រដ្ឋមន្ត្រីការពារជាតិតត្រកូលកម្ពុជាអះអាងថាមូលដ្ឋានយោធារាមមានទាំងទីតាំងបើកចំហនិងបិទបាំង

រដ្ឋមន្ត្រីការពារជាតិកម្ពុជា លើកឡើងថា មូលដ្ឋានយោធារាមរបស់កម្ពុជា មិនមែនចេះតែអនុញ្ញាតឱ្យនាវាបរទេសចូលចត និងធ្វើទស្សនកិច្ចស្រេចនឹងចិត្តនោះទេ ហើយមូលដ្ឋានទ័ពជើងទឹកនេះ ក៏មានទីតាំងបើកចំហ និងទីតាំងសំខាន់ៗសម្រាប់បិទបាំងការពារផងដែរ។

លោក ទៀ សីហា រដ្ឋមន្ត្រីក្រសួងការពារជាតិ បានលើកឡើងនៅក្នុងពិធីបិទសមយុទ្ធនាគមាសឆ្នាំ២០២៥ រវាងកងទ័ពកម្ពុជា-ចិន នៅថ្ងៃទី២៨ ខែឧសភា នេះថា អ្នកដែលចង់ចូលមកមូលដ្ឋានយោធានេះ ត្រូវមានលក្ខខណ្ឌពិសេស និងត្រូវមានលក្ខខណ្ឌនៃកិច្ចសហប្រតិបត្តិការរវាងកងទ័ព និងកងទ័ព ជាដើម ទើបអាចចូលក្នុងមូលដ្ឋានកងទ័ពជើងទឹកនេះបាន។

លោក ទៀ សីហា អះអាងថា ការធ្វើបែបនេះ គឺដើម្បីការពារបូរណភាពទឹកដី ការពារសិទ្ធិរបស់កម្ពុជា ប៉ុន្តែចំណុចនេះបែរជាត្រូវមជ្ឈដ្ឋានអគតិមួយចំនួនចោទប្រកាន់ថា កម្ពុជាបិទបាំងមូលដ្ឋានកងទ័ពជើងទឹករាមទៅវិញ ព្រមទាំងដាក់ការសង្ស័យថាកម្ពុជាមានអាថ៌កំបាំងនៅមូលដ្ឋានកងទ័ពជើងទឹកនេះថែមទៀត។

រដ្ឋមន្ត្រីការពារជាតិតពូជរបស់ខ្មែររូបនេះ បញ្ជាក់ថា ចំពោះករណីមិនអនុញ្ញាតឱ្យនាវាបរទេសចូលចត ឬមកទស្សនាទីតាំងសំខាន់ៗរបស់កងទ័ព មិនមែនមានតែកម្ពុជានោះទេ ខណៈបណ្តាប្រទេសនៅលើពិភពលោក ក៏មានកន្លែងដែលហាមឃាត់កងទ័ពបរទេសមិនឱ្យចូលចត ឬទស្សនាដូចកម្ពុជាដែរ។

កាលពីដើមខែឧសភា ឆ្នាំ២០២៥ មជ្ឈមណ្ឌលសម្រាប់ការសិក្សាអន្តរជាតិ និងយុទ្ធសាស្ត្រ ដែលហៅកាត់ថា CSIS របស់សហរដ្ឋអាមេរិក បានបញ្ចេញរបាយការណ៍មួយដោយអះអាងថា ចិនមានលទ្ធភាពប្រើប្រាស់ផ្ដាច់មុខនូវកន្លែងខ្លះរបស់មូលដ្ឋានកងទ័ពជើងទឹកសមុទ្ររាមរបស់កម្ពុជា បន្ទាប់ពីមានការបើកឲ្យប្រើប្រាស់ជាផ្លូវការកាលពីដើមខែមេសា កន្លងទៅនេះ។

ចំណែកលោក ហ៊ុន ម៉ាណែត បានអះអាងនៅក្នុងពិធីសម្ពោធដាក់ឲ្យប្រើប្រាស់កំពង់ផែរាម កាលពីថ្ងៃទី៥ ខែមេសា ថា រដ្ឋាភិបាលដឹកនាំដោយគណបក្សប្រជាជនកម្ពុជា គ្មានគោលបំណងរំលោភរដ្ឋធម្មនុញ្ញរបស់ខ្លួនតាមរយៈការអនុញ្ញាតឲ្យប្រទេសណាមួយ ឬកងទ័ពណាមួយ មកដាក់មូលដ្ឋានផ្ដាច់មុខនៅលើទឹកដីកម្ពុជានោះឡើយ។

ទាក់ទិននឹងបញ្ហានេះ កាលពីដើមខែកញ្ញា ឆ្នាំ២០២០ កន្លងទៅ រដ្ឋាភិបាលកម្ពុជា បានសម្រេចវាយកម្ទេចអគារមួយក្នុងចំណោមអគារជាច្រើននៅក្នុងមូលដ្ឋានទ័ពរាមដែលសាងសង់ដោយថវិកាជំនួយរបស់សហរដ្ឋអាមេរិក៕

រដ្ឋមន្ត្រីការពារជាតិតត្រកូលកម្ពុជាអះអាងថាមូលដ្ឋានយោធារាមមានទាំងទីតាំងបើកចំហនិងបិទបាំង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន