ជីវភាពប្រចាំថ្ងៃនៃក្រុមកូដករក្រុមហ៊ុនណាហ្គាវើលដ៍បីឆ្នាំក្រោយការធ្វើកូដកម្ម និងការចរចាអំពីសិទ្ធិការងារ

បីឆ្នាំក្រោយការចរចាអំពីរឿងសិទ្ធិការងារនៃពលរដ្ឋខ្មែរ ក្រុមកូដករនៃក្រុមហ៊ុនណាហ្គាវើលដ៍ លើកឡើងថា ការធ្វើកូដកម្មទាមទារសិទ្ធិការងារពីក្រុមហ៊ុនណាហ្គាវើលដ៍ មិនទទួលបានដំណោះស្រាយសូម្បីតែមួយករណី ខណៈអំពើគាបសង្កត់បុគ្គលិកក្នុងក្រុមហ៊ុនក៏រឹតតែសាហាវជាងមុន។

សាធារណជនតែងតែសួរថា តើនៅប្រទេសមានច្បាប់ណាមួយក្នុងពិភពលោក ដែលរដ្ឋាភិបាលអនុញ្ញាតឲ្យក្រុមហ៊ុនឯកជនប្រព្រឹត្តបំពានបែបហ្នឹងលើពលរដ្ឋខ្លួន?

សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ ដែលហៅកាត់ថា LRSU ចេញសេចក្តីថ្លែងការណ៍ថា នៅថ្ងៃទី១៨ ខែធ្នូ ឆ្នាំ២០២៤ នេះ គឺជាខួប ៣ឆ្នាំហើយដែលបុគ្គលិកនៃក្រុមហ៊ុនណាហ្គាវើលដ៍ បានចេញមកធ្វើកូដកម្មដើម្បីទាមទារឲ្យការពារសិទ្ធិការងារក្នុងប្រទេសកម្ពុជា។

សេចក្តីថ្លែងការណ៍នេះរៀបរាប់ថា ដោយសារតែគ្មានសហជីពឯករាជ្យ ក្រុមហ៊ុនណាហ្គាវើលដ៍បានធ្វើទុក្ខបុកម្នេញកាន់តែខ្លាំងឡើងៗលើកម្មករនិយោជិតដែលកំពុងបម្រើការងារ ដោយការបង្ខំឱ្យបុគ្គលិកទាំងនោះចុះហត្ថលេខាលើកិច្ចសន្យាការងារថ្មីដែលមានថេរវេលាកំណត់ ទោះជាបុគ្គលិកទាំងនេះមានកិច្ចសន្យាការងារមានថេរវេលាមិនកំណត់ និងបានបម្រើការងារជាយូរឆ្នាំមកហើយក្តី។

ការធ្វើបែបនេះ គឺដើម្បីចៀសផុតពីការផ្តល់ប្រាក់អតីតភាពការងារដល់បុគ្គលិកដែលបានបម្រើការងារយូរឆ្នាំទាំងនោះ ហើយបើពួកគេមិនព្រមចុះកិច្ចសន្យាថ្មីនេះទេ នឹងត្រូវក្រុមហ៊ុនបញ្ឈប់ពីការងារតែម្តង។ លើសពីនេះ ក្រុមហ៊ុនក៏មិនព្រមវេរប្រាក់វិភាគទានដែលខ្លួនបានកាត់ចេញពីប្រាក់ឈ្នួលរបស់សមាជិកសហជីពជារៀងរាល់ខែជាងពីរឆ្នាំមកនោះ ចូលទៅក្នុងគណនីធនាគាររបស់សហជីពថែមទៀត។

ប្រភពដដែលអះអាងថា សព្វថ្ងៃនេះ សមាជិកសហជីពដែលកំពុងបម្រើការងារ ត្រូវបានក្រុមហ៊ុនគំរាមកំហែងមិនឲ្យជួបថ្នាក់ដឹកនាំសហជីពដែលកំពុងធ្វើកូដកម្មតវ៉ាដាច់ខាត ទោះជានៅក្រៅក្រុមហ៊ុន ឬចប់ម៉ោងការងារក៏ដោយ។ ក្រុមហ៊ុនណាហ្គាវើលដ៍ ក៏បានប្រើល្បិចឆែកឆេរទូរសព្ទដៃរបស់បុគ្គលិក ក្រោមលេសថា ដើម្បីស៊ើបអង្កេតករណីសង្ស័យមានកំហុសការងាររបស់បុគ្គលិកផងដែរ ប៉ុន្តែតាមការពិត គឺដើម្បីតាមដានគ្រាន់តែចង់ដឹងថា បុគ្គលិកទាំងនោះបានទាក់ទងជាមួយសហជីព ឬបង្ហោះសារតាមបណ្ដាញសង្គមអំពីការតវ៉ានានារបស់សហជីព ឬក៏អត់តែប៉ុណ្ណោះ។

ប្រភពដដែលបន្តថា សមាជិកសហជីពណាដែលកំពុងធ្វើការនៅក្នុងក្រុមហ៊ុន មានទំនាក់ទំនង ឬជួបជាមួយសហជីពដែលកំពុងធ្វើកូដកម្ម ទោះជានៅក្រៅម៉ោងការងារក៏ដោយ ក៏ត្រូវបានក្រុមហ៊ុនគំរាមបញ្ឈប់ពីការងារដែរ។

ទាក់ទិននឹងបញ្ហានេះ កាលពីថ្ងៃទី១៦ ខែធ្នូ ឆ្នាំ២០២៤ ស្ថានទូតចក្រភពអង់គ្លេសប្រចាំប្រទេសកម្ពុជា សរសេរលើទំព័រហ្វេសប៊ុករបស់ខ្លួនដោយភ្ជាប់រូបថតឯកអគ្គរាជទូតអង់គ្លេស លោក Dominic Williams ជួបជាមួយថ្នាក់ដឹកនាំសហជីពក្នុងស្រុក ដើម្បីពិភាក្សាអំពីស្ថានភាពសិទ្ធិការងារបច្ចុប្បន្ន និងបញ្ហាប្រឈមក្នុងការងារថា ការគោរពសិទ្ធិការងារមានសារសំខាន់ក្នុងការទាក់ទាញការវិនិយោគដែលប្រកបទៅដោយគុណភាព៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

នាយករដ្ឋមន្ត្រីគំរាមមន្ត្រីសមគំនិតលាក់ឧក្រិដ្ឋជនឆបោកអនឡាញ ខណៈអង់គ្លេស ជំរុញឱ្យបង្ក្រាបឱ្យកាន់តែខ្លាំង

អ្នកឃ្លាំមើលថាវិវាទការងារនៅក្រុមហ៊ុនណាហ្គាវើលដ៍គ្មានដំណោះស្រាយ គឺធ្វើឱ្យខូចមុខមាត់ប្រទេសជាតិ

ប្រាក់ឈ្នួលអប្បបរមាសម្រាប់កម្មករកាត់ដេរត្រូវបានកំណត់ត្រឹម ២១០ដុល្លារសម្រាប់ឆ្នាំ២០២៦

សង្គមស៊ីវិលប្រកាសប្រារព្ធទិវាអន្តរជាតិកម្មករបម្រើការងារតាមផ្ទះនៅថ្ងៃអាទិត្យចុងសប្តាហ៍នេះ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន