ប្រធានគណៈកម្មាធិការសិទ្ធិមនុស្សរដ្ឋាភិបាលប្រាប់ទូតអូស្ត្រាលីថាកម្ពុជាចាប់ខ្លួនតែមេខ្លោងបះបោរប៉ុណ្ណោះ

គណៈកម្មាធិការសិទ្ធិមនុស្សកម្ពុជា ប្រាប់ឯកអគ្គរាជទូតប្រទេសអូស្ត្រាលី ថារដ្ឋាភិបាលកម្ពុជាបានចាប់ខ្លួនក្រុមប្រឆាំងនៅពេលនេះ គឺអនុវត្តតែទៅលើមេខ្លោងដែលនាំឱ្យមានការបះបោរប្រឆាំងនឹងរដ្ឋាភិបាលប៉ុណ្ណោះ។

គណៈកម្មាធិការសិទ្ធិមនុស្សកម្ពុជា បានចេញសេចក្តីប្រកាសព័ត៌មានកាលពីថ្ងៃទី១៤ ខែតុលា ដែលត្រូវបានផ្សព្វផ្សាយនៅថ្ងៃទី១៥ តុលា នេះថា ក្នុងជំនួបជាមួយប្រធានគណៈកម្មាធិការសិទ្ធិមនុស្សកម្ពុជា ឯកអគ្គរាជទូតប្រទេសអូស្ត្រាលី លោក Derek Yip បានលើកឡើងអំពីលំហសិទ្ធិពលរដ្ឋ និងនយោបាយ ក៏ដូចជាសេរីភាពនៃការបញ្ចេញមតិ និងសេរីភាពសារព័ត៌មានផងដែរ។

ជាងនេះទៀត ឯកអគ្គរាជទូតរូបនេះក៏បានលើកឡើងពីករណីការចាប់ខ្លួនលោក ម៉ិច ដារ៉ា ករណីសកម្មជនចលនាមាតាធម្មជាតិ និងករណីការចាប់ខ្លួនបុគ្គលមួយចំនួនដែលប្រឆាំងនឹងកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ និងវៀតណាម (CLV-DTA) ថែមទៀត។

ប្រភពដដែលបញ្ជាក់ថា ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានឆ្លើយតបទៅកាន់ឯកអគ្គរាជទូតប្រទេសអូស្ត្រាលី លោក Derek Yip ថា ការចាប់ខ្លួនបុគ្គលមួយចំនួនប្រឆាំងទៅនឹងកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ និងវៀតណាម (CLV-DTA) គឺធ្វើឡើងចំពោះតែមេខ្លោងដែលដឹកនាំឱ្យរកការបះបោរតែប៉ុណ្ណោះ។

ចំណែកការចាប់ខ្លួនសកម្មជនចលនាមាតាធម្មជាតិ គឺជាករណីនៃការធ្វើកុបកម្មរបស់ពួកគេកាលពីឆ្នាំ២០១៣ កន្លងទៅ ក្នុងនោះ លោក កែវ រ៉េមី ក៏បានពន្យល់ពីករណីការចាប់ខ្លួនអ្នកសារព័ត៌មានលោក ម៉ិច ដារ៉ា ដល់ឯកអគ្គរាជទូតរូបនេះផងដែរ។

ប្រធានគណបក្សជំនាន់ថ្មី លោក មាជ សុវណ្ណារ៉ា ប្រាប់សារព័ត៌មាន The Cambodia Daily នៅថ្ងៃទី១៥ តុលា នេះថា ការបកស្រាយអំពីការប្រើប្រាស់សិទ្ធិនានារបស់ពលរដ្ឋដោយភាគីម្ខាងៗដែលប្រកាន់ជំហររៀងខ្លួនជាសិទ្ធិសេរីភាពរបស់បុគ្គលម្នាក់ៗ ប៉ុន្តែបញ្ហាសំខាន់គឺត្រូវធ្វើឱ្យពលរដ្ឋទុកចិត្តការអនុវត្តរបស់ស្ថាប័នសាមី នោះទើបជាអ្វីដែលពលរដ្ឋចង់បាន។

លោក មាជ សុវណ្ណារ៉ា សំណូមពរឱ្យរដ្ឋាភិបាលពិនិត្យលើការអនុវត្តសិទ្ធិមនុស្សឱ្យបានហ្មត់ចត់ ដើម្បីធានានូវការប្រើប្រាស់សិទ្ធិរបស់ពលរដ្ឋមានលំហពេញលេញដោយគ្មានការគាបសង្កត់។

ប្រធានបក្សក្រៅរដ្ឋាភិបាលរូបនេះបញ្ជាក់ថា ប្រសិនបើរដ្ឋាភិបាលអនុវត្តសិទ្ធិពលរដ្ឋដោយអត្តនោម័តិ នោះការអនុវត្តសិទ្ធិជាមូលដ្ឋានរបស់ពលរដ្ឋក៏អាចនឹងមានភាពខ្វះចន្លោះប្រហោងដែរ ហើយការខ្វះចន្លោះប្រហោងបែបនេះ នឹងធ្វើឱ្យកម្ពុជារងនូវការរិះគន់ ដែលធ្វើឲ្យប៉ះពាល់ដល់មុខមាត់របស់កម្ពុជាលើឆាកអន្តរជាតិផងដែរ។

កាលពីដើមខែកញ្ញា ឆ្នាំ២០២៤ លោក ហ៊ុន សែន គំរាមថា អ្នកដែលប្រឆាំងនឹងរដ្ឋាភិបាលកម្ពុជា ជាពិសេសគម្រោងអភិវឌ្ឍន៍ត្រីកោណ ដែលរស់នៅក្រៅស្រុកអាចរួចខ្លួន ប៉ុន្តែសម្រាប់អ្នកដែលរស់នៅក្នុងស្រុក គឺត្រូវតែចាប់ដាក់គុកទាំងអស់៕

ប្រធានគណៈកម្មាធិការសិទ្ធិមនុស្សរដ្ឋាភិបាលប្រាប់ទូតអូស្ត្រាលីថាកម្ពុជាចាប់ខ្លួនតែមេខ្លោងបះបោរប៉ុណ្ណោះ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

សង្គមស៊ីវិលព្រមានថា កង្វះការរាយការណ៍ដោយឯករាជ្យ កម្ពុជាត្រូវបានគ្របដណ្ដប់ដោយព័ត៌មានមិនពិតនិងក្លែងបន្លំ

ក្រុមអង្គការសង្គមស៊ីវិលប្រារព្ធទិវាសេរីភាពសារព័ត៌មានពិភពលោក ខណៈសេរីភាពសារព័ត៌មាននៅកម្ពុជាកំពុងប្រឈម

របាយការណ៍បង្ហាញថាស្ថានភាពសិទ្ធិមនុស្សនៅកម្ពុជាឆ្នាំ២០២៥ នៅតែបន្តរឹតត្បិត បើធៀបនឹងឆ្នាំ២០២៤

ឧទ្ធរណ៍ខេត្តបាត់ដំបង លើកពេលប្រកាសសាលដីកាសំណុំរឿងអ្នកកាសែតអនឡាញពីរនាក់ទៅចុងខែមីនា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន