27 C
Phnom Penh

ក្មេងស្រី​ម្នាក់​ស្លាប់​ដោយ​សារការ​​​ផ្ទុះ​គ្រាប់​មិន​ទាន់​ផ្ទុះ​នៅ​ក្នុង​ខេត្ត​កំពង់ស្ពឺ​

ដោយ ឌឹ ខេមបូឌា ដេលី

បទវិភាគ

មេឃុំ​ត្រពាំងជោ​បាន​ឲ្យ​ដឹង​កាលពី​ម្សិលមិញ​ថា ក្មេងស្រី​អាយុ​១០​ឆ្នាំ​ម្នាក់ បាន​ស្លាប់​ភ្លាមៗ​​នៅ​ពេល​គ្រាប់​មិន​ទាន់​ផ្ទុះ​​បាន​ផ្ទុះ​​​ចេញ​ពីក្រោម​​គំនរ​​សំរាម​​ដែល​កំពុង​ឆេះ​នៅ​ក្នុង​ស្រុក​ឱរ៉ាល់ ​ខេត្ត​កំពង់​ស្ពឺ​កាលពី​រសៀល​ថ្ងៃ​អាទិត្យ​។

លោក ផុង ធី មេឃុំ​ត្រពាំង​ជោបាន​​លើក​ឡើង​ថា ក្មេងស្រី​រូប​នេះ​កំពុង​ស្ទូច​ត្រី និង​ដើរ​ចាប់​កង្កែប​​នៅ​​បឹង​មួយ​ក្នុង​ព្រៃ​ជាមួយ​ក្មេង​ចំនួន​ពីរ​នាក់​ផ្សេងទៀត​ នៅ​ពេលពួកគេ​បាន​ឃើញ​មាន​ការ​ឆាប​ឆេះ​កើត​ឡើង​។

លោក ផុង ធី បាន​មាន​ប្រសាសន៍​ថា ” នៅ​ពេល​ពួកគេ​បានឃើញ​ភ្លើង​ឆេះ ក្មេងស្រី​រងគ្រោះ​បាន​ឈរ​តែ​ម្នាក់​ឯង ហើយ​ព្យាយាម​ពន្លត់​ភ្លើង​ដែល​ឆេះ​នេះ ប៉ុន្តែ​​ក្មេង​​ពីរ​នាក់​ផ្សេង​ទៀត​មិន​បាន​នៅ​ក្បែរ​នោះ​ឡើយ។ ​នៅ​កន្លែង​ដែល​ក្មេងស្រី​រងគ្រោះ​បាន​ឈរ​គឺ​មាន​គ្រាប់​មិន​ទាន់​ផ្ទុះ​ ហើយ​ភ្លើង​ដែល​ឆេះ​នេះ​​បាន​ធ្វើ​ឲ្យ​គ្រាប់​មិន​ទាន់​ផ្ទុះ​​ក្ដៅ​ឡើងៗ​រហូត​ទាល់​តែ​ផ្ទុះ​តែម្ដង​។ ជនរងគ្រោះ​បាន​ស្លាប់​ភ្លាមៗ​ ប៉ុន្តែ​សំណាង​ល្អ​ណាស់​ដែល​ក្មេង​ពីរ​នាក់​ផ្សេង​ទៀត​មិន​នៅក្បែរ”។

មេឃុំ​រូប​នេះ​​បាន​លើក​ឡើង​ទៀត​ថា មាន​ស្លាក​សញ្ញា​នៅ​ក្នុង​តំបន់​ព្រៃ​ប្រាប់​ឲ្យ​ដឹង​ថា គ្រាប់​មិន​ទាន់​ផ្ទុះ​នៅ​មិន​ទាន់​ដោះ​អស់​នៅ​ឡើយ​ទេ ប៉ុន្តែ​អ្នកភូមិ​ជារឿយៗ​មិន​ចាប់​អារម្មណ៍​ឡើយ​។

លោក​បាន​មាន​ប្រសាសន៍​បន្ថែម​ថា “អ្នកភូមិ​ត្រូវ​ការ​កន្លែង​នេះ​​​ជារៀង​រាល់​ថ្ងៃ ដើម្បី​ធ្វើ​ស្រែ​ និង​រក​ត្រី​ ហេតុ​ដូច្នេះ​ខ្ញុំ​សង្ឃឹម​ថា បន្ទាប់​ពី​ហេតុការណ៍​នេះ​កើត​ឡើង​​ ពួកគាត់​នឹង​ឈប់​ឆ្លង​កាត់​កន្លែង​ដែល​មាន​ស្លាក​សញ្ញា​នេះ”៕ ស៊ុយឈាង​​​​​​​​​​

 

© 2023, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស