ក្រុមបក្សប្រឆាំងបន្តទាមទាររកយុត្តិធម៌ឱ្យអ្នកស្លាប់ក្នុងហេតុការណ៍គប់គ្រាប់បែកកាលពី ២៩ឆ្នាំមុននៅមុខរដ្ឋសភាចាស់

គណបក្សប្រឆាំងបន្តទាមទាររកយុត្តិធម៌ឱ្យអ្នកស្លាប់ក្នុងព្រឹត្តិការណ៍គប់គ្រាប់បែកដៃនៅខាងមុខវិមានរដ្ឋសភាចាស់ចូលទៅក្នុងហ្វូងបាតុករ ដែលដឹកនាំដោយលោក សម រង្ស៊ី បន្ទាប់ពីរយៈពេល ២៩ឆ្នាំបានកន្លងផុតទៅ ជនរងគ្រោះនៅមិនទាន់ទទួលបានយុត្តិធម៌នៅឡើយ។

គណបក្សក្រៅរដ្ឋាភិបាលមួយចំនួន ដូចជា គណបក្សឆន្ទៈខ្មែរ គណបក្សភ្លើងទៀន និងគណបក្សកម្លាំងជាតិ បានជួបជុំគ្នាប្រារព្ធពិធីបង្សុកូលនៅស្តូបជនរងគ្រោះ ស្ថិតនៅខាងមុខអតីតរដ្ឋសភា ដើម្បីឧទ្ទិសដល់វិញ្ញាណក្ខន្ធអ្នកដែលស្លាប់ក្នុងហេតុការណ៍ដែលកើតឡើងជិត ៣០ឆ្នាំមុន។

ទីប្រឹក្សាគណបក្សកម្លាំងជាតិ លោក រ៉ុង ឈុន បានប្រាប់ក្រុមអ្នកសារព័ត៌មានថា រដ្ឋាភិបាលកម្ពុជាត្រូវតែលុបបំបាត់និទណ្ឌភាព និងពន្លឿនការស្វែងរកជនដៃដល់ ដើម្បីយកមកដាក់ទោសតាមច្បាប់។

លោកថា ការបន្តឱ្យមាននិទណ្ឌភាព និងភាពអយុត្តិធម៌ក្នុងសង្គម នឹងធ្វើឱ្យកម្ពុជាអាប់ឱនទាំងកិត្តិយស និងទាំងទំនុកចិត្តពីពលរដ្ឋ។

លោក រ៉ុង ឈុន បន្ថែមថា លោកទាមទារឱ្យរដ្ឋាភិបាលបញ្ឈប់ការចាប់ចង ទម្លាក់បទចោទ និងដោះលែងសកម្មជននយោបាយ សកម្មជនបរិស្ថាន និងសហជីពឯទៀត ដើម្បីបង្ហាញទៅអន្តរជាតិថាកម្ពុជាមានការផ្សះផ្សាជាតិ និងឯកភាពជាតិតែមួយ។

គ្រួសារជនរងគ្រោះនៃការគប់គ្រាប់បែកនៅមុខអតីតមន្ទីររដ្ឋសភារាជធានីភ្នំពេញ កាលពីឆ្នាំ១៩៩៧ ទទូចឲ្យសមត្ថកិច្ចស្វែងរកជនដៃដល់ដែលសម្លាប់សាច់ញាតិរបស់ខ្លួនយកមកផ្ដន្ទាទោស ព្រោះរយៈពេល ២៩ឆ្នាំហើយ សមត្ថកិច្ចមិនទាន់ចាប់ខ្លួនជនដៃដល់ណាម្នាក់បាននៅឡើយទេ។

កាលពីថ្ងៃទី៣០ ខែមីនា ឆ្នាំ១៩៩៧ ក្រុមឧក្រិដ្ឋជនគប់គ្រាប់បែកដៃចំនួន ៤គ្រាប់នៅមុខអតីតមន្ទីររដ្ឋសភារាជធានីភ្នំពេញ ទៅលើក្រុមបាតុករដែលកំពុងធ្វើបាតុកម្មអហិង្សា បណ្ដាលឱ្យមនុស្សស្លាប់ចំនួន ១៦នាក់ និងរងរបួសជិត ៥០នាក់ ប៉ុន្តែចាប់តាំងពីឆ្នាំ១៩៩៧ ដល់ឆ្នាំ២០២៦ នេះ អាជ្ញាធររាជធានីភ្នំពេញមិនទាន់វែកមុខរកឃើញឃាតករយកមកផ្ដន្ទាទោសតាមផ្លូវច្បាប់នៅឡើយទេ។

ជុំវិញរឿងនេះ កាលពីថ្ងៃទី២៩ ខែមីនា អង្គការឃ្លាំមើលសិទ្ធិមនុស្សអន្តរជាតិ ជំរុញជាថ្មីទៀតទៅតុលាការបារាំង ឱ្យសហការជាមួយប៉ូលិសអន្តរជាតិអាំងទែរប៉ូល ចេញសំណើឱ្យចាប់ខ្លួនមេអង្គរក្សដ៏មានឥទ្ធិពលពីររូបរបស់អតីតលោកនាយករដ្ឋមន្ត្រី ហ៊ុន សែន គឺលោក ហ៊ុយ ពិសិដ្ឋ និងលោ ហ៊ីង ប៊ុនហៀង ដែលពួកគេជាអ្នកជាប់ពាក់ព័ន្ធរឿងក្ដីគប់គ្រាប់បែកដៃចូលក្រុមបាតុករដែលមានលោក សម រង្ស៊ី ជាអ្នកដឹកនាំកាលពី ២៩ឆ្នាំមុន។

ការជំរុញនេះ បានធ្វើឡើងបន្ទាប់ពីចៅក្រម លោក សាប៊ីន ឃើរីស (Sabine Kheris) ជាអនុប្រធានផ្នែកស៊ើបអង្កេតនៃតុលាការប្រទេសបារាំង បានចេញដីកាកោះហៅលោក ហ៊ុយ ពិសិដ្ឋ និងលោក ហ៊ីង ប៊ុនហៀង កាលពីចុងខែធ្នូ ឆ្នាំ២០២១ កន្លងទៅ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

គណបក្សកម្លាំងជាតិសន្យានឹងស្វែងរកយុត្តិធម៌ជូនលោក ជា វិជ្ជា និងជនរងគ្រោះដទៃទៀតពេលខ្លួនដឹកនាំប្រទេស

ករណីទារុណកម្មលើនិស្សិតជនជាតិកូរ៉េខាងត្បូងដល់ស្លាប់ក្នុងការចាប់បង្ខាំងនៅស្រុកខ្មែរ ផ្អើលនៅកូរ៉េ

ឃាតករបាញ់សម្លាប់លោក លិម គិមយ៉ា ត្រូវតុលាការថៃ កាត់ទោសដាក់ពន្ធនាគារអស់មួយជីវិត

ក្រសួងការពារជាតិថៃ បើកដៃឱ្យកងទ័ពថៃបាញ់សម្លាប់ទាហានកម្ពុជា ដែលគេចោទថាលួចដាក់បង្កៃគ្រាប់បែកក្នុងទឹកដីថៃ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន