 ៥នាក់ និងក្រុមយុវជនខ្មែរថាវរៈ ៤នាក់ ត្រូវបានអាជ្ញាធរខេត្តតាកែវ ដោះលែងវិញក្រោយពីអាជ្ញាធរឃាត់ខ្លួនបញ្ជូនទៅកាន់អធិការដ្ឋាននគរបាលស្រុកបាទី ដើម្បីធ្វើការសាកសួរ ខណៈពួកគេចុះថតរូបនៅបរិវេណភ្នំតាម៉ៅ និងចុះទៅប្រមូលស្នាមមេដៃគ្រោងដាក់ញត្តិទៅកាន់មន្ទីរកសិកម្មខេត្តតាកែវ។){kind=link}
អ្នកសារព័ត៌មាន វីអូឌី (VOD) ៥នាក់ និងក្រុមយុវជនខ្មែរថាវរៈ ៤នាក់ ត្រូវបានអាជ្ញាធរខេត្តតាកែវ ដោះលែងវិញក្រោយពីអាជ្ញាធរឃាត់ខ្លួនបញ្ជូនទៅកាន់អធិការដ្ឋាននគរបាលស្រុកបាទី ដើម្បីធ្វើការសាកសួរ ខណៈពួកគេចុះថតរូបនៅបរិវេណភ្នំតាម៉ៅ និងចុះទៅប្រមូលស្នាមមេដៃគ្រោងដាក់ញត្តិទៅកាន់មន្ទីរកសិកម្មខេត្តតាកែវ។
អ្នកសារព័ត៌មានវីអូឌី ចំនួន ៥នាក់ដែលចុះទៅយកព័ត៌មាន និងថតរូបសកម្មភាពដាំដើមឈើលើទីតាំងដីភ្នំតាម៉ៅ ដែលត្រូវបានក្រុមហ៊ុន ឡេង ណាវ៉ាត្រា ឈូសឆាយកាលពីពេលថ្មីៗនេះ ត្រូវសមត្ថកិច្ចឃាត់ខ្លួនសាកសួរ។ ចំណែកក្រុមយុវជនខ្មែរថាវរៈចំនួន ៤នាក់ទៀត ក្នុងនោះរួមមានលោក ហ៊ុន វណ្ណៈ កញ្ញា ឈឿន ដារ៉ាវី កញ្ញា ឆែម ស្រីគា និងលោក សុគន្ធ តុលា ក៏ត្រូវអាជ្ញាធរឃាត់ខ្លួនសាកសួរដែរ បន្ទាប់ពីពួកគេចុះទៅប្រមូលស្នាមមេដៃ និងគ្រោងដាក់ញត្តិទៅកាន់មន្ទីរកសិកម្មខេត្តតាកែវ នៅវេលាម៉ោង ២រសៀលថ្ងៃទី១៦ ខែសីហា។
ការប្រមូលស្នាមមេដៃនេះ ដើម្បីស្នើទៅប្រធានមន្ទីរកសិកម្មខេត្តតាកែវ លោក ញិប ស្រ៊ន បកស្រាយអំពីព័ត៌មានដែលថាមានសកម្មភាពខួងរណ្តៅជម្រៅជ្រៅ បោះបង្គោលនៅជុំវិញតំបន់ភ្នំតាម៉ៅ ដោយមិនឱ្យពលរដ្ឋចូលទៅដាំកូនឈើ និងមិនឱ្យអ្នកសារព័ត៌មានចូលទៅក្នុងបរិវេណនៃតំបន់នោះ។
អ្នកសារព័ត៌មានវីអូឌី ៥នាក់ និងយុវជនខ្មែរថាវរៈ ៤នាក់ត្រូវបានអាជ្ញាធរចាប់ខ្លួនបញ្ជូនទៅកាន់អធិការដ្ឋាននគរបាលស្រុកបាទី ផងដែរ ប៉ុន្តែក្រោយពីសាកសួររួច ពួកគេទាំង ៩នាក់ត្រូវបានសមត្ថកិច្ចដោះលែងវិញនៅថ្ងៃដដែល។
អ្នកអត្ថាធិប្បាយតាមហ្វេសប៊ុកមួយរូបដែលគាំទ្រគ្រួសារត្រកូលហ៊ុន ឈ្មោះ ផែង វណ្ណៈ បានហៅអ្នកសារព័ត៌មានវីអូឌីដែលចុះធ្វើរឿងភ្នំតាម៉ៅ ថាជាពួកក្បត់ជាតិដែលបម្រើនយោបាយបរទេស ប្រមាថប្រទេសជាតិខ្លួនឯង។ លោកបន្តថា រាជរដ្ឋាភិបាលមានផែនការដាំដើមឈើឡើងវិញ ប៉ុន្តែពួកស៊ីពែភ្នំតាម៉ៅ ជាពិសេសពួកស៊ីឈ្នួលបរទេសប្រមាថប្រទេសជាតិខ្លួនឯងចុះទៅបង្កើតព័ត៌មានវាយប្រហារមកលើប្រទេសកម្ពុជាដដែលជាដដែល។ លោកជំរុញឲ្យសមត្ថកិច្ចលត់ដំខ្លះទៅចំពោះពួកវីអូឌីនេះ ដោយលោកចោទប្រកាន់ថាអ្នកធ្វើការនៅវីអូឌីសុទ្ធតែពួកក្បត់ជាតិ ដែលបម្រើនយោបាយបរទេសប្រមាថប្រទេសជាតិខ្លួនឯង។
កាលពីថ្ងៃទី០៧ ខែសីហា លោក ហ៊ុន សែន បានបញ្ជាឲ្យលុបចោលទាំងអស់ចំពោះសកម្មភាពឈូសឆាយ និងបញ្ជាឱ្យដាំដើមឈើឡើងវិញ។ ការប្រកាសរបស់លោក ហ៊ុន សែន នេះ ក្រោយពីមានប្រតិកម្មពីសកម្មជន និងពលរដ្ឋខ្លាំងជុំវិញការផ្ដល់សិទ្ធិឲ្យក្រុមហ៊ុន ឡេង ណាវ៉ាត្រា ឈូសឆាយដីព្រៃភ្នំតាម៉ៅ។
ផ្ទៃដីព្រៃភ្នំតាម៉ៅ ទំហំជិត ៦០០ហិកតារដែលស្ថិតនៅក្រោមការគ្រប់គ្រងដោយរដ្ឋបាលព្រៃឈើ ត្រូវបានឈូសឆាយ និងកាប់បំផ្លាញកាលពីចុងខែកក្កដា ក្រោយពីលោក ហ៊ុន សែន ប្រគល់ទៅឱ្យក្រុមហ៊ុនឯកជនដែលត្រូវបានគេស្គាល់ថា ជារបស់លោក ឡេង ណាវ៉ាត្រា និងលោក ឃុន សៀ ដើម្បីធ្វើការអភិវឌ្ឍ៕