ក្រសួងការពារជាតិថៃ បើកដៃឱ្យកងទ័ពថៃបាញ់សម្លាប់ទាហានកម្ពុជា ដែលគេចោទថាលួចដាក់បង្កៃគ្រាប់បែកក្នុងទឹកដីថៃ

អនុរដ្ឋមន្ត្រីការពារជាតិថៃ នាយឧត្ដមសេនីយ៍ ណាតាផុន ណាក់ផានិត (Nattapon Narkphanit) ព្រមានបាញ់សម្លាប់យោធាកម្ពុជា ប្រសិនបើយោធាថៃ ចាប់បានពេលទាហានកម្ពុជា កំពុងដាក់បង្កៃគ្រាប់បែកក្នុងទឹកដីថៃ។

យោងតាមការចេញផ្សាយរបស់កាសែតថៃ The Nation ស្រង់សម្ដីលោក ណាតាផុន ណាក់ផានិត នៅថ្ងៃទី២ កញ្ញា នេះថា ទាហានថៃ នឹងបាញ់សម្លាប់កងទ័ពកម្ពុជា គ្មានការលើកលែងឡើយ បើទាហានថៃ ចាប់បានទាហានកម្ពុជាណាដែលហ៊ានលួចដាក់បង្កៃគ្រាប់បែកនៅលើទឹកដីថៃ។

លោក ណាតាផុន ណាក់ផានិត អះអាងថា លោកបានទទួលរបាយការណ៍ពីកងទ័ពភូមិន្ទថៃ (RTA) ដែលបញ្ជាក់ថាការបង្កៃគ្រាប់បែកដែលផលិតឡើងពីគ្រាប់បែកត្បាល់ ត្រូវបានរកឃើញនៅជិតប្រាសាទតាក្របី កាលពីថ្ងៃអាទិត្យ ទី៣១ ខែសីហា កន្លងទៅនេះ។

អនុរដ្ឋមន្ត្រីការពារជាតិថៃ រូបនេះ បញ្ជាក់ទៅកាន់ពលរដ្ឋថៃ ថា ភាពមិនប្រាកដប្រជានយោបាយរបស់ប្រទេសថៃ បច្ចុប្បន្ន នឹងមិនធ្វើឱ្យសន្តិសុខព្រំដែនជាមួយកម្ពុជា ចុះខ្សោយឡើយ។

កាលពីថ្ងៃទី៧ ខែសីហា ឆ្នាំ២០២៥ កម្ពុជា-ថៃ បានឯកភាពគ្នាក្នុងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (Extraordinary GBC Meeting) នៅប្រទេសម៉ាឡេស៊ី ដោយព្រមព្រៀងគ្នាឱ្យមានបទឈប់បាញ់ ដែលមានលក្ខខណ្ឌចំនួន ១៣ចំណុច។ ក្នុងចំណោមលក្ខខណ្ឌទាំង ១៣ចំណុចនេះ ក៏បានចែងដែរថា ភាគីទាំងពីរបានឯកភាពគ្នាលើបទឈប់បាញ់ ពាក់ព័ន្ធនឹងអាវុធគ្រប់ប្រភេទទាំងអស់ រួមទាំងការវាយប្រហារលើជនស៊ីវិល វត្ថុស៊ីវិល និងគោលដៅយោធានៃភាគីទាំងសងខាង ក្នុងគ្រប់ករណី និងតំបន់ទាំងអស់។

បន្ថែមពីនេះ ភាគីទាំងពីរក៏បានឯកភាពគ្នាចៀសវាងការបាញ់ប្រហារ ការបង្កហេតុ សំដៅទៅលើទីតាំង ឬកងទ័ពរបស់ភាគីម្ខាងទៀត និងបានកំណត់មិនឲ្យភាគីទាំងសងខាងបំពានដាច់ខាត ទោះស្ថិតក្រោមកាលៈទេសៈណាក៏ដោយ។

អ្នកនាំពាក្យក្រសួងការពារជាតិកម្ពុជា អ្នកស្រី ម៉ាលី សុជាតា បានលើកឡើងនៅក្នុងសន្និសីទសារព័ត៌មាននៅថ្ងៃអង្គារនេះថា កងកម្លាំងកម្ពុជាប្ដេជ្ញាយ៉ាងម៉ឺងម៉ាត់នូវការគោរពកិច្ចព្រមព្រៀងបទឈប់បាញ់រវាងកម្ពុជា-ថៃ និងប្រកាន់ខ្ជាប់នូវលក្ខខណ្ឌទាំង ១៣ចំណុចដែលបានចែងក្នុងកិច្ចព្រមព្រៀងនេះផងដែរ។

អ្នកនាំពាក្យក្រសួងការពារជាតិរូបនេះ អះអាងថា ក្នុងនាមជាប្រទេសដែលមានការទទួលខុសត្រូវខ្ពស់ និងស្រឡាញ់សន្តិភាព កម្ពុជាសម្រេចជ្រើសយកការសន្ទនាកិច្ចសហប្រតិបត្តិការដោយមិនទទួលយកការប្រឈមមុខដាក់គ្នា និងជម្លោះដាច់ខាត។

សារព័ត៌មាន The Cambodia Daily នៅមិនទាន់អាចទាក់ទងលោក ប៉ែន បូណា ប្រធានអ្នកនាំពាក្យរាជរដ្ឋាភិបាលកម្ពុជា ដើម្បីសុំការបំភ្លឺជុំវិញបញ្ហានេះបាននៅឡើយទេរហូតដល់ម៉ោងផ្សាយនេះ៕

ក្រសួងការពារជាតិថៃ បើកដៃឱ្យកងទ័ពថៃបាញ់សម្លាប់ទាហានកម្ពុជា ដែលគេចោទថាលួចដាក់បង្កៃគ្រាប់បែកក្នុងទឹកដីថៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន