ព្រះមហាក្សត្រ៖ ការដាំដើមឈើនិងការពារព្រៃឈើ គឺជាការជួយខ្លួនឯងនិងទប់ទល់នឹងការប្រែប្រួលអាកាសធាតុ

ព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី មានព្រះរាជបន្ទូលថា ការដាំដើមឈើ និងការការពារព្រៃឈើ គឺជាការជួយខ្លួនឯង ក៏ដូចជាការបង្កើនធនធានធម្មជាតិដែលមានតម្លៃសម្បូរគ្រប់យ៉ាង និងធានាបានជីវភាពរស់នៅប្រចាំថ្ងៃរបស់ប្រជារាស្ត្រ ដែលអាចទប់ទល់នឹងការប្រែប្រួលអាកាសធាតុ។

ព្រះអង្គមានព្រះរាជបន្ទូលនៅក្នុងព្រះរាជពិធី «រុក្ខទិវា ៩កក្កដា» លើកទី២៩ ដែលធ្វើឡើងនៅកសិដ្ឋានផលិតពូជដំណាំតំបន់ដីខ្ពស់ចម្ការលើ ស្រុកចំការលើ ដោយបានចាត់ទុកពិធី រុក្ខទិវា ជាវប្បធម៌ដ៏ប្រសើរ និងជាចលនាជាតិមួយដ៏សំខាន់ក្នុងកម្មវិធីស្ដារ និងអភិរក្សធម្មជាតិ ជាពិសេសរក្សាការពារព្រៃឈើដែលជាជម្រកដ៏សំខាន់បំផុតរបស់សត្វគ្រប់ប្រភេទ រក្សាទឹក និងជីវចម្រុះទុកជាប្រយោជន៍សម្រាប់មនុស្សគ្រប់ជំនាន់ និងជាការសន្សំបុណ្យកុសលដ៏ធំធេងសម្រាប់មនុស្សជាតិគ្រប់រូប។

ព្រះប្រមុខរដ្ឋបានអំពាវនាវឱ្យបន្តសកម្មភាពដ៏ថ្លៃថ្លាទាំងនេះ ដើម្បីជួយគាំទ្រកិច្ចខិតខំប្រឹងប្រែងរបស់រដ្ឋាភិបាលកម្ពុជា និងដើម្បីជាប្រយោជន៍ដល់ពិភពលោកទាំងមូល។

ព្រះមហាក្សត្របានឧទ្ទិសឱ្យពិធីរុក្ខទិវានេះ ស្ថិតក្នុងបេះដូងរបស់ប្រជារាស្ត្រខ្មែរគ្រប់រូប ហើយក៏ជាចលនាជាតិនៃការរួមសាមគ្គីគ្នាដាំដើមឈើគ្រប់ប្រភេទ ដែលជាមរតកជាតិឱ្យបានគង់វង្សជារៀងរហូត។

ព្រះមហាក្សត្ររំលឹកដល់ព្រះរាជកិច្ចដឹកនាំរបស់ព្រះករុណា ព្រះបរមរតនកោដ្ឋ ដែលផ្ដួចផ្ដើមរៀបចំពិធីរុក្ខទិវា ទៅជាចលនាជាតិ ហើយត្រូវបានប្រារព្ធឡើងជារៀងរាល់ឆ្នាំនៅតាមខេត្តនានាក្នុងសម័យសង្គមរាស្ត្រនិយម ដើម្បីបំផុស និងលើកទឹកចិត្តឱ្យកូនចៅជាទីស្រឡាញ់របស់ព្រះអង្គ ចូលរួមថែរក្សា ការពារព្រៃឈើ និងដាំដើមឈើនៅទូទាំងប្រទេស។

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា បានអះអាងថា គិតត្រឹមឆ្នាំ២០២៥ រដ្ឋបាលព្រៃឈើបណ្ដុះ និងដាំកូនឈើបានជាង ២១លានដើម ខណៈកូនឈើជាច្រើនលានដើមទៀត ត្រូវបានពលរដ្ឋបណ្ដុះ និងដាំផងដែរ ដោយមិនរាប់បញ្ចូលនូវដើមហូបផ្លែ ឬដំណាំឧស្សាហកម្មឡើយ។

ទោះជាបែបនេះក្តី កាលពីឆ្នាំ២០២២ អង្គការគំនិតផ្ដួចផ្ដើមសកលប្រឆាំងនឹងឧក្រិដ្ឋកម្មឆ្លងដែន (Global Initiative Against Transnational Organized Crime) បានចេញសេចក្តីរាយការណ៍ស្រាវជ្រាវមួយពីមែកធាងអំពើខុសច្បាប់ដែលមានរចនាសម្ព័ន្ធកាប់ឈើខុសច្បាប់នៅកម្ពុជា (Branches of Cambodia’s Illegality Structures) ដោយបង្ហាញថា ប្រព័ន្ធការពារគ្នាទៅវិញទៅមកដែលបង្កើតឡើងដោយគ្រួសារអតីតនាយករដ្ឋមន្ត្រី លោក ហ៊ុន សែន ជាមួយក្រុមឧកញ៉ា និងកងកម្លាំងប្រដាប់អាវុធ ធ្វើឱ្យមានវិនាសកម្មព្រៃឈើនៅកម្ពុជាដ៏ធ្ងន់ធ្ងរ៕

ព្រះមហាក្សត្រ៖ ការដាំដើមឈើនិងការពារព្រៃឈើ គឺជាការជួយខ្លួនឯងនិងទប់ទល់នឹងការប្រែប្រួលអាកាសធាតុ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ព្រះមហាក្សត្រខ្មែរទទួលការវះកាត់ព្រះរោគក្រពេញប្រូស្តាតបានដោយជោគជ័យនៅទីក្រុងប៉េកាំង

អ្នកឃ្លាំមើលថាការប្រទានព្រះរាជដំណាក់ពីរឱ្យលោក ហ៊ុន ម៉ាណែត គឺដើម្បីការពារនូវមរតកនិងស្នាដៃព្រះមហាក្សត្រ

នាហ្មឺន មន្ត្រី អ្នករាជការគ្រប់ស្ថាប័ន អបអរថ្វាយព្រះពរខួបព្រះមហាក្សត្រឡើងគ្រងរាជ្យសម្បត្តិ

ព្រះរាជាខ្មែរប្រកាសឱ្យបង្កើតច្បាប់ដកសញ្ជាតិខ្មែរពីកំណើតតាមមេបក្សកាន់អំណាច

អង្គការសមាគមជាច្រើនចាត់ទុកការចាប់ខ្លួនអ្នកកាសែតបរិស្ថានថាជាការគំរាមកំហែងនិងបំបិទសំឡេង

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន