ជនបរទេស៥៧នាក់រត់ចេញពីកាស៊ីណូអូស្មាច់របស់អ្នកឧកញ៉ា លី យ៉ុងផាត់ ដោយបារម្ភពីការកេងប្រវ័ញ្ចការងារ

ស្នងការខេត្តឧត្ដរមានជ័យ អះអាងថា ករណីជនជាតិប៉ាគីស្ថាន និងណេប៉ាល់ ចំនួន ៥៧នាក់ បាននាំគ្នារត់ចេញពីកាស៊ីណូអូស្មាច់រីសត របស់ឧកញ៉ា លី យ៉ុងផាត់ ក្នុងស្រុកសំរោង ខេត្តឧត្ដរមានជ័យ ប្រដាប់ដោយដំបងឈើ ឆ្ពោះទៅផ្លូវភ្លោះនៃផ្លូវច្រកអន្តរជាតិអូស្មាច់ ដោយសារតែពួកគេបារម្ភពីការកេងប្រវ័ញ្ចការងារ និងមិនបើកប្រាក់ខែឱ្យពួកគេ។

អ្នកនាំពាក្យ និងក្រុមការងារប្រតិកម្មរហ័សនៃស្នងការដ្ឋាននគរបាលខេត្តឧត្ដរមានជ័យ បានចេញសេចក្តីបំភ្លឺព័ត៌មានកាលពីថ្ងៃទី៧ ខែមករា ថា មូលហេតុដែលជនជាតិប៉ាគីស្ថាន ៥៣នាក់ និងណេប៉ាល់ ៤នាក់ បានតវ៉ា និងនាំគ្នាដើរចេញពីក្រុមហ៊ុននេះ ដោយសារតែពួកគេបារម្ភពីការកេងប្រវ័ញ្ចការងារ ហើយមិនបើកប្រាក់ខែឱ្យពួកគេ។

ប្រភពដដែលអះអាងថា ដើមចមដែលនាំឱ្យពួកគេបារម្ភបែបនេះ ដោយសារតែពួកគេបានធ្វើការនៅក្រុមហ៊ុនមួយក្នុងខេត្តព្រះសីហនុ រយៈពេលពី ២-៣ខែហើយ ដោយមិនទទួលបានប្រាក់ខែនោះទេ។ មិនតែប៉ុណ្ណោះ ក្រុមហ៊ុននេះបានបញ្ជូនពួកគាត់ឱ្យមកធ្វើការបន្តនៅក្នុងកាស៊ីណូអូស្មាច់រីសត ខេត្តឧត្ដរមានជ័យ វិញ។

ប្រភពដដែលអះអាងថា មកបំពេញការងារបាន ១០ថ្ងៃនៅកាស៊ីណូអូស្មាច់រីសត នេះ អ្នកគ្រប់គ្រងជនជាតិចិន បានឱ្យពួកគេធ្វើការដោយគ្មានពេលសម្រាកឡើយ។ ក្រោមរូបភាពបែបនេះហើយ ទើបធ្វើឱ្យពួកគេភ័យខ្លាចថា ធ្វើការងារហើយ មិនបានទទួលប្រាក់ខែដូចក្រុមហ៊ុននៅឯខេត្តព្រះសីហនុ ទៀត ទើបពួកគេនាំគ្នាតវ៉ា ហើយដើរចេញពីក្រុមហ៊ុនដោយក្នុងដៃមានកាន់ដំបងឈើ។

ស្នងការខេត្តបញ្ជាក់ថា គោលបំណងនៃការតវ៉ានេះ គឺពួកគេចង់ឱ្យមានពេលឈប់សម្រាកគ្រប់គ្រាន់ ខ្លះចង់បន្តការងារនៅកន្លែងដដែល ខ្លះចង់ទៅធ្វើការនៅក្រុមហ៊ុនក្នុងខេត្តព្រះសីហនុ ហើយខ្លះទៀតចង់ត្រឡប់ទៅប្រទេសកំណើតវិញ។ ក្រោយធ្វើការសាកសួរទៅលើជនបរទេសទាំង ៥៧នាក់នោះរួច ស្នងការនគរបាលខេត្តបានបញ្ជូនពួកគេទៅទីស្នាក់ការនៃអគ្គនាយកដ្ឋានអន្តោប្រវេសន៍ប្រចាំខេត្តសៀមរាប ដើម្បីបន្តនីតិវិធី។

កាលពីល្ងាចថ្ងៃទី៥ មករា មានជនបរទេសជាច្រើននាក់បាននាំគ្នាសម្រុកចេញពីកាស៊ីណូអូស្មាច់រីសត ក្នុងស្រុកសំរោង ខេត្តឧត្ដរមានជ័យ។ ជនបរទេសទាំងនោះដែលមានកាន់ដំបងឈើ និងបំពង់ទីបក្នុងដៃ បាននាំគ្នាសម្រុកចេញពីប្លុកក្រុមហ៊ុនកាស៊ីណូអូស្មាច់រីសត របស់ឧកញ៉ា លី យ៉ុងផាត់ ឆ្ពោះទៅផ្លូវភ្លោះនៃផ្លូវច្រកអន្តរជាតិអូស្មាច់ ទោះបីជាសន្តិសុខបានព្យាយាមរារាំងក៏ដោយ។

អ្នកឧកញ៉ាសញ្ជាតិខ្មែរ-ថៃ លី យ៉ុងផាត់ ដែលត្រូវក្រសួងហិរញ្ញវត្ថុអាមេរិក បានសម្រេចដាក់ទណ្ឌកម្មបង្កកទ្រព្យសម្បត្តិរបស់លោក ដោយសារជាប់ពាក់ព័ន្ធនឹងអំពើជួញដូរមនុស្ស និងពលកម្មដោយបង្ខំក្នុងជំនួញឆបោកតាមអនឡាញ និងរូបិយប័ណ្ណគ្រីបតូ (Crypto Currency) ត្រូវបានរកឃើញថាកំពុងយកស្ថានីយទូរទស្សន៍ ភីអិនអិន (PNN) រកស៊ីបើកលេងល្បែងស៊ីសងតាមអនឡាញ ជាទីតាំងបង្ខាំងមនុស្ស ចាប់ជំរិតមនុស្ស និងចាប់បង្ខំមនុស្សឲ្យរកស៊ីឆបោកតាមប្រព័ន្ធអនឡាញដ៏ធំនៅកម្ពុជា៕

ជនបរទេស៥៧នាក់រត់ចេញពីកាស៊ីណូអូស្មាច់របស់អ្នកឧកញ៉ា លី យ៉ុងផាត់ ដោយបារម្ភពីការកេងប្រវ័ញ្ចការងារ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

កម្ពុជាបណ្ដេញជនបរទេសជិត ១ពាន់នាក់ដែលភាគច្រើនពាក់ព័ន្ធករណីឆបោកតាមប្រព័ន្ធអនឡាញ

អាជ្ញាធរកម្ពុជា បណ្ដេញជនជាតិចិន ៣១៩នាក់ទៀតពាក់ព័ន្ធឧក្រិដ្ឋកម្មឆបោកអនឡាញទៅប្រទេសកំណើតវិញ

កម្ពុជាបណ្តេញជនបរទេស ១០៥៩នាក់ទៅប្រទេសកំណើតវិញ ពាក់ព័ន្ធបទល្មើសឆបោកតាមអនឡាញ

ឧកញ៉ា លី យ៉ុងផាត់ បដិសេធថាគាត់គ្មានទ្រព្យសម្បត្តិនៅស្រុកថៃ ដូចការចោទប្រកាន់នោះទេ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន