ្ធិ ចាប ពីខ្សែភាព​យន្ត​ខ្លី​បែបបស្ចិម​ប្រទេស​ មាន​ចំណង​ជើង​ថ​ា​ "A ​fistful​ ​of Pebbles"​ ។ ជ័យ​លាភី​ត្រូវ​បាន​ជ្រើស​រើស​ចេញពី​ខ្សែភាពយន្ត​​ចំនួន​១៦។ ​លោក ជូស៊ី​ដេក នាយក​គ្រប់​គ្រង​ ត្រប់ហ្វិស​ អាស៊ីអាគ្នេយ៍ បាន​មាន​ប្រសាសន៍​ថា​​ "​ត្រប់​ហ្វិស​គឺនិយាយ​ទាក់ទង​នឹង​ការ​អប​អរ​ការ​ច្នៃ​ប្រឌិត​ក្នុង​បណ្តា​ផលិតករ​ដែល​មាន​ទេព​កោ​សល្យ​។ ខ្ញុំ​រំភើប​ចិត្ត​នឹង​ខ្សែភាពយន្ត​ដ៏​អស្ចារ្យ​ ដែល​យើង​បាន​ទទួល​។ ការ​និទាន​រឿង​មាន​សន្ទុះ​ខ្លាំង​ក្លា​នៅ​ក្នុង​អាស៊ីអាគ្នេយ៍​។ ហើយ​យើង​នឹង​បន្ត​ធ្វើ​ឲ្យ​ ត្រប់​ហ្វិស​អាស៊ី​អាគ្នេយ៍​ក្លាយ​ជា​វេទិការសម្រាប់​សាច់​រឿង​ផ្សេង​ៗ​ ដែល​នឹង​មិន​មាន​នរណា​ផ្សេង​ទៀត​និយាយ​ដល់​  ៉៕