ឧត្ដមសេនីយ៍ វង្ស ពិសេន អំពាវនាវឱ្យមានកិច្ចសហការស៊ីជម្រៅក្នុងតំបន់ឥណ្ឌូ-ប៉ាស៊ីហ្វិកដើម្បីប្រឆាំងឧក្រិដ្ឋកម្មផ្សេងៗ

អង្គមេបញ្ជាការកងយោធពលខេមរភូមិន្ទកម្ពុជា បង្ហាញពីភាពចាំបាច់ក្នុងការពង្រឹងកិច្ចសហប្រតិបត្តិការក្នុងភូមិភាគ ដោយអំពាវនាវឲ្យមានកិច្ចសហការឲ្យកាន់តែជ្រៅក្នុងតំបន់ឥណ្ឌូ-ប៉ាស៊ីហ្វិក និងបញ្ជាក់អំពីការប្ដេជ្ញាចិត្តជាថ្មីរបស់កម្ពុជា ចំពោះការប្រយុទ្ធទប់ទល់នឹងឧក្រិដ្ឋកម្មតាមអ៊ីនធឺណិត ឧក្រិដ្ឋកម្មឆ្លងដែន ភេរវកម្ម ការគំរាមកំហែងសន្តិសុខផ្ទៃសមុទ្រ ការផ្លាស់ប្ដូរអាកាសធាតុ និងគ្រោះមហន្តរាយធម្មជាតិ។

ឧត្ដមសេនីយ៍ វង្ស ពិសេន អង្គមេបញ្ជាការកងយោធពលខេមរភូមិន្ទ គូសបញ្ជាក់ដូចនេះក្នុងកិច្ចប្រជុំតាមវីដេអូកាលពីថ្ងៃពុធកន្លងទៅនេះជាមួយមេទ័ពបណ្តាប្រទេសក្នុងតំបន់ឥណ្ឌូ-ប៉ាស៊ីហ្វិក ក្រោមអធិបតីភាពឧត្ដមនាវីអាមេរិកាំង លោក Samuel Paparo មេបញ្ជាការនៃកងកម្លាំងយោធាឥណ្ឌូ-ប៉ាស៊ីហ្វិក។

តាមទីភ្នាក់ងារព័ត៌មានជាតិកម្ពុជា អាកាប៉េ (AKP) ដែលសារព័ត៌មាននៅប្រទេសអារ៉ាបរួម PressXPress ផ្សាយនៅថ្ងៃសុក្រ ទី៧ ខែកុម្ភៈ ឧត្ដមសេនីយ៍ វង្ស ពិសេន ចង់ឲ្យមានការចែកចាយធនធាន ការផ្លាស់ប្ដូរជំនាញទៅវិញទៅមកជាមួយកងទ័ពនៃប្រទេសក្នុងតំបន់ឥណ្ឌូ-ប៉ាស៊ីហ្វិក។

គួរបញ្ជាក់ថា៖ សម្ព័ន្ធភាពនៃប្រទេសក្នុងតំបន់ឥណ្ឌូ-ប៉ាស៊ីហ្វិកនេះហើយដែលធ្វើឲ្យចិន មិនសប្បាយចិត្ត ពីព្រោះក្រុងប៉េកាំង ចាត់ទុកការហាត់ហ្វឹកហ្វឺនធ្វើសមយុទ្ធយោធាជាមួយគ្នាក្នុងដែនសមុទ្រចិនខាងត្បូង ជាការគំរាមកំហែងដល់អធិបតេយ្យជាតិចិន។

ក្នុងសម្ព័ន្ធភាពយោធាឥណ្ឌូ-ប៉ាស៊ីហ្វិក រួមមានសហរដ្ឋអាមេរិក អូស្ត្រាលី ជប៉ុន កូរ៉េខាងត្បូងហ្វីលីពីន និងថៃឡង់ដ៍។ រីឯសម្ព័ន្ធភាព Quad មានសហរដ្ឋអាមេរិក ជប៉ុន អូស្ត្រាលី និងឥណ្ឌា ហើយសម្ព័ន្ធភាពយោធា AUKUS មានប្រទេសអូស្ត្រាលី សហរដ្ឋអាមេរិក និងចក្រភពអង់គ្លេស។

ដំណាលពេលគ្នានេះ ទីភ្នាក់ងារព័ត៌មានបក្សកុម្មុយនីស្តចិន ស៊ីនហ៊ួរ បានផ្សាយសេចក្តីថ្លែងការណ៍ពីអ្នកនាំពាក្យក្រសួងការបរទេសចិន Guo Jiakun បន្ទាប់ពីមានសារព័ត៌មានមួយចំនួនសរសេរអំពីការផ្អាកជំនួយចិន ដល់ប្រទេសកម្ពុជា ថា រដ្ឋការក្រុងប៉េកាំង នឹងមិនអនុញ្ញាតឲ្យសារព័ត៌មានចុះផ្សាយអត្ថបទប្រមាថមើលងាយដល់ទំនាក់ទំនងរវាងប្រទេសចិន និងប្រទេសកម្ពុជា ឡើយ។

អ្នកនាំពាក្យដដែលបន្ថែមថា ចិនសំអាងលើពាក្យសម្ដីមេដឹកនាំខ្មែរ ដែលតែងតែនិយាយថា ចិនជាកល្យាណមិត្ត និងជាមិត្តដ៏រឹងមាំដូចស្រោបដែក៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

កម្ពុជាកំពុងប្រឈមនឹងឧបសគ្គក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាយ៉ាងខ្លាំង

សហរដ្ឋអាមេរិកសរសើររាជរដ្ឋាភិបាលកម្ពុជារឿងចាប់បញ្ជូនឧក្រិដ្ឋជនអាមេរិកាំងម្នាក់ទៅតុលាការអាមេរិក

ជនជាតិថៃ ៧៥នាក់ពាក់ព័ន្ធនឹងបទល្មើសឆបោកតាមអនឡាញត្រូវបានឃាត់ខ្លួននៅកសិដ្ឋានអមរៈ

ក្រសួងមហាផ្ទៃកម្ពុជា ច្រានចោលសេចក្តីរាយការណ៍របស់សារព័ត៌មាន CNA ជុំវិញអំពើឆបោកនៅកម្ពុជា

ឧកញ៉ា លី យ៉ុងផាត់ បដិសេធថាគាត់គ្មានទ្រព្យសម្បត្តិនៅស្រុកថៃ ដូចការចោទប្រកាន់នោះទេ

អ្នកសង្កេតការណ៍ចង់ឃើញក្រុមហ៊ុន Prince Group សុខចិត្តឲ្យគេស៊ើបអង្កេតមុខរបរ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន