សមាជិកសភាជប៉ុន ស្នើច្បាប់បង្កកទ្រព្យសម្បត្តិមន្ត្រីរដ្ឋាភិបាលកម្ពុជានិងភូមា ដែលពាក់ព័ន្ធការរំលោភសិទ្ធិមនុស្ស

សមាជិកសភាជប៉ុន ស្នើឲ្យមានច្បាប់បង្កកទ្រព្យសម្បត្តិ ឬហៅថា Magnitsky Act ទៅលើមន្ត្រីរដ្ឋាភិបាលកម្ពុជា និងមន្ត្រីភូមា ដែលពាក់ព័ន្ធនឹងការរំលោភសិទ្ធិមនុស្ស និងប្រជាធិបតេយ្យ ទៅកាន់គណៈកម្មការកិច្ចការបរទេសរដ្ឋសភាជប៉ុន ឱ្យបានឆាប់ ដើម្បីស្ដារលទ្ធិប្រជាធិបតេយ្យ និងសិទ្ធិមនុស្សនៅប្រទេសទាំងពីរនេះឡើងវិញ។

តំណាងរាស្ត្រគណបក្សប្រឆាំង លោក ណាអូតុ សាកាគូឈិ (Naoto Sakaguchi) នៅថ្ងៃទី២៨ ខែឧសភា ឆ្នាំ២០២៥ នេះ បានបញ្ជាក់ថា ការស្នើច្បាប់នេះ គឺដោយសារតែមន្ត្រីរដ្ឋាភិបាលកម្ពុជា និងភូមា បានបង្ក្រាបទៅលើអ្នកប្រជាធិបតេយ្យយ៉ាងធ្ងន់ធ្ងរ ដោយការចាប់ដាក់គុក ការបាញ់សម្លាប់ រហូតធ្វើឱ្យសកម្មជននានា រួមទាំងអ្នកនយោបាយប្រឆាំងជាដើម ត្រូវរត់ភៀសខ្លួនជាបន្តបន្ទាប់។

បំណងនៃការស្នើច្បាប់នេះ ធ្វើឡើងស្របគ្នាទៅនឹងគោលបំណងនៃការប្រកាសធ្វើបាតុកម្មរបស់ពលករខ្មែរក្នុងប្រទេសជប៉ុន ប្រឆាំងលោក ហ៊ុន ម៉ាណែត ដែលកំពុងមានវត្តមានក្នុងប្រទេសនេះ។

គិតត្រឹមឆ្នាំ២០២៥ នេះ យ៉ាងហោចណាស់មានមន្ត្រីជាន់ខ្ពស់របស់រដ្ឋាភិបាលកម្ពុជា ចំនួន ៦នាក់ហើយ រួមទាំងឈ្មួញទុច្ចរិតដែលស្និទ្ធនឹងលោក ហ៊ុន សែន ផងដែរ ដែលបានទទួលរងនូវទណ្ឌកម្មបង្កកទ្រព្យសម្បត្តិ និងរឹតត្បិតទិដ្ឋាការក្រោមច្បាប់ Magnitsky Act របស់សហរដ្ឋអាមេរិក ដូចជា លោក ចៅ ភិរុណ លោក ទៀ វិញ លោក ហ៊ីង ប៊ុនហៀង លោក គន់ គីម លោក ទ្រី ភាព និងលោក លី យ៉ុងផាត់។

ក្រុមការងារបាតុករក្នុងប្រទេសជប៉ុន លោក គង់ ជិ បានប្រាប់សារព័ត៌មាន The Cambodia Daily នៅថ្ងៃទី២៨ ឧសភា នេះថា ការប្រមូលផ្ដុំធ្វើបាតុកម្មក្នុងប្រទេសជប៉ុន ប្រឆាំងនឹងវត្តមានរបស់លោក ហ៊ុន ម៉ាណែត ដែលនឹងធ្វើដំណើរទស្សនកិច្ចមកប្រទេសជប៉ុន នាពេលខាងមុខនេះ គឺដើម្បីទាមទារឱ្យរដ្ឋាភិបាលខ្មែរស្ដារលទ្ធិប្រជាធិបតេយ្យ និងសិទ្ធិមនុស្សឡើងវិញ។

លោក គង់ ជិ បញ្ជាក់ថា នៅប្រទេសកម្ពុជាសព្វថ្ងៃនេះ សិទ្ធិជាមូលដ្ឋានរបស់ពលរដ្ឋដែលមានចែងក្នុងរដ្ឋធម្មនុញ្ញ ត្រូវបានរារាំងទាំងស្រុងក្រោមការដឹកនាំរបស់បក្សកាន់អំណាច ខណៈច្បាប់ដែលយកមកអនុវត្តកន្លងមកនោះ គឺដើម្បីតែតាមកម្ចាត់អ្នកដែលបញ្ចេញមតិរិះគន់រដ្ឋាភិបាលតែប៉ុណ្ណោះ។

នៅថ្ងៃទី២៨ ខែឧសភា នេះ យុវជន និងពលរដ្ឋខ្មែរដែលរស់នៅប្រទេសជប៉ុន បានប្រកាសធ្វើបាតុកម្មប្រឆាំងដំណើរទស្សនកិច្ចរបស់លោក ហ៊ុន ម៉ាណែត ទៅប្រទេសជប៉ុន នៅថ្ងៃទី១ ខែមិថុនា ឆ្នាំ២០២៥ ខាងមុខនេះ ក្នុងបំណងទាមទារឱ្យដោះលែងអ្នកទោសនយោបាយ អ្នកទោសមនសិការ និងស្ដារប្រជាធិបតេយ្យនៅកម្ពុជាឡើងវិញ។

ជាងនេះទៀត ក៏ដើម្បីទាមទារឱ្យរដ្ឋាភិបាលកម្ពុជា ធ្វើសច្ចាប័នលើច្បាប់សមុទ្រ (UNCLOS) និងប្តឹងករណីកោះគុត និងប្រាសាទតាមាន់ធំទៅកាន់តុលាការអន្តរជាតិផងដែរ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ក្រុមអង្គការសង្គមស៊ីវិលប្រារព្ធទិវាសេរីភាពសារព័ត៌មានពិភពលោក ខណៈសេរីភាពសារព័ត៌មាននៅកម្ពុជាកំពុងប្រឈម

នាយករដ្ឋមន្ត្រីថៃ អះអាងថានឹងប្រើច្បាប់សមុទ្រ UNCLOS ជំនួសអនុស្សរណៈឆ្នាំ២០០១ (MoU44)

ម្តាយភិក្ខុដែលត្រូវចាប់ផ្សឹកដោយសាររិះគន់រដ្ឋាភិបាល អង្វររដ្ឋអំណាចដោះលែងកូនឱ្យមានសេរីភាព

របាយការណ៍បង្ហាញថាស្ថានភាពសិទ្ធិមនុស្សនៅកម្ពុជាឆ្នាំ២០២៥ នៅតែបន្តរឹតត្បិត បើធៀបនឹងឆ្នាំ២០២៤

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន