TAG
paywall
លោក ស ខេង លើកឡើងថា គណបក្សទាំងពីរត្រូវតែ “ផ្ដោតការយកចិត្តទុកដាក់ឡើងវិញ”
លោក ស ខេង រដ្ឋមន្ត្រីក្រសួងមហាផ្ទៃ បានមានប្រសាសន៍កាលពីម្សិលមិញថា គណបក្សប្រជាជនកម្ពុជាកំពុងកាន់អំណាច និងគណបក្សសង្គ្រោះជាតិ ត្រូវតែ "ផ្ដោតការយកចិត្តទុកដាក់ឡើងវិញ" និងជួបពិភាក្សាគ្នាជាប្រចាំដើម្បីធានាថា គណបក្សទាំងពីរមិនងាករេចេញពីលក្ខខណ្ឌនៃកិច្ចព្រមព្រៀងនយោបាយថ្ងៃ២២ កក្កដា កាលពីឆ្នាំមុន។
នៅក្នុងសន្និសីទកាសែតរួមគ្នាក្រោយពីជំនួបជាមួយលោក សម រង្ស៊ី ប្រធានគណបក្សប្រឆាំងនៅឯរដ្ឋសភា ដែលជាជំនួបលើកដំបូងចាប់តាំងពីលោកទាំងពីរត្រូវបានតែងតាំងជាប្រធានក្រុមតំណាងរាស្ត្ររបស់គណបក្សទាំងពីរ លោក ស ខេង បានមានប្រសាសន៍ថា វាមានសារៈសំខាន់ណាស់សម្រាប់គណបក្សទាំងពីរបន្តការចរចា។
លោកបានមានប្រសាសន៍ទៀតថា "រឿងសំខាន់គឺថា ជំនួបនេះសម្រាប់យើងពិភាក្សាអំពីរបៀបដែលយើងត្រូវធ្វើការនៅពេលអនាគតឆ្ពោះទៅរកអ្វីដែលឯកឧត្ដម...
អង្គភាពប្រឆាំងអំពើពុករលួយរឹតបន្តឹងវិន័យលើមន្ត្រីក្នុងការទទួលជំនូន អំណោយ
យោងតាមអង្គភាពប្រឆាំងអំពើពុករលួយបានឲ្យដឹងថា មន្ត្រីម្នាក់នៅអង្គភាពប្រឆាំងអំពើពុករលួយបានប្រគល់អំណោយដែលខ្លួនទទួលបានមួយមុខ គឺស្រាវីស្គីមួយដបតម្លៃ៣០០ដុល្លារមកឲ្យក្រុមប្រឹក្សាវិន័យនិងត្រួតពិនិត្យផ្ទៃក្នុង ក្រោមវិន័យថ្មីពាក់ព័ន្ធនឹងការហូបអាហារខាងក្រៅនិងការទទួលជំនូន អំណោយ ដែលនេះសំដៅធ្វើឲ្យបុគ្គលិករបស់អង្គភាពនេះរួចផុតពីការជាប់សង្ស័យ។
យោងតាមសេចក្តីជូនដំណឹងដែលបង្ហោះលើវិបសាយរបស់អង្គភាពប្រឆាំងអំពើពុករលួយកាលពីថ្ងៃច័ន្ទស្តីពីកិច្ចប្រជុំថ្មីបំផុតនៃក្រុមប្រឹក្សាជាតិប្រឆាំងអំពើពុករលួយ ដែលមើលខុសត្រូវអង្គភាពនេះបានឲ្យដឹងថា ឥឡូវនេះ រាល់ជំនូន អំណោយ ដែលមានតម្លៃលើសពី២៥ដុល្លារត្រូវតែប្រគល់និងរក្សាទុកនៅក្នុងអង្គភាពប្រឆាំងអំពើពុករលួយ រីឯការចេញទៅហូបបាយពាក់ព័ន្ធនឹងការងារទាំងអស់នៅខាងក្រៅអង្គភាពត្រូវតែសុំច្បាប់អនុញ្ញាតជាមុនសិន។
សេចក្តីជូនដំណឹងនេះនិយាយថា "ក្រុមប្រឹក្សាជាតិប្រឆាំងអំពើពុករលួយបានវាយតម្លៃខ្ពស់នូវវិធានការថ្មីៗរបស់អង្គភាពប្រឆាំងអំពើពុករលួយ ជាពិសេសក្នុងការពង្រឹងវិន័យផ្ទៃក្នុង"។ សេចក្តីជូនដំណឹងនេះមានការពិនិត្យលើការអនុវត្តរបស់មន្ត្រីអង្គភាពប្រឆាំងអំពើពុករលួយទាក់ទិននឹងវិន័យថ្មីនេះក្នុងរយៈពេលពីរខែ។
បន្ថែមទៅនឹងស្រា Chivas Regal ២៥ឆ្នាំដ៏ថ្លៃដែលឲ្យជាអំណោយទៅមន្ត្រីម្នាក់នោះ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយបានក៏ប្រគល់អំណោយប្រាំមុខក្នុងចំណោមអំណោយប្រាំបីមុខដែលលោកបានទទួល ដែលមានតម្លៃលើសកម្រិតតម្លៃថ្មី និងបានរាយការណ៍អំពីការទទួលហូបបាយខាងក្រៅមួយដង។...
ម៉ុងតាញ៉ា១៨នាក់ទៀតឆ្លងចូលខេត្តរតនគិរី
យោងតាមក្រុមសិទ្ធិមនុស្សនិងអ្នកភូមិម្នាក់បានឲ្យដឹងថា ជនស្វែងរកសិទ្ធិជ្រកកោនម៉ុងតាញ៉ា១៨នាក់ទៀតបានឆ្លងពីប្រទេសវៀតណាមចូលមកខេត្តរតនគិរីកាលពីព្រឹកថ្ងៃពុធ ដែលជាក្រុមទី៤បានមកដល់ប្រទេសកម្ពុជានៅខែនេះ។
លោក ឆាយ ធី អ្នកសម្របសម្រួលរបស់សមាគមការពារសិទ្ធិមនុស្ស អាដហុក ប្រចាំខេត្តរតនគិរី បាននិយាយថា មនុស្ស១៨នាក់នេះកំពុងជ្រកក្នុងតំបន់ព្រៃមួយកន្លែង នៅស្រុកអូរយ៉ាដាវក្នុងខេត្តរតនគិរី។
លោក ធី បាននិយាយថា "មនុស្សទាំងនេះបានមកដល់នៅម៉ោងប្រហែល១០ព្រឹក ប៉ុន្តែយើងទើបបានទទួលព័ត៌មាននៅម៉ោង៨និង២០យប់។ ពួកគេឥឡូវនេះកំពុងស្នាក់នៅក្នុងតំបន់សុវត្ថិភាពមួយក្នុងព្រៃនោះ"។
អ្នកភូមិចារ៉ាយម្នាក់ ដែលបានជួយជនស្វែងរកសិទ្ធិជ្រកកោនម៉ុងតាញ៉ា២៧នាក់ផ្សេងទៀតដែលបានចូលប្រទេសកម្ពុជាក្នុងពេលជាងបីខែកន្លងមកនេះ បាននិយាយដែរថា ក្រុមនេះបានមកដល់កាលពីថ្ងៃពុធ។
អ្នកភូមិរូបនេះ ដែលបានសុំលាក់ឈ្មោះព្រោះខ្លាចការសងសឹកពីអាជ្ញាធរ បាននិយាយថា "មានពួកគេម្នាក់ធ្លាប់មកខេត្តរតនគិរីពីមុន ហើយគាត់បាននាំអ្នកទាំងនេះមកទីនេះ"។
អ្នកភូមិរូបនេះនិយាយថា “អាជ្ញាធរវៀតណាមបានធ្វើបាបរូបគាត់ជាខ្លាំង...
តុលាការផ្តល់ពេលបន្ថែមទៀតឲ្យនគរបាលឃុំខ្លួនជនសង្ស័យ ជុំវិញការធ្វើគតព្រះសង្ឃ
មន្ត្រីម្នាក់បានឲ្យដឹងថា កាលពីម្សិលមិញ សាលាដំបូងខេត្តកំពង់ស្ពឺបានសម្រេចអនុញ្ញាតឲ្យនគរបាលខេត្តបន្តឃុំខ្លួនជនសង្ស័យក្នុងករណីធ្វើគតព្រះសង្ឃព្រះជន្ម៧៦ព្រះវស្សាមួយអង្គកាលពីថ្ងៃសៅរ៍ បន្ទាប់ពីមន្ត្រីទាំងនោះមិនអាចរកភ័ស្តុតាងគ្រប់គ្រាន់ដើម្បីចោទប្រកាន់ជននេះ។
នគរបាលបានចាប់ខ្លួន ជា សារ៉ាន់ អាយុ៣៣ឆ្នាំ ជាអតីតព្រះសង្ឃនៅវត្តអង្គស្នៀតក្នុងស្រុកសំរោងទង កាលពីព្រឹកថ្ងៃអាទិត្យដោយសង្ស័យថាជាអ្នកធ្វើគតព្រះតេជគុណ មឿង អ៊ំុ គ្រូសូត្រស្តាំគង់នៅវត្តនេះ ខណៈដែលព្រះអង្គកំពុងសម្ដែងធម៌ទេសនា។
លោក សោម បូរ៉ា ស្នងការរងនគរបាលខេត្តបានមានប្រសាសន៍ថា ព្រះរាជអាជ្ញាអមសាលាដំបូងខេត្តបានអនុញ្ញាតឲ្យមន្ត្រីរបស់លោកបន្តឃុំខ្លួន ជា សារ៉ាន់ រហូតដល់ម៉ោង៣រសៀលថ្ងៃសុក្រ។
លោក បូរ៉ា បានមានប្រសាសន៍ថា "នេះជាករណីដ៏ធំ ដូច្នេះយើងត្រូវការពេលវេលាបន្ថែមទៀត"។ លោកបានបន្ថែមថា អាជ្ញាធរបានរកមូលហេតុជាច្រើនដែលអាចកើតមានចំពោះការធ្វើគតនេះ ប៉ុន្តែ នៅតែខ្វះភ័ស្តុតាងក្នុងការដាក់បន្ទុកដដែល។ លោកបានសន្និដ្ឋានថា "ជនរងគ្រោះប្រហែលជាជាប់ពាក់ព័ន្ធនឹងអំពើអាបធ្មប់"។
ព្រះតេជគុណ ពេជ្រ ប៉ុន ព្រះចៅអធិការវត្តអង្គស្នៀតបានមានសង្ឃដីកាថា ព្រះអង្គជឿថា ជា សារ៉ាន់ គឺជាមនុស្សស្លូតត្រង់ ពីព្រោះអតីតសង្ឃរូបនេះ ដែលបានចេញពីវត្តកាលពីដើមខែធ្នូ គឺនៅផ្ទះញោមស្រីរបស់ខ្លួននៅពេលមានការធ្វើគតនោះ។
ព្រះគ្រូចៅអធិការមានសង្ឃដីកាបន្ថែមថា ជា សារ៉ាន់ និងបងប្អូនជីដូនមួយរបស់ខ្លួននៅភ្នំពេញកាលពីថ្ងៃសៅរ៍ ប៉ុន្តែ បានធ្វើដំណើរទៅស្រុកភ្នំស្រួច ខេត្តកំពង់ស្ពឺ នៅពេលរសៀល បន្ទាប់ពីញោមស្រីរបស់ខ្លួនបានដួលរងរបួស។
ព្រះតេជគុណ ពេជ្រ ប៉ុន បានមានសង្ឃដីកាថា "អាត្មាទទួលបានការហៅទូរស័ព្ទពី ជា សារ៉ាន់ នៅម៉ោង៩ និង៤នាទីយប់ថ្ងៃសៅរ៍ ទូលអាត្មាថា ព្រះសង្ឃរបស់យើងត្រូវបានគេធ្វើគត។ អាត្មាបានសុំឲ្យគាត់ទៅវត្តអង្គស្នៀត...ដើម្បីរៀបចំកន្លែងដាក់ព្រះសព"។
ព្រះតេជគុណ ពេជ្រ ប៉ុន បានមានសង្ឃដីកាថា តំណាងវត្ត និងមេគណខេត្តកំពង់ស្ពឺនឹងជួបប្រជុំជាមួយនគរបាលបន្ទាប់ពីពិធីបុណ្យសពប្រាំពីរថ្ងៃរបស់ព្រះតេជគុណ មឿង អ៊ុំ រួច ដែលចាប់ផ្តើមនៅថ្ងៃនេះ។
ព្រះតេជគុណបានមានសង្ឃដីកាថា "យើងនឹងពិភាក្សារកមូលហេតុថា តើហេតុអ្វីបានជា ជា សារ៉ាន់ ត្រូវបានឃាត់ខ្លួនលើសពី៤៨ម៉ោង ដោយគ្មានភ័ស្តុតាងណាមួយដាក់បន្ទុកលើគាត់ដូចនេះ"៕សារុន
បុរសបីនាក់ប្តឹងសាទុក្ខចំពោះការផ្តន្ទាទោសរបស់តុលាការពីបទដឹកអាវយឺត
បុរសបីនាក់ដែលត្រូវ សាលាដំបូងរាជធានីភ្នំពេញផ្ដន្ទាទោសកាលពីដើមខែនេះពីបទ ដឹកអាវយឺតដែលមានបោះពុម្ពសារជំរុញប្រជាពលរដ្ឋកុំឲ្យទៅបោះឆ្នោតនៅក្នុងការបោះឆ្នោតជាតិកាលពីឆ្នាំ២០១៣នោះ បានស្នើសុំឲ្យសាលាឧទ្ធរណ៍ពិនិត្យសេចក្ដីសម្រេចនេះឡើងវិញ នេះបើតាមសម្ដីមេធាវីរបស់ពួកគេបានលើកឡើងកាលពីម្សិលមិញ។
ពួកគេត្រូវបានចោទប្រកាន់ពីបទរារាំងការបោះឆ្នោត និងមានគម្រោងវាយប្រហារមកលើរដ្ឋាភិបាល ហើយត្រូវបានផ្តន្ទាទោសឲ្យជាប់ពន្ធនាគារ ពីប្រាំឆ្នាំទៅប្រាំមួយឆ្នាំ។
លោក សុក សំអឿន ដែលបានការពារក្តីបុរសទាំងបីនាក់នេះបានមានប្រសាសន៍ថា បណ្តឹងសាទុក្ខនេះ ត្រូវបានប្តឹងកាលពីថ្ងៃច័ន្ទ។
លោកបានមានប្រសាសន៍ថា "ពួកគេបានដាក់បណ្តឹងសាទុក្ខ ពីព្រោះពួកគេមិនពេញចិត្តនឹងសេចក្តីសម្រេចនេះ ហើយពួកគេដឹងថា ពួកគេគ្រាន់់តែចែកអាវយឺតប៉ុណ្ណោះ"។
រដ្ឋាភិបាលបានចោទប្រកាន់បុរស ទាំងបីនាក់នេះថា ជាសមាជិករបស់ចលនាអំណាចពលរដ្ឋខ្មែរ ជាក្រុមប្រឆាំងដែលមានមូលដ្ឋាននៅសហរដ្ឋអាមេរិកដែលញុះញង់ឲ្យមានការបះបោរមបណ្តេញលោកនាយករដ្ឋមន្ត្រី ហ៊ុន សែន ចេញពីអំណាច ហើយបានរៀបចំបោះពុម្ពអាវយឺតទាំងនេះពី ក្រៅប្រទេស។
បុរសពីរនាក់ក្នុងចំណោមបុរសទាំងបីបានសារភាពថា ពួកគេត្រូវបានគេជួលឲ្យដឹកអាវយឺតទាំងនេះ ប៉ុន្តែ ពួកគេទាំងអស់គ្នាមិនមែនជាសមាជិករបស់ចលនានេះទេ ហើយមិនបានប្រព្រឹត្តខុសឆ្គងអ្វីឡើយ។ ជាមួយបុរសទាំងបីនាក់នេះដែរ សាលាដំបូងក៏បានផ្តន្ទាទោសលោក សួន សេរីរដ្ឋា ប្រធានចលនានេះដែលនិរទេសខ្លួនឯងនេះ កំបាំងមុខឲ្យជាប់ពន្ធនាគារប្រាំពីរឆ្នាំ ដោយចោទប្រកាន់ពីបទញុះញង់។
លោក សុក សំអឿន ដែលក៏តំណាងឲ្យលោក សួន សេរីរដ្ឋា ដែរបានមានប្រសាសន៍ថា បន្តឹងសាទុក្ខរបស់គាត់នឹងត្រូវដាក់ក្នុងរយៈពេលប៉ុន្មានថ្ងៃខាងមុខនេះ៕សារុន
តុលាការរារាំងមិនឲ្យមានការលក់ឆ្នេរពាក់ព័ន្ធជម្លោះរវាង លោក ប៉ូលុនស្គី និងលោក ដូរ៉ូសិនកូ
ក្រុមមន្ត្រីតុលាការបានឲ្យដឹងកាលពីម្សិលមិញថា មន្ត្រីខេត្តព្រះសីហនុកាលពីសប្តាហ៍មុនបានចាត់ចំណាត់ការរារាំងលោក នីកូឡៃ ដូរ៉ូសិនកូ ពាណិជ្ជករជនជាតិរុស្ស៊ី មិនឲ្យលក់ឆ្នេរជ័យជម្នះក្នុងខេត្តព្រះសីហនុ បន្ទាប់ពីសាលាឧទ្ធរណ៍បានសម្រេចថា គាត់បានរំលោភកិច្ចសន្យាផ្ទេរអចលនទ្រព្យនេះទៅឲ្យលោក សេរហ្គេ ប៉ូលុនស្គី ។
លោក ស៊ុន វិសាល ចៅក្រមសាលាឧទ្ធរណ៍បានមានប្រសាសន៍នៅតុលាការកាលពីម្សិលមិញថា "យើងបានចេញសេចក្តីបង្គាប់រារាំងលោក នីកូឡៃ មិនឲ្យលក់ឆ្នេរនេះ ព្រោះគាត់បានលក់គម្រោងវិនិយោគទៅឲ្យ លោក ប៉ូលុនស្គីទៅហើយ ហើយទទួលបានប្រាក់កក់ចំនួន២០០.០០០ដុល្លារ ប៉ុន្តែ បានកាន់កាប់គម្រោងនេះវិញ ហើយព្យាយាមលក់ទៅ ឲ្យអ្នកផ្សេងទៀត" ដោយលោកបានបដិសេធមិនធ្វើអត្ថាធិប្បាយបន្ថែមឡើយ។
មេធាវីតំណាងលោក ដូរ៉ូសិនកូ អាយុ៥៤ឆ្នាំ បានមានប្រសាសន៍កាលពីម្សិលមិញថាលោកនឹងស្នើឲ្យអង្គភាពប្រឆាំងអំពើពុករលួយរបស់រដ្ឋាភិបាលសើុបអង្កេតការដោះស្រាយរឿងក្តីខុសប្រក្រតីរបស់សាលាឧទ្ធរណ៍។
លោក ម៉ុង មុនីចរិយា ប្រធានសាលាដំបូងខេត្តព្រះសីហនុបានមានប្រសាសន៍ថា មន្ត្រីរបស់លោកបានអនុវត្តសេចក្តីបង្គាប់នេះកាលពីថ្ងៃទី២២ ខែមករា ប៉ុន្តែ បានបដិសេធមិននិយាយលម្អិត ឬឆ្លើយសំណួរបន្ថែមឡើយ។
នគរបាលខេត្តព្រះសីហនុបានលើកឡើងថា ពួកគេមិនជាប់ពាក់ព័ន្ធនឹងករណីនេះទេ។ យោងតាមលោក បែនសុន សម័យ មេធាវីរបស់លោក ប៉ូលុនស្គី បានឲ្យដឹងថា សេចក្តីបង្គាប់នេះក៏មានវិសាលភាពចំពោះអគារ និងអូប័រនៅឆ្នេរជ័យជម្នះផងដែរ។
លោក ស៊ុន សំអុល មេធាវីរបស់លោក ដូរ៉ូសិនកូ បានបដិសេធថា កូនក្តីរបស់លោកមិនបានរំលោភកិច្ចសន្យាណាមួយជាមួយលោក ប៉ូលុនស្គីទេ ហើយបានត្អូញត្អែរថា លោកត្រូវបានជូនដំណឹងអំពីសេចក្តីបង្គាប់របស់សាលាឧទ្ធរណ៍រយៈពេលតែមួយថ្ងៃមុនប៉ុណ្ណោះ។
លោកបានមានប្រសាសន៍ថា "យើងមានគម្រោងដាក់ពាក្យបណ្តឹងទៅអង្គភាពប្រឆាំងអំពើពុករលួយ ពីព្រោះ យើងចង់ឲ្យសមាជិកសភាបានដឹងអំពីចំណាត់ការរបស់សាលាឧទ្ធរណ៍ ពីព្រោះវាហាក់ដូចជាខុសប្រក្រតី"។
លោកបានបន្ថែមថា "ខ្ញុំមិនចោទប្រកាន់មន្ត្រីទាំងនោះនៅសាលាឧទ្ធរណ៍ថា ពុករលួយទេ ប៉ុន្តែយើងអាចមើលឃើញថា ករណីនេះត្រូវបានចាត់ការរហ័សពេក"។
កាលពីដើមខែធ្នូ ជនជាតិរុស្ស៊ីដែលជាគូប្រជែងនេះបានប្តឹងតបតគ្នាជុំវិញការអះអាងរបស់លោក ដូរ៉ូសិនកូ ដែលថា លោក ប៉ូលុនស្គី អាយុ៤២ឆ្នាំ បានបញ្ជាឲ្យគេវាយរូបលោក ដែលទីបំផុតបានធ្វើឲ្យកូនប្រុសរបស់លោកឈ្មោះ អូសថេប បាក់ឆ្អឹងថ្គាម។
នៅក្នុងខែដដែលនោះ សាលាដំបូងខេត្តព្រះសីហនុ បានចេញសេចក្តីជូនដំណឹងបង្គាប់ឲ្យលោក ប៉ូលុនស្គី អាយុ៤២ឆ្នាំ ដែលគេចង់ចាប់ខ្លួនក្នុងទីក្រុងមូស្គូ ជុំវិញការចោទប្រកាន់ពីបទកិបកេងប្រាក់រាប់លានដុល្លារ ចាកចេញពីកោះឯកជនរបស់លោកនៅក្នុងសមុទ្រក្រុងព្រះសីហនុ គឺកោះដែកគោល។
កាលពីថ្ងៃទី២៣ ខែធ្នូ តុលាការបានចោទប្រកាន់លោក ដូរ៉ូសិនកូ អាយុ៥៤ឆ្នាំ ពីបទរំលោភសេចក្តីទុកចិត្តដោយមិនបានប្រគល់អាជ្ញាប័ណ្ណវិនិយោគសម្រាប់កោះបួនផ្សេងទៀតទៅឲ្យលោក ប៉ូលុនស្គី។ តុលាការមិនបានចាត់វិធានការអនុវត្តសេចក្តីសម្រេចឡើយ៕សារុន (រាយការណ៍បន្ថែមដោយ Ben Woods)
កងរាជអាវុធហត្ថដោះលែងបុរសម្នាក់ដែលពាក់ព័ន្ធការផ្សព្វផ្សាយ ពាក្យចចាមអារ៉ាមក្នុងក្រុងប៉ោយប៉ែត
កាលពីម្សិលមិញ កងរាជអាវុធហត្ថខេត្តបន្ទាយមានជ័យបានដោះលែងមន្ត្រីកងយោធពលខេមរភូមិន្ទម្នាក់ដែលត្រូវបានចាប់ខ្លួនកាលពីថ្ងៃច័ន្ទចំពោះការដែលលោកជាប់ពាក់ព័ន្ធក្នុងករណីដែលស្ត្រីម្នាក់បានផ្សព្វផ្សាយពាក្យចចាមអារ៉ាមដែលថា នៅពេលឆាប់ៗនេះលោកនឹងក្លាយជាអភិបាលក្រុងប៉ោយប៉ែតបន្ទាប់។
អ្នកស្រី ទ្រី ណាតបារាំង អាយុ៤៥ឆ្នាំកំពុងត្រូវឃុំខ្លួនដោយកងរាជអាវុធហត្ថនៅឡើយចំពោះការចុះតាមភោជនីយដ្ឋាន និងហាងមួយចំនួននៅក្នុងក្រុង ហើយបង្កភាពចលាចលដោយប្រាប់អ្នកស្រុកថា លោក ឱក សុផាន អាយុ៥៣ឆ្នាំជាអ្នករកស៊ីខាងដីធ្លី និងជាវរសេនីយ៍ទោកងយោធពលខេមរភូមិន្ទ នៅពេលឆាប់ៗនេះនឹងកាន់តួនាទីជំនួសលោក ង៉ោ ម៉េងជ្រួន អភិបាលក្រុងប៉ោយប៉ែត។
កងរាជអាវុធហត្ថបានឲ្យដឹងថា អ្នកស្រី ណាតបារាំង ដែលក៏ជាអ្នករកស៊ីខាងដីធ្លីដែរនោះក៏បានអះអាងផងដែរថា ត្រូវជាបងប្អូនជីទួតមួយលោកនាយករដ្ឋមន្ត្រី ហ៊ុន សែន។
លោក ជុំ សុឃឿន ប្រធានការិយាល័យបង្ក្រាបបទល្មើសខេត្តនៃកងរាជអាវុធហត្ថបានមានប្រសាសន៍ថា លោក សុផាន ត្រូវបានដោះលែង ពីព្រោះគាត់មិនជាប់ពាក់ព័ន្ធក្នុងការផ្សព្វផ្សាយពាក្យចចាមអារា៉ាមនោះឡើយ។
លោកបានមានប្រសាសន៍ថា "យើងបានដោះលែងគាត់ ពីព្រោះបន្ទាប់ពីបានសាកសួររួចមក យើងរកឃើញថា គាត់មិនមែនជាអ្នកដែលបានបង្កភាពចលាចលទេ ប៉ុន្តែ គាត់ជាអ្នកចាញ់បោកអ្នកស្រី ទ្រី ណាតបារាំង តែប៉ុណ្ណោះ"។
កងរាជអាវុធហត្ថបានឲ្យដឹងថា លោក សុផាន បានប្រាប់ពួកគេថា គាត់ជឿអ្នកស្រី ណាតបារាំង។ លោក សុឃឿន បានមានប្រសាសន៍ថា ស្ត្រីរូបនេះនឹងត្រូវបញ្ជូនទៅសាលាដំបូងខេត្តដើម្បីធ្វើការសាកសួរនៅថ្ងៃនេះ៕សារុន
មន្ត្រីកម្ពុជាការពារការដាក់ពន្ធនាគារសកម្មជនចំពោះមុខប្រេសិតអាមេរិក
កាលពីថ្ងៃអង្គារ រដ្ឋលេខាធិការក្រសួងការបរទេសបានការពាររដ្ឋាភិបាលក្នុងការដាក់ពន្ធនាគារសកម្មជន១១នាក់និងមន្ត្រីក្រុមប្រឆាំងម្នាក់ ដែលទង្វើនេះត្រូវបានគេរិះគន់ជាទូទៅ អំឡុងកិច្ចប្រជុំបិទទ្វារជាមួយអ្នកការទូតអាមេរិកដែលកំពុងធ្វើទស្សនកិច្ច។
លោក ដានីញ៉ែល រ៉ូស្សែល (Daniel Russel) ឧបការីរដ្ឋមន្ត្រីក្រសួងការបរទេសសហរដ្ឋអាមេរិក ទទួលបន្ទុកកិច្ចការអាស៊ីបូព៌ានិងប៉ាស៊ីកហ្វិក បានមកធ្វើទស្សនកិច្ចប្រទេសកម្ពុជាកាលពីថ្ងៃអង្គារ និងបានជួបជាមួយលោក អ៊ុច បូរិទ្ធិ រដ្ឋលេខាធិការក្រសួងការបរទេសនិងសហប្រតិបត្តិការអន្តរជាតិ។
ថ្លែងទៅកាន់អ្នកយកព័ត៌មានបន្ទាប់ពីជំនួបនៅក្រសួងនេះក្នុងក្រុងភ្នំពេញ លោក បូរិទ្ធិ បានមានប្រសាសន៍ថា លោកបានប្រាប់លោក រ៉ូស្សែល ថា បណ្តាញព័ត៌មានបានផ្សព្វផ្សាយលម្អៀងអំពីការចាប់ខ្លួនសកម្មជន១១នាក់កាលពីខែវិច្ឆិកា។
លោក បូរិទ្ធិ បានមានប្រសាសន៍ថា...
កងរាជអាវុធហត្ថចាប់ខ្លួនស្ត្រីម្នាក់ក្នុងក្រុងប៉ោយប៉ែតពីបទផ្សព្វផ្សាយ ពាក្យចចាមអារ៉ាម
កងរាជអាវុធហត្ថខេត្តបន្ទាយមានជ័យ កាលពីថ្ងៃច័ន្ទ ចានចាប់ខ្លួនស្ត្រីអាយុ៤៥ឆ្នាំម្នាក់ពីបទបង្ក"ភាពចលាចល" ក្នុងក្រុងប៉ោយប៉ែត ដោយអះអាងថា ត្រូវជាសាច់ញាតិរបស់លោកនាយករដ្ឋមន្ត្រី ហ៊ុន សែន ហើយបានផ្សព្វផ្សាយពាក្យចចាមអារ៉ាមថា អ្នករកស៊ីខាងដីធ្លីក្នុងមូលដ្ឋានម្នាក់នៅពេលឆាប់ៗនេះនឹងធ្វើជាអភិបាលក្រុងនៅតាមព្រំដែននេះ។
យោងតាមលោក ឱ បូរិន មេបញ្ជាការកងរាជអាវុធហត្ថខេត្តបានឲ្យដឹងថា អ្នកស្រី ទ្រី ណាតបារាំង ត្រូវបានចាប់ខ្លួននៅភោជនីយដ្ឋានមួយក្នុងសង្កាត់ផ្សារកណ្តាល ក្រុងប៉ោយប៉ែត ខណៈព្យាយាមបញ្ចុះបញ្ចូលអ្នកបរិភោគអាហារផ្សេងទៀតថា មិត្តភក្តិរបស់លោកស្រី គឺលោក ឱក សុផាន អាយុ៥៣ឆ្នាំ នឹងជំនួសលោក ង៉ោ ម៉េងជ្រួន អភិបាលក្រុង។ លោកបានមានប្រសាសន៍ថា លោក សុផាន ក៏ត្រូវបានចាប់ខ្លួនកាលពីថ្ងៃច័ន្ទផងដែរ។
លោកឧត្តមសេនីយ៍ត្រី ឱ បូរិន បានមានប្រសាសន៍ថា អ្នកស្រី ណាតបារាំង ដែលក៏ជាអ្នករកស៊ីខាងដីធ្លីម្នាក់ដែរបានចំណាយពេលច្រើនថ្ងៃកន្លងមកទៅកាន់ភោជនីយដ្ឋាន ហាងកាហ្វេ និងហាងមួយចំនួនទៀតនៅក្នុងក្រុង ក្នុងការខិតខំប្រឹងប្រែងដើម្បីដើរបញ្ចុះបញ្ចូលថា លោក សុផាន នឹងកាន់តួនាទីនេះ ដោយអះអាងថា គាត់ត្រូវជាបងប្អូនជីទួតមួយរបស់លោកនាយករដ្ឋមន្ត្រី ហើយបានសំដៅអ្នកស្រីខ្លួនឯងថា ជា "លោកជំទាវ"។
លោកបានមានប្រសាសន៍ថា "យើងបានចាប់ខ្លួនស្ត្រីរូបនេះកាលពីម្សិលមិញ ពីព្រោះគាត់បានផ្សព្វផ្សាយពាក្យចចាមអារ៉ាមថា គាត់ជាសាច់ញាតិរបស់មន្ត្រីជាន់ខ្ពស់។ លោកបានបន្ថែមថា អ្នកស្រី ណាតបារាំង ក៏អះអាងផងដែរថា ជាសាច់ញាតិរបស់លោកឧកញ៉ា ទ្រី ភាព ផងដែរ។
លោកបានបន្ថែមថា "ស្ត្រីរូបនេះបានបង្កភាពចលាចលនៅក្នុងក្រុង និងនៅក្នុងខេត្តទាំងមូលដោយព្យាយាមលើកស្ទួយនរណាម្នាក់ឲ្យក្លាយជាអភិបាលក្រុងថ្មី"។
ឧត្តមសេនីយ៍ត្រី ឱ បូរិន បានមានប្រសាសន៍ថា អ្នកស្រី ណាតបារាំង កំពុងត្រូវឃុំខ្លួននៅទីបញ្ជាការដ្ឋានកងរាជអាវុធហត្ថខេត្ត ហើយនឹងត្រូវបញ្ជូនទៅសាលាដំបូងខេត្តដើម្បីធ្វើការសាកសួរនៅថ្ងៃស្អែក។
លោកបានមានប្រសាសន៍ថា លោក សុផាន កំពុងត្រូវឃុំខ្លួននៅទីបញ្ជាការដ្ឋានកងរាជអាវុហត្ថក្រុងប៉ោយប៉ែត ទីដែលលោកបានប្រាប់អ្នកសើុបអង្កេតថា បើទោះជាមិនមានបទពិសោធន៍នយោបាយក៏ដោយ ក៏លោកត្រូវបានបញ្ចុះបញ្ចូលតាមរយៈការអះអាងរបស់មិត្តភក្តិខ្លួនថា លោកអាចធ្វើជាអភិបាលក្រុងបានដែរ។
ឧត្តមសេនីយ៍ត្រី ឱ បូរិន បានមានប្រសាសន៍ថា "យើងបានសាកសួរគាត់ ហើយគាត់បាននិយាយថា គាត់ជឿស្ត្រីរូបនោះ ពីព្រោះស្ត្រីរូបនោះអះអាងថា គាត់នឹងអញ្ជើញសម្តេចតេជោ ហ៊ុន សែន មកចូលរួមក្នុងពិធីនេះ។
លោក ម៉េងជ្រួន អភិបាលក្រុងប៉ោយប៉ែតបានមានប្រសាសន៍កាលពីម្សិលមិញថា លោកបានឮព័ត៌មានអំពីការចាប់ខ្លួនអ្នកស្រី ណាតបារាំង ហើយបានគាំទ្រការសម្រេចឃុំខ្លួនស្ត្រីរូបនេះ។ លោកបានមានប្រសាសន៍ថា "សកម្មភាពរបស់គាត់ធ្វើឲ្យប៉ះពាល់ដល់សណ្តាប់ធ្នាប់សាធារណៈ និងកិត្តិយសរបស់មន្ត្រីរដ្ឋាភិបាលជាន់ខ្ពស់។អាជ្ញាធរមានសិទ្ធិចាប់ខ្លួនស្ត្រីរូបនេះ"។ លោកបានបន្ថែមថា "ខ្ញុំមិនដែលទទួលបានបទបញ្ជាណាមួយឲ្យចាកចេញពីតួនាទីនេះ ឬព័ត៌មានណាមួយអំពីអភិបាលថ្មីឡើយ"៕សារុន
កម្មករសំណង់ត្រូវចាប់ខ្លួនខណៈកំពុងចាប់រំលោភក្មេងស្រីសិស្សសាលានៅតាមផ្លូវ
នគរបាលនិយាយកាលពីម្សិលមិញថា យុវជនអាយុ២១ឆ្នាំម្នាក់ត្រូវបានចាប់ខ្លួននៅក្នុងខេត្តបន្ទាយមានជ័យ កាលពីថ្ងៃច័ន្ទ ខណៈកំពុងធ្វើសកម្មភាពរំលោភក្មេងស្រីអាយុ១២ឆ្នាំម្នាក់ដែលខ្លួនបានចាប់ទម្លាក់ពីលើកង់ ពេលនាងជិះកង់ចេញពីសាលាត្រឡប់ទៅផ្ទះវិញ ហើយក្រោយមកជននេះបានសារភាពថា ខ្លួនក៏បានចាប់រំលោភក្មេងស្រីអាយុ៩ឆ្នាំម្នាក់ទៀតដែរកាលពីដើមខែនេះ។
លោក េសត ឡោះ ស្នងការរងខេត្តបន្ទាយមានជ័យបានមានប្រសាសន៍ថា នគរបាលមូលដ្ឋានបានចាប់ខ្លួនកម្មករសំណង់ម្នាក់ឈ្មោះ មឿន សេត នៅក្នុងឃុំចំណោម ស្រុកមង្គលបុរី បន្ទាប់ពីអ្នកស្រុកម្នាក់បានប្ដឹងអាជ្ញាធរអំពីបទល្មើសនេះ។
លោកបានមានប្រសាសន៍ទៀតថា "ពេលក្មេងស្រីម្នាក់កំពុងជិះកង់តាមផ្លូវ ជននេះបានមកចាប់នាងពីក្រោយ ហើយរំលោភនាង។ យុវជននេះគឺជាជនសង្ស័យនៅក្នុងករណីរំលោភក្មេងស្រីពីរនាក់នៅក្នុងឃុំនេះនៅខែនេះ"។
លោក អុិន សំអាត នាយប៉ុស្តិ៍ឃុំចំណោម បានមានប្រសាសន៍ថា...
Latest news
© 2021, ដេលី. All rights reserved.