ជនជាតិចិន៥នាក់ពាក់ព័ន្ធនឹងឧក្រិដ្ឋកម្មលាងលុយកខ្វក់នៅកម្ពុជាត្រូវបានចាប់បញ្ជូនទៅប្រទេសកំណើតវិញ

ក្រសួងសន្តិសុខសាធារណៈរបស់ចិន ប្រកាសថា ក្រុមការងារប្រមាញ់សត្វកញ្ជ្រោង “Fox Hunt” បាននាំខ្លួនជនសង្ស័យជនជាតិចិន ចំនួន ៥នាក់ ត្រឡប់ទៅកាន់ប្រទេសចិន វិញ ក្រោយពីពួកគេធ្វើឧក្រិដ្ឋកម្មលាងលុយកង្វក់ក្នុងប្រទេសកម្ពុជា។

យោងតាមការចុះផ្សាយរបស់សារព័ត៌មានចិន China daily កាលពីថ្ងៃសុក្រ ទី៦ ខែកញ្ញា ឲ្យដឹងថា ជនសង្ស័យជនជាតិចិន ៥នាក់ដែលក្រុមការងារចិន “Fox Hunt” ចាប់បញ្ជូនទៅកាន់ប្រទេសចិន វិញកាលពីថ្ងៃទី៦ កញ្ញា បានរងការចោទប្រកាន់ថាបានគាំទ្រក្រុមឧក្រិដ្ឋជនក្លែងបន្លំទូរគមនាគមន៍ តាមរយៈការជួយសម្រួលដល់ការផ្ទេរប្រាក់ក្នុងប្រទេសកម្ពុជា។

សារព័ត៌មានដដែលបានអះអាងថា ជនសង្ស័យចិន ទាំង ៥នាក់ បានជ្រើសរើសជនជាតិចិន ជាង ១០០នាក់ផ្សេងទៀតតាមប្រព័ន្ធអ៊ីនធឺណិត ដោយបានសន្យាផ្ដល់ការងារក្រៅម៉ោង និងជួយសម្រួលឲ្យពួកគេទទួលបានប្រាក់កម្ចីនៅក្នុងប្រទេសកម្ពុជា កាលពីខែមិថុនា ឆ្នាំ២០២៣។

ប្រភពដដែលបានអះអាងថា នៅខែកញ្ញា ឆ្នាំ២០២៣ ការិយាល័យសន្តិសុខសាធារណៈក្រុងសៀងហៃ បានចាប់ផ្តើមការស៊ើបអង្កេតជាផ្លូវការលើជនជាតិចិន ទាំង ៥រូបនោះ។

ជនសង្ស័យជនជាតិចិន ទាំង ៥រូប បានផ្ទេរលុយដោយខុសច្បាប់តាមរយៈការក្លែងបន្លំទូរគមនាគមន៍ និងប្រព្រឹត្តឧក្រិដ្ឋកម្មជាបន្តបន្ទាប់ ដូចជាការលាងលុយកខ្វក់ដោយប្រើមធ្យោបាយទិញលុយឌីជីថល។

សារព័ត៌មានចិន China daily បានសរសេរថា ដើម្បីគេចពីការស៊ើបអង្កេត ជនសង្ស័យទាំង ៥នាក់តែងតែផ្លាស់ប្ដូរទីលំនៅក្នុងប្រទេសកម្ពុជា។ រហូតដល់ខែមិថុនា ឆ្នាំ២០២៤ ទើបអាជ្ញាធរកម្ពុជាបានចាប់ខ្លួនជនសង្ស័យទាំង ៥នាក់នោះ និងសម្រេចបញ្ជូនខ្លួនជនល្មើសទៅកាន់ប្រទេសចិន វិញ នៅថ្ងៃទី៦ ខែកញ្ញា។

អនុប្រធានអចិន្ត្រៃយ៍នៃគណៈកម្មាធិការប្រឆាំងអំពើជួញដូរមនុស្ស លោកស្រី ជូ ប៊ុនអេង បានប្រាប់អ្នកសារព័ត៌មានក្នុងស្រុកកន្លងមកថា កម្ពុជាត្រៀមខ្លួនរួចរាល់ដើម្បីសហការជាមួយបណ្តាប្រទេសនានាក្នុងការប្រយុទ្ធប្រឆាំងបទល្មើសឆបោកតាមប្រព័ន្ធអ៊ីនធឺណិត។ លោកស្រីថា ទោះមាន ឬគ្មានកិច្ចសហការ ក៏អាជ្ញាធរកម្ពុជានៅតែបន្តស៊ើបអង្កេតស្វែងរកទីតាំងដែលក្រុមជនល្មើសធ្វើប្រតិបត្តិការឆបោកខុសច្បាប់ដែរ។

យោងតាមព័ត៌មានពីស្ថានទូតចិន ប្រចាំកម្ពុជា បានឲ្យដឹងថា ក្នុងរយៈពេល ៦ខែដើមឆ្នាំ២០២៤ អាជ្ញាធរកម្ពុជាបានចាប់បញ្ជូនជនជាតិចិន ជាង ១២០០នាក់ឲ្យត្រឡប់ទៅកាន់ប្រទេសកំណើតវិញ ពីបទជាប់ពាក់ព័ន្ធនឹងអំពើឆបោកតាមប្រព័ន្ធអ៊ីនធឺណិតក្នុងប្រទេសកម្ពុជា៕

ជនជាតិចិន៥នាក់ពាក់ព័ន្ធនឹងឧក្រិដ្ឋកម្មលាងលុយកខ្វក់នៅកម្ពុជាត្រូវបានចាប់បញ្ជូនទៅប្រទេសកំណើតវិញ

បទវិភាគ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

បទវិភាគ៖ បក្សប្រឆាំងនៅថៃឡើងកាន់អំណាច បានទាញឱ្យមានការផ្សះផ្សាជាតិទូលំទូលាយ

បទវិភាគ៖ ហ្វីលីពីនលេងហ្គេមជាមួយចិនដើម្បីអូសចិនទៅកាន់តុលាការអន្តរជាតិសាជាថ្មីទៀតករណីជម្លោះដែនសមុទ្រ

បទវិភាគ៖ ពិភពលោកទំនងមិនអាចជួយបញ្ចប់ភ្លើងកំហឹងរបស់អ៊ីស្រាអែលបានទេ

អត្ថបទវិភាគ៖ ដំណោះស្រាយនយោបាយតឹងតែង

បទវិភាគ៖ បក្សកាន់អំណាចបង្កើតបន្ទប់ឃ្លាំមើលអ្នកប្រើប្រាស់អ៊ីនធឺណិត១០ឆ្នាំមកហើយ

អត្ថបទទាក់ទង

ក្រសួងទេសចរណ៍ថាស្ថានទូតចិនសន្យាពង្រឹងវិស័យទេសចរណ៍ជាមួយកម្ពុជាឱ្យកាន់តែទូលំទូលាយ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

សេចក្តីរាយការណ៍៖ ទណ្ឌកម្មអាមេរិកលើឧកញ៉ា លី យ៉ុងផាត់ នឹងប៉ះពាល់ដល់សេដ្ឋកិច្ចគ្រួសារហ៊ុន

សេចក្ដីរាយការណ៍ភាគ២៖ ប្រៀបធៀបទំហំដីខេត្តខ្មែរបួនក្នុងតំបន់អភិវឌ្ឍន៍ត្រីកោណ (CLV) និងដែនដីជ្រោយគ្រីមៀ (Crimea)

សេចក្ដីរាយការណ៍ភាគ១៖ ប្រៀបធៀបតំបន់អភិវឌ្ឍន៍ត្រីកោណ (CLV) ទៅនឹងជ្រោយគ្រីមៀ (Crimea Peninsula)

សេចក្ដីរាយការណ៍៖ ហេតុអ្វីរាជរដ្ឋាភិបាលកម្ពុជាមិនចូលរួមប្រជុំរកសន្តិភាពសម្រាប់ប្រទេសអ៊ុយក្រែន?

សេចក្តីរាយការណ៍ស៊ីជម្រៅស្តីអំពី ផលខាត និងផលចំណេញពីព្រែកជីកហ្វូណនតេជោ (ភាគ២)

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។